തെ​റ്റി​ദ്ധ​രി​പ്പി​ക്ക​ലി​​ന്റെ രാ​ഷ്ട്രീ​യ സാ​മ്പ​ത്തി​കം

കേ​ന്ദ്രം ത​രേ​ണ്ട​തെ​ല്ലാം വെ​ട്ടി​ക്കു​റ​ച്ച​തു​മൂ​ലം ത​ന​ത് വ​രു​മാ​നം ക​ണ്ടെ​ത്തി​യാ​ണ​ല്ലോ കേ​ര​ളം മു​ന്നോ​ട്ടു​പോ​യ്ക്കൊ​ണ്ടി​രി​ക്കു​ന്ന​ത്. കേ​ര​ള​ത്തി​ന്റെ മു​ഖ്യ വ​രു​മാ​ന​മാ​ർ​ഗ​ങ്ങ​ൾ മ​ദ്യ​വും ഭാ​ഗ്യ​ക്കു​റി​യു​മാ​ണെ​ന്ന ഗ​വ​ർ​ണ​റു​ടെ പ്ര​സ്താ​വ​ന സം​സ്ഥാ​ന സ​ർ​ക്കാ​റി​ന് കു​റ​ച്ചൊ​ന്നു​മ​ല്ല അ​ലോ​സ​ര​മു​ണ്ടാ​ക്കി​യ​ത്. സം​ഗ​തി​യു​ടെ ഗൗ​ര​വം ഉ​ൾ​ക്കൊ​ണ്ട് മു​ൻ ധ​ന​മ​ന്ത്രി​യും ധ​ന​ശാ​സ്ത്ര​ജ്ഞ​നു​മാ​യ ഡോ. ​ തോ​മ​സ് ഐ​സ​ക് ഗോ​ദ​യി​ലി​റ​ങ്ങി

ഈ ​സ​ത്യാ​ന​ന്ത​ര കാ​ല​ത്ത് നേ​രേ​ത്, നു​ണ​യേ​ത് എ​ന്ന് തി​രി​ച്ച​റി​യ​ൽ ദു​ഷ്ക​ര​മാ​ണ്. താ​ൽ​ക്കാ​ലി​ക രാ​ഷ്ട്രീ​യ ലാ​ഭ​ത്തി​നാ​യി വ​സ്തു​ത​ക​ൾ​ക്കും സ്ഥി​തി​വി​വ​ര ക​ണ​ക്കു​ക​ൾ​ക്കും പു​തി​യ വ്യാ​ഖ്യാ​ന​ങ്ങ​ൾ ച​മ​ച്ച് ‘ക​ണ്ടു​ക​ണ്ട​ങ്ങി​രി​ക്കും ജ​ന​ങ്ങ​ളെ ക​ണ്ടി​ല്ലെ​ന്ന്’ വ​രു​ത്തു​ക​യാ​ണ് ചി​ല​ർ. കേ​ര​ള​ത്തി​​ന്റെ സാ​മ്പ​ത്തി​ക പ്ര​തി​സ​ന്ധി​യു​മാ​യി ബ​ന്ധ​പ്പെ​ട്ട് ന​ട​ന്നു​വ​രു​ന്ന ചി​ല വ്യാ​ഖ്യാ​ന​ങ്ങ​ളി​ലെ നെ​ല്ലും പ​തി​രും തി​രി​ക്കാ​ൻ ശ്ര​മി​ക്കു​ക​യാ​ണി​വി​ടെ.

കേ​ന്ദ്രം ത​രേ​ണ്ട​തെ​ല്ലാം വെ​ട്ടി​ക്കു​റ​ച്ച​തു​മൂ​ലം ത​ന​ത് വ​രു​മാ​നം ക​ണ്ടെ​ത്തി​യാ​ണ​ല്ലോ കേ​ര​ളം മു​ന്നോ​ട്ടു​പോ​യ്ക്കൊ​ണ്ടി​രി​ക്കു​ന്ന​ത്. കേ​ര​ള​ത്തി​ന്റെ മു​ഖ്യ വ​രു​മാ​ന​മാ​ർ​ഗ​ങ്ങ​ൾ മ​ദ്യ​വും ഭാ​ഗ്യ​ക്കു​റി​യു​മാ​ണെ​ന്ന ഗ​വ​ർ​ണ​റു​ടെ പ്ര​സ്താ​വ​ന സം​സ്ഥാ​ന സ​ർ​ക്കാ​റി​ന് കു​റ​ച്ചൊ​ന്നു​മ​ല്ല അ​ലോ​സ​ര​മു​ണ്ടാ​ക്കി​യ​ത്. സം​ഗ​തി​യു​ടെ ഗൗ​ര​വം ഉ​ൾ​ക്കൊ​ണ്ട് മു​ൻ ധ​ന​മ​ന്ത്രി​യും ധ​ന​ശാ​സ്ത്ര​ജ്ഞ​നു​മാ​യ ഡോ. ​തോ​മ​സ് ഐ​സ​ക് ഗോ​ദ​യി​ലി​റ​ങ്ങി.

അ​ദ്ദേ​ഹ​ത്തി​ന്റെ ക​ണ​ക്കു​പ്ര​കാ​രം കേ​ര​ള​ത്തി​​ന്റെ 2021-22ലെ ​മൊ​ത്തം വ​രു​മാ​ന​മാ​യ 1.16 ല​ക്ഷം കോ​ടി രൂ​പ​യി​ൽ ഭാ​ഗ്യ​ക്കു​റി​യി​ൽ നി​ന്നു​ള്ള വ​രു​മാ​നം വെ​റും 560 കോ​ടി മാ​ത്രം. ഇ​ത് സം​സ്ഥാ​ന​ത്തി​ന്റെ മൊ​ത്തം വ​രു​മാ​ന​ത്തി​ന്റെ ഒ​രു ശ​ത​മാ​നം​പോ​ലും വ​രി​ല്ല​ത്രേ.

ഭാ​ഗ്യ​ക്കു​റി വി​റ്റു​വ​ര​വാ​യി 7145 കോ​ടി രൂ​പ ട്ര​ഷ​റി​യി​ൽ എ​ത്തു​ന്നു​ണ്ടെ​ങ്കി​ലും അ​തി​​ന്റെ പ​കു​തി സ​മ്മാ​ന​മാ​യി പോ​കു​ന്നു. ബാ​ക്കി ക​മീ​ഷ​നും മ​റ്റു ചെ​ല​വു​ക​ളും ക​ഴി​ഞ്ഞ് സ​ർ​ക്കാ​റി​ന് കി​ട്ടു​ന്ന​ത് 560 കോ​ടി മാ​ത്രം! മ​ദ്യ​വും ഭാ​ഗ്യ​ക്കു​റി​യും കൂ​ടി എ​ടു​ത്താ​ൽ മൊ​ത്തം വ​രു​മാ​ന​ത്തി​ന്റെ 13 ശ​ത​മാ​നം മാ​ത്രം. ഇ​താ​ണോ മു​ഖ്യ വ​രു​മാ​നം? കേ​ൾ​ക്കു​മ്പോ​ൾ എ​ത്ര​യോ ശ​രി!

ഈ ‘​ശ​രി’ എ​ങ്ങ​നെ​യാ​ണ് നി​ർ​മി​ച്ചെ​ടു​ത്തി​ട്ടു​ള്ള​ത് എ​ന്നു​നോ​ക്കാം. ​ട്ര​ഷ​റി​യി​ൽ നി​കു​തി​യും നി​കു​തി​യി​ത​ര​വും ആ​യി​വ​രു​ന്ന​ത് വ​രു​മാ​നം ആ​യാ​ണ് സ​ർ​ക്കാ​ർ ക​ണ​ക്കു​ക​ളി​ൽ രേ​ഖ​പ്പെ​ടു​ത്ത​പ്പെ​ടു​ന്ന​ത്. റി​സ​ർ​വ് ബാ​ങ്ക് ഓ​ഫ് ഇ​ന്ത്യ​യും അ​ക്കൗ​ണ്ട​ന്റ് ജ​ന​റ​ലും ഇ​ന്ത്യ​യാ​ക​മാ​നം പി​ന്തു​ട​രു​ന്ന ഈ ​അ​ക്കൗ​ണ്ടി​ങ് രീ​തി​യി​ൽ സ​ർ​ക്കാ​ർ ചെ​ല​വു​ക​ൾ പ്ര​ത്യേ​ക​മാ​യാ​ണ് രേ​ഖ​പ്പെ​ടു​ത്തു​ന്ന​ത്.

എ​ന്നു​പ​റ​ഞ്ഞാ​ൽ, നി​കു​തി-​നി​കു​തി​യി​ത​ര വ​രു​മാ​നം സ​മാ​ഹ​രി​ക്കു​ന്ന​തി​​ന്റെ ചെ​ല​വ് പൊ​തു​ചെ​ല​വു​ക​ളു​ടെ ഭാ​ഗ​മാ​ണെ​ന്ന​ർ​ഥം. വേ​റൊ​രു ത​ര​ത്തി​ൽ പ​റ​ഞ്ഞാ​ൽ ഭാ​ഗ്യ​ക്കു​റി വ​രു​മാ​നം സ​മാ​ഹ​രി​ക്കു​ന്ന​തി​ൽ ഉ​ള​വാ​യി​ട്ടു​ള്ള ചെ​ല​വു​ക​ളാ​ണ് സ​മ്മാ​നം കൊ​ടു​പ്പും ക​മീ​ഷ​നു​മൊ​ക്കെ. ഡോ. ​ഐ​സ​ക്കി​ന്റെ യു​ക്തി എ​ല്ലാ നി​കു​തി-​നി​കു​തി​യി​ര സ്രോ​ത​സ്സു​ക​ളി​ലും പി​ന്തു​ട​ർ​ന്നാ​ൽ മൊ​ത്തം വ​രു​മാ​നം​ത​ന്നെ വ​ള​രെ കു​റ​ഞ്ഞു​പോ​കും എ​ന്ന് അ​ദ്ദേ​ഹ​ത്തി​ന് അ​റി​യാ​ത്ത​ത​ല്ല.

സ​ത്യ​ത്തി​ൽ ഭാ​ഗ്യ​ക്കു​റി വ​കു​പ്പി​ലെ ജീ​വ​ന​ക്കാ​രു​ടെ ശ​മ്പ​ള​വും പെ​ൻ​ഷ​നു​മ​ട​ക്ക​മു​ള്ള ചെ​ല​വു​ക​ൾ​കൂ​ടി ഭാ​ഗ്യ​ക്കു​റി​യു​ടെ വി​റ്റു​വ​ര​വി​ൽ​നി​ന്ന് കു​റി​ച്ചി​രു​ന്നെ​ങ്കി​ൽ ഭാ​ഗ്യ​ക്കു​റി ഒ​രു മ​ഹാ​ന​ഷ്ട​മാ​ണെ​ന്ന് അ​ദ്ദേ​ഹ​ത്തി​ന് തെ​ളി​യി​ക്കാ​മാ​യി​രു​ന്നു. ഭാ​ഗ്യ​ക്കു​റി ന​ട​ത്തി സ​ർ​ക്കാ​റി​ന് കി​ട്ടു​ന്ന ‘ലാ​ഭം’ അ​ല്ലേ ക​ണ​ക്കി​ലെ​ടു​ക്കേ​ണ്ട​ത് എ​ന്ന് ചോ​ദി​ച്ചേ​ക്കാം.

അ​തി​ൽ ഒ​രു തെ​റ്റു​മി​ല്ല. ഭാ​ഗ്യ​ക്കു​റി വ​കു​പ്പി​നെ സ​ർ​ക്കാ​ർ വ​കു​പ്പു​ക​ളി​ൽ​നി​ന്ന് വേ​ർ​പെ​ടു​ത്തി ഒ​രു പൊ​തു​മേ​ഖ​ല സ്ഥാ​പ​ന​മാ​ക്കി​മാ​റ്റി​യാ​ൽ മ​തി. അ​പ്പോ​ൾ സ​ർ​ക്കാ​റി​ന്റെ നി​കു​തി​യി​ത​ര വ​രു​മാ​ന​ക്ക​ണ​ക്കി​ൽ ‘ഡി​വി​ഡ​ന്റു​ക​ളും ലാ​ഭ​വും’ എ​ന്ന ത​ല​ക്കെ​ട്ടി​ലാ​വും അ​ത് രേ​ഖ​പ്പെ​ടു​ത്ത​പ്പെ​ടു​ക.

ത​ന​ത് വ​രു​മാ​ന​വും മൊ​ത്തം വ​രു​മാ​ന​വും

ഭ​ര​ണ​ഘ​ട​ന പ്ര​കാ​രം സം​സ്ഥാ​ന​ങ്ങ​ൾ​ക്ക് വി​ഭ​ജി​ച്ച് ന​ൽ​കി​യി​ട്ടു​ള്ള നി​കു​തി-​നി​കു​തി​യി​ത​ര വ​രു​മാ​ന സ്രോ​ത​സ്സു​ക​ളി​ൽ​നി​ന്നു​ള്ള വ​രു​മാ​ന​മാ​ണ് ത​ന​ത് വ​രു​മാ​നം. മൊ​ത്തം വ​രു​മാ​ന​മാ​ക​ട്ടെ, കേ​ന്ദ്രം പി​രി​ച്ചെ​ടു​ക്കു​ന്ന നി​കു​തി വ​രു​മാ​ന​ത്തി​ൽ​നി​ന്ന്​ സം​സ്ഥാ​ന​ങ്ങ​ൾ​ക്ക് കി​ട്ടു​ന്ന ഓ​ഹ​രി​യും കേ​ന്ദ്ര​ത്തി​ൽ​നി​ന്നു​ള്ള ഗ്രാ​ന്റു​ക​ളും ചേ​ർ​ന്ന​താ​ണ്.

ഡോ. ​ഐ​സ​ക് മ​ദ്യ​വും ഭാ​ഗ്യ​ക്കു​റി​യും മൊ​ത്ത​വ​രു​മാ​ന​ത്തി​ൽ എ​ത്ര ശ​ത​മാ​ന​മാ​ണ് സം​ഭാ​വ​ന ചെ​യ്യു​ന്ന​തെ​ന്ന് പ​റ​യു​ന്ന​തി​ന് ഗൂ​ഢ​ല​ക്ഷ്യ​മു​ണ്ട്. 2021-22ലെ ​മൊ​ത്തം വ​രു​മാ​ന​മാ​യ 1,16,000 കോ​ടി​യി​ൽ ത​ന​ത് വ​രു​മാ​നം 68,905.93 കോ​ടി​യാ​ണ്. അ​തി​ൽ മ​ദ്യ​ത്തി​ന്റെ 15,000 കോ​ടി രൂ​പ 21.77 ശ​ത​മാ​ന​മാ​ണ്. വാ​ദ​ത്തി​നു​വേ​ണ്ടി ഡോ. ​ഐ​സ​ക്കി​ന്റെ അ​ക്കൗ​ണ്ടി​ങ് രീ​തി പി​ന്തു​ട​ർ​ന്നാ​ൽ മ​ദ്യ​വും ഭാ​ഗ്യ​ക്കു​റി​യും കൂ​ടി 15,560 കോ​ടി സം​ഭാ​വ​ന ചെ​യ്യു​ന്നു.

ഇ​ത് ത​ന​ത് വ​രു​മാ​ന​ത്തി​ന്റെ ശ​ത​മാ​ന​മാ​യി എ​ടു​ത്താ​ൽ 22.58 ശ​ത​മാ​ന​മാ​ണ്. നി​ല​വി​ലെ അ​ക്കൗ​ണ്ടി​ങ് രീ​തി​യി​ലാ​ണെ​ങ്കി​ൽ മ​ദ്യ​ത്തി​​ന്റെ 15,000 കോ​ടി​യും ഭാ​ഗ്യ​ക്കു​റി​യു​ടെ 7145 കോ​ടി​യും ചേ​ർ​ന്ന് 22,145 കോ​ടി​യാ​ണ് വ​രു​മാ​നം. ഇ​ത് ത​ന​ത് വ​രു​മാ​ന​ത്തി​​ന്റെ 34.14 ശ​ത​മാ​നം വ​രും.

കേ​ന്ദ്ര​ത്തി​ൽ​നി​ന്നു​ള്ള നി​കു​തി ഓ​ഹ​രി​യും ഗ്രാ​ന്റു​മൊ​ക്കെ സം​സ്ഥാ​ന​ത്തി​ന് അ​വ​കാ​ശ​പ്പെ​ട്ട​താ​ണ​ല്ലോ. അ​തു​കൊ​ണ്ട് മൊ​ത്ത​വ​രു​മാ​ന​ത്തി​ൽ മ​ദ്യ​വും ഭാ​ഗ്യ​ക്കു​റി​യും എ​ത്ര സം​ഭാ​വ​ന ചെ​യ്യു​ന്നു​വെ​ന്ന് നോ​ക്കു​ന്ന​ത​ല്ലേ കൂ​ടു​ത​ൽ യു​ക്തി​സ​ഹം എ​ന്ന ചോ​ദ്യം വ​രാം. അ​ങ്ങ​നെ നോ​ക്കു​ന്ന​തി​ൽ തെ​റ്റൊ​ന്നു​മി​ല്ല.

പ​ക്ഷേ, സം​സ്ഥാ​ന​ത്തി​ന്റെ വി​ഭ​വ​സ​മാ​ഹ​ര​ണ​ത്തി​ലെ പ്ര​ക​ട​നം വ​സ്തു​നി​ഷ്ഠ​മാ​യി വി​ല​യി​രു​ത്താ​നും മ​റ്റു സം​സ്ഥാ​ന​ങ്ങ​ളു​മാ​യി താ​ര​ത​മ്യം ചെ​യ്യാ​നും ത​ന​ത് വ​രു​മാ​ന​ത്തി​ന്റെ ശ​ത​മാ​ന​മാ​യി ഓ​രോ വി​ഭ​വ​സ്രോ​ത​സ്സി​നെ​യും കാ​ണ​ണം. മാ​ത്ര​മ​ല്ല, സം​സ്ഥാ​നം സ​മാ​ഹ​രി​ക്കു​ന്ന വി​ഭ​വ​ങ്ങ​ളു​ടെ ഭാ​രം ഏ​ത് ജ​ന​വി​ഭാ​ഗ​ങ്ങ​ളു​ടെ മേ​ലാ​ണ് പ​തി​ക്കു​ന്ന​ത് എ​ന്ന​റി​യാ​നും ത​ന​ത് വ​രു​മാ​ന​മാ​ണ് പ​രി​ഗ​ണി​ക്കേ​ണ്ട​ത്. ഇ​ന്ന് ത​ന​ത് വ​രു​മാ​ന​ത്തി​ന്റെ 36 ശ​ത​മാ​ന​ത്തി​നു​മേ​ൽ സം​ഭാ​വ​ന ചെ​യ്യു​ന്ന​ത് മ​ദ്യ​വും ഭാ​ഗ്യ​ക്കു​റി​യു​മാ​ണ്.

1970-71ൽ ​ഇ​ത് വെ​റും 14.77 ശ​ത​മാ​നം മാ​ത്ര​മാ​യി​രു​ന്നു. ഇ​തി​ന്റെ വി​വ​ക്ഷ എ​ന്താ​ണ്? ‘കേ​ര​ള മോ​ഡ​ൽ’ മാ​ഹാ​ത്മ്യം വി​ള​മ്പു​മ്പോ​ഴും ന​മ്മു​ടെ മ​ധ്യ​വ​ർ​ഗ​വും സ​മ്പ​ന്ന​രും വി​ഭ​വ സ​മാ​ഹ​ര​ണ​ത്തി​ന്റെ ഭാ​രം ത​ങ്ങ​ളു​ടെ ചു​മ​ലു​ക​ളി​ൽ​നി​ന്നും ആ​രു​മ​റി​യാ​തെ പാ​വ​പ്പെ​ട്ട​വ​രു​ടെ​യും പു​റ​മ്പോ​ക്കി​ൽ കി​ട​ക്കു​ന്ന​വ​രു​ടെ​യും ചു​മ​ലു​ക​ളി​ലേ​ക്ക് എ​ടു​ത്തു​വെ​ക്കു​ക​യാ​യി​രു​ന്നു. ഈ ​സ​ത്യം മ​റ​ച്ചു​വെ​ക്കാ​ൻ എ​ന്തെ​ല്ലാം വ്യാ​ഖ്യാ​ന​ങ്ങ​ളും തെ​റ്റി​ദ്ധ​രി​പ്പി​ക്ക​ലു​ക​ളും!

മു​ഖ്യ​മ​ന്ത്രി​യു​ടെ വ​ക തെ​റ്റി​ദ്ധ​രി​പ്പി​ക്ക​ൽ

ന​മ്മു​ടെ മു​ഖ്യ​മ​ന്ത്രി ഒ​രു ധ​ന​ശാ​സ്ത്ര​ജ്ഞ​ൻ ഒ​ന്നു​മ​ല്ല; അ​ങ്ങ​നെ ഒ​രു അ​വ​കാ​ശ​വാ​ദ​വും അ​ദ്ദേ​ഹ​ത്തി​നി​ല്ല. ധ​ന​കാ​ര്യ​ത്തെ​ക്കു​റി​ച്ച് ത​നി​ക്ക് എ​ഴു​തി​ക്കി​ട്ടു​ന്ന​ത് പ​റ​യു​ക​യോ വാ​യി​ക്കു​ക​യോ മാ​ത്ര​മാ​ണ് അ​ദ്ദേ​ഹം ചെ​യ്യു​ന്ന​ത്. അ​ദ്ദേ​ഹം ന​ട​ത്തി​യ ഒ​രു പ്ര​സ്താ​വ​ന​യി​ൽ ‘മ​ദ്യ​ത്തി​ൽ​നി​ന്ന്​ കൂ​ടു​ത​ൽ വ​രു​മാ​നം കി​ട്ടു​ന്ന ആ​ദ്യ​ത്തെ പ​ത്ത് സം​സ്ഥാ​ന​ങ്ങ​ളി​ൽ കേ​ര​ള​മി​ല്ല’ എ​ന്നൊ​രു വാ​ക്യ​മു​ണ്ട്.

ഇ​ത് വ​സ്തു​താ​വി​രു​ദ്ധ​മാ​ണെ​ന്നും മു​ഖ്യ​മ​ന്ത്രി​യെ തെ​റ്റി​ദ്ധ​രി​പ്പി​ച്ച​വ​ർ​ക്കെ​തി​രെ ന​ട​പ​ടി​യെ​ടു​ക്ക​ണ​മെ​ന്നും ആ​വ​ശ്യ​പ്പെ​ട്ട്​ ഈ ​ലേ​ഖ​ക​ൻ ഒ​രു ഫേ​സ്ബു​ക്ക് പോ​സ്റ്റി​ട്ടു. ഫ​ലം ത​ഥൈ​വ. മ​ദ്യ​ത്തി​ൽ​നി​ന്ന് കേ​ര​ള​ത്തി​ന് മൂ​ന്നു​ത​രം വ​രു​മാ​ന​മാ​ണ് ഉ​ള്ള​ത്. മ​ദ്യോ​ൽ​പാ​ദ​ന​വു​മാ​യി ബ​ന്ധ​പ്പെ​ട്ട എ​ക്സൈ​സ് തീ​രു​വ, ഉ​പ​ഭോ​ഗ​വു​മാ​യി ബ​ന്ധ​പ്പെ​ട്ട വി​ൽ​പ​ന നി​കു​തി, ബി​വ​റേ​ജ​സ് കോ​ർ​പ​റേ​ഷ​ന്റെ ലാ​ഭ​വി​ഹി​തം എ​ന്നി​വ​യാ​ണ് അ​വ.

2022-23ൽ ​ഇ​തി​ൽ ആ​ദ്യ​ത്തേ​ത് ര​ണ്ടും യ​ഥാ​ക്ര​മം 2826 കോ​ടി​യും 14,843 കോ​ടി​യു​മാ​ണ്. ബെ​വ്കോ​യു​ടെ ലാ​ഭ​വി​ഹി​ത ക​ണ​ക്ക് ല​ഭ്യ​മ​ല്ല. എ​ങ്കി​ലും പ​ഴ​യ സ്ഥി​തി​വി​വ​ര​ക്ക​ണ​ക്കു​ക​ൾ വെ​ച്ച് നോ​ക്കു​ക​യാ​ണെ​ങ്കി​ൽ 100 കോ​ടി വ​ന്നേ​ക്കും. എ​ക്സൈ​സ് തീ​രു​വ​യു​ടെ അ​ഞ്ചി​ര​ട്ടി​യി​ൽ കൂ​ടു​ത​ലാ​ണ് വി​ൽ​പ​ന നി​കു​തി വ​രു​മാ​നം. എ​ക്സൈ​സ് തീ​രു​വ​യു​ടെ സം​സ്ഥാ​നം തി​രി​ച്ചു​ള്ള ക​ണ​ക്ക് റി​സ​ർ​വ് ബാ​ങ്ക് ഓ​ഫ് ഇ​ന്ത്യ​യു​ടെ പ്ര​സി​ദ്ധീ​ക​ര​ണ​ത്തി​ൽ ല​ഭ്യ​മാ​ണ്.

പ​ക്ഷേ, വി​ൽ​പ​ന നി​കു​തി​യു​ടെ കാ​ര്യ​ത്തി​ൽ മ​ദ്യ​ത്തി​ൽ​നി​ന്നും പെ​ട്രോ​ളി​യം ഉ​ൽ​പ​ന്ന​ങ്ങ​ളി​ൽ​നി​ന്നു​മു​ള്ള മൊ​ത്തം തു​ക​യാ​ണ് റി​സ​ർ​വ് ബാ​ങ്ക് പ്ര​സി​ദ്ധീ​ക​ര​ണ​ത്തി​ൽ ല​ഭ്യ​മാ​യി​ട്ടു​ള്ള​ത്; ഇ​നം തി​രി​ച്ച​ല്ല. കേ​ര​ള​ത്തി​ന്റെ കാ​ര്യ​ത്തി​ൽ ച​ര​ക്ക് സേ​വ​ന നി​കു​തി വ​കു​പ്പി​ൽ വി​വ​രാ​വ​കാ​ശ നി​യ​മം​വ​ഴി അ​പേ​ക്ഷി​ച്ചാ​ൽ ഈ ​ക​ണ​ക്ക് ല​ഭ്യ​മാ​ണ്.

എ​ക്സൈ​സ് തീ​രു​വ​യു​ടെ സം​സ്ഥാ​നാ​ടി​സ്ഥാ​ന​ത്തി​ലു​ള്ള തു​ക ഓ​രോ സം​സ്ഥാ​ന​ത്തി​​ന്റെ​യും മൊ​ത്തം വ​രു​മാ​ന​ത്തി​ന്റെ ശ​ത​മാ​ന​മാ​യി ക​ണ്ട് ഒ​രു ഭൂ​പ​ടം അ​ടു​ത്ത​കാ​ല​ത്ത് സ​മൂ​ഹ മാ​ധ്യ​മ​ങ്ങ​ളി​ൽ വ്യാ​പ​ക​മാ​യി പ്ര​ച​രി​ക്കു​ന്നു​ണ്ട്. അ​തു​പ്ര​കാ​രം കേ​ര​ള​ത്തി​ന്റെ മ​ദ്യ​ത്തി​ൽ​നി​ന്നു​ള്ള വ​രു​മാ​നം വെ​റും 3.7 ശ​ത​മാ​നം മാ​ത്രം. ആ​ദ്യ​ത്തെ 15 സം​സ്ഥാ​ന​ങ്ങ​ളി​ൽ​പോ​ലും കേ​ര​ളം വ​രി​ല്ല. ന​മ്മു​ടെ മു​ഖ്യ​മ​ന്ത്രി എ​ത്ര​യോ ശ​രി!.

പ്ലാ​നി​ങ് ബോ​ർ​ഡ് അം​ഗ​ത്തി​​ന്റെ ക​ണ​ക്ക്​

2020-21ൽ ​മ​ദ്യ​വും ഭാ​ഗ്യ​ക്കു​റി​യും കൂ​ടി മൊ​ത്ത​വ​രു​മാ​ന​ത്തി​ന്റെ 13 ശ​ത​മാ​നം മാ​ത്ര​മേ സം​ഭാ​വ​ന ചെ​യ്യു​ന്നു​ള്ളൂ​വെ​ന്നാ​ണ് ഡോ. ​ഐ​സ​ക്കി​ന്റെ ക​ണ​ക്ക്. സം​സ്ഥാ​ന പ്ലാ​നി​ങ് ബോ​ർ​ഡ് അം​ഗം ഡോ. ​രാം കു​മാ​റി​ന്റെ ക​ണ​ക്കു​പ്ര​കാ​രം 2022-23ൽ ​ഇ​ത് 12 ശ​ത​മാ​ന​ത്തി​ന് താ​ഴെ​യാ​യി കു​റ​ഞ്ഞു.

ഇ​ങ്ങ​നെ ‘കു​റ​ക്കാ​ൻ’ അ​ദ്ദേ​ഹം മൊ​ത്തം വ​രു​മാ​ന​മാ​യ 1,29,269 കോ​ടി​യോ​ട് സം​സ്ഥാ​ന​ത്തി​ന്റെ അ​നു​വ​ദ​നീ​യ വാ​യ്പ​യാ​യ 36,763 കോ​ടി​യും കൂ​ടെ​ക്കൂ​ട്ടി മൊ​ത്തം വ​രു​മാ​ന​ത്തെ വീ​ർ​പ്പി​ച്ചെ​ടു​ത്തു. മ​ദ്യ​വും ഭാ​ഗ്യ​ക്കു​റി​യും കൂ​ടി 18,737 കോ​ടി. ഇ​ത് മൊ​ത്ത​വ​രു​മാ​ന​മാ​യ 1,66,032 കോ​ടി​യു​ടെ വെ​റും 11.29 ശ​ത​മാ​നം മാ​ത്രം!.

നി​യ​മ​സ​ഭ​യെ​യും തെ​റ്റി​ദ്ധ​രി​പ്പി​ക്കു​ന്നു

ജ​നു​വ​രി 25ാം തീ​യ​തി ഗ​വ​ർ​ണ​ർ നി​യ​മ​സ​ഭ​യി​ൽ വാ​യി​ച്ച ന​യ​പ്ര​ഖ്യാ​പ​ന പ്ര​സം​ഗ​ത്തി​ന്റെ 13ാം പേ​ജി​ൽ ഇ​ങ്ങ​നെ​യൊ​രു വാ​ച​ക​മു​ണ്ട്: ‘കേ​ര​ള​ത്തി​ന് മ​ദ്യ​ത്തി​ൽ​നി​ന്ന് ല​ഭി​ക്കു​ന്ന ത​ന​ത് നി​കു​തി​വ​രു​മാ​നം (3.7 ശ​ത​മാ​നം) മ​റ്റു സം​സ്ഥാ​ന​ങ്ങ​ളേ​ക്കാ​ൾ ഏ​റ്റ​വും കു​റ​ഞ്ഞ നി​ര​ക്കും മ​റ്റു സം​സ്ഥാ​ന​ങ്ങ​ളു​മാ​യി താ​ര​ത​മ്യം ചെ​യ്യു​മ്പോ​ൾ അ​വി​ടെ വ​ള​രെ ഉ​യ​ർ​ന്ന നി​ര​ക്കാ​യ 22 ശ​ത​മാ​നം ആ​ണെ​ന്ന​ത് ഈ ​സാ​ഹ​ച​ര്യ​ത്തി​ൽ ശ്ര​ദ്ധേ​യ​മാ​ണ്.’ താ​ൻ പ​റ​ഞ്ഞ​ത് തി​രു​ത്തി​പ്പ​റ​യി​ക്കാ​ൻ ന​ട​ത്തി​യ ശ്ര​മം തി​രി​ച്ച​റി​ഞ്ഞാ​ണ് ഗ​വ​ർ​ണ​ർ ഒ​ന്ന​ര മി​നി​റ്റു​കൊ​ണ്ട് ന​യ​പ്ര​ഖ്യാ​പ​ന പ്ര​സം​ഗം അ​വ​സാ​നി​പ്പി​ച്ച​ത് എ​ന്ന് സം​ശ​യി​ക്ക​ണം.

(ലേ​ഖ​ക​ൻ തി​രു​വ​ന​ന്ത​പു​രം ഗു​ലാ​ത്തി ഇ​ൻ​സ്റ്റി​റ്റ്യൂ​ട്ട് ഓ​ഫ് ഫി​നാ​ൻ​സ് ആ​ൻ​ഡ് ടാ​ക്സേ​ഷ​നി​ലെ മു​ൻ ഫാ​ക്ക​ൽ​റ്റി അം​ഗ​മാ​ണ്)