പി.​എ​ഫ് പെ​ൻ​ഷ​ൻ: കോ​ട​തി​വി​ധി അട്ടിമറിക്കാൻ അനുവദിക്കരുത്​

എംപ്ലോയീസ്​ പ്രോവിഡൻറ്​ ഫണ്ട്​ പെൻഷൻ സ്​കീമിൽ 2014 സെപ്​റ്റംബർ ഒന്നുമുതൽ പ്രാബല്യത്തിൽ വരുത്തി നടപ്പാക്കിയ തൊഴിലാളിദ്രോഹപരമായ ഭേദഗതികൾ റദ്ദാക്കിയ 2018 ഒക്​ടോബർ 12ലെ കേരള ഹൈകോടതിയുടെ ചരിത്രവിധി വിരമിച്ചവരും വിരമിക്കാനിരിക്കുന്നവരുമായ അനേകലക്ഷം തൊഴിലാളികൾക്ക്​ ആശ്വാസം പകരുന്ന വിധിയാണ്. എങ്കിലും ഒ​േട്ടറെ അപാകതകൾ പദ്ധതിയിൽ ഇനിയും ബാക്കിനിൽക്കുന്നു. കോടതി വിധികൾ തൊഴിലാളികൾക്ക്​ അനുകൂലമായി വരു​േമ്പാൾ അതി​​​െൻറ ഗുണഫലങ്ങൾ അവർക്ക്​ എങ്ങനെ നിഷേധിക്കാം എന്ന​ ഗവേഷണം പി. എഫ്​ അധികാരികൾ ഇനിയെങ്കിലും ഒന്നു നിർത്തിയാൽ കാര്യങ്ങൾ കൂടുതൽ എളുപ്പമാകും.

പെ​ൻ​ഷ​ൻ ഒൗ​​ദാ​ര്യ​മ​ല്ല
പെ​ൻ​ഷ​ൻ ഒ​രു ഒൗ​​ദാ​ര്യ​മ​ല്ല. ജീ​വി​ത​ത്തി​െ​ൻ​റ വ​സ​ന്ത​കാ​ലം മു​ഴു​വ​നും രാ​ഷ്​​ട്ര​ത്തി​െ​ൻ​റ സാ​മ്പ​ത്തി​ക​വ​ള​ർ​ച്ച​ക്കാ​യി സേ​വ​നം അ​നു​ഷ്​​ഠി​ച്ച തൊ​ഴി​ലാ​ളി​ക്ക്​ ശി​ഷ്​​ട​കാ​ല ജീ​വി​തം അ​ല്ല​ലി​ല്ലാ​തെ ജീ​വി​ച്ചു​തീ​ർ​ക്കാ​നു​ള്ള അ​വ​കാ​ശ​ത്തി​െ​ൻ​റ ഭാ​ഗ​മാ​ണ്​ പെ​ൻ​ഷ​നും ആ​നു​കൂ​ല്യ​ങ്ങ​ളും. തൊ​ഴി​ലാ​ളി​ക​ളു​ടെ വാ​ർ​ധ​ക്യ​കാ​ല ക്ഷേ​മം രാ​ഷ്​​ട്ര​ത്തി​െ​ൻ​റ കൂ​ടി ഉ​ത്ത​ര​വാ​ദി​ത്ത​മാ​ണ്. ആ​രോ​ഗ്യ​ത്തോ​ടെ ജോ​ലി ചെ​യ്യു​േ​മ്പാ​ൾ തൊ​ഴി​ലാ​ളി​ക​ൾ​ക്ക്​ ല​ഭി​ക്കു​ന്ന ശ​മ്പ​ള​വും മ​റ്റ്​ ആ​നു​കൂ​ല്യ​ങ്ങ​ളും​പോ​ലെ പ്രാ​ധാ​ന്യ​മേ​റി​യ​താ​ണ്​ വി​ര​മി​ക്ക​ലി​നു​ശേ​ഷം സാ​മ്പ​ത്തി​ക ഭ​ദ്ര​ത​യും സു​ര​ക്ഷി​ത​ത്വ​വും ഉ​റ​പ്പു​വ​രു​ത്തു​ന്ന റി​ട്ട​യ​ർ​മെ​ൻ​റ്​ ആ​നു​കൂ​ല്യ​ങ്ങ​ളും. പ്രോ​വി​ഡ​ൻ​റ്​ ഫ​ണ്ട്, ഗ്രാ​റ്റ്വി​റ്റി, പെ​ൻ​ഷ​ൻ എ​ന്നി​വ​യാ​ണ്​ പ്ര​ധാ​ന​പ്പെ​ട്ട റി​ട്ട​യ​ർ​മെ​ൻ​റ്​ ആ​നു​കൂ​ല്യ​ങ്ങ​ൾ. സ​ർ​ക്കാ​ർ മേ​ഖ​ല​യി​ൽ ഗ്രാ​റ്റ്വി​റ്റി​യും പെ​ൻ​ഷ​നു​മാ​ണ്​ മു​ഖ്യ റി​ട്ട​യ​ർ​മെ​ൻ​റ്​ പ​ദ്ധ​തി​ക​ളെ​ങ്കി​ൽ സ​ർ​ക്കാ​ർ ഇ​ത​ര മേ​ഖ​ല​ക​ളി​ൽ ഇ​ത്​ പി.​എ​ഫും ഗ്രാ​റ്റ്വി​റ്റി​യു​മാ​ണ്.

റിട്ടയർമ​​െൻറ്​ ആനുകൂല്യങ്ങളിൽ തൊഴിലാളികൾക്ക്​ ഏറ്റവും പ്രിയപ്പെട്ടത്​ പെൻഷൻതന്നെ. റിട്ടയർമ​​െൻറിനു ശേഷം മരണംവരെ പ്രതിമാസ വരുമാനവും മരണശേഷം ആശ്രിതർക്ക്​ സാമ്പത്തിക സഹായവും നൽകുന്ന പെൻഷൻ വാർധക്യകാല വിശ്രമജീവിതത്തിൽ തൊഴിലാളികൾക്ക്​ ഏറ്റവും കൂടുതൽ ഉതകുന്നതും ആത്​മാഭിമാനം വർധിപ്പിക്കുന്നതുമായതുകൊണ്ടാണ്​ തൊഴിലാളികളുടെ ഏറ്റവും പ്രിയപ്പെട്ട റിട്ടയർമ​​െൻറ്​ ആനുകൂല്യം അതായിത്തീർന്നത്​.

ഇതുവരെ പെൻഷൻ ഇല്ലാതിരുന്ന സ്വകാര്യമേഖലയിലെ സംഘടിത തൊഴിലാളികൾക്കും പെൻഷൻ നൽകുക എന്ന ലക്ഷ്യത്തോടെയാണ്​ 1995ൽ നരസിംഹറാവു സർക്കാർ പി.എഫ്​ പെൻഷൻ പദ്ധതി ആവിഷ്​കരിച്ചത്​. മൂന്നാം റിട്ടയർമ​​െൻറ്​ ആനുകൂല്യം എന്ന നിലയിൽ പെൻഷൻ നൽകണം എന്നതായിരുന്നു തൊഴിലാളികളുടെ ആഗ്രഹം എങ്കിലും തൊഴിലുടമകളുടെയും സർക്കാറി​​​െൻറയും സാമ്പത്തിക സ്​ഥിതി അതിനു തടസ്സമാകയാൽ തൊഴിലുടമകളുടെ പി.എഫ്​ വിഹിതത്തിൽനിന്നും ഒരുഭാഗം പെൻഷൻ ഫണ്ടിലേക്ക്​ മാറ്റി ചെറിയ തോതിൽ സർക്കാർ സഹായവും കൂടി ചേർത്ത്​ പെൻഷൻ നൽകുക എന്ന ആശയമാണ്​ സർക്കാർ നടപ്പാക്കിയത്​. പി.എഫ്​ അക്കൗണ്ടിൽ തൊഴിലുടമ അടക്കുന്ന 12 ശതമാനം വിഹിതത്തിൽനിന്നും 8.33 ശതമാനം, കേന്ദ്ര സർക്കാർ വിഹിതമായി 1.16 ശതമാനം എന്നിവ ചേർന്നതാണ്​ ഇൗ പദ്ധതിയുടെ കീഴിലെ പെൻഷൻ മൂലധനം.

പദ്ധതി പരാജയപ്പെടുത്താനുള്ള ശ്രമം
ലക്ഷക്കണക്കിന്​ പി.എഫ്​ അംഗങ്ങളായ തൊഴിലാളികൾ ഏറെ പ്രതീക്ഷ ​െവച്ചുപുലർത്തിയ പെൻഷൻ പദ്ധതി അവർക്ക്​ ഒരു പ്രയോജനവും ചെയ്യാതെ തികഞ്ഞ പരാജയമായിത്തീർന്നു. ആയുസ്സി​​​െൻറ പ്രധാനഭാഗം സ്​ഥാപനത്തിനുവേണ്ടി പണിയെടുക്കുകയും പെൻഷൻ വിഹിതം മുറ​െതറ്റാതെ അടക്കുകയും ചെയ്​ത തൊഴിലാളിക്ക്​ വളരെ തുച്ഛമായ തുകയാണ്​ വിരമിക്കലിനുശേഷം പെൻഷനായി ലഭിച്ചുകൊണ്ടിരുന്നത്​. തൊഴിലുടമ പെൻഷൻ ഫണ്ടിലേക്ക്​ അടക്കുന്ന 8.33 ശതമാനം തൊഴിലാളിയുടെ മുഴുവൻ ശമ്പളത്തിന്​ ആനുപാതികം അല്ലാതിരിക്കുകയും ഇത്​ ആദ്യം 6500 രൂപയുടെയും പിന്നീട്​ 15,000 രൂപയുടെയും പരിധി നിശ്ചയിച്ചതുമാണ്​ പദ്ധതി വികലമാകാനുള്ള പ്രധാന കാരണം.

ഒ​രു വി​ഹി​ത​വും അ​ട​ക്കേ​ണ്ട​തി​ല്ലാ​ത്ത ക്ഷേ​മ പെ​ൻ​ഷ​നു​ക​ളേ​ക്കാ​ൾ കു​റ​ഞ്ഞ തു​ക​യാ​ണ്​ പി.​എ​ഫ്​ പെ​ൻ​ഷ​നാ​യി ല​ഭി​ക്കു​ന്ന​തെ​ന്ന അ​പാ​ക​ത ചൂ​ണ്ടി​ക്കാ​ണി​ച്ച്​ ഒ​േ​ട്ട​റെ ഹ​ര​ജി​ക​ൾ രാ​ജ്യ​ത്തി​െ​ൻ​റ കോ​ട​തി​ക​ളി​ൽ സ​മ​ർ​പ്പി​ക്ക​പ്പെ​ട്ടി​രു​ന്നു. ഇ​ക്കാ​ര്യ​ത്തി​ൽ കേ​ര​ള ഹൈ​കോ​ട​തി​യാ​ണ്​ ആ​ദ്യ​മാ​യി തൊ​ഴി​ലാ​ളി​ക​ൾ​ക്ക്​ അ​നു​കൂ​ല​മാ​യി വി​ധി പ​റ​ഞ്ഞ​ത്. 2011ൽ ​ഇ​തു​സം​ബ​ന്ധി​ച്ച ഒ​രു ഹ​ര​ജി​യി​ൽ തൊ​ഴി​ലാ​ളി​ക​ൾ​ക്ക്​ മു​ഴു​വ​ൻ ശ​മ്പ​ള​ത്തി​നും ആ​നു​പാ​തി​ക​മാ​യി പെ​ൻ​ഷ​ൻ വി​ഹി​തം അ​ട​ക്കാ​ൻ ഒാ​പ്​​ഷ​ൻ ന​ൽ​കാ​ൻ സ​മ​യ​പ​രി​ധി നി​ശ്ച​യി​ക്കാ​ൻ പി.​എ​ഫ്​ അ​ധി​കാ​രി​ക​ൾ​ക്ക്​ അ​വ​കാ​ശ​മി​ല്ലെ​ന്ന്​ കേ​ര​ള ഹൈ​കോ​ട​തി വി​ധി​ച്ചി​രു​ന്നു. ഇ​തി​നെ​തി​രെ പി.​എ​ഫ്​ ഒാ​ർ​ഗ​നൈ​സേ​ഷ​ൻ ഡി​വി​ഷ​ൻ ​​െബ​ഞ്ചി​ന്​ ന​ൽ​കി​യ അ​പ്പീ​ൽ ത​ള്ളി 2014 ഒ​ക്​​ടോ​ബ​ർ 27ന്​ ​ന​ൽ​കി​യ വി​ധി പി.​എ​ഫ്​ പെ​ൻ​ഷ​ൻ​കാ​ർ​ക്ക്​ വ​ലി​യ ഒ​രു ആ​ശ്വാ​സ​മാ​യി​രു​ന്നു. സിം​ഗ്​​ൾ ​െബ​ഞ്ച്​ വി​ധി നി​ല​നി​ൽ​ക്കു​ന്ന​താ​ണെ​ന്നും മു​ഴു​വ​ൻ ശ​മ്പ​ള​ത്തി​െ​ൻ​റ​യും 8.33 ശ​ത​മാ​നം പെ​ൻ​ഷ​ൻ ഫ​ണ്ടി​ലേ​ക്ക്​ മാ​റ്റി​ക്കൊ​ണ്ട്​ ഹ​ര​ജി​ക്കാ​ർ​ക്ക്​ ഉ​യ​ർ​ന്ന പെ​ൻ​ഷ​ൻ ന​ൽ​ക​ണ​മെ​ന്നും ഹൈ​കോ​ട​തി വി​ധി​ച്ചു. ഇൗ ​വി​ധി​ക്കെ​തി​രെ പി.​എ​ഫ്​ അ​ധി​കാ​രി​ക​ൾ സു​പ്രീം​കോ​ട​തി​യി​ൽ ന​ൽ​കി​യ സ്​​പെ​ഷ​ൽ ലീ​വ്​ പെ​റ്റീ​ഷ​നും ഹൈ​കോ​ട​തി​വി​ധി പൂ​ർ​ണ​മാ​യും ശ​രി​വെ​ച്ചു​കൊ​ണ്ട്​ 2016 മാ​ർ​ച്ച്​ 31ന്​ ​സ​ു​പ്രീം​കോ​ട​തി ത​ള്ളി. ഹി​മാ​ച​ൽ​പ്ര​ദേ​ശ്​ ഹൈ​കോ​ട​തി​യു​ടെ വി​ധി​യി​ൽ​നി​ന്നു​ള്ള അ​പ്പീ​ലി​ലും സ​മാ​ന​മാ​യ വി​ധി​യാ​ണ്​ സു​പ്രീം​കോ​ട​തി​യി​ൽ​നി​ന്ന്​ ഉ​ണ്ടാ​യ​ത്.

കോടതി തൊഴിലാളികൾക്കൊപ്പം
കേരള ഹൈ​കോടതി തൊഴിലാളികൾക്ക്​ അനുകൂലമായി വിധി പറഞ്ഞതോടെ പി.എഫ്​ ഒാർഗനൈസേഷൻ കോടതി വിധി നടപ്പാക്കുന്നതിന്​ തടയിടാൻ പി.എഫ്​ പെൻഷൻ ചട്ടങ്ങളിൽ തൊഴിലാളി വിരുദ്ധ വ്യവസ്​ഥകൾ ഉൾപ്പെടുത്തി ഭേദഗതി വരുത്താനുള്ള നടപടികളുമായാണ്​ മുന്നോട്ടു നീങ്ങിയത്​. 2014 സെപ്​റ്റംബർ ഒന്നിന്​ നിലവിൽവന്ന ഭേദഗതി പി.എഫ്​ പെൻഷൻകാരെയും വരിക്കാരെയും വലിയ പ്രയാസത്തിലാക്കി. ശമ്പളം എത്രയായാലും 15,000 രൂപ വരെ മാത്രമേ പി.എഫ്​ പെൻഷ​​​െൻറ പരിധിയിൽ വരൂ എന്നും ഇനി ഒരിക്കലും വർധിച്ച തുകക്ക്​ ഒാപ്​ഷൻ നൽകാൻ ആവില്ല എന്നതുമായിരുന്നു ഭേദഗതിയിലെ ഒരു വ്യവസ്​ഥ. പെൻഷന്​ അർഹതപ്പെട്ട ശമ്പളം 15,000 ആയി നിജപ്പെടുത്തിയതോടെ 2014 സെപ്​റ്റംബർ ഒന്നിനുശേഷം സർവിസിൽ പ്രവേശിച്ച 15,000 രൂപയിൽ കൂടുതൽ ആരംഭശമ്പളമുള്ള ലക്ഷക്കണക്കിന്​ യുവാക്കളായ തൊഴിലാളികൾ പെൻഷൻ പദ്ധതിയിൽനിന്ന്​ ഒഴിവാകുന്ന സ്​ഥിതിയുണ്ടായി. 2014 സെപ്​റ്റംബർ ഒന്നിനുമുമ്പ്​ സർവിസിൽ കയറിയവർക്ക്​ യഥാർഥ ശമ്പളത്തി​​​െൻറ അടിസ്​ഥാനത്തിൽ വിഹിതം അടക്കാൻ ഒാപ്​ഷൻ നൽകാൻ അവസരമുണ്ടായിരുന്നെങ്കിൽ ഭേദഗതിയിലൂടെ അത്​ എടുത്തുകളഞ്ഞത്​ ഒരു വിഭാഗം തൊഴിലാളികൾക്ക്​ പെൻഷനിൽ ഗണ്യമായ കുറവ്​ വരുത്തുന്ന സ്​ഥിതിയുണ്ടാക്കി. ഇൗ അനീതിക്ക്​ പരിഹാരം കണ്ടുകൊണ്ട്​ പരിധിയില്ലാതെ യഥാർഥ ശമ്പളത്തി​​​െൻറ അടിസ്​ഥാനത്തിൽ പെൻഷൻ വിഹിതം നൽകാൻ അവസരം നിഷേധിച്ച നടപടി ഇപ്പോഴത്തെ വിധിയിലൂടെ കേരള ഹൈകോടതി റദ്ദാക്കിയിരിക്കുകയാണ്​.

പ്രതിമാസ പെൻഷൻ​ കണക്കാക്കുന്നതിന്​ ആധാരമായ ശമ്പളം വിരമിക്കുന്നതിന്​ തൊട്ടുമുമ്പുള്ള 60 മാസത്തെ ശരാശരി വേതനം എന്നതു മാറ്റി ഭേദഗതിക്കുമുമ്പ്​ ഉണ്ടായിരുന്നതുപോലെ 12 മാ​സത്തെ ശരാശരി വേതനം എന്നാക്കിയത്​ തൊഴിലാളികൾക്ക്​ ഏറെ ഗുണംചെയ്യും. ശമ്പള ശരാശരിയും സേവനം ചെയ്​ത വർഷങ്ങളുടെ എണ്ണവും തമ്മിലുള്ള ഗുണനഫലത്തെ 70​ കൊണ്ട്​ ഹരിക്കു​േമ്പാൾ കിട്ടുന്ന തുകയാണ്​ ആ തൊഴിലാളിയുടെ പ്രതിമാസ പെൻഷൻ. ശമ്പള ശരാശരി 60 മാസത്തേത്​ ആക്കിയതുകൊണ്ട്​ പ്രതിമാസ പെൻഷനിൽ ഗണ്യമായ കുറവാണ്​ 2014 സെപ്​റ്റംബർ ഒന്നിനു ശേഷം വിരമിച്ചവർക്ക്​ ഉണ്ടായിരുന്നത്​. കോടതിവിധി അക്കാര്യത്തിലും തൊഴിലാളികൾക്ക്​ ഗുണകരമായി. തൊഴിലുടമയുടെ 8.33 ശതമാനം കൂടാതെ സർക്കാർ വിഹിതമായി 1.16 ശതമാനം പെൻഷൻ ഫണ്ടിൽ ചേർക്കുന്ന കാര്യം നേരത്തേ സൂചിപ്പിച്ചിരുന്നുവല്ലോ. എന്നാൽ, മുഴുവൻ ശമ്പളത്തിനും പെൻഷൻ വിഹിതം പിടിക്കാൻ ഒാപ്​ഷൻ നൽകിയവർ 15,000ത്തിൽ കൂടുതൽ വരുന്ന തുകയുടെ 1.16 ശതമാനം പെൻഷൻ ഫണ്ടിലേക്ക്​ അധികമായി അടക്കണം എന്ന നിർദേശം നിലവിലുണ്ടായിരുന്നു. കോടതി ഇൗ നിർദേശം റദ്ദുചെയ്​തതും തൊഴിലാളികൾക്ക്​ മെച്ചമാണ്​.

ശമ്പളത്തിന്​ ആനുപാതികമായി പെൻഷൻ ഫണ്ടിലേക്ക്​ വിഹിതം സ്വീകരിക്കണമെന്നും അതിന്​ ഒാപ്​ഷൻ നൽകാൻ സമയപരിധി നിശ്ചയിക്കരുതെന്നും 2016 ഒക്​ടോബർ നാലിന്​സുപ്രീംകോടതി വിധിച്ചിരുന്നു. എന്നാൽ, ഇൗ വിധി 2014ൽ ചട്ടങ്ങൾ ഭേദഗതി ചെയ്​തതിനു മുമ്പ്​ വിരമിച്ചവർക്ക്​ മാത്രമേ ബാധകമാകൂ എന്ന നിലപാടാണ്​ പി.എഫ്​ ഒാർഗനൈസേഷൻ കൈക്കൊണ്ടത്​. 2014ൽ ചട്ടങ്ങൾ ഭേദഗതി ചെയ്​ത്​ ഇറക്കിയ വിജ്​ഞാപനവും അതി​​​െൻറ അടിസ്​ഥാനത്തിൽ പി.എഫ്​ അധികാരികൾ ഇറക്കിയ ഉത്തരവുകളും റദ്ദാക്കിയതിലൂടെ മേൽപറഞ്ഞ സുപ്രീംകോടതി വിധി എല്ലാവർക്കും ബാധകമായിരിക്കയാണ്​.

സമ്പൂർണ പരിഹാരമായില്ല
ഇപ്പോഴത്തെ കോടതിവിധി പി.എഫ്​ പെൻഷൻ പദ്ധതിയെ ചൂഴ്​ന്നുനിൽക്കുന്ന എല്ലാ ​പ്രശ്​നങ്ങൾക്കും പരിഹാരമാവുന്നില്ല എന്നതാണ്​ സത്യം. പി.എഫ്​ ഫണ്ട്​ ട്രസ്​റ്റ്​ വഴി കൈകാര്യംചെയ്യുന്ന സ്​ഥാപനങ്ങളിലെ തൊഴിലാളികൾക്ക്​ കോടതിയുടെ വിധികൾ ബാധകമല്ല എന്ന നിലപാട്​ പി.എഫ്​ ഒാർഗനൈസേഷൻ എടുക്കുകയും അതനുസരിച്ച്​ സർക്കുലർ ഇറക്കുകയും ചെയ്​തിരുന്നു. ​േപ്രാവിഡൻറ്​ ഫണ്ട്​ സ്​ഥാപനത്തിലെ ട്രസ്​റ്റ്​ വഴി കൈകാര്യം ചെയ്യുന്നത്​ ​േപ്രാവിഡൻറ്​ ഫണ്ട്​ നിയമം അനുസരിച്ച്​ പ്രോവിഡൻറ്​ ഫണ്ട്​ ഒാർഗനൈസേഷ​​​െൻറ അനുമതിയും അംഗീകാരവും നേടി അവരുടെ നിയന്ത്രണത്തിൽ ആയിരിക്കെ അത്തരം സ്​ഥാപനങ്ങളിലെ തൊഴിലാളികൾക്ക്​ പെൻഷൻ വർധനയുടെ ആനുകൂല്യം നിഷേധിക്കുന്നത്​ അനീതിയാണെന്ന്​ കാണിച്ച്​ ഇൗ അന്യായമായ വിവേചനത്തിനെതിരെ ഹരജികൾ വിവിധ കോടതികളിൽ സമർപ്പിക്കപ്പെട്ടിരുന്നു. 2018 സെപ്​റ്റംബർ 24ന്​ തെലങ്കാന-ആന്ധ്രപ്രദേശ്​​​ ഹൈകോടതി ‘ഒഴിവാക്കപ്പെട്ട വിഭാഗം’ എന്നു വിശേഷിപ്പിക്കപ്പെടുന്ന ഇൗ സ്​ഥാപനങ്ങളിലെ തൊഴിലാളികൾക്ക്​ അനുകൂലമായി വിധി പ്രസ്​താവിച്ചിട്ടുണ്ട്​. ഇപ്പോഴത്തെ ഹൈകോടതി വിധിയിൽ ഇത്തരം സ്​ഥാപനങ്ങളു​െട കാര്യം പ്രത്യേകം പരാമർശിക്കപ്പെട്ടിട്ടില്ലെങ്കിലും 2014ൽ ചട്ടങ്ങൾഭേദഗതി ചെയ്​ത്​ ഇറക്കിയ വിജ്​ഞാപനവും അതി​​​െൻറ അടിസ്​ഥാനത്തിൽ അധികാരികൾ ഇറക്കിയ ഉത്തരവുകളും ഹൈകോടതി റദ്ദാക്കിയ സ്​ഥിതിക്ക്​ ഇൗ വിവേചനം അവസാനിക്കുന്നു എന്ന കാര്യത്തിൽ അവ്യക്​തത ഉണ്ടാകേണ്ട കാര്യമില്ലെന്നു പ്രതീക്ഷിക്കാം.

ഇതു കൂടാതെ മറ്റു പല അപാകതകളും ഇനിയും ഇൗ പദ്ധതിയിൽ പരിഹരിക്കപ്പെടേണ്ടതായിട്ടുണ്ട്​. 35 വർഷം സേവനകാലാവധി കഴിഞ്ഞവർക്കേ നിലവിലുള്ള ശമ്പളത്തി​​​െൻറ പകുതിയെന്ന മുഴുവൻ പെൻഷനും ലഭിക്കുകയുള്ളൂ. പദ്ധതി നിലവിൽവന്ന 1995നു ശേഷമുള്ള കാലം മാത്രമേ സേവനം ചെയ്​ത വർഷമായി ഇപ്പോൾ കണക്കാക്കുന്നുള്ളൂ. 1995നു മുമ്പ്​ സർവിസിലുള്ളവർക്ക്​ സർവിസിനനുസരിച്ച്​ പെൻഷൻ ലഭിക്കാൻ ഇൗ നിബന്ധന തടസ്സമാവുന്നു. കേന്ദ്ര-സംസ്​ഥാന സർക്കാറുകളുടെ പെൻഷൻ പദ്ധതികളിൽനിന്നും വിഭിന്നമായി ക്ഷാമബത്ത വർധന പി.എഫ്​ പെൻഷനിൽ അനുവദിച്ചിട്ടില്ല എന്നതാണ്​ മറ്റൊരു ന്യൂനത. പെൻഷ​​​െൻറ മൂന്നിലൊന്ന്​ മുൻകൂറായി ആറുമാസത്തേക്ക്​ പിൻവലിക്കാവുന്ന കമ്യൂ​േട്ടഷൻ സൗകര്യം 2008 മുതൽ നിർത്തലാക്കിയതും കമ്യൂേട്ടഷൻ ചെയ്​തവർക്ക്​ ആറുമാസത്തെ കാലാവധി കഴിഞ്ഞിട്ടും മുഴുവൻ പെൻഷൻ ലഭിക്കാത്തതും കടുത്ത നീതിനിഷേധമാണ്​.

കേന്ദ്ര സർക്കാറി​​​െൻറ നിലപാടുകളാണ്​ ഇനി നിർണായകം. ഹൈകോടതി വിധികൾക്കെതിരെ അപ്പീലുകൾ നൽകി നിയമ​േപാരാട്ടം ദീർഘിപ്പിക്കാതെ വിധി നടപ്പാക്കാനുള്ള വിജ്​ഞാപനം ഉടൻ പുറപ്പെടുവിക്കുകയും പി.എഫ്​ പെൻഷൻ പദ്ധതിയിൽ ബാക്കിയുള്ള അപാകതകൾ പരിഹരിക്കുകയും ചെയ്​താൽ അത്​ ഇന്ത്യൻ തൊഴിലാളിവർഗത്തി​​​െൻറ ആത്മാഭിമാനവും സുരക്ഷിതത്വവും ഉൽപാദനക്ഷമതയും ഏറെ വർധിപ്പിക്കും.