മനുഷ്യനിർമിത തടസ്സങ്ങൾ

ക​ന​ത്ത മ​ഴ പെ​യ്യാ​തി​രു​ന്ന​ത്​ ചാ​ല​ക്കു​ടി​പു​ഴ​യു​ടെ തീ​ര​ത്തു​ള്ള​വ​രെ​യും ര​ക്ഷി​​െച്ച​ന്നുവേ​ണം ക​രു​താ​ൻ. എ​ന്നാ​ൽ, ചാ​ല​ക്കു​ടി ടൗ​ൺ അട​ക്കം മു​ങ്ങി. ചാ​ല​ക്കു​ടി​ പു​ഴ​യി​ലെ പെ​രി​ങ്ങ​ൽ​കു​ത്ത്​ അ​ണ​ക്കെ​ട്ടി​​െൻ​റ ഷ​ട്ട​റു​ക​ളു​ടെ പ്ര​വ​ർ​ത്ത​നം ത​ട​സ്സപ്പെ​ട്ട​തി​നാ​ൽ ക​വി​​െഞ്ഞാ​ഴു​കു​ക​യാ​യി​രു​ന്നു ദി​വ​സ​ങ്ങ​ളോ​ളം. ജീ​വ​ന​ക്കാ​ർ ഉ​യ​ർ​ന്ന സ്​​ഥ​ല​ങ്ങ​ളി​ൽ അ​ഭ​യം ക​ണ്ടെ​ത്തി. പെ​രി​ങ്ങ​ൽ​കു​ത്ത്​ വൈ​ദ്യു​തി നി​ല​യം ട്രി​പ്പാ​യി പ്ര​വ​ർ​ത്ത​നം നി​ല​ച്ചു. അ​ണ​ക്കെ​ട്ടു​ക​ൾ ക​വി​ഞ്ഞൊ​ഴു​കാ​ൻ പാ​ടി​ല്ല, ക​വി​ഞ്ഞൊ​ഴു​കു​ന്ന​ത്​ ത​ക​ർ​ച്ച​ക്ക്​ കാ​ര​ണ​മാ​കു​മെ​ന്നാ​ണ്​ പൊ​തു​വെ വി​ല​യി​രു​ത്ത​ൽ. എ​ന്താ​യാ​ലും പെ​രി​ങ്ങ​ൽ​കു​ത്ത്​ അ​ണ​ക്കെ​ട്ട് സം​ര​ക്ഷി​ക്ക​പ്പെ​ട്ടു. ത​മി​ഴ്​​നാ​ടി​​െൻ​റ നി​യ​ന്ത്ര​ണ​ത്തി​ലു​​ള്ള കേ​ര​ള​ത്തി​ന​ക​ത്തെ പ​റ​മ്പി​ക്കു​ളം അ​ട​ക്ക​മു​ള്ള അ​ണ​ക്കെ​ട്ടു​ക​ൾ തു​റ​ന്നുവി​ട്ട​തും വാ​ൽപ്പാ​റ മേ​ഖ​ല​യി​ലെ അ​തി​ശ​ക്തമാ​യ മ​ഴ​യു​മാ​ണ് പെ​രി​ങ്ങ​ൽ​കു​ത്ത്,​ ഷോ​ള​യാ​ർ അ​ണ​ക്കെ​ട്ടു​ക​ൾ നി​റ​​െഞ്ഞാ​ഴു​കാ​ൻ കാ​ര​ണ​മാ​യ​ത്. എ​ത്ര വെ​ള്ളം ഒ​ഴു​കി​യെ​ന്നുപോ​ലും ക​ണ​ക്കി​ല്ല.

ചാ​ല​ക്കു​ടി​പു​ഴ​യി​ലെ സാ​ഹ​ച​ര്യം വൈ​ദ്യു​തി ബോ​ർ​ഡ്​ മു​ൻ​കൂ​ട്ടി ക​ണ്ടി​ല്ലെ​ങ്കി​ലും പു​ഴ സം​ര​ക്ഷ​ണ സ​മി​തി ക​ണ്ടി​രു​ന്നു. ക​ന​ത്ത മ​ഴ വ​രാ​ൻ സാ​ധ്യ​ത​യു​ള്ള​തി​നാ​ൽ പെ​രി​ങ്ങ​ൽ​കു​ത്ത്, കേ​ര​ള ഷോ​ള​യാ​ർ അ​ണ​ക്കെ​ട്ടു​ക​ളി​ൽ വെ​ള്ളം സം​ഭ​രി​ക്കാ​ൻ ക​ഴിയു​ന്ന ത​ര​ത്തി​ൽ തു​റ​ന്നുവി​ട​ണ​മെ​ന്നും ചാ​ല​ക്കു​ടി​ പു​ഴ​യി​ൽ ഫ്ല​ഡ്​ മാ​പ്പിങ്​​ ന​ട​ത്തി, ആ​വ​ശ്യ​മെ​ങ്കി​ൽ ജ​ന​ങ്ങ​ളെ മാ​റ്റി പാ​ർ​പ്പി​ക്ക​ണ​മെ​ന്നും സം​ര​ക്ഷ​ണ സ​മി​തി ജൂ​ലൈ പ​കു​തി​യോ​ടെ സ​ർ​ക്കാ​റിനോ​ട്​ ആ​വ​ശ്യ​പ്പെ​ട്ടി​രു​ന്നു​വെ​ന്ന്​ സെ​ക്ര​ട്ട​റി എ​സ്.​പി.​ ര​വി പ​റ​യുന്നു. തൃ​ശൂർ ക​ല​ക്​​ട​ർ​ക്കും മ​ന്ത്രി​മാ​ർ​ക്കും നി​വേ​ദ​നം ന​ൽ​കി​യി​രു​ന്നു. ഗ​വേ​ഷ​ക​നാ​യ ഡോ.​ സി.​ജി.​ മ​ധു​സൂ​ദ​ന​നും ഇ​ത്​ സം​ബ​ന്ധി​ച്ച്​ നി​വേ​ദ​നം ന​ൽ​കി.

മ​ഴ മു​ൻ​കൂ​ട്ടി ക​ണ്ട പി.​എ.​പി​യി​ലെ സം​യു​ക്ത ജ​ല​ക്ര​മീ​ക​ര​ണ ബോ​ർ​ഡി​ലെ ഉ​ദ്യോ​ഗ​സ്​​ഥ​രും ഉ​ണ​ർ​ന്നുപ്ര​വ​ർ​ത്തി​ച്ചു. പ​റ​മ്പി​ക്കു​ള​ത്തുനി​ന്നു തു​റ​ന്നുവി​ടു​ന്ന വെ​ള്ള​ത്തി​െ​ൻ​റ അ​ള​വ്​ നി​യ​ന്ത്രി​ക്ക​ണ​മെ​ന്ന കേ​ര​ള​ത്തി​െ​ൻ​റ ആ​വ​ശ്യം ത​മി​ഴ്​​നാ​ട്​ അം​ഗീ​ക​രി​ച്ചി​രു​ന്നു. എ​ന്നാ​ൽ, മ​ഴ ശ​ക്തിയാ​യ​തോ​ടെ അ​പ്ര​തീ​ക്ഷ​ിതമാ​യി കു​രി​യാ​ർ​കു​റ്റി, കാ​രാ​പ്പാ​റ എ​ന്നി​വി​ട​ങ്ങ​ളി​ൽനി​ന്ന്​ വെ​ള്ളമെ​ത്തി​യെ​ന്നാ​ണ്​ പ​റ​യു​ന്ന​ത്. പ​റ​മ്പി​ക്കു​ളം തു​റ​ക്കു​ന്നു​വെ​ന്ന വി​വ​രം 15ന്​ ​രാ​ത്രി​യി​ലാ​ണ്​ തൃശൂർ ക​ല​ക്​​ട​റെ അ​റി​യി​ച്ച​ത്.

കു​ട്ട​നാ​ടി​നെ വീ​ണ്ടും പ്ര​ള​യ​ത്തി​ൽ മു​ക്കി​യ​തും അ​ണ​ക്കെ​ട്ടു​ക​ളാ​ണ്. പ​മ്പ​യാ​റി​ലെ അ​ണ​ക്കെ​ട്ടു​ക​ൾ തു​റ​ന്ന​തും അ​ച്ച​ൻ​കോ​വി​ലാ​റും മ​ണി​മ​ല​യാ​റും നി​റ​ഞ്ഞ്​ ഒ​ഴു​കി എ​ത്തി​യ​തും കു​ട്ട​നാ​ടി​നെ മു​ക്കി. 1961ലെ ​പ്ര​ള​യ​ത്തി​ൽ ചൂ​ണ്ടി​ക്കാ​ട്ടി​യ കാ​ര്യ​മാ​ണ്​ കു​ട്ട​നാ​ടി​ലെ പ്ര​ള​യ​ജ​ലം ക​ട​ല​​ലി​ലേ​ക്ക്​ ഒ​ഴു​ക്കാ​ൻ സം​വി​ധാ​നം വേ​ണ​മെ​ന്ന​ത്. തോ​ട്ട​പ്പ​ള്ളി സ്​​പി​ൽ​വേ​യും ത​ണ്ണീ​ർ​മു​ക്കം ബ​ണ്ടു​മാ​ണ്​ കു​ട്ട​നാ​ടി​ലെ വെ​ള്ളം പു​റ​ത്തേ​ക്ക്​ ഒ​ഴു​ക്കേ​ണ്ട​ത്. ആ​ലു​വ​ പു​ഴ​യെ ക​ട​ല​ി​ലേ​ക്ക്​ തു​റ​ന്നുവി​ടു​ന്ന​തി​നും ത​ട​സ്സങ്ങ​ളു​ണ്ട്. ആ ​ത​ട​സ്സങ്ങ​ളൊ​ക്കെ മ​നു​ഷ്യ​നി​ർ​മി​ത​മാ​ണ്.
എ​ന്നാ​ൽ, അ​ണ​ക്കെ​ട്ടു​ക​ൾ തു​റ​ന്ന​തി​ന്​​പ​തി​വുപോ​ലെ കാ​ലാ​വ​സ്​​ഥ കേ​ന്ദ്ര​ത്തെ പ​ഴി​ചാ​രു​ക​യാ​ണ്​ വൈ​ദ്യു​തി ബോ​ർ​ഡ്.

ഡാ​മു​ക​ൾ തു​റ​ന്ന് ജ​ലം ഒ​ഴു​ക്കിവി​ട്ട​താ​ണ് സം​സ്ഥാ​ന​ത്തു​ണ്ടാ​യ പ്ര​ള​യ​ത്തി​ന് കാ​ര​ണ​മെ​ന്ന് പ​റ​യു​ന്ന​ത് വ​സ്തു​ത​ക​ൾ​ക്ക് നി​ര​ക്കാ​ത്ത​താ​ണെ​ന്ന്​ മ​ന്ത്രി എം.​എം.​മ​ണി പ​റ​യു​ന്നു. സം​സ്ഥാ​ന​ത്തെ മ​ഴ​യു​ടെ സാ​ധ്യ​ത പ്ര​വ​ചി​ക്കു​ന്ന ക​ലാ​വ​സ്​​ഥ വ​കു​പ്പി​​​െൻറ കാ​ലാ​വ​സ്ഥ പ്ര​വ​ച​ന​ങ്ങ​ളെ അ​ടി​സ്ഥാ​ന​മാ​ക്കി​യാ​ണ് കെ.​എ​സ്.​ഇ.​ബിയി​ലെ ജ​ല​സം​ഭ​ര​ണി​ക​ളി​ൽ ജ​ലം ശേ​ഖ​രി​ക്കു​ന്ന​തും ജ​ല​ത്തി​​​െൻറ ഉ​പ​യോ​ഗം ക​ണ​ക്കുകൂ​ട്ടു​ന്ന​തും. ഈ ​വ​ർ​ഷം സം​സ്ഥാ​ന​ത്ത് പൊ​തു​വി​ൽ സാ​ധാ​ര​ണ തോ​തി​ലാ​കും മ​ഴ ല​ഭി​ക്കു​ക എ​ന്നും ചി​ല ഒ​റ്റ​പ്പെ​ട്ട സ്ഥ​ല​ങ്ങ​ളി​ൽ ന​ല്ല മ​ഴ​യു​ണ്ടാ​വും എ​ന്നു​മാ​യി​രു​ന്നു ​െഎ.എം.ഡി​യു​ടെ പ്ര​വ​ച​നം. ഇ​പ്പോ​ഴു​ണ്ടാ​യ പേ​മാ​രി​യെക്കു​റി​ച്ച അ​റി​യി​പ്പ് ര​ണ്ടു ദി​വ​സ​ങ്ങ​ൾ​ക്കുമു​മ്പാ​ണ് ന​ൽ​കി​യ​ത്.

സം​സ്ഥാ​ന​ത്ത് പെ​യ്ത മ​ഴ​യു​ടെ തോ​ത് പ​രി​ശോ​ധി​ച്ചാ​ൽ 2018 ആ​ഗ​സ്​റ്റ്​ ഏഴു വ​രെ​യു​ള്ള ശ​രാ​ശ​രി 13.8 മി​ല്ലി​മീ​റ്റ​റി​ൽനി​ന്ന്​ ഉ​യ​ർ​ന്ന് 128.6 മി​ല്ലി​മീ​റ്റ​ർ വ​രെ ഉ​യ​ർ​ന്ന​താ​യി കാ​ണാം. ഇ​ടു​ക്കി ഡാ​മി​​​െൻറ വൃ​ഷ്​ടി പ്ര​ദേ​ശ​ത്ത് ആ​ഗ​സ്​റ്റ്​ 16ന് 295 ​മി​ല്ലി​മീ​റ്റ​ർ മ​ഴ​യാ​ണ് ചെ​യ്ത​ത്.

മ​ഴ ശ​ക്തി​പ്പെ​ടു​ന്ന​തും ജ​ല​നി​ര​പ്പ് ഉ​യ​രു​ന്ന​തും ക​ണ​ക്കി​ലെ​ടു​ത്ത് ജൂ​ലൈ 25ന് ​കെ.​എ​സ്.​ഇ.​ബി സി.​എം.​ഡി​യു​ടെ നേ​തൃ​ത്വ​ത്തി​ൽ ഉ​ന്ന​ത​ത​ല യോ​ഗം വി​ളി​ച്ച് സ്വീ​ക​രി​ക്കേ​ണ്ട മു​ൻ​ക​രു​ത​ലു​ക​ളും ന​ട​പ​ടി​ക​ളും സം​ബ​ന്ധി​ച്ച് തീ​രു​മാ​ന​ങ്ങ​ൾ എ​ടു​ക്കു​ക​യും ന​ട​പ​ടി​ക്ര​മ​ങ്ങ​ൾ പു​റ​പ്പെ​ടു​വി​ക്കു​ക​യും ചെ​യ്തു. ഇ​ടു​ക്കി ഡാ​മി​ൽ ട്ര​യ​ൽ റ​ൺ ന​ട​ത്താ​നും വെ​ള്ളം ഒ​ഴു​കു​ന്ന പ്ര​ദേ​ശ​ങ്ങ​ൾ മ​ന​സ്സി​ലാ​ക്കി ഒ​ഴി​പ്പി​ക്ക​ൽ ന​ട​പ​ടി​ക​ൾ ആ​രം​ഭി​ക്കാ​നും തീ​രു​മാ​നി​ച്ചു. മു​ൻകാ​ല​ങ്ങ​ളി​ൽനി​ന്നു വ്യ​ത്യ​സ്​ത​മാ​യി വെ​ള്ള​ത്തി​​​െൻറ നി​ര​പ്പ് 2390 അ​ടിയാകു​മ്പോ​ൾ ത​ന്നെ ആ​ദ്യ മു​ന്ന​റി​യി​പ്പു ന​ൽ​കാ​നും 2395 ന് ​അ​ടു​ത്ത അ​റി​യി​പ്പ് ന​ൽ​കാ​നും 2399ന് ​അ​ന്തി​മ അ​റി​യി​പ്പ് ന​ൽ​കി വെ​ള്ളം തു​റ​ന്നുവി​ടാ​നും തീ​രു​മാ​നി​ച്ച​ത​നു​സ​രി​ച്ചാ​ണ് ഇ​ടു​ക്കി ചെ​റു​തോ​ണി ഡാം ​തു​റ​ന്ന് ആ​ഗ​സ്​റ്റ്​ ഒമ്പതിന് ​ജ​ലം ഒ​ഴു​ക്കിവി​ട്ട​ത്. ഈ ​പേ​മാ​രിക്കാ​ല​ത്ത് മു​ല്ല​പ്പെ​രി​യാ​ർ ഡാ​മി​ലെ ജ​ല​നി​ര​പ്പ് 142 അ​ടി വ​രെ​യെ​ത്തു​ക​യും അ​വി​ടെനി​ന്ന്​ അ​ധി​ക​ജ​ലം ഇ​ടു​ക്കി​യി​ലേ​ക്ക് ഒ​രു സെ​ക്ക​ൻഡിൽ ഏ​ക​ദേ​ശം 650 ഘ​ന​മീ​റ്റ​ർ എ​ന്ന അ​ള​വി​ൽവ​രെ ഒ​ഴു​ക്കിവി​ടു​ക​യും ചെ​യ്തു.

ഈ ​അ​വ​സ​ര​ങ്ങ​ളി​ൽ ഡാ​മി​​​െൻറ സു​ര​ക്ഷി​ത​ത്വ​ത്തി​നാ​യി ഇ​ടു​ക്കി​യി​ൽനി​ന്ന്​ പു​റ​ത്തേ​ക്ക് ഒ​ഴു​ക്കി​യ വെ​ള്ള​ത്തി​​​െൻറ അ​ള​വ് ക്ര​മാ​നു​ഗ​ത​മാ​യി വ​ർധി​പ്പി​ക്കേ​ണ്ടിവ​ന്നി​ട്ടു​ണ്ട്.
അ​തേസ​മ​യം, ഭൂ​ത​ത്താ​ൻ​കെ​ട്ട് ബാ​രേ​ജി​ൽനി​ന്ന്​ 7500 ക്യുബി​ക് മീ​റ്റ​ർ ഒ​രു സെ​ക്കൻഡിൽ എ​ന്ന തോ​തി​ൽ ജ​ലം ഒ​ഴു​ക്കി ക​ള​യേ​ണ്ടിവ​ന്ന​ത് സൂ​ചി​പ്പി​ക്കു​ന്ന​ത്, പെ​രി​യാ​റി​​​െൻറ​യും മ​റ്റും വൃ​ഷ്​ടിപ്ര​ദേ​ശ​ങ്ങ​ളി​ലും സ​മ​ത​ല​ങ്ങ​ളി​ലും ല​ഭി​ച്ച അ​മി​തമ​ഴ കൂ​ടി​യാ​ണ് പെ​രി​യാ​റി​ലും സ​മീ​പപ്ര​ദേ​ശ​ങ്ങ​ളി​ലും വ​ലി​യതോ​തി​ൽ ജ​ല​നി​ര​പ്പ് ഉ​യ​രാ​ൻ കാ​ര​ണ​മാ​യ​ത് എന്നാണ്​.
സാ​ധാ​ര​ണ ഗ​തി​യി​ൽ ചെ​യ്യു​ന്ന മ​ഴ​യു​ടെ 20-22 ശ​ത​മാ​നം വ​ഹി​ക്കാ​നു​ള്ള ശേ​ഷി​യാ​ണ് ഇ​ടു​ക്കി സം​ഭ​ര​ണി​ക്കു​ള്ള​ത്. എ​ന്നാ​ൽ, മ​ഴ​യു​ടെ അ​ള​വ് വ​ൻ​തോ​തി​ൽ കൂ​ടു​മ്പോ​ൾ ആ​കെ പെ​യ്ത മ​ഴ​യു​ടെ 10-12 ശ​ത​മാ​നം വെ​ള്ള​മേ സം​ഭ​ര​ണി​യി​ൽ ശേ​ഖ​രി​ക്കാ​ൻ ക​ഴി​യൂ.

ഇ​ട​മ​ല​യാ​ർ ഡാ​മി​​​െൻറ പ​ര​മാ​വ​ധി ജ​ല​നി​ര​പ്പ് 169 മീ​റ്റാ​ണ്. ആ​ഗ​സ്​റ്റ്​ ഒമ്പതിന് ​ജ​ല​നി​ര​പ്പ് 169.95 മീ​റ്റ​ർ ആ​യ​പ്പോ​ൾ ബ​ന്ധ​പ്പെ​ട്ട അ​ധി​കാ​രി​ക​ളു​ടെ അ​നു​മ​തി​യോ​ടെ ഡാം ​തു​റ​ന്ന് ജ​ലം പു​റ​ത്തേ​ക്ക് ഒ​ഴു​ക്കി.

ശ​ബ​രി​ഗി​രി ജ​ലവൈ​ദ്യു​തി പ​ദ്ധ​തി​യി​ലെ ഡാം ​തു​റ​ക്കു​ന്ന​തി​നു മു​ന്നോ​ടി​യാ​യി ജി​ല്ലാ ഭ​ര​ണാ​ധി​കാ​രി​ക​ളെ അ​റി​യി​ച്ച് മു​ന്ന​റി​യി​പ്പു​ക​ൾ ന​ൽ​കി​യി​ട്ടു​ണ്ട്. സാ​ധാ​ര​ണ​യി​ൽനി​ന്ന് വ്യ​ത്യ​സ്​ത​മാ​യി ആ​ഗ​സ്​റ്റ്​ 15,16, 17 തീ​യ​തി​ക​ളി​ൽ ശ​രാ​ശ​രി 295 മി​ല്ലി​മീ​റ്റ​ർ വ​രെ മ​ഴ ല​ഭി​ച്ചി​ട്ടു​ണ്ട് അ​വി​ടെ. പ​റ​മ്പി​ക്കു​ളം, അ​പ്പ​ർ ഷോ​ള​യാ​ർ, കാ​ര​പ്പാ​റ, കു​രി​യാ​ർ​കു​ട്ടി എ​ന്നി​വി​ട​ങ്ങ​ളി​ൽനി​ന്നു​ള്ള അ​ധി​കജ​ല​വുംകൂ​ടി എ​ത്തി​ച്ചേ​ർ​ന്ന സാ​ഹ​ച​ര്യമാണ്​ പൊ​രി​ങ്ങ​ൽ​ക്കു​ത്ത് അ​ണ​ക്കെ​ട്ട് നി​റ​ഞ്ഞുക​വി​യു​ന്ന അ​വ​സ്ഥ​യി​ലേ​ക്ക് ന​യി​ച്ച​ത് -​അ​ദേ​ഹം പ​റ​യു​ന്നു.
(അവസാനിച്ചു)