പ്ര​ഹ​സ​ന​മാ​യി ‘സ്വീ​പ്’​ പ​ദ്ധ​തി

ആ​ല​പ്പു​ഴ: തെ​ര​ഞ്ഞെ​ടു​പ്പി​ൽ വോ​ട്ട​ർ​മാ​രു​ടെ പ​ങ്കാ​ളി​ത്തം വ​ർ​ധി​പ്പി​ക്കു​ന്ന​തി​നും പോ​ളി​ങ്​ ശ​ത​മാ​നം മെ​ച്ച​പ്പെ​ടു​ത്തു​ന്ന​തി​നു​മാ​യി തെ​ര​ഞ്ഞെ​ടു​പ്പ്​ ക​മീ​ഷ​ൻ ആ​രം​ഭി​ച്ച സി​സ്റ്റ​മാ​റ്റി​ക് വോ​ട്ടേ​ഴ്‌​സ് എ​ജു​ക്കേ​ഷ​ൻ ആ​ൻ​ഡ് ഇ​ല​ക്ട​റ​ൽ പാ​ർ​ട്ടി​സി​പ്പേ​ഷ​ൻ പ്രോ​ഗ്രാം (സ്വീ​പ്) സം​സ്ഥാ​ന​ത്ത്​ പ്ര​ഹ​സ​ന​മാ​കു​ന്നു.

ഏ​ത്​ മേ​ഖ​ല​യി​ലു​ള്ള വോ​ട്ട​ർ​മാ​രാ​ണ്​ വോ​ട്ടെ​ടു​പ്പി​നോ​ട്​ വി​മു​ഖ​ത കാ​ട്ടു​ന്ന​ത്​ എ​ന്ന്​ പ​ഠി​ക്കാ​തെ​യാ​ണ്​ വോ​ട്ട​ർ​മാ​രെ പ്രോ​ത്സാ​ഹി​പ്പി​ക്കു​ന്ന​തി​നു​ള്ള പ​രി​പാ​ടി സം​ഘ​ടി​പ്പി​ക്കു​ന്ന​ത്. ഇ​തി​നാ​യി സം​സ്ഥാ​ന​ത്ത്​ ല​ക്ഷ​ക്ക​ണ​ക്കി​ന്​ രൂ​പ​ ചെ​ല​വ​ഴി​ക്കു​ന്നു​മു​ണ്ട്​.

വോ​ട്ട​ർ​മാ​രെ ത​യാ​റാ​ക്കു​ന്ന​തി​നും തെ​ര​ഞ്ഞെ​ടു​പ്പ് പ്ര​ക്രി​യ​യു​മാ​യി ബ​ന്ധ​പ്പെ​ട്ട അ​ടി​സ്ഥാ​ന അ​റി​വ് പ​ക​രു​ന്ന​തി​നു​മാ​യി 2009ലാ​ണ്​ സ്വീ​പ്​​ പ​ദ്ധ​തി തു​ട​ങ്ങി​യ​ത്. ഇ​ത്ര​കാ​ലം പ്ര​വ​ർ​ത്തി​ച്ചി​ട്ടും സം​സ്ഥാ​ന​ത്ത്​ വോ​ട്ടി​ങ്​ ശ​ത​മാ​നം ഉ​യ​ർ​ത്താ​ൻ പ​ദ്ധ​തി​കൊ​ണ്ട്​ ക​ഴി​ഞ്ഞ​ത്​ സം​ബ​ന്ധി​ച്ചും പ​ഠ​ന​ങ്ങ​ളി​ല്ല.

പു​തി​യ വോ​ട്ട​ർ​മാ​രെ ആ​ക​ർ​ഷി​ക്കു​ന്ന​തി​നു​ള്ള പ​രി​പാ​ടി​ക​ളാ​ണ്​ സ്വീ​പ്പി​ന്‍റെ ഭാ​ഗ​മാ​യി സം​ഘ​ടി​പ്പി​ക്കു​ന്ന​ത്. വോ​ട്ടി​ടാ​ൻ എ​ത്താ​ത്ത​ത്​ പു​തി​യ വോ​ട്ട​ർ​മാ​രാ​ണോ എ​ന്ന്​ സം​ഘാ​ട​ക​ർ​ക്ക​റി​യി​ല്ല. എ​ന്നി​ട്ടും ക​ലാ​ല​യ​ങ്ങ​ൾ കേ​ന്ദ്രീ​ക​രി​ച്ചാ​ണ്​ പ​രി​പാ​ടി​ക​ൾ സം​ഘ​ടി​പ്പി​ക്കു​ന്ന​ത്. വോ​ട്ടെ​ടു​പ്പി​ൽ പ​​ങ്കെ​ടു​ക്കാ​തി​രി​ക്കു​ന്ന​വ​രി​ൽ കൂ​ടു​ത​ലും പ്രാ​യ​മാ​യ​വ​രും ഉ​യ​ർ​ന്ന മ​ധ്യ​വ​ർ​ഗ​ത്തി​ൽ​പെ​ട്ട​വ​രു​മാ​ണെ​ന്നാ​ണ്​ രാ​ഷ്ട്രീ​യ പാ​ർ​ട്ടി​ക​ളു​ടെ സ്ക്വാ​ഡ്​ പ്ര​വ​ർ​ത്ത​ന​ങ്ങ​ളു​മാ​യി ഇ​റ​ങ്ങു​ന്ന പ്ര​വ​ർ​ത്ത​ക​ർ പ​റ​യു​ന്ന​ത്.

പു​തി​യ വോ​ട്ട​ർ​മാ​ർ ഭൂ​രി​ഭാ​ഗ​വും വോ​ട്ട്​ ചെ​യ്യു​ന്നു​ണ്ടെ​ന്നും അ​വ​ർ​ക്ക്​ അ​ത്​ കൗ​തു​കം നി​റ​ഞ്ഞ അ​നു​ഭ​വ​മാ​ണ്​ പ​ക​രു​ന്ന​തെ​ന്നും പാ​ർ​ട്ടി പ്ര​വ​ർ​ത്ത​ക​ർ പ​റ​യു​ന്നു. ഇ​തൊ​ന്നും ക​ണ​ക്കി​ലെ​ടു​ക്കാ​തെ​യാ​ണ്​ സ്വീ​പ്​ പ്ര​ചാ​ര​ണ പ​രി​പാ​ടി സം​ഘ​ടി​പ്പി​ക്കു​ന്ന​ത്. പ​ദ്ധ​തി​യു​ടെ പേ​രി​ൽ വെ​റു​തെ പ​ണം ചെ​ല​വ​ഴി​ക്കു​ന്ന​ത്​ ആ​രും ചോ​ദ്യം ചെ​യ്യു​ന്നു​മി​ല്ല.