ഉ​ര്‍ദു​ഗാ​ന്‍ യു​ഗ​ത്തി​ന്റെ ഗ​തി​യെ​ന്താ​കും?

യൂ​റോ​പ്യ​ന്‍ യൂ​നി​യ​നും റ​ഷ്യ​ക്കും യു​ക്രെ​യ്നും സി​റി​യ​ക്കും ന​ടു​വി​ല്‍ സ്ഥി​തി​ചെ​യ്യു​ന്ന രാ​ജ്യ​മെ​ന്ന ഭൂ​മി​ശാ​സ്ത്ര​പ​ര​മാ​യ പ്ര​ത്യേ​ക​ത​കൊ​ണ്ടു​ത​ന്നെ തു​ര്‍ക്കി​യ​യി​ലെ രാ​ഷ്ട്രീ​യ​മാ​റ്റ​ങ്ങ​ള്‍ ലോ​കം സ​ദാ ഉ​റ്റു​നോ​ക്കു​ന്നുണ്ട്. അ​യ​ല്‍രാ​ജ്യ​ങ്ങ​ളി​ലെ രാ​ഷ്ട്രീ​യ അ​സ്ഥി​ര​ത​യും അ​മേ​രി​ക്ക​യു​മാ​യി തു​ട​രു​ന്ന ശ​ത്രു​ത​യു​മെ​ല്ലാം രാ​ജ്യ​ത്തി​ന്റെ ആ​ഭ്യ​ന്ത​ര രാ​ഷ്ട്രീ​യ​ത്തെ​യും സാ​മ്പ​ത്തി​ക മേ​ഖ​ല​യെ​യും കു​​റെ വ​ർ​ഷ​ങ്ങ​ളാ​യി ദോ​ഷ​ക​ര​മാ​യി ബാ​ധി​ക്കുന്നുണ്ട്. നാ​ളെ ക​ഴി​ഞ്ഞ് അ​വി​ടെ ന​ട​ക്കാ​നി​രി​ക്കു​ന്ന​ത് ര​ണ്ടു പ​തി​റ്റാ​ണ്ടി​നി​ട​യി​ലെ പ്ര​വ​ച​നാ​തീ​ത​മാ​യ തെ​ര​ഞ്ഞെ​ടു​പ്പാ​ണ്.

മേ​യ് 14ന് ​തു​ര്‍ക്കി​യ​യി​ലെ ജ​ന​ങ്ങ​ള്‍ പോ​ളി​ങ് ബൂ​ത്തി​ലേ​ക്ക് നീ​ങ്ങാ​നൊ​രു​ങ്ങു​ക​യാ​ണ്. ക​ഴി​ഞ്ഞ 20 വ​ര്‍ഷ​ത്തി​നി​ടെ ന​ട​ന്ന തെ​ര​ഞ്ഞെ​ടു​പ്പു​ക​ളി​ല്‍നി​ന്ന് തി​ക​ച്ചും വ്യ​ത്യ​സ്ത​മാ​ണ് ഇ​ക്കു​റി കാ​ര്യ​ങ്ങ​ൾ. പ്ര​സി​ഡ​ന്റ് റ​ജ​ബ് ത്വ​യ്യി​ബ് ഉ​ര്‍ദു​ഗാ​നെ​യും എ.​കെ പാ​ര്‍ട്ടി​യെ​യും സം​ബ​ന്ധി​ച്ച് ഏ​റ്റ​വും നെ​ഞ്ചി​ടി​പ്പേ​റി​യ​തും പ്ര​വ​ച​നാ​തീ​ത​വു​മാ​യ തെ​ര​ഞ്ഞെ​ടു​പ്പാ​യി​രി​ക്കു​മി​ത്.രാ​ഷ്ട്ര​പി​താ​വ് മു​സ്ത​ഫ ക​മാ​ല്‍ അ​ത്താ​തു​ര്‍ക്ക് സ്ഥാ​പി​ച്ച റി​പ്പ​ബ്ലി​ക്ക​ന്‍ പീ​പ്ള്‍സ് പാ​ര്‍ട്ടി​യു​ടെ നി​ല​വി​ലെ അ​മ​ര​ക്കാ​ര​നാ​യ ക​മാ​ല്‍ കി​ലി​ച്ദാ​റോ​ലു​വി​നെ പ്ര​സി​ഡ​ന്റ് സ്ഥാ​നാ​ര്‍ഥി​യാ​ക്കി പ്ര​തി​പ​ക്ഷ​ത്തെ ആ​റു പാ​ര്‍ട്ടി​ക​ളു​ടെ സ​ഖ്യം ക​ടു​ത്ത മ​ത്സ​ര​ത്തി​നൊ​രു​ങ്ങി​യി​രി​ക്കു​ന്നു.

‘ടേ​ബ്ള്‍ ഓ​ഫ് സി​ക്‌​സ്’ എ​ന്ന​റി​യ​പ്പെ​ടു​ന്ന സ​ഖ്യ​ത്തി​ല്‍ സാ​ദ​ത്ത് പാ​ർ​ട്ടി​യു​ൾ​പ്പെ​ടെ​യു​ള്ള യാ​ഥാ​സ്ഥി​തി​ക മു​സ്‍ലിം പാ​ര്‍ട്ടി​ക​ളും സെ​ക്കു​ല​ര്‍ പാ​ര്‍ട്ടി​ക​ളും കൈ​കോ​ര്‍ക്കു​ന്നു.സി​നാ​ന്‍ ഒ​ഗാ​ന്‍ മ​റ്റൊ​രു ചെ​റു​സ​ഖ്യ​ത്തി​ന്റെ​ പ്ര​സി​ഡ​ന്റ് സ്ഥാ​നാ​ർ​ഥി​യാണ്. കഴിഞ്ഞ ​തെ​ര​ഞ്ഞെ​ടു​പ്പി​ല്‍ ഉ​ര്‍ദു​ഗാ​ന്റെ എ​തി​രാ​ളി​യാ​യി​രു​ന്ന മു​ഹ​റം ഇ​ന്‍ജെ മത്സര രംഗത്തുണ്ടായിരുന്നെങ്കിലും വോട്ടെടുപ്പിന് മണിക്കൂറുകൾ മുൻപ് പിന്മാറ്റം പ്രഖ്യാപിച്ചു.

10 ശ​ത​മാ​ന​ത്തോ​ളം വോ​ട്ട് വി​ഹി​ത​മു​ള്ള കു​ര്‍ദി​ഷ് ദേ​ശീ​യ​വാ​ദ പാ​ര്‍ട്ടി​യാ​യ പീ​പ്ൾ​സ് ഡെ​മോ​ക്രാ​റ്റി​ക് പാ​ർ​ട്ടി​യു​ടെ (എ​ച്ച്.​ഡി.​പി) പി​ന്തു​ണ കി​ലി​ച്ദാ​റോ​ലു​വി​നാ​ണ്. മു​ഹ​റം ഇ​ന്‍ജെ​ക്ക് ലഭിക്കുമായിരുന്ന വോട്ടുകളും അദ്ദേഹം സ്വന്തമാക്കും. ഒ​രേ​ദി​വ​സം​ത​ന്നെ പാ​ര്‍ല​മെ​ന്റി​ലേ​ക്കും പ്ര​സി​ഡ​ന്റ് സ്ഥാ​ന​ത്തേ​ക്കും വോ​ട്ട് ചെ​യ്യു​ന്ന രീ​തി​യാ​ണ് തു​ര്‍ക്കി​യ​യി​ൽ. ഒ​ന്നാം റൗ​ണ്ടി​ൽ പ്ര​സി​ഡ​ന്റ് സ്ഥാ​ന​ത്തേ​ക്ക് 50 ശ​ത​മാ​ന​ത്തി​നു മു​ക​ളി​ല്‍ വോ​ട്ട് നേ​ടാ​ന്‍ ആ​ർ​ക്കും ക​ഴി​ഞ്ഞി​ല്ലെ​ങ്കി​ല്‍ ഏ​റ്റ​വു​മ​ധി​കം വോ​ട്ട് നേ​ടി​യ ര​ണ്ടു സ്ഥാ​നാ​ര്‍ഥി​ക​ള്‍ മേ​യ് 28ന് ​ന​ട​ക്കു​ന്ന ര​ണ്ടാം റൗ​ണ്ട് തെ​ര​ഞ്ഞെ​ടു​പ്പി​നെ നേ​രി​ടും.

ആദ്യഘട്ട അഭി​പ്രായ സർവേകൾ കി​ലി​ച്ദാ​റോ​ലു​വി​ന് മു​ന്‍തൂ​ക്കം കൽപിച്ചിരുന്നുവെങ്കിലും ഉ​ര്‍ദു​ഗാന് സാധ്യത കൽപ്പിക്കുന്ന സർവേ റിപ്പോർട്ടുകളും വരുന്നുണ്ട്. രാ​ജ്യ​ത്തെ 87 മ​ണ്ഡ​ല​ങ്ങ​ളി​ല്‍ ന​ട​ക്കു​ന്ന തെ​ര​ഞ്ഞെ​ടു​പ്പി​ല്‍ എ.​കെ പാ​ര്‍ട്ടി​ക്ക് ത​ന്നെ​യാ​ണ് മു​ന്‍തൂ​ക്കം.ജ​ന​സം​ഖ്യ​യു​ടെ അ​ഞ്ചു​ശ​ത​മാ​നം വ​രു​ന്ന പ്ര​വാ​സിക​ളു​ടെ വോ​ട്ടും ഇ​ത്ത​വ​ണ അ​തി​നി​ര്‍ണാ​യ​ക​മാ​ണ്. ഉ​ർ​ദു​ഗാ​നെ ഭ​ര​ണ​ത്തി​ൽ​നി​ന്ന് പു​റ​ന്ത​ള്ളു​ക എ​ന്ന പൊ​തു​ല​ക്ഷ്യം​വെ​ച്ച് സ​ഖ്യം ചേ​ർ​ന്നി​രി​ക്കു​ന്ന വ്യ​ത്യ​സ്ത ആ​ശ​യ​ധാ​ര​ക​ളി​ലു​ള്ള ക​ക്ഷി​ക​ൾ ത​മ്മി​ലെ അ​ന്ത​ർ​ധാ​ര ദു​ർ​ബ​ല​മാ​യ​തി​നാ​ൽ നാ​ട​കീ​യ​മാ​യ അ​ട്ടി​മ​റി​രം​ഗ​ങ്ങ​ൾ​ക്കും തു​ർ​ക്കി​യ സാ​ക്ഷ്യം വ​ഹി​ച്ചേ​ക്കാം.

സ്വാ​ത​ന്ത്ര്യം, ജ​നാ​ധി​പ​ത്യം

ഉ​ര്‍ദു​ഗാ​ന്റെ കീ​ഴി​ലെ തു​ര്‍ക്കി​യ ക​ഴി​ഞ്ഞ പ​ത്തു​വ​ര്‍ഷ​ത്തി​നി​ടെ ജ​നാ​ധി​പ​ത്യ​മൂ​ല്യ​ങ്ങ​ളു​ടെ കാ​ര്യ​ത്തി​ല്‍ ഏ​റെ പി​റ​കി​ല്‍ പോ​യെ​ന്ന ആ​ഖ്യാ​ന​ത്തി​ലൂ​ന്നി​യാ​ണ് പ്ര​തി​പ​ക്ഷ പ്ര​ചാ​ര​ണം. പ്ര​സി​ഡ​ന്റി​ലേ​ക്ക് അ​ധി​കാ​രം കേ​ന്ദ്രീ​ക​രി​ച്ചു​കൊ​ണ്ടു​ള്ള ബി​ല്‍ പാ​സാ​ക്കി പാ​ര്‍ല​മെ​ന്റ് സം​വി​ധാ​ന​ത്തെ ദു​ര്‍ബ​ല​പ്പെ​ടു​ത്തി, മാ​ധ്യ​മ​സ്വാ​ത​ന്ത്ര്യ​ത്തി​ന് കൂ​ടു​ത​ല്‍ നി​യ​ന്ത്ര​ണ​ങ്ങ​ളേ​ര്‍പ്പെ​ടു​ത്തി, പാ​ര്‍ട്ടി​ക്കാ​രാ​യ ജ​ഡ്ജി​മാ​രെ കൂ​ടു​താ​യി നി​യ​മി​ച്ച് ജു​ഡീ​ഷ്യ​റി​യു​ടെ പ്ര​വ​ര്‍ത്ത​ന​ങ്ങ​ളെ വ​രു​തി​യി​ലാ​ക്കി, സൈ​ന്യ​ത്തി​ന്റെ സ്വ​ത​ന്ത്ര-​സെ​ക്കു​ല​ര്‍ സ്വ​ഭാ​വ​ത്തെ ക്ഷ​യി​പ്പി​ക്കാ​ൻ ശ്ര​മി​ച്ചു എ​ന്നു​തു​ട​ങ്ങി ഉ​ര്‍ദു​ഗാ​നും പാ​ര്‍ട്ടി​ക്കു​മെ​തി​രാ​യ ആ​രോ​പ​ണ​ങ്ങ​ൾ നി​ര​വ​ധി. ഇതിനെ​ല്ലാം തു​ര്‍ക്കി​യ​ക്ക​ക​ത്തും പു​റ​ത്തു​മു​ള്ള പാ​ശ്ചാ​ത്യ​മാ​ധ്യ​മ​ങ്ങ​ളും ഡി​പ്ലോ​മാ​റ്റു​ക​ളു​മെ​ല്ലാം ശ​ക്ത​മാ​യ പി​ന്തു​ണ​യേ​കു​ന്നു. യു.​എ​സ് പ്ര​സി​ഡ​ന്റ് ജോ ​ബൈ​ഡ​ന്‍ത​ന്നെ പ്ര​തി​പ​ക്ഷ​ത്തി​ന് പ​ര​സ്യ പി​ന്തു​ണ പ്ര​ഖ്യാ​പി​ച്ച് രം​ഗ​ത്തു​വ​ന്നി​രു​ന്നു.

അ​ധി​കാ​ര​ത്തി​ലേ​റി​യ 2003 മു​ത​ല്‍ ജ​നാ​ധി​പ​ത്യ, മ​നു​ഷ്യാ​വ​കാ​ശ ച​ട്ട​ക്കൂ​ടു​ക​ളി​ല്‍നി​ന്ന് ഉ​ര്‍ദു​ഗാ​ന്‍ ഏ​റെ വ​ഴി​മാ​റി സ​ഞ്ച​രി​ച്ചി​ട്ടു​ണ്ടെ​ന്ന​തും ഭ​ര​ണ​ത്തി​ന് സ്വേ​ച്ഛാ​ധി​പ​ത്യ സ്വ​ഭാ​വം കൈ​വ​ന്നി​ട്ടു​ണ്ടെ​ന്ന​തും യാ​ഥാ​ര്‍ഥ്യം ത​ന്നെ​യാ​ണ്. എ​ന്നാ​ൽ, ഒ​ട്ടേ​റെ​ത്ത​വ​ണ പ​ട്ടാ​ള​അ​ട്ടി​മ​റി​യി​ലൂ​ടെ ജ​നാ​ധി​പ​ത്യം ത​കി​ടം മ​റി​ക്ക​പ്പെ​ട്ട രാ​ജ്യ​ത്ത്, സ​ക​ല അ​ട്ടി​മ​റി നീ​ക്ക​ങ്ങ​ളെ​യും അ​തി​ജീ​വി​ച്ച് ര​ണ്ടു​പ​തി​റ്റാ​ണ്ടു കാ​ലം സ്ഥി​ര​ത​യു​ള്ള ഭ​ര​ണ​കൂ​ടം നി​ല​നി​ർ​ത്താ​ൻ ഉ​ര്‍ദു​ഗാ​ന് സാ​ധി​ച്ചു. മു​സ്‌​ലിം സ്ത്രീ​ക​ള്‍ക്ക് പൊ​തു​ഇ​ട​ങ്ങ​ളി​ല്‍ ഹി​ജാ​ബ് ധ​രി​ക്കു​ന്ന​തി​ന് നി​ല​നി​ന്ന നി​രോ​ധ​നം നീ​ക്കി​യ​തും ഇ​ക്കാ​ല​ത്താ​ണ്.

അ​ടു​ത്ത 20 വ​ർ​ഷ​മൊ​ന്നും ത​നി​ക്ക് ഭ​രി​ക്കാ​നാ​വി​ല്ലെ​ങ്കി​ലും അ​ധി​കാ​ര​കേ​ന്ദ്രീ​ക​ര​ണം അ​വ​സാ​നി​പ്പി​ച്ച് പ​ഴ​യ പാ​ര്‍ല​മെ​ന്റ​റി ജ​നാ​ധി​പ​ത്യം പു​നഃ​സ്ഥാ​പി​ക്കു​മെ​ന്നാ​ണ് 74കാരനായ ക​മാ​ല്‍ കി​ലി​ച്ദാ​റോ​ലു തെ​ര​ഞ്ഞെ​ടു​പ്പ് റാ​ലി​ക​ളി​ൽ ആ​വ​ർ​ത്തി​ച്ച് ന​ൽ​കു​ന്ന വാ​ഗ്ദാ​നം.

വി​ല​ക്ക​യ​റ്റ​വും അ​ഭ​യാ​ര്‍ഥി​പ്ര​ശ്‌​ന​വും

ഉ​ര്‍ദു​ഗാ​ന്‍ യു​ഗം തു​ര്‍ക്കി​യ​യു​ടെ സാ​മ്പ​ത്തി​ക വ്യ​വ​സ്ഥ​ക്ക് ന​ല്‍കി​യ മു​ന്നേ​റ്റം സ​മാ​ന​ത​ക​ളി​ല്ലാ​ത്ത​താ​യി​രു​ന്നു. രാ​ജ്യ​ത്തെ അ​ടി​സ്ഥാ​ന​സൗ​ക​ര്യ​ങ്ങ​ളും ആ​രോ​ഗ്യ​മേ​ഖ​ല​യും നാ​ണ​യ​ത്തി​ന്റെ മൂ​ല്യ​വും ഏ​റ്റ​വും വി​ക​സി​ത​മാ​യ​ത് എ.​കെ പാ​ർ​ട്ടി ഭ​ര​ണ​ത്തി​ന്റെ ആ​ദ്യ ദ​ശ​ക​ത്തി​ലാ​ണ്. എ​ന്നാ​ല്‍, കു​റേ വ​ര്‍ഷ​ങ്ങ​ളാ​യി തു​ര്‍ക്കി​യ​യു​ടെ സ​മ്പ​ദ് വ്യ​വ​സ്ഥ താ​ഴേ​ക്കാ​ണ്.

2022ല്‍ ​പ​ണ​പ്പെ​രു​പ്പം 85 ശ​ത​മാ​ന​മാ​യ​ത് മ​ധ്യ​വ​ര്‍ഗ​ത്തി​ന്റെ ദൈ​നം​ദി​ന ജീ​വി​ത​ത്തെ സാ​ര​മാ​യി ബാ​ധി​ച്ചു. ഡോ​ള​റി​നെ​തി​രെ ലി​റ​യു​ടെ മൂ​ല്യം ക​ഴി​ഞ്ഞ അ​ഞ്ചു​വ​ര്‍ഷ​ത്തി​നി​ടെ നാ​ലി​ലൊ​ന്നി​ല്‍ താ​ഴെ​യാ​യി. ക​യ​റ്റു​മ​തി കു​റ​യു​ക​യും ഇ​റ​ക്കു​മ​തി വ​ർ​ധി​ക്കു​ക​യും ചെ​യ്തു. രാ​ജ്യ​ത്തെ സാ​മ്പ​ത്തി​ക അ​പ​ച​യം ന​ഗ​ര​വാ​സി​ക​ള്‍ക്കി​ട​യി​ലും ന​ല്ലൊ​രു​ശ​ത​മാ​നം യു​വാ​ക്ക​ള്‍ക്കി​ട​യി​ലും ഉ​ര്‍ദു​ഗാ​ന്റെ പി​ന്തു​ണ കു​റ​ക്കാ​ന്‍ കാ​ര​ണ​മാ​യി​ട്ടു​ണ്ട്. 50 ല​ക്ഷ​ത്തോ​ളം വ​രു​ന്ന ക​ന്നി വോ​ട്ട​ർ​മാ​ർ പോ​ളി​ങ് ബൂ​ത്തി​ലെ​ത്താ​ൻ പോ​കു​ന്ന തെ​ര​ഞ്ഞെ​ടു​പ്പ് കൂ​ടി​യാ​ണി​ത്.

രാ​ജ്യ​ത്ത് അ​ഭ​യം ന​ല്‍കി​യ 40 ല​ക്ഷ​ത്തോ​ളം സി​റി​യ​ന്‍ അ​ഭ​യാ​ര്‍ഥി​ക​ളെ തി​രി​ച്ച​യ​ക്കു​ന്ന​തു​മാ​യി ബ​ന്ധ​പ്പെ​ട്ട് എ.​കെ പാ​ര്‍ട്ടി​ക്കു​മേ​ല്‍ പ്ര​തി​പ​ക്ഷ പാ​ര്‍ട്ടി​ക​ളു​ടെ ശ​ക്ത​മാ​യ സ​മ്മ​ര്‍ദ​മാ​ണു​ള്ള​ത്. തു​ര്‍ക്കി​യ​യു​ടെ സാ​മ്പ​ത്തി​ക അ​ര​ക്ഷി​താ​വ​സ്ഥ​ക്ക് അ​ഭ​യാ​ര്‍ഥി ന​യ​വും പ​ങ്കു​വ​ഹി​ച്ചി​ട്ടു​ണ്ട്. 2019ലെ ​പ്രാ​ദേ​ശി​ക തെ​ര​ഞ്ഞെ​ടു​പ്പി​ല്‍ ഇ​സ്തം​ബൂ​ള്‍ അ​ട​ക്ക​മു​ള്ള ന​ഗ​ര​സ​ഭ​ക​ളു​ടെ ഭ​ര​ണം എ.​കെ പാ​ര്‍ട്ടി​ക്ക് ന​ഷ്ട​മാ​യ​തി​ന് പ്ര​ധാ​ന കാ​ര​ണ​ങ്ങ​ളി​ലൊ​ന്നാ​യ സി​റി​യ​ന്‍ അ​ഭ​യാ​ര്‍ഥി പ്ര​ശ്‌​ന​വും ഭ​ര​ണ​പ​ക്ഷ​ത്തി​നെ​തി​രാ​യ ജ​ന​വി​കാ​ര​മാ​യി ഉ​യ​ര്‍ത്താ​ന്‍ പ്ര​തി​പ​ക്ഷം കാ​ര്യ​മാ​യി ശ്ര​മി​ക്കു​ന്നു​ണ്ട്.

വി​ദേ​ശ നി​ക്ഷേ​പ​ങ്ങ​ള്‍ ഗ​ണ്യ​മാ​യി വ​ര്‍ധി​പ്പി​ച്ചു, ത​ദ്ദേ​ശീ​യ​മാ​യി ഇ​ല​ക്ട്രി​ക് കാ​ര്‍ വി​ക​സി​പ്പി​ച്ചു, ആ​ണ​വ പ്ലാ​ന്റ് നി​ര്‍മാ​ണം ആ​രം​ഭി​ച്ചു, അ​തി​വേ​ഗ റെ​യി​ല്‍വേ സ്ഥാ​പി​ച്ചു എ​ന്നി​ങ്ങ​നെ ത​ന്റെ വി​ക​സ​ന ന​യ​ങ്ങ​ളെ അ​ക്ക​മി​ട്ടു​നി​ര​ത്തി ആ​രോ​പ​ണ​ങ്ങ​ളെ പ്ര​തി​രോ​ധി​ക്കു​ക​യാ​ണ് തെ​ര​ഞ്ഞെ​ടു​പ്പ് റാ​ലി​ക​ളി​ല്‍ ഉ​ര്‍ദു​ഗാ​ന്‍. ഒ​പ്പം വൈ​ദേ​ശി​ക ആ​ക്ര​മ​ണ​ങ്ങ​ളി​ല്‍നി​ന്ന് രാ​ജ്യ​ത്തെ ചെ​റു​ക്കാ​ന്‍ പ്ര​തി​രോ​ധ മേ​ഖ​ല​യെ ശ​ക്തി​പ്പെ​ടു​ത്തി​യ​താ​യും അ​വ​കാ​ശ​പ്പെ​ടു​ന്നു​ണ്ട്.

പു​തു​താ​യി വി​ക​സി​പ്പി​ച്ച സാ​യു​ധ ഡ്രോ​ണു​ക​ളും ഫൈ​റ്റ​ര്‍ ജെ​റ്റു​ക​ളും യു​ദ്ധ​ക്ക​പ്പ​ലു​ക​ളു​മെ​ല്ലാം തു​റു​പ്പു​ശീ​ട്ടു​ക​ളാ​ണ്. ‘തു​ര്‍ക്കി​യ​യു​ടെ ഇ​ലോ​ണ്‍ മ​സ്‌​ക്’ എ​ന്ന് വി​ശേ​ഷി​പ്പി​ക്ക​പ്പെ​ടു​ന്ന മ​രു​മ​ക​ന്‍ സെ​ല്‍ജൂ​ക് ബ​യ്‌​റ​ക്ത​റി​നെ മു​ന്നി​ല്‍നി​ര്‍ത്തി​യാ​ണ് പ്ര​ചാ​ര​ണ​ങ്ങ​ള്‍. പ്ര​തി​രോ​ധ​രം​ഗ​ത്തും ഭൂ​ക​മ്പ ദു​ര​ന്ത​മു​ഖ​ത്തും എ​ൻ​ജി​നീ​യ​റി​ങ് വൈ​ദ​ഗ്ധ്യം​കൊ​ണ്ട് ​​ശ്ര​ദ്ധേ​യ​നാ​യ ബെ​യ്‌​റ​ക്ത​റി​നെ ഭാ​വി നേ​താ​വാ​യും പാ​ര്‍ട്ടി ജ​ന​ങ്ങ​ൾ​ക്കു​മു​ന്നി​ൽ അ​വ​ത​രി​പ്പി​ക്കു​ന്നു.

ഭൂ​ക​മ്പാ​ന​ന്ത​ര ജ​ന​ഹി​തം

ഇ​ക്ക​ഴി​ഞ്ഞ ഫെ​ബ്രു​വ​രി​യി​ലാ​ണ് തു​ര്‍ക്കി​യ​യെ​യും സി​റി​യ​യെ​യും ആ​ഴ​ത്തി​ല്‍ പി​ടി​ച്ചു​കു​ലു​ക്കി​യ ഭൂ​ക​മ്പ​മു​ണ്ടാ​യ​ത്. 50,000ത്തോ​ളം പേ​രു​ടെ ജീ​വ​നും ല​ക്ഷ​ക്ക​ണ​ക്കി​ന് കു​ടും​ബ​ങ്ങ​ളു​ടെ ജീ​വി​ത​വും ക​വ​ർ​ന്ന വ​ന്‍ ദു​ര​ന്ത​ത്തി​ന്റെ ആ​ദ്യ മ​ണി​ക്കൂ​റു​ക​ളി​ല്‍ ര​ക്ഷാ​പ്ര​വ​ര്‍ത്ത​ന​ത്തി​നും സേ​ന​ക​ളെ അ​യ​ക്കു​ന്ന​തി​ലും സേ​വ​ന​വി​ഭാ​ഗ​ങ്ങ​ളെ വി​ന്യ​സി​ക്കു​ന്ന​തി​ലും സ​ർ​ക്കാ​റി​ന് സം​ഭ​വി​ച്ച വീ​ഴ്ച ജ​ന​ങ്ങ​ള്‍ക്കി​ട​യി​ല്‍ വ​ലി​യ രോ​ഷ​മു​ണ്ടാ​ക്കി​യി​രു​ന്നു. അ​തേ​സ​മ​യം, പ്ര​തി​പ​ക്ഷ പാ​ര്‍ട്ടി​ക​ള്‍ ഭ​രി​ക്കു​ന്ന ന​ഗ​ര​സ​ഭ​ക​ള്‍ വ​ള​രെ വേ​ഗ​ത്തി​ല്‍ ഭൂ​ക​മ്പ​ബാ​ധി​ത പ്ര​ദേ​ശ​ങ്ങ​ളി​ലേ​ക്ക് സ​ഹാ​യ​മെ​ത്തി​ക്കു​ന്ന​തി​ല്‍ വി​ജ​യി​ക്കു​ക​യും ചെ​യ്തു.

ഉ​ര്‍ദു​ഗാ​ന്‍ത​ന്നെ തെ​റ്റ് സ​മ്മ​തി​ക്കു​ക​യും പ​ര​സ്യ​മാ​യി മാ​പ്പ​പേ​ക്ഷി​ക്കു​ക​യും ചെ​യ്തി​രു​ന്നു. എ.​കെ പാ​ര്‍ട്ടി​യു​ടെ ശ​ക്തി​കേ​ന്ദ്ര​മാ​യ, ഭൂ​ക​മ്പം ത​ക​ര്‍ത്ത അ​ദ​യ്മാ​ന്‍ പ്ര​വി​ശ്യ​യി​ലെ ജ​ന​ങ്ങ​ള്‍ ത​ങ്ങ​ളു​ടെ അ​മ​ര്‍ഷം മാ​ധ്യ​മ​ങ്ങ​ളോ​ട് രേ​ഖ​പ്പെ​ടു​ത്തി​യി​രു​ന്നു. എ​ന്നി​രു​ന്നാ​ലും ഏ​പ്രി​ലി​ല്‍ മെ​ട്രോ​പോ​ള്‍ ന​ട​ത്തി​യ സ​ര്‍വേ പ്ര​കാ​രം, ഉ​ര്‍ദു​ഗാ​ന്‍ സ​ര്‍ക്കാ​റി​നു​ത​ന്നെ​യാ​ണ് പ്ര​തി​പ​ക്ഷ സ​ഖ്യ​വു​മാ​യി താ​ര​ത​മ്യം ചെ​യ്യു​മ്പോ​ള്‍ ഭൂ​ക​മ്പ​ബാ​ധി​ത തു​ര്‍ക്കി​യ​യെ കൈ​പി​ടി​ച്ചു​യ​ര്‍ത്താ​ന്‍ കെ​ല്‍പു​ള്ള​തെ​ന്നാ​ണ് ജ​ന വി​ശ്വാ​സം.

തു​ർ​ക്കി​യ ജ​ന​സം​ഖ്യ​യി​ലെ യാ​ഥാ​സ്ഥി​തി​ക മ​ധ്യ​വ​ർ​ഗ​ത്തി​ന്റെ ഹി​ത​ത്തെ ആ​ശ്ര​യി​ച്ചാ​ണ് മി​ക്ക​വാ​റും തെ​ര​ഞ്ഞെ​ടു​പ്പ് ജ​യ​പ​രാ​ജ​യ​ങ്ങ​ൾ നിർണയിക്കപ്പെടുന്ന​ത്. ഉ​ർ​ദു​ഗാ​ന് ക​ഴി​ഞ്ഞ വ​ർ​ഷ​ങ്ങ​ളി​ൽ നി​സ്തു​ല പി​ന്തു​ണ ന​ൽ​കി​യ ഈ ​വി​ഭാ​ഗത്തിനിട​യി​ൽ ഇ​ത്ത​വ​ണ അ​ഭി​പ്രാ​യ​ഭി​ന്ന​ത രൂ​ക്ഷ​മാ​ണ്. യാ​ഥാ​സ്ഥി​തി​ക ഇ​സ്‍ലാ​മി​ക പാ​ർ​ട്ടി​ക​ൾ പ​ല​തും ക​മാ​ലി​സ്റ്റ് സ​ഖ്യ​ത്തോ​ടൊ​പ്പം ചേ​ർ​ന്ന​തും ഇ​തി​നോ​ട് ചേ​ർ​ത്തു​വാ​യി​ക്ക​ണം.

എ​ന്നി​രു​ന്നാ​ലും സാ​മ്പ​ത്തി​ക​മ​ട​ക്ക​മു​ള്ള പ്ര​ശ്ന​ങ്ങ​ൾ​ക്ക് പ​രി​ഹാ​രം കാ​ണാ​ൻ പ്രാ​പ്തി​യു​ള്ള ഒ​രു ഭ​ര​ണാ​ധി​കാ​രി​യോ ഭ​ര​ണ​കൂ​ട​മോ പ്ര​തി​പ​ക്ഷ​ത്തു​നി​ന്നു​ണ്ടാ​കു​മെ​ന്ന് തു​ർ​ക്കി​യ ജ​ന​ത​യി​ൽ വ​ലി​യൊ​രു​വി​ഭാ​ഗം വി​ശ്വ​സി​ക്കു​ന്നി​ല്ലെ​ന്ന് വി​വി​ധ സ​ർ​വേ​ക​ളി​ൽ​നി​ന്ന് വ്യ​ക്ത​മാ​ണ്. ഒ​പ്പം, ക​മാ​ലി​സ്റ്റ് പാ​ർ​ട്ടി അ​ധി​കാ​ര​ത്തി​ലേ​റി​യാ​ൽ ഹി​ജാ​ബ് ധ​രി​ക്കാ​നു​ള്ള സ്വാ​ത​ന്ത്ര്യം ഉ​ൾ​പ്പെ​ടെ കൈ​വി​ട്ടു​പോ​കു​മോ​യെ​ന്ന ഭ​യ​വും തു​ർ​ക്കി​യ​യി​ലെ സാ​മാ​ന്യ മു​സ്‍ലിം ജ​ന​വി​ഭാ​ഗ​ത്തി​നു​ണ്ട്.

(ഇ​സ്തം​ബൂ​ൾ മ​ർ​മ​റ സ​ർ​വ​ക​ലാ​ശാ​ല​യി​ലെ മു​ൻ വി​ദ്യാ​ർ​ഥി​യാ​ണ് ലേ​ഖ​ക​ൻ)