ദു​ര​ന്ത​ത്തേ​ക്കാ​ൾ ഭീ​ക​രം ഈ ​ജ​പ്തി ഭീ​ഷ​ണി

ദു​ര​ന്ത​മു​ണ്ടാ​യാ​ലു​ട​ൻ വാ​ഗ്ദാ​ന​ങ്ങ​ളു​ടെ പെ​രു​മ​ഴ പെ​യ്യി​ക്കു​ന്ന സ​ർ​ക്കാ​ർ കാ​റ്റും കോ​ളു​മ​ട​ങ്ങു​മ്പോ​ൾ പ​റ​ഞ്ഞ വാ​ക്കു​ക​ളൊ​ക്കെ മ​റ​ക്കും. ദു​ര​ന്ത ഇ​ര​ക​ൾ തെ​രു​വി​ൽ അ​ല​യേ​ണ്ടി​വ​രും. ക​വ​ള​പ്പാ​റ ഉ​രു​ൾ​ദു​ര​ന്ത​ത്തി​ൽ സ​ർ​വ​തും ന​ഷ്ട​പ്പെ​ട്ട ക​ർ​ഷ​ക​രു​ടെ അ​വ​സ്ഥ ഇ​തി​ന്റെ കൃ​ത്യ​മാ​യ തെ​ളി​വാ​ണ്. ദു​ര​ന്ത​ത്തി​ൽ 35 ഏ​ക്ക​ർ കൃ​ഷി​ഭൂ​മി ന​ശി​ച്ച​തോ​ടെ നൂ​റോ​ളം ക​ർ​ഷ​ക​രാ​ണ് വ​ഴി​യാ​ധാ​ര​മാ​യ​ത്. ഇ​തി​ൽ ഭൂ​മി​യും കൃ​ഷി​യും ന​ഷ്ട​പ്പെ​ട്ട പ​ത്തോ​ളം ക​ർ​ഷ​ക​ർ കാ​ന​റ ബാ​ങ്ക്, ഗ്രാ​മീ​ൺ ബാ​ങ്ക്, സ​ഹ​ക​ര​ണ ബാ​ങ്ക് എ​ന്നി​വി​ട​ങ്ങ​ളി​ൽ നി​ന്നെ​ടു​ത്ത വാ​യ്പ തി​രി​ച്ച​ട​ച്ചി​ല്ലെ​ന്ന​തി​ന്റെ പേ​രി​ൽ ദു​ര​ന്തം ന​ട​ന്ന് അ​ഞ്ച് വ​ർ​ഷം പി​ന്നി​ടു​മ്പോ​ഴും ജ​പ്തി ഭീ​ഷ​ണി​യി​ലാ​ണ് ജീ​വി​ക്കു​ന്ന​ത്. ആ​ദ്യം വീ​ട് ന​ഷ്ട​പ്പെ​ട്ട​വ​രു​ടെ കാ​ര്യം പ​രി​ഹ​രി​ക്ക​ട്ടെ എ​ന്നാ​യി​രു​ന്നു തു​ട​ക്ക​ത്തി​ൽ സ​ർ​ക്കാ​ർ പ​റ​ഞ്ഞ​ത്. അ​വ​രു​ടെ പു​ന​ര​ധി​വാ​സം ന​ട​പ്പാ​ക്കാ​ൻ​പോ​ലും നി​യ​മ​പോ​രാ​ട്ടം വേ​ണ്ടി​വ​ന്നു.

മ​റു​പ​ടി​യി​ല്ലാ​ത്ത നി​വേ​ദ​ന​ങ്ങ​ൾ

ക​വ​ള​പ്പാ​റ ദു​ര​ന്ത​ത്തി​ൽ ജ​പ്തി ഭീ​ഷ​ണി നേ​രി​ടു​ന്ന മാ​ങ്കു​ന്ന​ൻ കു​ഞ്ഞി​മോ​നും മ​ജീ​ദും ക​ർ​ഷ​ക​രു​ടെ പ്ര​ശ്ന​ങ്ങ​ൾ പ​രി​ഹ​രി​ച്ചു കി​ട്ടാ​ൻ വി​ശ്ര​മ​മി​ല്ലാ​ത്ത ഓ​ട്ട​ത്തി​ലാ​ണ്. മു​ഖ്യ​മ​ന്ത്രി, റ​വ​ന്യൂ മ​ന്ത്രി, ക​ല​ക്ട​ർ എ​ന്നി​വ​രെ നേ​രി​ൽ ക​ണ്ടും അ​ദാ​ല​ത്തു​ക​ളി​ലു​മെ​ല്ലാം പ​ല​ത​രം നി​വേ​ദ​ന​ങ്ങ​ൾ ന​ൽ​കി. ഒ​ന്നി​നു​പോ​ലും മ​റു​പ​ടി ല​ഭി​ച്ചി​ല്ലെ​ന്ന് കു​ഞ്ഞി​മോ​നും മ​ജീ​ദും പ​റ​യു​ന്നു. 400 റ​ബ​ർ മ​ര​ങ്ങ​ളും ഒ​രേ​ക്ക​ർ ക​ശു​മാ​വു​മു​ൾ​പ്പെ​ടെ മൂ​ന്ന​ര ഏ​ക്ക​ർ കൃ​ഷി​ഭൂ​മി ന​ഷ്ട​പ്പെ​ട്ട കു​ഞ്ഞു​മോ​ൻ ക​ന​റ ബാ​ങ്കി​ൽ​നി​ന്ന് പ​ത്ത് ല​ക്ഷം രൂ​പ​യാ​ണ് ലോ​ണെ​ടു​ത്തി​രു​ന്ന​ത്.

ഉ​രു​ളെ​ടു​ത്തു​പോ​യ കൃ​ഷി​യു​ടെ ലോ​ൺ അ​ട​ക്ക​ണ​മെ​ന്നാ​വ​ശ്യ​പ്പെ​ട്ട് ഇ​പ്പോ​ഴും നി​ര​ന്ത​രം നോ​ട്ടീ​സും ഫോ​ൺ വി​ളി​യും വ​രാ​റു​ണ്ടെ​ന്ന് കു​ഞ്ഞി​മോ​ൻ പ​റ​യു​ന്നു. 2.65 ഏ​ക്ക​ർ ഭൂ​മി​യി​ലെ കൃ​ഷി​യാ​ണ് മ​ജീ​ദി​ന് ന​ഷ്ട​മാ​യ​ത്. 11 ല​ക്ഷം രൂ​പ​യാ​ണ് ബാ​ങ്കി​ന് ബാ​ധ്യ​ത​യു​ള്ള​ത്. വേ​ലാ​യു​ധ​ൻ ഒ​ട്ടു​പാ​റ, ഷം​സു​ദ്ദീ​ൻ, ബാ​ബു, ക​രു​ണാ​ക​ര​ൻ, വി​നോ​യ് തു​ട​ങ്ങി പ​ത്ത് പേ​രാ​ണ് ജ​പ്തി ഭീ​ഷ​ണി നേ​രി​ടു​ന്ന ക​ർ​ഷ​ക​ർ. ഇ​വ​ർ​ക്കാ​യി രം​ഗ​ത്ത് വ​രാ​ൻ ഒ​രു രാ​ഷ്ട്രീ​യ​പാ​ർ​ട്ടി​ക്കും താ​ൽ​പ​ര്യ​മി​ല്ല. ദു​രി​ത​ബാ​ധി​ത​ർ പ​ല​യി​ട​ങ്ങ​ളി​ലേ​ക്ക് പ​റി​ച്ചു​ന​ട​പ്പെ​ട്ട​തി​നാ​ൽ ക​വ​ള​പ്പാ​റ​യി​ൽ​നി​ന്ന് ഇ​നി കാ​ര്യ​മാ​യി വോ​ട്ടു​ക​ൾ കി​ട്ടാ​നി​ല്ലെ​ന്ന​തു​ത​ന്നെ കാ​ര​ണം. ബാ​ധ്യ​ത തീ​ർ​ക്കാ​ൻ സ​ർ​ക്കാ​ർ ന​ട​പ​ടി​യെ​ടു​ത്തി​ല്ലെ​ങ്കി​ൽ ജ​പ്തി ന​ട​പ​ടി​ക​ളു​മാ​യി മു​ന്നോ​ട്ടു പോ​വു​മെ​ന്നാ​ണ് ബാ​ങ്കു​ക​ൾ ക​ർ​ഷ​ക​ർ​ക്ക് ന​ൽ​കു​ന്ന സൂ​ച​ന. ദു​ര​ന്തം ന​ൽ​കി​യ മാ​ന​സി​കാ​ഘാ​തം വി​ട്ടു​മാ​റാ​ത്ത​പ്പോ​ഴും ക​വ​ള​പ്പാ​റ​ക്കാ​രു​ടെ ത​ല​യി​ൽ ജ​പ്തി​യു​ടെ വാ​ൾ തൂ​ങ്ങി​യാ​ടു​ക​യാ​ണ്.

എ​വി​ടെ ഹൈ​കോ​ട​തി നി​ർ​ദേ​ശി​ച്ച വി​ദ​ഗ്ധ സ​മി​തി?

ന​ഷ്‌​ട​പ്പെ​ട്ട ഭൂ​മി​ക്ക് പ​ക​രം ഭൂ​മി, അ​ല്ലെ​ങ്കി​ൽ ന​ഷ്ട​പ​രി​ഹാ​രം, അ​തു​മ​ല്ലെ​ങ്കി​ൽ കു​ത്തി​യൊ​ലി​ച്ചു​പോ​യ ഭൂ​മി കൃ​ഷി യോ​ഗ്യ​മാ​ക്ക​ൽ... ഇ​താ​യി​രു​ന്നു ക​വ​ള​പ്പാ​റ​യി​ലെ നി​രാ​ലം​ബ​രാ​യ ക​ർ​ഷ​ക​ർ ബ​ഹു​മാ​ന​പ്പെ​ട്ട കേ​ര​ള ഹൈ​കോ​ട​തി​യി​ൽ ആ​വ​ശ്യ​പ്പെ​ട്ട​ത്. ഇ​ര​ക​ളെ​യും സ​ർ​ക്കാ​റി​നെ​യും വി​ശ​ദ​മാ​യി കേ​ട്ട​ശേ​ഷം ജ​സ്റ്റി​സ് ദേ​വ​ൻ രാ​മ​ച​ന്ദ്ര​ൻ ന​ൽ​കി​യ ഉ​ത്ത​ര​വി​ൽ ര​ണ്ട് കാ​ര്യ​ങ്ങ​ൾ നി​ർ​ദേ​ശി​ച്ചു. 1) ര​ണ്ട് മാ​സ​ത്തി​ന​കം റ​വ​ന്യൂ പ്രി​ൻ​സി​പ്പ​ൽ സെ​ക്ര​ട്ട​റി​യു​ടെ അ​ധ്യ​ക്ഷ​ത​യി​ൽ ജി​യോ​ള​ജി, ഹൈ​ഡ്രോ​ള​ജി, കൃ​ഷി, ദു​ര​ന്ത​നി​വാ​ര​ണം എ​ന്നീ വ​കു​പ്പു​ക​ളു​ടെ പ്ര​തി​നി​ധി​ക​ൾ ഉ​ൾ​പ്പെ​ട്ട വി​ദ​ഗ്ധ സം​ഘം രൂ​പ​വ​ത്ക​രി​ക്ക​ണം. 2) ക​ർ​ഷ​ക​രെ ഓ​രോ​രു​ത്ത​രെ​യും കേ​ട്ട​ശേ​ഷം സ​ർ​ക്കാ​റി​ന് റി​പ്പോ​ർ​ട്ട് സ​മ​ർ​പ്പി​ക്ക​ണം. ഈ ​റി​പ്പോ​ർ​ട്ടി​ന്മേ​ൽ സ​ർ​ക്കാ​ർ മൂ​ന്ന് മാ​സ​ത്തി​ന​കം ന​ട​പ​ടി സ്വീ​ക​രി​ക്ക​ണം. 2024 ഫെ​ബ്രു​വ​രി​യി​ലാ​യി​രു​ന്നു ഈ ​ഉ​ത്ത​ര​വ്. ഇ​തു​വ​രെ ഈ ​വി​ഷ​യ​ങ്ങ​ളി​ൽ ഒ​രു ന​ട​പ​ടി​യു​മു​ണ്ടാ​യി​ട്ടി​ല്ലെ​ന്ന് ക​ർ​ഷ​ക​ർ ചൂ​ണ്ടി​ക്കാ​ട്ടു​ന്നു.

അ​മ്പൂ​രി​യു​ടെ സ്നേ​ഹ​ഗാ​ഥ

തി​രു​വ​ന​ന്ത​പു​ര​ത്തെ അ​മ്പൂ​രി ഉ​രു​ൾ​പൊ​ട്ട​ൽ ന​ട​ന്നി​ട്ട്​ ര​ണ്ടു പ​തി​റ്റാ​ണ്ടു പി​ന്നി​ടു​മ്പോ​ൾ നാ​ടി​ന്‍റെ കൂ​ട്ടാ​യ്മ​യി​ൽ ​ ജീ​വി​തം തി​രി​ച്ചു​പി​ടി​ച്ച​തി​ന്‍റെ ക​ഥ​ളാ​ണ്​ ഓ​രോ​രു​ത്ത​ർ​ക്കും പ​റ​യാ​നു​ള്ള​ത്. 2001 ന​വം​ബ​ർ ഒ​മ്പ​തി​നാ​യി​രു​ന്നു ദു​ര​ന്തം. വൈ​കീ​ട്ട്‌ എ​ട്ട​ര​യോ​ടെ​യാ​ണ്‌ നെ​യ്യാ​ര്‍ഡാ​മി​നും അ​മ്പൂ​രി​ക്കും മ​ധ്യേ കു​രി​ശു​മ​ല​യു​ടെ അ​ടി​വാ​ര​ത്തു​ള്ള വീ​ടു​ക​ള്‍ എ​ടു​ത്ത​ത്തെ​റി​യ​പ്പെ​ട്ടു. നാ​ല്‌ വീ​ടു​ക​ളാ​ണ്‌ പൂ​ർ​ണ​മാ​യും ന​ശി​ച്ച​ത്‌. അ​തി​ലേ​റെ വീ​ടു​ക​ൾ ഭാ​ഗി​ക​മാ​യും ത​ക​ർ​ന്നു. എ​ന്നാ​ൽ, ആ​ൾ​നാ​ശം കൂ​ടു​ത​ലാ​യി​രു​ന്നു. അ​ന്ന്‌ 39 പേ​രാ​ണ്‌ മ​ണ്ണി​നും ക​ല്ലി​നും ച​ളി​ക്കു​മി​ട​യി​ൽ​പ്പെ​ട്ട്‌ ജീ​വ​ൻ വെ​ടി​ഞ്ഞ​ത്‌. അ​മ്പൂ​രി വാ​സ​യോ​ഗ്യ​മ​ല്ലാ​താ​യി മാ​റി.

ദു​ര​ന്ത​ബാ​ധി​ത മേ​ഖ​ല​യി​ലെ പ​ത്തി​ലേ​റെ കു​ടും​ബ​ങ്ങ​ളെ മാ​റ്റി​പ്പാ​ര്‍പ്പി​ച്ചു. സ​മീ​പ​ത്ത്​ ഒ​രേ​ക്ക​ർ സ്ഥ​ലം ക​ണ്ടെ​ത്തി അ​വ​ർ​ക്കാ​യി വീ​ടു​ക​ൾ വെ​ച്ചു​ന​ൽ​കി. വ്യാ​പാ​രി വ്യ​വ​സാ​യി​ക​ളും പ​ള്ളി​യും ഉ​ൾ​പ്പെ​ടെ​യു​ള്ള നി​ര​വ​ധി സ​ന്ന​ദ്ധ സം​ഘ​ട​ന​ക​ളും പ​ഞ്ചാ​യ​ത്തും ചേ​ർ​ന്നാ​ണ്​ പു​ന​ര​ധി​വാ​സം ന​ട​പ്പാ​ക്കി​യ​ത്. തി​രു​വ​ന​ന്ത​പു​ര​ത്തെ അ​ക്ഷ​രാ​ർ​ത്ഥ​ത്തി​ൽ പി​ടി​ച്ചു​ല​ച്ച സം​ഭ​വ​ത്തി​ൽ കേ​ന്ദ്ര - സം​സ്ഥാ​ന സ​ർ​ക്കാ​റു​ക​ളും സ​ഹാ​യി​ച്ചു. അ​പ​ക​ട​ത്തി​ൽ മ​ര​ണ​മ​ട​ഞ്ഞ​വ​രു​ടെ ബ​ന്ധു​ക്ക​ൾ​ക്ക്‌ സം​സ്ഥാ​ന സ​ർ​ക്കാ​ർ അ​ന്ന്​ ഒ​രു ല​ക്ഷം വീ​തം ന​ൽ​കി. കേ​ന്ദ്ര​സ​ർ​ക്കാ​റി​ൽ​നി​ന്ന്​ 50,000 വീ​ത​വും ല​ഭി​ച്ചു.

അ​മ്പൂ​രി ഉ​രു​ൾ​പൊ​ട്ട​ലി​ൽ ര​ക്ഷ​പ്പെ​ട്ട സി.​ഡി. തോ​മ​സി​ന്‍റെ കു​ടും​ബ​ത്തി​ൽ അ​ദ്ദേ​ഹം ഒ​രാ​ൾ മാ​ത്ര​മാ​ണ്​ ബാ​ക്കി​യാ​യ​ത്. ഭാ​ര്യ​യും മ​ക​നും മ​ക​ളും മ​രു​മ​ക​നും പേ​ര​ക്കു​ട്ടി​ക​ളും മ​റ്റ്‌ ബ​ന്ധു​ക്ക​ളു​മു​ൾ​പ്പെ​ടെ വീ​ട്ടി​ലെ എ​ല്ലാ​വ​രും ആ ​ഒ​രൊ​റ്റ രാ​ത്രി കൊ​ണ്ട്‌ തോ​മ​സി​ന്‌ ന​ഷ്‌​ട​മാ​യി. ദു​ര​ന്ത​ശേ​ഷം ക​ട​യോ​ട് ചേ​ർ​ന്നു​ള്ള ഗോ​ഡൗ​ണി​ൽ കു​റ​ച്ചു​കാ​ലം താ​മ​സി​ച്ച തോ​മ​സ്​ പി​ന്നീ​ട്​ അ​മ്പൂ​രി​ക്ക്‌ തൊ​ട്ട​ടു​ത്താ​യി ത​ന്നെ വീ​ടു​വെ​ച്ച്‌ ക​ഴി​യു​ന്നു. പ​രി​ക്കേ​റ്റ​വ​ർ​ക്ക്​ ചി​കി​ത്സ​യും സ​ഹാ​യ​ധ​ന​വു​മൊ​ക്കെ ല​ഭി​ച്ചി​രു​ന്ന​ത് ഓ​ർ​ക്കു​ന്ന തോ​മ​സ്​ ദു​ര​ന്ത​നേ​ര​ത്ത്​ കൈ​പി​ടി​ച്ച നാ​ടി​ന്‍റെ​യും നാ​ട്ടു​കാ​രു​ടെ ന​ല്ല മ​ന​സ്സി​ന്​ മു​ന്നി​ൽ​ കൈ​കൂ​പ്പു​ന്നു -ആശാ മോഹൻ

(അ​വ​സാ​നി​ച്ചു)