ത​ട​യ​ണം, കോ​വി​ഡ്​ കാ​ല​ത്തെ ര​ക്തക്ഷാ​മം

കോ​വി​ഡ്​-19 ര​ണ്ടാം​ ത​രം​ഗ​ത്തി​ൽ പ്ര​തി​ദി​ന രോ​ഗ​ബാ​ധി​ത​രു​ടെ എ​ണ്ണം അനുദിനം വർധിക്കുകയാണ്​. ആ​ദ്യ​ ത​രം​ഗ​ത്തി​​​െൻറ മൂ​ർ​ധ​ന്യ​ത്തി​ൽ രാ​ജ്യ​ത്ത്​ ല​ക്ഷ​ത്തി​ന്​ തൊ​ട്ടു​താ​ഴെ​യാ​യി​രു​ന്നു പ്ര​തി​ദി​ന രോ​ഗി​ക​ളു​ടെ എ​ണ്ണ​മെ​ങ്കി​ൽ, ഇ​പ്പോ​ൾ അ​ത്​ മൂ​ന്ന​ര​ ല​ക്ഷ​ത്തോ​ളമാണ്. ശ്വാ​സ​കോ​ശ സം​ബ​ന്ധ​മാ​യ ബു​ദ്ധി​മു​ട്ടു​ക​ൾ കൂ​ടു​ത​ൽ കാ​ണ​പ്പെ​ടു​ന്ന​തും ചി​കി​ത്സ​ക്ക്​ ഓ​ക്​​സി​ജ​ൻ വേ​ണ്ടി വ​രു​ന്ന രോ​ഗി​ക​ളു​ടെ എ​ണ്ണ​ത്തി​ലു​ണ്ടാ​യ വ​ൻ വ​ർ​ധ​ന​യും​ കാ​ര​ണം പ​ല സം​സ്ഥാ​ന​ങ്ങ​ളി​ലും ഓ​ക്​​സി​ജ​ൻ ക്ഷാ​മം രൂ​ക്ഷ​മാ​യി.

പ്ര​തി​രോ​ധ കു​ത്തി​വെ​പ്പ്​

പ്ര​തി​രോ​ധ മാ​ന​ദ​ണ്ഡ​ങ്ങളിലു​ണ്ടാ​യ അ​ലം​ഭാ​വ​വും ജ​നി​ത​ക മാ​റ്റ​ത്തി​ലൂ​ടെ അ​തി​തീ​വ്ര വ്യാ​പ​ന ശ​ക്തിയാ​ർ​ജി​ച്ച വൈ​റ​സിെൻറ ആ​വി​ർ​ഭാ​വ​വുംകൂ​ടി ചേ​ർ​ന്ന​പ്പോ​ൾ ര​ണ്ടാം​ ത​രം​ഗം രൂ​ക്ഷ​മാ​യി. പ്ര​തി​രോ​ധ കു​ത്തി​വെ​പ്പി​ന്​ ത​ണു​പ്പ​ൻ പ്ര​തി​ക​ര​ണ​മാ​ണ്​ ജ​ന​ങ്ങ​ളി​ൽ​ നി​ന്നു​ണ്ടാ​യ​ത്. എ​ന്നാ​ൽ, രോ​ഗി​ക​ളു​ടെ എ​ണ്ണം വ​ർ​ധി​ക്കു​ക​യും മ​ര​ണസം​ഖ്യ ഉ​യ​രു​ക​യും ചെ​യ്​​ത​തോ​ടെ വാക്​സിൻ തേടി ​നെ​​ട്ടോ​ട്ട​മാ​യി.

ഇൗ മാ​സം തു​ട​ക്കം മു​ത​ൽ 18നും 4​5 ​വ​യ​സ്സി​നും ഇ​ട​യിലുള്ള 60 കോ​ടി ജ​ന​ങ്ങ​ൾ​ക്ക്​ വാ​ക്​​സി​ൻ നൽകുമെന്നാണ്​ പ്രഖ്യാപനം. ഇൗ ​സാ​ഹ​ച​ര്യ​ത്തി​ൽ ഉ​ണ്ടാ​യേ​ക്കാ​വു​ന്ന വ​ലി​യൊ​രു പ്ര​ശ്​​നം ചൂ​ണ്ടി​ക്കാ​ണി​ക്കു​ക​യാ​ണി​വി​ടെ.

ര​ക്തദൗ​ർ​ല​ഭ്യത്തിന്​ സാധ്യത

ശ​രി​യാ​യ മു​ൻ​ക​രു​ത​ൽ ഇ​പ്പോ​ൾത​ന്നെ​ എടു​ത്തി​ല്ലെ​ങ്കി​ൽ ഓ​ക്​​സി​ജ​ൻ ക്ഷാ​മം​പോ​ലെ ന​മ്മ​ൾ ര​ക്തക്ഷാ​മ​വും നേ​രി​​ട്ടേ​ക്കാം. ര​ക്​​ത​ദാ​താ​ക്ക​ളി​ൽ ഏ​റിയ പ​ങ്കും 18നും 35നും ​ഇ​ട​യി​ലു​ള്ള യു​വാ​ക്ക​ളാ​ണ്. കോ​വി​ഡ്​ പ്ര​തി​രോ​ധ മ​രു​ന്ന്​ സ്വീ​ക​രി​ക്കു​ന്ന ഒ​രാ​ൾ ര​ണ്ട്​ ഡോ​സ്​ എ​ടു​ത്ത​്​ 28 ദി​വ​സ​ം ക​ഴി​ഞ്ഞു മാ​ത്രമേ ര​ക്​​ത​ദാ​നം ചെയ്യാൻ പാ​ടു​ള്ളൂ എ​ന്നാ​ണ്​ നാ​ഷ​ന​ൽ ബ്ല​ഡ്​ ട്രാ​ൻ​സ്​​ഫ്യൂ​ഷ​ൻ കൗ​ൺ​സി​ലി​െൻറ നി​ർ​ദേ​ശം. അ​താ​യ​ത്​ ര​ണ്ടു​മാ​സം മു​ത​ൽ നാ​ലു​മാ​സം വ​രെ പ​ല​ർ​ക്കും ര​ക്​​ത​ദാ​നം ചെ​യ്യാ​ൻ ക​ഴി​യാ​തെ വ​രും. ഇ​തി​നാ​ൽ ഉ​ണ്ടാ​യേ​ക്കാ​വു​ന്ന ര​ക്തക്ഷാ​മം പ​ല ജീ​വ​നു​ക​ളും അ​പ​ഹ​രി​ച്ചേ​ക്കാം.

ര​ക്തദാ​ന​ത്തി​​​െൻറ ആ​വ​ശ്യ​ക​ത

പ​ല ചി​കി​ത്സ​ക​ളു​ടെ​യും അ​ടി​യ​ന്ത​ര ഘ​ട്ട​ങ്ങ​ളി​ൽ ജീ​വ​ൻ നി​ല​നി​ർ​ത്താ​ൻ ര​ക്തം ആ​വ​ശ്യ​മാ​യി വ​രും. റോ​ഡ​പ​ക​ട​ങ്ങ​ൾ, അർബുദ ചി​കി​ത്സ​ക്കി​ട​യി​ൽ, വ​ലി​യ ശ​സ്​​ത്ര​ക്രി​യ​ക​ൾ, ഗു​രു​ത​ര വി​ള​ർ​ച്ച​യി​ലേ​ക്ക്​ ന​യി​ക്കു​ന്ന ജ​നി​ത​ക രോ​ഗ​ങ്ങ​ളാ​യ തല​ാസീ​മി​യ, അ​രി​വാ​ൾ രോ​ഗം (സി​ക്കി​ൾ​സെ​ൽ അ​നീ​മി​യ), മ​റ്റ്​ കാ​ര​ണ​ങ്ങ​ളാ​ലു​ണ്ടാ​കു​ന്ന വി​ള​ർ​ച്ച, പ്ര​സ​വാ​ന​ന്ത​ര സ​ങ്കീ​ർ​ണ​ത​ക​ൾ, ര​ക്​​തം ക​ട്ട​പി​ടി​ക്കു​ന്ന​തി​ന്​ സ​ഹാ​യ​ക​മാ​യ പ്ലേ​റ്റ്​​ലെ​റ്റ്​ കു​റ​യു​ന്ന അ​വ​സ്​​ഥ (ITP), അ​വ​യ​വം മാ​റ്റി​വെ​ക്ക​ൽ ശ​സ്​​ത്ര​ക്രി​യ​ക​ൾ, മ​ജ്ജ മാ​റ്റി​വെ​ക്ക​ൽ ശ​സ്​​ത്ര​ക്രി​യ, ര​ക്തത്തി​ലെ അ​ണു​ബാ​ധ തു​ട​ങ്ങി പ​ല നി​ർ​ണാ​യ​ക ഘ​ട്ട​ങ്ങ​ളി​ലും ര​ക്​​തം ആവശ്യമാണ്​. ഇ​ത്​ ലഭിക്കാൻ വൈ​കി​യാ​ൽ പ​ല​പ്പോ​ഴും മ​ര​ണം​വ​രെ സം​ഭ​വി​ക്കാം. ര​ക്​​തം കൃ​ത്രി​മ​മാ​യി നി​ർ​മി​ക്കാ​ൻ ആ​ധു​നി​ക വൈ​ദ്യ​ശാ​സ്​​ത്ര​ത്തി​ന്​ ഇ​തു​വ​രെ ക​ഴി​ഞ്ഞി​ട്ടി​ല്ല. ര​ക്തത്തി​ന്​ പ​ക​രം ര​ക്തം മാ​ത്ര​മേ​യു​ള്ളൂ.

മു​ൻ​കരുതൽ വേണം

കേ​ര​ള​ത്തി​ൽ പ്ര​തി​വ​ർ​ഷം നാ​ല​ര​ ല​ക്ഷ​ത്തോ​ളം യൂ​നി​റ്റ്​ ര​ക്ത​മാ​ണ്​ ശേ​ഖ​രി​ക്ക​പ്പെ​ടു​ന്ന​ത്. അ​തി​ൽ 75 ശ​ത​മാ​ന​ത്തോ​ളം സ്വ​മേ​ധ​യാ ര​ക്തദാ​നം ചെ​യ്യു​ന്ന​വ​രാ​ണ്. കോ​വി​ഡ്​-19​െൻറ പ​ശ്ചാ​ത്ത​ല​ത്തി​ൽ രക്തദാ​താ​ക്ക​ളു​ടെ എ​ണ്ണം ഗ​ണ്യ​മാ​യി കു​റ​ഞ്ഞി​ട്ടു​ണ്ട്. ആ​ശു​പ​ത്രി​യി​ൽ വ​രാ​നു​ള്ള ഭ​യം, ലോ​ക്​​ഡൗ​ൺ, യാ​ത്രാ​ ബു​ദ്ധി​മു​ട്ടു​ക​ൾ, കോ​വി​ഡ്​ തു​ട​ങ്ങി പ​ല കാ​ര​ണ​ങ്ങ​ളുണ്ട്​. ഇ​തി​​​നൊപ്പം പ്ര​തി​രോ​ധ കു​ത്തി​വെ​പ്പു കൂ​ടി​യാ​കു​േ​മ്പാ​ൾ ര​ക്തദാ​ന​ത്തി​ന്​ മു​ൻ​നി​ര​യി​ൽ നി​ൽ​ക്കു​ന്ന കേ​ര​ളം ഉൾപ്പെടെയുള്ള സം​സ്ഥാ​ന​ങ്ങ​ളി​ൽ​പോ​ലും ര​ക്തദൗ​ർ​ല​ഭ്യം നേ​രി​ടാ​ൻ സാ​ധ്യത ഏ​റെ​യാ​ണ്. അ​തു​കൊ​ണ്ടു​ത​ന്നെ യു​വാ​ക്ക​ളെ ര​ക്തദാ​ന​ത്തി​ന്​ ​പ്രേ​രി​പ്പി​ക്കാ​നും സു​ര​ക്ഷി​ത​മാ​യി ര​ക്തദാ​നം ചെ​യ്യാ​നു​ള്ള ഭൗ​തി​ക സൗ​ക​ര്യ​ങ്ങ​ളൊരു​ക്കാനും ര​ക്തബാ​ങ്കു​ക​ൾ ശ്ര​ദ്ധി​ക്കണം. വാ​ക്​​സി​നെ​ടു​ക്കു​ന്ന​തി​ന്​ മു​മ്പ്​ യു​വാ​ക്ക​ൾ ര​​ക്ത​ദാ​നം ചെ​യ്യു​ക എ​ന്ന​താ​ണ്​ ഇ​തി​ന്​ പ​രി​ഹാ​രം. വാ​ക്​​സി​നേ​ഷ​ൻ ക്യാമ്പു​ക​ൾ​ക്കൊ​പ്പംത​ന്നെ രക്തദാന കാ​മ്പയി​നു​ക​ളും ന​ട​ക്കേ​ണ്ട​തു​ണ്ട്. ഈ ​കോ​വി​ഡ്​ മ​ഹാ​മാ​രി​ക്കാ​ല​ത്തും ര​ക്തദാ​ന​ത്തി​ന​പ്പു​റം മ​റ്റൊ​രു മ​ഹ​ത്താ​യ സേ​വ​ന​മി​ല്ല എ​ന്നോ​ർ​ക്കു​ക.

കോ​വി​ഡും ര​ക്തദാ​ന​വും

1. കോ​വി​ഡ്​​ ബാ​ധി​ത​ർ രോ​ഗ​മു​ക്​​തി​ക്കു​ശേ​ഷം 28 ദി​വ​സം ക​ഴി​ഞ്ഞു മാ​ത്ര​മേ രക്തദാ​നം ചെ​യ്യാ​ൻ പാ​ടു​ള്ളൂ.

2. കോ​വി​ഡ്​ രോ​ഗി​യു​മാ​യി സ​മ്പ​ർ​ക്ക​മു​ള്ള​വ​ർ 28 ദി​വ​സ​ത്തേ​ക്ക്​ ര​ക്തദാ​നം ചെ​യ്യ​രു​ത്.

3. രോ​ഗ​വ്യാ​പനം തീ​വ്ര​മാ​യ പ്ര​ദേ​ശ​ങ്ങളിൽനി​ന്നു​ള്ള​വ​രും അ​ത്ത​രം രാ​ജ്യ​ങ്ങ​ളി​ൽ​നി​ന്ന്​ വ​രു​ന്ന​വ​രും 28 ദി​വ​സ​ങ്ങ​ൾ​ക്കു ശേ​ഷം മാ​ത്ര​മേ ര​ക്തദാ​നം ചെ​യ്യാ​വൂ.

4. ര​​ക്ത​ദാ​​ന​​ത്തി​​നു​​ശേ​​ഷം 14 ദി​​വ​​സ​​ത്തി​നു​ള്ളി​​ൽ കോ​​വി​​ഡ്​ പി​​ടി​​പെ​​ടു​​ക​​യോ ല​​ക്ഷ​​ണ​​ങ്ങ​​ളു​ണ്ടാ​യാ​​ലോ ര​​ക്ത​ദാ​​നം ചെ​​യ്​​​ത സെ​​ൻ​​റ​​റി​​നെ വി​​വ​​രം അ​​റി​​യി​​ക്കു​​ക.

കോ​വി​ഡ്​ ര​ക്തം സ്വീ​ക​രി​ക്കു​ന്ന​തി​ലൂ​ടെ പ​ക​രി​ല്ല. കോ​വി​ഡ് മാ​ത്ര​മ​ല്ല, മ​റ്റു കൊറോ​ണ വൈ​റ​സ്​ രോ​ഗ​ങ്ങ​ളാ​യ 'സ​ാർ​സും' (SARS), മെ​ർ​സും (MERS) ര​ക്തം സ്വീ​ക​രി​ക്കു​ന്ന​തി​ലൂ​ടെ പ​ക​രു​ന്ന​താ​യി ഇ​തു​വ​രെ തെളിഞ്ഞിട്ടി​ല്ല. എ​ന്നി​രു​ന്നാ​ലും മു​ൻക​രു​ത​ൽ ന​ല്ലതാ​ണ്.

(കോ​ഴി​ക്കോ​ട്​ ഇഖ്​റ ഹോസ്​പിറ്റലിൽ ഡയബെറ്റോളജിസ്​റ്റും ഐ.​എം.​എ മീ​ഡി​യ സെ​ൽ ചെ​യ​ർ​മാ​നുമാണ് ലേഖകൻ)