കാ​ണു​ന്നി​ല്ലേ തലയെടുപ്പോടെ നി​ൽ​ക്കു​ന്ന​ത്​?

ഇ​ന്ത്യ​യി​ലെ മു​സ്‍ലിം രാ​ഷ്ട്രീ​യ​ത്തി​ന്റെ ച​രി​ത്രം രേ​ഖ​പ്പെ​ടു​ത്തി​യ എ​ഴു​ത്തു​കാരൻ എം.​സി. വ​ട​ക​ര മു​സ്‍ലിം ലീ​ഗി​ന്റെ പ്ര​സ​ക്തി​യെ​ക്കു​റി​ച്ച് പ​റ​യു​ന്നു

1948 മാ​ർ​ച്ച്​ 10ന്​​ ​ചെ​ന്നൈ​യി​ലെ രാ​ജാ​ജി ഹാ​ളി​ൽ ചേ​ർ​ന്ന യോ​ഗ​ത്തി​ലാ​ണ്​ ഇ​ന്ത്യ​ൻ യൂ​നി​യ​ൻ മു​സ്​​ലിം ലീ​ഗ്​ പി​റ​ക്കു​ന്ന​ത്. സ്വ​ത​ന്ത്ര ഇ​ന്ത്യ​യി​ലെ മു​സ്​​ലിം​ക​ളു​ടെ അ​ഭി​മാ​ന​ക​ര​മാ​യ നി​ല​നി​ൽ​പ്​ ല​ക്ഷ്യ​മി​ട്ടാ​ണ്​ പാ​ർ​ട്ടി നി​ല​വി​ൽ​വ​ന്ന​ത്​. ​ സ​മു​ദാ​യ​ത്തി​ന് സാ​മൂ​ഹി​ക സു​ര​ക്ഷി​ത​ത്വം ഉ​റ​പ്പു​​വ​രു​ത്തു​ന്ന​തി​നാ​യാ​ണ്​ ഇ​ക്കാ​ല​മ​ത്ര​യും പ്ര​വ​ർ​ത്തി​ച്ച​ത്.

കേ​ര​ള​ത്തി​ൽ​നി​ന്ന്​ മു​സ്​​ലിം ലീ​ഗി​ന്‍റെ ഏ​ഴ​ര​പ്പ​തി​റ്റാ​ണ്ടി​നെ വി​ല​യി​രു​​ത്തു​േ​മ്പാ​ൾ ഏ​റെ അ​ഭി​മാ​ന​ക​ര​മാ​യ അ​ന്ത​രീ​ക്ഷ​മാ​ണു​ള്ള​ത്. 1939ൽ ​മ​​ദ്രാ​സ്​ സ​ർ​വ​ക​ലാ​ശാ​ല ന​ട​ത്തി​യ സ​ർ​വേ ​പ്ര​കാ​രം ചാ​വ​ക്കാ​ട്​ മു​ത​ൽ മ​​ഞ്ചേ​ശ്വ​രം വ​രെ നീ​ളു​ന്ന മ​ല​ബാ​ർ മേ​ഖ​ല​യി​ലെ ല​ക്ഷ​ക്ക​ണ​ക്കി​ന് മു​സ്​​ലിം കു​ടും​ബ​ങ്ങ​ളി​ൽ​നി​ന്ന് വെ​റും 2000 വി​ദ്യാ​ർ​ഥി​ക​ളേ ഉ​ണ്ടാ​യി​രു​ന്നു​ള്ളൂ. അ​തി​ൽ പെ​ൺ​കു​ട്ടി​ക​ളാ​വ​​ട്ടെ 16 പേ​ർ മാ​ത്രം.

ഇ​ന്ന്​ ഏ​തു സ​ർ​വ​ക​ലാ​ശാ​ല​യെ​ടു​ത്താ​ലും പ്ര​ഫ​ഷ​ന​ൽ കോ​ള​ജു​ക​ളി​ലും മു​സ്​​ലിം കു​ട്ടി​ക​ളു​ടെ വ​ർ​ധി​ത സാ​ന്നി​ധ്യം കാ​ണാം, അ​തി​ൽ ത​ന്നെ ഏ​റെ​യും പെ​ൺ​കു​ട്ടി​ക​ളാ​ണ്. ഇ​ത്ത​ര​മൊ​രു ഗു​ണ​ക​ര​മാ​യ മാ​റ്റ​ത്തി​ലേ​ക്ക്​ ന​യി​ച്ച​ത്​ ലീ​ഗി​ന്‍റെ രാ​ഷ്​​ട്രീ​യ ഇ​ട​പെ​ട​ലാ​ണ്. സ​മു​ദാ​യ​ത്തി​ന്​ ഗു​ണ​പ​ര​മാ​യി പ്ര​വ​ർ​ത്തി​ക്ക​ണ​മെ​ങ്കി​ൽ രാ​ഷ്​​ട്രീ​യ​മാ​യ പി​ന്തു​ണ അ​നി​വാ​ര്യ​മാ​ണ്. ഇ​ത്, സം​ഘ​ടി​ച്ച്​ നേ​ടി​യെ​ടു​ക്കേ​ണ്ട ഒ​ന്നാ​ണ്. അ​താ​ണ്​ ലീ​ഗ്​ നി​ർ​വ​ഹി​ച്ച​ത്.

സ​ച്ചാ​ർ ക​മ്മി​റ്റി റി​പ്പോ​ർ​ട്ടി​ൽ ത​ന്നെ രാ​ജ്യ​ത്തെ ഇ​ത​ര​സം​സ്​​ഥാ​ന​ങ്ങ​ളെ അ​പേ​ക്ഷി​ച്ച്​ കേ​ര​ള മു​സ്​​ലിം​ക​ൾ ഏ​റെ മു​ന്നേ​റി​യി​ട്ടു​ണ്ടെ​ന്നു​ പ​റ​യു​ന്നു. ഇ​തി​നി​ട​യാ​ക്കി​യ​ത്​ രാ​ഷ്ട്രീ​യ ശാ​ക്തീ​ക​ര​ണ​മാ​ണെ​ന്നും എ​ടു​ത്തു​പ​റ​യു​ന്നു​ണ്ട്. ഇ​വി​ടെ ലീ​ഗ്​ ഏ​റ്റെ​ടു​ത്ത രാ​ഷ്​​ട്രീ​യ ദൗ​ത്യം​ വ്യ​ക്​​ത​മാ​ണ്. ലീ​ഗ്​ പി​രി​ച്ചു​വി​ട​ണ​മെ​ന്നും​ തൊ​ട്ടു​കൂ​ടാ​ൻ പ​റ്റാ​ത്ത​താ​ണെ​ന്നും​ വാ​ദി​ച്ച​വ​ർ​ക്ക്​ മു​ന്നി​ലാ​ണ്​ ഇ​ത്ര​യും​കാ​ലം അ​ഭി​മാ​ന​പൂ​ർ​വം, നി​ർ​ഭ​യം നി​ല​കൊ​ണ്ട​ത്.

അ​പ്പൊ​ന്നും നോ​ക്കാ​തെ, അ​പ്പ​ണം വാ​ങ്ങാ​തെ...

വി​ഭ​ജ​ന​ത്തി​ന് തൊ​ട്ട്​ മു​മ്പ് ഓ​ൾ ഇ​ന്ത്യ മു​സ്​​ലിം ലീ​ഗ്​ പ്ര​വ​ർ​ത്ത​നം നി​ർ​ത്തി​വെ​ച്ചി​രു​ന്നു. മു​തി​ർ​ന്ന നേ​താ​വ്​ എ​ച്ച്.​എ​സ്. സു​ഹ​ർ​വ​ർ​ധി വി​ളി​ച്ചു​ചേ​ർ​ത്ത ക​ൽ​ക്ക​ത്ത ക​ൺ​വെ​ൻ​ഷ​നി​ൽ മ​ദ്രാ​സി​നെ പ്ര​തി​നി​ധാ​നം​ചെ​യ്ത്​ സം​ബ​ന്ധി​ച്ച മു​ഹ​മ്മ​ദ്​ ഇ​സ്​​മ​യി​ൽ സാ​ഹി​ബും കെ.​എം. സീ​തി സാ​ഹി​ബും സം​ഘ​ട​ന​യു​ടെ ആ​വ​ശ്യ​ക​ത വേ​ണ​മെ​ന്ന്​ കാ​ര്യ​കാ​ര​ണ​സ​ഹി​തം സ​മ​ർ​ഥി​ച്ചു.

അ​ങ്ങ​നെ പ്ര​വ​ർ​ത്ത​നം നി​ർ​ത്തി​വെ​ച്ച ഓ​ൾ ഇ​ന്ത്യ മു​സ്​​ലിം ലീ​ഗി​െ ൻ​റ കൗ​ൺ​സി​ൽ ഉ​ട​നെ വി​ളി​ച്ചു​ചേ​ർ​ക്കാ​ൻ തീ​രു​മാ​ന​മാ​യി. ക​റാ​ച്ചി​യി​ൽ ന​ട​ന്ന അ​വ​സാ​ന കൗ​ൺ​സി​ലി​ൽ ഓ​ൾ ഇ​ന്ത്യ മു​സ്​​ലിം ലീ​ഗ്​ ര​ണ്ടാ​യി വി​ഭ​ജി​ക്ക​പ്പെ​ട്ടു. ഒ​ന്ന്, പാ​കി​സ്​​താ​ൻ മു​സ്​​ലിം ലീ​ഗും മ​റ്റൊ​ന്ന്​ ഇ​ന്ത്യ​ൻ മു​സ്​​ലിം ലീ​ഗും. ഇ​ന്ത്യ​ൻ മു​സ്​​ലിം ലീ​ഗി​െ ൻ​റ ക​ൺ​വീ​ന​റാ​യി ഖാ​ഇ​ദെ മി​ല്ല​ത്ത് മു​ഹ​മ്മ​ദ്​ ഇ​സ്​​മ​യി​ൽ സാ​ഹി​ബി​നെ​യും പാ​കി​സ്​​താ​ൻ ലീ​ഗി​​െ ൻ​റ ക​ൺ​വീ​ന​റാ​യി ലി​യാ​ഖ​ത്ത​ലി​ഖാ​നെ​യും തീ​രു​മാ​നി​ച്ചു.

അ​ന്ന്, ക​റാ​ച്ചി​യി​ലെ ഹ​ബീ​ബ്​ ബാ​ങ്കി​ൽ പാ​ർ​ട്ടി​ക്ക്​ ഫ​ണ്ട്​ ഉ​ണ്ടാ​യി​രു​ന്നു. ഇ​ന്ത്യ​ൻ ലീ​ഗി​ന്​ ഒ​രു പ​ങ്കു​ന​ൽ​കാ​ൻ അ​വ​ർ ത​യാ​റാ​യി​രു​ന്നു. എ​ന്നാ​ൽ, ആ ​ഫ​ണ്ട്​ വാ​ങ്ങി ഇ​ന്ത്യ​യി​ൽ ലീ​ഗ്​ വ​ള​ർ​ത്ത​ണ്ട എ​ന്നാ​യി​രു​ന്നു തീ​രു​മാ​നം. ഇ​തി​ന്‍റെ തു​ട​ർ​ച്ച​യാ​യാ​ണ്​ അ​വ​ശേ​ഷി​ക്കു​ന്ന ലീ​ഗു​കാ​രെ വി​ളി​ച്ച്​ ​ചെ​ന്നൈ​യി​ൽ ചേ​ർ​ന്ന യോ​ഗ​ത്തി​ൽ​ സ്വ​ത​ന്ത്ര ഇ​ന്ത്യ​യു​ടെ നി​ല​പാ​ടി​ന് അ​നു​യോ​ജ്യ​മാ​യ ഭേ​ദ​ഗ​തി വ​രു​ത്തി ഇ​ന്ത്യ​ൻ യൂ​നി​യ​ൻ മു​സ്​​ലീം ലീ​ഗ്​ രൂ​പ​വ​ത്ക​രി​ക്കു​ന്ന​ത്.

മു​ഖ്യ​ധാ​രാ രാ​ഷ്​​ട്രീ​യ​ത്തി​ലേ​ക്ക്​

മു​സ്​​ലിം ലീ​ഗി​നെ കൊ​ടി​ലു​കൊ​ണ്ടു​പോ​ലും തൊ​ടി​ല്ലെ​ന്ന്​ ​പ്ര​ഖ്യാ​പി​ച്ച നേ​താ​ക്ക​ളാ​യി​രു​ന്നു ഇ​വി​ടെ ഉ​ണ്ടാ​യി​രു​ന്ന​ത്. ആ ​വേ​ള​യി​ലാ​ണ്​​ ലീ​ഗു​മാ​യി സ​ഖ്യ​ത്തി​ന്​ ത​യാ​റാ​ണെ​ന്ന്​ പ്ര​ജാ സോ​ഷ്യലി​സ്റ്റ്​ പാ​ർ​ട്ടി പ്ര​ഖ്യാ​പി​ക്കു​ന്ന​ത്. ഇ​ത്, ലീ​ഗി​ന്​ മു​ഖ്യ​ധാ​ര രാ​ഷ്​​ട്രീ​യ​ത്തി​ലേ​ക്ക്​ പ്ര​വേ​ശ​നം ല​ഭി​ക്കാ​ൻ വ​ഴി​തെ​ളി​ച്ചു.

അ​ന്ന്, ലീ​ഗു​കാ​രു​ടെ വീ​ടു​ക​ളി​ൽ അ​ര​ങ്ങി​ൽ ശ്രീ​ധ​ര​ന്‍റെ​യും സി.​എ​ച്ച്. മു​ഹ​മ്മ​ദ്​ കോ​യ​യു​ടെ​യും ​ഫോ​​ട്ടോ ഉ​ണ്ടാ​വു​മാ​യി​രു​ന്നു. ഇ​രു​വ​രും അ​​ത്ര​മാ​ത്രം ആ​വേ​ശ​മാ​യി​രു​ന്നു. അ​ധി​കാ​ര​മു​ള്ള​പ്പോ​ൾ മാ​ത്ര​മ​ല്ല, പ്ര​തി​പ​ക്ഷ​ത്ത്​ നി​ൽ​ക്കു​മ്പോ​ഴും​ ഏ​റെ ​വി​ഷ​യ​ങ്ങ​ളി​ൽ ഇ​ട​പെ​ടാ​നും തി​രു​ത്ത​ൽ വ​രു​ത്താ​നും ലീ​ഗി​ന് ക​ഴി​ഞ്ഞി​ട്ടു​ണ്ട്.

ഒ​രു ഉ​ദാ​ഹ​ര​ണം മാ​ത്രം പ​റ​യാം. ’57​ലെ ​സ​ർ​ക്കാ​ർ പ​ള്ളി​ക​ളി​ൽ മ​ദ്​​റ​സ​ക​ൾ ന​ട​ത്തു​ന്ന​തി​ന്​​ പ്ര​​ത്യേ​ക അ​നു​മ​തി വേ​ണ​മെ​ന്ന്​ നി​യ​മ​മു​ണ്ടാ​ക്കി. ഇ​തി​നെ​തി​രെ വ​ലി​യ പ്ര​തി​ഷേ​ധം ലീ​ഗ്​ ഉ​യ​ർ​ത്തി. അ​ന്ന്, നി​യ​മ​സ​ഭ​യി​ൽ സി.​എ​ച്ച്. മു​ഹ​മ്മ​ദ്​ കോ​യ തു​റ​ന്ന​ടി​ച്ചു- ‘വെ​ടി​മ​രു​ന്ന്​ ശാ​ല​ക്ക്​ ലൈ​സ​ൻ​സ്​ വേ​ണ​മെ​ന്നു​ പ​റ​ഞ്ഞാ​ൽ എ​നി​ക്ക്​ മ​ന​സ്സി​ലാ​കും, കു​ട്ടി​ക​ളെ സ​ദാ​ചാ​രം പ​ഠി​പ്പി​ക്കു​ന്ന​തി​ന്​ ലൈ​സ​ൻ​സ്​ വേ​ണ​മെ​ന്നു​ പ​റ​ഞ്ഞാ​ൽ എ​ന്ത്​ അ​ർ​ഥ​മാ​ണു​ള്ള​തെ’​ന്ന്​; ഇ.​എം.​എ​സി​ന്​ ഇ​തി​നു​ മ​റു​പ​ടി​യു​ണ്ടാ​യി​രു​ന്നി​ല്ല.

1952ലെ ​തെ​ര​ഞ്ഞെ​ടു​പ്പി​ൽ ലീ​ഗ്​ മ​ത്സ​രി​ച്ച്​ ജ​യി​ച്ചു. മ​​ദ്രാ​സി​ൽ രാ​ജ​ഗോ​പാ​ലാ​ചാ​രി മു​ഖ്യ​മ​ന്ത്രി​യാ​യി. എ​ന്നാ​ൽ, അ​ദ്ദേ​ഹ​ത്തി​ന്​ ഭൂ​രി​പ​ക്ഷം ഉ​ണ്ടാ​യി​രു​ന്നി​ല്ല. അ​ങ്ങ​നെ​യാ​ണ്​ ലീ​ഗി​ന്‍റെ പി​ന്തു​ണ തേ​ടു​ന്ന​ത്. ലീ​ഗ്​ പി​ന്തു​ണ കൊ​ടു​ത്തു. ഉ​ട​നെ മ​ന്ത്രി​സ്​​ഥാ​നം വേ​ണോ​യെ​ന്നാ​യി ചോ​ദ്യം.

മ​ന്ത്രി​സ്​​ഥാ​നം വേ​ണ്ട പ​ക​രം, ഫാ​റൂ​ഖ്​ കോ​ള​ജി​ന്​ അം​ഗീ​കാ​ര​വും കു​റ്റി​പ്പു​റ​ത്ത്​ പാ​ല​വും മ​തി​യെ​ന്നാ​ണ് ലീ​ഗ് നേ​തൃ​ത്വം പ​റ​ഞ്ഞ​ത്. ര​ണ്ടു ല​ക്ഷം രൂ​പ കെ​ട്ടി​വെ​ച്ചാ​ണ്​ കോ​ള​ജ്​ ഉ​ണ്ടാ​ക്കി​യ​ത്. ഇ​ത്ത​രം പ്ര​വ​ർ​ത്ത​ന​ങ്ങ​ളി​ലു​ടെ ക​ട​ന്നു​പോ​യ​ത്​ ചെ​റി​യ​കാ​ല​മ​ല്ലെ​ന്ന്​ ആ​ർ​ക്കും ബോ​ധ്യ​പ്പെ​ടും.

ഫാ​ഷി​സം തോ​റ്റ​മ്പു​ന്ന കാ​ലം വ​രും

ഇ​ന്ത്യ​യി​ൽ ല​ക്ഷ​ണ​മൊ​ത്ത ഫാ​ഷി​സ​മാ​ണി​ന്നു​ള്ള​ത്. ഇ​ത്, സം​ഘ്​​പ​രി​വാ​ർ ശ​ക്​​തി​ക​ൾ​ക്ക്​ പാ​ർ​ല​മെ​ന്‍റി​ൽ ഇ​ടം ല​ഭി​ച്ച​തു​മു​ത​ൽ ആ​രം​ഭി​ച്ച​ത​ല്ല. ഈ ​രാ​ജ്യ​​ത്തു​നി​ന്ന് ബു​ദ്ധ​മ​ത​ത്തെ​യും ജൈ​ന​മ​ത​ത്തെ​യും ഉ​ന്മൂ​ല​നം ചെ​യ്ത​ത്​ ഇ​തേ മ​നഃ​സ്ഥി​തി​ക്കാ​രാ​ണ്, മ​നു​സ്മൃ​തി​യാ​ണ് അ​വ​രു​ടെ അ​ടി​സ്ഥാ​ന ആ​ശ​യം.

1923ൽ ​സ​വ​ർ​ക്ക​റി​ലൂ​ടെ​യാ​ണ്​ ഹി​ന്ദു​ത്വ​രാ​ഷ്​​ട്രീ​യം പു​തി​യ രൂ​പം കൈ​വ​രി​ക്കു​ന്ന​ത്. രാ​ജ്യം സ്വ​ത​ന്ത്ര​മാ​യ​തോ​ടെ ഉ​പ​ബോ​ധ മ​ന​സ്സിൽ ഉ​റ​ങ്ങി​ക്കി​ട​ന്ന ഹി​ന്ദു​ത്വം പു​റ​ത്തു​ചാ​ടു​ക​യാ​യി​രു​ന്നു. രാ​മ​രാ​ജ്യ പ​രി​ഷ​ത്ത്, ഹി​ന്ദു മ​ഹാ​സ​ഭ, ഭാ​ര​തീ​യ ജ​ന​സം​ഘം എ​ന്നി​ങ്ങ​നെ പ​ല പേ​രു​ക​ളി​ലാ​ണ്​ ഇ​തി​ന്‍റെ പ്ര​വ​ർ​ത്ത​നം ന​ട​ന്ന​ത്. ഇ​തി​നൊ​ക്കെ പ്ര​ചോ​ദ​നം ആ​ർ.​എ​സ്.​എ​സാ​ണ്.

പ​ടി​പ​ടി​യാ​യി ഇ​ന്ത്യ​ൻ സ​മ്പ​ദ്​​വ്യ​വ​സ്​​ഥ, സൈ​ന്യം, ജു​ഡീ​ഷ്യ​റി, മാ​ധ്യ​മ​ങ്ങ​ൾ എ​ന്നി​വ​യി​ലെ​ല്ലാം പി​ടി​മു​റുക്കി​യ ശ​ക്​​തി​ക​ൾ ഒ​ടു​വി​ൽ പാ​ല​ർ​മെ​ന്‍റി​ലും ആ​ധി​പ​ത്യം നേ​ടി. അ​താ​ണി​പ്പോ​ൾ കാ​ണു​ന്ന​ത്. പ​ക്ഷേ, ഈ ​​കെ​ട്ട​കാ​ല​ത്തും പ്ര​തീ​ക്ഷ ന​ഷ്​​ട​പ്പെ​ട്ടി​ട്ടി​ല്ല. കാ​ര​ണം, ഹി​ന്ദു സ​മു​ദാ​യ​ത്തി​ലെ മ​ഹാ​ഭൂ​രി​പ​ക്ഷ​വും മ​തേ​ത​ര​ത്വ​ത്തി​നു​വേ​ണ്ടി നി​ല​കൊ​ള്ളു​ന്ന​വ​രാ​ണ്.

​ബാ​ബ​രി മ​സ്​​ജി​ദ് മു​സ്​​ലിം​ക​ൾ​ക്ക്​​ തു​റ​ന്നു​​കൊ​ടു​ക്ക​ണ​മെ​ന്നു​പ​റ​ഞ്ഞ്​ മ​ര​ണം​വ​രെ നി​രാ​ഹാ​രം കി​ട​ക്കു​മെ​ന്ന്​ പ്ര​ഖ്യാ​പി​ച്ച ​ഫൈ​സാ​ബാ​ദി​ലെ കോ​ൺ​ഗ്ര​സ്​ നേ​താ​വ് മു​സ്‍ലിം അ​ല്ല, ഒ​രു ഹി​ന്ദു​വാ​യി​രു​ന്നു. അ​താ​ണ്​ ഇ​ന്ത്യ​യു​ടെ പ്ര​ത്യേ​ക​ത. ഇ​ന്ത്യ​യു​ടെ മ​ന​സ്സ്​ മ​ത​സൗ​ഹാ​ർ​ദ​ത്തി​ന്റേ​താ​ണ്. ഏ​തു കൂ​രി​രു​ളി​നെ​യും കീ​റി​മു​റി​ച്ച് വെ​ളി​​ച്ചം വ​രു​മെ​ന്ന്​ പ്ര​തീ​ക്ഷി​ക്കു​ന്ന​ത്​ അ​തു​കൊ​ണ്ടാ​ണ്. അ​തി​നാ​യി മു​സ്​​ലിം ലീ​ഗ്​ മാ​ത്ര​മ​ല്ല, എ​ല്ലാ മ​തേ​ത​ര​ക​ക്ഷി​ക​ളും ഒ​രു കു​ട​ക്കീ​ഴി​ൽ വ​രു​ക​ത​ന്നെ ചെ​യ്യും. കാ​ലം ആ​വ​ശ്യ​പ്പെ​ടു​ന്ന​തും അ​താ​ണ്.

(അ​നൂ​പ് അ​ന​ന്ത​നു​മാ​യി പ​ങ്കു​വെ​ച്ച​ത്)