പുതിയ ക്രിമിനൽ നിയമങ്ങൾ എന്തിന്?

ഇ​ന്നു​മു​ത​ൽ രാ​ജ്യ​ത്ത് പു​തി​യ ക്രി​മി​ന​ൽ നി​യ​മ​ങ്ങ​ൾ നി​ല​വി​ൽ​വ​രു​ക​യാ​ണ്. ഇ​ന്ത്യ​ൻ ശി​ക്ഷാ​നി​യ​മം (ഐ.​പി.​സി) 1860, ക്രി​മി​ന​ൽ ന​ട​പ​ടി​ക്ര​മം (സി.​ആ​ർ.​പി.​സി) 1898, ഇ​ന്ത്യ​ൻ തെ​ളി​വ് നി​യ​മം (ഐ.​ഇ.​എ) 1872 എ​ന്നി​വ ഭാ​ര​തീ​യ ന്യാ​യ സം​ഹി​ത (ബി.​എ​ൻ.​എ​സ്) 2023, ഭാ​ര​തീ​യ നാ​ഗ​രി​ക് സു​ര​ക്ഷ സം​ഹി​ത (ബി.​എ​ൻ.​എ​സ്.​എ​സ്) 2023, ഭാ​ര​തീ​യ സാ​ക്ഷ്യ അ​ഥീ​നി​യം (ബി.​എ​സ്.​എ) 2023 എ​ന്നീ പേ​രു​ക​ൾ സ്വീ​ക​രി​ച്ച് നി​ർ​ദി​ഷ്ട ഭേ​ദ​ഗ​തി​ക​ളോ​ടെ​യാ​ണ് അ​വ​ത​രി​പ്പി​ക്ക​​പ്പെ​ട്ടി​രി​ക്കു​ന്ന​ത്.

ജൂ​ലൈ ഒ​ന്നു മു​ത​ൽ പ​രാ​തി​ക​ളി​ൽ കേ​സു​ക​ൾ ര​ജി​സ്റ്റ​ർ ചെ​യ്യു​ന്ന​തും തു​ട​ർ​ന​ട​പ​ടി​ക​ൾ സ്വീ​ക​രി​ക്കു​ന്ന​തും പു​തി​യ നി​യ​മ​ങ്ങ​ൾ അ​നു​സ​രി​ച്ചാ​യി​രി​ക്കും. അ​തി​നു മു​മ്പ് ര​ജി​സ്റ്റ​ർ ചെ​യ്ത കേ​സു​ക​ൾ പ​ഴ​യ​പ​ടി​ത​ന്നെ​യാ​ണ് മു​ന്നോ​ട്ടു​പോ​വു​ക. ഫ​ല​ത്തി​ൽ രാ​ജ്യ​ത്ത് ഒ​രേ വി​ഷ​യ​ത്തി​ൽ ര​ണ്ട് നി​യ​മ​വ്യ​വ​സ്ഥ​ക​ൾ പ്രാ​ബ​ല്യ​ത്തി​ൽ ഉ​ണ്ടാ​കു​മെ​ന്നാ​ണ്​ മു​ൻ അ​ഡീ​ഷ​ന​ൽ സോ​ളി​സി​റ്റ​ർ ജ​ന​റ​ലും പ്ര​മു​ഖ അ​ഭി​ഭാ​ഷ​ക​യു​മാ​യ ഇ​ന്ദി​ര ജ​യ് സി​ങ്​ ഇ​തേ​ക്കു​റി​ച്ച്​ പ​റ​ഞ്ഞ​ത്.

പ​ഴ​യ വീ​ഞ്ഞ് പു​തി​യ കു​പ്പി​യി​ൽ എ​ന്ന് നി​ർ​ദോ​ഷ​ക​ര​മാ​യി വി​ശേ​ഷി​പ്പി​ക്കാ​വു​ന്ന ഒ​രു പ​രി​ഷ്ക​ര​ണ​മ​ല്ല വ​ന്നി​രി​ക്കു​ന്ന​ത്. മ​നു​ഷ്യാ​വ​കാ​ശ സം​ഘ​ട​ന​ക​ളും നി​യ​മ​വ്യ​വ​സ്ഥ​ക​ളും നീ​തി​പീ​ഠ​വും രാ​ഷ്ട്രീ​യ ക​ക്ഷി​ക​ളും ഈ ​മാ​റ്റ​ങ്ങ​ളോ​ട് സ്വീ​ക​രി​ച്ചി​ട്ടു​ള്ള സ​മീ​പ​ന​ങ്ങ​ളും നി​രീ​ക്ഷ​ണ​ങ്ങ​ളും വ്യ​ത്യ​സ്ത​മാ​ണ്. ഈ ​ഭേ​ദ​ഗ​തി​ക​ൾ ക്രി​മി​ന​ൽ നീ​തി​വ്യ​വ​സ്ഥ​യെ ആ​ധു​നി​കീ​ക​രി​ക്കു​മെ​ന്ന്​ വി​ശ്വ​സി​ക്കു​ന്ന​വ​രു​ണ്ട്. സു​പ്രീം​കോ​ട​തി ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് പു​തി​യ നി​യ​മ​ത്തെ സ്വാ​ഗ​തം ചെ​യ്യു​ന്നു.

ഇ​ന്ത്യ​ൻ സ​മൂ​ഹ​ത്തി​ന്റെ ദ്രു​ത​ഗ​തി​യി​ലു​ള്ള മാ​റ്റ​വും നി​യ​മ​വ്യ​വ​സ്ഥ​യു​ടെ സ്ഥാ​യീ​ഭാ​വ​മാ​യി മാ​റി​യ കാ​ല​താ​മ​സ​വും കെ​ടു​കാ​ര്യ​സ്ഥ​ത​യും ചൂ​ണ്ടി​ക്കാ​ട്ടി​യാ​ണ് ഈ ​മാ​റ്റ​ത്തെ അ​ദ്ദേ​ഹം അ​നു​കൂ​ലി​ക്കു​ന്ന​ത്. പ​രാ​തി​ക്കാ​ര​നും സാ​ക്ഷി​ക​ൾ​ക്കും ഭേ​ദ​പ്പെ​ട്ട സം​ര​ക്ഷ​ണം ന​ൽ​കാ​നും സൈ​ബ​ർ കു​റ്റ​ങ്ങ​ളെ അ​ഭി​മു​ഖീ​ക​രി​ക്കാ​നും പു​തി​യ നി​യ​മ​ത്തി​ന് ക​ഴി​യും എ​ന്നാ​ണ് ഒ​രു വി​ഭാ​ഗം നി​യ​മ വി​ദ​ഗ്ധ​രു​ടെ അ​ഭി​പ്രാ​യം. ഇ​ന്ത്യ​യു​ടെ നി​യ​മ ച​ട്ട​ക്കൂ​ടി​നെ അ​ന്താ​രാ​ഷ്ട്ര നി​ല​വാ​ര​ത്തോ​ട് സ​മീ​ക​രി​ക്കു​ന്ന നി​ർ​ണാ​യ​ക ചു​വ​ടു​വെ​പ്പാ​യി അ​വ​ർ ഇ​തി​നെ കാ​ണു​ന്നു. കു​റ്റ​ങ്ങ​ൾ​ക്ക് ഫോ​റ​ൻ​സി​ക് ഇ​ൻ​വെ​സ്റ്റി​ഗേ​ഷ​ൻ, ന​ട​പ​ടി​ക്ര​മ​ങ്ങ​ൾ​ക്ക് കൃ​ത്യ​മാ​യ സ​മ​യ​ക്ര​മം എ​ന്നി​വ മ​റ്റു​ചി​ല​രും ഒ​രു ഗു​ണ​മാ​യി ഉ​യ​ർ​ത്തി​ക്കാ​ട്ടു​ന്നു​ണ്ട്. വി​യോ​ജി​പ്പു​ക​ൾ, ആ​ശ​ങ്ക​ക​ൾ

പൗ​രാ​വ​കാ​ശ സം​ഘ​ട​ന​ക​ളും നി​യ​മ​ജ്ഞ​രും ചി​ല പ്ര​തി​പ​ക്ഷ രാ​ഷ്ട്രീ​യ പാ​ർ​ട്ടി​ക​ളും ആ​ക്ടി​വി​സ്റ്റു​ക​ളും ഈ ​മാ​റ്റ​ങ്ങ​ളോ​ട് വി​യോ​ജി​പ്പ് അ​റി​യി​ക്കു​ന്നു. വ്യ​ക്തി​സ്വാ​ത​ന്ത്ര്യ​ത്തി​ൽ കൈ​ക​ട​ത്താ​നു​ള്ള വ​ലി​യ സാ​ധ്യ​ത​യും അ​തി​ന്റെ ദോ​ഷ​ഫ​ല​ങ്ങ​ളും ഏ​റെ ആ​ശ​ങ്ക​യു​ള​വാ​ക്കു​ന്ന​താ​ണ്. ഉ​ദാ​ഹ​ര​ണ​മാ​യി, ചി​ല കു​റ്റ​ങ്ങ​ളു​ടെ പ്ര​ഥ​മ വി​വ​ര റി​പ്പോ​ർ​ട്ട് ചെ​യ്യു​ന്ന​തി​ന് മു​ന്നോ​ടി​യാ​യി ബ​ന്ധ​പ്പെ​ട്ട പൊ​ലീ​സ് ഉ​ദ്യോ​ഗ​സ്ഥ​ർ പ്രാ​ഥ​മി​ക അ​ന്വേ​ഷ​ണം ന​ട​ത്ത​ണം എ​ന്ന് പു​തു​താ​യി നി​ർ​ദേ​ശി​ച്ചി​രി​ക്കു​ന്നു.

ഇ​ത് ദു​ർ​വ​ഹ​വും പ​രാ​തി​ക്കാ​ര​ന് നീ​തി ല​ഭി​ക്കു​ന്ന​തി​ന് ത​ട​സ്സ​വു​മാ​ണ്. എ​തി​ർ ശ​ബ്ദ​ങ്ങ​ളെ അ​ടി​ച്ച​മ​ർ​ത്തു​ന്ന​തും രാ​ഷ്ട്രീ​യ എ​തി​രാ​ളി​ക​ളെ ല​ക്ഷ്യം​വെ​ച്ചും ഉ​ള്ള​താ​ണ് നി​യ​മ​മെ​ന്ന് പ്ര​തി​പ​ക്ഷ ക​ക്ഷി​ക​ൾ ആ​രോ​പി​ക്കു​ന്നു. ഇ​രു സ​ഭ​ക​ളി​ലെ​യും പ്ര​തി​പ​ക്ഷ എം.​പി​മാ​ർ സ​സ്പെ​ൻ​ഷ​നി​ൽ ആ​യി​രി​ക്കു​മ്പോ​ഴാ​ണ് ബി​ൽ ച​ർ​ച്ച​ക്കെ​ടു​ത്ത​ത്. ലോ​ക്സ​ഭ​യി​ൽ ബി​ൽ പാ​സാ​ക്കു​മ്പോ​ൾ 141 എം.​പി​മാ​ർ പു​റ​ത്ത് സ​സ്പെ​ൻ​ഷ​നി​ൽ ആ​യി​രു​ന്നു. ഒ​രു വി​മ​ർ​ശ​നാ​ത്മ​ക വി​ശ​ക​ല​നം ബി​ല്ലി​ന്മേ​ൽ ന​ട​ന്നി​ട്ടി​ല്ല. ഇ​ത്ര​യും നി​ർ​ണാ​യ​ക​മാ​യ ഒ​രു നി​യ​മം പാ​സാ​ക്കു​മ്പോ​ൾ ഉ​ണ്ടാ​വേ​ണ്ട ജ​നാ​ധി​പ​ത്യ സം​വാ​ദം ഉ​ണ്ടാ​യി​ല്ല. പു​തി​യ നി​യ​മ​ങ്ങ​ൾ ഭ​ര​ണ​ഘ​ട​ന​യെ പ​രി​ഹ​സി​ക്കു​ന്ന​താ​ണ് എ​ന്നാ​ണ് പ്ര​ശ​സ്ത മ​നു​ഷ്യാ​വ​കാ​ശ പ്ര​വ​ർ​ത്ത​ക ടീ​സ്റ്റ സെ​ത​ൽ​വാ​ദി​ന്റെ പ​ക്ഷം.

സ്വാ​ത​ന്ത്ര്യ​പൂ​ർ​വ ഇ​ന്ത്യ​യി​ൽ ബ്രി​ട്ടീ​ഷു​കാ​ർ ന​ട​പ്പാ​ക്കി​യ റൗ​ല​റ്റ് ആ​ക്​​ടി​നോ​ട് സ​മീ​ക​രി​ക്കാ​ൻ ത​ക്ക ഭ​യാ​ന​ക​മാ​ണ് ഈ ​നി​യ​മ​ങ്ങ​ളി​ലെ ചി​ല വ്യ​വ​സ്ഥ​ക​ൾ എ​ന്ന ​ആ​ക്ഷേ​പ​വു​മു​ണ്ട്. സം​ശ​യി​ക്ക​പ്പെ​ടു​ന്ന​വ​രെ വി​ചാ​ര​ണ കൂ​ടാ​തെ ത​ട​വി​ലി​ടാ​നും പൗ​രാ​വ​കാ​ശ​ങ്ങ​ൾ ഗു​രു​ത​ര​മാ​യി ഹ​നി​ക്കാ​നും ഇ​ട​യാ​ക്കി​യ​തി​നാ​ൽ റൗ​ല​റ്റ് നി​യ​മം വ്യാ​പ​ക​മാ​യ പ്ര​തി​ഷേ​ധ​ത്തി​ന് ഇ​ട​യാ​ക്കി​യി​രു​ന്നു. സ​മാ​ന സ്വ​ഭാ​വ​ത്തി​ൽ, നി​യ​മ​പാ​ല​ക​ർ​ക്ക് വി​പു​ല​മാ​യ അ​ധി​കാ​ര​ങ്ങ​ൾ ന​ൽ​കി​ക്കൊ​ണ്ട് വ്യ​ക്തി​സ്വാ​ത​ന്ത്ര്യ​ത്തി​ന് കൂ​ച്ചു​വി​ല​ങ്ങി​ടാ​നും ഒ​രാ​ളെ സം​ശ​യി​ച്ച് അ​റ​സ്റ്റ് ചെ​യ്യാ​നും ചോ​ദ്യം​ചെ​യ്യാ​നും ഭാ​ര​തീ​യ നാ​ഗ​രി​ക് സു​ര​ക്ഷ സം​ഹി​ത വ്യ​വ​സ്ഥ ചെ​യ്യു​ന്നു. എ​തി​ർ ശ​ബ്ദ​ങ്ങ​ളെ അ​ടി​ച്ച​മ​ർ​ത്തി​യ റൗ​ല​റ്റ് ആ​ക്ടി​ന്റെ പ്രേ​തം പു​തി​യ നി​യ​മ​നി​ർ​മാ​ണ​ത്തെ ബാ​ധി​ച്ചി​ട്ടു​ണ്ട് എ​ന്ന​തി​ന്റെ സൂ​ച​ന​യാ​ണ് അ​പ​കോ​ള​നീ​ക​ര​ണം എ​ന്ന ല​ക്ഷ്യം മു​ൻ​നി​ർ​ത്തി​ക്കൊ​ണ്ട് വ​രു​ന്ന നി​യ​മം കോ​ള​നി​വ​ത്ക​ര​ണ​ത്തി​ലേ​ക്ക് തി​രി​ച്ചു​പോ​കു​ന്ന​തി​ന്റെ സൂ​ച​ന​ക​ൾ.

പൗ​ര​ന്മാ​രെ ശി​ക്ഷി​ക്കു​ക എ​ന്ന​തി​ലു​പ​രി അ​ടി​സ്ഥാ​ന അ​വ​കാ​ശ​ങ്ങ​ളും മൗ​ലി​കാ​വ​കാ​ശ​ങ്ങ​ളും സം​ര​ക്ഷി​ക്കു​ക​യാ​ണ് നി​യ​മ​ത്തി​ന്റെ ക​ട​മ. ഒ​രു കു​റ്റാ​രോ​പി​ത​നെ പൊ​ലീ​സ് ക​സ്റ്റ​ഡി​യി​ൽ വെ​ക്കാ​വു​ന്ന പ​ര​മാ​വ​ധി കാ​ല​യ​ള​വ് നി​ല​വി​ൽ 15 ദി​വ​സ​മാ​ണ്. അ​ത് 60 മു​ത​ൽ 90 വ​രെ ദി​വ​സ​ങ്ങ​ളാ​യി വ​ർ​ധി​പ്പി​ച്ച​ത്​ പൊ​ലീ​സി​ന് അ​മി​താ​ധി​കാ​രം ന​ൽ​കും. ഇ​ല​ക്ട്രോ​ണി​ക് ഡി​ജി​റ്റ​ൽ തെ​ളി​വു​ക​ൾ​ക്ക് കൂ​ടു​ത​ൽ സ്വീ​കാ​ര്യ​ത ക​ൽ​പി​ച്ചി​രി​ക്കെ, അ​ത്ത​രം തെ​ളി​വു​ക​ളു​ടെ വ്യാ​ജ​നി​ർ​മി​തി​യും അ​വ​ത​ര​ണ​വും നി​യ​ന്ത്രി​ക്കാ​ൻ പു​തി​യ നി​യ​മ​ത്തി​ൽ പ​രി​മി​ത​മാ​യ വ​കു​പ്പു​ക​ളേ ഉ​ള്ളൂ. സ്വേ​ച്ഛാ​പ​ര​മാ​യ ത​ട​വി​ൽ​നി​ന്നും പീ​ഡ​ന​ത്തി​ൽ​നി​ന്നും പൗ​ര​ന്മാ​ർ​ക്ക് സം​ര​ക്ഷ​ണം ന​ൽ​കു​ന്ന നി​ല​വി​ലെ നി​യ​മ​ത്തി​ൽ ആ​വോ​ളം വെ​ള്ളം ചേ​ർ​ക്കു​ക​യോ ഒ​ഴി​വാ​ക്കു​ക​യോ ചെ​യ്തി​ട്ടു​ണ്ട്.

ഉ​ത്ത​രം കി​ട്ടേ​ണ്ട നി​ര​വ​ധി ചോ​ദ്യ​ങ്ങ​ൾ നി​ല​നി​ൽ​ക്കെ ഈ ​നി​യ​മ​ങ്ങ​ൾ ന​ട​പ്പാ​ക്കു​ന്ന​ത് നീ​ട്ടി​വെ​ക്ക​ണ​മെ​ന്ന് പി.​യു.​സി.​എ​ൽ പോ​ലെ​യു​ള്ള മ​നു​ഷ്യാ​വ​കാ​ശ സം​ഘ​ട​ന​ക​ൾ ആ​വ​ശ്യ​പ്പെ​ട്ടി​രി​ക്കു​ക​യാ​ണ്. ലോ​യേ​ഴ്സ് അ​സോ​സി​യേ​ഷ​ൻ ഫോ​ർ ജ​സ്റ്റി​സ് ബം​ഗ​ളൂ​രു​വി​ൽ ന​ട​ത്തി​യ പ്ര​ക​ട​ന​ത്തി​ൽ മൂ​ന്ന് നി​യ​മ​ങ്ങ​ളും ന​ട​പ്പാ​ക്കു​ന്ന​തി​ൽ ആ​ശ​ങ്ക പ്ര​ക​ടി​പ്പി​ച്ചി​ട്ടു​ണ്ട്. പ്ര​തി​യു​ടെ വി​വി​ധ വി​വ​ര​ങ്ങ​ൾ പു​റ​ത്തു​വി​ടു​ന്ന​തും കൈ​വി​ല​ങ്ങ് അ​ണി​യി​ക്കു​ന്ന​തും ‘നി​ര​പ​രാ​ധി​ത്വ​ത്തി​ന്റെ അ​നു​മാ​ന’(Presumption of Innocence)ത്തി​ന് നേ​രെ​യു​ള്ള ആ​ക്ര​മ​ണ​മാ​ണെ​ന്ന് അ​വ​ർ ചൂ​ണ്ടി​ക്കാ​ട്ടു​ന്നു. പ്രാ​യോ​ഗി​ക അ​നു​ഭ​വ സ​മ്പ​ത്തും മു​ൻ​കാ​ല കോ​ട​തി വി​ധി​ക​ളും മ​റ്റും മു​ന്നി​ൽ വെ​ച്ചു​കൊ​ണ്ട് മാ​ത്ര​മേ ഒ​രു നി​യ​മാ​വ​ലി​യു​ടെ ഗു​ണ​ദോ​ഷ​ങ്ങ​ൾ വി​ല​യി​രു​ത്താ​ൻ ക​ഴി​യു​ക​യു​ള്ളൂ. ആ​ശ​ങ്ക​ക​ൾ​ക്ക് പ​രി​ഹാ​ര​മാ​യി കോ​ട​തി​ക​ളു​ടെ നീ​തി​യി​ല​ധി​ഷ്ഠി​ത​മാ​യ നി​യ​മ വ്യാ​ഖ്യാ​ന​ങ്ങ​ൾ​ക്ക് കാ​തോ​ർ​ക്കു​ക​യേ വ​ഴി​യു​ള്ളൂ.

(മു​ൻ അ​ധ്യാ​പ​ക​നും കോ​ഴി​ക്കോ​ട് ഗ​വ. ലോ ​കോ​ള​ജി​ലെ അ​വ​സാ​ന വ​ർ​ഷ എ​ൽ​എ​ൽ.​ബി വി​ദ്യാ​ർ​ഥി​യു​മാ​ണ് ലേ​ഖ​ക​ൻ)