റാ​ഷ​ന​ലി​സ്​​റ്റു​ക​ളും ക​മ്യൂ​ണി​സ്​​റ്റു​ക​ളും ചെ​യ്യു​ന്ന​ത്​ 

ഇ​നി സം​സാ​രി​ക്കാ​നു​ള്ള​ത് മ​ത​മെ​ന്ന അ​ന്ധ​വി​ശ്വാ​സ​ത്തി​​​െൻറ വി​രോ​ധി​ക​ളും എ​ന്നാ​ൽ, ഹി​ന്ദു​നാ​മ​ധാ​രി​ക​ളും ക​ഴി​വ​തും സ്വ​ജാ​തി​യി​ലേ​ക്കു​ത​ന്നെ മ​ക്ക​ളെ ക​ല്യാ​ണം ക​ഴി​ച്ച് കൊ​ടു​ക്കു​ന്ന​വ​രു​മാ​യ റാ​ഷ​ന​ലി​സ്​​റ്റു​ക​ളോ​ടാ​ണ്. അ​ത്ഭു​ത വേ​ല അ​നാ​വ​ര​ണം, കൃ​ഷ്ണ​നും യേ​ശു​വും ജീ​വി​ച്ചി​രു​ന്നി​ല്ലെ​ന്ന് തെ​ളി​യി​ക്ക​ൽ തു​ട​ങ്ങി​യ വി​നോ​ദ​ങ്ങ​ളി​ൽ ര​മി​ച്ചി​രു​ന്ന നി​ങ്ങ​ൾ ഇ​പ്പോ​ൾ വ​ർ​ഗീ​യ​ത​യും ദോ​ഷ​ക​ര​മാ​ണെ​ന്നു പ​റ​യു​ന്നു​ണ്ട​ല്ലോ. എ​ന്നാ​ൽ, ഖി​ലാ​ഫ​ത്ത്- കോ​ൺ​ഗ്ര​സ്​ സ​ഹ​ക​ര​ണ​മ​ട​ക്ക​മു​ള്ള ഹി​ന്ദു-​മു​സ്​​ലിം ഐ​ക്യ​ത്തി​ലൂ​ടെ സാ​മ്രാ​ജ്യ​ത്വ കൂ​ടോ​ത്ര​ങ്ങ​ൾ​ക്കെ​തി​രെ ആ​ഞ്ഞ​ടി​ച്ച മ​ഹാ​ത്മ​ജി​ക്ക് ശേ​ഷം ഇ​ന്ത്യ​യി​ൽ ഹി​ന്ദു​വ​ർ​ഗീ​യ​വാ​ദം വ​ള​രാ​ൻ നി​ങ്ങ​ളു​ടെ സ​മീ​പ​ന​ങ്ങ​ളും സ​ഹാ​യി​ച്ചി​ട്ടു​ണ്ട്. മ​നു​ഷ്യ​ൻ ഒ​രു ‘റാ​ഷ​ന​ൽ അ​നി​മ​ൽ’ അ​ല്ലെ​ന്ന് മ​ന​സ്സി​ലാ​കാ​ത്ത നി​ങ്ങ​ൾ കൊ​ളോ​ണി​യ​ലി​സം കൊ​ണ്ടു​വ​ന്ന പാ​ശ്ചാ​ത്യ മു​ഖ്യ​ധാ​രാ ആ​ധു​നി​ക​ത​യു​ടെ യാ​ന്ത്രി​ക​ഭൗ​തി​ക​വാ​ദം നാ​ട്ടി​ൽ പ്ര​ച​രി​പ്പി​ച്ചു. മ​ത​മെ​ല്ലാം പ​ര​മാ​വ​ധി അ​മ്പ​ത് കൊ​ല്ല​മേ ഭൂ​ലോ​ക​ത്ത് നി​ല​നി​ൽ​ക്കൂ എ​ന്ന് ഉ​ദ്ബോ​ധി​പ്പി​ച്ചു.  

ഗാ​ന്ധി​വ​ധ​ത്തി​ന് ശേ​ഷ​മു​ള്ള ഇ​ന്ത്യ​ൻ ബു​ദ്ധി​ജീ​വി​തം പ​ടി​ഞ്ഞാ​റ​ൻ മു​ഖ്യ​ധാ​രാ മോ​ഡേ​ണി​സ​ത്തി​​െൻറ കൂ​ച്ചു​വി​ല​ങ്ങി​ൽ കു​ടു​ങ്ങി. ന​മ്മു​ടെ ഭ​ര​ണ​ഘ​ട​ന മ​ത​സ​ഹി​ത ജ​നാ​ധി​പ​ത്യ​ത്തി​​െൻറ മാ​നി​ഫെ​സ്​​റ്റോ​യാ​ണെ​ങ്കി​ലും മ​ത​കാ​ര്യ​ങ്ങ​ൾ ഭ​ര​ണ, പ​ഠ​ന, ധൈ​ഷ​ണി​ക മ​ണ്ഡ​ല​ങ്ങ​ളി​ൽ സ​ത്യ​സ​ന്ധ​മാ​യി അ​ഭി​മു​ഖീ​ക​രി​ക്ക​പ്പെ​ട്ടി​ല്ല. മ​നു​ഷ്യ​നി​ൽ മ​ന​സ്സാ​ക്ഷി​യാ​യും അ​നു​ഭൂ​തി​സ​ഞ്ച​യ​മാ​യും വ​ർ​ത്തി​ക്കു​ന്ന വ​ലി​യൊ​രു പ്ര​തി​ഭാ​സ​ത്തോ​ട് നി​ങ്ങ​ളു​ടെ ഉ​ണ​ക്ക​ൻ മ​സ്​​തി​ഷ്കം ക​ടു​ത്ത ക​പ​ട​ത​യും അ​വ​ഗ​ണ​ന​യു​മാ​ണ് കാ​ണി​ച്ച​ത്. അ​തോ​ടെ മ​ഹാ​ത്മ​ജി കാ​ല​ത്തി​നൊ​ത്ത് ന​വീ​ക​രി​ച്ചെ​ടു​ത്ത ഹി​ന്ദു​മ​തം പൊ​ടു​ന്ന​നെ സ്​​തം​ഭി​താ​വ​സ്​​ഥ​യി​ലാ​യി. അ​ദ്ദേ​ഹം കു​ഴി​ച്ചു​മൂ​ടി​യെ​ന്ന് ക​രു​തി​യ വ​ർ​ഗീ​യ ഹി​ന്ദു​വാ​ദം ഡ്രാ​ക്കു​ള​യെ​പ്പോ​ലെ പു​ന​ർ​ജ​നി​ച്ചു. ഇ​പ്പോ​ഴ​ത് ഇ​ന്ത്യാ​രാ​ജ്യ​മൊ​ട്ടാ​കെ ഇ​രു​ൾ പ​ര​ത്തി നി​ൽ​ക്കു​ക​യാ​ണ് -​ന്യൂ​നാ​ൽ ന്യൂ​ന​പ​ക്ഷ​മാ​യി​രു​ന്ന ചാ​ർ​വാ​ക​രു​ടെ സു​ഖ​വി​വ​രം തി​ര​ക്കി​യി​രു​ന്ന മ​ഹാ​ത്മ​ജി​യു​ടെ രാ​മ​ന് പ​ക​രം ന്യൂ​ന​പ​ക്ഷ​ദേ​വാ​ല​യം ത​ക​ർ​ക്കു​ന്ന അ​സു​ര​രാ​മ​നെ അ​വ​ത​രി​പ്പി​ച്ചു കൊ​ണ്ട്. ലോ​കൈ​ക പ്ര​ണ​യി​യാ​യ ശ്രീ​കൃ​ഷ്​​ണ​​​െൻറ നാ​ട്ടി​ൽ ആ​ണും പെ​ണ്ണും ഒ​ന്നി​ച്ചു ന​ട​ന്നാ​ൽ പൊ​ലീ​സ്​ പി​ടി​ച്ചു കൊ​ണ്ടു​പോ​കു​ന്ന അ​വ​സ്​​ഥ സൃ​ഷ്​​ടി​ച്ചു. കാ​ല​ത്തി​നൊ​ത്ത് ദൈ​വ​ത്തെ പു​തു​ക്കി​യി​ല്ലെ​ങ്കി​ൽ അ​ത് ചെ​കു​ത്താ​നാ​യി രൂ​പം മാ​റും.

മ​ഹാ​ത്മ​ജി​യു​ടെ തേ​ഡ്ക്ലാ​സ്​ െട്ര​യി​ൻ യാ​ത്ര​യെ​യും ഹി​ന്ദ്സ്വ​രാ​ജി​നെ​യും പു​ച്ഛി​ച്ച് ത​ള്ളി സ​ക​ല മ​ണ്ഡ​ല​ങ്ങ​ളി​ലും പാ​ശ്ചാ​ത്യ, സാ​മ്രാ​ജ്യ​ത്വ ആ​ധു​നി​ക​ത​യു​ടെ പാ​ഠ​ങ്ങ​ൾ അ​ടി​ച്ചേ​ൽ​പി​ച്ച​വ​രു​മാ​ണ​ല്ലോ റാ​ഷ​ന​ലി​സ്​​റ്റു​ക​ൾ. പാ​ശ്ചാ​ത്യ​മെ​ന്ന് പ​റ​ഞ്ഞ് അ​ങ്ങ​നെ എ​ല്ലാം വ​ർ​ജി​ക്കാ​നാ​കു​മോ, ഇ​ന്ത്യ​യെ മോ​ഡേ​ണൈ​സ്​ ചെ​യ്ത​തി​ൽ കോ​ള​നി​ഭ​ര​ണ​ത്തി​ന് വ​ലി​യ പ​ങ്കി​ല്ലേ എ​ന്നെ​ല്ലാം ഈ ​അ​വ​സ​ര​ത്തി​ൽ നി​ങ്ങ​ളി​ലെ ക​റു​ത്ത സാ​യി​പ്പ് ചോ​ദി​ക്കു​മാ​യി​രി​ക്കും. ഇം​ഗ്ലീ​ഷു​കാ​ർ മു​ച്ചൂ​ടാ​ക്കി​യി​ല്ലെ​ങ്കി​ൽ ഇ​ന്ത്യ​യു​ടേ​താ​യ ഒ​രു ആ​ധു​നി​ക​ത ഇ​വി​ടെ വ​ള​രു​മാ​യി​രു​ന്നു എ​ന്നാ​ണ് അ​തി​നു​ള്ള ഉ​ത്ത​രം. മ​റി​ച്ച് സാ​മ്രാ​ജ്യ​ത്വ​വു​മാ​യു​ള്ള സ​ക​ല ബ​ന്ധ​ങ്ങ​ളും കു​ട്ടി​ച്ചാ​ത്ത​ൻ സേ​വ​ക്ക് തു​ല്യ​മാ​ണ്. എ​ന്ത് ഗു​ണ​ത്തി​​െൻറ കൂ​ടെ​യും കു​റേ വൈ​കൃ​ത​ങ്ങ​ളും അ​ത് തി​രി​ച്ചേ​ൽ​പി​ക്കാ​തി​രി​ക്കി​ല്ല. ഒ​രൊ​റ്റ ഉ​ദാ​ഹ​ര​ണം മാ​ത്രം പ​റ​യാം. ജാ​തി​പീ​ഡ​ക​ൾ മ​റി​ക​ട​ക്കു​ന്ന​തി​ൽ സ​ഹാ​യി​ച്ചു എ​ന്ന​തി​​​െൻറ  പേ​രി​ൽ കു​മാ​ര​നാ​ശാ​ൻ ബ്രി​ട്ടീ​ഷ് ഭ​ര​ണ​കൂ​ട​ത്തെ ആ​രാ​ധി​ച്ച​വ​നാ​ണ​ല്ലോ. കോ​ട്ടി​ട്ട് ന​ട​ന്ന അ​ദ്ദേ​ഹം മ​ദ്രാ​സി​ൽ ചെ​ന്ന് ഗ​വ​ർ​ണ​റു​ടെ പ​ട്ടും വ​ള​യും കൈ​നീ​ട്ടി സ്വീ​ക​രി​ച്ചു. പ​ക്ഷേ, എ​ന്തു​ണ്ടാ​യി? മു​സ്​​ലിം ഡെ​മൊ​ണൈ​സേ​ഷ​​​െൻറ രൂ​പ​ത്തി​ൽ സാ​മ്രാ​ജ്യ​ത്വ​ബാ​ധ ആ​ശാ​​െൻറ ആ​ത്മാ​വി​ലും ക​യ​റി​ക്കൂ​ടി. ‘ക്രൂ​ര മു​ഹ​മ്മ​ദ​ർ ചി​ന്തി​യ ഹൈ​ന്ദ​വ​ച്ചോ​ര​യാ​ൽ ചോ​ന്നെ​ഴും ഏ​റ​നാ​ട്ടി​ൽ’ എ​ന്നെ​ല്ലാം ക​വ​ച്ചു​കൊ​ണ്ട​ല്ലേ അ​ദ്ദേ​ഹം ‘ദു​ര​വ​സ്​​ഥ’​യി​ൽ മു​സ്​​ലിം​ക​ളെ ആ​ക്ര​മി​ച്ച​ത്; അ​തും ബ്രി​ട്ടീ​ഷു​കാ​ർ​ക്കെ​തി​രെ മ​ല​ബാ​ർ സ​മ​രം ന​ട​ത്തി​യ​തി​​െൻറ കൂ​ലി​യാ​യി? മു​സ്​​ലിം​വി​രു​ദ്ധ പ്ര​ത്യ​യ​ശാ​സ്​​ത്രം സൃ​ഷ്​​ടി​ക്കു​ന്ന​തി​​െൻറ അ​ടി​ത്ത​റ​യാ​യി ഇ​ന്നാ ദു​ര​വ​സ്​​ഥാ ശ്ലോ​ക​ങ്ങ​ൾ പ്ര​വ​ർ​ത്തി​ച്ചു​കൊ​ണ്ടേ​യി​രി​ക്കു​ന്നു. എ​ഴു​ത്ത​ച്ഛ​ന് ശേ​ഷ​മു​ള്ള ഏ​റ്റ​വും വ​ലി​യ ക​വി​യാ​യ​തി​നാ​ൽ ന​മു​ക്ക്​ ആ ‘​വി​ല​ക്ഷ​ണ കാ​വ്യ’​ത്തെ റ​ദ്ദ് ചെ​യ്യാ​നും വ​യ്യ! ത​നി​ക്ക് സ​ന്യാ​സം ത​ന്ന​ത് ഇം​ഗ്ലീ​ഷു​കാ​രാ​ണെ​ന്ന് ഭം​ഗി​വാ​ക്ക് പ​റ​ഞ്ഞെ​ങ്കി​ലും കൊ​ളോ​ണി​യ​ൽ കു​ട്ടി​ച്ചാ​ത്ത​നെ ല​വ​ലേ​ശം അ​ടു​പ്പി​ക്കാ​തി​രു​ന്ന​ത് ശ്രീ​നാ​രാ​യ​ണ ഗു​രു മാ​ത്ര​മാ​യി​രു​ന്നു. മ​ര​ണം വ​രെ ഇം​ഗ്ലീ​ഷ് പ​ഠി​ക്കാ​തെ​യും കോ​ട്ടും സൂ​ട്ടും ധ​രി​ക്കാ​തെ​യും ജീ​വി​ച്ച അ​ദ്ദേ​ഹം പ്ര​വാ​ച​ക​നെ ‘ക​രു​ണാ​വാ​ൻ ന​ബി മു​ത്തു​ര​ത്ന​മോ’ എ​ന്ന് വാ​ഴ്ത്തി​ക്കൊ​ണ്ടാ​ണ് സാ​മ്രാ​ജ്യ​ത്വ​ത്തി​​െൻറ മു​സ്​​ലിം ഡെ​മൊ​ണൈ​സേ​ഷ​ന് ക​ണ​ക്ക് തീ​ർ​ത്ത​ത്.  

കെ. ​ദാ​മോ​ദ​ര​ൻ

 

ഹി​ന്ദു-​മു​സ്​​ലിം ക​മ്യൂ​ണി​സ്​​റ്റു​കാ​രോ​ട്​
ഇ​നി സം​വ​ദി​ക്കാ​നു​ള്ള​ത് ഹി​ന്ദു​ക്ക​ളി​ലെ​യും മു​സ്​​ലിം​ക​ളി​ലെ​യും ക​മ്യൂ​ണി​സ്​​റ്റു​കാ​രോ​ടാ​ണ്. എ​ന്തെ​ന്നാ​ൽ സ​മ​കാ​ലി​ക അ​വ​സ്​​ഥാ​വി​ശേ​ഷം സൃ​ഷ്​​ടി​ക്ക​പ്പെ​ട്ട​തി​ൽ നി​ങ്ങ​ൾ​ക്കും പ​ങ്കു​ണ്ട്. ഒ​രു​ത്ത​​​െൻറ ശ​ബ്​​ദം മ​റ്റൊ​രു​ത്ത​ന് സം​ഗീ​ത​മാ​കു​ന്ന ലോ​ക​ത്തെ​ക്കു​റി​ച്ചു​ള്ള സ്വ​പ്ന​ത്തി​ൽ ക​വി​ഞ്ഞൊ​രു ആ​ത്മീ​യ​വ്യാ​യാ​മം വേ​റെ​യു​ണ്ടോ? എ​ന്നി​ട്ടും സ​ങ്ക​ൽ​പ​ങ്ങ​ളാ​ൽ വ്യ​വ​ഹ​രി​ക്ക​പ്പെ​ടു​ന്ന (മ​റ്റൊ​രു ഭൗ​തി​ക​പ്ര​തി​ഭാ​സം ത​ന്നെ​യാ​യ) മ​ത​ത്തെ​യും ആ​ത്മീ​യ​ത​യെ​യും നി​ങ്ങ​ൾ നേ​രാ​യ മാ​ർ​ഗ​ത്തി​ൽ അ​ഭി​മു​ഖീ​ക​രി​ച്ചി​ല്ല. (കെ. ​ദാ​മോ​ദ​ര​നെ​പ്പോ​ലെ ചു​രു​ക്കം ചി​ല​ർ മാ​ത്ര​മേ ഈ ​ദി​ശ​യി​ൽ ചെ​റി​യ പ​രി​ശ്ര​മ​ങ്ങ​ൾ ന​ട​ത്തി​യു​ള്ളൂ) ഭാ​ര​തീ​യ പൈ​തൃ​കം ആ​ത്മീ​യ​പ്ര​ധാ​ന​മാ​ണെ​ന്ന ആ​ശ​ങ്ക​യാ​ലാ​കാം, ഇ​ന്ത്യ​ൻ ക​മ്യൂ​ണി​സ്​​റ്റു​ക​ൾ ഇ​ന്ത്യ​യെ​ക്കു​റി​ച്ച് ആ​വേ​ശം കൊ​ണ്ടി​ല്ല. റ​ഷ്യ/​ചൈ​ന ഒ​രു മ​ഹ​ത്ത​ര രാ​ജ്യ​മാ​ണ് എ​ന്ന് പ്ര​ഖ്യാ​പി​ച്ചു​കൊ​ണ്ടാ​യി​രു​ന്നു അ​വി​ട​ത്തെ നേ​താ​ക്ക​ൾ വി​പ്ല​വം ന​യി​ച്ച​തെ​ങ്കി​ൽ ഭാ​ര​തീ​യ​സം​സ്​​കാ​രം ഭേ​ദ​പ്പെ​ട്ട​താ​ണെ​ന്ന വാ​ക്കു​പോ​ലും ഒ​രൊ​റ്റ ക​മ്യൂ​ണി​സ്​​റ്റു​കാ​ര​നും ഉ​ച്ച​രി​ച്ചി​ല്ല. ആ​ർ​ക്കും ഹൈ​ജാ​ക്​ ചെ​യ്യാ​ൻ പാ​ക​ത്തി​ൽ രാ​ജ്യാ​ഭി​മാ​ന​ത്തെ നി​ങ്ങ​ൾ നാ​ൽ​ക്ക​വ​ല​യി​ൽ ഉ​പേ​ക്ഷി​ച്ചു. ഗാ​ന്ധി​യെ മ​ന​സ്സി​ലാ​ക്കു​ന്ന​തി​ൽ, ഇ​ന്ത്യ​ൻ സം​സ്​​കാ​ര​ത്തെ പ​ഠി​ക്കു​ന്ന​തി​ൽ, ജാ​തി​യെ അ​ഭി​സം​ബോ​ധ​ന ചെ​യ്യു​ന്ന​തി​ൽ എ​ല്ലാം നി​ങ്ങ​ൾ​ക്ക് സം​ഭ​വി​ച്ച പാ​ളി​ച്ച​ക​ൾ ദേ​ശീ​യ​രാ​ഷ്​​ട്രീ​യ​ത്തെ വി​ദ്വേ​ഷ​കാ​രി​ക​ൾ​ക്ക് തീ​റെ​ഴു​തി​ക്കൊ​ടു​ക്കു​ന്ന​തി​ൽ വ​ലി​യ പ​ങ്കാ​ണ് വ​ഹി​ച്ച​ത്. ഇ​ന്ന് ഈ ​ആ​പ​ൽ​ഘ​ട്ട​ത്തി​ൽ പി​ടി​പ്പു​കേ​ടു​കൊ​ണ്ടാ​യാ​ലും, ഐ.​എ.​എ​സ്, ഐ.​പി.​എ​സു​കാ​രു​ടെ പാ​ര​വെ​പ്പ് കൊ​ണ്ടാ​യാ​ലും, സ​മ​ഗ്രാ​ധി​പ​ത്യ​മ​തി​പ്പ് കൊ​ണ്ടാ​യാ​ലും, ന്യൂ​ന​പ​ക്ഷ​ങ്ങ​ളു​ടെ സ്വ​ത്വ​ശാ​ഠ്യ​ങ്ങ​ളോ​ടു​ള്ള വെ​റു​പ്പു​കൊ​ണ്ടാ​യാ​ലും നി​ങ്ങ​ളു​ടെ വാ​ക്കോ പ്ര​വൃ​ത്തി​യോ ഹി​ന്ദു​ത്വ ഫാ​ഷി​സ​ത്തി​ന് സ​ഹാ​യ​ക​മാ​ക​രു​തേ എ​ന്നാ​ണ് എ​​െൻറ പ്രാ​ർ​ഥ​ന.

ദ​ലി​ത് ബു​ദ്ധി​ജീ​വി​ക​ളോ​ട്​

ജി​ഗ്​​നേ​ഷ്​​ മേ​വാ​നി

 

തു​ട​ർ​ന്ന് മ​ന​സ്സ് പ​ങ്കു​വെ​ക്കാ​നു​ള്ള​ത് ദ​ലി​ത​രോ​ട്, വി​ശേ​ഷി​ച്ച് ദ​ലി​ത് ബു​ദ്ധി​ജീ​വി​ക​ളോ​ടാ​ണ്. ഹി​ന്ദു​ത്വ​ക്കാ​രു​ടെ ഫാ​ഷി​സ്​​റ്റ്​  കീ​ഴാ​ള അ​വ​ഹേ​ള​ന​ങ്ങ​ളെ നി​ങ്ങ​ൾ ആ​വും​വി​ധം പ്ര​തി​രോ​ധി​ക്കു​ന്നു​ണ്ട്. ഗു​ജ​റാ​ത്തി​ലെ ഉ​ന​യി​ൽ ജി​ഗ്​​നേ​ഷ്​ മേ​വാ​നി  കാ​ഴ്ച​വെ​ച്ച ചെ​റു​ത്തു​നി​ൽ​പും തു​ട​ർ​നി​ല​പാ​ടു​ക​ളും അ​ത്യ​ന്തം പ്ര​ശം​സ​നീ​യം ത​ന്നെ. അ​തേ​സ​മ​യം, വ​ലി​യൊ​രു വി​ഭാ​ഗം ദ​ലി​ത​രേ​യും ആ​ദി​വാ​സി​ക​ളേ​യും ഹി​ന്ദു​വ​ർ​ഗീ​യ​വാ​ദി​ക​ൾ റാ​ഞ്ചി​യെ​ടു​ത്ത് മു​സ്​​ലിം​ക​ളു​മാ​യി യു​ദ്ധം വെ​ട്ടി​ക്കു​ന്ന​ത് നി​ങ്ങ​ൾ കാ​ണു​ന്നി​ല്ലേ?

ജാ​തി​പീ​ഡ സ്​​മ​ര​ണ​ക​ളാ​ൽ ഭാ​ര​തീ​യ​സം​സ്​​കൃ​തി​യു​ടെ ഉ​ൽ​പ​ന്ന​ങ്ങ​ൾ മു​ഴു​വ​ൻ ബു​ദ്ധി​ജീ​വി​ക​ളാ​യ നി​ങ്ങ​ൾ വ​ർ​ജി​ച്ചി​രി​ക്ക​യാ​ണ​ല്ലോ; ബ്രാ​ഹ്മ​ണ​ൻ തൊ​ട്ട് അ​ശു​ദ്ധ​മാ​ക്കി​യ​തെ​ന്ന് കു​റ്റ​പ്പെ​ടു​ത്തി? എ​ന്നാ​ൽ പ്ര​വ​ർ​ജ​ന ബ്രാ​ഹ്മ​ണ്യ​ത്തി​ന് മു​മ്പു​ള്ള ഇ​ന്ത്യ​ൻ സം​സ്കാ​ര​നി​ർ​മി​തി​ക​ൾ അ​ധ്വാ​നി​ക്കു​ന്ന ജ​ന​വി​ഭാ​ഗ​മാ​യ നി​ങ്ങ​ള​ല്ലാ​തെ മ​റ്റാ​രു​മ​ല്ല ന​ട​ത്തി​യി​ട്ടു​ണ്ടാ​കു​ക. പി​ന്നീ​ട് വ​രേ​ണ്യ​പീ​ഠം ക​യ​റി​യ​വ​ർ അ​തെ​ല്ലാം ഹൈ​ജാ​ക്​ ചെ​യ്ത്  അ​വ​കാ​ശം സ്​​ഥാ​പി​ച്ച​താ​യി​രി​ക്കും. അ​ല്ലെ​ങ്കി​ൽ ഏ​ത് ക്ലാ​സി​ക്ക​ൽ ക​ല​യി​ലാ​ണ് ഫോ​ക്​​ലോ​റി​​െൻറ ഉ​ൽ​പം ക​ണ്ടെ​ത്താ​ൻ ക​ഴി​യാ​ത്ത​ത്? ഏ​ത് സ​വ​ർ​ണ​ദൈ​വ​ത്തി​ലാ​ണ് മാ​ടേ​​​െൻറ​യും കാ​ളി​യു​ടേ​യും കാ​ലി​ച്ചെ​റു​ക്ക​നാ​യ കൃ​ഷ്​​ണ​​​െൻറ​യും ജ​നി​ത​ക​വി​ത്തു​ക​ൾ അ​ല​റി​യാ​ർ​ക്കാ​ത്ത​ത്? ജ​ന്മം ന​ൽ​കി​യ​വ​​​െൻറ മൗ​ലി​ക​പ്ര​ലോ​ഭ​നം കൊ​ണ്ടാ​യി​രി​ക്ക​ണം ഭാ​ര​തീ​യ​ത​യു​ടെ ന​ട​ത്തി​പ്പു​കാ​രെ​ന്ന് പ​റ​ഞ്ഞ് ഹി​ന്ദു​ത്വ​വാ​ദി​ക​ൾ വ​രു​മ്പോ​ൾ ജാ​തി​പീ​ഡ​ക​ളെ​ല്ലാം വി​സ്​​മ​രി​ച്ച് പാ​വ​പ്പെ​ട്ട ദ​ലി​ത​രും ആ​ദി​വാ​സി​ക​ളും അ​വ​ർ​ക്ക് ചു​റ്റും കൂ​ടു​ന്ന​ത്.

ഈ ​അ​വ​സ​ര​ത്തി​ൽ ഇ​ന്ത്യ​യി​ലെ സ​ക​ല സം​സ്​​കാ​ര​നി​ർ​മി​തി​ക​ളും അ​ടി​സ്​​ഥാ​ന​വ​ർ​ഗ​മാ​യ ദ​ലി​ത​രു​ടേ​താ​ണെ​ന്ന് പ്ര​ഖ്യാ​പി​ച്ച് അ​വ​കാ​ശം പു​നഃ​സ്​​ഥാ​പി​ക്കു​ക​യാ​ണ് വേ​ണ്ട​ത്. അ​തി​​െൻറ മൊ​ത്ത​ക്ക​ച്ച​വ​ട​ക്കാ​രാ​യി ആ​രും ഞെ​ളി​യേ​ണ്ടെ​ന്ന് പ​റ​ഞ്ഞ് ഹി​ന്ദു​ത്വ​വാ​ദി​ക​ളെ ഓ​ടി​ച്ചു വി​ട​ണം. അ​പ്പോ​ൾ നി​ങ്ങ​ളു​ടെ നേ​തൃ​ത്വ​ത്തി​ന് പി​റ​കെ ഇ​ന്ത്യ​യി​ലെ മൊ​ത്തം ദ​ലി​ത​രും ആ​ദി​വാ​സി​ക​ളും അ​ടി​ച്ചാ​ർ​ക്കും. അ​ല്ലാ​തെ സ​വ​ർ​ണ​ം, സ​വ​ർ​ണം എ​ന്ന് പു​ല​മ്പി ഭാ​ര​തീ​യ​മാ​യ​തി​നെ​യെ​ല്ലാം പ​ടി​ക​ട​ത്തി ഇം​ഗ്ലീ​ഷ് ദേ​വ​ത​ക്ക് അ​മ്പ​ലം കെ​ട്ടാ​ൻ പോ​യാ​ൽ നി​ങ്ങ​ൾ ഏ​തെ​ങ്കി​ലും യൂ​ണി​വേ​ഴ്സി​റ്റി മു​ക്കി​ൽ ചൊ​റി​കു​ത്തി ഇ​രു​ന്നു​പോ​കും. അം​ബേ​ദ്​​ക​റെ​യും മ​ഹാ​ത്മ​ജി​യേ​യും ഒ​രാ​ളു​ടെ പോ​രാ​യ്മ​യെ മ​റ്റാ​ളെ​ക്കൊ​ണ്ട് നി​ക​ത്തി പ​ര​സ്​​പ​രം പൂ​രി​പ്പി​ക്കാ​തെ നി​ങ്ങ​ൾ​ക്കി​നി ഒ​രി​ഞ്ച് മു​ന്നോ​ട്ട് പോ​കാ​ൻ സാ​ധ്യ​മ​ല്ല.  

നാ​ളെ: ഹി​ന്ദു​ത്വ​വാ​ദി​ക​ളോ​ട്​ പ​റ​യാ​നു​ള്ള​ത്​