പു​തി​യ നി​യ​മ​ങ്ങ​ൾ: ഹ​നി​ക്ക​പ്പെ​ടു​ന്ന​ത് ജ​ന​താ​ൽ​പ​ര്യം

വ​ർ​ഷ​ങ്ങ​ളോ​ളം നീ​ണ്ടു​നി​ന്ന വി​കാ​സ​ത്തി​ലൂ​ടെ​യും വ്യാ​ഖ്യാ​ന​ത്തി​ലൂ​ടെ​യും ഉ​രു​ത്തി​രി​ഞ്ഞ നി​യ​മ​ത​ത്ത്വ​ങ്ങ​ളും കോ​ട​തി​വി​ധി​ക​ളും നി​ല​നി​ൽ​ക്കെ, ച​ർ​ച്ച​ക​ൾ പോ​ലും കൂ​ടാ​തെ പു​തി​യ നി​യ​മ​ങ്ങ​ൾ കൊ​ണ്ടു​വ​ന്ന് അ​വ​ക്ക് ഹി​ന്ദി/​സം​സ്കൃ​ത ഭാ​ഷ​യി​ൽ ത​ല​ക്കെ​ട്ടു​ക​ൾ കൊ​ടു​ത്ത​ത് വ​ലി​യ വി​പ്ല​വ​മാ​ണെ​ന്ന് ക​രു​തു​ന്ന​ത് മൗ​ഢ്യ​മാ​ണ്

ജൂ​ലൈ ഒ​ന്നാം തീ​യ​തി മു​ത​ൽ നി​ല​വി​ൽ വ​ന്ന മൂ​ന്ന് പു​തി​യ പാ​ർ​ല​മെ​ന്റ​റി നി​യ​മ​ങ്ങ​ൾ ക്രി​മി​ന​ൽ നീ​തി നി​ർ​വ​ഹ​ണ​രം​ഗ​ത്ത് ഉ​ണ്ടാ​ക്കാ​ൻ പോ​കു​ന്ന പ്ര​ത്യാ​ഘാ​ത​ങ്ങ​ളെ​ക്കു​റി​ച്ച് നി​യ​മ​രം​ഗ​ത്തു​നി​ന്ന് ഇ​തി​ന​കം ഒ​ട്ടേ​റെ പ്ര​തി​ക​ര​ണ​ങ്ങ​ൾ വ​ന്നു​ക​ഴി​ഞ്ഞു. കേ​ന്ദ്ര​ത്തി​ലെ ഭ​ര​ണ​കൂ​ട​ത്തെ അ​ന്യ​ഥാ അ​നു​കൂ​ലി​ക്കു​ന്ന​വ​രി​ൽ ചി​ല​ർ പോ​ലും ഈ ​നി​യ​മ​ങ്ങ​ൾ​ക്ക് പി​ന്തു​ണ ന​ൽ​കി​യി​ട്ടി​ല്ല. നി​യ​മ​ലോ​ക​ത്തു​നി​ന്ന് പൊ​തു​വേ, പു​തി​യ വ്യ​വ​സ്ഥ​ക​ളു​ണ്ടാ​ക്കാ​ൻ പോ​കു​ന്ന അ​സ്വ​സ്ഥ​ത​ക​ളെ​ക്കു​റി​ച്ചും അ​നി​ശ്ചി​ത​ത്വ​ത്തെ​ക്കു​റി​ച്ചും മാ​ത്ര​മ​ല്ല, പൗ​രാ​വ​കാ​ശ ലം​ഘ​ന​ങ്ങ​ളെ​ക്കു​റി​ച്ചും ആ​കു​ല​ത​ക​ൾ ഉ​യ​ർ​ന്നി​ട്ടു​ണ്ട്.

യ​ഥാ​ർ​ഥ​ത്തി​ൽ കാ​ര്യ​മാ​യ ഉ​ൾ​ക്കാ​ഴ്ച​യോ ച​ർ​ച്ച​ക​ളോ കൂ​ടാ​തെ തി​ക​ച്ചും ഉ​പ​രി​പ്ല​വ​മാ​യ രീ​തി​യി​ൽ അ​വ​ത​രി​പ്പി​ക്ക​പ്പെ​ട്ട​വ​യാ​ണീ നി​യ​മ​ങ്ങ​ൾ. ഹി​ന്ദു​രാ​ഷ്ട്ര നി​ർ​മി​തി​ക്കാ​യു​ള്ള നി​യ​മ​നി​ർ​മാ​ണ സം​രം​ഭ​മാ​ണി​തെ​ന്ന് മോ​ഹ​ൻ ഗോ​പാ​ലി​നെ​പ്പോ​ലു​ള്ള അ​ക്കാ​ദ​മി​ക്കു​ക​ൾ വി​ല​യി​രു​ത്തു​ന്നു​ണ്ട്. അ​തി​നു​ള്ള സ​ർ​ഗാ​ത്മ​ക​ത​പോ​ലും ഈ ​നി​യ​മ​ങ്ങ​ൾ കൊ​ണ്ടു​വ​ന്ന ഭ​ര​ണ​കൂ​ട​ത്തി​ന് ഉ​ണ്ടാ​യി​രു​ന്നി​ല്ല എ​ന്ന​താ​ണ് എ​ന്റെ പ​ക്ഷം! പ​ഴ​യ നി​യ​മ​ങ്ങ​ളു​ടെ മ​ഹാ​ഭൂ​രി​പ​ക്ഷം വ്യ​വ​സ്ഥ​ക​ളും അ​പ്പ​ടി പ​ക​ർ​ത്തി​വെ​ച്ച​വ​ർ ചി​ല വ്യ​വ​സ്ഥ​ക​ളെ കൂ​ടു​ത​ൽ ജ​ന​വി​രു​ദ്ധ​മാ​ക്കി​യി​രി​ക്കു​ന്നു. നി​യ​മ​ര​ച​ന​യി​ൽ അ​വ​ശ്യം കാ​ണി​ക്കേ​ണ്ടു​ന്ന സൂ​ക്ഷ്മ​ത​യോ ക​ണി​ശ​ത​യോ വെ​ച്ചു​പു​ല​ർ​ത്താ​തെ ര​ചി​ക്ക​പ്പെ​ട്ട പ​ല വ്യ​വ​സ്ഥ​ക​ളും എ​ന്താ​ക​രു​ത് നി​യ​മ​ങ്ങ​ൾ എ​ന്ന ചോ​ദ്യ​ത്തി​നു​ള്ള ഉ​ത്ത​ര​മാ​ണ്.

രാ​ജ്യ​ദ്രോ​ഹ​ക്കു​റ്റം ‘മാ​റ്റി​യെ​ഴു​തി​യ​തി​ന്റെ’ കാ​ര്യം നോ​ക്കൂ. രാ​ജ്യ​​ദ്രോ​ഹം (sedition) എ​ന്ന വാ​ക്ക് ഒ​ഴി​വാ​ക്കി​യ​പ്പോ​ഴും പ​ക​ര​മാ​യി കൊ​ണ്ടു​വ​ന്ന 152ാം വ​കു​പ്പി​ലെ കൃ​ത്യ​ത കു​റ​ഞ്ഞ പ​ദാ​വ​ലി ഉ​പ​യോ​ഗി​ച്ച് സ​ർ​ക്കാ​റി​നെ​തി​രെ ന​ട​ത്തു​ന്ന വി​മ​ർ​ശ​ന​ങ്ങ​ളെ​പ്പോ​ലും ‘പ്ര​കോ​പ​ന​മു​ണ്ടാ​ക്കു​ന്ന’ ‘റെ​ബ​ലി​യ​ൻ’ പ്ര​വൃ​ത്തി​ക​ളാ​യി ദു​ർ​വ്യാ​ഖ്യാ​നം ചെ​യ്ത് ഭ​ര​ണ​കൂ​ട വി​മ​ർ​ശ​ക​രെ ജ​യി​ലി​ല​ട​ക്കാം. ഇ​പ്പോ​ൾ യു.​എ.​പി.​എ പോ​ലു​ള്ള നി​യ​മ​ങ്ങ​ൾ ഉ​പ​യോ​ഗി​ച്ചു ചെ​യ്യു​ന്ന അ​തേ കാ​ര്യം ഇ​നി പു​തി​യ ശി​ക്ഷാ​നി​യ​മം -ന്യാ​യ സം​ഹി​ത-​ഉ​പ​യോ​ഗി​ച്ച് ചെ​യ്യാ​മെ​ന്ന​ർ​ഥം. പ​ഴ​യ ശി​ക്ഷാ​നി​യ​മ​ത്തി​ൽ രാ​ജ്യ​ദ്രോ​ഹ​ക്കു​റ്റ​ത്തി​ന് വേ​ണ​മെ​ങ്കി​ൽ പി​ഴ​ശി​ക്ഷ മാ​ത്രം വി​ധി​ക്കാ​മാ​യി​രു​ന്നു; ത​ട​വു​ശി​ക്ഷ പൂ​ർ​ണ​മാ​യും ഒ​ഴി​വാ​ക്കാ​മാ​യി​രു​ന്നു. എ​ന്നാ​ൽ, പു​തി​യ നി​യ​മ​പ്ര​കാ​രം സ​മാ​ന കു​റ്റ​കൃ​ത്യ​ങ്ങ​ൾ​ക്ക് ത​ട​വു​ശി​ക്ഷ നി​ർ​ബ​ന്ധ​മാ​ണ്. ബ്രി​ട്ടീ​ഷു​കാ​ർ കൊ​ണ്ടു​വ​ന്ന വ്യ​വ​സ്ഥ​യു​ടെ ‘അ​പ​കോ​ള​നീ​ക​ര​ണം’ ന​ട​ത്തി ‘ഭാ​ര​തീ​യ’​മാ​ക്കി​യ​തി​ങ്ങ​നെ​യാ​ണ്!

പു​തി​യ ന്യാ​യ​സം​ഹി​ത​ക്ക​നു​സ​രി​ച്ച് ര​ജി​സ്റ്റ​ർ ചെ​യ്യ​പ്പെ​ട്ട ആ​ദ്യ കേ​സു​ക​ളി​ലൊ​ന്ന്, ഡ​ൽ​ഹി​യി​ൽ വെ​ള്ളം നി​റ​ച്ച കു​പ്പി​ക​ൾ വി​ൽ​പ​ന ന​ട​ത്തി​യ ഒ​രു വ​ഴി​വാ​ണി​ഭ​ക്കാ​ര​നെ​തി​രെ​യു​ള്ള​താ​ണ്. പു​തി​യ നി​യ​മ​ത്തി​ലെ 285ാം വ​കു​പ്പി​നെ ഉ​പ​യോ​ഗി​ച്ചാ​ണി​ത് ചെ​യ്ത​ത്. ഈ ​വ്യ​വ​സ്ഥ​യ​നു​സ​രി​ച്ച്, ഒ​രാ​ളു​ടെ കൈ​യി​ലെ വ​സ്തു​വ​ക​ക​ൾ നേ​രാ​യ വി​ധ​ത്തി​ൽ സൂ​ക്ഷി​ക്കാ​തെ പൊ​തു​വ​ഴി​യി​ൽ ത​ട​സ്സ​മു​ണ്ടാ​ക്കു​ന്ന​ത് കു​റ്റ​ക​ര​മാ​ണ്. ഈ ​വ്യ​വ​സ്ഥ​യി​ലെ വാ​ക്കു​ക​ൾ​പോ​ലും ദു​ർ​വ്യാ​ഖ്യാ​ന​ത്തി​നും ദു​രു​പ​യോ​ഗ​ത്തി​നും ഇ​ട​കൊ​ടു​ക്കു​ന്ന​താ​ണ്. ഇ​ത്ത​ര​ത്തി​ൽ സൂ​ക്ഷ്മ​ത​യി​ല്ലാ​തെ ര​ചി​ക്ക​പ്പെ​ട്ട വ്യ​വ​സ്ഥ​ക​ൾ ഭാ​വി​യി​ൽ വ്യ​വ​ഹാ​ര​പ്ര​ള​യം ത​ന്നെ സൃ​ഷ്ടി​ച്ചാ​ലും അ​ത്ഭു​ത​പ്പെ​ടാ​നി​ല്ല. അ​ല​സ​മാ​യി നി​ർ​മി​ക്ക​പ്പെ​ട്ട നി​യ​മ​വ്യ​വ​സ്ഥ​ക​ൾ, അ​ന്യ​ഥാ വ്യ​വ​ഹാ​ര​ഭാ​രം കൊ​ണ്ടു​വ​ല​യു​ന്ന ന​മ്മു​ടെ സം​വി​ധാ​ന​ത്തെ ഒ​ട്ടൊ​ന്നു​മ​ല്ല പ്ര​യാ​സ​പ്പെ​ടു​ത്തു​ക!

പു​തി​യ നാ​ഗ​രി​ക സു​ര​ക്ഷാ സം​ഹി​ത​യി​ലെ 173ാം വ​കു​പ്പ​നു​സ​രി​ച്ച് കു​റ്റ​കൃ​ത്യ​ങ്ങ​ളെ​ക്കു​റി​ച്ചു​ള്ള വി​വ​ര​ങ്ങ​ൾ ഇ​ല​ക്ട്രോ​ണി​ക് വി​നി​മ​യ രീ​തി​യി​ലൂ​ടെ അ​റി​യി​ക്കാ​ൻ വ്യ​വ​സ്ഥ​യു​ണ്ട്. ഇ​പ്പോ​ഴ​ത്തെ മൊ​ബൈ​ൽ ഫോ​ൺ അ​ട​ക്ക​മു​ള്ള വി​നി​മ​യ രീ​തി​ക​ളു​ടെ ബാ​ഹു​ല്യം കാ​ര​ണം പൊ​ലീ​സ് സ്റ്റേ​ഷ​നു​ക​ളി​ൽ പ​രാ​തി സ​ന്ദേ​ശ​ങ്ങ​ളു​ടെ കു​ത്തൊ​ഴു​ക്കു​ണ്ടാ​യാ​ൽ അ​ത്ഭു​ത​പ്പെ​ടാ​നി​ല്ലെ​ന്ന് അ​ഭി​ഭാ​ഷ​ക​നാ​യ ബി.​വി. ആ​ചാ​ര്യ എ​ഴു​തി​യ​ത് ശ​രി​യാ​ണ്.

സുരക്ഷാസംഹിതയിലെ 185-ാം വകുപ്പും തുടർവ്യവസ്ഥകളും പൊലീസ് കസ്റ്റഡിയുടെ കാര്യത്തിൽ വലിയ അമിതാധികാരമാണ് സൃഷ്ടിക്കുക. 187-ാം വകുപ്പ് പ്രകാരം 15 ദിവസത്തെ കസ്റ്റഡി പൂർണമായോ ഭാഗികമായോ അന്വേഷണ കാലയളവിൽ എപ്പോൾ വേണമെങ്കിലും ചോദിക്കാമെന്നുവന്നാൽ പൗരന്മാരെ എപ്പോൾ വേണമെങ്കിലും കസ്റ്റഡിയിൽ ആവശ്യപ്പെടാൻ പൊലീസിന് കഴിയും എന്നുവരും.

കുറ്റകൃത്യങ്ങളിൽ പ്രഥമവിവര റിപ്പോർട്ട് (എഫ്.ഐ.ആർ) നിർബന്ധമാക്കിയ ലളിതകുമാരി കേസിലെ വിധി (2012) അവഗണിച്ചുകൊണ്ട് ഇക്കാര്യത്തിൽ വിവേചനാധികാരം പൊലീസിന് നൽകിയിരിക്കുന്നു. ചിലയിനം കുറ്റകൃത്യങ്ങളിൽ പ്രാഥമിക അന്വേഷണം നടത്തി എഫ്.ഐ.ആർ രജിസ്റ്റർ ചെയ്യണമോ വേണ്ടയോ എന്നത് പൊലീസിന് തീരുമാനിക്കാം. ഇതാണ് സുരക്ഷാസംഹിതയിലെ 173(3) വകുപ്പിന്‍റെ താൽപര്യം. സുനിൽ ബാത്ര കേസിലെ(1978) കൈയാമം വെക്കുന്നതിനെതിരായ വിധിയെ അട്ടിമറിക്കുന്നതാണ് സുരക്ഷാസംഹിതയിലെ 43(3) വകുപ്പ്. വധശിക്ഷ പരിമിതപ്പെടുത്തണമെന്നു പറഞ്ഞ ബച്ചൻ സിങ് കേസിലെ (1980) വിധിയെ അവഗണിച്ചുകൊണ്ട് വധശിക്ഷ മറ്റ് കുറ്റങ്ങളിലേക്കുകൂടി വ്യാപിപ്പിക്കുകയാണ് ന്യായസംഹിത ചെയ്തിട്ടുള്ളത്.

തെ​ളി​വു നി​യ​മ​ത്തി​ൽ വ​രു​ത്തി​യ ഭേ​ദ​ഗ​തി​ക​ൾ വ്യ​ക്തി​ക​ളു​ടെ സ്വ​കാ​ര്യ​ത​യി​ലും സ്വ​യം പ്ര​തി​രോ​ധ​ത്തി​നു​ള്ള അ​വ​കാ​ശ​ത്തി​ലും എ​ന്തെ​ല്ലാം പ്ര​ത്യാ​ഘാ​ത​ങ്ങ​ളാ​ണു​ണ്ടാ​ക്കു​ക എ​ന്ന​ത് ക​ണ്ട​റി​യേ​ണ്ടി​യി​രി​ക്കു​ന്നു. നി​ർ​ബ​ന്ധി​ത ശി​ക്ഷ നി​ർ​ദേ​ശി​ക്കു​ന്ന പു​തി​യ ന്യാ​യ​സം​ഹി​ത​യി​ലെ വ്യ​വ​സ്ഥ​ക​ൾ ഇ​ക്കാ​ര്യ​ത്തി​ൽ ന്യാ​യാ​ധി​പ​ർ​ക്കു​ള്ള വി​വേ​ച​നാ​ധി​കാ​രം ഇ​ല്ലാ​താ​ക്കും. അ​തി​ലു​പ​രി, ശി​ക്ഷ നി​ർ​ബ​ന്ധ​മാ​ക്കു​ന്ന സാ​ഹ​ച​ര്യ​ത്തി​ൽ പ്ര​തി​ക​ളെ വെ​റു​തെ​വി​ടാ​നു​ള്ള പ്ര​വ​ണ​ത​യാ​ണ് ശ​ക്ത​മാ​വു​ക എ​ന്ന് ചി​ന്തി​ക്കു​ന്ന​തി​ൽ തെ​റ്റി​ല്ല.

ഇ​നി​യ​ങ്ങോ​ട്ട് കു​റേ​ക്കാ​ല​ത്തേ​ക്ക് ഇ​ന്ത്യ​ൻ ശി​ക്ഷാ നി​യ​മം ഒ​രു​ഭാ​ഗ​ത്തും ന്യാ​യ​സം​ഹി​ത മ​റു​ഭാ​ഗ​ത്തും നി​ല​യു​റ​പ്പി​ക്കു​ന്ന സാ​ഹ​ച​ര്യ​മു​ണ്ടാ​കും. 2024 ജൂ​ലൈ ഒ​ന്നി​നു​മു​മ്പ് ന​ട​ന്ന കു​റ്റ​കൃ​ത്യ​ങ്ങ​ളു​ടെ കാ​ര്യ​ത്തി​ൽ ഇ​ന്ത്യ​ൻ ശി​ക്ഷാ​നി​യ​മം ത​ന്നെ​യാ​യി​രി​ക്കും പ്ര​യോ​ഗി​ക്ക​പ്പെ​ടു​ക. ഈ ​കേ​സു​ക​ൾ പ​തി​നാ​യി​ര​ക്ക​ണ​ക്കി​നു​ണ്ടാ​കും. അ​വ​യു​ടെ മേ​ലു​ള്ള അ​പ്പീ​ലു​ക​ളും റി​വി​ഷ​നു​ക​ളു​മെ​ല്ലാം ക​ഴി​യാ​ൻ നി​ര​വ​ധി വ​ർ​ഷ​ങ്ങ​ളെ​ടു​ക്കും. അ​ത്ര​യും കാ​ലം ശി​ക്ഷാ നി​യ​മം ത​ന്നെ​യാ​യി​രി​ക്കും ഈ ​കേ​സു​ക​ളി​ൽ പ്ര​സ​ക്ത​മാ​വു​ക. അ​തി​നു​ശേ​ഷം ന​ട​ക്കു​ന്ന കു​റ്റ​കൃ​ത്യ​ങ്ങ​ളു​ടെ കാ​ര്യ​ത്തി​ൽ പു​തി​യ ന്യാ​യ​സം​ഹി​ത​യാ​ണ് ബാ​ധ​കം. ചു​രു​ക്ക​ത്തി​ൽ വ​രാ​നി​രി​ക്കു​ന കു​റേ​ക്കാ​ല​ത്തേ​ക്ക് ഈ ​ര​ണ്ട് നി​യ​മ​ങ്ങ​ളും പ്ര​സ​ക്ത​മാ​കു​ന്ന സാ​ഹ​ച​ര്യ​മാ​ണു​ണ്ടാ​വു​ക. ഇ​തു​ണ്ടാ​ക്കു​ന്ന അ​മി​ത​ഭാ​രം നി​യ​മ രം​ഗ​ത്തു​ള്ള​വ​രെ മാ​ത്ര​മ​ല്ല, സാ​ധാ​ര​ണ ജ​ന​ങ്ങ​ളെ​യും വ​ല​ക്കും.

വ​ർ​ഷ​ങ്ങ​ളോ​ളം നീ​ണ്ടു​നി​ന്ന വി​കാ​സ​ത്തി​ലൂ​ടെ​യും വ്യാ​ഖ്യാ​ന​ത്തി​ലൂ​ടെ​യും ഉ​രു​ത്തി​രി​ഞ്ഞ നി​യ​മ​ത​ത്ത്വ​ങ്ങ​ളും കോ​ട​തി​വി​ധി​ക​ളും നി​ല​നി​ൽ​ക്കെ, ച​ർ​ച്ച​ക​ൾ പോ​ലും കൂ​ടാ​തെ പു​തി​യ നി​യ​മ​ങ്ങ​ൾ കൊ​ണ്ടു​വ​ന്ന് അ​വ​ക്ക് ഹി​ന്ദി/​സം​സ്കൃ​ത ഭാ​ഷ​യി​ൽ ത​ല​ക്കെ​ട്ടു​ക​ൾ കൊ​ടു​ത്ത​ത് വ​ലി​യ വി​പ്ല​വ​മാ​ണെ​ന്ന് ക​രു​തു​ന്ന​ത് മൗ​ഢ്യ​മാ​ണ്. കേ​സു​ക​ൾ സ​മ​യ​ത്ത് തീ​ർ​ക്കു​ന്ന​തി​നെ​ക്കു​റി​ച്ചും ഫോ​റ​ൻ​സി​ക് തെ​ളി​വു​ക​ൾ ശേ​ഖ​രി​ക്കു​ന്ന​തി​നെ​ക്കു​റി​ച്ചും നി​യ​മ​പു​സ്ത​ക​ത്തി​ൽ എ​ഴു​തി​വെ​ച്ച​തു​കൊ​ണ്ടു​മാ​ത്രം കാ​ര്യ​മി​ല്ല. അ​ത്ത​രം കാ​ര്യ​ങ്ങ​ൾ പ്ര​യോ​ഗ​ത​ല​ത്തി​ൽ ഫ​ല​പ്ര​ദ​മാ​യി ന​ട​പ്പി​ലാ​ക​ണ​മെ​ങ്കി​ൽ ഘ​ട​നാ​പ​ര​മാ​യ മാ​റ്റ​ങ്ങ​ൾ ഉ​ണ്ടാ​ക​ണം. അ​തി​നു ശ്ര​മി​ക്കാ​തെ നി​യ​മ​ത്തി​ൽ വ്യ​വ​സ്ഥ​ക​ൾ എ​ഴു​തി​ച്ചേ​ർ​ക്കു​ന്ന​ത് പ​തി​റ്റാ​ണ്ടു​ക​ൾ പ​ഴ​ക്ക​മു​ള്ള ഇ​ന്ത്യ​ൻ ഭ​ര​ണ​കൂ​ട രീ​തി​യാ​ണ്. ഇ​പ്പോ​ഴ​ത്തെ നി​യ​മ​ങ്ങ​ളി​ലും ഇ​തി​ന്റെ ത​നി​യാ​വ​ർ​ത്ത​നം കാ​ണാം.

ന​ട​പ​ടി​​ക്ര​മ​ങ്ങ​ളി​ലും രേ​ഖ​ക​ളു​ടെ വി​നി​മ​യം, മൊ​ഴി രേ​ഖ​പ്പെ​ടു​ത്ത​ൽ തു​ട​ങ്ങി​യ കാ​ര്യ​ങ്ങ​ളി​ലും സാ​​ങ്കേ​തി​ക വി​ദ്യ​യു​ടെ വ​ർ​ധി​ച്ച ഉ​പ​യോ​ഗം പു​തി​യ നി​യ​മ​ങ്ങ​ൾ അ​നു​ശാ​സി​ക്കു​ന്നു​വെ​ന്ന​ത് സ്വാ​ഗ​താ​ർ​ഹ​മാ​ണ്. സാ​മൂ​ഹി​ക സേ​വ​നം പോ​ലു​ള്ള പു​തി​യ ശി​ക്ഷാ​വി​ധി​ക​ൾ നി​ർ​ദേ​ശി​ക്ക​പ്പെ​ട്ട​തും ന​ല്ല കാ​ര്യം ത​ന്നെ. എ​ന്നാ​ൽ, ഇ​ത്ത​രം നാ​മ​മാ​ത്ര​മാ​യ മാ​റ്റ​ങ്ങ​ൾ കൊ​ണ്ടു​വ​രാ​ൻ നി​യ​മ​ങ്ങ​ൾ പൊ​ളി​​ച്ചെ​ഴു​തേ​ണ്ടു​ന്ന കാ​ര്യ​മു​ണ്ടാ​യി​രു​ന്നി​ല്ല. അ​വ​യി​ൽ ഭേ​ദ​ഗ​തി​ക​ൾ വ​രു​ത്തി​യാ​ൽ മ​തി​യാ​യി​രു​ന്നു. സ്വാ​ത​ന്ത്ര്യ​ത്തി​നു​ശേ​ഷ​മു​ള്ള നീ​ണ്ട​കാ​ല​യ​ള​വി​ൽ ക്രി​മി​ന​ൽ നി​യ​മ​ങ്ങ​ളി​ലും തെ​ളി​വു നി​യ​മ​ത്തി​ലു​മു​ള്ള അ​വ്യ​ക്ത​ത​ക​ൾ നീ​ക്കി​യ​ത് ആ​യി​ര​ക്ക​ണ​ക്കി​ന് കോ​ട​തി വി​ധി​ക​ളി​ലൂ​ടെ​യാ​ണ്. ഇ​വ​യൊ​ക്കെ അ​വ​ഗ​ണി​ച്ചു​കൊ​ണ്ടാ​ണ് ഒ​രു നി​യ​മ​നി​ർ​മാ​ണ സാ​ഹ​സി​ക​ത​ക്ക് കേ​ന്ദ്രം തു​നി​ഞ്ഞ​ത്. അ​ത് സൃ​ഷ്ടി​ക്കു​ന്ന പ്ര​യാ​സ​ങ്ങ​ൾ സ​ഹി​ക്കാ​ൻ ജ​ന​ങ്ങ​ളും നി​യ​മ​ലോ​ക​വും ത​യാ​​റാ​യേ​നെ- എ​ന്തെ​ങ്കി​ലും സാ​ര​മാ​യ പ്ര​യോ​ജ​നം രാ​ജ്യ​ത്തി​നോ ജ​ന​ങ്ങ​ൾ​ക്കോ ഉ​ണ്ടാ​കു​മാ​യി​രു​ന്നു​വെ​ങ്കി​ൽ. എ​ന്നാ​ൽ, ഗു​ണ​ത്തേ​ക്കാ​ൾ ദോ​ഷം മാ​ത്രം വ​രു​ത്തു​ന്ന ഈ ​നി​യ​മ​ങ്ങ​ൾ കൊ​ണ്ടു​വ​ന്ന​ത് മ​റ്റാ​ർ​ക്കു​വേ​ണ്ടി​യാ​ണെ​ങ്കി​ലും ജ​ന​ങ്ങ​ൾ​ക്ക് വേ​ണ്ടി​യ​ല്ല.

(ലേ​ഖ​ക​ൻ സു​​പ്രീം​കോ​ട​തി​യി​ലും കേ​ര​ള ഹൈ​കോ​ട​തി​യി​ലും അ​ഭി​ഭാ​ഷ​ക​നാ​ണ്)