പ്ര​തി​രോ​ധ​ത്തി​ന്റെ ച​രി​ത്ര​കാ​ര​ൻ

സ്വാ​ത​ന്ത്ര്യാ​ന​ന്ത​ര ഇ​ന്ത്യ​യി​ൽ ഭ​ര​ണ​ഘ​ട​ന ജ​നാ​ധി​പ​ത്യ​ത്തി​ന്റെ​യും മ​ത​നി​ര​പേ​ക്ഷ ഭ​ര​ണ​കൂ​ട​ത്തി​ന്റെ​യും ക്ഷേ​മ​രാ​ഷ്ട്ര സ​ങ്ക​ൽ​പ​ത്തി​ന്റെ​യും രാ​ഷ്ട്രീ​യ ആ​വ​ശ്യ​ങ്ങ​ളെ മു​ൻ​നി​ർ​ത്തി ഇ​ന്ത്യാ ച​രി​ത്ര​ത്തെ നോ​ക്കി​ക്കാ​ണു​ന്ന ച​രി​ത്ര സ​മീ​പ​നം, ദ​ക്ഷി​ണേ​ന്ത്യ​ൻ ച​രി​ത്ര​ത്തി​ന്റെ പ്രാ​ധാ​ന്യം ഊ​ന്നി​പ്പ​റ​ഞ്ഞു​കൊ​ണ്ട് പ്രാ​ചീ​ന ത​മി​ഴ​ക​ത്തി​ന്റെ തു​ട​ർ​ച്ച​യി​ൽ പ്രാ​ചീ​ന-​മ​ധ്യ​കാ​ല കേ​ര​ള​ത്തെ പ്ര​ത്യേ​കി​ച്ച് ചേ​ര​പെ​രു​മാ​ക്ക​ൻ​മാ​രു​ടെ കാ​ല​ഘ​ട്ട​ത്തി​ന്റെ ച​രി​ത്ര​ത്തെ വി​ശ​ക​ല​നം ചെ​യ്തു​കൊ​ണ്ടാ​ണ് പ്ര​ഫ. എം.​ജി.​എ​സ്. നാ​രാ​യ​ണ​ൻ ച​രി​ത്ര ര​ച​ന​ക​ൾ​ക്ക് തു​ട​ക്ക​മി​ട്ട​ത്. 1970ക​ളി​ൽ ഇ​ന്ത്യ​യി​ൽ വ​ള​ർ​ന്നു​വ​ന്ന ച​രി​ത്ര ര​ച​ന​ക​ളി​ൽ പ്ര​ധാ​ന​മാ​യി​രു​ന്നു ഭ​ര​ണ​കൂ​ട വ്യ​വ​സ്ഥി​തി​യെ​യും സ​മൂ​ഹ രൂ​പ​വ​ത്ക​ര​ണ​ത്തെ​യും​പ​റ്റി​യു​ള്ള ച​രി​ത്ര ര​ച​ന​ക​ൾ. ഇ​ന്ത്യ​ൻ ഉ​പ​ഭൂ​ഖ​ണ്ഡ​ത്തി​ലെ വി​വി​ധ ഭാ​ഷാ സാം​സ്കാ​രി​ക പ്ര​ദേ​ശ​ങ്ങ​ളി​ലെ പ്രാ​ദേ​ശി​ക സം​സ്ഥാ​ന​ങ്ങ​ളു​ടെ പ്രാ​ധാ​ന്യ​ത്തെ​യും ഫെ​ഡ​റ​ൽ ജ​നാ​ധി​പ​ത്യ​ത്തി​ന്റെ മൂ​ല്യ​ങ്ങ​ളെ​യും ഉ​ൾ​ക്കൊ​ണ്ടു​കൊ​ണ്ട് റീ​ജ​ന​ൽ ച​രി​ത്ര സം​സ്കാ​ര​ത്തെ​യും ച​രി​ത്ര​പ​ര​മാ​യ സ്വ​ത്വ രൂ​പ​വ​ത്ക​ര​ണ​ത്തെ​യും സാം​സ്കാ​രി​ക വൈ​വി​ധ്യ​ങ്ങ​ളെ​യും സ്ഥാ​ന​പ്പെ​ടു​ത്തി കേ​ര​ള ച​രി​ത്ര​ത്തെ സ​മീ​പി​ക്കു​ന്ന രീ​തി അ​ദ്ദേ​ഹം വി​ക​സി​പ്പി​ച്ചു.

പെ​രു​മാ​ൾ കാ​ല​ഘ​ട്ട​ത്തി​ലെ ലി​ഖി​ത​ങ്ങ​ളെ പു​ന​ർ വ്യാ​ഖ്യാ​നി​ച്ച് പു​തി​യ ശാ​സ​ന​ങ്ങ​ൾ ക​ണ്ടെ​ടു​ത്ത് പു​തി​യ വാ​യ​ന​ക​ൾ സാ​ധ്യ​മാ​ക്കി​യും എം.​ജി.​എ​സ് മ​ധ്യ​കാ​ല കേ​ര​ള ച​രി​ത്ര​ത്തി​ന് പു​തി​യ വ്യാ​ഖ്യാ​ന​ങ്ങ​ൾ ന​ൽ​കാ​ൻ ശ്ര​മി​ച്ചു. പ്ര​ഫ. ഇ​ളം​കു​ളം കു​ഞ്ഞ​ൻ​പി​ള്ള​യു​ടെ ച​രി​ത്ര സം​ഭാ​വ​ന​ക​ളെ മു​ന്നോ​ട്ടെ​ടു​ക്കു​ക​യും പെ​രു​മാ​ൾ ഭ​ര​ണ​ത്തെ പ​റ്റി​യു​ള്ള ഇ​ളം​കു​ള​ത്തി​ന്റെ വ്യാ​ഖ്യാ​ന​ങ്ങ​ളെ തി​രു​ത്തി​യും എം.​ജി.​എ​സ് ചേ​ര​കാ​ല ച​രി​ത്ര​ത്തി​ന് ശാ​സ്ത്രീ​യ​വും മ​ത​നി​ര​പേ​ക്ഷ​വു​മാ​യ ച​രി​ത്ര അ​ടി​ത്ത​റ പാ​കി. പ്രാ​ചീ​ന ത​മി​ഴ​ക​ത്തി​ന്റെ ച​രി​ത്ര​ത്തി​ൽ കേ​ര​ള പ്ര​ദേ​ശ​ത്തി​നു​ള്ള പ്രാ​ധാ​ന്യ​ത്തെ സം​ഘ​കാ​ല ത​മി​ഴ് ഗ്ര​ന്ഥ​ങ്ങ​ൾ വ്യാ​ഖ്യാ​നി​ച്ച് പ്രാ​ചീ​ന ചേ​ര​ന്മാ​രു​ടെ സ​മൂ​ഹ​ത്തെ പ​റ്റി​യു​ള്ള ഭ​ര​ണ വ്യ​വ​സ്ഥി​തി​യെ​പ്പ​റ്റി​യും പു​തി​യ വ്യാ​ഖ്യാ​ന​ങ്ങ​ൾ ന​ൽ​കാ​ൻ ശ്ര​മി​ച്ചു. സം​ഘ​കാ​ല സ​മൂ​ഹ​ത്തി​ലെ കാ​ർ​ഷി​ക സ​മൂ​ഹ​ത്തെ പ​റ്റി​യും വീ​ര​പാ​ര​മ്പ​ര്യ​ത്തെ​പ്പ​റ്റി​യും കാ​ർ​ഷി​ക വി​ക​സ​ന​ത്തെ പ​റ്റി​യും എം.​ജി.​എ​സ് പ​ഠ​നം ന​ട​ത്തി. ദ​ക്ഷി​ണേ​ന്ത്യ​യി​ൽ ബു​ദ്ധ-​ജൈ​ന സം​ഘ​ങ്ങ​ളും ബ്രാ​ഹ്മ​ണ​രും സ​മൂ​ഹ​ത്തി​ലും ഭ​ര​ണ​ക്ര​മ​ത്തി​ലും ഇ​ട​പെ​ട്ട​തി​നെ​പ്പ​റ്റി അ​ദ്ദേ​ഹം പ​ഠി​ച്ചു. ബ്രാ​ഹ്മ​ണ കു​ടി​യേ​റ്റ​ങ്ങ​ൾ ത​മി​ഴ​ക​ത്തും കേ​ര​ള​ത്തി​ലും സ്ഥി​ര​കൃ​ഷി​യും സാ​മൂ​ഹി​ക സാം​സ്കാ​രി​ക പ​രി​വ​ർ​ത്ത​ന​വും സൃ​ഷ്ടി​ച്ച​തി​നെ​പ്പ​റ്റി കേ​ര​ളോ​ൽ​പ​ത്തി​യെ ച​രി​ത്ര​പ​ര​മാ​യി പ​ഠി​ച്ചു കൊ​ണ്ട് വി​ശ​ദീ​ക​രി​ച്ചു. ഭാ​ഷ കൗ​ട​ലി​യം എ​ന്ന അ​ർ​ഥ ശാ​സ്ത്ര​ത്തി​ന്റെ പ്രാ​ചീ​ന മ​ല​യാ​ള വ്യാ​ഖ്യാ​ന​ത്തെ ച​രി​ത്ര​വ​ത്ക​രി​ച്ച് മ​ധ്യ​കാ​ല സ​മൂ​ഹ​ത്തെ​യും പെ​രു​മാ​ൾ ഭ​ര​ണ​ത്തെ​യും പ​റ്റി ഉ​പ​ദ​ർ​ശി​ച്ചു.

പെ​രു​മാ​ക്ക​ന്മാ​രെ പ​റ്റി​യു​ള്ള കാ​ല​ഗ​ണ​ന​ക്കും ഭ​ര​ണ​ത്തു​ട​ർ​ച്ച​ക്കും യു​ക്തി​സ​ഹ​മാ​യ വ്യാ​ഖ്യാ​നം ന​ൽ​കി. മ​ധ്യ​കാ​ല ബ്രാ​ഹ്മ​ണാ​ധി​പ​ത്യ​ത്തെ​യും ക്ഷേ​ത്ര കേ​ന്ദ്രീ​കൃ​ത സാ​മൂ​ഹി​ക വ്യ​വ​സ്ഥ​യെ​യും ബ്രാ​ഹ്മ​ണ ഒ​ളിഗാ​ർ​ക്കി​ക​ളു​ടെ ഭ​ര​ണ​വ്യ​വ​സ്ഥ​യാ​യി സ്ഥാ​ന​പ്പെ​ടു​ത്തി. ജാ​തി​യും ബ്രാ​ഹ്മ​ണാ​ധി​പ​ത്യ​വും ഭൂ​വു​ട​മ വ്യ​വ​സ്ഥ​യും ജ​ന്മി​കു​ടി​യാ​ൻ വ്യ​വ​സ്ഥ​യും സം​സ്കൃ​ത സം​സ്കാ​ര​വും മ​ധ്യ​കാ​ല കേ​ര​ള​ത്തെ​യും സം​സ്കാ​ര​ത്തെ​യും ഭാ​ഷ​യെ​യും സാ​ഹി​ത്യ​ത്തെ​യും സൃ​ഷ്ടി​ച്ച​താ​ണെ​ന്ന് സ്ഥാ​ന​പ്പെ​ടു​ത്തു​ക വ​ഴി ജാ​തി ആ​ധി​പ​ത്യ​വും ബ്രാ​ഹ്മ​ണ മേ​ൽ​ജാ​തി ഒ​ളി ഗാ​ർ​ഗി ഭ​ര​ണ​വും ആ​യി​രു​ന്നു പ്രാ​ഗ് ആ​ധു​നി​ക സ​മൂ​ഹ​ത്തി​ന്റെ സ്വ​ഭാ​വം എ​ന്ന് കൃ​ത്യ​പ്പെ​ടു​ത്തി.

കോ​ഴി​ക്കോ​ട്ടെ സാ​മൂ​തി​രി​മാ​രു​ടെ ഭ​ര​ണ​ത്തെ​യും മ​ല​ബാ​റി​ലെ മു​സ്‍ലിം ക​ച്ച​വ​ട സ​മൂ​ഹ​ത്തെ​യും കു​ഞ്ഞാ​ലി മ​ര​ക്കാ​രെ​യും സം​ബ​ന്ധി​ച്ച് മ​ത​സ​മ​ന്വ​യ സ​മൂ​ഹ​ത്തി​ന്റെ ബ​ഹു​സ്വ​ര സാ​മൂ​ഹി​ക ജീ​വി​തം മു​ൻ​നി​ർ​ത്തി പ​ഠി​ച്ചു. പ്രാ​ചീ​ന​കാ​ല​ത്ത് കേ​ര​ള​ത്തി​ലെ​ത്തി​യ ഗ്രീ​ക്ക് - റോ​മ​ൻ ക​ച്ച​വ​ട​ക്കാ​രും വ​ണി​ക്കു​ക​ളും കേ​ര​ള ച​രി​ത്ര​ത്തി​ലും സം​സ്കാ​ര​ത്തി​ലും ചെ​ലു​ത്തി​യ സ്വാ​ധീ​ന​ത്തെ​പ്പ​റ്റി​യും ഗൗ​ര​വ​മാ​യി അ​ന്വേ​ഷി​ച്ചു. പ​ശ്ചി​മേ​ഷ്യ​യി​ൽ നി​ന്ന് വ്യാ​പാ​ര​ത്തി​നെ​ത്തി​യ മു​സ്‍ലിം​ക​ൾ, അ​റ​ബി​ക​ൾ, യ​ഹൂ​ദ​ർ, ക്രൈ​സ്ത​വ​ർ തു​ട​ങ്ങി​യ വി​ഭാ​ഗ​ങ്ങ​ൾ കൊ​ല്ലം, കൊ​ടു​ങ്ങ​ല്ലൂ​ർ, കോ​ഴി​ക്കോ​ട്, മാ​ടാ​യി, കാ​സ​ർ​കോ​ട് മു​ത​ലാ​യ പ്രാ​ചീ​ന പ​ട്ട​ണ​ങ്ങ​ൾ കേ​ന്ദ്രീ​ക​രി​ച്ച് ക​ച്ച​വ​ടം, വാ​ണി​ജ്യം, മ​ത​പ്ര​ചാ​ര​ണം, സാം​സ്കാ​രി​ക സാ​മൂ​ഹി​ക വി​നി​മ​യ​ങ്ങ​ൾ ന​ട​ത്തി കേ​ര​ള സം​സ്കാ​ര​ത്തെ ബ​ഹു​സ്വ​ര​വും ആ​ഗോ​ള​പ​ര​വും ആ​ക്കി​ത്തീ​ർ​ത്ത പ്ര​ക്രി​യ​യെ എം.​ജി.​എ​സ് വി​ശ​ദീ​ക​രി​ച്ചു. കേ​ര​ള​ത്തി​ന്റെ മ​ത​നി​ര​പേ​ക്ഷ സം​സ്കാ​ര​ത്തെ​യും ബ​ഹു​സ്വ​ര സാ​മൂ​ഹി​ക ജീ​വി​ത​ത്തെ​യും ച​രി​ത്ര വേ​രു​ക​ൾ ക​ണ്ടെ​ത്തി വി​ശ​ദീ​ക​രി​ച്ചു.

മ​ധ്യ​കാ​ല മ​ണി​പ്ര​വാ​ള സാ​ഹി​ത്യ​ങ്ങ​ൾ, സം​സ്കൃ​ത സാ​ഹി​ത്യ ഗ്ര​ന്ഥ​ങ്ങ​ൾ, മ​ധ്യ​കാ​ല ക​ച്ച​ങ്ങ​ൾ എ​ന്നി​വ​യെ സാ​മൂ​ഹി​ക ച​രി​ത്ര കാ​ഴ്ച​പ്പാ​ടി​ൽ വി​ശ​ക​ല​നം ചെ​യ്തു. മൂ​ഷ​ക​വം​ശ കാ​വ്യ​ത്തെ വ്യാ​ഖ്യാ​നി​ച്ച് വ​ട​ക്കെ മ​ല​ബാ​റി​ന്റെ ച​രി​ത്ര​ത്തി​നും രാ​ഷ്ട്രീ​യ വ്യ​വ​സ്ഥ​ക്കും പു​തി​യ വ്യാ​ഖ്യാ​നം ന​ൽ​കാ​ൻ ശ്ര​മി​ച്ചു. മൈ​സൂ​ർ സു​ൽ​ത്താ​ന്മാ​ർ കേ​ര​ളം കീ​ഴ​ട​ക്കി ഭ​രി​ച്ച ച​രി​ത്ര സ​ന്ദ​ർ​ഭ​ത്തെ വി​ശ​ദീ​ക​രി​ച്ച​തി​നൊ​പ്പം ടി​പ്പു​സു​ൽ​ത്താ​ന്റെ ഭ​ര​ണ​ത്തെ​യും രാ​ഷ്ട്രീ​യ​ത്തെ​യും മ​ത​നി​ര​പേ​ക്ഷ കാ​ഴ്ച​പ്പാ​ടി​ൽ വി​ശ​ദീ​ക​രി​ച്ച് ച​രി​ത്ര പ​ഠ​ന​ത്തി​ന് പു​തി​യ വ​ഴി​ത്തി​രി​വ് ന​ൽ​കി. ​റൊ​മി​ല ഥാ​പ്പ​ർ, ആ​ർ.​എ​സ്. ശ​ർ​മ, ആ​ർ. ചെ​മ്പ​ക​ല​ക്ഷ്മി, നീ​ല​ക​ണ്ഠ ശാ​സ്ത്രി, ബ​ർ​ട്ട​ൻ സ്റ്റൈ​ൻ മു​ത​ലാ​യ ച​രി​ത്ര​കാ​രു​ടെ ച​രി​ത്ര വി​ശ​ക​ല​ന രീ​തി​ക​ളെ​യും കാ​ഴ്ച​പ്പാ​ടു​ക​ളെ​യും സൃ​ഷ്ടി​പ​ര​മാ​യി ഉ​ൾ​ക്കൊ​ള്ളു​ക​യും കേ​ര​ള ച​രി​ത്ര ര​ച​ന​യു​ടെ വി​കാ​സ​ത്തി​നാ​യി ഉ​പ​യോ​ഗി​ക്കു​ക​യും ചെ​യ്തു.

ഇ​ന്ത്യ​ൻ ഫ്യൂ​ഡ​ലി​സ​ത്തെ പ​റ്റി​യു​ള്ള ഡി.​ഡി. കൊ​സാം​ബി, ആ​ർ.​എ​സ്. ശ​ർ​മ മു​ത​ലാ​യ​വ​രു​ടെ സ​ങ്ക​ൽ​പ​ങ്ങ​ളോ​ട് മൗ​ലി​ക​മാ​യി വി​യോ​ജി​ച്ചു​കൊ​ണ്ട് ജാ​തി​യും ഫ്യൂ​ഡ​ലി​സ​വും ബ്രാ​ഹ്മ​ണാ​ധി​പ​ത്യ​വും കൂ​ടി​നി​ൽ​ക്കു​ന്ന പ്രാ​ഗ് ആ​ധു​നി​ക കേ​ര​ള സ​മൂ​ഹ​ത്തെ വി​ശ​ക​ല​നം ചെ​യ്തു. ഈ ​കാ​ര്യ​ത്തി​ൽ കേ​ര​ള​ത്തി​ലെ​യും ഇ​ന്ത്യ​യി​ലെ​യും മാ​ർ​ക്സി​സ്റ്റ് ച​രി​ത്ര​കാ​രോ​ട് വി​യോ​ജി​ക്കു​ക​യും ച​രി​ത്ര​പ​ര​മാ​യ ഭൗ​തി​ക​വാ​ദ സ​മീ​പ​നം ച​രി​ത്ര വി​ശ​ക​ല​ന​ത്തെ പ​രി​മി​ത​പ്പെ​ടു​ത്തു​ന്ന​തി​നെ​പ്പ​റ്റി തു​റ​ന്നു​പ​റ​യു​ക​യും ചെ​യ്തു. ഈ ​വി​യോ​ജി​പ്പ് ഇ.​എം.​എ​സ് ഉ​ൾ​പ്പെ​ടെ​യു​ള്ള​വ​രോ​ട് അ​ദ്ദേ​ഹം വെ​ച്ചു​പു​ല​ർ​ത്തി. രാ​ഷ്ട്രീ​യ കാ​ഴ്ച​പ്പാ​ടി​ൽ എം.​ഗോ​വി​ന്ദ​നെ പോ​ലെ​യു​ള്ള റാ​ഡി​ക്ക​ൽ ചി​ന്ത​ക​രോ​ട് ചാ​യ്‌​വ് നി​ല​നി​ർ​ത്തി. സോ​വി​യ​റ്റ് യൂ​നി​യ​ൻ പി​ന്തു​ട​ർ​ന്ന രാ​ഷ്ട്രീ​യ സ​മീ​പ​ന​ത്തോ​ടും ച​രി​ത്ര വി​ശ​ക​ല​ന​ങ്ങ​ളോ​ടും മൗ​ലി​ക​മാ​യി വി​യോ​ജി​ച്ച് ഒ​രു ലി​ബ​റ​ൽ ച​രി​ത്ര​കാ​ര​നാ​യി നി​ല​കൊ​ണ്ടു.

കേ​ര​ള ച​രി​ത്രം, സം​സ്കാ​രം, സാ​ഹി​ത്യം, രാ​ഷ്ട്രീ​യം എ​ന്നീ രം​ഗ​ത്ത് മൗ​ലി​ക​മാ​യ സം​ഭാ​വ​ന​ക​ൾ ന​ൽ​കി​യ എം.​ജി.​എ​സ് ച​രി​ത്ര​വും സം​സ്കാ​ര​വും രാ​ഷ്ട്രീ​യ​വും പാ​ര​സ്പ​ര്യ​മാ​യി ബ​ന്ധ​പ്പെ​ട്ടു നി​ൽ​ക്കു​ന്ന ഘ​ട​ക​ങ്ങ​ളാ​യി മ​ന​സ്സി​ലാ​ക്കി​യ ച​രി​ത്ര​കാ​ര​നാ​ണ്. ലി​ബ​റ​ൽ ജ​നാ​ധി​പ​ത്യ വാ​ദ​വും സെ​ക്കു​ല​റി​സ​വും ബ​ഹു​സ്വ​ര ജീ​വി​ത കാ​ഴ്ച​പ്പാ​ടും രാ​ഷ്ട്രീ​യം, ച​രി​ത്രം മു​ത​ലാ​യ വി​ഷ​യ​ങ്ങ​ളെ വി​ശ​ക​ല​നം ചെ​യ്യു​മ്പോ​ൾ എം.​ജി.​എ​സ് ത​ന്റെ വീ​ക്ഷ​ണ​വും നി​ല​പാ​ടു​മാ​യി നി​ല​നി​ർ​ത്തി. എ​ല്ലാ സ​മ​ഗ്രാ​ധി​പ​ത്യ വ്യ​വ​സ്ഥ​യോ​ടും മൗ​ലി​ക​മാ​യി ക​ല​ഹി​ച്ച അ​ദ്ദേ​ഹം ഇ​ന്ത്യ​യി​ലെ ഇ​ട​തു​പ​ക്ഷ പാ​ർ​ട്ടി​ക​ളു​ടെ ജ​നാ​ധി​പ​ത്യ​ര​ഹി​ത രാ​ഷ്ട്രീ​യ സ​മീ​പ​ന​ങ്ങ​ളോ​ട് വി​യോ​ജി​ക്കു​ക​യും ചെ​യ്തു. ഹി​ന്ദു​ത്വ രാ​ഷ്ട്രീ​യ​ത്തി​ന്റെ മ​ത​രാ​ഷ്ട്ര​വാ​ദ​ത്തെ ത​ന്റെ ച​രി​ത്ര​ര​ച​ന​ക​ളി​ലെ മ​ത​നി​ര​പേ​ക്ഷ മൂ​ല്യ​ങ്ങ​ളും ശാ​സ്ത്രീ​യ സ​മീ​പ​ന​വും ലി​ബ​റ​ൽ ചി​ന്ത​യും കൊ​ണ്ട് ചെ​റു​ക്കു​ന്ന ഒ​രു പ്ര​തി​രോ​ധ ച​രി​ത്ര സ​മീ​പ​ന​ത്തെ സൃ​ഷ്ടി​ച്ചു​കൊ​ണ്ടാ​ണ് എം.​ജി.​എ​സ് വി​ട​വാ​ങ്ങു​ന്ന​ത്.

(ക​ലി​ക്ക​റ്റ് സ​ർ​വ​ക​ലാ​ശാ​ല ച​രി​ത്ര​വി​ഭാ​ഗം പ്ര​ഫ​സ​റാ​ണ് ലേ​ഖ​ക​ൻ)