ഫാ​ഷി​സ​ത്തി​നും ഏ​കാ​ധി​പ​ത്യ​ത്തി​നും ഒ​രേ​യൊ​രു ബ​ദ​ല്‍

അ​സ​ത്യ ക​ഥ​ക​ള്‍ മെ​ന​ഞ്ഞ് കോ​ണ്‍ഗ്ര​സ് മു​ക്ത രാ​ജ്യ​ത്തി​നാ​യി കൈകോ​ര്‍ത്തി​രി​ക്കു​ന്ന ഇ​ര​ട്ട സ​ഹോ​ദ​ര​ങ്ങ​ളാ​ണ് സം​ഘ്പ​രി​വാ​റും കേ​ര​ള​ത്തി​ലെ ഇ​ട​തു​പ​ക്ഷ​വും

1928 ന​വം​ബ​ര്‍ 17, സൈ​മ​ണ്‍ ക​മീ​ഷ​നെ​തി​രെ കോ​ണ്‍ഗ്ര​സ് സം​ഘ​ടി​പ്പി​ച്ച റാ​ലി​ക്കു​നേ​രെ ബ്രി​ട്ടീ​ഷ് പൊ​ലീ​സ് അ​ഴി​ച്ചു​വി​ട്ട കി​രാ​ത മ​ര്‍ദ​ന​ത്തി​ൽ ത​ല​ക്ക​ടി​യേ​റ്റ് ചോ​ര​വാ​ര്‍ന്ന് തെ​രു​വി​ല്‍ വീ​ണ പ​ഞ്ചാ​ബി​ന്റെ സിം​ഹം ലാ​ലാ ല​ജ്പ​ത് റാ​യ് 18 ദി​വ​സം നീ​ണ്ട യാ​ത​ന​ക​ൾ​ക്കൊ​ടു​വി​ൽ ക​ണ്ണ​ട​ച്ചു.

ബ്രി​ട്ടീ​ഷ് പൊ​ലീ​സ് ത​ല​ക്ക​ടി​ച്ച് കൊ​ന്നു​വെ​ന്ന​താ​ണ് യാ​ഥാ​ർ​ഥ്യം. പ​ക്ഷേ, ധീ​ര​നാ​യ ആ ​പോ​രാ​ളി​യു​ടെ സ​മ​ര​ച​രി​ത്രം അ​വി​ടെ അ​വ​സാ​നി​ക്കു​ക​യാ​യി​രു​ന്നി​ല്ല, തു​ട​ങ്ങു​ക​യാ​യി​രു​ന്നു; അ​നേ​കാ​യി​രം സ്വാ​ത​ന്ത്ര്യ​സ​മ​ര ഭ​ട​ന്മാ​രി​ലൂ​ടെ. ഇ​ങ്ങൊ​ടു​വി​ല്‍ ഫാ​ഷി​സ്റ്റ് ഭ​ര​ണ​ത്തി​നെ​തി​രാ​യ ഇ​ന്ന​ത്തെ പോ​രാ​ട്ട​ത്തി​ലും ഓ​രോ കോ​ണ്‍ഗ്ര​സു​കാ​ര​ന്റെ മ​ന​സ്സി​ലും ചി​ന്ത​യി​ലും ല​ജ്പ​ത് റാ​യി​യു​ണ്ട്. നെ​റ്റി​പൊ​ട്ടി ഒ​ഴു​കി​യ ആ ​ചോ​ര​യു​ണ്ട്.

എ​തി​ര്‍പ്പു​ക​ളെ, വി​മ​ര്‍ശ​ന​ത്തെ, പ്ര​തി​ഷേ​ധ സ​മ​ര​ങ്ങ​ളെ അ​ടി​ച്ച​മ​ര്‍ത്തു​ന്ന ഭ​ര​ണ​കൂ​ട​ങ്ങ​ള്‍ യ​ഥാ​ര്‍ഥ​ത്തി​ല്‍ ആ​രാ​ണ്? തെ​റ്റു​ക​ള്‍ മാ​ത്രം ആ​വ​ര്‍ത്തി​ക്കു​ന്ന​വ​ര്‍, സ്വ​ന്തം നി​ഴ​ലി​നെ​പ്പോ​ലും ഭ​യ​ക്കു​ന്ന​വ​ര്‍, മാ​റ്റ​ത്തെ ഉ​ള്‍ക്കൊ​ള്ളാ​ന്‍ ക​ഴി​യാ​ത്ത​വ​ര്‍, ഭി​ന്നാ​ഭി​പ്രാ​യ​ങ്ങ​ളെ അ​പ​രാ​ധ​മാ​യി കാ​ണു​ന്ന​വ​ര്‍, വ്യ​ത്യ​സ്ത ശ​ബ്ദ​ത്തെ വെ​റു​ക്കു​ന്ന​വ​ര്‍. നി​ര്‍ഭാ​ഗ്യ​വ​ശാ​ല്‍ ഇ​വ​രു​ടെ അം​ഗ​ബ​ലം കൂ​ടി​ക്കൂ​ടി​വ​രു​ക​യാ​ണ്.

എ​ന്തും ചെ​യ്യാം, എ​ന്തും പ​റ​യാം. ആ​രും ചോ​ദ്യം ചെ​യ്യ​രു​ത്. ആ​രും വി​മ​ര്‍ശി​ക്ക​രു​ത്. എ​തി​ര്‍പ്പേ പാ​ടി​ല്ല. ഇ​വ​രും ബ്രി​ട്ടീ​ഷ് സാ​മ്രാ​ജ്യ​ത്വ കാ​ല​ത്തെ ക്രൂ​ര​ന്മാ​രു​മാ​യി എ​ന്ത് വ്യ​ത്യാ​സ​മാ​ണു​ള്ള​ത്? അ​ധി​കാ​ര ഭ്ര​മ​ത്തി​ല്‍ സ്വ​ബോ​ധം പോ​ലും ന​ഷ്ട​പ്പെ​ട്ട​വ​ര്‍, ജാ​തി​മ​ത ചി​ന്ത​ക​ള്‍ വ​ല​കെ​ട്ടി​യ മ​സ്തി​ഷ്‌​ക​ങ്ങ​ള്‍, കാ​യി​ക​ബ​ലം ഉ​പ​യോ​ഗി​ച്ച് ആ​രു​ടെ ത​ല​യും അ​ടി​ച്ചു​പൊ​ട്ടി​ച്ച്, അ​തി​ന് സ്വ​യം ഗു​ഡ് സ​ര്‍വി​സ് എ​ന്‍ട്രി ന​ല്‍കു​ന്ന​വ​ര്‍.

ബാ​രി​സ്റ്റ​ര്‍ വേ​ഷം അ​ഴി​ച്ചു​വെ​ച്ച്, ഖ​ദ​റി​ന്റെ പ​രു​ക്ക​ന്‍ സ്പ​ര്‍ശം സ്വീ​ക​രി​ച്ച ഒ​രാ​ളു​ണ്ടാ​യി​രു​ന്നു. അ​വ​ധൂ​ത​ന്‍, ഫ​ക്കീ​ര്‍, പോ​രാ​ളി, രാ​ഷ്ട്രീ​യ ചി​ന്ത​ക​ന്‍, സ​ത്യം തേ​ടി ന​ട​ന്ന മ​ഹാ​ത്മാ​വ്. അ​ങ്ങ​നെ ഒ​രാ​ള്‍ ച​രി​ത്ര സ​ന്ധി​ക​ളി​ല്‍ വ​ല്ല​പ്പോ​ഴും മാ​ത്ര​മേ ജ​നി​ക്കാ​റു​ള്ളൂ. മു​ന്നി​ല്‍ നി​ന്നു​ന​യി​ച്ച സ​മ​ര ഭ​ട​ൻ മാ​ത്ര​മാ​യി​രു​ന്നി​ല്ല ആ ​മ​നു​ഷ്യ​ന്‍. നൂ​റ്റാ​ണ്ടു​ക​ള്‍ നീ​ണ്ട അ​ടി​മ​ത്ത​ത്തി​ന്റെ ച​ങ്ങ​ല​ക​ളി​ല്‍നി​ന്ന് ഒ​രു ജ​ന​ത​യെ മോ​ചി​പ്പി​ച്ച വി​മോ​ച​ക​നാ​ണ് മ​ഹാ​ത്മാ​ഗാ​ന്ധി.

ക്ഷേ​ത്ര മ​തി​ലു​ക​ള്‍ക്കു​ള്ളി​ല​ല്ല അ​ദ്ദേ​ഹം രാ​മ​നെ തേ​ടി​യ​ത്, ദ​രി​ദ്ര നാ​രാ​യ​ണ​ന്മാ​ര്‍ക്കി​ട​യി​ലാ​ണ്. അ​ദ്ദേ​ഹ​ത്തി​ന്റെ രാ​മ​രാ​ജ്യം നീ​തി​യു​ടേ​താ​യി​രു​ന്നു. ലോ​കം ക​ണ്ട ഏ​റ്റ​വും ധീ​ര​നാ​യ സ്വാ​ത​ന്ത്ര്യ​സ​മ​ര പോ​രാ​ളി​യു​ടെ നെ​ഞ്ചി​ല്‍ വെ​ടി​യു​തി​ര്‍ത്ത​വ​ര്‍ എ​ത്ര കി​ണ​ഞ്ഞു പ​രി​ശ്ര​മി​ച്ചാ​ലും അ​വ​ര്‍ക്കൊ​പ്പം രാ​മ​നു​ണ്ടാ​വി​ല്ല. സ​ത്യ​വും നീ​തി​യു​മാ​ണ് ഈ​ശ്വ​ര​നെ​ങ്കി​ല്‍, ബി​ര്‍ളാ മ​ന്ദി​റി​ലെ ആ ​ന​ട​വ​ഴി​യി​ല്‍ 75 വ​ര്‍ഷ​മാ​യി ക​ണ്ണി​ല്‍ ചോ​ര​യും തീ​യു​മാ​യി രാ​മ​ന്‍ നി​ല്‍ക്കു​ന്നു​ണ്ട്. ഓ​രോ ഇ​ന്ത്യ​ക്കാ​ര​ന്റെ മ​ന​സ്സും അ​വി​ടെ​യാ​ണ് ശി​ര​സ്സ് കു​നി​ക്കേ​ണ്ട​ത്.

കാ​ല​മെ​ത്ര ക​ഴി​ഞ്ഞാ​ലും കൊ​ല​യാ​ളി​ക​ള്‍ക്ക് കൂ​ടെ​ക്കൂ​ട്ടി കു​ടി​യി​രു​ത്താ​നാ​വി​ല്ല ഗാ​ന്ധി​ജി​യു​ടെ രാ​മ​നെ. ഗാ​ന്ധി​യെ കൊ​ന്ന​വ​രും അ​ദ്ദേ​ഹ​ത്തെ അ​വ​ഹേ​ളി​ച്ച് ബ്രി​ട്ടീ​ഷു​കാ​രു​ടെ കാ​ലു​ന​ക്കാ​ന്‍ പോ​യ​വ​രും ഒ​ന്നി​ക്കു​ന്ന​തി​ല്‍ അ​ത്ഭു​ത​മി​ല്ല. വ​ല​ത്-​ഇ​ട​ത് മേ​ല​ങ്കി​യ​ണി​ഞ്ഞ അ​ത്ത​ര​ക്കാ​രോ​ട് കോ​ണ്‍ഗ്ര​സി​ന് സ​ന്ധി​യി​ല്ല.

ആ​ധു​നി​ക ഇ​ന്ത്യ​യു​ടെ മ​ഹാ​ക്ഷേ​ത്ര​ങ്ങ​ളെ​ല്ലാം പ​ണി​തു​യ​ര്‍ത്തി​യ​ത് പ​ണ്ഡി​റ്റ് ജ​വ​ഹ​ര്‍ലാ​ല്‍ നെ​ഹ്‌​റു​വാ​ണ്. ഭ​ക്രാ​നം​ഗ​ല്‍ അ​ണ​ക്കെ​ട്ട്, ഐ.​ഐ.​ടി​ക​ള്‍, സ​ര്‍വ​ക​ലാ​ശാ​ല​ക​ള്‍, ഫാ​ക്ട​റി​ക​ള്‍, ഐ.​എ​സ്.​ആ​ര്‍.​ഒ, ശാ​സ്ത്ര ഗ​വേ​ഷ​ണ സ്ഥാ​പ​ന​ങ്ങ​ള്‍, ദേ​ശീ​യ മ്യൂ​സി​യ​ങ്ങ​ള്‍. ഇ​ന്ദി​രാ​ജി​യും രാ​ജീ​വ് ഗാ​ന്ധി​യും മു​ത​ല്‍ മ​ന്‍മോ​ഹ​ന്‍ സി​ങ് വ​രെ ഈ ​രാ​ജ്യ​ത്തി​നാ​യി ചെ​യ്ത സ​ത്ക​ർ​മ​ങ്ങ​ളു​ടെ പ​ട്ടി​ക അ​വ​സാ​നി​ക്കു​ന്നി​ല്ല.

യു.​പി.​എ സ​ര്‍ക്കാ​റി​ന്റെ കാ​ല​ത്ത് സോ​ണി​യ ഗാ​ന്ധി മു​ന്നി​ട്ടി​റ​ങ്ങി രൂ​പം ന​ല്‍കി​യ ഭൂ​മി ഏ​റ്റെ​ടു​ക്ക​ല്‍ ന​ഷ്ട​പ​രി​ഹാ​ര നി​യ​മം ഈ ​പാ​ര​മ്പ​ര്യ​ത്തി​ന്റെ തു​ട​ര്‍ച്ച​യാ​ണ്. ഈ ​നേ​ട്ട​ങ്ങ​ളെ​യൊ​ക്കെ ത​മ​സ്‌​ക​രി​ച്ച്, അ​സ​ത്യ​ങ്ങ​ളു​ടെ ക​റു​ത്ത ക​ഥ​ക​ള്‍ മെ​ന​ഞ്ഞ് കോ​ണ്‍ഗ്ര​സ് മു​ക്ത രാ​ജ്യ​ത്തി​നാ​യി കൈ​കോ​ര്‍ത്തി​രി​ക്കു​ന്ന ഇ​ര​ട്ട സ​ഹോ​ദ​ര​ങ്ങ​ളാ​ണ് സം​ഘ്പ​രി​വാ​റും കേ​ര​ള​ത്തി​ലെ ഇ​ട​തു​പ​ക്ഷ​വും.

ലോ​ക​ത്തെ മാ​റ്റി​മ​റി​ച്ച സ​മ​ര പോ​രാ​ട്ട​ങ്ങ​ളു​ടെ ഉ​റ​വി​ട​വും സ്വാ​ത​ന്ത്ര്യാ​ന​ന്ത​ര ഇ​ന്ത്യ​യെ കെ​ട്ടി​പ്പ​ടു​ത്ത ശ​ക്തി​യും ജ​യ​പ​രാ​ജ​യ​ങ്ങ​ളെ സ്ഥൈ​ര്യ​ത്തോ​ടെ നേ​രി​ട്ട രാ​ഷ്ട്രീ​യ നേ​തൃ​ത്വ​വും അ​ച​ഞ്ച​ല​മാ​യ മ​ത​നി​ര​പേ​ക്ഷ​ത​യു​മാ​ണ് കോ​ണ്‍ഗ്ര​സ്. ലോ​ക​ത്തി​നു​മു​ന്നി​ല്‍ ആ​ധു​നി​ക​വും ചേ​രി​ചേ​രാ​തെ​യു​മു​ള്ള നി​ല​പാ​ടു​ക​ളു​മാ​യി ഇ​ന്ത്യ​യെ​ന്ന ശ​ക്തി​യെ ഉ​റ​പ്പി​ച്ച​തും കോ​ണ്‍ഗ്ര​സ് ത​ന്നെ.

രാ​ജ്യ​ത്തെ അ​പ​ക​ട​ക​ര​മാ​യ മ​ത​രാ​ഷ്ട്ര സ​ങ്ക​ല്‍പ​ത്തി​ലേ​ക്ക് വ​ലി​ച്ചു​കൊ​ണ്ടു​പോ​കു​ന്ന സം​ഘ്പ​രി​വാ​ര്‍ ശ​ക്തി​ക​ളു​ടെ ഏ​ക​ശി​ലാ ബോ​ധ്യ​ങ്ങ​ളാ​ക​ട്ടെ, ഏ​കാ​ധി​പ​ത്യ അ​ഹ​ന്ത​യു​ടെ ക​റ​തീ​ര്‍ന്ന കേ​ര​ള​ത്തി​ലെ പ്ര​തി​രൂ​പ​മാ​ക​ട്ടെ ഇ​വ​യെ​ല്ലാം കോ​ണ്‍ഗ്ര​സ് എ​തി​ര്‍ക്കും. എ​തി​ര്‍ക്കാ​ന്‍ കോ​ണ്‍ഗ്ര​സേ​യു​ള്ളൂ എ​ന്ന​താ​ണ് സ​ത്യം. ആ ​ബോ​ധ്യ​മാ​ണ് ക​ടു​ത്ത പ​രീ​ക്ഷ​ണ​ങ്ങ​ള്‍ക്കു ന​ടു​വി​ലും കോ​ണ്‍ഗ്ര​സ് പ്ര​വ​ര്‍ത്ത​ക​രെ ന​യി​ക്കു​ന്ന ശ​ക്തി.

ഏ​കാ​ധി​പ​ത്യ​ത്തി​നും മ​ത​വ​ത്ക​ര​ണ​ത്തി​നും ഭി​ന്നി​പ്പി​ക്ക​ലി​നും എ​തി​രെ​യു​ള്ള സ​ന്ധി​യി​ല്ലാ​സ​മ​ര​മാ​ണ് കോ​ണ്‍ഗ്ര​സി​ന്റെ രാ​ഷ്ട്രീ​യ​വും നി​ല​പാ​ടും പ്ര​വ​ര്‍ത്ത​ന​വും. ഭാ​ര​ത് ജോ​ഡോ യാ​ത്ര​യോ​ളം വ്യ​ക്ത​മാ​യി ഈ ​രാ​ഷ്ട്രീ​യ നി​ല​പാ​ട് മു​ന്നോ​ട്ടു​വെ​ച്ച മ​റ്റൊ​രു മു​ന്നേ​റ്റം സ​മീ​പ​കാ​ല ഇ​ന്ത്യ​യി​ല്‍ ഉ​ണ്ടാ​യി​ട്ടി​ല്ല. വ​ര്‍ഗീ​യ​ത​ക്കും വെ​റു​പ്പി​നു​മെ​തി​രെ​യു​ള്ള ഈ ​യാ​ത്ര​യെ കേ​ര​ള​ത്തി​ലെ ഇ​ട​തു​പ​ക്ഷം എ​ങ്ങ​നെ​യാ​ണ് ക​ണ്ട​ത്? പ്ര​തീ​ക്ഷി​ച്ച​പോ​ലെ ത​ന്നെ, ചു​വ​പ്പി​ന് കൂ​ട്ട് കാ​വി, കാ​വി​ക്ക് കൂ​ട്ട് ചു​വ​പ്പ്.

ജെ.​എ​ൻ എ​ന്ന ഒ​പ്പും ആ ​പു​ഞ്ചി​രി​ക്കു​ന്ന മു​ഖ​വും മാ​യ്ച്ചു​ക​ള​യാ​ൻ സം​ഘ്പ​രി​വാ​ർ രാ​പ്പ​ക​ൽ ശ്ര​മി​ക്കു​ന്ന​തി​ന്റെ കാ​ര​ണം വ്യ​ക്ത​മാ​ണ്. നാ​ളെ​യു​ടെ രാ​ഷ്ട്രീ​യ​ത്തി​ൽ നെ​ഹ്റൂ​വി​യ​ൻ സോ​ഷ്യ​ലി​സ​ത്തി​നു​ള്ള പ്രാ​ധാ​ന്യം അ​വ​ർ​ക്ക​റി​യാം. ആ ​ധി​ഷ​ണ​യെ അ​വ​ർ​ക്ക് ഭ​യ​മാ​ണ്. രാ​ജ്യം നി​ല​നി​ൽ​ക്കു​വോ​ളം അ​വി​ടെ ഗാ​ന്ധി​യു​ണ്ട് എ​ന്ന​ത് അ​വ​രെ അ​ലോ​സ​ര​പ്പെ​ടു​ത്തു​ന്നു.

ഫാ​ഷി​സ്റ്റ് ശ​ക്തി​ക​ൾ​ക്കെ​തി​രാ​യ പോ​രാ​ട്ട​ത്തി​ൽ തെ​ര​ഞ്ഞെ​ടു​പ്പ് വി​ജ​യ​ങ്ങ​ൾ കൊ​ണ്ടു​മാ​ത്രം ജ​യ​പ​രാ​ജ​യ​ങ്ങ​ൾ അ​ള​ക്കാ​നാ​കി​ല്ല. രാ​ജ​സ്ഥാ​ൻ, മ​ധ്യ​പ്ര​ദേ​ശ്, ച​ത്തി​സ്ഗ​ഢ് തെ​ര​ഞ്ഞെ​ടു​പ്പു​ക​ൾ ത​രു​ന്ന പാ​ഠ​ങ്ങ​ൾ നി​ശി​ത​വും വ​ലു​തു​മാ​ണ്. തെ​ല​ങ്കാ​ന ആ​വേ​ശ​മാ​ണ്. കോ​ൺ​ഗ്ര​സി​ല്ലാ​തെ ബി.​ജെ.​പി വി​രു​ദ്ധ പോ​രാ​ട്ടം സാ​ധ്യ​മാ​കു​മെ​ന്ന് പ​റ​യു​ന്ന​വ​ർ എ​തി​ർ​പ്പു​ക​ളെ വെ​റു​ക്കു​ന്ന​വ​രും ‘ഭ​യം’ ഭ​രി​ക്കു​ന്ന​വ​രു​മാ​ണ്.

കോ​ണ്‍ഗ്ര​സി​നു​മു​ന്നി​ലെ മു​ന്‍ഗ​ണ​ന​ക​ളെ​ന്താ​ണ്? വ​ര്‍ഗീ​യ​ത​ക്കും ഏ​കാ​ധി​പ​ത്യ​ത്തി​നും ഫാ​ഷി​സ​ത്തി​നും എ​തി​രാ​യ അ​ക്ഷീ​ണ പോ​രാ​ട്ടം ത​ന്നെ​യാ​ണ് ആ​ദ്യം. ജ​ന​ങ്ങ​ളു​ടെ പ്ര​ത്യേ​കി​ച്ച് സാ​മ്പ​ത്തി​ക​വും സാ​മൂ​ഹി​ക​മാ​യും പി​ന്നാ​ക്കം നി​ല്‍ക്കു​ന്ന​വ​രു​ടെ ഒ​പ്പം നി​ല്‍ക്കു​ക. അ​വ​രു​ടെ ക്ഷേ​മ​ത്തി​നും മു​ന്നേ​റ്റ​ത്തി​നു​മാ​യി എ​ന്തെ​ല്ലാം ചെ​യ്യാ​മോ അ​തെ​ല്ലാം നി​ര​ന്ത​രം ചെ​യ്തു​കൊ​ണ്ടി​രി​ക്കു​ക.

പ്ര​വ​ര്‍ത്തി​ക്കാ​നും ചി​ന്തി​ക്കാ​നും പ്ര​തി​ഷേ​ധി​ക്കാ​നും അ​നു​വ​ദി​ക്കാ​തെ അ​ടി​ച്ച​മ​ര്‍ത്ത​ല്‍ തു​ട​ര്‍ന്നാ​ല്‍, വി​ട്ടു​വീ​ഴ്ച​യി​ല്ലാ​തെ എ​തി​ര്‍ക്കു​ക, പോ​രാ​ടു​ക. ഈ ​പോ​രാ​ട്ട​ത്തി​ല്‍ ലാ​ലാ ല​ജ്പ​ത്‌​റാ​യി​യും മ​ഹാ​ത്മ​ജി​യും ഉ​ള്‍പ്പെ​ടെ അ​നേ​കാ​യി​ര​ങ്ങ​ളു​ടെ ശ​രീ​ര​ത്തി​ല്‍നി​ന്ന് ഈ ​മ​ണ്ണി​ലേ​ക്കി​റ്റു​വീ​ണ ചു​ടു​ചോ​ര​യു​ടെ വീ​ര്യം കെ​ടാ​തെ നെ​ഞ്ചേ​റ്റു​ക. ഈ ​പ്ര​സ്ഥാ​ന​ത്തി​ന്റെ ജ​ന്മ​ദി​നം ഓ​ർ​മ​പ്പെ​ടു​ത്തു​ന്ന​തും ഇ​തു​ത​ന്നെ​യാ​ണ്.