നെ​ത​ന്യാ​ഹു ര​ക്ഷ​പ്പെ​ടു​മോ?

ഇസ്രായേലി​​​െൻറ തെ​ര​ഞ്ഞെ​ടു​പ്പുഫ​ല​ങ്ങ​ൾ തീ​രെ അ​പ്ര​തീ​ക്ഷി​ത​മ​ല്ലെ​ങ്കി​ലും അ​ൽ​പം സ​ങ്കീ​ർ​ണ​വും വീ​ണ്ടു​വി​ചാ​ര​ങ്ങ​ൾക്കി​ടം ന​ൽ​കു​ന്ന​തു​മാ​ണ്​. നെ​ത​ന്യാ​ഹു​വി​​​െൻറ ‘ലി​ക്കു​ഡ്’ പാ​ർ​ട്ടി​ക്ക് 32ഉം ​റി​ട്ട​യേ​ർ​ഡ് സൈ​നി​കമേ​ധാ​വി ജ​ന​റ​ൽ ബെ​ന്നി ഗാ​ൻ​റി​സ് ന​യി​ക്കു​ന്ന ‘ബ്ലൂ ​ആ​ൻഡ്​ വൈ​റ്റ്’ പാ​ർ​ട്ടി​ ക്ക് 33 ഉം ​സീ​റ്റു​ക​ൾ ല​ഭി​ച്ചു​വെ​ന്ന​ത് ചി​ല ചോ​ദ്യ​ങ്ങ​ൾ​ക്ക് ഇ​ടംന​ൽ​കു​ന്നു​ണ്ട്. ആ​ർ​ക്കും ഭ​രി​ക്കാ ​ൻ ആ​വ​ശ്യ​മാ​യ ഭൂ​രി​പ​ക്ഷം ല​ഭി​ച്ചി​ല്ലെ​ന്ന​ത് പ്ര​സി​ഡ​ൻറ്​ റൂ​വി​ൻ റി​വ്​ലി​നെ​യും പ്ര​യാ​സപ്പെ​ടു ​ത്തി​യി​രി​ക്കു​ന്നു. എ​ല്ലാ അ​ട​വു​ക​ളും വേ​ണ്ട​തു​പോ​ലെ പ്ര​യോ​ഗിച്ചി​ട്ടും എ​ന്തുകൊ​ണ്ടാ​ണ് നെ​ത​ന്യ ാ​ഹു​വി​നു ഗു​ണംപി​ടി​ക്കാ​തെ വ​ന്ന​തെ​ന്ന​ത് നി​രീ​ക്ഷ​ക​രെ അ​ത്ഭുത​പ്പെ​ടു​ത്തു​ന്നു​ണ്ട്. ഇ​ങ്ങനെ വ​ര ു​മ്പോ​ൾ പ്ര​സി​ഡ​ൻറിനു ഒ​രു മാ​ർ​ഗമേയു​ള്ളൂ. ഭൂ​രി​പ​ക്ഷ​മു​ള്ള ക​ക്ഷി​യു​ടെ നേ​താ​വി​നെ മ​ന്ത്രിസ​ഭ രൂപവ ത്​ക​രി​ക്കാ​നു​ള്ള ഉ​ത്ത​ര​വാ​ദി​ത്ത​മേ​ൽ​പി​ക്കു​ന്ന​തോ​ടെ അ​ത് തു​ട​ങ്ങു​ന്നു. അ​വ​ർ​ക്ക് 28 ദി​വ​സ​ത്തെ സാ​വ​കാ​ശം ന​ൽ​ക​ണ​മെ​ന്നാ​ണ്​ ഇസ്രായേലി​​​െൻറ ഭ​ര​ണ​ഘ​ട​ന അ​നു​ശാ​സി​ക്കു​ന്ന​ത്. വേ​ണ്ടി​വ​ന്നാ​ൽ 14 ദി​വ​സ​ങ്ങ​ൾകൂ​ടി നീ​ട്ടി​ന​ൽ​കാ​നും പ്ര​സി​ഡ​ൻറി​ന്​ അ​ധി​കാ​ര​മു​ണ്ട്. പ​രി​ശ്ര​മം വി​ജ​യി​ച്ചി​ല്ലെ​ങ്കി​ൽ അ​ടു​ത്ത ക​ക്ഷി​യു​ടെ നേ​താ​വി​നെ അ​തേ ഉ​ത്ത​ര​വാ​ദി​ത്തം ഏ​ൽപി​ക്കാ​വു​ന്ന​താ​ണ്. എ​ന്നാ​ൽ, ഇ​വ​യൊ​ന്നും വി​ജ​യ​ക​ര​മാ​യി​ല്ലെ​ങ്കി​ൽ അ​വ​സാ​ന മാ​ർ​ഗം വീ​ണ്ടും തെ​ര​ഞ്ഞെ​ടു​പ്പ്​ ന​ട​ത്തു​ക​യാ​ണ്. ക​ഴി​ഞ്ഞ ഏ​പ്രി​ലി​ൽ മ​ന്ത്രിസ​ഭ രൂ​പവത്​​ക​രി​ക്കു​ന്നതി​ൽ നെ​ത​ന്യാ​ഹു പ​രാ​ജ​യ​പ്പെ​ട്ട​തു കൊ​ണ്ടാ​ണ​ല്ലോ ഇ​പ്പോ​ൾ ആ​റു​മാ​സ​ത്തി​ന​കം ത​ന്നെ തെ​ര​ഞ്ഞെ​ടു​പ്പ് അ​നി​വാ​ര്യ​മാ​യി വ​ന്ന​ത്. ഇ​നി​യും ഉ​ട​നെ ഒ​രു തെ​ര​ഞ്ഞെ​ടു​പ്പു കൂ​ടി ആ​വ​ശ്യ​മാ​കു​മോ എ​ന്നാ​ണ് നി​രീ​ക്ഷ​ക​രു​ടെ ചോ​ദ്യം.

ഇസ്രായേലി​നെ തീ​വ്രദേ​ശീ​യ​ത​യും വം​ശീ​യ​ത​യും കാ​ത്തു​സൂ​ക്ഷി​ക്കു​ന്ന ജൂ​തരാ​ഷ്​ട്രമാ​യി പ​രി​വ​ർ​ത്തി​പ്പി​ക്കാ​നു​ള്ള ശ്ര​മ​ത്തി​ലാ​യി​രു​ന്നു നെ​തന്യാ​ഹു. അ​തി​നുവേ​ണ്ടി അ​ദ്ദേ​ഹം എ​ല്ലാ മാ​ർ​ഗ​ങ്ങ​ളും അ​വ​ലം​ബി​ച്ചു. ഡോണൾഡ് ട്രം​പി​നെ​യും ജാ​രി​ദ് കു​ശ്ന​റെ​യും അ​ദ്ദേ​ഹം ഉ​പ​യോ​ഗ​പ്പെ​ടു​ത്തി. അ​ങ്ങനെ​യാ​ണ് ജ​റൂ​സ​ലം ഇസ്രായേലി​​​െൻറ ത​ല​സ്ഥാ​ന​മാ​യി പ്ര​ഖ്യാ​പി​ക്ക​പ്പെ​ടു​ന്ന​ത്. എ​ന്നി​ട്ടും എ​ന്തുകൊ​ണ്ടാ​ണ് ജൂ​തസ​മൂ​ഹം തെ​ര​ഞ്ഞെ​ടു​പ്പി​ൽ അ​ദ്ദേ​ഹ​ത്തി​ന് മേ​ൽ​ക്കൈ ന​ൽ​കാ​തി​രു​ന്ന​ത്? ബെ​ന്നി ഗാ​ൻ​റി​സി​​​െൻറ നി​ല​പാ​ട് വ​ള​രെ അ​വ്യ​ക്ത​മാ​യി​രു​ന്നു​വെ​ന്നു പ​റ​യു​ന്ന​താ​കും ശ​രി. നെ​തന്യാ​ഹു​വി​​​െൻറ താ​ത്ത്വി​ക വീ​ക്ഷ​ണ​ങ്ങ​ളെ​യൊ​ന്നും അ​ദ്ദേ​ഹം എ​തി​ർത്തി​ല്ല. എ​ന്നാ​ൽ, സൈ​നി​ക മേ​ധാ​വി​യെ​ന്ന നി​ല​ക്ക് അ​ദ്ദേ​ഹം ത​​​െൻറ ധീ​രസേ​വ​ന​ങ്ങ​ളെ എ​ടു​ത്തുകാ​ണി​ച്ചു. ര​ണ്ടു പേ​ർ​ക്കും കേ​വ​ല ഭൂ​രി​പ​ക്ഷ​ത്തി​നാ​വ​ശ്യ​മാ​യ സീ​റ്റു​ക​ൾ 120 ൽ 61 ല​ഭി​ച്ചി​ല്ലെ​ന്ന​ത് ശ​രി​യാ​ണെ​ങ്കി​ലും നെ​തന്യാ​ഹു​വി​നെ ജ​ന​ങ്ങ​ൾ പി​ന്തള്ളു​മെ​ന്നു ആ​രും പ്ര​തീ​ക്ഷി​ച്ചി​ല്ല. ഇ​തി​ന​ർ​ഥം ഇസ്രായേലുകാർ ആ​ഗ്ര​ഹി​ക്കു​ന്ന​ത് സൈ​നി​കമു​ന്നേ​റ്റ​ങ്ങ​ളും അ​ധി​നി​വേ​ശ​വു​മ​ല്ല, സ​മാ​ധാ​നജീ​വി​തം ന​യി​ക്കാ​നു​ള്ള അ​വ​സ​ര​മാ​ണെ​ന്നാ​ണ്. ഇസ്രായേലി​ലെ അ​റ​ബ്സ​മൂ​ഹ​മാ​ണ് തെ​ര​ഞ്ഞെ​ടു​പ്പി​ൽ വി​ജ​യം നേ​ടി​യ​തെന്നു പ​റ​യാം. അ​വ​രു​ടെ കൂ​ട്ടാ​യ്മ​യാ​യ ‘അ​റ​ബ് ജോ​യി​ൻറ്​ ലി​സ്​റ്റ്​’ പ​തി​മൂ​ന്നു സീ​റ്റു​ക​ൾ നേ​ടി ‘നെ​സ​റ്റി’ൽ ​മൂ​ന്നാം സ്ഥാ​നം ക​ര​സ്ഥ​മാ​ക്കി.

അ​വി​ഗ്ദോ​ർ ലി​ബ​ർ​മാ​​​െൻറ ‘യി​സ്ര​യീ​ൽ ബൈ​ത്തു​നാ’ എ​ന്ന തീ​വ്ര വ​ല​തുപ​ക്ഷ പാ​ർ​ട്ടി​ക്ക് പ​ത്ത് സീ​റ്റു​ക​ൾ ല​ഭി​ച്ച​താ​ണ് ഇ​തിന്​ അ​പവാ​ദം. അ​വ​ർ​ക്ക് ക​ഴി​ഞ്ഞ ത​വ​ണ​ത്തെ​ക്കാ​ൾ നാ​ലു സീ​റ്റു​ക​ൾ അ​ധി​കം ല​ഭി​ച്ചു. എ​ല്ലാം പ​രി​ഗ​ണി​ക്കു​മ്പോ​ൾ ‘സെ​ക്കുല​ർ നാ​ഷ​നൽ യൂ​നിറ്റി’ എ​ന്ന പേ​രി​ൽ ഒ​രു സ​ഖ്യ​ക​ക്ഷി ഭ​ര​ണം നി​ല​വി​ൽ വ​രു​മെ​ന്നാ​ണ് പ്ര​വ​ചി​ക്ക​പ്പെ​ട്ടി​രു​ന്ന​ത്. ഇ​തി​ൽ ‘ബ്ലൂ -​വൈ​റ്റ്’ പാ​ർ​ട്ടി​യും, ഇ​ട​തു​പ​ക്ഷ പാ​ർ​ട്ടി​ക​ളും, ലി​ബ​ർ​മാ​​​െൻറ ‘യി​സ്രാ​യീ​ൽ ബൈ​ത്തു​നാ’​യും ഭാ​ഗ​ഭാ​ക്കാ​യി​രി​ക്കു​മെ​ന്നും അ​വ​രെ ‘അ​റ​ബ് ജോ​യി​ൻറ്​ ലി​സ്​റ്റ്​’ പി​ന്തുണ​ക്കു​മെ​ന്നും ക​രു​തി​യി​രു​ന്നു. ‘അ​റ​ബ് ജോ​യി​ൻറ്​ ലി​സ്​റ്റി’​​​െൻറ പ്ര​ഥ​മ പ​രി​ഗ​ണ​ന ഭ​ര​ണ​പ​ങ്കാ​ളി​ത്തത്തേ​ക്കാ​ൾ നെതന്യാ​ഹു​വി​നെ ഭ​ര​ണ​ത്തി​ൽ നി​ന്നു മാ​റ്റി നി​ർ​ത്തു​ക എ​ന്ന​തി​ലാ​ണ്. കാ​ര​ണം, തെ​ര​ഞ്ഞെ​ടു​പ്പി​​​െൻറ പേ​രി​ൽ മാ​പ്പ​ർ​ഹി​ക്കാ​ത്ത ക്രൂ​ര​ത​ക്കാ​ണ് നെ​ത​ന്യാ​ഹു തു​ട​ക്കം കു​റി​ച്ച​ത്.
താ​ൻ തെ​ര​ഞ്ഞെ​ടു​ക്ക​പ്പെ​ട്ടാ​ൽ ജോ​ർ​ഡ​ൻ താ​ഴ്വ​ര ഇസ്രായേലി​നോ​ടു കൂ​ട്ടി​ച്ചേ​ർ​ക്കു​മെ​ന്നു അ​ദ്ദേ​ഹം നി​ർ​ല​ജ്ജം പ്ര​ഖ്യാ​പി​ച്ചു. ബ്രി​ട്ട​ൻ ഉ​ൾ​പ്പെ​ടെ​യു​ള്ള ഇസ്രായേലി​​​െൻറ സു​ഹൃ​ത്തു​ക്ക​ളൊ​ക്കെ ഇ​തി​നെ എ​തി​ർ​ത്തു. എ​ന്നി​ട്ടും, അ​ദ്ദേ​ഹം കു​ലു​ങ്ങി​യി​ല്ല! ഗ​ലീ​ലി ഉ​ൾ​ക്ക​ട​ലി​നും ചാ​വു​ക​ട​ലി​നു​മി​ട​യി​ൽ സ്ഥി​തി​ചെ​യ്യു​ന്ന ജോ​ർ​ഡ​ൻ താ​ഴ്വ​ര​യു​ടെ മു​ന​മ്പ്​ 1967ലെ ​യു​ദ്ധ​ത്തി​ൽ ഇസ്രായേൽ കൈ​വ​ശ​പ്പെ​ടു​ത്തി​യ​താ​ണ്. ഐ​ക്യ​രാ​ഷ്​ട്രസ​ഭ​യു​ടെ ആ​ഹ്വാ​ന​പ്ര​കാ​രം യ​ഥാ​ർ​ഥ​ത്തി​ൽ ഇസ്രായേൽ അ​തു ഫല​സ്തീ​നി​നു വി​ട്ടു​കൊ​ടു​ക്കേ​ണ്ട​താ​ണ്. തെ​ര​ഞ്ഞെ​ടു​പ്പ് വാ​സ്ത​വത്തിൽ നെ​ത​ന്യാ​ഹു​വി​​​െൻറ ജ​ൽ​പന​ങ്ങ​ൾ​ക്കു മേ​ലു​ള്ള ഹി​ത​പ​രി​ശോ​ധ​ന​യാ​യിരു​ന്നു. പ​ക്ഷേ, വ​സ്തു​ത​ക​ൾ ഇ​ങ്ങനെ​യൊ​ക്കെ​യാണെ​ങ്കി​ലും, ഇ​പ്പോ​ൾ മ​ന്ത്രിസ​ഭാ​രൂ​പവത്​​ക​ര​ണം വീ​ണ്ടും നെ​ത​ന്യാ​ഹുവി​​​െൻറ ക​ര​ങ്ങ​ളി​ലെ​ത്തി​യി​രി​ക്കു​ന്നു. ത​ൽ​ക്കാ​ലം, കോ​ട​തി​യി​ൽ നി​ന്നു ര​ക്ഷ​പ്പെ​ടാ​ൻ പ്ര​ധാ​ന​മ​ന്ത്രി പ​ദ​ത്തി​ലെ​ത്തേ​ണ്ട​ത് അ​ദ്ദേ​ഹ​ത്തി​​​െൻറ വ്യ​ക്തി​പ​ര​മാ​യ താ​ൽ​പ​ര്യ​മാ​ണ്. അ​തുകൊ​ണ്ട്, അ​ദ്ദേ​ഹം വി​ട്ടു​വീ​ഴ്ച​ക​ൾ​ക്ക് സ​ന്ന​ദ്ധ​നാ​കു​മെ​ന്നാ​ണ് ക​രു​തു​ന്ന​ത് .

ഇസ്രായേൽ പശ്ചിമേഷ്യയി​ലെ ഏ​റ്റ​വും സൈ​നി​കശേ​ഷി​യു​ള്ള രാ​ഷ്​ട്രമാ​ണ്. എ​ന്നാ​ൽ, ഏ​റെ അ​സ്വ​സ്ഥ​വും അ​സ​മാ​ധാ​നപൂ​ർ​ണവു​മാ​യ ജീ​വി​ത​ത്തി​​​െൻറ ഉ​ട​മ​ക​ളാ​ണ​വ​ർ. നെ​തന്യാ​ഹു പ​റ​യു​ന്ന​ത് അ​ദ്ദേ​ഹ​ത്തി​ന് മാ​ത്ര​മേ ഇസ്രായേലി​നു സ​മാ​ധാ​നം ന​ൽ​കാ​ൻ ക​ഴി​യുക​യു​ള്ളൂ എ​ന്നാ​ണ്. തെ​ര​ഞ്ഞെ​ടു​പ്പ് പോ​സ്​റ്റ​റു​ക​ളി​ൽ ഏ​റെ ശ്ര​ദ്ധി​ക്കപ്പെ​ട്ട ഒ​ന്ന് നെ​ത​ന്യാ​ഹു​വും ഡോണൾഡ് ട്രം​പും പ​ര​സ്പ​രം പു​ഞ്ചി​രി തൂ​കി നി​ൽ​ക്കു​ന്ന ഒ​രു ചി​ത്ര​മാ​യി​രു​ന്നു. വ​ൻ​ശ​ക്തി​ക​ളുമാ​യി-​പ്ര​ത്യേ​കി​ച്ചും അ​മേ​രി​ക്ക​യു​മാ​യി – കൈ​കോ​ർ​ത്തു പി​ടി​ക്കാ​നു​ള്ള കൗ​ശ​ലം ത​നി​ക്കു മാ​ത്ര​മാ​ണെ​ന്ന അ​വ​കാ​ശവാ​ദ​മാ​യി​രു​ന്നു ഇ​വി​ടെ പ്ര​ക​ടി​പ്പി​ക്ക​പ്പെ​ട്ട​ത്.
നെ​ത​ന്യാ​ഹു​വി​​​െൻറ ലി​ക്വി​ഡ്​ പാ​ർ​ട്ടി​യു​ടെ എ​തി​ർ​ക​ക്ഷി ബെ​ന്നി ഗാ​ൻ​റി​സി​​​െൻറ ബ്ലൂ ​ആ​ൻ​ഡ്​ വൈ​റ്റ് പാ​ർ​ട്ടി​യാ​ണെ​ന്ന് പ​റ​ഞ്ഞ​ല്ലോ. ബ്ലൂ ​ആ​ൻ​ഡ്​ വൈ​റ്റി​നെ ന​യി​ക്കു​ന്ന​തി​ൽ ബെ​ന്നി​ക്ക് കൂ​ട്ട് യേ​ർ ലാ​പി​ഡ് എ​ന്ന ചാനൽ വി​ട്ടു രാ​ഷ്​ട്രീ​​യത്തി​ലേ​ക്കു ക​ട​ന്ന വ്യ​ക്തി​യാ​ണ്. ര​ണ്ടു പേ​രും രാ​ഷ്​ട്രീ​​യ​ത്തി​ൽ പു​തു മു​ഖ​ങ്ങ​ളാ​ണ്. എ​ന്നാ​ൽ, ഏ​റെ​ക്കാ​ലം രാ​ഷ്​ട്രീ​​യം പ​യ​റ്റി​യ - ഇസ്രായേലി​​​െൻറ സ്ഥാ​പ​കപി​താ​വ് ഡേ​വി​ഡ് ബെ​ൻ​ഗൂ​രി​യ​നെക്കാ​ൾ ഏ​റെ​ക്കാ​ലം- വ്യ​ക്തി​യാ​ണ് നെ​താ​ന്യാ​ഹു. ഈ ​ഒ​രു പ​ശ്ചാ​ത്ത​ലം കൊ​ണ്ടാ​ക​ണം ‘ബ്ലൂ ​ആ​ൻ​ഡ്​ വൈ​റ്റ് പാ​ർ​ട്ടി’ മ​ന്ത്രിസ​ഭ രൂപവത്​ക​ര​ണ​ത്തി​ൽ നി​ന്നു പി​ന്മാ​റേ​ണ്ടി വ​ന്ന​ത്. നെ​ത​ന്യാ​ഹു​വി​നെതി​രെ അ​ഴി​മ​തി ആ​രോ​പ​ണ​ങ്ങ​ൾ നി​ല​നി​ൽ​ക്കേ അ​ദ്ദേ​ഹ​വു​മാ​യി യോ​ജി​ച്ചു പോ​കാ​ൻ സാ​ധ്യ​മ​ല്ലെ​ന്നാ​ണ് ‘ബ്ലൂ ​ആ​ൻ​ഡ്​ വൈ​റ്റി​’​​​െൻറ നി​ല​പാ​ട്. ഇ​തുകാ​ര​ണം, മ​ന്ത്രിസ​ഭാ രൂ​പവത്​​ക​ര​ണ​ത്തി​​​െൻറ ഉ​ത്ത​ര​വാ​ദി​ത്തം നെ​തന്യാ​ഹു​വി​​​െൻറ ക​ര​ങ്ങ​ളി​ൽത​ന്നെ വ​ന്നു പെ​ട്ടി​രി​ക്കു​ന്നു. ഇ​തെ​ങ്ങനെ​യെ​ങ്കി​ലും വി​ജ​യി​പ്പി​ക്കേ​ണ്ട​ത് അ​ദ്ദേ​ഹ​ത്തി​ന് ആ​വ​ശ്യ​മാ​ണ്. കാ​ര​ണം, ഒ​ക്ടോ​ബ​ർ രണ്ടിനാ​ണ് അ​ദ്ദേ​ഹ​ത്തി​നെ​തി​രെ​യു​ള്ള അ​ഴി​മ​തി​ക്കേ​സു​ക​ൾ വി​ചാ​ര​ണ​ക്കു വ​രു​ന്ന​ത്.

പ്ര​ധാ​ന​മ​ന്ത്രിപ​ദ​വി​ക്ക് അ​ർ​ഹ​നാ​കു​ന്ന​തോ​ടെ അ​ഴി​മ​തി ആ​രോ​പ​ണ​ങ്ങ​ളി​ൽനി​ന്നു ത​ൽ​ക്കാ​ല​ത്തേ​ക്ക് അ​ദ്ദേ​ഹ​ത്തി​ന് ര​ക്ഷ​പ്പെ​ടാ​മ​ല്ലോ! എ​ന്നാ​ൽ, സം​ഗ​തി എ​ളു​പ്പ​മ​ല്ലെ​ന്നാ​ണ് നി​രീ​ക്ഷ​ണ മ​തം. “പ്ര​സി​ഡ​ൻറ്​ റൂ​വി​ൻ റിവ്​ലി​ന് തൊ​പ്പി​യി​ൽ നി​ന്നു മു​യ​ലി​നെ പു​റ​ത്തെ​ടു​ക്കാ​ൻ ആ​കു​മോ, എ​ങ്കി​ൽ, നെ​തന്യാ​ഹു​വി​​​െൻറ ശ്ര​മ​വും വി​ജ​യി​ച്ചു​വെ​ന്നു വ​രാം”-​ഇ​തൊ​രു പ്ര​തി​പ​ക്ഷ അ​ഭി​പ്രാ​യം മാ​ത്ര​മാ​ണ്.
●