വിദേശത്ത്​ എത്ര പ്രവാസി മലയാളികളുണ്ട്​? ഉത്തരം കാക്കത്തൊള്ളായിരം

ലോ​ക​ത്തെ മ​ല​യാ​ളി പ്ര​വാ​സി​ക​ളു​ടെ കൃ​ത്യ​മാ​യ വി​വ​രം സ​ർ​ക്കാ​റു​ക​ളു​ടെ പ​ക്ക​ൽ ഇ​ല്ലെ​ന്ന​താ​ണ് യാ​ഥാ​ർ​ഥ്യം. വി​ദേ​ശ​ത്ത്​ കോ​വി​ഡ് ബാ​ധി​ച്ച്​ മ​രി​ച്ച മ​ല​യാ​ളി​ക​ളു​ടെ എ​ണ്ണ​മെ​ത്രെ എ​ന്നു ചോ​ദി​ച്ചാ​ൽ ഇ​ന്ത്യ​ൻ ന​യ​ത​ന്ത്ര കാ​ര്യാ​ല​യ​ങ്ങ​ളും സ​ർ​ക്കാ​റു​ക​ളും മാ​ന​ത്തു​നോ​ക്കും. ജീ​വി​ച്ചി​രി​ക്കു​ന്ന​വ​രു​ടെ ക​ണ​ക്ക്​ കൃ​ത്യ​മാ​യി സൂ​ക്ഷി​ക്കാ​ത്ത​വ​രു​ടെ കൈ​യി​ലു​ണ്ടാ​ക​ു​മോ മ​രി​ച്ച​വ​രു​ടെ ക​ണ​ക്ക്. 

സ്​​ത്രീ​ക​ളും വി​ദ്യാ​ർ​ഥി​ക​ളും ക​ള​ത്തി​നു​പു​റ​ത്ത്

സ​െൻറ​ർ ഫോ​ർ ​െഡ​വ​ല​പ്മ​െൻറ് സ്​​റ്റ​ഡീ​സ് (സി.​ഡി.​എ​സ്) ആ​ണ് പ്ര​വാ​സി​ക​ളു​ടെ വി​വ​ര​ശേ​ഖ​ര​ണം എ​ന്ന ശ്ര​മ​ക​ര​മാ​യ ദൗ​ത്യം ന​ട​ത്തു​ന്ന​ത്. അ​വ​രു​ടെ ഡേ​റ്റ​യാ​ക​​ട്ടെ, അ​പൂ​ർ​ണ​മാ​ണ്. യൂ​റോ​പ്പി​ലേ​ത​ട​ക്കം ലോ​ക​ത്തെ പ​ല രാ​ജ്യ​ങ്ങ​ളി​ലെ​യും പ്ര​വാ​സി​ക​ളു​ടെ കൃ​ത്യ​മാ​യ വി​വ​ര​മി​ല്ലെ​ന്ന​താ​ണ്​ ഇൗ ​റി​പ്പോ​ർ​ട്ടി​െൻറ പോ​രാ​യ്മ. ഗ​ൾ​ഫി​ലെ മ​ല​യാ​ളി പ്ര​വാ​സി​ക​ളു​ടെ സി.​ഡി.​എ​സ്​ ക​ണ​ക്കി​ലും വൈ​രു​ധ്യ​മു​ണ്ട്. ഉ​ദാ​ഹ​ര​ണ​ത്തി​ന്, കു​വൈ​ത്തി​ൽ ഒ​ന്നേ​കാ​ൽ ല​ക്ഷം മ​ല​യാ​ളി​ക​ൾ എ​ന്നാ​ണ് സി.​ഡി.​എ​സ് എ​ണ്ണു​ന്ന​ത്. എ​ന്നാ​ൽ, കു​വൈ​ത്തി​ലെ മ​ല​യാ​ളി​ക​ൾ തി​ങ്ങി​പ്പാ​ർ​ക്കു​ന്ന അ​ബ്ബാ​സി​യ​യി​ൽ മാ​ത്ര​മു​ണ്ട​ത്രെ ര​ണ്ട​ര ല​ക്ഷ​ത്തി​ലേ​റെ മ​ല​യാ​ളി​ക​ൾ. ആ​സൂ​ത്ര​ണ ബോ​ർ​ഡും സം​ഘ​ട​ന​ക​ളും മാ​ധ്യ​മ​ങ്ങ​ളു​മെ​ല്ലാം ആ​ശ്ര​യി​ക്കു​ന്ന​ത് സി.​ഡി.​എ​സ്​ സ​ർ​വേ​യി​ലെ ക​ണ​ക്കാ​ണ്. ഇ​ത്​ തെ​റ്റാ​ണെ​ന്നു​വ​ന്നാ​ലോ? പി​ന്നെ എ​വി​ടെ​നി​ന്നാ​ണ്​ ശ​രി​ക്കു​ള്ള ക​ണ​ക്ക്​ കി​ട്ടു​ക?

ആ​റു മാ​സ​മെ​ങ്കി​ലും നാ​ടി​നു പു​റ​ത്ത് തൊ​ഴി​ൽ വി​സ​യി​ൽ പോ​യ​വ​രെ മാ​ത്ര​മാ​ണ് ഒൗ​ദ്യോ​ഗി​ക ക​ണ​ക്കെ​ടു​പ്പു​ക​ളി​ൽ പ്ര​വാ​സി​യാ​യി എ​ണ്ണു​ന്ന​ത്. അ​താ​യ​ത്, താ​മ​സ വി​സ​യി​ൽ വി​ദേ​ശ​രാ​ജ്യ​ങ്ങ​ളി​ൽ ക​ഴി​യു​ന്ന സ്ത്രീ​ക​ളും പ​ഠ​ന​വി​സ​യി​ലു​ള്ള വി​ദ്യാ​ർ​ഥി​ക​ളു​മെ​ല്ലാം ക​ള​ത്തി​നു​പു​റ​ത്താ​ണ്.

ആ ​ക​ണ​ക്കും ഈ ​ക​ണ​ക്കും

പ​ല ഗ​ൾ​ഫ് രാ​ജ്യ​ങ്ങ​ളി​ലും അ​വി​ട​ത്തെ സ്വ​ദേ​ശി ജ​ന​സം​ഖ്യ​യേ​ക്കാ​ൾ മു​ന്നി​ലാ​ണ് ഇ​ന്ത്യ​ക്കാ​രു​ടെ എ​ണ്ണം. ഇ​ന്ത്യ​ക്കാ​രി​ൽ ഗ​ണ്യ​മാ​യ ഭാ​ഗം മ​ല​യാ​ളി​ക​ളു​മാ​ണ്. യു.​എ.​ഇ​യി​ൽ 34.2 ല​ക്ഷം ഇ​ന്ത്യ​ക്കാ​രു​ണ്ടെ​ന്നാ​ണ് െഎ​ക്യ​രാ​ഷ്​​ട്ര​സ​ഭ​യു​ടെ സാ​മ്പ​ത്തി​ക-​സാ​മൂ​ഹി​ക വ​കു​പ്പി​െൻറ ഇ​ൻ​റ​ർ​നാ​ഷ​ന​ൽ മൈ​ഗ്ര​ൻ​റ് സ്​​റ്റോ​ക്- 2019 റി​പ്പോ​ർ​ട്ടി​നെ ഉ​ദ്ധ​രി​ച്ച് ഇ​ന്ത്യ​ൻ എം​ബ​സി വ്യ​ക്ത​മാ​ക്കു​ന്ന​ത്. എ​ന്നാ​ൽ, ഇ​തി​നു​ശേ​ഷം പ​ല​രാ​ജ്യ​ങ്ങ​ളി​ലും കു​ടി​യേ​റ്റ തൊ​ഴി​ലാ​ളി​ക​ളു​ടെ കൊ​ഴി​ഞ്ഞു​പോ​ക്ക് സം​ഭ​വി​ച്ച​താ​യും ചേ​ർ​ത്തു​വാ​യി​ക്ക​ണം. ഇൗ ​റി​പ്പോ​ർ​ട്ട് പ്ര​കാ​രം സൗ​ദി അ​റേ​ബ്യ​യി​ൽ 26, ഖ​ത്ത​റി​ൽ ഏ​ഴ്, കു​വൈ​ത്തി​ൽ 10.29, ബ​ഹ്റൈ​നി​ൽ 3.5 ല​ക്ഷം വീ​ത​മാ​ണ് ഇ​ന്ത്യ​ൻ ജ​ന​സം​ഖ്യ. ഒ​മാ​നി​ൽ ദേ​ശീ​യ സ്ഥി​തി​വി​വ​ര കേ​ന്ദ്ര​ത്തി​​െൻറ ക​ണ​ക്കു​പ്ര​കാ​രം 5.90 ല​ക്ഷം ഇ​ന്ത്യ​ക്കാ​രാ​ണു​ള്ള​ത്. ഇ​തി​ൽ നാ​ലു ല​ക്ഷ​മാ​ണ് മ​ല​യാ​ളി​ക​ൾ.

യു.​എ.​ഇ​യി​ൽ 15 ല​ക്ഷ​ത്തി​ന​ടു​ത്താ​ണ് മ​ല​യാ​ളി​ക​ളു​ടെ എ​ണ്ണ​മെ​ന്ന് സാ​മൂ​ഹി​ക പ്ര​വ​ർ​ത്ത​ക​ർ ചൂ​ണ്ടി​ക്കാ​ട്ടു​ന്നു. സൗ​ദി​യി​ൽ 13 ല​ക്ഷം മ​ല​യാ​ളി​ക​ളു​ണ്ടെ​ന്നാ​ണ് അം​ബാ​സ​ഡ​റു​ടെ നി​ഗ​മ​നം. ബ​ഹ്റൈ​നി​ൽ ര​ണ്ടു ല​ക്ഷം മ​ല​യാ​ളി​ക​ളു​ണ്ടെ​ന്ന് എം​ബ​സി വി​ല​യി​രു​ത്തു​ന്നു. കു​വൈ​ത്തി​ൽ ആ​റു​ല​ക്ഷ​മാ​ണ് മ​ല​യാ​ളി​ക​ൾ എ​ന്നാ​ണ് ക​ണ​ക്ക്. ഖത്തറിൽ ഏഴരലക്ഷം ഇന്ത്യാക്കാരുണ്ട്​, അവരിൽ നാലരലക്ഷം മലയാളികൾ.

ഡേ​റ്റ​യു​മി​ല്ല, ബാ​ങ്കു​മി​ല്ല

ഇ​ന്ത്യ​യും വി​വി​ധ രാ​ജ്യ​ങ്ങ​ളും ത​മ്മി​ൽ ന​ട​ത്തി​യ ക​യ​റ്റു​മ​തി-​ഇ​റ​ക്കു​മ​തി വ്യാ​പാ​ര​ത്തി​െൻറ​യും പ​ണ​മി​ട​പാ​ടി​​െൻറ​യും ക​ണ​ക്ക്​ രേ​ഖ​പ്പെ​ടു​ത്തു​ന്ന​തു​പോ​ലെ തു​ടി​ക്കു​ന്ന ക​ര​ളു​ള്ള മ​നു​ഷ്യ​രു​ടെ ക​ണ​ക്കു​കൂ​ടി രേ​ഖ​പ്പെ​ടു​ത്തി​യി​രു​ന്നു​വെ​ങ്കി​ൽ എ​ത്ര ന​ന്നാ​യി​രു​ന്നു. പു​റ​പ്പെ​ട്ടു​പോ​യ​വ​ർ പു​റ​ത്ത് എ​ന്ന സ​മീ​പ​ന​മാ​ണ് അ​ധി​കൃ​ത​ർ​ക്ക്. മ​ല​യാ​ളി​ക​ളു​ടെ ഗ​ൾ​ഫ്​ കു​ടി​യേ​റ്റ​ത്തി​ന്​ അ​ര​നൂ​റ്റാ​ണ്ട്​ പി​ന്നി​ട്ടി​ട്ടും പ്ര​വാ​സി​ക​ളെ​ക്കു​റി​ച്ച അ​ടി​സ്​​ഥാ​ന വി​വ​ര​ശേ​ഖ​ര​ണ​ത്തി​ന്​ കൃ​ത്യ​മാ​യ സം​വി​ധാ​ന​മി​ല്ലാ​ത്ത​ത്, രാ​ജ്യ​ത്തെ ഏ​റ്റ​വും ക്രി​യാ​ത്​​മ​ക​മാ​യ മ​നു​ഷ്യ​വി​ഭ​വ​ശേ​ഷി​യോ​ടു​ള്ള കൊ​ടും അ​വ​ഗ​ണ​ന​യാ​ണ്. പ്ര​വാ​സി മ​ല​യാ​ളി​ക​ളു​ടെ, പ്ര​ത്യേ​കി​ച്ച്​ ഗ​ൾ​ഫി​ലു​ള്ള​വ​രു​ടെ എ​ണ്ണം, തൊ​ഴി​ൽ, പ്ര​വാ​സ​ജീ​വി​ത​കാ​ലം, വ​രു​മാ​നം തു​ട​ങ്ങി​യ​വ സ​മ​ഗ്ര​മാ​യി രേ​ഖ​പ്പെ​ടു​ത്തി​യാ​ലേ ഇ​വ​ർ​ക്കു​വേ​ണ്ടി​യു​ള്ള പ​ദ്ധ​തി​ക​ളു​ടെ ആ​സൂ​ത്ര​ണം ഫ​ല​പ്ര​ദ​മാ​കൂ. 

പ്ര​വാ​സി​ക്ഷേ​മ​വും പു​ന​ര​ധി​വാ​സ പ​ദ്ധ​തി​ക​ളു​മെ​ല്ലാം പ്ര​ഖ്യാ​പ​ന​ങ്ങ​ളി​ൽ ഒ​തു​ങ്ങു​ന്ന​തി​​െൻറ പ്ര​ധാ​ന കാ​ര​ണ​ങ്ങ​ളി​ൽ ഒ​ന്ന്​ ഈ ​കൈ​യും ക​ണ​ക്കു​മി​ല്ലാ​യ്​​മ​യാ​ണ്. 2018ൽ ​പ്ര​വാ​സി ഡേ​റ്റ ബാ​ങ്ക് ത​യാ​റാ​ക്കാ​ൻ നോ​ർ​ക്ക ശ്ര​മി​ച്ചെ​ങ്കി​ലും ന​ട​ന്നി​ല്ല. ഡേ​റ്റ ബാ​ങ്ക് ഇ​ല്ലാ​ത്ത​ത്​ ക്ഷേ​മ​പ്ര​വ​ർ​ത്ത​ന​ങ്ങ​ൾ​ക്ക് ത​ട​സ്സ​മു​ണ്ടാ​യി​ട്ടി​ല്ലെ​ന്നാ​ണ് സ​ർ​ക്കാ​ർ നി​ല​പാ​ട്. എ​ങ്കി​ലും ഭാ​വി​പ​ദ്ധ​തി​ക​ൾ ആ​സൂ​ത്ര​ണം ചെ​യ്യു​ന്ന​തി​ന് ഡേ​റ്റ ബാ​ങ്ക് ആ​വ​ശ്യ​മാ​ണെ​ന്ന് 2020 മാ​ർ​ച്ച് ര​ണ്ടി​ന് മു​ഖ്യ​മ​ന്ത്രി നി​യ​മ​സ​ഭ​യെ അ​റി​യി​ച്ചി​ട്ടു​ണ്ട്.

കേരളം; തിരിച്ചെത്തിയവരുടെയും തിരിച്ചുപോയവരുടെയും നാട്

അ​വി​ദ​ഗ്ധ​രാ​യ അ​ന്ത​ർ​സം​സ്​​ഥാ​ന തൊ​ഴി​ലാ​ളി​ക​ൾ നാ​ട്ടി​ലേ​ക്ക​ു​ മ​ട​ങ്ങു​േ​മ്പാ​ൾ വി​ദ​ഗ്​​ധ​രാ​യ ഗ​ൾ​ഫ്​ പ്ര​വാ​സി​ക​ൾ തി​രി​ച്ചെ​ത്തു​ന്ന​താ​ണ്​ കോ​വി​ഡ്​​കാ​ല​ത്തെ കാ​ഴ്ച. തൊ​ഴി​ൽ വ​കു​പ്പി​ലെ 2020 ഏ​പ്രി​ല്‍ 26 വ​രെ​യു​ള്ള ക​ണ​ക്ക് പ​രി​ശോ​ധി​ക്കുേ​മ്പാ​ൾ സം​സ്ഥാ​ന​ത്താ​കെ​യു​ള്ള അ​ന്ത​ർ​സം​സ്ഥാ​ന  തൊ​ഴി​ലാ​ളി​ക​ളു​ടെ എ​ണ്ണം  3,60,753 ആ​യി കു​റ​ഞ്ഞ​താ​യി കാ​ണാം. 20,788 ക്യാ​മ്പു​ക​ളി​ലാ​യാ​ണ് ഇ​വ​ർ താ​മ​സി​ച്ചി​രു​ന്ന​ത്. സ്വ​ദേ​ശ​ത്തേ​ക്ക് ട്രെ​യി​ൻ സ​ർ​വി​സു​ക​ൾ തു​ട​ങ്ങി​യ​തോ​ടെ വ​ൻ​തോ​തി​ലാ​ണ് തി​രി​ച്ചു​പോ​ക്കു​ണ്ടാ​യ​ത്. 2020 മേ​യ് അ​വ​സാ​ന​വാ​രം  തി​രു​വ​ന​ന്ത​പു​ര​ത്ത് 15,568 അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ൾ ഉ​ണ്ടെ​ന്ന് ജി​ല്ല ലേ​ബ​ർ ഒാ​ഫി​സി​ലെ ക​ണ​ക്കു​ക​ൾ വ്യ​ക്ത​മാ​ക്കു​ന്നു. മേ​യ് ര​ണ്ടു മു​ത​ൽ 30 വ​രെ​യു​ള്ള െട്ര​യി​നു​ക​ളി​ൽ 8150 പേ​ർ തി​രി​ച്ചു​പോ​യി.

3.93 ല​ക്ഷം അ​ന്ത​ർ​സം​സ്​​ഥാ​ന തൊ​ഴി​ലാ​ളി​ക​ൾ

ഇ​ത​ര സം​സ്ഥാ​ന​ങ്ങ​ൾ, കേ​ന്ദ്ര​ഭ​ര​ണ​പ്ര​ദേ​ശ​ങ്ങ​ൾ തു​ട​ങ്ങി 35 ഇ​ട​ങ്ങ​ളി​ൽ​നി​ന്ന് 3,93,281 പേ​ർ കേ​ര​ള​ത്തി​ലേ​ക്ക് കു​ടി​യേ​റി​യി​ട്ടു​ണ്ടെ​ന്നാ​ണ് തൊ​ഴി​ൽ വ​കു​പ്പി​െൻറ 2019 ജൂ​ലൈ 31 വ​രെ​യു​ള്ള ക​ണ​ക്ക്. കൂ​ടു​ത​ൽ പേ​ർ പ​ശ്ചി​മ ബം​ഗാ​ളി​ൽ​നി​ന്നാ​ണ്- 1,64,965. അ​സ​മാ​ണ് തൊ​ട്ടു​പി​ന്നി​ൽ-  59,365. ഒ​ഡി​ഷ- 42,830,  ബി​ഹാ​ർ- 38,762, ത​മി​ഴ്നാ​ട്- 30,452, ഝാ​ർ​ഖ​ണ്ഡ്- 20,116,  ഉ​ത്ത​ർ​പ്ര​ദേ​ശ്- 14,791 എ​ന്നി​ങ്ങ​നെ​യാ​ണ് മ​റ്റു പ്ര​ധാ​ന സം​സ്ഥാ​ന​ങ്ങ​ളി​ൽ​നി​ന്ന് എ​ത്തി​യ​വ​രു​ടെ എ​ണ്ണം. ല​ക്ഷ​ദ്വീ​പി​ൽ​നി​ന്ന് ര​ണ്ടും ദാ​ദ്ര-​നാ​ഗ​ർ​ഹ​വേ​ലി​യി​ൽ​നി​ന്ന് ആ​റും ദാ​മ​ൻ-​ദി​യു​വി​ൽ​നി​ന്ന് ഏ​ഴ​ു പേ​രും സം​സ്ഥാ​ന​ത്തു​ണ്ട്. 
 

തയാറാക്കിയത്​:
◆ സ​വാ​ദ്​ റ​ഹ്​​മാ​ൻ ◆ റ​ഫീ​ഖ്​ മു​ഹ​മ്മ​ദ്​ ◆ സി​ജു ജോ​ർ​ജ്​ ◆ ന​ജീം കൊ​ച്ചു​ക​ലു​ങ്ക്​ ◆ ഒ. ​മു​സ്​​ത​ഫ  ◆ എ. ​മു​സ്​​ത​ഫ ◆ ടി. ജുവിൻ