ഇത്​ രണ്ടാം ശീതയുദ്ധം

ഇ​രു രാ​ജ്യ​ങ്ങ​ൾ​ക്കും മു​ഴു​ലോ​ക​ത്തി​നും ക​ണ​ക്കു​കൂ​ട്ടാ​നാ​വാ​ത്ത ക​ഷ്ട​ന​ഷ്ട​ങ്ങ​ൾ വ​രു​ത്തും​വി​ധ​ത്തി​ൽ യു​ക്രെ​യ്നി​​ലേ​ക്ക് റ​ഷ്യ അ​ധി​നി​വേ​ശം ന​ട​ത്തു​ന്നു. അ​യ​ൽ​ക്കാ​ര​നു​നേ​രെ​യാ​ണ് ബോം​ബു​വ​ർ​ഷ​മെ​ങ്കി​ലും റ​ഷ്യ ഉ​ന്നം​വെ​ക്കു​ന്ന​ത് അ​വ​രു​ടെ ത​ന്ത്ര​പ​ര​മാ​യ പ്ര​തി​യോ​ഗി​യെ​യാ​ണ്- യു.​എ​സി​നെ​ത​ന്നെ.

ര​ണ്ടു പ​തി​റ്റാ​ണ്ടാ​യി തു​ട​ർ​ന്നു​പോ​രു​ന്ന റ​ഷ്യ​ൻ ശ​ക്തി​പ്ര​ക​ട​ന പ​ര​മ്പ​ര​യി​ലെ അ​തി​ഗു​രു​ത​ര​മാ​യ ഒ​ന്നാ​ണ് ഇ​പ്പോ​ൾ ന​ട​മാ​ടു​ന്ന​ത്. ലോ​ക​മൊ​ട്ടു​ക്ക് അ​മേ​രി​ക്ക കാ​ണി​ച്ചു​കൂ​ട്ടു​ന്ന സൈ​നി​ക​സാ​ഹ​സ​ങ്ങ​ളി​ൽ​നി​ന്ന് ഒ​ട്ടും ഭി​ന്ന​മ​ല്ല ഇ​തും.

പ​ക്ഷേ, യു​ക്രെ​യ്​​ൻ അ​ധി​നി​വേ​ശ​ത്തി​​ന്റെ വ്യാ​പ്തി​യും സാ​ധ്യ​ത​യും ശീ​ത​യു​ദ്ധ​കാ​ല​ത്ത് റ​ഷ്യ ഹം​ഗ​റി​യി​ലും ചെ​ക്കോ​സ്ലോ​വാ​ക്യ​യി​ലും അ​ഫ്ഗാ​നി​സ്താ​നി​ലും ന​ട​ത്തി​യ ത​ണ്ടു​കാ​ണി​ക്ക​ലു​ക​ളു​മാ​യാ​ണ് കൂ​ടു​ത​ൽ സ​മാ​നം. പ്ര​സി​ഡ​ന്റ് വ്ലാ​ദി​മി​ർ പു​ടി​ന്റെ വാ​ച​ക​മ​ടി​ക​ൾ വെ​ച്ചു​നോ​ക്കി​യാ​ൽ റ​ഷ്യ ക​ളി തു​ട​ങ്ങി​യി​ട്ടേ​യു​ള്ളൂ. ഈ​യി​ടെ ന​ട​ത്തി​യ പ്ര​സം​ഗ​ങ്ങ​ളി​ൽ യു​ക്രെ​യ്നി​​ന്റെ പ​ര​മാ​ധി​കാ​ര​ത്തെ​യും സ്വാ​ത​ന്ത്ര്യ​ത്തെ​യും ചോ​ദ്യം​ചെ​യ്ത പു​ടി​ൻ അ​വി​ടെ കൂ​ടു​ത​ൽ കൈ​ക​ട​ത്ത​ലു​ക​ൾ ന​ട​ത്താ​ൻ​ത​ന്നെ​യാ​ണ് ഉ​ദ്ദേ​ശി​ക്കു​ന്ന​തെ​ന്ന് വ്യ​ക്തം.

വി​ഘ​ടി​ച്ചു​പോ​യ ഡൊ​ണെ​റ്റ്സ്ക്, ലു​ഹാ​ൻ​സ്ക് റി​പ്പ​ബ്ലി​ക്കു​ക​ൾ​ക്ക് അം​ഗീ​കാ​രം ന​ൽ​കി​യ​ശേ​ഷം കി​ഴ​ക്ക​ൻ യു​ക്രെ​യ്നി​​ൽ 'സ​മാ​ധാ​ന​പാ​ല​ക​ർ' ആ​യി നീ​ങ്ങാ​ൻ സൈ​ന്യ​ത്തോ​ട് പ്ര​സി​ഡ​ന്റ് ഉ​ത്ത​ര​വി​ടു​ക​യാ​യി​രു​ന്നു. പി​ന്നാ​ലെ ത​ല​സ്ഥാ​ന​മാ​യ കി​യ​വി​ലു​ൾ​പ്പെ​ടെ 'പ്ര​ത്യേ​ക സൈ​നി​ക ഓ​പ​റേ​ഷ​ൻ' തു​ട​ങ്ങു​ക​യും ചെ​യ്തു.

റ​ഷ്യ​ൻ ക​ട​ന്നു​ക​യ​റ്റം അ​ന്താ​രാ​ഷ്ട്ര നി​യ​മ​ങ്ങ​ളു​ടെ ക​ടു​ത്ത ലം​ഘ​ന​മാ​ണെ​ന്നു പ​റ​ഞ്ഞ് പാ​ശ്ചാ​ത്യ​ശ​ക്തി​ക​ൾ കൊ​ടി​യ ഉ​പ​രോ​ധ​ങ്ങ​ൾ മു​ന്നോ​ട്ടു​വെ​ച്ചു.

റ​ഷ്യ​ക്ക് കു​ലു​ക്ക​മി​ല്ല, ഇ​ത് പ്ര​തീ​ക്ഷി​ച്ച് ത​യാ​റെ​ടു​പ്പു​ക​ളും ന​ട​ത്തി​യി​ട്ടു​ണ്ടാ​ക​ണം. ച​രി​ത്രം വെ​ച്ച് നോ​ക്കു​മ്പോ​ൾ റ​ഷ്യ​പോ​ലൊ​രു വ​ൻ​ശ​ക്തി​യെ ഉ​പ​രോ​ധ​ങ്ങ​ൾ​കൊ​ണ്ടൊ​ന്നും ക്ഷീ​ണി​പ്പി​ക്കാ​ൻ ക​ഴി​യി​ല്ല. ദേ​ശ​സു​ര​ക്ഷ​യു​ടെ താ​ൽ​പ​ര്യ​ങ്ങ​ളു​ടെ പേ​രി​ലാ​വു​മ്പോ​ൾ എ​ത്ര ക​ർ​ശ​ന ഉ​പ​രോ​ധ​മാ​യാ​ലും ശ​രി.

റ​ഷ്യ​യെ വെ​ച്ചു​നോ​ക്കു​മ്പോ​ൾ പ​റ​യ​ത്ത​ക്ക ശ​ക്തി​പോ​ലു​മ​ല്ലാ​ത്ത ഇ​റാ​നെ​പ്പോ​ലും പാ​ശ്ചാ​ത്യ ഉ​പ​രോ​ധം​വ​ഴി കാ​ര്യ​മാ​യൊ​ന്നും മാ​റ്റാ​ൻ ക​ഴി​ഞ്ഞി​ല്ല. ഇ​നി ഉ​പ​രോ​ധം ഏ​തെ​ങ്കി​ലും രീ​തി​യി​ൽ റ​ഷ്യ​ക്ക് പ്ര​യാ​സം വ​രു​ത്താ​ൻ തു​ട​ങ്ങി​യാ​ൽ​ത​ന്നെ മോ​സ്കോ തീ​വ്ര​മാ​യി പ്ര​തി​ക​രി​ക്കു​ന്ന​തും ന​മു​ക്ക് കാ​ണാ​നാ​വും,

ഇ​റാ​ന് ചെ​യ്തു​കൊ​ടു​ത്ത​തു​പോ​ലെ ഉ​പ​രോ​ധം മ​റി​ക​ട​ക്കാ​ൻ ചൈ​ന എ​വ്വി​ധ​ത്തി​ലെ​ല്ലാം സ​ഹാ​യി​ക്കു​മെ​ന്ന​തും പ്രാ​ധാ​ന്യ​മ​ർ​ഹി​ക്കു​ന്നു. ഈ ​മാ​സം ആ​ദ്യം ബെ​യ്ജി​ങ്ങി​ൽ റ​ഷ്യ-​ചൈ​ന പ്ര​സി​ഡ​ന്റു​മാ​ർ നാ​റ്റോ​യു​ടെ ക​ട​ന്നു​ക​യ​റ്റ​ത്തി​നെ​തി​രെ സം​യു​ക്ത പ്ര​സ്താ​വ​ന​യി​റ​ക്കി​യി​രു​ന്നു. റ​ഷ്യ​ൻ അ​ധി​നി​വേ​ശ​ത്തെ അ​പ്ര​കാ​രം വി​ളി​ക്കാ​ൻ​പോ​ലും കൂ​ട്ടാ​ക്കാ​ഞ്ഞ ചൈ​നീ​സ് സ​ർ​ക്കാ​ർ വ​ക്താ​വ് ഇ​രു​പ​ക്ഷ​ത്തും 'സം​യ​മ​നം' വേ​ണ​മെ​ന്നാ​ണ് ആ​ഹ്വാ​നം​ചെ​യ്ത​ത്.

യു​ക്രെ​യ്നു​മേ​ലു​ള്ള അ​ധി​നി​വേ​ശം ഭാ​വി​യി​ൽ ത​ങ്ങ​ളോ​ടൊ​പ്പം താ​യ്‍വാ​നെ കൂ​ട്ടി​ച്ചേ​ർ​ക്കാ​നു​ള്ള ചൈ​നീ​സ് നീ​ക്ക​ത്തി​നും ആ​ക്കം​കൂ​ട്ടും. യു​ക്രെ​യ്ൻ ഒ​രു കൃ​ത്രി​മ ഭ​ര​ണ​സം​വി​ധാ​ന​മാ​ണെ​ന്ന പു​ടി​ന്റെ പ​റ​ച്ചി​ലി​ന്റെ ​പ്ര​തി​ധ്വ​നി ത​ന്നെ​യാ​ണ് താ​യ്‍വാ​നെ​ക്കു​റി​ച്ചു​ള്ള ​ചൈ​ന​യു​ടെ നി​ല​പാ​ടും. പു​ടി​ൻ​ത​ന്നെ അ​മേ​രി​ക്ക​യു​ടെ അ​ധി​നി​വേ​ശ ന്യാ​യ​വാ​ദ​ങ്ങ​ളാ​ണ് ഇ​പ്പോ​ൾ നി​ര​ത്തു​ന്ന​ത്. വി​ഘ​ടി​ത പ്ര​വി​ശ്യ​ക​ൾ​ക്ക് പി​ന്തു​ണ ന​ൽ​കു​ന്ന​തി​നെ റ​ഷ്യ ന്യാ​യീ​ക​രി​ച്ച​ത് സ്വ​യം​നി​ർ​ണ​യാ​വ​കാ​ശ​ത്തെ വി​ല​മ​തി​ക്കു​ന്നു എ​ന്നു പ​റ​ഞ്ഞാ​ണ്. മു​മ്പ് യൂ​​ഗോ​സ്ലാ​വി​യ​യി​ൽ​നി​ന്ന് ​ബോ​സ്നി​യ​രും ​െസ്ലാ​വീ​നി​യ​രും ക്രോ​ട്ടു​ക​ളും മാ​സി​ഡോ​ണി​യ​രും വി​ട്ടു​പോ​കു​മ്പോ​ൾ പ​ടി​ഞ്ഞാ​റ് പ​റ​ഞ്ഞ അ​തേ കാ​ര്യം​ത​ന്നെ.

ലി​ബി​യ​പോ​ലു​ള്ള രാ​ജ്യ​ങ്ങ​ളി​ൽ ക​യ​റി 'മാ​നു​ഷി​ക ഇ​ട​പെ​ട​ൽ' ന​ട​ത്തു​ന്ന​തി​ന് യു.​എ​ൻ സ​മ്മ​തി​യോ​ടെ അ​മേ​രി​ക്ക​യും പ​ടി​ഞ്ഞാ​റ​ൻ സ​ഖ്യ​വും സം​ര​ക്ഷ​ണ ഉ​ത്ത​ര​വാ​ദി​ത്ത പ​ദ്ധ​തി (Responsibility to Protect) യു​ടെ മ​റ പി​ടി​ച്ച​തു​പോ​ലെ ഒ​രു 'വം​ശ​ഹ​ത്യ'​യു​ണ്ടാ​കു​ന്ന​ത് ത​ട​യാ​നാ​ണ് യു​ക്രെ​യ്നി​​ലേ​ക്ക് പോ​കു​ന്ന​തെ​ന്ന് റ​ഷ്യ പ​റ​യു​ന്നു​ണ്ട്.

2014ൽ ​യു​ക്രെ​യ്നി​​ലേ​ക്കു ന​ട​ത്തി​യ ക​ട​ന്നാ​ക്ര​മ​ണം വ​ലി​യ ഒ​രു അ​ധി​നി​വേ​ശ​ത്തി​ന്റെ​യും വി​നാ​ശ യു​ദ്ധ​ത്തി​ന്റെ​യും തു​ട​ക്കം മാ​ത്ര​മാ​യി​രു​ന്നു.

പ​ക്ഷേ, യു​ക്രെ​യ്ൻ ആ​ണ​വാ​യു​ധം വി​ക​സി​പ്പി​ച്ച് റ​ഷ്യ​ക്ക് ഭീ​ഷ​ണി സൃ​ഷ്ടി​ക്കു​മെ​ന്ന പു​ടി​ന്റെ വി​ത​ണ്ഡാ​വാ​ദം അ​ക​ലെ​യെ​വി​ടെ​യോ കി​ട​ക്കു​ന്ന ഇ​റാ​ഖി​ലേ​ക്ക് ഇ​ടി​ച്ചു ക​യ​റാ​നാ​യി അ​മേ​രി​ക്ക പ​റ​ഞ്ഞ മ​ഹാ​സം​ഹാ​ര ആ​യു​ധ ഭീ​ഷ​ണി​യോ​ളം​ത​ന്നെ പൊ​ള്ള​യാ​ണ്. അ​ന്ന് സെ​ന​റ്റ​റാ​യി​രു​ന്ന ബൈ​ഡ​നും പി​ന്തു​ണ​ച്ചി​രു​ന്നു ആ ​വാ​ദ​ത്തെ.

ജൂ​ലാ​ൻ കു​ന്നു​ക​ൾ​ക്കും കി​ഴ​ക്ക​ൻ ജ​റൂ​സ​ല​മി​നും മേ​ൽ ഇ​സ്രാ​യേ​ലി​ന് പ​ര​മാ​ധി​കാ​രം ക​ൽ​പി​ച്ചു​ന​ൽ​കി​യ മു​ൻ യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പി​ന്റെ നി​ല​പാ​ടി​നെ ഓ​ർ​മ​പ്പെ​ടു​ത്തു​ന്നു​ണ്ട് വി​ഘ​ടി​ത റി​പ്പ​ബ്ലി​ക്കു​ക​ളെ അം​ഗീ​ക​രി​ച്ച പു​ടി​ൻ (ട്രം​പി​ന്റെ ആ ​നി​ല​പാ​ട് ബൈ​ഡ​നും കാ​ത്തു​സൂ​ക്ഷി​ച്ചു​പോ​രു​ന്നു). യു​ക്രെ​യ്നി​​ൽ ഭ​ര​ണ​മാ​റ്റം വ​രു​ത്തി​ക്കാ​ൻ റ​ഷ്യ ന​ട​ത്തി​യേ​ക്കാ​വു​ന്ന ശ്ര​മം ഈ​യ​ടു​ത്ത് വെ​നി​സ്വേ​ല​യി​ല​ട​ക്കം പ​ല രാ​ജ്യ​ങ്ങ​ളി​ലും അ​മേ​രി​ക്ക ന​ട​ത്തി​യ ഇ​ട​പെ​ട​ലു​ക​ളു​ടെ പി​ന്തു​ട​ർ​ച്ച​ത​ന്നെ​യാ​ണ്.

വ്യ​ക്ത​മാ​ണ്, കാ​പ​ട്യ​ങ്ങ​ളു​ടെ​യും കു​ടി​ല​ത​ന്ത്ര​ങ്ങ​ളു​ടെ​യും അ​മേ​രി​ക്ക​ൻ രീ​തി​ക​ൾ റ​ഷ്യ വ​ശ​മാ​ക്കി​യി​രി​ക്കു​ന്നു. എ​ന്നാ​ൽ, അ​വ​രു​ടെ അ​ബ​ദ്ധ​ങ്ങ​ളി​ൽ​നി​ന്നും പ​ത​ന​ങ്ങ​ളി​ൽ​നി​ന്നും പാ​ഠം പ​ഠി​ച്ചി​ല്ലെ​ന്നു മാ​​ത്രം.

ര​ണ്ടു രാ​ജ്യ​ങ്ങ​ളു​മ​തേ, അ​ഫ്ഗാ​നി​ലും ഇ​റാ​ഖി​ലും സി​റി​യ​യി​ലും സം​ഭ​വി​ച്ച ദാ​രു​ണ​മാ​യ അ​ബ​ദ്ധ​ങ്ങ​ളി​ൽ​നി​ന്ന് ഒ​രു ചു​ക്കും പ​ഠി​ച്ചി​ട്ടി​ല്ല.

യു.​എ​ൻ സു​ര​ക്ഷ കൗ​ൺ​സി​ലി​​ലെ ഈ ​വീ​റ്റോ​ശ​ക്തി​മാ​ന്മാ​ർ 'ലോ​ക​സ​ർ​ക്കാ​ർ' ത​ങ്ങ​ൾ​ക്കെ​തി​രെ സ്വീ​ക​രി​ക്കു​ന്ന ഏ​തു ന​ട​പ​ടി​യെ​യും ത​ട്ടി​ത്തെ​റി​പ്പി​ച്ചു​ക​ള​യും.

അ​മേ​രി​ക്ക​യു​ടെ ജ​നാ​ധി​പ​ത്യ​ത്തെ​യും റ​ഷ്യ​യു​ടെ ഏ​കാ​ധി​പ​ത്യ​ത്തെ​യും സ​മീ​ക​രി​ക്കു​ന്ന​ത് ശ​രി​യ​ല്ലെ​ന്ന് ചി​ല​ർ വാ​ദി​ക്കു​ന്നു​ണ്ട്. ഒ​രു ഉ​ദാ​ര ജ​നാ​ധി​പ​ത്യ​വാ​ദി എ​ന്ന നി​ല​യി​ൽ ഞാ​ൻ വി​ശ്വ​സി​ക്കു​ന്ന​ത് ജ​നാ​ധി​പ​ത്യ വ്യ​വ​സ്ഥ​യി​ൽ ഏ​കാ​ധി​പ​ത്യ​ത്തെ​ക്കാ​ൾ ഉ​ത്ത​ര​വാ​ദി​ത്ത​ത്തി​ന് ഇ​ട​മു​ണ്ട് എ​ന്നാ​ണ്.

എ​ന്നാ​ൽ, ച​രി​ത്ര​പ​ര​മാ​യി പ​റ​ഞ്ഞാ​ൽ വി​ദേ​ശ​കാ​ര്യ വി​ഷ​യ​ങ്ങ​ൾ വ​രു​മ്പോ​ൾ വ​ൻ​ശ​ക്തി​ക​ളു​ടെ സ്വ​ഭാ​വം മാ​റും. അ​വ​രു​ടെ ഭ​ര​ണ​കൂ​ട​ത്തി​ന്റെ സ്വ​ഭാ​വ​ത്തേ​ക്കാ​ളേ​റെ ഭൗ​മ​രാ​ഷ്ട്രീ​യം, ത​ന്ത്ര​പ്ര​ധാ​ന ആ​ഗ്ര​ഹ​ങ്ങ​ൾ, ആ​വ​ശ്യ​ങ്ങ​ൾ എ​ന്നി​വ​യെ​ല്ലാ​മാ​ണ് അ​വ​രെ ന​യി​ക്കു​ക.

ശീ​ത​യു​ദ്ധ​ത്തി​ന് അ​ന്ത്യം​കു​റി​ച്ച​ശേ​ഷം അ​ന്താ​രാ​ഷ്ട്ര ശാ​ന്തി​ സു​ര​ക്ഷ എ​ന്ന ചി​ന്ത​യേ​ക്കാ​ളു​പ​രി അ​വ​രു​ടെ ശ​ക്തി​യാ​ലാ​ണ് റ​ഷ്യ​യും അ​മേ​രി​ക്ക​യും ന​യി​ക്ക​പ്പെ​ട്ടി​ട്ടു​ള്ള​ത്. ശ​രി​യാ​യ ല​ക്ഷ്യ​ങ്ങ​ൾ​ക്കു​വേ​ണ്ടി തെ​റ്റാ​യ മാ​ർ​ഗ​ങ്ങ​ളും തെ​റ്റാ​യ ല​ക്ഷ്യ​ങ്ങ​ൾ​ക്കു​വേ​ണ്ടി നേ​രാ​യ മാ​ർ​ഗ​ങ്ങ​ളും അ​വ​ർ പി​ൻ​പ​റ്റി. ശാ​ന്തി​യും സു​ര​ക്ഷ​യും പ്ര​ദാ​നം​ചെ​യ്യാ​നെ​ന്ന പേ​രി​ൽ അ​തീ​വ നാ​ശ​ക​ര​മാ​യ യു​ദ്ധ​ങ്ങ​ൾ ന​ട​ത്തി, ദ​രി​ദ്ര​രാ​ജ്യ​ങ്ങ​ൾ​ക്ക് സാ​മ്പ​ത്തി​ക പി​ന്തു​ണ​യും സു​ര​ക്ഷ​യും ന​ൽ​കാ​നു​ള്ള ശ്ര​മ​ങ്ങ​ൾ ഏ​കാ​ധി​പ​തി​ക​ളെ ഉ​യ​ർ​ത്തി​ക്കൊ​ണ്ടു​വ​രു​ന്ന​തി​ലു​മെ​ത്തി​ച്ചു.

സ​ത്യം പ​റ​ഞ്ഞാ​ൽ ശീ​ത​യു​ദ്ധ​കാ​ല​ത്ത് ചെ​യ്തി​രു​ന്ന​തു പോ​ലെ ത​ങ്ങ​ളു​ടെ തീ​ർ​ത്തും ബാ​ലി​ശ​മാ​യ താ​ൽ​പ​ര്യ​ങ്ങ​ൾ സം​ര​ക്ഷി​ക്കു​ന്ന​തി​ൽ ശ്ര​ദ്ധ​യൂ​ന്നി അ​വ​ർ മൂ​ന്നു പ​തി​റ്റാ​ണ്ടു​ക​ൾ പാ​ഴാ​ക്കി​ക്ക​ള​ഞ്ഞു; ആ ​ശ്ര​മ​ങ്ങ​ളാ​വ​ട്ടെ ഇ​പ്പോ​ഴി​താ അ​ടു​ത്തൊ​രു ശീ​ത​യു​ദ്ധ​ത്തി​ന് വ​ഴി​തു​റ​ന്നി​രി​ക്കു​ന്നു.

ഇ​​നി വ​രു​ന്ന​ത് വ​ല്ലാ​ത്തൊ​രു കെ​ട്ട​കാ​ല​മാ​ണ്, യൂ​റോ​പ്പി​നു മാ​ത്ര​മ​ല്ല, ലോ​ക​ത്തി​നു​ത​ന്നെ.

(അ​മേ​രി​ക്ക​ൻ യൂ​നി​വേ​ഴ്സി​റ്റി ഓ​ഫ് പാ​രി​സി​ൽ അ​ന്താ​രാ​ഷ്ട്ര സ​ഹ​ക​ര​ണ വി​ഭാ​ഗം പ്ര​ഫ​സ​റാ​യി​രു​ന്ന ലേ​ഖ​ക​ൻ അ​ൽ​ജ​സീ​റ​യു​ടെ സീ​നി​യ​ർ പൊ​ളി​റ്റി​ക്ക​ൽ അ​ന​ലി​സ്റ്റാ​ണ്)