ല​ക്ഷാ​ർ​ച്ച​ന​യു​ടെ സ്വ​ർ​ണ​കാ​ന്തി​യോ​ടെ...

അ​ടു​ത്തി​ടെ ലോ​ക സി​നി​മ​യു​ടെ ഭൂ​പ​ട​ത്തി​ൽ ഇ​ന്ത്യ​യു​ടെ സം​ഭാ​വ​ന​യാ​യി സ്ഥാ​നം പി​ടി​ച്ച ര​ണ്ട് ബ്ര​ഹ്മാ​ണ്ഡ​ചി​ത്ര​ങ്ങ​ളാ​യി​രു​ന്നു ബാ​ഹു​ബ​ലി​യും ആ​ർ.​ആ​ർ.​ആ​റും.

തെ​ലു​ഗു​ഭാ​ഷ​യി​ൽ നി​ർ​മി​ക്ക​പ്പെ​ടു​ക​യും മ​ല​യാ​ള​മ​ട​ക്ക​മു​ള്ള ഇ​ന്ത്യ​യി​ലെ എ​ല്ലാ ഭാ​ഷ​ക​ളി​ലും അ​ത്ഭു​ത​ക​ര​മാ​യ ഉ​ജ്ജ്വ​ല​വി​ജ​യം ക​ര​സ്ഥ​മാ​ക്കു​ക​യും ചെ​യ്ത ഈ ​സി​നി​മ​ക​ൾ​ക്ക് സം​ഭാ​ഷ​ണ​ങ്ങ​ളും ഗാ​ന​ങ്ങ​ളു​മെ​ഴു​തി മ​നോ​ഹ​ര​മാ​യി അ​ണി​യി​ച്ചൊ​രു​ക്കി​യ​ത് മ​ല​യാ​ളി​ക​ളു​ടെ പ്രി​യ​പ്പെ​ട്ട മ​ങ്കൊ​മ്പ് ഗോ​പാ​ല​കൃ​ഷ്ണ​നാ​യി​രു​ന്നു. അ​ഭ​യ​ദേ​വി​നു​ശേ​ഷം നൂ​റു​ക​ണ​ക്കി​ന് തെ​ലു​ങ്ക്, ത​മി​ഴ് ചി​ത്ര​ങ്ങ​ൾ​ക്ക് മ​ല​യാ​ള​ത്തി​ൽ സം​ഭാ​ഷ​ണ​ങ്ങ​ളും ഗാ​ന​ങ്ങ​ളും എ​ഴു​തി വി​സ്‍മ​യി​പ്പി​ച്ച ആ ​പ്ര​തി​ഭാ​ധ​ന​ൻ ഓ​ർ​മ​യാ​യി​രി​ക്കു​ന്നു.

ത​ക​ഴി ശി​വ​ശ​ങ്ക​ര​പ്പി​ള്ള​യു​ടെ ഇ​തി​ഹാ​സ ഭൂ​മി​ക​യാ​യ കു​ട്ട​നാ​ട്ടി​ൽ​നി​ന്നാ​ണ് ‘വി​മോ​ച​ന​സ​മ​രം’ എ​ന്ന ചി​ത്ര​ത്തി​ൽ പാ​ട്ടെ​ഴു​തി​ക്കൊ​ണ്ട് മ​ങ്കൊ​മ്പ് ഗോ​പാ​ല​കൃ​ഷ്ണ​ൻ ച​ല​ച്ചി​ത്ര​ലോ​ക​ത്തേ​ക്ക് ക​ട​ന്നു​വ​രു​ന്ന​ത്.

പി​ന്നീ​ട് പ്ര​തി​ദ്ധ്വ​നി, പൊ​ലീ​സ് അ​റി​യ​രു​ത്, സൗ​ന്ദ​ര്യ​പൂ​ജ തു​ട​ങ്ങി​യ ചി​ത്ര​ങ്ങ​ളി​ൽ ഗാ​ന​ങ്ങ​ൾ എ​ഴു​തി​യെ​ങ്കി​ലും ഈ ​ഗാ​ന​ര​ച​യി​താ​വി​നെ മ​ല​യാ​ള ച​ല​ച്ചി​ത്ര​വേ​ദി തി​രി​ച്ച​റി​യു​ന്ന​ത് ഹ​രി​ഹ​ര​ൻ സം​വി​ധാ​നം ചെ​യ്ത ‘അ​യ​ല​ത്തെ സു​ന്ദ​രി’ എ​ന്ന ചി​ത്ര​ത്തി​ലെ ‘ല​ക്ഷാ​ർ​ച്ച​ന ക​ണ്ടു മ​ട​ങ്ങു​മ്പോ​ളൊ​രു ല​ജ്ജ​യി​ൽ മു​ങ്ങി​യ മു​ഖം ക​ണ്ടു’ എ​ന്ന ഗാ​ന​ത്തോ​ടെ​യാ​ണ്.

ത​മി​ഴ് ച​ല​ച്ചി​ത്ര​വേ​ദി​യി​ൽ ശ്ര​ദ്ധേ​യ​രാ​യ ശ​ങ്ക​ർ -ഗ​ണേ​ഷ്മാ​ർ സം​ഗീ​ത​സം​വി​ധാ​നം നി​ർ​വ​ഹി​ച്ച ‘അ​യ​ല​ത്തെ സു​ന്ദ​രി’​യി​ലെ എ​ല്ലാ ഗാ​ന​ങ്ങ​ളും സൂ​പ്പ​ർ​ഹി​റ്റു​ക​ളാ​യി​രു​ന്നു. തു​ട​ർ​ന്നു​വ​ന്ന ഹ​രി​ഹ​ര​ന്റെ ലൗ ​മാ​രേ​ജ്, ബാ​ബു​മോ​ൻ, തെ​മ്മാ​ടി വേ​ല​പ്പ​ൻ, സു​ജാ​ത തു​ട​ങ്ങി​യ ചി​ത്ര​ങ്ങ​ളി​ലെ​ല്ലാം അ​ദ്ദേ​ഹ​ത്തി​ന്റെ ഹി​റ്റു​ഗാ​ന​ങ്ങ​ൾ മു​ഴ​ങ്ങി. മ​ങ്കൊ​മ്പി​ന്റെ ഗാ​ന​ങ്ങ​ൾ​ക്ക് ഏ​റ്റ​വു​മ​ധി​കം സം​ഗീ​തം പ​ക​ർ​ന്ന​ത് എം.​എ​സ്. വി​ശ്വ​നാ​ഥ​നാ​ണ്. ഹ​രി​ഹ​ര​ൻ സം​വി​ധാ​നം ചെ​യ്ത ‘പൂ​മ​ഠ​ത്തെ പെ​ണ്ണ്’ എ​ന്ന ചി​ത്ര​ത്തി​ന്റെ നി​ർ​മാ​താ​വും മ​ങ്കൊ​മ്പ് ഗോ​പാ​ല​കൃ​ഷ്ണ​നാ​യി​രു​ന്നു. സ്വ​ർ​ണ​വി​ഗ്ര​ഹം, കേ​ളി​കൊ​ട്ട് തു​ട​ങ്ങി 6 ചി​ത്ര​ങ്ങ​ൾ​ക്ക് ഇ​ദ്ദേ​ഹം ക​ഥ എ​ഴു​തി​യി​ട്ടു​ണ്ട്. ഇ​ന്ത്യ​ൻ സം​ഗീ​ത​ലോ​ക​ത്തെ അ​സാ​ധാ​ര​ണ പ്ര​തി​ഭ​യാ​യ ര​വീ​ന്ദ്ര ജെ​യി​ൻ മ​ല​യാ​ള​ത്തി​ൽ ആ​ദ്യ​മാ​യി സം​ഗീ​ത​സം​വി​ധാ​നം നി​ർ​വ​ഹി​ച്ച ‘സു​ജാ​ത’ എ​ന്ന ചി​ത്ര​ത്തി​ലെ മ​നോ​ഹ​ര​മാ​യ പാ​ട്ടു​ക​ൾ എ​ഴു​താ​ൻ ഭാ​ഗ്യ​മു​ണ്ടാ​യ​ത് മ​ങ്കൊ​മ്പ് ഗോ​പാ​ല​കൃ​ഷ്ണ​നാ​യി​രു​ന്നു.

അ​ടു​ത്തി​ടെ ഓ​സ്ക​ർ അ​വാ​ർ​ഡ് ല​ഭി​ച്ച ‘ആ​ർ.​ആ​ർ.​ആ​ർ’ എ​ന്ന മൊ​ഴി​മാ​റ്റ ചി​ത്ര​ത്തി​ലെ ‘ക​രി​ന്തോ​ല് സം​ഘ​മാ​കെ...’ എ​ന്ന നൃ​ത്ത​ച്ചു​വ​ടു​കൊ​ണ്ട് ലോ​ക​ത്തെ​ത​ന്നെ വി​സ്മ​യി​പ്പി​ച്ച ഗാ​ന​ത്തി​ന്റെ വ​രി​ക​ൾ എ​ഴു​താ​നും അ​ദ്ദേ​ഹ​ത്തി​ന് നി​യോ​ഗ​മു​ണ്ടാ​യി.

കു​റ​ച്ചു​കാ​ല​മാ​യി തെ​ലു​ഗു ഭാ​ഷ​യി​ൽ​നി​ന്ന് മ​ല​യാ​ള​ത്തി​ലേ​ക്ക് മൊ​ഴി​മാ​റ്റം ചെ​യ്യ​പ്പെ​ടു​ന്ന ചി​ത്ര​ങ്ങ​ൾ​ക്ക് വേ​ണ്ടി​യു​ള്ള സം​ഭാ​ഷ​ണ​ങ്ങ​ളും ഗാ​ന​ങ്ങ​ളു​മെ​ഴു​തു​ന്ന തി​ര​ക്കി​ൽ മ​ല​യാ​ള​ത്തി​ന്റെ മ​ണ​മു​ള്ള ഗാ​ന​ങ്ങ​ൾ ഈ ​അ​നു​ഗൃ​ഹീ​ത ക​വി​യി​ൽ​നി​ന്ന് മ​ല​യാ​ള ഭാ​ഷ​ക്ക് ല​ഭി​ച്ചി​രു​ന്നി​ല്ല.

മ​ങ്കൊ​മ്പ് ഗോ​പാ​ല​കൃ​ഷ്ണ​ൻ ഗാ​ന​ര​ച​നാ രം​ഗ​ത്തെ​ത്തി​യ​തി​ന്റെ സു​വ​ർ​ണ​ജൂ​ബി​ലി ആ​ഘോ​ഷ​ങ്ങ​ൾ 2025 മാ​ർ​ച്ച് 29ന് ​ചെ​ന്നൈ​യി​ലെ ‘ദ​ക്ഷി​ണ’ എ​ന്ന ക​ലാ സം​സ്കാ​രി​ക സം​ഘ​ട​ന വി​പു​ല​മാ​യി ആ​ഘോ​ഷി​ക്കു​വാ​ൻ തീ​രു​മാ​നി​ച്ചി​രി​ക്കു​ക​യാ​യി​രു​ന്നു. എ​ന്നാ​ൽ, ഈ ​ആ​ദ​ര​വ് ഏ​റ്റു​വാ​ങ്ങാ​ൻ നി​ൽ​ക്കാ​തെ അ​ദ്ദേ​ഹം മ​ട​ങ്ങി​യി​രി​ക്കു​ന്നു. അ​ഞ്ഞൂ​റി​ല​ധി​കം ച​ല​ച്ചി​ത്ര ഗാ​ന​ങ്ങ​ളി​ലൂ​ടെ മ​ല​യാ​ള സി​നി​മ​യു​ടെ സം​ഗീ​ത​ധാ​ര​യെ ല​ക്ഷാ​ർ​ച്ച​ന​യു​ടെ സ്വ​ർ​ണ​കാ​ന്തി​കൊ​ണ്ട് പ്ര​കാ​ശ​പൂ​രി​ത​മാ​ക്കി​യ മ​​ങ്കൊ​മ്പ് ഇ​ട​നെ​ഞ്ചി​ലെ ഒ​രു ഈ​ണ​മാ​യി എ​ന്നും സം​ഗീ​താ​സ്വാ​ദ​ക​രു​ടെ മ​ന​സ്സി​ലു​ണ്ടാ​വും.