ന​ദി​ക​ൾ സ്വ​ച്ഛ​മാ​യി ഒ​ഴു​ക​ട്ടെ - ഭാ​ഗം ര​ണ്ട്: ഡെൽറ്റ വർക്സ് എന്ന മഹാത്ഭുതം

1953ൽ ​നോ​ർ​ത്ത് സീ (North Sea) ​പ്ര​ദേ​ശ​ത്തു​ണ്ടാ​യ വെ​ള്ള​പ്പൊ​ക്കം നെ​ത​ർ​ല​ൻ​ഡ്സി​ന്റെ ആ​ധു​നി​ക ച​രി​ത്ര​ത്തി​ലെ ഏ​റ്റ​വും ഭീ​ക​ര​മാ​യ ഒ​ന്നാ​യി​രു​ന്നു. അ​തി​ൽ​നി​ന്നു പാ​ഠം ഉ​ൾ​ക്കൊ​ണ്ട്, ഇ​ത്ത​രം ദു​ര​ന്ത​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ അ​വി​ടെ ന​ട​പ്പാ​ക്കി​യ പ​ദ്ധ​തി​യാ​ണ് ഡെ​ൽ​റ്റ വ​ർ​ക്സ്.

അ​നേ​കം അ​ണ​ക്കെ​ട്ടു​ക​ളു​ടെ​യും, ത​ട​യ​ണ​ക​ളു​ടെ​യും, ജ​ലം ത​ട​ഞ്ഞു നി​ർ​ത്താ​നു​ള്ള മ​റ്റു സം​വി​ധാ​ന​ങ്ങ​ളു​ടെ​യും ശൃം​ഖ​ല​യാ​ണി​ത്. സ​ങ്കീ​ർ​ണ​മാ​യ ഹൈ​ഡ്രോ​ളി​ക് എ​ൻ​ജി​നീ​യ​റി​ങ് സാ​ധ്യ​ത​ക​ൾ ഉ​പ​യോ​ഗി​ച്ച്, പ​ല​വി​ധ പ​ദ്ധ​തി​ക​ളെ കൂ​ട്ടി​യി​ണ​ക്കി നി​ർ​മി​ച്ച, ഡെ​ൽ​റ്റ വ​ർ​ക്സ് ആ​ധു​നി​ക യു​ഗ​ത്തി​ലെ ഏ​ഴു മ​ഹാ​ത്ഭു​ത​ങ്ങ​ളി​ൽ ഒ​ന്നാ​യി ക​രു​ത​പ്പെ​ടു​ന്നു.

യു​നെ​സ്കോ ഹെ​റി​റ്റേ​ജ് സൈ​റ്റാ​യി പ്ര​ഖ്യാ​പി​ച്ചി​ട്ടു​ള്ള പ​ദ്ധ​തി നി​ല​വി​ൽ​വ​ന്ന ശേ​ഷം നെ​ത​ർ​ല​ൻ​ഡ്സി​ൽ വെ​ള്ള​പ്പൊ​ക്ക​ഭീ​ഷ​ണി ഗ​ണ്യ​മാ​യി കു​റ​ഞ്ഞു. ഒ​പ്പം പ​രി​സ്ഥി​തി പ​രി​ര​ക്ഷി​ക്കാ​നും, പ്ര​ദേ​ശ​ത്തി​ന്റെ ത​ന​താ​യ സൗ​ന്ദ​ര്യം വീ​ണ്ടെ​ടു​ക്കാ​നും, സാ​മ്പ​ത്തി​ക നേ​ട്ട​ങ്ങ​ളു​ണ്ടാ​ക്കാ​നും ക​ഴി​ഞ്ഞു.

അ​മേ​രി​ക്ക​യു​ടെ കി​ഴ​ക്കു​തീ​ര​ത്തെ മി​യാ​മി പോ​ലു​ള്ള പ്ര​സി​ദ്ധ ന​ഗ​ര​ങ്ങ​ൾ ഇ​പ്പോ​ൾ സ​മു​ദ്ര​നി​ര​പ്പു​യ​രു​ന്ന​തി​ലു​ള്ള ആ​ശ​ങ്ക​യി​ലാ​ണ്. സ​മു​ദ്ര​ത്തെ തൊ​ട്ടു​രു​മ്മി ഇ​വി​ടെ നി​ർ​മി​ച്ച ആ​ഡം​ബ​ര ഭ​വ​ന​ങ്ങ​ളും, പ്രാ​ന്ത​പ്ര​ദേ​ശ​ങ്ങ​ളും സം​ര​ക്ഷി​ക്കു​ന്ന​തി​ന് ജ​ന​ങ്ങ​ളും, മേ​ധാ​വി​ക​ളും, ന​ഗ​രാ​സൂ​ത്ര​ണ ശി​ൽ​പി​ക​ളു​മൊ​ക്കെ ചേ​ർ​ന്ന് പു​തി​യ പ​ദ്ധ​തി​ക​ൾ​ക്ക്​ രൂ​പം കൊ​ടു​ത്തു​വ​രു​ക​യാ​ണ്.

അ​വി​ടെ​യും പ്ര​തി​വി​ധി പ​ച്ച​പ്പ് കൂ​ട്ടു​ക എ​ന്ന​തു​ത​ന്നെ. ക​ണ്ട​ൽ​കാ​ടു​ക​ൾ, പ​വി​ഴ​പ്പു​റ്റു​ക​ൾ, ഉ​പ്പു​പാ​ട​ങ്ങ​ൾ, ത​ണ്ണീ​ർ​ത്ത​ട​ങ്ങ​ൾ തു​ട​ങ്ങി​യ​വ​യെ​ല്ലാം അ​ത​തു പ്ര​ദേ​ശ​ത്തി​ന്റെ പ്ര​ത്യേ​ക​ത​യ​നു​സ​രി​ച്ച് വ​ള​ർ​ത്തി​ക്കൊ​ണ്ട് ഈ ​പ്ര​തി​സ​ന്ധി​യെ നേ​രി​ടാ​മെ​ന്നാ​ണ്​ മി​യാ​മി മോ​ഡ​ൽ സൂ​ചി​പ്പി​ക്കു​ന്ന​ത്.

ജ​ലം സൃ​ഷ്ടി​ക്കു​ന്ന പ്ര​തി​സ​ന്ധി​ക​ളെ നേ​രി​ടു​ന്ന​തി​ന് ഓ​രോ പ്ര​ദേ​ശ​ത്തി​നും അ​നു​യോ​ജ്യ​മാ​യ പ്ര​തി​വി​ധി​ക​ൾ ക​ണ്ടെ​ത്തേ​ണ്ട​തു​ണ്ട്. ജ​ന​സാ​ന്ദ്ര​ത​യും, ന​ഗ​ര​വ​ത്ക​ര​ണ​വും, ഭൂ​വി​നി​യോ​ഗ​ത്തി​ൽ വ​ന്നി​ട്ടു​ള്ള മാ​റ്റ​ങ്ങ​ളും മൂ​ലം ജ​ല​ക്ഷാ​മ​വും, വെ​ള്ള​പ്പൊ​ക്ക​വു​മൊ​ക്കെ അ​നു​ഭ​വി​ക്കു​ന്ന ചൈ​ന ന​ട​പ്പാ​ക്കി​വ​രു​ന്ന സ്പ​ഞ്ച്​​സി​റ്റി എ​ന്ന ആ​ശ​യം ഇ​പ്പോ​ൾ ലോ​ക​ത്ത് പ​ല​യി​ട​ങ്ങ​ളും പ​രീ​ക്ഷി​ച്ചു വ​രു​ന്നു.

എ​ന്താ​ണീ സ്പ​ഞ്ച്​​സി​റ്റി?

വെ​ള്ള​പ്പൊ​ക്കം ത​ട​യു​ക, പ​രി​സ്ഥി​തി​സം​ര​ക്ഷ​ണം, നീ​രൊ​ഴു​ക്ക് നി​യ​ന്ത്ര​ണം തു​ട​ങ്ങി​യ ല​ക്ഷ്യ​ങ്ങ​ളു​മാ​യി ര​ണ്ടു ദ​ശാ​ബ്ദ​ങ്ങ​ൾ​ക്ക് മു​മ്പ് ചൈ​നീ​സ് ഗ​വേ​ഷ​ക​ർ മു​ന്നോ​ട്ടു​വെ​ച്ച ആ​ശ​യ​മാ​ണ് 'സ്പ​ഞ്ച്​​സി​റ്റി. ന​ഗ​ര​ങ്ങ​ളു​ടെ മേ​ൽ​ത്ത​ട്ട് ഒ​രു​സ്പോ​ഞ്ചി​നു സ​മാ​ന​മാ​ക്കി ജ​ലം വ​ലി​ച്ചെ​ടു​ക്കു​ന്ന​തി​ലൂ​ടെ വെ​ള്ള​ക്കെ​ട്ടും വെ​ള്ള​പ്പൊ​ക്ക​വും ഇ​ല്ലാ​താ​ക്കു​ന്ന​താ​ണ്​ സ്പ​ഞ്ച്സി​റ്റി​ക​ളു​ടെ രൂ​പ​ക​ൽ​പ​ന.

2014ൽ ​ചൈ​നീ​സ്​ ക​മ്യൂ​ണി​സ്റ്റ്പാ​ർ​ട്ടി അം​ഗീ​ക​രി​ച്ച ഈ ​പ​ദ്ധ​തി ഇ​പ്പോ​ൾ പ​ല​യി​ട​ത്തും പ​രീ​ക്ഷ​ണാ​ർ​ഥം ന​ട​പ്പാ​ക്കു​ന്നു​ണ്ട്. കോ​ൺ​ക്രീ​റ്റും, ത​റ​ക്ക​ല്ലു​ക​ളും, കീ​ലു​മൊ​ക്കെ ഉ​പ​യോ​ഗി​ച്ച്​ എ​ത്ര​യും വേ​ഗം ഒ​ഴു​ക്കി​ക്ക​ള​യു​ന്ന​തി​നു​പ​ക​രം വെ​ള്ളം അ​തി​ന്റെ സ്വാ​ഭാ​വി​ക​രീ​തി​യി​ൽ ത​ണ്ണീ​ർ​ത്ത​ട​ങ്ങ​ളി​ലും മ​റ്റും കെ​ട്ടി​ക്കി​ട​ന്ന് പ​തി​യെ ഭൂ​മി​യി​ലേ​ക്ക്​ കി​നി​ഞ്ഞി​റ​ങ്ങു​ന്ന​തി​നു സ​ഹാ​യി​ക്കു​ന്ന​താ​ണ്​ സ്പ​ഞ്ച്​​സി​റ്റി​യു​ടെ അ​ടി​സ്ഥാ​നം.

പാ​ർ​ക്കു​ക​ൾ, തോ​ട്ട​ങ്ങ​ൾ, വൃ​ക്ഷ​ങ്ങ​ൾ​ന​ട്ടു പി​ടി​പ്പി​ച്ച വ​ഴി​യോ​ര​പാ​ത​ക​ൾ എ​ന്നി​വ​യെ​ല്ലാ​മു​ൾ​പ്പെ​ടെ ന​ഗ​ര​ത്തി​ന്റെ ന​ല്ലൊ​രു ഭാ​ഗം പ​ച്ച​പ്പ് നി​ല​നി​ർ​ത്തു​ക​യാ​ണ്​ പ്ര​ധാ​നം.

ഷാ​ങ്ഹാ​യ്, ന്യൂ​യോ​ർ​ക്​ തു​ട​ങ്ങി പ​ല ന​ഗ​ര​ങ്ങ​ളും ഈ ​ആ​ശ​യം ന​ട​പ്പാ​ക്കു​ന്നു​ണ്ട്. അ​ടു​ത്ത കാ​ല​ത്ത്​ വാ​യി​ച്ച ഒ​രു പ്ര​ബ​ന്ധ​ത്തി​ൽ സ്പ​ഞ്ച്സി​റ്റി എ​ന്ന ആ​ശ​യം കൂ​ടു​ത​ൽ വി​പു​ല​മാ​ക്കാ​നു​ള്ള നി​ർ​ദേ​ശ​ങ്ങ​ൾ ക​ണ്ടു, നൂ​ത​ന എ​ൻ​ജി​നീ​യ​റി​ങ് സാ​ധ്യ​ത​ക​ൾ ഉ​പ​യോ​ഗി​ച്ച് ന​ഗ​ര​ത്തി​ലെ പാ​ർ​ക്കു​ക​ൾ, നി​ര​ത്തു​ക​ൾ, മൈ​താ​ന​ങ്ങ​ൾ തു​ട​ങ്ങി ഒ​ഴി​ഞ്ഞു​കി​ട​ക്കു​ന്ന പ്ര​ദേ​ശ​ങ്ങ​ളി​ൽ പൈ​പ്പു​ക​ളു​ടെ​യും, ട​ണ​ലു​ക​ളു​ടെ​യും ഒ​രു ശൃം​ഖ​ല ത​ന്നെ സൃ​ഷ്ടി​ച്ച് നീ​രൊ​ഴു​ക്ക് നി​യ​ന്ത്രി​ക്കു​ക എ​ന്ന ആ​ശ​യ​മാ​യി​രു​ന്നു അ​തി​ൽ മു​ന്നോ​ട്ടു​വെ​ച്ചി​രു​ന്ന​ത്.

സാ​ധി​ക്കു​ന്നി​ട​ത്തൊ​ക്കെ പു​ഴ​ക​ളു​ടെ ത​ണ്ണീ​ർ​ത്ത​ട​ങ്ങ​ളി​ലേ​ക്ക്​ ഈ ​ജ​ല​ധാ​ര​ക​ൾ ഒ​ഴു​ക്കാ​നാ​ണ് ഇ​തി​ലൂ​ടെ ല​ക്ഷ്യ​മി​ടു​ന്ന​ത്. കൂ​ടാ​തെ, പാ​റ​മ​ട​ക​ൾ, ത​ണ്ണീ​ർ​ത്ത​ട​ങ്ങ​ൾ തു​ട​ങ്ങി​യ​വ​യും ഈ ​ശൃം​ഖ​ല​യു​മാ​യി ബ​ന്ധി​പ്പി​ച്ച് അ​വ​യെ​യെ​ല്ലാം ജ​ല​സം​ഭ​ര​ണി​ക​ളാ​ക്കാ​നും നി​ർ​ദേ​ശ​മു​ണ്ട്.

ഉ​പ​യോ​ഗ​ശൂ​ന്യ​മാ​യി ഒ​ഴു​കി​പ്പോ​കു​ന്ന വെ​ള്ളം ഭൂ​ഗ​ർ​ഭ ജ​ല​സം​ഭ​ര​ണി​ക​ളി​ലെ​ത്തി​ക്കു​ക വ​ഴി വ​ര​ൾ​ച്ച ഇ​ല്ലാ​താ​ക്കാ​നും, ഭൂ​ഗ​ർ​ഭ​ജ​ല വി​താ​നം താ​ഴ്ന്നു പോ​കാ​തെ സൂ​ക്ഷി​ക്കാ​നും ക​ഴി​യും. ഇ​ങ്ങ​നെ സം​ഭ​രി​ക്കു​ന്ന ജ​ലം കാ​ർ​ഷി​ക ആ​വ​ശ്യ​ങ്ങ​ൾ​ക്കും, ഗാ​ർ​ഹി​ക ആ​വ​ശ്യ​ങ്ങ​ൾ​ക്കു​മൊ​ക്കെ ഉ​പ​യോ​ഗ​പ്പെ​ടു​ത്താം.

എ​ന്തു​കൊ​ണ്ട്​ ന​മു​ക്കും ന​ട​പ്പാ​ക്കി​ക്കൂ​ടാ?

ചൈ​ന​യി​ലും യു.​എ​സി​ലു​മെ​ല്ലാം പ​ണം ഒ​രു പ​രി​മി​തി​യ​ല്ലാ​ത്ത വി​ധ​ത്തി​ലാ​ണ്​ സ്പ​ഞ്ച്​​സി​റ്റി​ക​ൾ രൂ​പം കൊ​ള്ളു​ന്ന​ത്. അ​തി​ന്​ സ​മാ​ന​പ​ദ്ധ​തി​ക​ൾ ജ​ന​പ​ങ്കാ​ളി​ത്ത​ത്തോ​ടെ ന​ട​പ്പാ​ക്കാ​ൻ ന​മു​ക്കും സാ​ധി​ക്കേ​ണ്ട​താ​ണ്. വ​ഴി​യോ​ര​ങ്ങ​ളി​ൽ വൃ​ക്ഷ​ത്തൈ ന​ട്ടു​പി​ടി​പ്പി​ക്കാ​നു​ള്ള സ​ഹാ​യ​വും അ​നു​മ​തി​യും വീ​ടു​ക​ൾ​ക്കും, ക​ട​ക​ൾ​ക്കും ന​ൽ​കു​ക; പു​ളി, മാ​വ് തു​ട​ങ്ങി​യ വൃ​ക്ഷ​ങ്ങ​ളാ​ണെ​ങ്കി​ൽ ഫ​ല​ങ്ങ​ൾ അ​വ പ​രി​പാ​ലി​ച്ചു വ​ള​ർ​ത്തു​ന്ന​വ​ർ​ക്ക്​ എ​ടു​ക്കാ​നു​ള്ള അ​നു​വാ​ദം കൊ​ടു​ക്കു​ക.

കൂ​ടാ​തെ അ​ത്ത​രം വീ​ടു​ക​ൾ​ക്ക്​ പ്രോ​പ്പ​ർ​ട്ടി ടാ​ക്സി​ൽ ഇ​ള​വ് അ​നു​വ​ദി​ക്കു​ക. ഈ ​നി​ർ​ദേ​ശം ര​ണ്ടു​പ​തി​റ്റാ​ണ്ടു മു​മ്പ് ഞാ​ൻ ചി​ല ഉ​ദ്യോ​ഗ​സ്ഥ​രു​മാ​യി ച​ർ​ച്ച ചെ​യ്ത​താ​ണ്. പ​ക്ഷേ, ഇ​ത്ത​രം പ​ദ്ധ​തി​ക​ൾ ന​ട​പ്പാ​ക്കാ​ൻ പ്രാ​യോ​ഗി​ക പ്ര​ശ്ന​ങ്ങ​ളു​ണ്ടെ​ന്നാ​യി​രു​ന്നു മ​റു​പ​ടി, കാ​ര​ണം- ഇ​തൊ​ക്കെ പ​ല​വ​കു​പ്പു​ക​ളു​ടെ കീ​ഴി​ലെ സം​ഗ​തി​ക​ളാ​ണ് എ​ന്ന​തു​ത​ന്നെ.

ദീ​ർ​ഘ​വീ​ക്ഷ​ണ​ത്തി​ന്റെ അ​ഭാ​വം; വി​വി​ധ പ​ദ്ധ​തി​ക​ളും വ​കു​പ്പു​ക​ളും ത​മ്മി​ലെ ഏ​കോ​പ​ന​മി​ല്ലാ​യ്മ; അ​തു​കൊ​ണ്ടു​ണ്ടാ​കു​ന്ന പാ​ഴ് ചെ​ല​വു​ക​ൾ; അ​തൊ​ക്കെ ത​ന്നെ​യാ​ണ് നാം ​പ​ല​പ്പോ​ഴും നേ​രി​ടു​ന്ന പ്ര​തി​സ​ന്ധി​ക​ൾ. പ​ക്ഷേ അ​ത്ത​രം വി​ഷ​യ​ങ്ങ​ൾ മൂ​ലം അ​മാ​ന്തം വി​ചാ​രി​ക്കു​​മ്പോ​ൾ ഭീ​ഷ​ണി​യി​ലാ​വു​ന്ന​ത്​ നാ​ടി​​ന്റെ പ​ച്ച​പ്പും നി​ല​നി​ൽ​പ്പു​മാ​ണ്.

ന​ഗ​ര​ങ്ങ​ളെ പ​ച്ച​പു​ത​പ്പി​ക്ക​ൽ എ​ന്ന ല​ക്ഷ്യം ന​ട​പ്പാ​ക്കാ​ൻ ആ​ത്മാ​ർ​ഥ​മാ​യി ആ​ഗ്ര​ഹി​ക്കു​ന്നു​വെ​ങ്കി​ൽ അ​തി​നു​ള്ള ഇ​ച്ഛാ​ശ​ക്തി ന​മു​ക്കു​ണ്ടാ​ക​ണം. മാ​റി വ​രു​ന്ന ഭ​ര​ണ​ങ്ങ​ളും, വ​കു​പ്പു​ക​ൾ ത​മ്മി​ലെ അ​ധി​കാ​ര​പ​രി​ധി​ക​ളും, ഉ​ദ്യോ​ഗ​സ്ഥ​രു​ടെ മ​നോ​ഭാ​വ​വു​മൊ​ന്നും അ​തി​ന് ത​ട​സ്സ​മാ​ക​രു​ത്.

പ​രി​സ്ഥി​തി സം​ര​ക്ഷ​ണ​ത്തി​ൽ ഊ​ന്നി​യു​ള്ള വി​ക​സ​നം, ന​ദി​ക​ളെ ക​ട​ന്നാ​ക്ര​മി​ക്കാ​തെ, അ​വ​യു​ടെ സ്വ​ത​ന്ത്ര​മാ​യ ഒ​ഴു​ക്ക് ത​ട​യാ​തെ​യു​ള്ള നി​ർ​മാ​ണ പ്ര​വ​ർ​ത്ത​ന​ങ്ങ​ൾ; അ​തി​ലൂ​ടെ മാ​ത്ര​മെ മ​നു​ഷ്യ​ജ​ന​ത​ക്ക് സു​സ്ഥി​ര​മാ​യ പു​രോ​ഗ​തി കൈ​വ​രി​ക്കാ​നാ​വു​ക​യു​ള്ളൂ.

(അ​വ​സാ​നി​ച്ചു)