‘നു​സു​ക്​’: തീ​ർ​ഥാ​ട​ക ല​ക്ഷ്യ​ങ്ങ​ൾ വി​പു​ല​പ്പെ​ടു​ത്തി സൗ​ദി

തീ​ർ​ഥാ​ട​ന സൗ​ക​ര്യ​ങ്ങ​ളി​ൽ വ​മ്പി​ച്ച വ​ർ​ധ​ന വ​രു​ത്തു​ന്ന​തോ​ടെ 2030 എ​ത്തു​മ്പോ​ൾ 12 ദ​ശ​ല​ക്ഷം യാ​ത്രി​ക​ർ ഇ​ന്ത്യ​യി​ൽ നി​ന്നു​ണ്ടാ​വു​മെ​ന്നാ​ണ്​ സൗ​ദി​യു​ടെ പ്ര​തീ​ക്ഷ

ദൈ​വ​ഭ​വ​ന​വും പു​ണ്യ​ന​ഗ​രി​ക​ളും സ​ന്ദ​ർ​ശി​ക്കാ​നെ​ത്തു​ന്ന വി​ശ്വാ​സി​ക​ൾ​ക്ക്​ സു​ഗ​മ​വും വൈ​വി​ധ്യ​പൂ​ർ​ണ​വു​മാ​യ യാ​ത്രാ​വ​ഴി​ക​ളൊ​രു​ങ്ങു​ക​യാ​ണ്​ സൗ​ദി അ​റേ​ബ്യ​യി​ൽ. ജീ​വി​ത​സ്വ​പ്ന​മാ​യ ഹ​ജ്ജി​നും ഉം​റ​ക്കു​മാ​യി ക​അ്​​ബ​യെ​ന്ന അ​ല്ലാ​ഹു​വി​ന്‍റെ ഭൂ​മി​യി​ലെ ആ​ദ്യ​ഭ​വ​ന​ത്തി​ല​ണ​യാ​ൻ കൊ​തി​ക്കു​ന്ന​വ​ർ​ക്കു​മു​ന്നി​ലെ ക​ട​മ്പ​ക​ൾ ല​ളി​ത​മാ​ക്കി തീ​ർ​ഥാ​ട​ന​വും സൗ​ദി സ​ന്ദ​ർ​ശ​ന​വും അ​ത്യാ​ക​ർ​ഷ​ക​മാ​ക്കാ​നു​ള്ള വി​വി​ധ പ​ദ്ധ​തി​ക​ളാ​ണ്​ ന​ട​പ്പാ​ക്കി​വ​രു​ന്ന​ത്.

ഇ​സ്​​ലാ​മി​ക ച​രി​ത്ര​വും നാ​ഗ​രി​ക​ത​യും അ​റ​ബി സം​സ്കാ​ര​വു​മാ​യി ഇ​ഴ​ചേ​ർ​ന്നു കി​ട​ക്കു​ന്ന സൗ​ദി​യി​ലേ​ക്കു കൂ​ടു​ത​ൽ സ​ന്ദ​ർ​ശ​ക​ശ്ര​ദ്ധ​യും സാ​ന്നി​ധ്യ​വും നേ​ടി​യെ​ടു​ക്കാ​നു​ള്ള വി​പു​ല​മാ​യ പ​രി​പാ​ടി​ക​ൾ സൗ​ദി വി​ഷ​ൻ 2030ന്‍റെ ഭാ​ഗ​മാ​യി ആ​വി​ഷ്ക​രി​ച്ചി​ട്ടു​ണ്ട്.

ഇ​ട​നി​ല​ക്കാ​രു​ടെ​യും സൗ​ക​ര്യ​ദാ​താ​ക്ക​ളു​ടെ​യും സ​ഹാ​യ​മി​ല്ലാ​തെ​ത​ന്നെ തീ​ർ​ഥാ​ട​ന​ത്തി​ന്​ ഒ​രു​ങ്ങു​ന്ന​വ​ർ​ക്ക്​ വി​സ ന​ട​പ​ടി​ക്ര​മ​ങ്ങ​ൾ മു​ത​ൽ മ​ക്ക, മ​ദീ​ന സ​ന്ദ​ർ​ശ​ന​വും പു​റ​മെ സൗ​ദി​യി​ലെ വി​വി​ധ ച​രി​ത്ര, ​പൈ​തൃ​ക​സ്ഥ​ല​ങ്ങ​ൾ കാ​ണാ​നും മ​രൂ​ഭൂ​മി​യു​ടെ​യും അ​റ​ബ​ക​ങ്ങ​ളു​ടെ​യും സൗ​ന്ദ​ര്യം ആ​സ്വ​ദി​ക്കാ​നു​മു​ള്ള സൗ​ക​ര്യ​മൊ​രു​ക്കി​യി​രി​ക്കു​ക​യാ​ണ്​ ഭ​ര​ണ​കൂ​ടം. സൗ​ദി​യി​ലു​ട​നീ​ളം പ​തി​നാ​യി​ര​ത്തി​ലേ​റെ പൗ​രാ​ണി​ക ഇ​ട​ങ്ങ​ളും യു​നെ​സ്​​കോ​യു​ടെ ആ​ഗോ​ള പൈ​തൃ​ക​പ്പ​ട്ടി​ക​യി​ൽ​പെ​ട്ട ഏ​ഴു കേ​ന്ദ്ര​ങ്ങ​ളു​മു​ണ്ട്. ​

ഉം​റ ചെ​യ്യാം അ​റ​ബി​നാ​ടും കാ​ണാം

ഉം​റ വി​സ​യി​ൽ തീ​ർ​ഥാ​ട​ന​ത്തി​നു പോ​യി​രു​ന്ന​വ​ർ​ക്ക്​ ഇ​രു ഹ​റ​മു​ക​ളി​ൽ യാ​ത്ര പ​രി​മി​ത​പ്പെ​ടു​ത്തി​യി​രു​ന്ന രീ​തി മാ​റ്റി സൗ​ദി അ​റേ​ബ്യ​യി​ലു​ട​നീ​ളം സ​ന്ദ​ർ​ശ​ന​ത്തി​നു​കൂ​ടി ഇ​നി​മു​ത​ൽ സൗ​ക​ര്യ​മു​ണ്ടാ​വും. ഉം​റ​യും മ​ദീ​ന സ​ന്ദ​ർ​ശ​ന​വും ഉ​ദ്ദേ​ശി​ക്കു​ന്ന​വ​ർ​ക്ക്​ ഓ​ൺ​ലൈ​ൻ പ്ര​വേ​ശ​ന വി​സ, വി​ശു​ദ്ധ ന​ഗ​ര​ങ്ങ​ളി​ലെ താ​മ​സം, ഭ​ക്ഷ​ണം, വി​വി​ധ​യി​ട​ങ്ങ​ളി​ലേ​ക്കു​ള്ള വി​മാ​നം, ടാ​ക്സി, ടൂ​റി​സ്റ്റ്​ യാ​ത്രാ​സൗ​ക​ര്യ​ങ്ങ​ൾ, ഗൈ​ഡു​മാ​രു​ടെ സ​ഹാ​യം എ​ന്നി​വ​യെ​ല്ലാം അ​നാ​യാ​സം ല​ഭ്യ​മാ​ക്കാ​നു​ള്ള സം​വി​ധാ​ന​മാ​ണ്​ ഒ​രു​ക്കി​യി​രി​ക്കു​ന്ന​ത്.

ഇ​തി​നാ​യി സൗ​ദി ഹ​ജ്ജ്​-​ഉം​റ മ​ന്ത്രാ​ല​യം സൗ​ദി ടൂ​റി​സം അ​തോ​റി​റ്റി​യു​മാ​യി ചേ​ർ​ന്ന് 2022 ന​വം​ബ​റി​ൽ ‘നു​സു​ക്​’ എ​ന്ന പേ​രി​ൽ ഔ​ദ്യോ​ഗി​ക സൗ​ദി പ്ലാ​റ്റ്​​ഫോം സ​ജ്ജ​മാ​ക്കി. തീ​ർ​ഥാ​ട​ക​ർ​ക്ക്​ ത്വ​വാ​ഫ്​ ​ട്രാ​ക്കി​ങ്, മ​ദീ​ന​യി​ലെ പ്ര​വാ​ച​ക​ന്‍റെ പ​ള്ളി​യി​ൽ റൗ​ദ സ​ന്ദ​ർ​ശ​ന​ത്തി​നു​ള്ള ബു​ക്കി​ങ്, പ്ര​ധാ​ന ടൂ​റി​സ്റ്റ്​ കേ​ന്ദ്ര​ങ്ങ​ളി​ലേ​ക്കു​ള്ള സ​ന്ദ​ർ​ശ​നം, യാ​ത്രാ​റൂ​ട്ട്​ ക്ര​മീ​ക​ര​ണം തു​ട​ങ്ങി​യ സൗ​ക​ര്യ​ങ്ങ​ൾ കൂ​ടി വൈ​കാ​തെ ‘നു​സു​കി’​ൽ ല​ഭ്യ​മാ​കും.

വി​മാ​ന​യാ​ത്ര, സൗ​ദി​യി​​ലെ ആ​ഭ്യ​ന്ത​ര ഗ​താ​ഗ​തം, താ​മ​സ സൗ​ക​ര്യ​ങ്ങ​ൾ, സേ​വ​ന​വി​ന്യാ​സം (Logistics Services) എ​ന്നീ വി​ഭാ​ഗ​ങ്ങ​ളി​ലാ​യി 300 സ്ഥാ​പ​ന​ങ്ങ​ൾ സ​ർ​ക്കാ​റു​മാ​യി സ​ഹ​ക​രി​ച്ചു പ്ര​വ​ർ​ത്തി​ക്കു​ന്നു​ണ്ട്.

വി​ദേ​ശി​ക​ളു​ടെ സൗ​ദി സ​ന്ദ​ർ​ശ​നം അ​വി​സ്മ​ര​ണീ​യ​മാ​ക്കു​ക​യെ​ന്ന തീ​രു​മാ​ന​ത്തി​ന്‍റെ ഭാ​ഗ​മാ​യാ​ണ്​ ഉം​റ വി​സ​ക്ക്​ മൂ​ന്നു​മാ​സ​ത്തെ കാ​ലാ​വ​ധി ന​ൽ​കി​യ​തും നാ​ലു​ദി​വ​സ​ത്തെ ട്രാ​ൻ​സി​റ്റ്​ വി​സ​യി​ൽ ഉം​റ സൗ​ക​ര്യ​മേ​ർ​പ്പെ​ടു​ത്തി​യ​തും. കോ​വി​ഡ്​ കാ​ല​ത്ത്​ ഉം​റ തീ​ർ​ഥാ​ട​ന​വും മ​ദീ​ന സ​ന്ദ​ർ​ശ​ന​വും ചി​ട്ട​പ്പെ​ടു​ത്താ​നാ​യി ആ​വി​ഷ്ക​രി​ച്ച ‘ഇ​അ്​​ത​മ​ർ​നാ’ എ​ന്ന ആ​പ്​ ആ​ണ്​ കൂ​ടു​ത​ൽ വി​പു​ല​മാ​യ സൗ​ക​ര്യ​ങ്ങ​ളു​മാ​യി നു​സു​ക്​ ആ​പ് ആ​യി മാ​റു​ന്ന​ത്.

ഇ​തോ​ടെ ലോ​ക​ത്തി​ന്‍റെ ഏ​തു ഭാ​ഗ​ത്തു​നി​ന്നു​മെ​ത്തു​ന്ന​വ​ർ​ക്ക്​ തീ​ർ​ഥാ​ട​നം അ​യ​ത്ന​ല​ളി​ത​മാ​വും. രാ​ജ്യ​ത്തേ​ക്കു​ള്ള പ്ര​വേ​ശ​ന ന​ട​പ​ടി​ക്ര​മം ല​ളി​ത​മാ​ക്കു​ക​യും അ​ത്യാ​വ​ശ്യ വി​വ​ര​ങ്ങ​ളും ആ​ത്മീ​യ​വും സാം​സ്​​കാ​രി​ക​വു​മാ​യ ഉ​ൾ​ക്കാ​ഴ്ച​ക​ളും പ്ര​ദാ​നം ചെ​യ്ത്​ ഉം​റ അ​നു​ഭ​വ​ത്തെ സ​മ്പ​ന്ന​മാ​ക്കു​ക​യു​മാ​ണ്​ ‘നു​സു​കി’​ന്‍റെ ല​ക്ഷ്യ​മെ​ന്ന്​ സൗ​ദി ഹ​ജ്ജ്​-​ഉം​റ മ​ന്ത്രി ഡോ. ​തൗ​ഫീ​ഖ്​ റ​ബീ​അ പ​റ​യു​ന്നു.

അ​മേ​രി​ക്ക, യൂ​റോ​പ്, ആ​സ്​​ട്രേ​ലി​യ തു​ട​ങ്ങി അ​റു​പ​തോ​ളം രാ​ജ്യ​ങ്ങ​ളി​ലെ ഹ​ജ്ജ്​ തീ​ർ​ഥാ​ട​ക​ർ​ക്ക്​ ഈ ​ആ​പ്​ വ​ഴി നടപടിക്രമങ്ങൾ എളുപ്പമാക്കാനുളള അ​വ​സ​രം ക​ഴി​ഞ്ഞ വ​ർ​ഷം സൗ​ദി ഭ​ര​ണ​കൂ​ടം ഒ​രു​ക്കി​യി​രു​ന്നു.

ഇ​ന്ത്യ​ൻ തീ​ർ​ഥാ​ട​ക​ർ മു​ഖ്യ ഉ​ന്നം

ക​ഴി​ഞ്ഞ വ​ർ​ഷം 18 ല​ക്ഷം തീ​ർ​ഥാ​ട​ക​രാ​ണ്​ ഇ​ന്ത്യ​യി​ൽ​നി​ന്ന്​ ഉം​റ​ക്കാ​യി സൗ​ദി​യി​ലെ​ത്തി​യ​ത്. സ​ന്ദ​ർ​ശ​ക​രു​ടെ എ​ണ്ണ​ത്തി​ൽ മൂ​ന്നാം സ്ഥാ​ന​ത്താ​യി​രു​ന്നു രാ​ജ്യം. അ​ടു​ത്ത വ​ർ​ഷ​ത്തോ​ടെ ഇ​തു ഇ​ര​ട്ടി​യാ​ക്കാ​നു​ള്ള യ​ത്ന​ത്തി​ലാ​ണ്​ സൗ​ദി അ​ധി​കൃ​ത​ർ. സൗ​ദി ഹ​ജ്ജ്-​ഉം​റ മ​ന്ത്രി ഡോ. ​തൗ​ഫീ​ഖ്​ അ​ർ​റ​ബീ​അ​യും മ​ന്ത്രാ​ല​യ സം​ഘ​വും ഇ​ന്ത്യ സ​ന്ദ​ർ​ശി​ച്ച​തും സൗ​ദി ടൂ​റി​സം അ​തോ​റി​റ്റി​യു​ടെ സ​ഹ​ക​ര​ണ​ത്തോ​ടു കൂ​ടി ക​ഴി​ഞ്ഞ മാ​സം മും​ബൈ​യി​ൽ ‘നു​സു​ക്​’ റോ​ഡ്​ ഷോ ​സം​ഘ​ടി​പ്പി​ച്ച​തും ഇ​തി​ന്‍റെ ഭാ​ഗ​മാ​യി​രു​ന്നു.

സ്വ​കാ​ര്യ മേ​ഖ​ല​യു​മാ​യി പ​ങ്കു​​ചേ​ർ​ന്ന്​ തീ​ർ​ഥാ​ട​ക​ർ​ക്കു​ള്ള സേ​വ​ന​സൗ​ക​ര്യ​ങ്ങ​ൾ വ​ർ​ധി​പ്പി​ക്കാ​നും പു​തി​യ ന​ട​പ​ടി​ക്ര​മ​ങ്ങ​ളെ​ക്കു​റി​ച്ച്​ ഇ​ന്ത്യ​ൻ അ​ധി​കൃ​ത​രെ​യും സ്വ​കാ​ര്യ മേ​ഖ​ല​യി​ലെ ഹ​ജ്ജ്-​ഉം​റ സേ​വ​ന​ദാ​താ​ക്ക​ളെ​യും ബോ​ധ്യ​പ്പെ​ടു​ത്തു​ക​യും അ​വ​രു​മാ​യി സ​ഹ​ക​ര​ണ ക​രാ​റി​ലെ​ത്തു​ക​യു​മാ​യി​രു​ന്നു മ​ന്ത്രി​യു​ടെ സ​ന്ദ​ർ​ശ​ന​ത്തി​ന്‍റെ​യും റോ​ഡ്​ ഷോ​യു​ടെ​യും ല​ക്ഷ്യം.

ന്യൂ​ഡ​ൽ​ഹി​യി​ൽ കേ​ന്ദ്ര വി​ദേ​ശ​കാ​ര്യ​മ​ന്ത്രി എ​സ്. ജ​യ്ശ​ങ്ക​ർ, സ​ഹ​മ​ന്ത്രി വി.​മു​ര​ളീ​ധ​ര​ൻ എ​ന്നി​വ​രു​മാ​യി ന​ട​ത്തി​യ ച​ർ​ച്ച​യി​ൽ, സൗ​ദി സ​ന്ദ​ർ​ശ​ന​ത്തി​നു​ള്ള വ​ഴി ല​ളി​ത​മാ​ക്കു​ന്ന​തി​ന്​ ഗ​വ​ൺ​മെ​ന്‍റ്​ ഏ​ർ​പ്പെ​ടു​ത്തി​യ പു​തി​യ സം​വി​ധാ​ന​ങ്ങ​ൾ സൗ​ദി മ​ന്ത്രി ഡോ. ​റ​ബീ​അ ഇ​ന്ത്യ​ൻ അ​ധി​കൃ​ത​രെ ബോ​ധ്യ​പ്പെ​ടു​ത്തി.

ഇ​ന്ത്യ​ൻ തീ​ർ​ഥാ​ട​ക​രു​ടെ സൗ​ക​ര്യ​ങ്ങ​ൾ വ​ർ​ധി​പ്പി​ക്കു​ന്ന​തി​നെ​ക്കു​റി​ച്ച്​ ഇ​രു​രാ​ജ്യ​ങ്ങ​ളും ത​മ്മി​ൽ സ​ഹ​ക​രി​ക്കേ​ണ്ട​തി​ന്‍റെ ആ​വ​ശ്യ​ക​ത ച​ർ​ച്ച​യി​ൽ ഇ​രു​പ​ക്ഷ​വും എ​ടു​ത്തു​പ​റ​ഞ്ഞു. അ​തി​നു​പു​റ​മെ ഇ​ന്ത്യ​യി​ലെ ഉം​റ, ട്രാ​വ​ൽ ടൂ​റി​സം രം​ഗ​ത്തെ നി​ക്ഷേ​പ​ക​രു​മാ​യും ഏ​ജ​ൻ​സി​ക​ളു​മാ​യും മ​ന്ത്രി​യും പ്ര​തി​നി​ധി​സം​ഘ​വും ച​ർ​ച്ച ന​ട​ത്തി.

സൗ​ദി സ​ർ​ക്കാ​ർ നി​യ​ന്ത്ര​ണ​ത്തി​ലു​ള്ള സൗ​ദി​യ, ഫ്ലൈ ​നാ​സ്​ എ​യ​ർ​ലൈ​നു​ക​ളും അ​ഞ്ച്​ ഇ​ന്ത്യ​ൻ വി​മാ​ന​ക്ക​മ്പ​നി​ക​ളു​മാ​യി ആ​ഴ്ച​യി​ൽ ജി​ദ്ദ​യി​ലേ​ക്ക്​ 285 നേ​രി​ട്ടു​ള്ള സ​ർ​വി​സു​ക​ൾ ന​ട​ത്തു​ന്നു​ണ്ട്. തീ​ർ​ഥാ​ട​ക​രു​ടെ എ​ണ്ണം വ​ർ​ധി​ക്കു​ന്ന മു​റ​ക്ക്​ വി​മാ​ന യാ​ത്രാ​നി​ര​ക്കി​ൽ കു​റ​വ്​ വ​രു​ത്താ​നാ​കു​മെ​ന്നും ചൂ​ണ്ടി​ക്കാ​ണി​ക്ക​പ്പെ​ടു​ന്നു.

തീ​ർ​ഥാ​ട​ന സൗ​ക​ര്യ​ങ്ങ​ളി​ൽ വ​മ്പി​ച്ച വ​ർ​ധ​ന വ​രു​ത്തു​ന്ന​തോ​ടെ 2030 എ​ത്തു​മ്പോ​ൾ 12 ദ​ശ​ല​ക്ഷം യാ​ത്രി​ക​ർ ഇ​ന്ത്യ​യി​ൽ നി​ന്നു​ണ്ടാ​വു​മെ​ന്നാ​ണ്​ സൗ​ദി​യു​ടെ പ്ര​തീ​ക്ഷ. മും​ബൈ റോ​ഡ്​​ഷോ​യു​ടെ ഭാ​ഗ​മാ​യി വി​വി​ധ ട്രാ​വ​ൽ, ഉം​റ ഏ​ജ​ൻ​സി​ക​ളു​മാ​യി ധാ​ര​ണ​പ​ത്ര​ങ്ങ​ൾ ഒ​പ്പു​വെ​ച്ച​താ​യി സൗ​ദി ടൂ​റി​സം അ​തോ​റി​റ്റി​യു​ടെ ഏ​ഷ്യ-​പ​സ​ഫി​ക്​ മേ​ഖ​ല പ്ര​സി​ഡ​ന്‍റ്​ ഹ​സ​ൻ അ​ലി ദ​ബ്ബാ​ഗ്​ അ​റി​യി​ച്ചു.

തീ​ർ​ഥാ​ട​ന​മെ​ന്ന വി​ശ്വാ​സി​ക​ളു​ടെ സ്വ​പ്ന​സാ​ക്ഷാ​ത്​​കാ​ര​ത്തി​ന്​ സു​താ​ര്യ​വും സു​ഗ​മ​വു​മാ​യ സ​ജ്ജീ​ക​ര​ണ​ങ്ങ​ളൊ​രു​ക്കാ​നും 2030 ഓ​ടെ ലോ​ക​സ​ഞ്ചാ​ര ഭൂ​പ​ട​ത്തി​ൽ സൗ​ദി അ​റേ​ബ്യ​യെ മു​ന്നി​ലെ​ത്തി​ക്കാ​നു​മു​ള്ള ബൃ​ഹ​ത്താ​യ യ​ജ്ഞ​ത്തി​ലാ​ണ്​ അ​ധി​കൃ​ത​ർ.