ഈ ​മ​ര​ണ​വ്യാ​പാ​രി​ക​ളെ പി​ടി​ച്ചു​കെ​ട്ടാ​ൻ ത​യാ​റു​ണ്ടോ?

ക​ഴി​ഞ്ഞ നാ​ല​ര കൊ​ല്ല​ത്തി​നി​ടെ 42 കോ​ടി രൂ​പ വി​ല മ​തി​ക്കു​ന്ന എം.​ഡി.​എം.​എ മ​യ​ക്കു​മ​രു​ന്ന് കേ​ര​ള​ത്തി​ലെ​ത്തി​യെ​ന്നാ​ണ് സം​സ്ഥാ​ന എ​ക്സൈ​സ് വ​കു​പ്പി​ന്റെ ക​ണ​ക്ക്; അ​താ​യ​ത്, 42.07 കി​ലോ​ഗ്രാം. എം.​ഡി.​എം.​എ എ​ന്ന പേ​രി​ല​റി​യ​പ്പെ​ടു​ന്ന മെ​ത്ത​ലി​ൻ ഡ​യോ​ക്സി മെ​ത്താ​ഫി​റ്റ​മീ​ൻ ശാ​രീ​രി​ക​വും മാ​ന​സി​ക​വും വൈ​കാ​രി​ക​വു​മാ​യ നി​ര​വ​ധി വി​പ​ത്തു​ക​ൾ​ക്ക് കാ​ര​ണ​മാ​യി​ത്തീ​രു​ന്ന അ​തി​മാ​ര​ക​ശേ​ഷി​യു​ള്ള മ​യ​ക്കു​മ​രു​ന്നാ​ണ്. പൊ​ടി, ക്രി​സ്റ്റ​ൽ രൂ​പ​ങ്ങ​ളി​ലാ​യ​തി​നാ​ൽ വ​ള​രെ ര​ഹ​സ്യ​മാ​യി കൈ​മാ​റ്റം ചെ​യ്യ​പ്പെ​ടു​ന്നു. ഒ​ളി​പ്പി​ച്ചു​വെ​ക്കാ​നും എ​ളു​പ്പം. ഉ​പ​യോ​ഗാ​ധി​ക്യം​കൊ​ണ്ട് ക​ഞ്ചാ​വി​ന് കീ​ഴ്പെ​ടാ​താ​യി​ത്തീ​ർ​ന്ന മ​സ്തി​ഷ്ക​ങ്ങ​ളും എം.​ഡി.​എം.​എ​ക്ക് അ​തി​വേ​ഗം അ​ടി​പ്പെ​ടു​ന്നു. ഹൈ​ദ​രാ​ബാ​ദി​ൽ​നി​ന്നും ഗോ​വ​യി​ൽ​നി​ന്നും ബം​ഗ​ളൂ​രു​വി​ൽ​നി​ന്നും കേ​ര​ളീ​യ ചെ​റു​പ്പ​ത്തെ ഇ​ഞ്ചി​ഞ്ചാ​യി കൊ​ല്ലു​ന്ന ഈ ​ഉ​ഗ്ര​വി​ഷം ക​ട​ത്തി​ക്കൊ​ണ്ടു​വ​രു​ന്ന​വ​ർ​ക്ക് മു​ട​ക്കു​മു​ത​ലി​ന്റെ എ​ട്ടും പ​ത്തും ഇ​ര​ട്ടി ലാ​ഭം കി​ട്ടു​ന്നു. പ​ണം കി​ട്ടാ​ൻ എ​ന്തു കൊ​ടി​യ ക്രൂ​ര​ത​യും കാ​ണി​ക്കാ​ൻ മ​ടി​യി​ല്ലാ​ത്ത ആ​ർ​ത്തി​പ്പി​ശാ​ചു​ക്ക​ളാ​ണ് ബാ​ലി​കാ ബാ​ല​ന്മാ​രു​ടെ കൈ​ക​ളി​ൽ​പോ​ലും മ​യ​ക്കു​മ​രു​ന്നു​ക​ളെ​ത്തി​ക്കു​ന്ന​ത്. വി​ദ്യാ​ല​യ പ​രി​സ​ര​ങ്ങ​ളും ബ​സ് സ്റ്റാ​ൻ​ഡു​ക​ളും പെ​ട്ടി​ക്ക​ട​ക​ളു​മൊ​ക്കെ ഇ​വ​രു​ടെ വി​ഹാ​ര​കേ​ന്ദ്ര​ങ്ങ​ളാ​യി മാ​റി​യി​രി​ക്കു​ന്നു. വി​ശു​ദ്ധി വി​ള​ഞ്ഞു​നി​ന്നി​രു​ന്ന ഗ്രാ​മ​ങ്ങ​ൾ​പോ​ലും ഈ ​മ​ര​ണ​വ്യാ​പാ​രി​ക​ളു​ടെ പി​ടി​യി​ല​മ​ർ​ന്നി​രി​ക്കു​ന്നു.

പി​ടി​ച്ചു​കെ​ട്ടാ​ൻ ത​യാ​റു​ണ്ടോ?

കേ​ര​ള​ത്തി​ലെ ഭ​ര​ണ​പ​ക്ഷ​വും പ്ര​തി​പ​ക്ഷ​വു​മു​ൾ​പ്പെ​ടെ എ​ല്ലാ രാ​ഷ്ട്രീ​യ​പാ​ർ​ട്ടി​ക​ളും ല​ഹ​രി​യു​ടെ വ്യാ​പ​ന​ത്തി​നും വ്യാ​പാ​ര​ത്തി​നു​മെ​തി​രെ ഒ​ന്നി​ച്ചി​രി​ക്കു​ന്നു. ഇ​ക്കാ​ര്യ​ത്തി​ൽ നി​യ​മ​സ​ഭ കൂ​ട്ടാ​യ തീ​രു​മാ​ന​മെ​ടു​ത്തി​രി​ക്കു​ന്നു. രാ​ഷ്ട്രീ​യ​പാ​ർ​ട്ടി​ക​ൾ​ക്ക് ത​ങ്ങ​ൾ പ​റ​യു​ന്ന​തി​ൽ ആ​ത്മാ​ർ​ഥ​ത​യു​ണ്ടെ​ങ്കി​ൽ ന​മ്മു​ടെ ചെ​റു​പ്പ​ത്തെ ല​ഹ​രി​യി​ൽ മു​ക്കി​ക്കൊ​ല്ലു​ന്ന മ​യ​ക്കു​മ​രു​ന്ന് ക​ട​ത്തി​ക്കൊ​ണ്ടു​വ​രു​ന്ന മ​ര​ണ​വ്യാ​പാ​രി​ക​ൾ​ക്കെ​തി​രെ വി​ട്ടു​വീ​ഴ്ച​യി​ല്ലാ​ത്ത ക​ടു​ത്ത നി​ല​പാ​ട് സ്വീ​ക​രി​ക്കു​ക​ത​ന്നെ വേ​ണം. പി​ടി​കൂ​ട​പ്പെ​ടു​ന്ന കൊ​ടും കു​റ്റ​വാ​ളി​ക​ളെ ര​ക്ഷ​പ്പെ​ടു​ത്താ​ൻ ഒ​രു രാ​ഷ്ട്രീ​യ പാ​ർ​ട്ടി​യും ത​ങ്ങ​ളു​ടെ അ​നു​യാ​യി​ക​ളെ അ​നു​വ​ദി​ക്ക​രു​ത്. മ​യ​ക്കു​മ​രു​ന്ന് വ്യാ​പാ​രി​ക​ളെ പി​ടി​കൂ​ടു​ന്ന​തി​ൽ കു​റ്റ​ക​ര​മാ​യ വീ​ഴ്ച​വ​രു​ത്തു​ന്ന ഉ​ത്ത​ര​വാ​ദ​പ്പെ​ട്ട ഉ​ദ്യോ​ഗ​സ്ഥ​രെ മാ​തൃ​കാ​പ​ര​മാ​യി ശി​ക്ഷി​ക്കാ​ൻ ഭ​ര​ണ​കൂ​ട​വും അ​തി​നെ ആ​ത്മാ​ർ​ഥ​മാ​യി പി​ന്തു​ണ​ക്കാ​ൻ പ്ര​തി​പ​ക്ഷ​വും സ​ന്ന​ദ്ധ​മാ​ക​ണം. മു​ഖ്യ​ധാ​രാ രാ​ഷ്ട്രീ​യ പാ​ർ​ട്ടി​ക​ളും ഭ​ര​ണ​കൂ​ട​വും ആ​ത്മാ​ർ​ഥ​മാ​യി ശ്ര​മി​ച്ചാ​ൽ കേ​ര​ള​ത്തെ മ​യ​ക്കു​മ​രു​ന്നു​ക​ളു​ടെ പി​ടി​യി​ൽ​നി​ന്ന് മോ​ചി​പ്പി​ക്കാ​ൻ ക​ഴി​യു​മെ​ന്നു​റ​പ്പാ​ണ്. അ​തി​ന​വ​ർ ത​യാ​റു​ണ്ടോ എ​ന്ന​താ​ണ് പ്ര​ശ്നം.

മ​യ​ക്കു​മ​രു​ന്ന് ക​ട​ത്തി പ​ണ​മു​ണ്ടാ​ക്കു​ന്ന മ​ര​ണ​വ്യാ​പാ​രി​ക​ൾ മ​റ്റു​ള്ള​വ​രെ​യെ​ന്ന​പോ​ലെ ത​ങ്ങ​ളെ​ത്ത​ന്നെ​യാ​ണ് ന​ശി​പ്പി​ക്കു​ന്ന​ത്. കു​ടും​ബ​ത്തെ​യും കു​ട്ടി​ക​ളെ​യും പോ​റ്റാ​നാ​ണ​ല്ലോ അ​വ​ർ പ​ണ​മു​ണ്ടാ​ക്കു​ന്ന​ത്. സ്വാ​ഭാ​വി​ക​മാ​യും മ​റ്റാ​രെ​ക്കാ​ളും​മു​മ്പേ ല​ഹ​രി​ക്ക​ടി​പ്പെ​ടു​ക സ്വ​ന്തം മ​ക്ക​ളും കു​ടും​ബ​വു​മാ​യി​രി​ക്കു​മെ​ന്ന കാ​ര്യം മ​റ​ക്കാ​തി​രി​ക്കു​ക. ആ​ർ​ത്തി അ​വ​ന​വ​നെ​ത്ത​ന്നെ​യാ​ണ് ന​ശി​പ്പി​ക്കു​ക​യെ​ന്ന​ത് അ​നി​ഷേ​ധ്യ​മ​ത്രെ.

ചി​ല നി​ർ​ദേ​ശ​ങ്ങ​ൾ

ല​ഹ​രി​പ​ദാ​ർ​ഥ​ങ്ങ​ളു​ടെ വ്യാ​പ​നം ത​ട​യാ​നും ന​മ്മു​ടെ നാ​ടി​നെ അ​തി​ൽ​നി​ന്ന് മോ​ചി​പ്പി​ക്കാ​നും ഏ​റ്റ​വും വ​ലി​യ ബാ​ധ്യ​ത ഭ​ര​ണ​കൂ​ട​ത്തി​നാ​ണെ​ങ്കി​ലും മ​നു​ഷ്യ​സ്നേ​ഹി​ക​ളാ​യ സ​ക​ല സു​മ​ന​സ്സു​ക​ളും അ​തി​ന് ആ​ത്മാ​ർ​ഥ​മാ​യി ശ്ര​മി​ക്ക​ണം. ഭ​ര​ണ​കൂ​ട​വും സ​മൂ​ഹ​വും ഇ​ളം​ത​ല​മു​റ​യെ ല​ഹ​രി​യു​ടെ ഘോ​ര​വി​പ​ത്തി​ൽ​നി​ന്ന് ര​ക്ഷ​പ്പെ​ടു​ത്താ​ൻ കൂ​ട്ടാ​യി ശ്ര​മി​ച്ചാ​ൽ അ​ത്ഭു​ത​ക​ര​മാ​യ ഫ​ല​മു​ണ്ടാ​കു​മെ​ന്ന​തി​ലൊ​ട്ടും സം​ശ​യ​മി​ല്ല. ഇ​തു​സം​ബ​ന്ധ​മാ​യി ന​മു​ക്ക് ചി​ല പ്ര​വ​ർ​ത്ത​ന​പ​രി​പാ​ടി​ക​ൾ ആ​വി​ഷ്ക​രി​ച്ച് ന​ട​പ്പാ​ക്കാ​വു​ന്ന​താ​ണ്, ന​ട​പ്പാ​ക്കേ​ണ്ട​താ​ണ്.

1) ഓ​രോ പ്ര​ദേ​ശ​ത്തും 10 വീ​ടു​ക​ൾ ചേ​ർ​ത്ത് ക്ല​സ്റ്റ​റു​ക​ൾ രൂ​പ​വ​ത്ക​രി​ക്കു​ക. ഒ​രു പു​രു​ഷ​നെ​യും ഒ​രു സ്ത്രീ​യെ​യും അ​തി​ന്റെ നേ​തൃ​ത്വം ഏ​ൽ​പി​ക്കു​ക. അ​വി​ട​ങ്ങ​ളി​ൽ മ​യ​ക്കു​മ​രു​ന്ന് എ​ത്തു​ന്നി​ല്ലെ​ന്ന് ഉ​റ​പ്പു​വ​രു​ത്തു​ക. അ​ത് ഉ​പ​യോ​ഗി​ക്കു​ന്ന ആ​രെ​ങ്കി​ലു​മു​ണ്ടെ​ങ്കി​ൽ അ​വ​രെ ക​ണ്ടെ​ത്തി ആ​വ​ശ്യ​മാ​യ ചി​കി​ത്സ ന​ൽ​കു​ക.
2) പ്ര​ദേ​ശ​ത്തെ എ​ല്ലാ വി​ദ്യാ​ഭ്യാ​സ സ്ഥാ​പ​ന​ങ്ങ​ളും സ​ന്ദ​ർ​ശി​ച്ച് അ​ധ്യാ​പ​ക​രു​ടെ സ​ഹാ​യ​ത്തോ​ടെ മ​യ​ക്കു​മ​രു​ന്ന് ഉ​ണ്ടാ​ക്കു​ന്ന വ​ൻ​വി​പ​ത്തു​ക​ളെ​ക്കു​റി​ച്ച് വി​ദ്യാ​ർ​ഥി​ക​ളെ ബോ​ധ​വ​ത്ക​രി​ക്കു​ക.
3) എ​ല്ലാ മ​ത​സ​മൂ​ഹ​ങ്ങ​ളും ആ​രാ​ധ​നാ​ല​യ​ങ്ങ​ൾ കേ​ന്ദ്രീ​ക​രി​ച്ച് ത​ങ്ങ​ളു​ടെ അ​നു​യാ​യി​ക​ളെ വി​ഷ​യ​ത്തി​ന്റെ ഗൗ​ര​വം ബോ​ധ്യ​പ്പെ​ടു​ത്തു​ക. മാ​താ​പി​താ​ക്ക​ൾ മ​ക്ക​ളു​ടെ കാ​ര്യ​ത്തി​ൽ ആ​വ​ശ്യ​മാ​യ ശ്ര​ദ്ധ​യും ജാ​ഗ്ര​ത​യും പു​ല​ർ​ത്തു​ന്നു​ണ്ടെ​ന്ന് ഉ​റ​പ്പു​വ​രു​ത്തു​ക.
4) മ​യ​ക്കു​മ​രു​ന്ന് വ്യാ​പാ​ര​ത്തി​നും വി​ത​ര​ണ​ത്തി​നും ഏ​തെ​ങ്കി​ലും നി​ല​യി​ൽ പി​ന്തു​ണ​യോ സ​ഹ​ക​ര​ണ​മോ ന​ൽ​കു​ന്ന​വ​രെ നേ​രി​ൽ​ക​ണ്ട് ത​ങ്ങ​ൾ ത​ല​മു​റ​ക​ളെ​യാ​ണ് ന​ശി​പ്പി​ക്കു​ന്ന​തെ​ന്നും സ്വ​ന്തം മ​ക്ക​ളും അ​തി​ന്റെ ദു​ര​ന്തം അ​നു​ഭ​വി​ക്കേ​ണ്ടി​വ​രു​മെ​ന്നും ബോ​ധ്യ​പ്പെ​ടു​ത്തു​ക. പി​ന്തി​രി​യു​ന്നി​ല്ലെ​ങ്കി​ൽ നി​യ​മ​ത്തി​ന് മു​ന്നി​ൽ കൊ​ണ്ടു​വ​രു​ക.
5) വി​വി​ധ ത​ല​ങ്ങ​ളി​ലു​ള്ള പ്ര​ഗ​ല്ഭ​രെ പ​ങ്കെ​ടു​പ്പി​ച്ച് ര​ക്ഷി​താ​ക്ക​ൾ​ക്ക് ഇ​ട​ക്കി​ടെ ബോ​ധ​വ​ത്ക​ര​ണ ക്ലാ​സു​ക​ൾ ന​ട​ത്തു​ക. ഇ​തി​നാ​യി ഡോ​ക്ട​ർ​മാ​രെ​യും മ​നഃ​ശാ​സ്ത്ര​ജ്ഞ​രെ​യും മ​ത​പ​ണ്ഡി​ത​ന്മാ​രെ​യും ആ​വ​ശ്യാ​നു​സ​ര​ണം ഉ​പ​യോ​ഗ​പ്പെ​ടു​ത്താ​വു​ന്ന​താ​ണ്.
6) കു​റ്റ​വാ​ളി​ക​ൾ​ക്ക് കൂ​ട്ടു​നി​ൽ​ക്കി​ല്ലെ​ന്ന് മ​ത​സ്ഥാ​പ​ന ഭാ​ര​വാ​ഹി​ക​ളും സം​ഘ​ട​ന നേ​താ​ക്ക​ളും രാ​ഷ്ട്രീ​യ​ക്കാ​രും ഉ​ദ്യോ​ഗ​സ്ഥ​രും ഭ​ര​ണാ​ധി​കാ​രി​ക​ളും തീ​രു​മാ​നി​ക്കു​ക.
7) ല​ഹ​രി ഉ​പ​യോ​ഗി​ക്കു​ന്ന​വ​ർ​ക്ക് ത​ങ്ങ​ളു​ടെ കു​ട്ടി​ക​ളെ വി​വാ​ഹം​ചെ​യ്തു​കൊ​ടു​ക്കു​ക​യി​ല്ലെ​ന്ന് ര​ക്ഷി​താ​ക്ക​ൾ തീ​രു​മാ​നി​ക്കു​ക. അ​ത്ത​ര​ക്കാ​രു​ടെ വി​വാ​ഹ​ത്തി​ന് ബ​ന്ധ​പ്പെ​ട്ട മ​ത​പ​ണ്ഡി​ത​ന്മാ​ർ കാ​ർ​മി​ക​ത്വം വ​ഹി​ക്കു​ക​യി​ല്ലെ​ന്ന് ഉ​റ​പ്പു​വ​രു​ത്തു​ക.
8) മ​ക്ക​ൾ എ​വി​ടെ​യും അ​ല​ഞ്ഞു​തി​രി​യു​ന്നി​ല്ലെ​ന്നും വീ​ട്ടി​ൽ കൃ​ത്യ​സ​മ​യ​ത്ത് എ​ത്തു​ന്നു​ണ്ടെ​ന്നും ര​ക്ഷി​താ​ക്ക​ൾ ഉ​റ​പ്പു​വ​രു​ത്തു​ക.
9) കു​ട്ടി​ക​ളു​ടെ സ്വ​ഭാ​വ​ത്തി​ലും പെ​രു​മാ​റ്റ​ത്തി​ലും മു​ഖ​ഭാ​വ​ത്തി​ലും സ​മീ​പ​ന​ങ്ങ​ളി​ലും അ​സാ​ധാ​ര​ണ​മാ​യ അ​വ​സ്ഥ ക​ണ്ടാ​ൽ സ​മ​യ​മൊ​ട്ടും പാ​ഴാ​ക്കാ​തെ ഉ​ചി​ത​മാ​യ ന​ട​പ​ടി​ക​ൾ സ്വീ​ക​രി​ക്കു​ക. കു​ട്ടി​ക​ളെ കൗ​ൺ​സ​ലി​ങ്ങി​ന് വി​ധേ​യ​മാ​ക്കു​ക.
10) ആ​വ​ശ്യ​മാ​യി വ​രു​മ്പോ​ൾ അ​ധി​കൃ​ത​രു​ടെ​യും നി​യ​മ​പാ​ല​ക​രു​ടെ​യും സ​ഹാ​യം തേ​ടു​ക. നി​യ​മ​പാ​ല​ക​ർ കു​റ്റ​വാ​ളി​ക​ൾ​ക്ക് കൂ​ട്ടു​നി​ന്നാ​ൽ അ​വ​ർ​ക്കെ​തി​രെ ജ​ന​കീ​യ പ്ര​ക്ഷോ​ഭം സം​ഘ​ടി​പ്പി​ക്കു​ക.
11) മ​യ​ക്കു​മ​രു​ന്ന് വ്യാ​പാ​രി​ക​ളെ പി​ന്തി​രി​പ്പി​ക്കാ​ൻ ഒ​രു​നി​ല​ക്കും സാ​ധ്യ​മ​ല്ലെ​ങ്കി​ൽ അ​വ​രെ നി​യ​മ​ത്തി​നു മു​ന്നി​ൽ കൊ​ണ്ടു​വ​രു​ക​യും അ​വ​ർ​ക്കെ​തി​രെ സാ​മൂ​ഹി​ക ബ​ഹി​ഷ്ക​ര​ണം ഏ​ർ​പ്പെ​ടു​ത്തു​ക​യും ചെ​യ്യു​ക.
12) ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലെ ഭാ​ര​വാ​ഹി​ക​ളും അം​ഗ​ങ്ങ​ളും ത​ങ്ങ​ളു​ടെ പ്ര​വ​ർ​ത്ത​ന മേ​ഖ​ല​ക​ളി​ൽ മ​യ​ക്കു​മ​രു​ന്ന് വ്യാ​പാ​രി​ക​ളും ല​ഹ​രി​പ​ദാ​ർ​ഥ​ങ്ങ​ൾ​ക്ക് അ​ടി​പ്പെ​ട്ട​വ​രു​മി​ല്ലെ​ന്ന് ഉ​റ​പ്പു​വ​രു​ത്തു​ക.
13) ല​ഹ​രി​പ​ദാ​ർ​ഥ​ങ്ങ​ളെ​ല്ലാം നി​ഷി​ദ്ധ​മാ​ണെ​ന്നും അ​വ​യു​ടെ ഉ​പ​യോ​ഗം പൈ​ശാ​ചി​ക​മാ​യ കു​റ്റ​കൃ​ത്യ​മാ​ണെ​ന്നും പ​ഠി​പ്പി​ക്കു​ന്ന മ​ത​ത്തി​ന്റെ അ​നു​യാ​യി​ക​ൾ പ്ര​ശ്ന​ത്തി​ന്റെ ഗൗ​ര​വം മ​ന​സ്സി​ലാ​ക്കി ഉ​ചി​ത​മാ​യ സ​മീ​പ​നം സ്വീ​ക​രി​ക്കു​ക. ത​ങ്ങ​ളു​ടെ മ​ത​വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ അ​തേ​ക്കു​റി​ച്ച് ബോ​ധ​വ​ത്ക​ര​ണം ന​ട​ത്തു​ക. മ​ത​പ്ര​ഭാ​ഷ​ണ​ങ്ങ​ളി​ലും പ്ര​വ​ർ​ത്ത​ന​ങ്ങ​ളി​ലും ല​ഹ​രി​യു​ടെ ഭൗ​തി​ക​വും മ​ത​പ​ര​വു​മാ​യ തി​ന്മ​യും വി​പ​ത്തു​ക​ളും വി​ശ​ദീ​ക​രി​ക്കു​ക. യ​ഥാ​ർ​ഥ ദൈ​വ​വി​ശ്വാ​സ​ത്തി​നും ആ​ത്മാ​ർ​ഥ​മാ​യ പ​ര​ലോ​ക ബോ​ധ​ത്തി​നും മാ​ത്ര​മാ​ണ​ല്ലോ എ​ല്ലാ​വി​ധ ല​ഹ​രി​പ​ദാ​ർ​ഥ​ങ്ങ​ളി​ൽ​നി​ന്നും മ​നു​ഷ്യ​നെ പൂ​ർ​ണ​മാ​യി മോ​ചി​പ്പി​ക്കാ​ൻ സാ​ധി​ക്കു​ക.