ഏ​തു മ​തം​മാ​റ്റ​ത്തെ​യാ​ണ്  സം​ഘ്പ​രി​വാ​ർ എ​തി​ർ​ക്കാ​ത്ത​ത്​?

ഹാ​ദി​യ സം​ഘ്പ​രി​വാ​റി​ന്​ ഒ​രു നി​യ​മ​യു​ദ്ധ​വും പ്ര​ചാ​ര​ണ യു​ദ്ധ​വു​മാ​യി​രു​ന്നു. ഇ​ത് ര​ണ്ടും പ​ര​സ്​​പ​ര​ബ​ന്ധി​ത​വു​മാ​ണ്. നേ​ര​ത്തേ പ​തു​ക്കെ​യും കോ​ട​തി​യു​ടെ പു​തി​യ വി​ധി​യു​ടെ പ​ശ്ചാ​ത്ത​ല​ത്തി​ൽ ശ​ക്​​ത​മാ​യും അ​വ​ർ പ​റ​ഞ്ഞു​കൊ​ണ്ടി​രി​ക്കു​ന്ന കാ​ര്യം ഞ​ങ്ങ​ൾ മ​തം​മാ​റ്റ​ത്തി​നോ പ്ര​ണ​യ​ത്തി​നോ മി​ശ്ര​വി​വാ​ഹ​ത്തി​നോ എ​തി​ര​ല്ല; ഹാ​ദി​യ​യു​ടെ മ​തം​മാ​റ്റ​ത്തെ​യും വി​വാ​ഹ​ത്തെ​യും എ​തി​ർ​ക്കു​ന്ന​ത് അ​തി​ന് ഭീ​ക​ര​ബ​ന്ധ​മു​ള്ള​തു​കൊ​ണ്ടാ​ണെ​ന്നാ​ണ്. പു​തി​യ കാ​ല​ത്ത് ന​ട്ടാ​ൽ മു​ള​ക്കു​ന്ന നി​ര​വ​ധി ക​ള്ള​പ്ര​ചാ​ര​ണ​ങ്ങ​ളി​ൽ ഒ​ന്നു മാ​ത്ര​മാ​ണി​ത്. ര​ണ്ടു ല​ക്ഷ്യ​ങ്ങ​ളാ​ണ്​ ഇ​തി​നു പി​ന്നി​ലു​ള്ള​ത്. ഭൂ​രി​പ​ക്ഷ​സ​മൂ​ഹ​ത്തി​ൽ മു​സ​്​​ലിം​ക​ൾ​ക്കെ​തി​രെ വെ​റു​പ്പും ഭീ​തി​യും വ​ള​ർ​ത്തു​ക​യാ​ണ്​ മു​ഖ്യ​മാ​യ​ത്. പ​ര​സ്യ​മാ​യി മാ​ത്ര​മ​ല്ല, ചു​ണ്ടോ​ടു ചു​ണ്ട്​ പ്ര​ചാ​ര​ണ​വും ഇ​തി​ലെ പ്ര​ധാ​ന ഉ​പ​ക​ര​ണ​മാ​ണ്. ര​ണ്ടാ​മ​ത്തേ​ത് മു​ഖം മി​നു​ക്ക​ലാ​ണ്. മ​തം​മാ​റ്റ​ത്തി​ന് എ​തി​ര​ല്ല, ഭീ​ക​ര​ബ​ന്ധ​മു​ള്ള മ​തം​മാ​റ്റ​ത്തി​നാ​ണ് എ​തി​ര് എ​ന്ന​ത് ഇ​ത്ത​ര​ത്തി​ലു​ള്ള പ്ര​ചാ​ര​ണം മാ​ത്ര​മാ​ണ്.
 

ഗ്രഹാം സ്റ്റെയിൻസും കുടുംബവും

 

ര​ണ്ടാം വാ​ജ്പേ​യി ഗ​വ​ൺ​മ​െൻറി​​െൻറ കാ​ല​ത്താ​ണ് മ​തം​മാ​റ്റ​ത്തെ​ക്കു​റി​ച്ച് ദേ​ശീ​യ സം​വാ​ദം വേ​ണ​മെ​ന്നും മ​തം​മാ​റ്റ​ത്തി​ന് മൊ​റ​ട്ടോ​റി​യം പ്ര​ഖ്യാ​പി​ക്ക​ണ​മെ​ന്നും പ്ര​ധാ​ന​മ​ന്ത്രി​ത​ന്നെ ആ​വ​ശ്യ​പ്പെ​ട്ട​ത്. 1999 ജ​നു​വ​രി 22ന്​ ​ഗ്ര​ഹാം സ്​​റ്റൈ​ൻ എ​ന്ന ബാ​പ്​​റ്റി​സ്​​റ്റ്​ മി​ഷ​ന​റി​യെ​യും ര​ണ്ട് കു​ഞ്ഞു​മ​ക്ക​ളെ​യും ഒ​ഡി​ഷ​യി​ൽ ജീ​വ​നോ​ടെ ചു​ട്ടെ​രി​ച്ചു. പ​രി​വാ​ർ സം​ഘ​ട​ന​യാ​യ ബ​ജ്​​റ​ങ്​​ദ​ളി​​െൻറ നേ​താ​വ്​ ധാ​രാ​സി​ങ്​ ന​യി​ച്ച സം​ഘ​മാ​യി​രു​ന്നു കൃ​ത്യം ന​ട​ത്തി​യ​ത്. 2008ൽ ​ഒ​ഡി​ഷ​യി​ലെ ക​ണ്ഡ​മാ​ലി​ൽ ക്രി​സ്​​തു​മ​തം സ്വീ​ക​രി​ച്ച ആ​ദി​വാ​സി​ക​ൾ​ക്കെ​തി​രെ സം​ഘ്​​പ​രി​വാ​ർ ന​ട​ത്തി​യ ആ​ക്ര​മ​ണ​ത്തി​ൽ നൂ​റോ​ളം പേർ കൊ​ല്ല​പ്പെ​ട്ടു. 2000ത്തി​ല​ധി​കം പ​ള്ളി​ക​ൾ ത​ക​ർ​ത്തു. ആ​റാ​യി​രം വീ​ടു​ക​ൾ കൊ​ള്ള​യ​ടി​ച്ചു. 56,000 പേ​ർ ഭ​വ​ന​ര​ഹി​ത​രാ​യി. ഏ​ത് ഭീ​ക​രാ​ക്ര​മ​ണ​ത്തി​​െൻറ പേ​രി​ലാ​ണ് ദേ​ശീ​യ അ​പ​മാ​ന​മെ​ന്ന് അ​ന്ന​ത്തെ പ്ര​ധാ​ന​മ​ന്ത്രി മ​ൻ​മോ​ഹ​ൻ സി​ങ്​ വി​ശേ​ഷി​പ്പി​ച്ച മ​തം​മാ​റ്റ​ത്തെ ചൊ​ല്ലി​യു​ള്ള  ഈ ​പൈ​ശാ​ചി​ക ആ​ക്ര​മ​ണം ന​ട​ന്ന​ത്? 
കൊ​ടി​ഞ്ഞി​യി​ലെ ഫൈ​സ​ലാ​യി മാ​റി​യ അ​നി​ൽ​കു​മാ​റെ​ന്ന ചെ​റു​പ്പ​ക്കാ​ര​ന് ജീ​വ​ൻ​ത​ന്നെ ബ​ലി ന​ൽ​കേ​ണ്ടി​വ​ന്ന ഭീ​ക​ര​ബ​ന്ധം ഏ​താ​യി​രു​ന്നു​? എ​റ​ണാ​കു​ളം ജി​ല്ല​യി​ലെ പ​റ​വൂ​രി​ൽ വീ​ടു​ക​ൾ ക​യ​റി മ​ത​പ്ര​ബോ​ധ​നം ന​ട​ത്തി​യ ഗ്ലോ​ബ​ൽ വി​സ്​​ഡം മു​ജാ​ഹി​ദ് പ്ര​വ​ർ​ത്ത​ക​രെ പു​റ​ത്തു​നി​ന്ന് വ​ന്ന ആ​ർ.​എ​സ്.​എ​സു​കാ​ർ ആ​ൾ​ക്കൂ​ട്ടാ​ക്ര​മ​ണ​ത്തി​ന് വി​ധേ​യ​രാ​ക്കി​യ​ത് ഒ​രു ഭീ​ക​രാ​ക്ര​മ​ണ​ത്തി​​െൻറ​യും പേ​രി​ലാ​യി​രു​ന്നി​ല്ല​ല്ലോ. ഐ.​എ​സി​നെ​തി​രാ​യ ല​ഘു​ലേ​ഖ​യാ​യി​രു​ന്നു അ​വ​ർ വി​ത​ര​ണം ചെ​യ്ത​തി​ൽ ഒ​ന്ന്. സാ​കി​ർ നാ​യി​ക്കി​നും എം.​എം. അ​ക്​​ബ​റി​നു​മെ​തി​രാ​യ നീ​ക്ക​ങ്ങ​ളു​ടെ​യും യ​ഥാ​ർ​ഥ കാ​ര​ണം ഭീ​ക​ര​ത​യും സാ​യു​ധ​പ്ര​വ​ർ​ത്ത​ന​വു​മൊ​ന്നു​മാ​യി​രു​ന്നി​ല്ല; മ​ത​പ്ര​ബോ​ധ​ന​മാ​യി​രു​ന്നു. എ​ല്ലാ മ​ത​പ്ര​ബോ​ധ​ന​ങ്ങ​ളെ​യും മ​തം​മാ​റ്റ​ങ്ങ​ളെ​യും തീ​വ്ര​വാ​ദം, ഐ.​എ​സ്, സി​റി​യ​യി​ലേ​ക്ക് പോ​ക​ൽ എ​ന്നി​വ​യു​മാ​യി ബ​ന്ധി​പ്പി​ച്ച് സാ​മ്രാ​ജ്യ​ത്വം സൃ​ഷ്​​ടി​ച്ചു വി​ജ​യി​ച്ച ഇ​സ്​​ലാ​മോ​ഫോ​ബി​യ​യു​ടെ​യും ഭീ​ക​ര​ത​ക്കെ​തി​രാ​യ യു​ദ്ധ​ത്തി​​െൻറ​യും (War on Terror) അ​ന്ത​രീ​ക്ഷ സാ​ധ്യ​ത​ക​ളെ പ​ര​മാ​വ​ധി പ്ര​യോ​ജ​ന​പ്പെ​ടു​ത്തി ത​ട​യാ​ൻ ശ്ര​മി​ക്കു​ക​യാ​ണ് യ​ഥാ​ർ​ഥ​ത്തി​ൽ സം​ഘ്​​പ​രി​വാ​ർ ചെ​യ്യു​ന്ന​ത്.
 

ഫൈസൽ

 

ക​ഴി​ഞ്ഞ യു.​ഡി.​എ​ഫ്, എ​ൽ.​ഡി.​എ​ഫ് ഗ​വ​ൺ​മ​െൻറി​​െൻറ കാ​ല​ത്തും ഇ​സ്​​ലാം ആ​േ​ശ്ല​ഷി​ച്ച​വ​രെ കേ​ര​ള പൊ​ലീ​സ്​ നി​ര​ന്ത​ര​മാ​യി ശ​ല്യം ചെ​യ്​​തു​കൊ​ണ്ടി​രി​ക്കു​ന്നു​ണ്ട്. വീ​ട്ടി​ൽ പ​ര​സ്​​പ​ര സ്​​നേ​ഹ​ത്തോ​ടെ മാ​താ​പി​താ​ക്ക​ൾ​ക്കൊ​പ്പം ജീ​വി​ക്കു​ന്ന ഇ​ത്ത​രം ആ​ളു​ക​ളെ പൊ​ലീ​സ്​ വീ​ടു​ക​ളി​ൽ ചെ​ന്ന് ര​ക്ഷി​താ​ക്ക​ളെ ഭ​യ​പ്പെ​ടു​ത്തി ഇ​വ​ർ​ക്ക് ഭീ​ക​ര ബ​ന്ധ​മു​ണ്ടെ​ന്ന് ഭീ​തി​പ​ര​ത്തി സി​റി​യ​യി​ലേ​ക്ക് പോ​കു​മെ​ന്ന് ആ​ശ​ങ്ക സൃ​ഷ്​​ടി​ച്ച് പ​രാ​തി​ക​ൾ എ​ഴു​തി വാ​ങ്ങി. പ​ല​പ്പോ​ഴും പൊ​ലീ​സ്​ ത​ന്നെ പ​രാ​തി എ​ഴു​തി​യു​ണ്ടാ​ക്കി മാ​താ​പി​താ​ക്ക​ളെ​കൊ​ണ്ട് ഒ​പ്പ് വാ​ങ്ങി​ച്ച് പ​രാ​തി​ക​ളു​ണ്ടാ​ക്കി വേ​ട്ട​യാ​ടു​ന്ന നി​ര​വ​ധി അ​നു​ഭ​വ​ങ്ങ​ൾ കേ​ര​ള​ത്തി​ലു​ണ്ട്. സം​ഘ്​​പ​രി​വാ​റി​നും അ​തി​​െൻറ ഉ​പ​ക​ര​ണ​മാ​യ അ​ധോ​രാ​ഷ്​​ട്ര​ത്തി​നും പ്ര​ശ്നം മ​ത​പ​രി​വ​ർ​ത്ത​ന​ത്തി​ലെ ആ​രോ​പി​ക്ക​പ്പെ​ടു​ന്ന ഭീ​ക​ര​ബ​ന്ധ​ങ്ങ​ള​ല്ല; മ​ത​പ​രി​വ​ർ​ത്ത​നം ത​ന്നെ​യാ​ണ്. ഇ​ത് സ​ത്യ​സ​ന്ധ​മാ​യി തു​റ​ന്നു​പ​റ​ഞ്ഞ് സം​വാ​ദ​ത്തി​ന് സ​ന്ന​ദ്ധ​മാ​വാ​നാ​ണ്​ സം​ഘ്​​പ​രി​വാ​ർ ത​യാ​റാ​കേ​ണ്ട​ത്. പ​ക്ഷേ, ഇ​തു​വ​രെ ന​ട​ന്ന സം​വാ​ദ​ത്തി​ൽ ഫാ​ഷി​സ്​​റ്റു​ക​ൾ​ക്കെ​തി​രെ ജ​നാ​ധി​പ​ത്യ വാ​ദി​ക​ൾ നേ​ടി​യ ഒ​രു വി​ജ​യ​മു​ണ്ട്. സം​വാ​ദ​ത്തി​ൽ  തോ​ൽ​ക്കാ​തി​രി​ക്കാ​നും മു​ഖം മി​നു​ക്കാ​നു​മാ​ണെ​ങ്കി​ലും ഞ​ങ്ങ​ൾ മ​തം​മാ​റ്റ​ത്തി​നെ​തി​ര​ല്ലെ​ന്ന് സം​ഘ്​​പ​രി​വാ​റി​നു പ​റ​യേ​ണ്ടി​വ​ന്നു എ​ന്ന​താ​ണ​ത്. 

വം​ശീ​യ രാ​ഷ്​​ട്രീ​യ​ത്തി​ൽ വി​ശ്വ​സി​ക്കു​ന്ന സം​ഘ്​​പ​രി​വാ​റി​ന്​ എ​ന്തി​നോ​ട് സ​ഹി​ഷ്ണു​ത പു​ല​ർ​ത്താ​ൻ സാ​ധി​ച്ചാ​ലും മ​ത​ത്തെ​ക്കു​റി​ച്ച സം​വാ​ദ​ങ്ങ​ളോ​ടും മ​നഃ​പ​രി​വ​ർ​ത്ത​ന​ങ്ങ​ളോ​ടും സ​ഹി​ഷ്ണു​ത പു​ല​ർ​ത്താ​ൻ ക​ഴി​യി​ല്ല.ഹാ​ദി​യ​യു​ടെ വ്യ​ക്​​തി​സ്വാ​ത​ന്ത്ര്യ​ത്തെ​യും മ​ത​സ്വാ​ത​ന്ത്ര്യ​ത്തെ​യും കോ​ട​തി അം​ഗീ​ക​രി​ച്ചു. ഹാ​ദി​യ​യു​ടെ മ​തം​മാ​റ്റ​ത്തെ ത​ട​യാ​ൻ തീ​വ്ര​വാ​ദ​ബ​ന്ധം ആ​രോ​പി​ക്കു​ക​യാ​ണ് സം​ഘ്​​പ​രി​വാ​ർ ചെ​യ്ത​ത്. ന​മ്മു​ടെ സാ​മൂ​ഹി​ക കാ​ലാ​വ​സ്​​ഥ​യി​ലും നീ​തി​ന്യാ​യ വ്യ​വ​സ്​​ഥ​യി​ലും ഒ​രു വ്യ​ക്​​തി​ക്കോ സം​ഘ​ട​ന​ക്കോ സം​ഭ​വ​ത്തി​നോ നേ​രെ തീ​വ്ര​വാ​ദം ആ​രോ​പി​ക്ക​പ്പെ​ട്ടാ​ൽ നി​യ​മ​പ​ര​മാ​യി അ​ത് സ​ങ്കീ​ർ​ണ​വും സാ​ധാ​ര​ണ​മ​ല്ലാ​ത്ത​തു​മാ​യ പ്ര​ക്രി​യ​ക​ളി​ലേ​ക്ക് നീ​ങ്ങും. പി​ന്നെ പ​ര​മോ​ന്ന​ത നീ​തി​പീ​ഠ​ത്തി​നു പോ​ലും എ​ളു​പ്പ​ത്തി​ലും സാ​ധാ​ര​ണ രീ​തി​യി​ലും തീ​ർ​പ്പു​ക​ൾ ക​ൽ​പി​ക്കാ​ൻ ക​ഴി​യി​ല്ല. കാ​ര​ണം, തീ​വ്ര​വാ​ദ​ത്തി​​െൻറ മ​റു​പ​ക്ഷം രാ​ഷ്​​ട്ര സു​ര​ക്ഷ​യാ​ണ്. രാ​ഷ്​​ട്ര​സു​ര​ക്ഷ​യു​ടെ ക​സ്​​റ്റോ​ഡി​യ​ൻ ഗ​വ​ൺ​മ​െൻറാ​ണ്. രാ​ഷ്​​ട്ര സു​ര​ക്ഷ ഉ​ന്ന​യി​ക്ക​പ്പെ​ടു​ന്ന  കേ​സു​ക​ളി​ൽ പൊ​തു​വി​ൽ പൗ​രാ​വ​കാ​ശ​ത്തി​​െൻറ സം​ര​ക്ഷ​ക​രാ​യ കോ​ട​തി​ക​ൾ വ​ള​രെ സാ​വ​ധാ​നം മാ​ത്രം ഇ​ട​പെ​ടു​ന്ന​തി​​െൻറ കാ​ര​ണ​മ​താ​ണ്.
 

ഹാദിയ

 

തീ​വ്ര​വാ​ദാ​രോ​പ​ണ​മെ​ന്ന​ത് രാ​ഷ്​​ട്രീ​യ നി​ര​പേ​ക്ഷ​മാ​യ ഒ​ന്ന​ല്ല. ഒ​രു കേ​സി​ൽ തീ​വ്ര​വാ​ദം ആ​രോ​പി​ക്ക​ണ​മോ വേ​ണ്ട​യോ എ​ന്ന​തി​ന് നി​യ​മ​പ​ര​മാ​യി നി​യ​ത​മാ​യ മാ​ന​ദ​ണ്ഡ​മൊ​ന്നു​മി​ല്ല. അ​ത് ഒ​രു രാ​ഷ്​​ട്രീ​യ തീ​രു​മാ​ന​മാ​ണ്. ഡ​ൽ​ഹി ജാ​മി​അ മി​ല്ലി​യ്യ അ​ധ്യാ​പി​ക​യും പൗ​രാ​വ​കാ​ശ പ്ര​വ​ർ​ത്ത​ക​യു​മാ​യ മ​നീ​ഷാ സേ​ഥി​യു​ടെ വാ​ക്കു​ക​ളി​ൽ ഭ​ര​ണ​കൂ​ട​ത്തി​​െൻറ പ്ര​ത്യ​യ​ശാ​സ്​​ത്ര​പ​ര​മാ​യ  ചാ​യ​ലു​ക​ളാ​ണ് തീ​വ്ര​വാ​ദ​െ​ത്ത​യും തീ​വ്ര​വാ​ദി​ക​ളെ​യും നി​ർ​ണ​യി​ക്കു​ന്ന​ത്. അ​വ​ർ ചൂ​ണ്ടി​ക്കാ​ട്ടി​യ​തു​പോ​െ​ല ഗു​ജ​റാ​ത്തി​ൽ 2012ൽ ​വം​ശ​ഹ​ത്യ ന​ട​ത്തി​യ ആ​രെ​യും ‘പോ​ട്ട’ പ്ര​കാ​രം വി​ചാ​ര​ണ ചെ​യ്തി​ട്ടി​ല്ല. കേ​സ്​ കേ​ട്ട ജ​ഡ്ജി​യെ വ​ധി​ച്ചു എ​ന്ന ആ​രോ​പ​ണം വ​രെ ജ​ഡ്ജി​യു​ടെ കു​ടും​ബം  ഉ​ന്ന​യി​ക്കു​ന്നു​ണ്ട്. എ​ന്നാ​ൽ, ഗോ​ധ്ര തീ​വ​ണ്ടി തീ​വെ​പ്പു കേ​സി​ൽ പ്ര​തി​ക​ൾ​ക്ക് ‘പോ​ട്ട’ പ്ര​കാ​രം ക​ടു​ത്ത ശി​ക്ഷ ല​ഭി​ച്ചു. ഗോ​ധ്ര തീ​വെ​പ്പ്,  ക​ലാ​പം ന​ട​ത്താ​ൻ ക​ലാ​പ​കാ​രി​ക​ൾ​ത​ന്നെ ന​ട​ത്തി​യ​താ​ണെ​ന്ന വാ​ദ​മു​ഖം ധാ​രാ​ളം പൗ​രാ​വ​കാ​ശ പ്ര​വ​ർ​ത്ത​ക​രും സ്വ​ത​ന്ത്ര അ​ന്വേ​ഷ​ക​രും മ​തേ​ത​ര മാ​ധ്യ​മ​ങ്ങ​ളും ഉ​ന്ന​യി​ച്ചു​കൊ​ണ്ടി​രി​ക്കെ​ത​ന്നെ​യാ​ണ് ഇ​ത് സം​ഭ​വി​ച്ച​ത് എ​ന്ന​തും ഓ​ർ​ക്കേ​ണ്ട​താ​ണ്.  ഭീ​ക​ര​വാ​ദാ​രോ​പ​ണം ഉ​ണ്ട് എ​ന്ന​തു​കൊ​ണ്ട് ഞ​ങ്ങ​ൾ പ​റ​ഞ്ഞ​താ​ണ് ശ​രി എ​ന്ന ഹാ​ദി​യ കേ​സി​ലെ സം​ഘ്​​പ​രി​വാ​ർ പ്ര​ചാ​ര​ണം ഒ​രു രാ​ഷ്​​ട്രീ​യ​ത്തെ ദേ​ശ​സു​ര​ക്ഷ​യു​ടെ പേ​രി​ൽ സ​ർ​വ​സ​മ്മ​ത​മാ​ക്കാ​നു​ള്ള ശ്ര​മ​മാ​ണ്. ഭീ​ക​ര​വാ​ദാ​രോ​പ​ണം ഉ​ന്ന​യി​ക്കു​ന്ന സ​ർ​ക്കാ​റു​ക​ൾ​ക്ക് കൃ​ത്യ​മാ​യ രാ​ഷ്​​ട്രീ​യ​മു​ണ്ട്. ഈ ​രാ​ഷ്​​ട്രീ​യ​ം മ​റ​ച്ചു​വെ​ച്ച് തീ​വ്ര​വാ​ദാ​രോ​പ​ണ​ത്തെ  പ്ര​കൃ​തി​സ​ത്യം പോ​ലെ അ​വ​ത​രി​പ്പി​ക്കാ​നു​ള്ള  ശ്ര​മം ഒ​രു പ്ര​ത്യേ​ക രാ​ഷ്​​ട്രീ​യ​ത്തി​​െൻറ ഒ​ളി​ച്ചു​ക​ട​ത്ത​ലാ​ണ്. നോ​ട്ടു നി​രോ​ധ​ന​മ​ട​ക്കം ഒ​ളി​ച്ചു​ക​ട​ത്തി​യ​ത് ഈ ​പേ​രി​ലാ​യി​രു​ന്നു. തീ​വ്ര​വാ​ദം ആ​രോ​പി​ക്ക​പ്പെ​ട്ടു എ​ന്ന​തു​കൊ​ണ്ടു​മാ​ത്രം വി​ഷ​യം വേ​റെ​യാ​ണ് എ​ന്നു പ​റ​യു​ന്ന​ത് അ​പ​ഹാ​സ്യ​മാ​ണ്. 

തീ​വ്ര​വാ​ദാ​രോ​പ​ണ​ത്തി​​െൻറ രാ​ഷ്​​ട്രീ​യം തി​രി​ച്ച​റി​യു​ന്ന​തി​ൽ ഇ​ട​തു​പ​ക്ഷം പ​രാ​ജ​യ​പ്പെ​ട്ട​തി​​െൻറ ഫ​ല​മാ​ണ് ഇ​ത്ത​രം കാ​ര്യ​ങ്ങ​ളി​ൽ വ്യ​ക്​​ത​ത​യു​ള്ള നി​ല​പാ​ടു​ക​ൾ സ്വീ​ക​രി​ക്കാ​ൻ അ​വ​ർ​ക്കു ക​ഴി​യാ​തെ പോ​കു​ന്ന​തും ഫ​ല​ത്തി​ൽ സം​ഘ്​​പ​രി​വാ​റി​​െൻറ പ​ക്ഷ​ത്തു​ത​ന്നെ അ​വ​ർ​ക്കു നി​ൽ​ക്കേ​ണ്ടി​വ​രു​ന്ന​തും. ഈ ​നി​ല​പാ​ടി​ല്ലാ​യ്്മ​യു​ടെ​യും അ​പ​ക​ട​രാ​ഷ്​​ട്രീ​യ​ത്തി​​െൻറ​യും വി​ള​യാ​ട്ട​മാ​യി​രു​ന്നു ഹാ​ദി​യ കേ​സി​ൽ സം​സ്​​ഥാ​ന സ​ർ​ക്കാ​റി​​െൻറ ഭാ​ഗ​ത്തു​നി​ന്ന്​ സു​പ്രീം​കോ​ട​തി​യി​ൽ ക​ണ്ട​ത്. സം​സ്​​ഥാ​ന സ​ർ​ക്കാ​റി​​െൻറ ഭാ​ഗ​മാ​യ വ​നി​ത ക​മീ​ഷ​​െൻറ അ​ഭി​ഭാ​ഷ​ക​ൻ ഹാ​ദി​യ​ക്ക​നു​കൂ​ല​മാ​യി സം​സാ​രി​ക്കു​ക​യും കേ​ര​ള സ​ർ​ക്കാ​റി​നു വേ​ണ്ടി ഹാ​ജ​രാ​യ അ​ഭി​ഭാ​ഷ​ക​ൻ ഹാ​ദി​യ​ക്കെ​തി​രെ എ​ൻ.​ഐ.​എ​യു​ടെ പ​ക്ഷ​ത്തു​നി​ന്ന് ഇ​ട​പെ​ടു​ക​യും ചെ​യ്ത​ത് ഇ​തി​​െൻറ ഫ​ല​മാ​ണ്. 

ആ​രോ​പി​ക്ക​പ്പെ​ടു​ന്ന ഒ​രു കേ​സി​ലും തീ​വ്ര​വാ​ദ ഘ​ട​ക​ങ്ങ​ളി​ല്ല എ​ന്ന ബ്ലാ​ക്ക്​ ആ​ൻ​ഡ്​ വൈ​റ്റ്​ ബോ​ധം​കൊ​ണ്ട് ഈ ​രാ​ഷ്​​ട്രീ​യ​ത്തെ പ്ര​തി​രോ​ധി​ക്കാ​നാ​കി​ല്ല. വി​ഷ​യ​ത്തി​ൽ സാ​മൂ​ഹി​ക ഇ​ട​പെ​ട​ലു​ക​ളും കോ​ട​തി ന​ട​പ​ടി​ക​ളും തു​ട​ര​ട്ടെ എ​ന്നു​മാ​ത്ര​മേ പ​റ​യാ​ൻ ക​ഴി​യൂ. സാ​മൂ​ഹി​ക സം​വാ​ദ​ങ്ങ​ളും ഇ​ട​പെ​ട​ലു​ക​ളും കോ​ട​തി​യെ സ്വാ​ധീ​നി​ക്കു​ന്ന ഘ​ട​ക​ങ്ങ​ൾ കൂ​ടി​യാ​ണ്. കോ​ട​തി അ​ധീ​ശ​ബോ​ധ​ങ്ങ​ളി​ൽ​നി​ന്ന് പ​രി​ശു​ദ്ധ​മാ​യ ഒ​രു ഏ​ജ​ൻ​സി​യ​ല്ല. സോ​ഷ്യ​ലി​സം പ്ര​മാ​ണ​മാ​യി എ​ഴു​തി​വെ​ച്ച ഇ​ന്ത്യ​ൻ ഭ​ര​ണ​ഘ​ട​ന​യെ അ​ടി​സ്​​ഥാ​ന​പ്പെ​ടു​ത്തി നീ​തി നി​ർ​വ​ഹി​ക്കു​ന്ന കോ​ട​തി​ക​ൾ 1990ലെ ​ആ​ഗോ​ളീ​ക​ര​ണ ന​ട​പ​ടി​ക​ൾ​ക്കു ശേ​ഷം എ​ത്ര വേ​ഗ​ത്തി​ലാ​ണ് കോ​ർ​പ​റേ​റ്റു​ക​ൾ​ക്ക്​ അ​നു​കൂ​ല​മാ​യി വി​ധി​ക​ൾ പ​റ​യാ​ൻ തു​ട​ങ്ങി​യ​ത്. അ​ധീ​ശ​ഭാ​വ​ന​ക​ളു​ടെ ത​ട​വി​ൽ​നി​ന്ന് കോ​ട​തി​യും മോ​ചി​ത​മ​ല്ല എ​ന്ന് ചു​രു​ക്കം. ലോ​കം ഭ​രി​ക്കു​ന്ന ഇ​സ​്​​ലാ​മോ​ഫോ​ബി​യ എ​ത്ര​യെ​ങ്കി​ലും പ​രി​ധി​വ​രെ ന്യാ​യാ​സ​ന​ങ്ങ​ൾ​ക്കും ബാ​ധ​ക​മാ​ണ്. ഈ ​നി​ഷ്കൃ​ഷ്്ട​മാ​യ യാ​ഥാ​ർ​ഥ്യ​ബോ​ധ​ത്തോ​ടെ​യാ​ണോ പ​ല ഗ്രൂ​പ്പു​ക​ളും സ​മൂ​ഹ​ത്തി​ലും സം​ഭ​വ​ങ്ങ​ളി​ലും ഇ​ട​പെ​ടു​ന്ന​ത് എ​ന്ന ചോ​ദ്യം പ്ര​സ​ക്​​ത​മാ​ണ്. എ​ല്ലാ പ​രി​മി​തി​ക​ൾ​ക്കി​ട​യി​ലും കോ​ട​തി​യി​ൽ പൊ​രു​തു​ക​യും കോ​ട​തി​യെ കാ​ത്തി​രി​ക്കു​ക​യും കോ​ട​തി​യെ അം​ഗീ​ക​രി​ക്കു​ക​യും ചെ​യ്യു​ക എ​ന്ന​തു​ത​ന്നെ​യാ​ണ് പോം​വ​ഴി.