നാം ​ചോ​ദ്യ​ങ്ങ​ൾ ഉ​യ​ർ​ത്തി​ക്കൊ​ണ്ടേ​യി​രി​ക്കു​ക

വ​രേ​ണ്യ മു​ഗ​ള​രു​മാ​യി സ​ഹ​വാ​സ​മു​ണ്ടാ​യി​രു​ന്നു​വെ​ങ്കി​ലും വ​ർ​ണ/​ജാ​തി സ്വ​ത്വ​ങ്ങ​ൾ​ക്ക് പു​റ​ത്താ​യി​രു​ന്ന അ​വ​രെ ഉ​ന്ന​ത​ജാ​തി ഹി​ന്ദു​ക്ക​ൾ മ്ലേ​ച്ഛ​രാ​യാ​ണ് ക​ണ്ട​ത്. പാ​ല​ത്തു​നി​ന്ന് ല​ഭി​ച്ച 13ാം നൂ​റ്റാ​ണ്ടി​ലെ ഒ​രു ലി​ഖി​ത​ത്തി​ൽ ഒ​രു ഹി​ന്ദു വ്യാ​പാ​രി മു​ഹ​മ്മ​ദ് ബി​ൻ തു​ഗ്ല​കി​നെ മാ​തൃ​കാ ഭ​ര​ണാ​ധി​കാ​രി​യാ​യി വി​ശേ​ഷി​പ്പി​ച്ചു കാ​ണു​ന്നു.

എ​ന്നാ​ൽ, ആ ​കു​റി​മാ​നം അ​വ​സാ​നി​ക്കു​ന്ന​ത് അ​ദ്ദേ​ഹ​ത്തെ ​മ്ലേ​ച്ഛൻ എ​ന്നു വി​ളി​ച്ചു​കൊ​ണ്ടാ​ണ്. സു​ൽ​ത്താ​നെ അ​പ​കീ​ർ​ത്തി​പ്പെ​ടു​ത്തു​ന്ന അ​ർ​ഥ​ത്തി​ൽ ഒ​രു വ്യാ​പാ​രി​യും ഈ ​പ്ര​യോ​ഗം ന​ട​ത്താ​നി​ട​യി​ല്ല, അ​ങ്ങ​നെ ചെ​യ്താ​ൽ അ​യാ​ളു​ടെ ക​ഥ​ക​ഴി​ഞ്ഞ​തു​ത​ന്നെ. സു​ൽ​ത്താ​ന് ജാ​തി സ്വ​ത്വം ഇ​ല്ലെ​ന്നാ​യി​രി​ക്കാം ഇ​തു​കൊ​ണ്ട് ഉ​ദ്ദേ​ശി​ച്ചി​രി​ക്കു​ക.

കൃ​ത്യ​മാ​യ ജാ​തി​സ്വ​ത്വം ഇ​ല്ലാ​ത്ത​വ​രെ​യും കീ​ഴ്ജാ​തി ഹി​ന്ദു​ക്ക​ളെ​യും അ​വ​ർ​ണ​രാ​യാ​ണ് ഗ​ണി​ച്ചി​രു​ന്ന​ത്. തൊ​ട്ടു​കൂ​ടാ​ത്ത​വ​രും അ​യി​ത്ത​ക്കാ​രു​മാ​യി ക​ണ​ക്കാ​ക്കി​യി​രു​ന്ന ആ​ളു​ക​ളും മ്ലേ​ച്ഛ​രാ​യി​രു​ന്നു. 16ാം നൂ​റ്റാ​ണ്ടി​ലെ ഗ്ര​ന്ഥ​ങ്ങ​ളി​ലൊ​ന്നാ​യ സ​ർ​വ ദ​ർ​ശ​ന സം​ഗ്ര​ഹ​ത്തി​ൽ ശ്ര​മ​ണ​ർ-​ബൗ​ദ്ധ​ർ, ജൈ​ന​ർ, ചാ​ർ​വാ​ക​ർ, തു​രു​ഷ്ക​ർ (മ​ധ്യേ​ഷ്യ​യി​ൽ​നി​ന്നു​ള്ള തു​ർ​ക്കി​ക​ൾ) എ​ന്നി​വ​രെ​യെ​ല്ലാം ജാ​തി പ​ദ​വി ഇ​ല്ലാ​ത്ത നാ​സ്തി​ക​ർ​ ആ​യാ​ണ് വി​വ​രി​ച്ചി​രി​ക്കു​ന്ന​ത്. തു​രു​ഷ്ക​ർ അ​ഥ​വാ തു​ർ​ക്കി​യി​ൽ നി​ന്നു​ള്ള മു​സ്‍ലിം​ക​ൾ വി​ശ്വ​സി​ച്ചി​രു​ന്ന​ത് അ​ല്ലാ​ഹു​വി​ലാ​യി​രു​ന്നു.

17ാം നൂ​റ്റാ​ണ്ടി​ന്റെ തു​ട​ക്ക​ത്തി​ൽ പു​റ​ത്തു വ​ന്ന ഒ​രു അ​സാ​ധാ​ര​ണ​രേ​ഖ ഒ​രു വ്യാ​പാ​രി​യെ​യും അ​ദ്ദേ​ഹം ജീ​വി​ച്ച കാ​ല​ത്തെ സാ​മൂ​ഹി​ക ജീ​വി​ത​ത്തി​ന്റെ​യും ചി​ന്ത​ക​ളു​ടെ​യും ചി​ത്രം ന​ൽ​കു​ന്നു​ണ്ട്. അ​ക്ബ​ർ ച​ക്ര​വ​ർ​ത്തി​യു​ടെ കാ​ല​ത്ത് ബ്ര​ജ് ഭാ​ഷാ ഹി​ന്ദി​യി​ൽ അ​ർ​ധ​ക​ഥ​ന​ക് എ​ന്ന ത​ല​ക്കെ​ട്ടി​ൽ ബ​നാ​ർ​സി​ദാ​സ് എ​ഴു​തി​യ ആ​ത്മ​ക​ഥാ​പ​ര​മാ​യ സു​ദീ​ർ​ഘ ക​വി​ത​യാ​ണി​ത്. ബം​ഗാ​ളി​ലെ ന​വാ​ബാ​യി​രു​ന്ന ലോ​ഥി ഖാ​ന്റെ ദി​വാ​ൻ (മ​ന്ത്രി) ആ​യി​രു​ന്നു ബ​നാ​ർ​സി​ദാ​സി​ന്റെ മു​ത്ത​ച്ഛ​ൻ.

വി​വി​ധ ന​ഗ​ര​ങ്ങ​ളി​ൽ വ്യാ​പ​ക വാ​ണി​ജ്യ ബ​ന്ധ​ങ്ങ​ളു​ണ്ടാ​യി​രു​ന്ന ആ​ഗ്ര​യി​ലെ​യും ബ​നാ​റ​സി​ലെ​യും ജൈ​ന വ്യാ​പാ​ര സ​മൂ​ഹ​ത്തി​ന്റെ മു​ഗ​ൾ​കാ​ല ജീ​വി​തം സം​ബ​ന്ധി​ച്ച ദ​ർ​ശ​ന​മാ​ണ് ഇ​തി​ൽ കാ​ണാ​ൻ ക​ഴി​യു​ക. ജ​യ്പൂ​രി​ൽ മാ​ത്രം അ​ത്യ​ധി​കം സ​ജീ​വ​മാ​യ 52 ക​മ്പോ​ള​ങ്ങ​ളു​ണ്ടാ​യി​രു​ന്നു.

സ​മ്പ​ന്ന ജൈ​ന വ്യാ​പാ​രി​ക​ളി​ൽ​നി​ന്ന് പ​ണം ത​ട്ടാ​ൻ ശ്ര​മി​ക്കു​ന്ന മു​ഗ​ള ഉ​ദ്യോ​ഗ​സ്ഥ​ർ സൃ​ഷ്ടി​ച്ച പ്ര​ശ്ന​ങ്ങ​ളെ​ക്കു​റി​ച്ച് അ​തി​ൽ പ​രാ​മ​ർ​ശി​ക്കു​ന്നു​ണ്ട്. അ​തു​കൊ​ണ്ടൊ​ന്നും ഈ ​ക​ച്ച​വ​ട​ക്കാ​രു​ടെ ക​ണ​ക്ക​റ്റ സ​മ്പ​ത്തി​ന് ഒ​രു ഊ​ന​വും ത​ട്ടി​യി​രു​ന്നി​ല്ല​യെ​ന്നും. മ​ത​ജീ​വി​തം, തീ​ർ​ഥാ​ട​ന കേ​ന്ദ്ര​ങ്ങ​ൾ, ആ​ചാ​ര​ങ്ങ​ൾ, വി​ഗ്ര​ഹ​ങ്ങ​ൾ എ​ന്നി​വ​യെ​ക്കു​റി​ച്ചെ​ല്ലാം സ​വി​സ്ത​രം പ്ര​തി​പാ​ദി​ക്കു​ന്ന ര​ച​ന​യി​ൽ അ​ക്കാ​ല​ത്തെ ഇ​സ്‍ലാ​മി​നെ​യോ ഭ​ക്തി​പ്ര​സ്ഥാ​ന​ത്തെ​ക്കു​റി​ച്ചോ പ​രാ​മ​ർ​ശ​മേ​തു​മി​ല്ല എ​ന്ന​ത് ആ​ശ്ച​ര്യ​ക​രം ത​ന്നെ.

ചു​രു​ങ്ങി​യ കാ​ലം ബ​നാ​ർ​സി​ദാ​സ് ശൈ​വ ഭ​ക്ത​നാ​യി ജീ​വി​ച്ചെ​ങ്കി​ലും വ​ള​രെ​പ്പെ​ട്ടെ​ന്നു​ത​ന്നെ അ​ദ്ദേ​ഹം അ​ടി​യു​റ​ച്ച ജൈ​ന വി​ശ്വാ​സ​ത്തി​ലേ​ക്ക് മ​ട​ങ്ങി. ആ ​മ​ത​ദ​ർ​ശ​ന​ത്തെ​ക്കു​റി​ച്ച് ആ​ഴ​ത്തി​ൽ പ​ഠി​ക്കു​ക​യും ചെ​യ്തി​ട്ടു​ണ്ട​ദ്ദേ​ഹം. ത​ന്റെ കാ​ല​ത്ത് ബ​നാ​റ​സി​ൽ തു​ട​ക്കം​കു​റി​ക്ക​പ്പെ​ട്ട ജ​ന​പ്രി​യ​മാ​യ ഒ​രു വി​വാ​ദ ജൈ​ന പ്ര​സ്ഥാ​ന​ത്തെ​ക്കു​റി​ച്ചും അ​ദ്ദേ​ഹം എ​ഴു​തി​വെ​ച്ചു.

കു​തു​ബ് മി​നാ​റി​ലെ ഗ​ണ​പ​തി നാ​മം

കാ​ര്യ​മാ​യ പ​ഠ​ന​ങ്ങ​ൾ ന​ട​ന്നി​ട്ടി​ല്ലാ​ത്ത ശി​ലാ​ലി​ഖി​ത​ങ്ങ​ളാ​ണ് മ​റ്റൊ​രു നി​ർ​ണാ​യ​ക ച​രി​ത്ര സ്രോ​ത​സ്സ്. ​ചി​ല​ത് ച​രി​ത്ര രേ​ഖ​ക​ളാ​ണ്, പ​ക്ഷേ വി​ശാ​ലാ​ർ​ഥ​ത്തി​ലെ സാ​മൂ​ഹി​ക ജീ​വി​തം അ​വ​യി​ൽ കാ​ണാം. 14ാം നൂ​റ്റാ​ണ്ടി​ൽ ഇ​ടി​മി​ന്ന​ലേ​റ്റ് ഡ​ൽ​ഹി​യി​ലെ കു​തു​ബ് മി​നാ​റി​ന് അ​റ്റ​കു​റ്റ​പ്പ​ണി​ക​ൾ ന​ട​ത്തേ​ണ്ട​താ​യി വ​ന്നു.

പ​ണി​ചെ​യ്യാ​ൻ വ​ന്ന​വ​ർ മി​നാ​ര​ത്തി​ന്റെ പ​ല ഭാ​ഗ​ങ്ങ​ളി​ലാ​യി ഹി​ന്ദി, (തെ​റ്റു​ക​ളോ​ടു​കൂ​ടി​യ) സം​സ്കൃ​ത ഭാ​ഷ​ക​ളി​ലാ​യി നാ​ഗ​രി ലി​പി​യി​ൽ ചി​ല ലി​ഖി​ത​ങ്ങ​ൾ കോ​റി​യി​ട്ടി​രു​ന്നു. അ​തി​ലെ തീ​യ​തി​ക​ൾ രേ​ഖ​പ്പെ​ടു​ത്തി​യി​രി​ക്കു​ന്ന​ത് ഹി​ജ്റാ​ബ്ദ​ത്തി​ല​ല്ല മ​റി​ച്ച് സം​വ​ത് വ​ർ​ഷ​ത്തി​ലാ​ണ് (വി​ക്രം സം​വ​ത്, ബി​ക്രം സം​ബാ​ത് എ​ന്നീ പേ​രു​ക​ളി​ൽ അ​റി​യ​പ്പെ​ടു​ന്ന ഹി​ന്ദു ക​ല​ണ്ട​ർ.

ഗ്രി​ഗോ​റി​യ​ൻ ക​ല​ണ്ട​റി​നേ​ക്കാ​ൾ 56-57 വ​ർ​ഷം മു​ന്നി​ലു​ള്ള ക​ല​ണ്ട​ർ ഇ​ന്ത്യ​ക്ക് പു​റ​മെ നേ​പ്പാ​ളി​ലും പ്ര​ചാ​ര​ത്തി​ലു​ണ്ട്) എ​ന്ന​ത് ​​​ശ്ര​ദ്ധേ​യ​മാ​ണ്. ര​ക്ഷാ​ധി​കാ​രി​യാ​യ സു​ൽ​ത്താ​ന്റെ നാ​മം അ​തി​ൽ ചേ​ർ​ത്തി​ട്ടു​ണ്ട്. തോ​മ​ർ മു​ത​ൽ ചൗ​ഹാ​ൻ, ര​ജ​പു​ത്ര​ർ, ശ​ക​ർ എ​ന്നി​ങ്ങ​നെ രാ​ജ​വം​ശ​ത്തി​ന്റെ പി​ന്തു​ട​ർ​ച്ച രേ​ഖ​പ്പെ​ടു​ത്തി​പ്പോ​കു​ന്ന​തി​ൽ അ​വ​സാ​ന​മാ​യി ചേ​ർ​ത്തി​രി​ക്കു​ന്ന​ത് ക്രി​സ്ത​ബ്ദ​ത്തി​ൽ മ​ധ്യേ​ഷ്യ​യി​ൽ​നി​ന്നു​വ​ന്ന കു​ടി​യേ​റ്റ​ക്കാ​രെ​യാ​ണ്.

എ​ന്നാ​ൽ, അ​വ​രു​ടെ പേ​രു​ക​ൾ പ​ല​തും മ​ധ്യ കാ​ല​ഘ​ട്ട​ങ്ങ​ളി​ലെ തു​ർ​ക്കി​ക​ളു​ടേ​താ​ണ്. ഈ ​ലി​ഖി​ത​ങ്ങ​ൾ ഏ​റെ​യും കു​റി​ച്ചി​ട്ടി​രി​ക്കു​ന്ന​ത് ബ്രാ​ഹ്മ​ണ​രാ​യ എ​ഴു​ത്തു​കാ​രാ​ണ്. അ​റ്റ​കു​റ്റ​പ്പ​ണി നി​ർ​വ​ഹി​ച്ച​യാ​ളു​ക​ളു​ടെ പേ​രും പ​രാ​മ​ർ​​ശി​ച്ചി​രി​ക്കു​ന്നു. ദേ​വ​പാ​ല​ന്റെ മ​ക​ൻ ച​ഹ​ഡ​യാ​ണ് മു​ഖ്യ വാ​സ്തു​ശി​ൽ​പി.

ല​ക്ഷ്മ​ണ​ൻ, നാ​ന, സോ​ൽ​ഹ, ലോ​ല, ഹ​രി​മ​ണി, ഗ​വേ​രി അ​ങ്ങ​നെ പോ​കു​ന്നു കെ​ട്ടു​പ​ണി​ക്കാ​രു​ടെ പേ​രു​ക​ൾ. അ​വ​രെ​ല്ലാം ഹി​ന്ദു​ക്ക​ളാ​ണ്. ചി​ല​യി​ട​ത്ത് ഗ​ണ​പ​തി​യെ​യും അ​തി​ലേ​റെ എ​ല്ലാ വേ​ല​ക​ളും ന​ല്ല രീ​തി​യിൽ പൂ​ർ​ത്തി​യാ​ക്കു​ന്ന​തി​ന് കാ​ര​ണ​ഭൂ​ത​രാ​യി ക​രു​തു​ന്ന വി​ശ്വ​ക​ർ​മാ​വ് ഉ​ൾ​പ്പെ​ടെ ത​ങ്ങ​ൾ ആ​രാ​ധി​ക്കു​ന്ന മൂ​ർ​ത്തി​ക​ളു​ടെ​യും നാ​മ​ത്തി​ലാ​ണ് ലി​ഖി​ത​ങ്ങ​ൾ സ​മാ​പി​ക്കു​ന്ന​ത്.

ദേ​വ​നാ​മ​ങ്ങ​ൾ ഇ​ങ്ങ​നെ ചേ​ർ​ത്തി​രി​ക്കു​ന്ന​തി​ൽ​നി​ന്ന് അ​വ​രാ​രും നി​ർ​ബ​ന്ധി​ത​മാ​യി ജോ​ലി​ചെ​യ്യേ​ണ്ടി വ​ന്ന​വ​രോ മ​ത​പ​രി​വ​ർ​ത്ത​ന​ത്തി​നി​ര​യാ​യ​വ​രോ അ​ല്ല​യെ​ന്ന് വ്യ​ക്തം. ഇ​ത്ത​രം ലി​ഖി​ത​ങ്ങ​ൾ കു​തുബ് മി​നാ​റി​ൽ മാ​ത്ര​മൊ​തു​ങ്ങു​ന്നി​ല്ല, മ​സ്ജി​ദു​ക​ള​ട​ക്കം മ​റ്റ​ന​വ​ധി നി​ർ​മി​തി​ക​ളി​ലും കാ​ണാ​നാ​വും.

വ്യാ​ജ​ച​രി​ത്രം പ​ഠി​ക്ക​രു​ത്, പ്ര​ച​രി​പ്പി​ക്ക​രു​ത്

ഒ​രു സ്വാ​ഭാ​വി​ക ചോ​ദ്യ​ത്തോ​ടെ ഞാ​ൻ അ​വ​സാ​നി​പ്പി​ക്ക​ട്ടെ. സ​മ​സ്ത സാ​മൂ​ഹി​ക ത​ല​ങ്ങ​ളി​ലെ​യും ഹി​ന്ദു​ജീ​വി​ത​ത്തെ വി​ല​യി​രു​ത്തു​മ്പോ​ൾ അ​ക്കാ​ല​ത്ത് സ​മു​ദാ​യ​ങ്ങ​ൾ ത​മ്മി​ലു​ണ്ടാ​യി​രു​ന്ന ബ​ന്ധം എ​ന്താ​ണ് ന​മ്മോ​ട് പ​റ​യു​ന്ന​ത്? വ്യാ​ജ വാ​ർ​ത്ത​ക​ൾ​പോ​ലെ, സ​ക​ല വി​ഷ​യ​ങ്ങ​ളി​ലും ഏ​തു ത​ള്ള​ണം ഏ​തു കൊ​ള്ള​ണ​മെ​ന്ന​തി​ൽ വ്യാ​ജം പ്ര​ശ്ന​ങ്ങ​ൾ സൃ​ഷ്ടി​ച്ചു​കൊ​ണ്ടി​രി​ക്കെ ഈ ​ച​രി​ത്ര​ത്തി​ന്റെ അ​വ​കാ​ശി​ക​ളാ​യ വി​ദ്യാ​സ​മ്പ​ന്ന​രാ​യ ഇ​ന്ത്യ​ക്കാ​രെ​ങ്കി​ലും ഈ ​സാ​ഹ​ച​ര്യം കൂ​ടു​ത​ൽ വ്യ​ക്ത​മാ​യി കാ​ണു​ക​യും ന​ന്നാ​യി മ​ന​സ്സി​ലാ​ക്കു​ക​യും ചെ​യ്യേ​ണ്ട​തി​ല്ലേ?

ഞ​ങ്ങ​ൾ ച​രി​ത്ര​കാ​ർ​ക്ക് ഭൂ​ത​കാ​ല​​ത്തെ​ക്കു​റി​ച്ചു​ള്ള പ​ഠ​ന​മെ​ന്നാ​ൽ ഭൂ​ത​കാ​ലം എ​ങ്ങ​നെ രൂ​പം കൊ​ണ്ടു എ​ന്ന് യു​ക്തി​പൂ​ർ​ണ​മാ​യ വി​ശ​ദീ​ക​ര​ണ​ത്തി​ലൂ​ടെ മ​ന​സ്സി​ലാ​ക്ക​ലാ​ണ്. ന​മ്മു​ടെ സം​സ്കാ​ര​ത്തി​ന്റെ വേ​രു​ക​ൾ തി​രി​യ​ണ​മെ​ന്നു​ണ്ടെ​ങ്കി​ൽ പോ​യ​കാ​ല​ത്ത് യോ​ജി​ച്ചും ക​ല​ഹി​ച്ചും വി​വി​ധ സ​മു​ദാ​യ​ങ്ങ​ൾ എ​ങ്ങ​നെ ബ​ന്ധ​പ്പെ​ട്ടി​രു​ന്നു എ​ന്നു മ​ന​സ്സി​ലാ​ക്കേ​ണ്ട​തു​ണ്ട്.

എ​നി​ക്ക് അ​പേ​ക്ഷി​ക്കാ​നു​ള്ള​തെ​ന്തെ​ന്നാ​ൽ, സ്കൂ​ളു​ക​ളി​ൽ ന​മ്മു​ടെ കു​ട്ടി​ക​ളെ​യും പേ​ര​ക്കു​ട്ടി​ക​ളെ​യും പ​ഠി​പ്പി​ക്കു​ന്ന ച​രി​ത്രം വി​ശ്വ​സ​നീ​യ​മാ​യ തെ​ളി​വു​ക​ളെ അ​ടി​സ്ഥാ​ന​പ്പെ​ടു​ത്തി​യ​തും പ്ര​ഫ​ഷ​ന​ൽ ച​രി​ത്ര​പ​ണ്ഡി​ത​ർ ര​ചി​ച്ച​വ​യു​മാ​വ​ണ​മെ​ന്നാ​ണ്.

ക​ഴി​ഞ്ഞ ആ​യി​രം വ​ർ​ഷ​ത്തി​നി​ടെ​യോ അ​തി​നു മു​മ്പോ മ​ത​സ്വ​ത്വ​ങ്ങ​ളു​ടെ പേ​രി​ൽ തി​രി​ച്ച​റി​യ​പ്പെ​ടു​ന്ന സ​മു​ദാ​യ​ങ്ങ​ൾ ത​മ്മി​ലെ ബ​ന്ധം എ​ല്ലാ​യ്പോ​ഴും സൗ​ഹാ​ർ​ദ​പൂ​ർ​ണ​മാ​യി​രു​ന്നു​വെ​ന്നൊ​ന്നും എ​നി​ക്ക​ഭി​പ്രാ​യ​മി​ല്ല. നാം ​മ​റ​ച്ചു​വെ​ക്കാ​ൻ ശ്ര​മി​ക്കു​ന്നു​വെ​ങ്കി​ലും മു​ൻ​കാ​ല​ങ്ങ​ളി​ലും പ്ര​ശ്ന​ങ്ങ​ളു​ണ്ടാ​യി​രു​ന്നു. ബ്രാ​ഹ്മ​ണ​രും ശ്ര​മ​ണ​രും ത​മ്മി​ലെ ബ​ന്ധ​ത്തി​ന് ഭാ​ഷ-​വ്യാ​ക​ര​ണ പ​ണ്ഡി​ത​ൻ പ​ത​ഞ്ജ​ലി ര​ണ്ട് സ​ഹ​സ്രാ​ബ്ദ​ങ്ങ​ൾ​ക്ക് മു​മ്പേ ന​ൽ​കി​യ താ​ര​ത​മ്യം കീ​രി​യും പാ​മ്പും ത​മ്മി​ലെ ബ​ന്ധം പോ​ലെ​യെ​ന്നാ​യി​രു​ന്നു.

സാ​മ്പ​ത്തി​ക പ്ര​തി​സ​ന്ധി നേ​രി​ട്ട​​പ്പോ​ൾ ക​ശ്മീ​രി​ലെ ഹി​ന്ദു​രാ​ജാ​വ് ക്ഷേ​ത്ര​ങ്ങ​ളു​ടെ സ​മ്പ​ത്ത് കൊ​ള്ള​യ​ടി​ച്ച കാ​ര്യം എ​ഴു​തി​വെ​ച്ച​ത് 11ാം നൂ​റ്റാ​ണ്ടി​ൽ ക​ൽ​ഹാ​ണ​നാ​ണ്. പ​രാ​ജ​യ​പ്പെ​ട്ട ഹി​ന്ദു രാ​ജാ​ക്ക​ന്മാ​രു​ടെ ലി​ഖി​ത​ങ്ങ​ളി​ൽ അ​വ​രു​ടെ മ്ലേ​ച്ഛ ശ​ത്രു​ക്ക​ൾ പ​ശു​ക്ക​ളെ​യും ബ്രാ​ഹ്മ​ണ​രെ​യും കൊ​ന്ന​താ​യി കു​റ്റ​പ്പെ​ടു​ത്തു​ന്നു

സൗ​ഹാ​ർ​ദ​ത്തി​ന്റെ കാ​ല​ങ്ങ​ൾ​ക്കി​ട​യി​ൽ കാ​ലു​ഷ്യ​ത്തി​ന്റെ സാ​ഹ​ച​ര്യ​ങ്ങ​ൾ ഉ​ട​ലെ​ടു​ത്ത​ത് എ​ങ്ങ​നെ​യെ​ന്നും എ​ന്താ​യി​രു​ന്നു അ​വ​യോ​രോ​ന്നി​ന്റെ​യും കാ​ര​ണ​മെ​ന്നും നാം ​പ​രി​ശോ​ധി​ച്ചി​ട്ടു​ണ്ടോ? യോ​ജി​പ്പു​ള്ള സ​മ​യ​ങ്ങ​ൾ​ക്കി​ട​യി​ൽ ഏ​റ്റു​മു​ട്ട​ലു​ക​ളു​ടെ സാ​ഹ​ച​ര്യ​ങ്ങ​ൾ ഉ​ണ്ടാ​യ​ത് എ​ന്തു​കൊ​ണ്ടാ​ണെ​ന്ന് ഞ​ങ്ങ​ൾ പ​രി​ശോ​ധി​ക്കു​ന്നു​ണ്ടോ?

സ​മാ​ധാ​ന​വും സ​മാ​ധാ​ന​ലം​ഘ​ന​വും ന​മ്മു​ടെ സം​സ്കാ​ര നി​ർ​മി​തി​യെ ഏ​തു​വി​ധ​ത്തി​ൽ സ്വാ​ധീ​നി​ക്കു​ക​യും ഗ​തി​നി​ർ​ണ​യി​ക്കു​ക​യും ചെ​യ്യു​ന്നു? ജീ​വി​ത​ത്തി​ന്റെ പ​ര​മാ​ർ​ഥം അ​റി​യു​മെ​ന്ന് എ​ല്ലാ മ​ത​ങ്ങ​ളും പ്ര​ഖ്യാ​പി​ക്കു​ന്നു, ചി​ല​ർ മ​ര​ണ​ശേ​ഷ​മു​ള്ള ജീ​വി​ത​ത്തെ​ക്കു​റി​ച്ചു പോ​ലും അ​റി​യു​മെ​ന്ന് പ​റ​യു​ന്നു.

ചോ​ദ്യ​ങ്ങ​ൾ ഉ​തി​ർ​ത്തു​​കൊ​ണ്ടേ​യി​രി​ക്കു​വാ​നും ന​മ്മെ​ക്കു​റി​ച്ചും നാം ​ജീ​വി​ക്കു​ന്ന ലോ​ക​ത്തെ​ക്കു​റി​ച്ചും ശ​രി​യാ​യി മ​ന​സ്സി​ലാ​ക്കു​വാ​നും ച​രി​ത്രം ന​മ്മോ​ട് ആ​വ​ശ്യ​പ്പെ​ടു​ന്നു​ണ്ട്. യാ​ഥാ​ർ​ഥ്യം പ​ല​പ്പോ​ഴും ന​മു​ക്ക​രി​കി​ൽ മേ​ഘം​മൂ​ടി​ക്കി​ട​പ്പു​ണ്ടാ​വാം.

തു​ട​ക്ക​ത്തി​ൽ പ​റ​ഞ്ഞ എ​റി​ക് ഹോ​ബ്സ്ബാ​മി​ന്റെ ഉ​പ​മ​യി​ലേ​ക്ക് തി​രി​ച്ചു​പോ​കാം- ഹെ​റോ​യി​ൻ അ​ടി​മ​യും ക​റു​പ്പ് ചെ​ടി​യും ത​മ്മി​ലെ ബ​ന്ധം അ​തേ​പ​ടി തു​ട​രാ​ൻ നാം ​അ​നു​വ​ദി​ക്കേ​ണ്ട​തു​ണ്ടോ? അ​തോ അ​യാ​ൾ/​അ​വ​ൾ ത​ന്റെ കാ​ഴ്ച​ക​ളെ ചോ​ദ്യം ചെ​യ്യ​ണ​മെ​ന്ന് നി​ർ​ബ​ന്ധം പി​ടി​ക്ക​ണോ, അ​തോ ക​റു​പ്പി​ന്റെ നി​ല​വാ​രം പു​നഃ​പ​രി​ശോ​ധി​ക്കേ​ണ്ട​തു​ണ്ടോ?- ചോ​ദ്യ​ങ്ങ​ൾ ഉ​യ​രു​ക​യാ​ണെ​ങ്കി​ൽ ഏ​തു വി​ജ്ഞാ​ന​ത്തി​ലും വി​കാ​സ​മു​ണ്ടാ​വും. അ​തു​കൊ​ണ്ടു​ത​ന്നെ എ​ന്റെ ആ​ത്യ​ന്തി​ക​മാ​യ ചോ​ദ്യം ഇ​താ​ണ്: നാം ​എ​ന്താ​ണെ​ന്നും എ​ന്താ​യി​രി​ക്ക​ണ​മെ​ന്നും അ​റി​യാ​ൻ ന​മ്മെ പ്രാ​പ്ത​രാ​ക്കാ​ൻ നി​ല​വി​ലു​ള്ള അ​റി​വി​നെ​ക്കു​റി​ച്ച് ചോ​ദ്യ​ങ്ങ​ൾ ചോ​ദി​ക്കേ​ണ്ട​ത​ല്ലേ?

(അ​വ​സാ​നി​ച്ചു)

ന​ന്ദി: ഇ​ന്ത്യ ഇ​ന്റ​ർ​നാ​ഷ​ന​ൽ സെ​ന്റ​ർ (​ഐ.​ഐ.​സി) ന്യൂ​ഡ​ൽ​ഹി

മൊ​ഴി​മാ​റ്റം: സ​വാ​ദ് റ​ഹ്മാ​ൻ