എ​ല്ലു​റ​യുന്ന ത​ണു​പ്പി​ൽ അ​യാ​ൾ ജീ​വി​തം ചു​​ട്ടെ​ടു​ക്കു​ന്നു

വ​ട​ക്ക​ൻ ഫ്രാ​ൻ​സി​ലെ ഡ​ൺ​കി​ർ​ക്കി​ൽ ക​ഴി​ഞ്ഞ​യാ​ഴ്​​ച പ​ഴ​യ ഒ​രു റെ​യി​ൽ​പാ​ത​ക്ക​രി​കി​ലാ​യി അ​ഭ​യാ​ർ​ഥി​ക​ൾ ടെൻറ​ടി​ച്ച്​ താ​മ​സി​ക്കാ​നൊ​രു​ങ്ങ​വെ ദ​വാ​ൻ അ​ൻ​വ​ർ മ​ഹ്​​മൂ​ദ്​ മ​റ്റൊ​രു ത​യാ​റെ​ടു​പ്പി​ലാ​യി​രു​ന്നു- ഒ​രു താ​ൽ​ക്കാ​ലി​ക റ​സ്​​റ്റാ​റ​ൻ​റ്​ സ​ജ്ജ​മാ​ക്ക​ൽ. മ​ര ഫ്രെ​യ്​​മി​ൽ ടാ​ർ​പ്പോ​ളി​ൻ വ​ലി​ച്ചു​കെ​ട്ടി ഒ​രു ദി​വ​സം​കൊ​ണ്ട്​ ടെൻറി​നേ​ക്കാ​ൾ അ​ൽ​പം കൂ​ടു​ത​ൽ ഉ​റ​പ്പു​ള്ള ഭോ​ജ​ന​ശാ​ല റെ​ഡി​യാ​ക്കി.

തീ​ർ​ത്തും അ​നി​ശ്ചി​ത​ത്വം നി​റ​ഞ്ഞ അ​വ​സ്​​ഥ​യാ​ണ​വ​രു​ടേ​ത്, ചൊ​വ്വാ​ഴ്​​ച പൊ​ലീ​സു​കാ​രെ​ത്തി ആ​ളു​ക​ളെ ഇ​റ​ക്കി​വി​ട്ടു, അ​വ​രു​ടെ ടെൻറു​ക​ൾ പൊ​ളി​ച്ചു​ക​ള​ഞ്ഞു.

പൊ​ലീ​സ്​ എ​ത്തു​ന്ന​തി​ന്​ മു​മ്പാ​ണ്​ മ​ഹ്​​മൂ​ദു​മാ​യി സം​സാ​രി​ച്ച​ത്. അ​യാ​ൾ​ക്ക്​ 30 ആ​ണ്​ പ്രാ​യം. ഇ​റാ​ഖി കു​ർ​ദി​സ്​​ഥാ​നി​ലെ ഖ​ലാ​ത്​ ദി​സാ സ്വ​ദേ​ശി. റ​സ്​​റ്റാ​റ​ൻ​റ്​ ത​ട്ടി​ക്കൂ​ട്ടി​യ​തും ക​ച്ച​വ​ടം തു​ട​ങ്ങി​യ​തു​മെ​ല്ലാം എ​ന്തി​നാ​ണെ​ന്ന്​ അ​യാ​ൾ പ​റ​ഞ്ഞു. ഉ​ഷ്​​ണ​കാ​ല​ത്തി​‍െൻറ അ​വ​സാ​ന​ം ഫ്രാ​ൻ​സി​ൽ എ​ത്തി​യ വ​കയിൽ​ ക​ട​ത്തു​കാ​ര​ന്​ 1,600 ഫ്രാ​ങ്കാ​ണ്​ ( 2,100 ഡോ​ള​ർ)​ കൊ​ടു​ക്കേ​ണ്ടി​വ​ന്ന​ത്.

'ഇം​ഗ്ല​ണ്ടി​ലേ​ക്ക്​ പോ​കാ​ൻ വ​ഴി ക​ണ്ടെ​ത്താ​നാ​ണ്​ ഞാ​നീ ക​ച്ച​വ​ടം തു​ട​ങ്ങി​യ​ത്​ എ​ന്നാ​ണ്​ തി​ങ്ക​ളാ​ഴ്​​ച ഇ​യാ​ൾ പ​റ​ഞ്ഞ​ത്.

ക​ഴി​ഞ്ഞ​യാ​ഴ്​​ച 29 ആ​ളു​ക​ളു​മാ​യി വ​ന്ന ബോ​ട്ട്​ ബ്രി​ട്ട​നും ഫ്രാ​ൻ​സി​നു​മി​ട​യി​ലെ ക​ട​ലി​ടു​ക്കി​ൽ മ​റി​ഞ്ഞി​രു​ന്നു. ര​ണ്ടേ ര​ണ്ടു​പേ​രാ​ണ്​ ര​ക്ഷ​പ്പെ​ട്ട​ത്. ഇ​ത്ര വ​ലി​യ അ​പാ​യ​സാ​ധ്യ​ത​യു​ള്ള​പ്പോ​ഴാ​ണ്​ ബ്രി​ട്ട​നി​ലേ​ക്ക്​ ക​ട​ക്കാ​ൻ അ​ഭ​യാ​ർ​ഥി​ക​ൾ ശ്ര​മം തു​ട​രു​ന്ന​ത്. സ​മീ​പ​കാ​ല ദു​ര​ന്ത​ത്തി​ന്​ മു​മ്പു​ത​ന്നെ മ​ഹ്​​മൂ​ദി​ന്​ ക​ട​ൽ മു​റി​ച്ചു​ക​ട​ക്കു​ന്ന കാ​ര്യം കേ​ട്ടാ​ൽ പേ​ടി​യാ​ണ്. ഒ​രു മാ​സം മു​മ്പ്​​ ഒ​രു ക​ട​ത്തു​കാ​ര​ന്​ പ​ണം ന​ൽ​കി ബോ​ട്ടി​ലേ​റി ബ്രി​ട്ട​നി​ലേ​ക്ക്​ പോ​കാ​ൻ തീ​രു​മാ​നി​ച്ചി​രു​ന്ന​താ​ണ്. പ​ക്ഷേ, 47 പേ​ർ ക​യ​റി​യ ബോ​ട്ടി​ലാ​ണ്​ താ​നും ക​യ​റി​പ്പ​റ്റേ​ണ്ട​ത്​ എ​ന്നു കേ​ട്ട​പ്പോ​ൾ മ​ന​സ്സു​മു​ട്ടി- 'എ​നി​ക്ക്​ പേ​ടി​യാ​ണെ​ന്ന്​ തു​റ​ന്നു പ​റ​ഞ്ഞ​പ്പോ​ൾ അ​യാ​ൾ അ​ടി​ക്കു​ക​യും എ​‍െൻറ ഫോ​ൺ പൊ​ട്ടി​ച്ചു ക​ള​യു​ക​യും ചെ​യ്​​തു- ഞാ​ൻ പൊ​ലീ​സി​ൽ വി​ളി​ച്ച​റി​യി​ക്കി​ല്ലെ​ന്ന്​ ഉ​റ​പ്പാ​ക്കാ​ൻ'.

റ​സ്​​റ്റാ​റ​ൻ​റ്​ ന​ട​ത്തി കി​ട്ടു​ന്ന പ​ണം​കൊ​ണ്ട്​ കു​റ​ച്ചു പേ​ർ മാ​ത്ര​മു​ള്ള ഒ​രു ബോ​ട്ടി​ൽ ക​യ​റി​യോ അ​ത​ല്ലെ​ങ്കി​ൽ ക​ട​ൽ​മാ​ർ​ഗം ഒ​ഴി​വാ​ക്കി ട്ര​ക്കി​ൽ ക​യ​റി​യോ മ​റു​ക​ര പ​റ്റാ​നാ​കു​മെ​ന്ന്​ അ​യാ​ൾ ക​ണ​ക്കു​കൂ​ട്ടി. നി​യ​ന്ത്ര​ണ​ങ്ങ​ളും പ​രി​ശോ​ധ​ന​യു​മെ​ല്ലാം വ​ർ​ധി​ച്ച സാ​ഹ​ച​ര്യ​ത്തി​ൽ ട്ര​ക്കി​ൽ ഒ​ളി​ച്ച്​ ക​ട​ല​തി​ർ​ത്തി ക​ട​ക്കു​ന്ന​ത്​ ഇ​പ്പോ​ൾ അ​ത്യ​പൂ​ർ​വ​മാ​ണ്.

ക​രു​ത​ൽ കൂ​ടു​ത​ൽ വേ​ണ്ട വ​ഴി​ക​ളാ​കു​േ​മ്പാ​ൾ കാ​ശും കൂ​ടും. ട്ര​ക്കി​ലേ​റി ഇം​ഗ്ല​ണ്ടി​ലേ​ക്ക്​ ക​ട​ക്കാ​ൻ 4000 ഫ്രാ​ങ്ക്​ ചെ​ല​വു​ണ്ട്. ബോ​ട്ട്​ യാ​ത്ര​യാ​ണെ​ങ്കി​ൽ 2,500-3,000 ഫ്രാ​ങ്കി​ൽ സാ​ധി​ക്കും.

ദി​വ​സേ​ന 40-70 ഫ്രാ​ങ്ക്​ വ​രു​മാ​ന​മു​ണ്ട്​ മ​ഹ്​​മൂ​ദി​ന്. 25 ​ഫ്രാ​ങ്ക്​ വീ​തം ന​ൽ​കി ര​ണ്ടു​ ജോ​ലി​ക്കാ​രെ​യും വെ​ച്ചി​ട്ടു​ണ്ട്. അ​വ​രും ബ്രി​ട്ട​നി​ലേ​ക്ക്​ പോ​കാ​ൻ പ​ണം സ്വ​രു​ക്കൂ​ട്ടു​ന്ന​വ​രാ​ണ്.

തി​ങ്ക​ളാ​ഴ്​​ച ഉ​ച്ച​ക്ക്​ കോ​ഴി​ക്ക​ര​ളും ത​ക്കാ​ളി​യും ഉ​ള്ളി​യും അ​രി​ഞ്ഞി​ട്ട്​ ബാ​ഗ​റ്റു​ക​ളി​ൽ നി​റ​ച്ച സാ​ൻ​ഡ്​​വി​ച്ചാ​ണ്​ ത​യാ​റാ​ക്കി​യ​ത്. ഇ​റാ​നി​ലെ പി​റാ​ഷാ​ർ സ്വ​ദേ​ശി​യാ​യ ഉ​സ്​​മാ​ൻ എ​ന്ന​യാ​ൾ പ​റ​ഞ്ഞ​ത്​ ക​ഴി​ഞ്ഞ വ​ർ​ഷം നാ​ടു​വി​ട്ട​തി​ൽ പി​ന്നെ താ​നീ ഭ​ക്ഷ​ണം ക​ഴി​ച്ചി​ട്ടി​ല്ല​യെ​ന്നാ​ണ്. പ്രി​യ​പ്പെ​ട്ട വി​ഭ​വ​മൊ​ന്നു​മ​ല്ലെ​ങ്കി​ലും ഉ​സ്​​മാ​ന്​ ഇ​ത്​ ഇ​ഷ്​​ട​മാ​ണ്. ദേ​ശീ​യ ഭ​ക്ഷ​ണം എ​ന്ന നി​ല​യി​ൽ ക്യാ​മ്പി​ൽ കി​ട്ടാ​വു​ന്ന ഏ​റ്റ​വും ന​ല്ല സാ​ൻ​ഡ്​​വി​ച്ചാ​ണി​തെ​ന്നും അ​യാ​ൾ പ​റ​യു​ന്നു.

ഇ​റാ​ഖി​ൽ​നി​ന്നു​ള്ള മു​ഹ​മ്മ​ദ്​ ഹു​സൈ​നി​ക്ക്​ ഇ​ത്​ ഒ​രു ശ​രാ​ശ​രി സാ​ൻ​ഡ്​​വി​ച്ച്​ മാ​ത്ര​മാ​യേ തോ​ന്നി​യി​ട്ടു​ള്ളൂ. ഫ്രാ​ൻ​സി​ലേ​ക്ക്​ വ​രു​ന്ന​തി​ന്​ മു​മ്പ്​ മൂ​ന്നു വ​ർ​ഷം തു​ർ​ക്കി​യി​ൽ കൊ​ല്ല​പ്പ​ണി ചെ​യ്​​തി​രു​ന്ന വേ​ള​യി​ലാ​ണ്​ ഇ​തി​ന്​ മു​മ്പ്​​ കോ​ഴി​ക്ക​ര​ൾ ഇ​തു​പോ​ലെ പാ​ച​കം ചെ​യ്​​ത​ത്​ ക​ഴി​ച്ചി​രി​ക്കു​ന്ന​ത്.

രാ​ത്രി പാ​ച​ക​മെ​ല്ലാം അ​വ​സാ​നി​പ്പി​ക്കു​േ​മ്പാ​ൾ ഒ​രാ​ൾ​ക്ക്​ മാ​ത്രം കി​ട​ക്കാ​നി​ട​മു​ള്ള ടെൻറി​നു​ള്ളി​ൽ മ​ഹ്​​മൂ​ദ്​ തീ ​ക​ത്തി​ച്ച്​ അ​വി​ടെ​യി​രു​ന്ന്​ സി​നി​മ​ക​ൾ കാ​ണും. അ​പ​ക​ടം പി​ടി​ച്ച പ​ണി​യാ​ണെ​ങ്കി​ലും വേ​റെ വ​ഴി​യി​ല്ല. ത​ണു​ത്തു​റ​ഞ്ഞു പോ​വു​ക​യാ​ണ്. ടെൻറി​‍െൻറ ചു​റ്റു​മു​ള്ള നി​ലം ച​ളി​ഞ്ഞി​രി​ക്കു​ന്നു, ഷൂ​സ്​ ന​ന​ഞ്ഞ്​ കു​തി​ർ​ന്നു​പോ​കു​ന്നു.

ക്യാ​മ്പി​‍െൻറ പ​രി​സ​ര​മാ​കെ വി​ഷ​പ്പു​ക മ​ണ​മാ​ണ്. ആ​ളു​ക​ൾ ത​ണു​പ്പ​ക​റ്റാ​ൻ പ്ലാ​സ്​​റ്റി​ക്കും കൂ​ടു​ക​ളു​മെ​ല്ലാം കൂ​ട്ടി​യി​ട്ട്​ ക​ത്തി​ക്കു​ന്ന​തി​‍െൻറ പ​രി​ണ​തി. എ​ല്ലാ​വ​രും അ​വ​ര​വ​രു​ടെ വീ​ടു​ക​ളി​ൽ​ നെ​രി​പ്പോ​ടി​ന​രി​കി​ലി​രു​ന്ന്​ തീ ​കാ​യു​ന്നു- ഞ​ങ്ങ​ളീ പ്ലാ​സ്​​റ്റി​ക്​ വി​രി​ക്ക്​ താ​ഴെ​യും- അ​യാ​ൾ പ​റ​ഞ്ഞു.

കാ​ലി​ന്​ പ​രി​ക്കു​പ​റ്റി​യി​ട്ടു​ള്ള​തി​നാ​ൽ മ​ഹ്​​മൂ​ദി​ന്​ ത​ണു​പ്പ്​ വ​ലി​യ പ്ര​ശ്​​ന​മാ​ണ്. 10 വ​ർ​ഷം മു​മ്പ്​​ പ്ര​വി​ശ്യ ഭ​ര​ണ​കൂ​ട​ത്തി​നെ​തി​രാ​യ പ്ര​തി​ഷേ​ധ​ത്തി​ൽ പ​​ങ്കെ​ടു​ത്ത​തി​ന്​ പൊ​ലീ​സ്​ പി​ടി​ച്ചു​കൊ​ണ്ടു​പോ​യി ആ​റു മാ​സം ജ​യി​ലി​ലി​ട്ട്​ കാ​ര്യ​മാ​യി മ​ർ​ദി​ച്ചി​രു​ന്നു. കാ​ൽ മു​റി​ച്ചു​മാ​റ്റേ​ണ്ടി വ​രു​മെ​ന്നാ​ണ്​ അ​ന്ന്​ ഡോ​ക്​​ട​ർ​മാ​ർ പ​റ​ഞ്ഞി​രു​ന്ന​ത്.

2015ലെ ​ക​ടു​ത്ത അ​ടി​ച്ച​മ​ർ​ത്ത​ലു​ക​ൾ​ക്കി​ട​യി​ൽ നാ​ടു​വി​​ട്ടോ​ടാ​ൻ ത​ന്നെ തീ​രു​മാ​നി​ച്ചു. സ്വീ​ഡ​നി​ൽ താ​മ​സി​ക്കു​ന്ന പെ​ങ്ങ​ളു​ടെ​യ​ടു​ത്തേ​ക്കാ​ണ്​ പോ​യ​ത്. പ​ക്ഷേ, ആ​റു മാ​സം കാ​ത്തി​രു​ന്നെ​ങ്കി​ലും അ​ഭ​യം ന​ൽ​ക​ണ​മെ​ന്ന അ​പേ​ക്ഷ നി​ര​സി​ക്ക​പ്പെ​ട്ടു.

അ​വി​ടെ ഒ​രു കു​ർ​ദി​ഷ്​ റ​സ്​​റ്റാ​റ​ൻ​റി​ൽ ജോ​ലി​ചെ​യ്​​ത കാ​ല​ത്താ​ണ്​ പാ​ച​കം വ​ശ​മാ​കു​ന്ന​ത്.. അ​വി​ടെ ക​ബാ​ബും പ​ര​ന്ന റൊ​ട്ടി​ക​ളും ഉ​ണ്ടാ​ക്കു​ന്ന​തി​ൽ വി​ദ​ഗ്​​ധ​നാ​യി മാ​റി. 800 റൊ​ട്ടി​ക​ൾ വ​രെ ത​നി​ച്ചു നി​ന്നു​ണ്ടാ​ക്കു​മാ​യി​രു​ന്നു.

ഒ​രു സ്​​ഥി​രം ഭോ​ജ​ന​ശാ​ല തു​റ​ക്കു​ക​യാ​ണ്​ മ​ഹ്​​മൂ​ദി​‍െൻറ മ​ന​സ്സി​ലെ ചി​ന്ത. ബ്രി​ട്ട​നാ​ണ്​ പ​റ്റി​യ സ്​​ഥ​ല​മെ​ന്നാ​ണ്​ ക​രു​തു​ന്ന​ത്, പ​ക്ഷേ, അ​ങ്ങ​െ​ന നി​ർ​ബ​ന്ധ​മൊ​ന്നു​മി​ല്ല.

'എ​നി​ക്കെ​ല്ലാം ഒ​രു പോ​ലെ​യാ​ണ്. ഫ്രാ​ൻ​സോ ബ്രി​ട്ട​നോ ജ​ർ​മ​നി​യോ ബെ​ൽ​ജി​യ​മോ ഏ​തു​മാ​ക​​ട്ടെ- ഒ​രു പു​തു ജീ​വി​തം തു​ട​ങ്ങാ​നാ​ണ്​ ഞാ​ൻ വ​ന്ന​ത്'.

ടെൻറു​ക​ൾ ഒ​ഴി​പ്പി​ക്ക​പ്പെ​ട്ട​ശേ​ഷം മ​ഹ്​​മൂ​ദു​മാ​യി ഫോ​ണി​ൽ സം​സാ​രി​ക്കാ​ൻ ശ്ര​മി​ച്ചു, പ​ക്ഷേ പരിധിക്ക്​ പുറത്തായിരുന്നു.

•