സംസ്ഥാന ന്യൂനപക്ഷ കമീഷൻ; അവകാശ സംരക്ഷണത്തിന്‍റെ​ പത്താണ്ട്

സം​സ്ഥാ​ന​ത്തെ 46 ശ​ത​മാ​നം വ​രു​ന്ന ന്യൂ​ന​പ​ക്ഷ വി​ഭാ​ഗ​ങ്ങ​ളു​ടെ (മു​സ്‍ലിം, ക്രൈ​സ്​​ത​വ, ബു​ദ്ധ, ജൈ​ന, പാ​ഴ്‌​സി, സി​ഖ്) സാ​മൂ​ഹി​ക​വും സാ​മ്പ​ത്തി​ക​വും വി​ദ്യാ​ഭ്യാ​സ​പ​ര​വു​മാ​യ പു​രോ​ഗ​തി ല​ക്ഷ്യ​മാ​ക്കി കേ​ര​ള സം​സ്ഥാ​ന ന്യൂ​ന​പ​ക്ഷ ക​മീ​ഷ​ൻ രൂ​പ​വ​ത്കൃ​ത​മാ​യി​ട്ട്​ പ​ത്താ​ണ്ടു​ക​ൾ പി​ന്നി​ടു​ക​യാ​ണ്. 2013 മേ​യ്​ 15ന്​ ​അ​സാ​ധാ​ര​ണ ഗെ​സ​റ്റ്​ വി​ജ്​​ഞാ​ന​പ​ന​ത്തി​ലൂ​ടെ​യാ​ണ്​ മ​ത​ന്യൂ​ന​പ​ക്ഷ​ങ്ങ​ളു​ടെ സ​മ​ഗ്ര വി​ദ്യാ​ഭ്യാ​സ, സാ​മൂ​ഹി​ക, സാ​മ്പ​ത്തി​ക, തൊ​ഴി​ൽ പു​രോ​ഗ​തി​യും ക്ഷേ​മ​വും സം​ര​ക്ഷ​ണ​വും ശാ​ക്തീ​ക​ര​ണ​വും ഉ​റ​പ്പാ​ക്കു​ന്ന ക​മീ​ഷ​ൻ രൂ​പ​വ​ത്​​ക​ര​ണം പ്ര​ഖ്യാ​പി​ക്ക​പ്പെ​ട്ട​ത്.

അ​ധി​കാ​ര​ങ്ങ​ളും ചു​മ​ത​ല​ക​ളും

സം​സ്ഥാ​ന​ത്ത് ന്യൂ​ന​പ​ക്ഷ​ങ്ങ​ളു​ടെ വി​ക​സ​ന​ത്തി​ലു​ണ്ടാ​യി​ട്ടു​ള്ള പു​രോ​ഗ​തി വി​ല​യി​രു​ത്തു​ക, അ​വ​രു​ടെ സാ​മൂ​ഹി​ക​വും സാ​മ്പ​ത്തി​ക​വും വി​ദ്യാ​ഭ്യാ​സ​പ​ര​വും ഭാ​ഷാ​പ​ര​വു​മാ​യ അ​വ​കാ​ശ​ങ്ങ​ളും സം​ര​ക്ഷ​ണ വ്യ​വ​സ്ഥ​ക​ളും ആ​നു​കൂ​ല്യ​ങ്ങ​ളും ന​ഷ്‌​ട​പ്പെ​ടു​ന്ന​ത് സം​ബ​ന്ധി​ച്ച പ​രാ​തി​ക​ളി​ന്മേ​ൽ അ​ന്വേ​ഷ​ണ​വും തെ​ളി​വെ​ടു​പ്പും ന​ട​ത്തി പ​രി​ഹാ​ര ന​ട​പ​ടി​ക​ൾ നി​ർ​ദേ​ശി​ക്കു​ക തു​ട​ങ്ങി ന്യൂ​ന​പ​ക്ഷ​ങ്ങ​ളെ നേ​രി​ട്ടോ അ​ല്ലാ​തെ​യോ ബാ​ധി​ക്കു​ന്ന ഒ​ട്ടു​മി​ക്ക വി​ഷ​യ​ങ്ങ​ളി​ലും ക​മീ​ഷ​ന് നേ​രി​ട്ടി​ട​പെ​ട്ട് പ​രി​ഹാ​രം നി​ർ​ദേ​ശി​ക്കാ​നാ​വും.

ഒ​രു വ്യ​വ​ഹാ​രം വി​ചാ​ര​ണ ചെ​യ്യു​ന്ന സി​വി​ൽ കോ​ട​തി​ക്കു​ള്ള എ​ല്ലാ അ​ധി​കാ​ര​ങ്ങ​ളും ക​മീ​ഷ​ന് അ​തി​ന്റെ ചു​മ​ത​ല​ക​ൾ നി​ർ​വ​ഹി​ക്കു​മ്പോ​ൾ വി​നി​യോ​ഗി​ക്കാ​വു​ന്ന​താ​ണ്. സം​സ്ഥാ​ന​ത്തി​ന്റെ ഏ​ത് ഭാ​ഗ​ത്തു​നി​ന്നും ഏ​തൊ​രാ​ളെ​യും വി​ളി​ച്ചു​വ​രു​ത്താ​നും അ​ന്വേ​ഷ​ണ വി​ഷ​യ​വു​മാ​യി ബ​ന്ധ​പ്പെ​ട്ട രേ​ഖ​ക​ൾ പി​ടി​ച്ചെ​ടു​ക്കാ​നും ക​മീ​ഷ​ന് അ​ധി​കാ​ര​മു​ണ്ട്. സ​ർ​ക്കാ​ർ ത​ല​ത്തി​ൽ ന്യൂ​ന​പ​ക്ഷ ജ​ന​വി​ഭാ​ഗ​ങ്ങ​ൾ​ക്ക് അ​വ​കാ​ശ​പ്പെ​ട്ട സ്കോ​ള​ർ​ഷി​പ്പു​ക​ളു​ടെ വി​ത​ര​ണം, സം​വ​ര​ണം ഇ​വ​യെ​ല്ലാം ക​മീ​ഷ​ൻ ജാ​ഗ്ര​ത​യോ​ടെ നി​രീ​ക്ഷ​ണ​വി​ധേ​യ​മാ​ക്കാ​റു​ണ്ട്.

ന്യൂ​ന​പ​ക്ഷാ​വ​കാ​ശം മൗ​ലി​കാ​വ​കാ​ശം

ഒ​ട്ട​ന​വ​ധി വി​വേ​ച​ന​ങ്ങ​ൾ​ക്കും മ​നു​ഷ്യാ​വ​കാ​ശ ലം​ഘ​ന​ങ്ങ​ൾ​ക്കും വി​ധേ​യ​രാ​ക​പ്പെ​ട്ട ച​രി​ത്ര​പ​ശ്ചാ​ത്ത​ലം പേ​റു​ന്ന​വ​രാ​ണ് ന്യൂ​ന​പ​ക്ഷ ജ​ന​വി​ഭാ​ഗ​ങ്ങ​ളു​ടെ അ​വ​കാ​ശ സം​ര​ക്ഷ​ണ​മെ​ന്ന​ത്​ ഭ​ര​ണ​ഘ​ട​ന വി​ഭാ​വ​നം ചെ​യ്യു​ന്ന മ​നു​ഷ്യാ​വ​കാ​ശ​ങ്ങ​ളു​ടെ സു​പ്ര​ധാ​ന ഘ​ട​ക​മാ​ണ്. കേ​ര​ള​ത്തി​ൽ ന്യൂ​ന​പ​ക്ഷ സ​മു​ദാ​യ​ങ്ങ​ളു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തി​നും പ്രോ​ത്സാ ഹി​പ്പി​ക്കു​ന്ന​തി​നു​മാ​യി സ​ർ​ക്കാ​ർ ത​ല​ത്തി​ൽ ന്യൂ​ന​പ​ക്ഷ ക്ഷേ​മ വ​കു​പ്പും ന്യൂ​ന​പ​ക്ഷ ഡ​യ​റ​ക്ട​റേ​റ്റും സം​സ്ഥാ​ന ന്യൂ​ന​പ​ക്ഷ ക​മീ​ഷ​നും ഉ​ൾ​പ്പെ​ടെ നി​ര​വ​ധി സം​വി​ധാ​ന​ങ്ങ​ൾ പ്ര​വ​ർ​ത്തി​ക്കു​ന്നു​ണ്ട്.

ഇ​ന്ത്യ​യി​ലെ ഇ​ത​ര സം​സ്ഥാ​ന​ങ്ങ​ളെ അ​പേ​ക്ഷി​ച്ച് കേ​ര​ള​ത്തി​ലെ ന്യൂ​ന​പ​ക്ഷ വി​ഭാ​ഗം മി​ക​ച്ച ജീ​വി​ത​നി​ല​വാ​ര​ത്തി​ലേ​ക്ക് ഉ​യ​ർ​ന്നി​ട്ടു​ണ്ടെ​ങ്കി​ലും ചി​ല മേ​ഖ​ല​ക​ളി​ൽ ഇ​പ്പോ​ഴും പി​ന്നാ​ക്കാ​വ​സ്ഥ നി​ല​നി​ൽ​ക്കു​ന്നു. രൂ​പ​വ​ത്കൃ​ത​മാ​യി ഒ​രു ദ​ശ​കം പി​ന്നി​ടു​മ്പോ​ഴും ബാ​ലാ​രി​ഷ്ട​ത​ക​ൾ പി​ന്തു​ട​രു​ന്ന ക​മീ​ഷ​ന്റെ പ്ര​വ​ർ​ത്ത​ന​ങ്ങ​ൾ​ക്ക് പു​ത്ത​നു​ണ​ർ​വ് ന​ൽ​കാ​നു​ള്ള പ​രി​ശ്ര​മ​ത്തി​ലാ​ണ് 2023 ആ​ഗ​സ്റ്റി​ൽ ചു​മ​ത​ല​യേ​റ്റ നാ​ലാ​മ​ത് ക​മീ​ഷ​ൻ. അ​തി​നാ​യി ഒ​ട്ട​ന​വ​ധി പ്ര​വ​ർ​ത്ത​ന​ങ്ങ​ളാ​ണ് ആ​വി​ഷ്ക​രി​ച്ച് ന​ട​പ്പാ​ക്കി​വ​രു​ന്ന​ത്.

അ​റി​യ​ണം അ​വ​കാ​ശ​ങ്ങ​ൾ

സി​വി​ൽ കോ​ട​തി​യു​ടെ അ​ധി​കാ​രാ​വ​കാ​ശ​ങ്ങ​ൾ നി​ക്ഷി​പ്‌​ത​മാ​യ ക​മീ​ഷ​നി​ൽ ന്യൂ​ന​പ​ക്ഷ വി​ഭാ​ഗ​ങ്ങ​ൾ​ക്ക് ഒ​രു ചെ​ല​വും കൂ​ടാ​തെ ഹ​ര​ജി​ക​ൾ സ​മ​ർ​പ്പി​ക്കാ​നും അ​തി​ലൂ​ടെ നീ​തി ല​ഭി​ക്കാ​നും ക​ഴി​യു​മെ​ന്ന​ത് പ്ര​സ്തു​ത ജ​ന​വി​ഭാ​ഗ​ങ്ങ​ളി​ല​ധി​കം പേ​ർ​ക്കും ഇ​ന്നും അ​ജ്ഞ​മാ​ണ്. ഇ​തു​സം​ബ​ന്ധി​ച്ച അ​റി​വ് പ​ക​രു​ക എ​ന്ന​തു​ൾ​പ്പെ​ടെ ക​മീ​ഷ​​ന്റെ പ്ര​വ​ർ​ത്ത​ന​ങ്ങ​ളെ ജ​ന​കീ​യ​വ​ത്ക​രി​ക്കു​ക എ​ന്ന ല​ക്ഷ്യ​ത്തോ​ടെ സം​സ്ഥാ​ന-​ജി​ല്ല കേ​ന്ദ്ര​ങ്ങ​ളി​ൽ പ്ര​ത്യേ​കം സെ​മി​നാ​റു​ക​ൾ സം​ഘ​ടി​പ്പി​ച്ചു​വ​രു​ക​യാ​ണ്.

ന്യൂ​ന​പ​ക്ഷ വി​ഭാ​ഗ​ങ്ങ​ളി​ലെ ല​ക്ഷം യു​വ​ജ​ന​ങ്ങ​ൾ​ക്ക് കേ​ര​ള നോ​ള​ജ് ഇ​ക്കോ​ണ​മി മി​ഷ​നു​മാ​യി ചേ​ർ​ന്ന് 2024 ഡി​സം​ബ​റി​നു​ള്ളി​ൽ തൊ​ഴി​ൽ ല​ഭ്യ​മാ​ക്കാ​നു​ള്ള പ്ര​വ​ർ​ത്ത​ന​ങ്ങ​ളും ന​ട​പ്പാ​ക്കി വ​രു​ന്നു. ഇ​തി​െൻറ മു​ന്നോ​ടി​യാ​യി ക​മീ​ഷ​നും കേ​ര​ള നോ​ള​ജ് ഇ​ക്കോ​ണ​മി മി​ഷ​നും ചേ​ർ​ന്ന്​ ന്യൂ​ന​പ​ക്ഷ വി​ഭാ​ഗ​ങ്ങ​ളി​ലെ യു​വ​ജ​ന​ങ്ങ​ൾ​ക്കാ​യി നൈ​പു​ണ്യ പ​രി​ശീ​ല​ന​വും വൈ​ജ്ഞാ​നി​ക തൊ​ഴി​ൽ പ​രി​ച​യ​വും സം​ബ​ന്ധി​ച്ച്​ പ്ര​ത്യേ​ക ബോ​ധ​വ​ത്ക​ര​ണം ന​ൽ​കി​വ​രു​ന്നു​ണ്ട്.

ബു​ദ്ധ, ജൈ​ന, പാ​ഴ്‌​സി, സി​ഖ് വി​ഭാ​ഗ​ങ്ങ​ൾ​ക്കാ​യി സം​ഘ​ടി​പ്പി​ച്ച സെ​മി​നാ​ർ, സം​സ്ഥാ​ന ച​രി​ത്ര​ത്തി​ൽ​ത​ന്നെ സൂ​ക്ഷ്‌​മ ന്യൂ​ന​പ​ക്ഷ വി​ഭാ​ഗ​ങ്ങ​ളു​ടെ ആ​ദ്യ​ത്തെ കൂ​ട്ടാ​യ്‌​മ​യാ​യി. സൂ​ക്ഷ്‌​മ ന്യൂ​ന​പ​ക്ഷ​ങ്ങ​ളി​ലെ ബു​ദ്ധ, ജൈ​ന വി​ഭാ​ഗ​ങ്ങ​ളാ​ണ് സം​സ്ഥാ​ന​ത്ത് കൂ​ടു​ത​ലാ​യു​ള്ള​ത്. പാ​ഴ്സ‌ി, സി​ഖ് വി​ഭാ​ഗ​ങ്ങ​ൾ നാ​മ​മാ​ത്ര​വും. ഈ ​വി​ഭാ​ഗ​ങ്ങ​ളു​ടെ വി​വ​ര​ശേ​ഖ​ര​ണ​മെ​ന്ന പ്രാ​ഥ​മി​ക ചു​വ​ടു​വെ​പ്പി​ലേ​ക്ക് ക​മീ​ഷ​ൻ ക​ട​ക്കു​ക​യാ​ണ്. അ​വ​രു​ടെ ജീ​വി​ത​നി​ല​വാ​രം, വി​ദ്യാ​ഭ്യാ​സ പ​ശ്ചാ​ത്ത​ലം, സാ​മൂ​ഹി​ക നി​ല​വാ​രം എ​ന്നി​വ സം​ബ​ന്ധി​ച്ച പ​ഠ​നം ന​ട​ത്തി ജൂ​ൺ മാ​സ​ത്തി​നു​ള്ളി​ൽ റി​പ്പോ​ർ​ട്ട് സ​മ​ർ​പ്പി​ക്കാ​ൻ കേ​ര​ള മീ​ഡി​യ അ​ക്കാ​ദ​മി​യു​മാ​യി ധാ​ര​ണാ​പ​ത്രം ഒ​പ്പി​ട്ടി​ട്ടു​ണ്ട്.

കേ​ര​ള​ത്തി​ന്റെ തീ​ര​ദേ​ശ മേ​ഖ​ല​യി​ൽ അ​ധി​വ​സി​ക്കു​ന്ന ആ​യി​ര​ക്ക​ണ​ക്കി​ന് മ​ത്സ്യ​ബ​ന്ധ​ന തൊ​ഴി​ലാ​ളി​ക​ളെ ക​ട​ലി​ൽ വെ​ച്ചു​ണ്ടാ​കു​ന്ന അ​പ​ക​ട​ങ്ങ​ളി​ൽ സ്വീ​ക​രി​ക്കേ​ണ്ട ജീ​വ​ൻ​ര​ക്ഷാ മാ​ർ​ഗ​ങ്ങ​ളെ​യും മു​ൻ​ക​രു​ത​ലു​ക​ളെ​യും സം​ബ​ന്ധി​ച്ച് ബോ​ധ​വ​ത്ക​രി​ക്കു​ന്ന​തി​നും പ​രി​ശീ​ല​നം ന​ൽ​കു​ന്ന​തി​നു​മാ​യി വി​പു​ല​മാ​യ പ​രി​പാ​ടി​ക​ളും ക​മീ​ഷ​ൻ ല​ക്ഷ്യ​മി​ടു​ന്നു​ണ്ട്. അ​ര​ക്ഷി​ത​ബോ​ധം പേ​റി ജീ​വി​ക്കാ​ൻ വി​ധി​ക്ക​പ്പെ​ട്ട ന്യൂ​ന​പ​ക്ഷ​ത്തി​ലെ മ​ഹാ ഭൂ​രി​പ​ക്ഷം​വ​രു​ന്ന ജ​ന​സ​മൂ​ഹ​ത്തി​​ന്റെ ഉ​ന്ന​മ​ന​ത്തി​നും അ​വ​കാ ശ​സം​ര​ക്ഷ​ണ​ത്തി​നും ജാ​ഗ്ര​ത്താ​യു​ള്ള പ്ര​വ​ർ​ത്ത​ന​ങ്ങ​ളാ​ണ് അ​നി​വാ​ര്യം. മ​ര​ണ​ത്തി​നും ജീ​വി​ത​ത്തി​നു​മി​ട​യി​ൽ നി​ശ്ച​ല​മാ​ക്ക​പ്പെ​ട്ട് ജീ​വി​ക്കാ​ൻ വി​ധി​ക്ക​പ്പെ​ട്ട​വ​ര​ല്ല, എ​ല്ലാ മൗ​ലി​കാ​വ​കാ​ശ​ങ്ങ​ളോ​ടും കൂ​ടി വ​ർ​ണ, വ​ർ​ഗ, വം​ശ വ്യ​ത്യാ​സ​ങ്ങ​ളേ​തു​മി​ല്ലാ​തെ, മു​ഖ്യ​ധാ​ര​യി​ലേ​ക്കു​യ​ർ​ത്ത​പ്പെ​ടേ​ണ്ട​വ​രാ​ണ് ഏ​വ​രു​മെ​ന്ന പൊ​തു​ബോ​ധം സൃ​ഷ്ടി​ക്കാ​ൻ ഈ ​വാ​ർ​ഷി​ക​ദി​നം ഊ​ർ​ജം പ​ക​ര​ട്ടെ എ​ന്ന് ന​മു​ക്ക് പ്ര​ത്യാ​ശി​ക്കാം.