സുഗതകുമാരി ഉത്തരം തരാതെ അവശേഷിപ്പിച്ച ചോദ്യങ്ങൾ

പോരാട്ട മുഖങ്ങളിലെല്ലാം കവി എടുത്തുപറഞ്ഞിരുന്നത് ഗാന്ധിയൻ ചിന്തയുടെ ശക്തിയാണ്. നിങ്ങൾ ഏതൊരു പരിപാടിയും ആരംഭിക്കുന്നതിനുമുമ്പ് ഇന്ത്യയിലെ ഏറ്റവും ദുഃഖിതരായ ദരിദ്ര നാരായണ​െൻറ മുഖം മുന്നിലേക്ക് ആവാഹിച്ച്​ വരുത്തുക. എന്നിട്ട് ചോദിക്കുക, ഇതിെൻറ ഗുണഭോക്താവ് ഈ മനുഷ്യൻ ആണോ അല്ലയോ എന്ന്. അല്ല എന്നാണ് ഉത്തരമെങ്കിൽ വലിച്ചെറിഞ്ഞു കളയൂ ആ പദ്ധതി - എന്ന ഗാന്ധിയുടെ ഈ വാക്കുകളാണ് സുഗതകുമാരി ഓരോ സമരത്തിലും ഓർമപ്പെടുത്തിയത്. വയൽ നികത്തി, തണ്ണീർത്തടങ്ങൾ മണ്ണിട്ട് മൂടി എന്തു വികസനമാണ് നടത്തുന്നതെന്ന് അവർ നിരന്തരം ചോദിച്ചു സൈലൻറ്​വാലി പ്രക്ഷോഭം മുതൽ ആറൻമുള വിമാനത്താവള വിരുദ്ധ സമരം വരെ കേരളത്തിലെ ഓരോ കേരളീയ ഗ്രാമത്തി​െൻറയും ചെറുത്തുനിൽപ്പിനായുള്ള പോരാട്ടങ്ങളിൽ സുഗതകുമാരിയുടെ കൈയൊപ്പുണ്ടായിരുന്നു. മത സാഹോദര്യത്തിനും സാമുഹിക സഹവർത്തിത്വത്തിനും നിലകൊണ്ട കേരള ശാന്തി സമിതിയുടെ സാരഥിയും ആയിരുന്നു അവർ.

എന്നാൽ, ഗാന്ധിസത്തി​െൻറ ലാളിത്യവും പ്രകൃതി സ്​നേഹത്തി​െൻറ നൈർമല്യവും അതുല്യമായ ധീരതയും ഉറക്കെ പറയവെ തന്നെ സുഗതകുമാരി പ്രകടിപ്പിച്ച പല നിലപാടുകളും വലതുപക്ഷ അതിക്രമങ്ങൾക്കെതിരായ നിശബ്​ദതയും കവിയെ സ്​നേഹിച്ച അനുയായികളെയും ആസ്വാദകരെയും അമ്പരപ്പിക്കുകയോ ആശയക്കുഴപ്പത്തിലാഴ്​ത്തുകയോ ചെയ്​തിട്ടുണ്ട്​. കൂർത്ത മഴുവി​െൻറ ഭീഷണിയിലായ മരങ്ങൾക്കും വേട്ടയാടപ്പെടുന്ന മൃഗങ്ങൾക്കും വേണ്ടി സദാ വാചാലയായിരുന്ന കവി രാഷ്​ട്രം ഫാഷിസത്തി​െൻറ ശൂലമുനയിൽ നിൽക്കുന്ന ഘട്ടങ്ങളിൽ നടുക്കുന്ന മൗനം പാലിച്ചു​. ഗാന്ധിസത്തി​െൻറ വക്​താവ്​ എന്നവകാശപ്പെടു​േമ്പാഴും ഗാന്ധിഘാതകരായ സംഘ്​പരിവാറുമായി അകൽച്ച സൂക്ഷിക്കുവാനോ അവരുടെ ചെയ്​തികളെയും വാദങ്ങളെയും തുറന്നെതിർക്കുന്നതിനോ ധൈര്യപ്പെട്ടതുമില്ല.

2014ന്​ ശേഷം ഇന്ത്യയിൽ വ്യാപകമായ ആൾക്കൂട്ടക്കൊലകൾക്കെതിരെ രാജ്യമെമ്പാടുമുള്ള സാഹിത്യസാംസ്​കാരിക പ്രവർത്തകർ ശബ്​ദമുയർത്തിയപ്പോൾ നിശബ്​ദത പാലിച്ച സുഗതകുമാരി തുടർന്ന്​ എഴുതിയ ലേഖനം ഇരകളെ ഇകഴ്​ത്തുകയും അക്രമികളെ ന്യായീകരിക്കുന്നതുമാണെന്ന വിമർശനം ശക്​തമായി ഉയർന്നു.

ഗോക്കളെ പവിത്രമായി കരുതുന്ന സമൂഹങ്ങൾക്കിടയിൽ ഇസ്​ലാം സഹോദരങ്ങൾ പ്രകോപനം സൃഷ്​ടിക്കരുതെന്നും ദലിത​െൻറ പക രാജ്യത്തെ ശിഥിലമാക്കുമെന്നുമായിരുന്നു ദാദ്രിയിൽ വയോധികനെ സംഘ്​പരിവാർ അടിച്ചു കൊല്ലുകയും നോയ്​ഡയിൽ ദലിത്​ കുഞ്ഞുങ്ങളെ സവർണ്ണജാതിക്കാർ തീവെക്കുകയും ചെയ്​തതിനു പിന്നാലെ ഒരു മലയാള പത്രത്തിൽ എഴുതിയ കുറിപ്പിലെ പരാമർശങ്ങൾ.

കേരളത്തിലെ അതിഥി തൊഴിലാളികൾക്കെതിരെ നടത്തിയ പരാമർശങ്ങളും അത്യന്തം പ്രതിലോമകരമായിരുന്നു. മാധ്യമപ്രവർത്തക ഗൗരി ല​ങ്കേശ്​ വർഗീയ ഭീകരതയുടെ വെടിയുണ്ടയേറ്റ്​ മരിച്ചപ്പോൾ അതി​നെ കേരളത്തിലെ രാഷ്​ട്രീയ കൊലകളുമായി സമീകരിച്ചാണ്​ സുഗതകുമാരി പ്രതികരിച്ചത്​.

ഗാന്ധിവിരുദ്ധ പരാമർശങ്ങളുണ്ടെന്നപേരിൽ യുവ എഴുത്തുകാരി മീന കന്തസ്വാമിയുടെ പുസ്​തക പ്രകാശന ചടങ്ങിൽ നിന്ന്​ വിട്ടു നിന്ന കവയിത്രി ആൾക്കൂട്ടക്കൊലകൾ അരങ്ങുവാഴുന്നതിനിടയിലും കേന്ദ്ര അഭ്യന്തരമന്ത്രി അമിത്​ഷായോടൊപ്പം ഇരിപ്പിടം പങ്കിട്ടു. എഴുത്തുകാരനും സാമൂഹിക നിരീക്ഷകനുമായ സക്കറിയ ഒരിക്കൽ സുഗതകുമാരിയെ ആർ.എസ്​.എസി​െൻറ ഒളിപ്പോരാളിയെന്ന്​ വിശേഷിപ്പിക്കുകപോലുമുണ്ടായി. അതിനു മറുപടിയായി എഴുതിയ കവിതയിൽ സ്വാമി വിവേകാനന്ദനും ഗാന്ധിജിയുമാണ്​ ത​െൻറ ഗുരുക്കൻമാരെന്നും ഒളിപ്പോര് നടത്താൻ അവർ തന്നെ പഠിപ്പിച്ചിട്ടില്ല എന്നുമാണ്​ സുഗതകുമാരി വിശദീകരിച്ചത്​.