ഫ​ല​സ്തീ​നും കേ​ര​ളീ​യ ഇ​സ്‌​ലാ​മോ​ഫോ​ബി​യ​യും

മു​സ്‍ലിം ഉ​ള്ള​ട​ക്ക​മു​ള്ള പൊ​തു​പ്ര​ശ്ന​ങ്ങ​ൾ കൈ​കാ​ര്യം ചെ​യ്യു​മ്പോ​ൾ വ​സ്തു​ത​ക​ളെ ‘അ​വ്യ​ക്ത​മാ​ക്കി’ അ​വ​ത​രി​പ്പി​ക്കു​ന്ന​തും മു​സ്‍ലിം സൂ​ച​ക​മു​ള്ള രാ​ഷ്ട്രീ​യ ആ​വി​ഷ്കാ​ര​ങ്ങ​ളെ ‘സം​ശ​യ​ത്തിെൻറ നി​ഴ​ലി​ൽ’ നി​ർ​ത്തു​ന്ന​തും നി​ല​നി​ൽ​ക്കു​ന്ന അ​വ​കാ​ശ നി​ഷേ​ധ​ങ്ങ​ളെ​യും ഇ​സ്‍ലാ​മോ​ഫോ​ബി​യ​യെ​യും ശ​ക്തി​പ്പെ​ടു​ത്താ​നേ ഉ​പ​ക​രി​ക്കൂ

കൊ​ളോ​ണി​യ​ൽ ശ​ക്തി​ക​ൾ​ക്കെ​തി​രെ ചെ​റു​ത്തു നി​ൽ​ക്കാ​നു​ള്ള ഫ​ല​സ്തീ​നി​ക​ളു​ടെ ദേ​ശീ​യ രാ​ഷ്ട്രീ​യ അ​വ​കാ​ശം എ​ന്ന കേ​ന്ദ്ര​പ്ര​മേ​യ​ത്തി​ൽ യോ​ജി​ക്കു​ന്ന​വ​ർ പ​ണ്ടു​തൊ​ട്ടു​ത​ന്നെ കേ​ര​ള​ത്തി​ൽ ധാ​രാ​ള​മു​ണ്ട്. പ​ക്ഷേ, മാ​റി​യ കാ​ല​ത്ത് മു​സ്‌​ലിം രാ​ഷ്ട്രീ​യ പ്ര​ശ്ന​ങ്ങ​ളെ സൂ​ക്ഷ്മ​മാ​യി പ​രി​ഗ​ണി​ക്കാ​തെ​യു​ള്ള ഫ​ല​സ്തീ​ൻ അ​നു​കൂ​ല പ്ര​മേ​യ​ങ്ങ​ൾ ഇ​സ്‌​ലാ​മോ​ഫോ​ബി​യ​യു​ടെ വ​ഴു​ക്കു​ന്ന പ്ര​ത​ല​ങ്ങ​ളി​ൽ തെ​ന്നി​വീ​ഴു​ന്ന കാ​ഴ്ച​യാ​ണു​ള്ള​ത്.

ഭീ​ക​ര​ത, ഹിം​സ, രാ​ഷ്ട്രീ​യം തു​ട​ങ്ങി​യ പ്ര​ശ്ന​ങ്ങ​ളെ​ക്കു​റി​ച്ച് ആ​ഗോ​ള ത​ല​ത്തി​ൽ​ത്ത​ന്നെ വി​ക​സി​ച്ച മു​സ്‍ലിം​വി​രു​ദ്ധ വാ​ർ​പ്പു​മാ​തൃ​ക​ക​ൾ അ​റി​ഞ്ഞോ അ​റി​യാ​തെ​യോ പി​ന്തു​ട​രു​ന്ന​തു കേ​ര​ള​ത്തി​ൽ വ്യാ​പ​ക​മാ​കു​ന്നു.

മു​സ്‍ലിം​ക​ളെ​യും അ​വ​രു​ടെ ലോ​ക​വീ​ക്ഷ​ണ​ത്തെ നി​ര്‍മി​ക്കു​ന്ന ഇ​സ്‍ലാ​മി​നെ​യും പ​ഴി​ചാ​രി വം​ശീ​യ​ത​ക്കു ന്യാ​യീ​ക​ര​ണം നി​ർ​മി​ച്ച് ഈ ​സാ​മൂ​ഹി​ക വി​ഭാ​ഗ​ത്തി​നു രാ​ഷ്ട്രീ​യ അ​വ​കാ​ശ​ങ്ങ​ൾ നി​ഷേ​ധി​ക്കു​ന്ന ആ​ധി​പ​ത്യ യു​ക്തി​യാ​യാ​ണ് ഇ​സ്‍ലാ​മോ​ഫോ​ബി​യ പ്ര​വ​ര്‍ത്തി​ക്കു​ന്ന​ത്. ഫ​ല​സ്തീ​ൻ പ്ര​ശ്ന​ത്തി​ൽ മു​സ്‍ലിം​ക​ള്‍ എ​ന്തു പ്ര​വ​ര്‍ത്തി​ക്കു​ന്നു, പ​റ​യു​ന്നു എ​ന്ന​ത​ല്ല മ​റി​ച്ച് സ​യ​ണി​സ്റ്റ് - സാ​മ്രാ​ജ്യ​ത്വ ആ​ഖ്യാ​ന​ങ്ങ​ളു​ടെ പ്ര​വ​ര്‍ത്ത​ന വൈ​പു​ല്യ​മാ​ണ് ഇ​സ്‍ലാ​മോ​ഫോ​ബി​യ​യു​ടെ കാ​ര​ണം.

അ​താ​യ​ത്, ലോ​ക​ത്തെ പ​ല ദേ​ശീ​യ വി​മോ​ച​ന പ്ര​സ്ഥാ​ന​ങ്ങ​ളും അ​ത​തു സാ​ഹ​ച​ര്യ​ങ്ങ​ളി​ലെ മ​ത- സാം​സ്‌​കാ​രി​ക-​പ്രാ​ദേ​ശി​ക-​സാ​മൂ​ഹി​ക സ​വി​ശേ​ഷ​ത​ക​ളെ ഉ​ൾ​ക്കൊ​ണ്ടാ​ണ് വി​ക​സി​ച്ച​ത്. ലോ​കം അ​തൊ​ന്നും പ​രി​ശോ​ധി​ച്ച​ല്ല ദേ​ശീ​യ വി​മോ​ച​ന സ​മ​ര​ങ്ങ​ളെ പി​ന്തു​ണ​ച്ചി​രു​ന്ന​ത്, അ​ധി​നി​വേ​ശം അ​വ​സാ​നി​പ്പി​ക്കു​ക എ​ന്ന​താ​ണ് മു​ഖ്യ പ്ര​ശ്‌​നം. അ​റ​ബ് മു​സ്‍ലിം ഉ​ള്ള​ട​ക്ക​മു​ള്ള​തി​നാ​ല്‍ ദേ​ശീ​യ​വി​മോ​ച​ന പ്ര​ക്ഷോ​ഭം എ​ന്ന ഫ​ല​സ്തീ​നി​ക​ളു​ടെ രാ​ഷ്ട്രീ​യ അ​വ​കാ​ശം നി​ഷേ​ധി​ക്കു​ന്ന​തി​നു​പി​ന്നി​ൽ വ്യ​ക്ത​മാ​യ ഇ​സ്‍ലാ​മോ​ഫോ​ബി​യ പ്ര​ക​ട​മാ​ണ്.

ശീ​ത​യു​ദ്ധാ​ന​ന്ത​രം ശ​ക്തി​പ്പെ​ട്ട ആ​ഗോ​ള മു​സ്‌​ലിം വി​രു​ദ്ധ​ത​യു​ടെ വാ​ർ​പ്പു​മാ​തൃ​ക​ക​ൾ കേ​ര​ളീ​യ സാ​മൂ​ഹി​ക ഭാ​വ​ന​യെ സ്വാ​ധീ​നി​ച്ച​തി​ന്റെ പ്ര​തി​ഫ​ല​ന​ങ്ങ​ൾ ഫ​ല​സ്തീ​ൻ ഐ​ക്യ​ദാ​ർ​ഢ്യ​ത്തെ വ​രെ സ്വാ​ധീ​നി​ക്കാ​ൻ തു​ട​ങ്ങി​യി​രി​ക്കു​ന്നു. ഒ​രു​കാ​ല​ത്തു ഉ​പാ​ധി​ക​ൾ​ക്ക​പ്പു​റം ഫ​ല​സ്തീ​നെ പി​ന്തു​ണ​ച്ച മ​ല​യാ​ളി​ക​ൾ​ക്കി​ട​യി​ൽ​വ​രെ ആ​ഗോ​ള ഇ​സ്‌​ലാ​മോ​ഫോ​ബി​യ ഒ​രു സ്വാ​ധീ​ന ശ​ക്തി​യാ​യി മാ​റി​യി​രി​ക്കു​ന്നു.

വാ​ക്കു​പി​ഴ​യും നോ​ർ​മ​ലൈ​സേ​ഷ​നും

സി.​പി.​എം നേ​താ​വ് കെ.​കെ. ശൈ​ല​ജ​യു​ടെ, പി​ന്നീ​ട് തി​രു​ത്തി​യ, “ഹ​മാ​സ് ഭീ​ക​ര​ർ” എ​ന്ന പ്ര​യോ​ഗ​ത്തി​ലും ഇ​ന്ത്യ​ൻ നാ​ഷ​ന​ൽ കോ​ൺ​ഗ്ര​സ് നേ​താ​വ് വി.​ടി. ബ​ൽ​റാ​മി​ന്റെ “ഹ​മാ​സി​നെ നി​രാ​യു​ധീ​ക​രി​ക്ക​ണം” എ​ന്ന നി​ർ​ദേ​ശ​ത്തി​ലും ഉ​ള്ള​ട​ങ്ങി​യ ല​ളി​ത വാ​യ​ന​ക​ൾ സോ​ഷ്യ​ൽ മീ​ഡി​യ​യി​ൽ​ത്ത​ന്നെ ഏ​റെ വി​മ​ർ​ശി​ക്ക​പ്പെ​ട്ട​താ​ണ്.

ഒ​ക്ടോ​ബ​ർ 26ന് ​ഇ​ന്ത്യ​ൻ യൂ​നി​യ​ൻ മു​സ്‌​ലിം ലീ​ഗ് കോ​ഴി​ക്കോ​ട്ട് സം​ഘ​ടി​പ്പി​ച്ച ഫ​ല​സ്തീ​ൻ ഐ​ക്യ​ദാ​ർ​ഢ്യ റാ​ലി​യി​ൽ പ​ങ്കെ​ടു​ത്തു സം​സാ​രി​ച്ച കോ​ൺ​ഗ്ര​സ് നേ​താ​വ് ശ​ശി ത​രൂ​ർ ഇ​സ്രാ​യേ​ലി​ൽ ന​ട​ന്ന ഹിം​സ​യെ (അ​ദ്ദേ​ഹ​ത്തി​ന്റെ പ്ര​സം​ഗ​ത്തി​ൽ വ്യ​ക്ത​മാ​യി ര​ണ്ടു ത​വ​ണ​യെ​ങ്കി​ലും) ‘‘ഭീ​ക​ര​വാ​ദി​ക​ൾ’’ ന​ട​ത്തി​യ പ്ര​വ​ർ​ത്ത​ന​മാ​യി വി​ശ​ദീ​ക​രി​ക്കു​ക​യു​ണ്ടാ​യി.

ഇ​സ്രാ​യേ​ൽ അ​ധി​നി​വേ​ശ​ത്തെ വി​മ​ർ​ശി​ക്കു​ന്ന ത​രൂ​ർ പ​ക്ഷേ ഇ​സ്രാ​യേ​ൽ ചെ​യ്ത ‘‘കാ​ര്യ​ങ്ങ​ൾ’’ എ​ന്നാ​ണ് പ​റ​യു​ന്ന​ത്. ഇ​സ്രാ​യേ​ലി​നെ വി​മ​ർ​ശി​ക്കു​മ്പോ​ൾ ത​രൂ​ർ പ്ര​ത്യേ​കി​ച്ചു വി​ശേ​ഷ​ണ​ങ്ങ​ളൊ​ന്നും ഉ​പ​യോ​ഗി​ക്കു​ക​യു​ണ്ടാ​യി​ല്ല. ഹ​മാ​സ് എ​ന്ന് ഒ​രു ത​വ​ണ മാ​ത്ര​മാ​ണ് ത​രൂ​ർ പ്ര​സ്തു​ത പ്ര​ഭാ​ഷ​ണ​ത്തി​ൽ പ​രാ​മ​ർ​ശി​ക്കു​ന്ന​ത്. ‘‘ഹ​മാ​സ് ഭീ​ക​ര​വാ​ദി​ക​ൾ’’ എ​ന്ന പ്ര​യോ​ഗം ത​രൂ​ർ ന​ട​ത്തി​യി​ട്ടി​ല്ല. പ​ക​രം ‘‘ഭീ​ക​ര​വാ​ദി​ക​ൾ’’ എ​ന്നു പൊ​തു​വാ​യി പ​റ​യു​ക​യു​ണ്ടാ​യി.

ഈ ​വാ​ക്കാ​വ​ട്ടെ ഫ​ല​സ്തീ​ന്റെ കാ​ര്യ​ത്തി​ൽ മാ​ത്ര​മാ​ണ് അ​ദ്ദേ​ഹം ആ​വ​ർ​ത്തി​ച്ച​ത്. യാ​സ​ർ അ​റാ​ഫ​ത്തി​ന്റെ ഫ​ല​സ്തീ​ൻ ലി​ബ​റേ​ഷ​ൻ ഓ​ർ​ഗ​നൈ​സേ​ഷ​നെ​പ്പ​റ്റി പ​റ​യു​മ്പോ​ൾ അ​തൊ​രു “റെ​സി​സ്റ്റ​ൻ​സ്” മൂ​വ്മെ​ന്റ് എ​ന്ന ത​ര​ത്തി​ലു​ള്ള സൂ​ച​ന ശ​ശി ത​രൂ​ർ ന​ൽ​കി​യി​രു​ന്നു. പി​റ്റേ ദി​വ​സം ത​രൂ​ർ ന​ട​ത്തി​യ വി​ശ​ദീ​ക​ര​ണ​ത്തി​ൽ ത​ന്റെ വാ​ക്കു​ക​ളെ അ​ട​ർ​ത്തി​യെ​ടു​ത്തു തെ​റ്റാ​യാ​ണ് വ്യാ​ഖ്യാ​നി​ക്കു​ന്ന​തെ​ന്നും ഫ​ല​സ്തീ​നൊ​പ്പം നി​ൽ​ക്കു​ന്നു​വെ​ന്നും ഉ​റ​പ്പി​ച്ചു​പ​റ​ഞ്ഞു.

വ​ള​രെ ദീ​ർ​ഘ​മാ​യ ഒ​രു പ്ര​സം​ഗ​ത്തി​ലെ ഒ​ന്നോ ര​ണ്ടോ വാ​ക്കു​ക​ൾ അ​ട​ർ​ത്തി​യെ​ടു​ക്കു​ന്ന​തി​ലെ ധ​ർ​മ​സ​ങ്ക​ട​മാ​ണ് ശ​ശി ത​രൂ​ർ പ​ങ്കു​വെ​ച്ച​ത്. ലീ​ഗി​ന്റെ സം​സ്ഥാ​ന അ​ധ്യ​ക്ഷ​ൻ സാ​ദി​ഖ​ലി ശി​ഹാ​ബ് ത​ങ്ങ​ൾ പ​ക്ഷേ, ഇ​സ്രാ​യേ​ലി​ന്റെ പ്ര​വ​ർ​ത്ത​ന​ത്തെ ‘‘ഭീ​ക​ര​ത’’ എ​ന്നു വി​ശേ​ഷി​പ്പി​ച്ച​ത് പാ​ർ​ട്ടി​യു​ടെ നി​ല​പാ​ട് പ്ര​ഖ്യാ​പ​ന​മാ​യി​രു​ന്നു.

കെ.​കെ. ശൈ​ല​ജ​യോ വി.​ടി. ബ​ൽ​റാ​മോ ശ​ശി ത​രൂ​രോ അ​വ​ർ പ്ര​തി​നി​ധാ​നം ചെ​യ്യു​ന്ന പാ​ർ​ട്ടി​ക​ളോ ബോ​ധ​പൂ​ർ​വം ഫ​ല​സ്തീ​ൻ വി​രു​ദ്ധ​ത​യോ ഇ​സ്‍ലാ​മോ​ഫോ​ബി​യ​യോ വെ​ച്ചു​പു​ല​ർ​ത്തു​ന്ന രാ​ഷ്ട്രീ​യ നി​ല​പാ​ടു​ള്ള​വ​ർ അ​ല്ല. വ്യ​ക്തി​ക​ളെ​ന്ന നി​ല​യി​ലു​ള്ള അ​വ​രു​ടെ പ്ര​യോ​ഗ​ങ്ങ​ളെ കേ​വ​ലം നാ​ക്കു​പി​ഴ​യോ വാ​ക്കു​പി​ഴ​യോ അ​ല​സ​ത​യോ ആ​യി മ​ന​സ്സി​ലാ​ക്കാ​വു​ന്ന​തേ​യു​ള്ളൂ.

പ​ക്ഷേ പൊ​തു​വ്യ​ക്തി​ക​ളു​ടെ നി​ല​പാ​ടു​ക​ളി​ൽ, പ്ര​യോ​ഗ​ങ്ങ​ളി​ൽ, ‘അ​റി​യാ​തെ’​ത​ന്നെ ഇ​സ്‍ലാ​മോ​ഫോ​ബി​യ ‘സ്വാ​ഭാ​വി​ക’​മാ​യി മാ​റു​ന്ന​തും നാ​ക്കു​പി​ഴ​ക​ൾ ‘നി​ര​ന്ത​രം’ ക​ട​ന്നു​വ​രു​ന്ന​തു​മാ​യ സാ​മൂ​ഹി​ക- രാ​ഷ്ട്രീ​യ സാ​ഹ​ച​ര്യ​ത്തെ ഗൗ​ര​വ​ത്തി​ൽ പ​രി​ഗ​ണി​ക്കേ​ണ്ട​തു​ണ്ട്.

വ്യ​ക്തി​ക​ളു​ടെ പി​ഴ​വി​നെ​യ​ല്ല, മ​റി​ച്ച് പി​ഴ​വു​ക​ൾ നോ​ർ​മ​ലൈ​സ് ചെ​യ്യു​ന്ന സാ​മൂ​ഹി​ക സാ​ഹ​ച​ര്യ​ത്തെ​യാ​ണ് വി​മ​ർ​ശി​ക്കു​ക​യും വി​ല​യി​രു​ത്തു​ക​യും വേ​ണ്ട​ത്.

യാ​സ​ർ അ​റാ​ഫ​ത്തി​നെ​യും ഫ​ല​സ്തീ​നു പി​ന്തു​ണ ന​ൽ​കി​യ ക​മ്യൂ​ണി​സ്റ്റു​ക​ളെ​യും സ​യ​ണി​സ്റ്റ് - സാ​മ്രാ​ജ്യ​ത്വ​വാ​ദി​ക​ൾ വി​ളി​ച്ചി​രു​ന്ന പേ​രാ​യി​രു​ന്നു ഭീ​ക​ര​രെ​ന്നു ദീ​പ കു​മാ​ർ (‘ഇ​സ്‌​ലാ​മോ​ഫോ​ബി​യ ആ​ൻ​ഡ് ദി ​പൊ​ളി​റ്റി​ക്സ്‌ ഓ​ഫ് എം​പ​യ​ർ’ ( 2012)) ന​ട​ത്തി​യ പ​ഠ​നം പ​റ​യു​ന്നു. ആ​ഗോ​ള ത​ല​ത്തി​ൽ ക​മ്യൂ​ണി​സ്റ്റ് ബ്ലോ​ക്കി​ന്റെ ത​ക​ർ​ച്ച ന​ട​ന്ന​ത് 1990 ക​ളി​ലാ​ണ്. അ​തി​നു​ശേ​ഷം ശ​ക്തി​പ്പെ​ട്ട ഇ​സ്‌​ലാ​മോ​ഫോ​ബി​യ​യാ​ണ് ഇ​സ്‍ലാം സ​മം ഭീ​ക​ര​ത എ​ന്ന സ​മ​വാ​ക്യം പൊ​തു​ഭാ​വ​ന​യു​ടെ ഭാ​ഗ​മാ​ക്കി മാ​റ്റി​യ​ത്.

സ​യ​ണി​സ്റ്റ് - കൊ​ളോ​ണി​യ​ൽ രാ​ഷ്ട്രീ​യ​ത്തി​ന്റെ അ​ധി​കാ​ര​മാ​ണ് ഫ​ല​സ്തീ​ൻ പ്ര​ശ്ന​ത്തെ നി​ർ​മി​ക്കു​ന്ന​തെ​ന്ന പ്രാ​ഥ​മി​ക യു​ക്തി​യി​ലൂ​ന്നി ഏ​റെ ആ​ഴ​ത്തി​ലും ഗൗ​ര​വ​ത്തി​ലും പ്ര​തി​ക​രി​ച്ച സി.​പി.​എം കേ​ന്ദ്ര​ക​മ്മി​റ്റി അം​ഗം എം.​എ. ബേ​ബി പോ​ലും “ഹ​മാ​സ് ഇ​സ്രാ​യേ​ൽ രാ​ഷ്ട്ര​ത്തെ അം​ഗീ​ക​രി​ക്കു​ന്നി​ല്ല​യെ​ന്നു” പ്ര​സ്താ​വി​ക്കു​ക​യു​ണ്ടാ​യി.

ബേ​ബി ത​ന്നെ പ​രി​ഹാ​ര​മാ​യി പ​റ​യു​ന്ന കി​ഴ​ക്ക​ൻ ജ​റൂ​സ​ലം കേ​ന്ദ്ര​മാ​ക്കി​യു​ള്ള ദ്വി​രാ​ഷ്ട്ര പ​രി​ഹാ​രം 2006 മു​ത​ൽ ത​ന്നെ ഹ​മാ​സ് അം​ഗീ​ക​രി​ക്കു​ന്നു​വെ​ന്ന​താ​ണ് വ​സ്തു​ത (നെ​വ​ൻ ബോ​ണ്ടോ​ക്ജി എ​ഴു​തി​യ, നാ​ഷ​ന​ലി​സ്റ്റ് വേ​ഴ്സ​സ് റി​ലീ​ജ്യ​സ്: ഇം​പ്ലി​ക്കേ​ഷ​ൻ​സ് ഫോ​ർ പീ​സ് വി​ത്ത് ഹ​മാ​സ് എ​ന്ന ബ്രൂ​കി​ങ് ഇ​ൻ​സ്റ്റി​റ്റ്യൂ​ട്ട് പ്ര​സി​ദ്ധീ​ക​രി​ച്ച പ്ര​ബ​ന്ധം, 2014 കാ​ണു​ക).

ഏ​റെ ജാ​ഗ്ര​ത​യോ​ടെ ഫ​ല​സ്തീ​ൻ പ്ര​ശ്ന​ത്തെ​പ്പ​റ്റി സം​സാ​രി​ക്കു​ന്ന എം.​എ. ബേ​ബി​യു​ടെ പ്ര​സ്താ​വ​ന​യി​ൽ​പോ​ലും വ​സ്തു​താ​വി​രു​ദ്ധ​ത ക​ട​ന്നു​വ​രു​ന്ന​ത് നേ​ര​ത്തെ സൂ​ചി​പ്പി​ച്ച പ്രാ​ഥ​മി​ക യു​ക്തി പി​ന്നോ​ട്ട​ടി​ക്കു​ന്ന​തി​ന്റെ സൂ​ച​ന​യാ​ണ്. എ​ന്നാ​ൽ, ബേ​ബി ഉ​ന്ന​യി​ച്ച ഈ ​വി​മ​ർ​ശ​നം പോ​ലും ഒ​രു സം​വാ​ദ വി​ഷ​യ​മാ​ണെ​ന്നാ​ണ് വ​സ്തു​ത.

വി​ശാ​ല ഇ​ട​തു​പ​ക്ഷ​ത്തി​ന്റെ ഭാ​ഗ​മാ​യ ജൂ​ത​കു​ടും​ബ പ​ശ്ചാ​ത്ത​ല​മു​ള്ള ചി​ന്ത​ക​രാ​യ ഇ​ല​ൻ പ​പെ​യും നോം ​ചോം​സ്കി​യും അ​റി​യ​പ്പെ​ടു​ന്ന ഫ​ല​സ്തീ​ൻ സ്വാ​ത​ന്ത്ര്യ​വാ​ദി​ക​ളാ​ണ്. എ​ന്നാ​ൽ, 2015ൽ ​പ്ര​സി​ദ്ധീ​ക​രി​ച്ച ‘ഓ​ൺ ഫ​ല​സ്തീ​ൻ’ എ​ന്ന പു​സ്ത​ക​ത്തി​ൽ ചോം​സ്കി ദ്വി​രാ​ഷ്ട്ര പ​രി​ഹാ​ര​ത്തെ ഉ​യ​ർ​ത്തി​പ്പി​ടി​ച്ച​പ്പോ​ൾ ഇ​ല​ൻ പ​പെ ഏ​ക​രാ​ഷ്ട്ര പ​രി​ഹാ​ര​മാ​ണ് മു​ന്നോ​ട്ടു​വെ​ച്ച​ത്.

മ​റ്റെ​ല്ലാ സാ​മൂ​ഹി​ക -രാ​ഷ്ട്രീ​യ ആ​വി​ഷ്കാ​ര​ങ്ങ​ൾ പോ​ലെ​ത​ന്നെ ഹ​മാ​സ് അ​ട​ക്ക​മു​ള്ള ഇ​സ്‍ലാ​മി​ക പ്ര​സ്ഥാ​ന​ങ്ങ​ളോ​ടു​ള്ള വി​മ​ർ​ശ​നം ഒ​രു രാ​ഷ്ട്രീ​യ അ​വ​കാ​ശ​മാ​ണ്. പ​ക്ഷേ, അ​ത് ലാ​ഘ​വ​ത്തോ​ടെ ന​ട​ത്തേ​ണ്ട ഒ​ന്ന​ല്ല. മു​സ്‍ലിം ഉ​ള്ള​ട​ക്ക​മു​ള്ള പൊ​തു​പ്ര​ശ്ന​ങ്ങ​ൾ കൈ​കാ​ര്യം ചെ​യ്യു​മ്പോ​ൾ വ​സ്തു​ത​ക​ളെ ‘അ​വ്യ​ക്ത​മാ​ക്കി’ അ​വ​ത​രി​പ്പി​ക്കു​ന്ന​തും മു​സ്‍ലിം സൂ​ച​ക​മു​ള്ള രാ​ഷ്ട്രീ​യ ആ​വി​ഷ്കാ​ര​ങ്ങ​ളെ ‘സം​ശ​യ​ത്തി​ന്റെ നി​ഴ​ലി​ൽ’ നി​ർ​ത്തു​ന്ന​തും നി​ല​നി​ൽ​ക്കു​ന്ന അ​വ​കാ​ശ നി​ഷേ​ധ​ങ്ങ​ളെ​യും ഇ​സ്‍ലാ​മോ​ഫോ​ബി​യ​യെ​യും ശ​ക്തി​പ്പെ​ടു​ത്താ​നേ ഉ​പ​ക​രി​ക്കൂ.

ഇ​സ്‌​ലാ​മോ​ഫോ​ബി​യ​യു​ടെ മു​ൻ​മാ​തൃ​ക​ക​ളെ​യും മു​സ്‍ലിം ഉ​ള്ള​ട​ക്ക​മു​ള്ള പ്ര​ശ്ന​ങ്ങ​ളെ​പ്പ​റ്റി സം​സാ​രി​ക്കു​മ്പോ​ൾ പു​ല​ർ​ത്തു​ന്ന ല​ളി​ത​വ​ത്ക​ര​ണ​ങ്ങ​ളെ​യും വി​മ​ർ​ശ​നാ​ത്മ​ക​മാ​യി മ​റി​ക​ട​ക്കു​മ്പോ​ൾ മാ​ത്ര​മേ ഫ​ല​സ്തീ​ൻ ഐ​ക്യ​ദാ​ർ​ഢ്യം എ​ന്ന കൊ​ളോ​ണി​യ​ൽ വി​രു​ദ്ധ പ്ര​മേ​യം പു​തു​കാ​ല രാ​ഷ്ട്രീ​യ പ്ര​തി​രോ​ധ​മാ​യി വി​ക​സി​ക്കു​ക​യു​ള്ളൂ.