സൂറത്തിന്റെ ചുമരെഴുത്ത്

ഗു​ജ​റാ​ത്തി​ലെ സൂ​റ​ത്ത് സീ​റ്റി​ലേ​ക്കു​ള്ള എം.​പി​യെ തെ​ര​ഞ്ഞെ​ടു​ക്കാ​നു​ള്ള വോ​ട്ടി​ങ് ദി​വ​സ​മാ​യി നി​ശ്ച​യി​ച്ചി​രു​ന്ന​ത് മേ​യ് ഏ​ഴ് ആ​യി​രു​ന്നു. പ​ക്ഷേ, അ​വി​ട​ത്തെ ജ​ന​ങ്ങ​ൾ​ക്ക് ഇ​ക്കു​റി വോ​ട്ടി​ല്ല. വോ​ട്ടെ​ടു​പ്പി​ന് ആ​ഴ്ച​ക​ൾ മു​മ്പു​ത​ന്നെ അ​വ​ർ​ക്ക് എം.​പി​യെ ല​ഭി​ച്ചു. ഏ​പ്രി​ൽ 22ന് ​ബി.​ജെ.​പി​യി​ലെ മു​കേ​ഷ് ദ​ലാ​ളി​നെ എ​തി​രി​ല്ലാ​ത്ത വി​ജ​യി​യാ​യി പ്ര​ഖ്യാ​പി​ച്ചു.

കോ​ൺ​ഗ്ര​സ് ഇ​വി​ടെ നി​ലേ​ഷ് കും​ഭാ​നി​യെ സ്ഥാ​നാ​ർ​ഥി​യാ​യി നി​ർ​ത്തി​യി​രു​ന്നു. പി​ന്തു​ണ​ച്ച​വ​രു​ടെ ഒ​പ്പു​ക​ളി​ലെ പൊ​രു​ത്ത​ക്കേ​ട് കാ​ര​ണം ക​ഴി​ഞ്ഞ ഞാ​യ​റാ​ഴ്ച അ​ദ്ദേ​ഹ​ത്തി​ന്റെ പ​ത്രി​ക ത​ള്ള​​പ്പെ​ട്ടു. പ​ത്രി​ക​യി​ൽ കാ​ണു​ന്ന ഒ​പ്പു​ക​ൾ ത​ങ്ങ​ളു​ടേ​ത​ല്ലെ​ന്ന് കാ​ണി​ച്ച് പി​ന്താ​ങ്ങി​യ​വ​ർ പോ​ളി​ങ് ഉ​ദ്യോ​ഗ​സ്ഥ​ർ​ക്ക് സ​ത്യ​വാ​ങ്മൂ​ല​വും ന​ൽ​കി. ഇ​ത്ത​രം സാ​ഹ​ച​ര്യ​മു​ണ്ടാ​യാ​ൽ, രാ​ഷ്ട്രീ​യ പാ​ർ​ട്ടി​ക​ൾ സാ​ധാ​ര​ണ ഗ​തി​യി​ൽ പ​ക​രം സ്ഥാ​നാ​ർ​ഥി​ക​ളെ രം​ഗ​ത്തി​റ​ക്കാ​റു​ണ്ട്. സു​രേ​ഷ് പ​ദ്‌​സ​ല​യെ​യാ​ണ് ഇ​ത്ത​ര​ത്തി​ൽ പ​ക​ര​ക്കാ​ര​നാ​യി ക​ണ്ടു​വെ​ച്ച​ത്. കൗ​തു​ക​ക​ര​മെ​ന്നു​പ​റ​യ​ട്ടെ, അ​ദ്ദേ​ഹ​ത്തി​ന്റെ പ​ത്രി​ക​യി​ൽ ഒ​പ്പി​ട്ട​യാ​ളും അ​ക്കാ​ര്യം നി​ഷേ​ധി​ക്കു​ക​യും പ​ത്രി​ക ത​ള്ളു​ക​യും ചെ​യ്തു. തി​ങ്ക​ളാ​ഴ്ച​യാ​യ​പ്പോ​ൾ ദ​ലാ​ൾ ഉ​ൾ​പ്പെ​ടെ ഒ​മ്പ​ത് സ്ഥാ​നാ​ർ​ഥി​ക​ളാ​ണ് മ​ത്സ​ര​രം​ഗ​ത്തു​ണ്ടാ​യി​രു​ന്ന​ത്. അ​തി​ൽ ബി.​എ​സ്.​പി സ്ഥാ​നാ​ർ​ഥി പ്രാ​രേ​ലാ​ൽ ഭാ​ര​തി ഉ​ൾ​പ്പെ​ടെ എ​ട്ടു​പേ​രും പ​ത്രി​ക പി​ൻ​വ​ലി​ച്ചു.

ബി.​ജെ.​പി​ക്ക് അ​ങ്ങ​നെ ആ​ദ്യ​വി​ജ​യം സ്വ​ന്ത​മാ​യി. മോ​ദി​ക്കു​ള്ള ആ​ദ്യ താ​മ​ര ഞ​ങ്ങ​ൾ സ​മ്മാ​നി​ച്ചു​വെ​ന്നാ​ണ് ഗു​ജ​റാ​ത്ത് ബി.​ജെ.​പി അ​ധ്യ​ക്ഷ​ൻ ഇ​തേ​ക്കു​റി​ച്ച് പ​റ​ഞ്ഞ​ത്. കും​ഭാ​നി​യെ പി​ന്തു​ണ​ച്ച​വ​ർ ബി.​ജെ.​പി​യു​മാ​യി ഒ​ത്തു​ക​ളി​ച്ചെ​ന്നാ​ണ് അ​ദ്ദേ​ഹ​ത്തി​ന്റെ ഭാ​ര്യ നീ​ത ‘ആ​ജ്ത​ക്കി’​നോ​ട് പ​റ​ഞ്ഞ​ത്. ഒ​പ്പ് ത​ങ്ങ​ളു​ടേ​ത​ല്ലെ​ന്ന് സ​ത്യ​വാ​ങ്മൂ​ലം ന​ൽ​കി​യ നാ​ലു​പേ​ർ​ക്കു​മു​ള്ള മു​ദ്ര​പ​ത്ര​ങ്ങ​ൾ ഒ​രേ സ​മ​യം വാ​ങ്ങി​യ​താ​ണെ​ന്നും ബി.​ജെ.​പി നേ​താ​വാ​യ അ​ഭി​ഭാ​ഷ​ക​നാ​ണ് രേ​ഖ​ക​ൾ നോ​ട്ട​റൈ​സ് ചെ​യ്ത​തെ​ന്നും ‘ന്യൂ​സ് ലോ​ൺ​ഡ്രി’ റി​പ്പോ​ർ​ട്ട് ചെ​യ്തു. കും​ഭാ​നി​യു​ടെ ഫോ​മി​ലെ ഒ​പ്പു​ക​ൾ പ​രി​ശോ​ധി​ക്ക​ണ​മെ​ന്നാ​വ​ശ്യ​പ്പെ​ട്ട് ബി.​ജെ.​പി സ്ഥാ​നാ​ർ​ഥി ഉ​ദ്യോ​ഗ​സ്ഥ​രെ സ​മീ​പി​ക്കു​ന്ന​തി​നു​മു​മ്പേ സ​ത്യ​വാ​ങ്മൂ​ലം ത​യാ​റാ​യി​രു​ന്നു.

മോ​ദി​യു​ടെ ‘അ​ന്യാ​യ കാ​ല​ത്ത്’ ദു​രി​തം നേ​രി​ടു​ന്ന ചെ​റു​കി​ട സം​രം​ഭ​ക​രു​ടെ​യും വ്യാ​പാ​രി​ക​ളു​ടെ​യും രോ​ഷം ഭ​യ​ന്നാ​ണ് 1984 മു​ത​ൽ തു​ട​ർ​ച്ച​യാ​യി വി​ജ​യി​ച്ചു​പോ​രു​ന്ന സൂ​റ​ത്തി​ൽ ഇ​ത്ത​ര​മൊ​രു ഒ​ത്തു​ക​ളി​യെ​ന്ന് വി​ല​പി​ച്ചു കോ​ൺ​ഗ്ര​സ് ജ​ന​റ​ൽ സെ​ക്ര​ട്ട​റി ജ​യ്റാം ര​മേ​ഷ്.

ഒ​രു മോ​ശം സ്ഥാ​നാ​ർ​ഥി​യെ രം​ഗ​ത്തി​റ​ക്കി​യ​ത് കോ​ൺ​ഗ്ര​സി​ന്റെ വീ​ഴ്ച​യാ​ണെ​ന്ന് വേ​ണ​മെ​ങ്കി​ൽ കു​റ്റ​പ്പെ​ടു​ത്താം. പ്യാ​രേ​ലാ​ൽ ഭാ​ര​തി ത​ന്റെ പാ​ർ​ട്ടി​യെ വി​ഡ്ഢി​ക​ളാ​ക്കി​യോ അ​തോ ബി.​എ​സ്.​പി​യും ബി.​ജെ.​പി​യും ഒ​ത്തു​ക​ളി​ച്ചോ എ​ന്നൊ​ക്കെ നി​ങ്ങ​ൾ​ക്ക് സം​ശ​യി​ക്കാം. പ​ക്ഷേ, ഇ​തി​ൽ ന​ഷ്ടം സം​ഭ​വി​ച്ച​ത് ഏ​തെ​ങ്കി​ലും രാ​ഷ്ട്രീ​യ പാ​ർ​ട്ടി​ക്ക​ല്ല. മ​ത്സ​രം ന​ട​ന്നി​രു​ന്നു​വെ​ങ്കി​ൽ കും​ഭാ​നി വി​ജ​യി​ക്കു​മാ​യി​രു​ന്നോ എ​ന്ന​റി​ഞ്ഞു​കൂ​ടാ. ക​ഴി​ഞ്ഞ ര​ണ്ട് തെ​ര​ഞ്ഞെ​ടു​പ്പു​ക​ളി​ലും മ​ണ്ഡ​ല​ത്തി​ൽ ആ​കെ പോ​ൾ ചെ​യ്ത വോ​ട്ടി​ന്റെ 75 ശ​ത​മാ​ന​വും നേ​ടി​യി​രു​ന്നു ബി.​ജെ.​പി. ചെ​റു​കി​ട-​ഇ​ട​ത്ത​രം വ്യ​വ​സാ​യി​ക​ൾ​ക്ക് ബി.​ജെ.​പി​യോ​ട് പ്ര​ശ്ന​മു​ണ്ടെ​ന്ന ജ​യ്റാം ര​മേ​ശി​ന്റെ വാ​ദം തെ​ളി​യി​ക്ക​പ്പെ​ട്ടി​ട്ടി​ല്ല. സൂ​റ​ത്ത് ദ​ലാ​ലി​നെ​ത്ത​ന്നെ തെ​ര​ഞ്ഞെ​ടു​ക്കു​മാ​യി​രി​ക്കാം. പ​ക്ഷേ, ആ ​ന​ഗ​ര​ത്തി​ലെ ജ​ന​ങ്ങ​ൾ​ക്ക് തെ​ര​ഞ്ഞെ​ടു​ക്കാ​നു​ള്ള അ​വ​സ​രം ല​ഭി​ച്ചി​ല്ല. ഇ​ൻ​ഡ്യ സ​ഖ്യ​ത്തി​ലെ കോ​ൺ​ഗ്ര​സി​ന് വി​ജ​യി​ക്കാ​ൻ ശ്ര​മി​ക്കാ​മാ​യി​രു​ന്ന ഒ​രു സീ​റ്റാ​ണ് ന​ഷ്ട​പ്പെ​ട്ട​തെ​ങ്കി​ൽ സൂ​റ​ത്തി​ലെ 16 ല​ക്ഷ​ത്തി​ല​ധി​കം വോ​ട്ട​ർ​മാ​ർ​ക്ക് പാ​ർ​ല​മെ​ന്റി​ലേ​ക്ക് ത​ങ്ങ​ളു​ടെ പ്ര​തി​നി​ധി​യെ തെ​ര​ഞ്ഞെ​ടു​ക്കാ​നു​ള്ള ജ​നാ​ധി​പ​ത്യ അ​വ​കാ​ശ​മാ​ണ് ക​വ​ർ​ന്നെ​ടു​ക്ക​പ്പെ​ട്ട​ത്.

കു​റ​ച്ചു വ​ർ​ഷ​മാ​യി, തെ​ര​ഞ്ഞെ​ടു​ക്ക​പ്പെ​ട്ട ഗ​വ​ൺ​മെ​ന്റു​ക​ളെ ത​കി​ടം മ​റി​ച്ച് ജ​ന​വി​ധി ആ​വ​ർ​ത്തി​ച്ച് അ​ട്ടി​മ​റി​ക്ക​പ്പെ​ടു​ന്ന​ത് നാം ​കാ​ണു​ന്നു. ഈ ​വ​ർ​ഷ​മാ​ദ്യം, ച​ണ്ഡി​ഗ​ഢ് മേ​യ​ർ തെ​ര​ഞ്ഞെ​ടു​പ്പി​ൽ ബി.​ജെ.​പി.​ക്കു​വേ​ണ്ടി പോ​ളി​ങ് ഉ​ദ്യോ​ഗ​സ്ഥ​ൻ വോ​ട്ട് മോ​ഷ്ടി​ക്കു​ന്ന​ത് ന​മ്മ​ൾ ക​ണ്ടു. ഇ​പ്പോ​ൾ സൂ​റ​ത്തി​ൽ വോ​ട്ടി​ങ് പോ​ലും ന​ട​ക്കു​ന്നി​ല്ല. പ​ടി​പ​ടി​യാ​യി തെ​ര​ഞ്ഞെ​ടു​പ്പു​ക​ൾ ഇ​ല്ലാ​താ​വു​ന്നു.

ബി.​ജെ.​പി​യെ പ​രാ​ജ​യ​പ്പെ​ടു​ത്തി​യി​ല്ലെ​ങ്കി​ൽ 2024ലേ​ത് രാ​ജ്യ​ത്തെ അ​വ​സാ​ന​ത്തെ തെ​ര​ഞ്ഞെ​ടു​പ്പാ​യി​രി​ക്കു​മെ​ന്ന് ‘ഇ​ൻ​ഡ്യ’ പാ​ർ​ട്ടി​ക്കാ​ർ പ​റ​യു​ന്ന​ത് വെ​റു​തെ ഭീ​തി പ​ട​ർ​ത്താ​നാ​ണെ​ന്ന് ക​രു​തു​ന്ന​വ​രു​ണ്ടെ​ങ്കി​ൽ ദ​ലാ​ലി​ന്റെ ഏ​ക​പ​ക്ഷീ​യ വി​ജ​യം അ​വ​രു​ടെ ക​ണ്ണു തു​റ​പ്പി​ക്ക​ട്ടെ. ഇ​ന്ന് സൂ​റ​ത്തി​ലെ വോ​ട്ട​ർ​മാ​ർ​ക്ക് സം​ഭ​വി​ച്ച​ത് നാ​ളെ ഇ​ന്ത്യ​യു​ടെ മ​റ്റ് ഭാ​ഗ​ത്താ​വാം. ഒ​രു പ്ര​തി​പ​ക്ഷ നേ​താ​വ് പ​റ​ഞ്ഞ​തു​പോ​ലെ സൂ​റ​ത്ത് ഒ​രു സൂ​ച​ന മാ​ത്ര​മാ​ണ്.

വെ​റു​തെ​യ​ല്ല ശ​ര​ദ് പ​വാ​ർ വ്ലാ​ദി​മി​ർ പു​ടി​നെ കു​റി​ച്ച് വോ​ട്ട​ർ​മാ​രെ ഓ​ർ​മി​പ്പി​ച്ച​ത്. 1999ലാ​ണ് പു​ടി​ൻ ആ​ദ്യ​മാ​യി പ്ര​സി​ഡ​ന്റാ​യ​ത്. ഒ​രാ​ൾ​ക്ക് തു​ട​ർ​ച്ച​യാ​യി പ്ര​സി​ഡ​ന്റ് പ​ദം ര​ണ്ട് ത​വ​ണ​യാ​ക്കി റ​ഷ്യ​ൻ ഭ​ര​ണ​ഘ​ട​ന പ​രി​മി​ത​പ്പെ​ടു​ത്തി​യി​രു​ന്നു. 2008ൽ ​ത​ന്റെ ര​ണ്ടാ​മൂ​ഴം അ​വ​സാ​നി​ച്ച ശേ​ഷം, 2012ൽ ​വീ​ണ്ടും പ്ര​സി​ഡ​ന്റാ​കു​ന്ന​തി​നു മു​മ്പ് അ​ദ്ദേ​ഹം പ്ര​ധാ​ന​മ​ന്ത്രി​യാ​യി സേ​വ​ന​മ​നു​ഷ്ഠി​ച്ചു. 2020ൽ, ​ര​ണ്ട് ത​വ​ണ കൂ​ടി അ​ധി​കാ​ര​ത്തി​ൽ തു​ട​രാ​ൻ അ​നു​വ​ദി​ക്കു​ന്ന​തി​നാ​യി ഭ​ര​ണ​ഘ​ട​ന​യും ഭേ​ദ​ഗ​തി ചെ​യ്തു.

റ​ഷ്യ​യി​ൽ തെ​ര​ഞ്ഞെ​ടു​പ്പു​ക​ൾ ന​ട​ക്കു​ന്നു​ണ്ടെ​ങ്കി​ലും ഓ​രോ ത​വ​ണ​യും പു​ടി​ന്റെ വി​ജ​യം മു​ൻ​കൂ​ട്ടി ഉ​റ​പ്പാ​ക്ക​പ്പെ​ടു​ന്നു. പ്ര​തി​പ​ക്ഷ നേ​താ​ക്ക​ളി​ൽ മി​ക്ക​പേ​രെ​യും ജ​യി​ലി​ല​ട​ക്കു​ക​യോ നാ​ടു​ക​ട​ത്തു​ക​യോ മ​ത്സ​ര​ത്തി​ൽ​നി​ന്ന് വി​ല​ക്കു​ക​യോ ചെ​യ്തി​രി​ക്കു​ന്നു, അ​ല്ലെ​ങ്കി​ൽ മ​രി​ക്കു​ന്നു. മാ​ർ​ച്ചി​ൽ പ്ര​ഖ്യാ​പി​ക്ക​പ്പെ​ട്ട അ​വ​സാ​ന ഫ​ല​മ​നു​സ​രി​ച്ച് ആ​കെ പോ​ൾ ചെ​യ്ത വോ​ട്ടി​ന്റെ 87 ശ​ത​മാ​ന​ത്തി​ല​ധി​ക​മാ​ണ് പു​ടി​ന് ല​ഭി​ച്ച​ത്. അ​ദ്ദേ​ഹ​ത്തി​ന്റെ നി​ശി​ത വി​മ​ർ​ശ​ക​നാ​യ അ​ല​ക്സി ന​വ​ൽ​നി ഫെ​ബ്രു​വ​രി​യി​ൽ റ​ഷ്യ​ൻ ജ​യി​ലി​ൽ ദു​രൂ​ഹ സാ​ഹ​ച​ര്യ​ത്തി​ൽ മ​ര​ണ​പ്പെ​ട്ടു. പു​ടി​ൻ അ​ങ്ങ​നെ ആ​ജീ​വ​നാ​ന്ത പ്ര​സി​ഡ​ന്റാ​യി സ്വ​യം പ്ര​ഖ്യാ​പി​ച്ചി​രി​ക്കു​ക​യാ​ണെ​ങ്കി​ൽ, ന​രേ​ന്ദ്ര മോ​ദി 2047ലേ​ക്കു​ള്ള സ്വ​പ്ന​ങ്ങ​ൾ വി​ൽ​ക്കു​ക​യാ​ണ്.

സൂ​റ​ത്ത് വ​ഞ്ചി​ക്ക​പ്പെ​ട്ടു. 35 വ​ർ​ഷ​മാ​യി ബി.​ജെ.​പി​ക്ക് വോ​ട്ടു​ചെ​യ്ത ഒ​രു മ​ണ്ഡ​ല​ത്തി​ന്റെ വോ​ട്ട​വ​കാ​ശം നി​ഷേ​ധി​ക്ക​പ്പെ​ട്ടു. എ​ന്നാ​ൽ, ഇ​ന്ത്യ​യു​ടെ ബാ​ക്കി ഭാ​ഗ​ങ്ങ​ൾ​ക്ക് ബു​ദ്ധി​പൂ​ർ​വം തെ​ര​ഞ്ഞെ​ടു​ക്കാ​നു​ള്ള അ​വ​സ​ര​മു​ണ്ട്. ഗു​ജ​റാ​ത്തി​ൽ നി​ന്നു​ള്ള ചു​വ​രെ​ഴു​ത്ത് കൃ​ത്യ​മാ​ണ്: ഇ​ത് ന​മ്മു​ടെ വോ​ട്ട് സം​ര​ക്ഷി​ക്കാ​നു​ള്ള അ​വ​സാ​ന അ​വ​സ​ര​മാ​ണ്.

(മാ​ധ്യ​മ പ്ര​വ​ർ​ത്ത​ക​യും രാ​ഷ്ട്രീ​യ നി​രീ​ക്ഷ​ക​യു​മാ​യ ലേ​ഖി​ക thewire.inൽ ​എ​ഴു​തി​യ ദീ​ർ​ഘ കു​റി​പ്പി​ൽ​നി​ന്ന്)