പ്ര​വാ​സി​ക​ളു​ടെ പ്ര​ശ്ന​ങ്ങ​ൾ എവിടെയാണ് ച​ർ​ച്ച ചെ​യ്യു​ക?

കേ​ന്ദ്ര വി​ദേ​ശ​കാ​ര്യ മ​ന്ത്രാ​ല​യം സം​ഘ​ടി​പ്പി​ക്കു​ന്ന 17ാമ​ത് ഭാ​ര​തീ​യ പ്ര​വാ​സി ദി​വ​സ് മ​ധ്യ​പ്ര​ദേ​ശി​ലെ ഇ​ന്ദോറി​ൽ ആ​രം​ഭി​ച്ചി​രി​ക്കു​ന്നു. പ്ര​വാ​സി​ക​ളെ ബാ​ധി​ക്കു​ന്ന നി​ര​വ​ധി പ്ര​ശ്ന​ങ്ങ​ൾ ഈ ​വേ​ള​യി​ൽ ആ​ലോ​ച​ന വി​ഷ​യ​മാ​വേ​ണ്ട​തു​ണ്ട്; അ​ടി​യ​ന്ത​ര പ​രി​ഹാ​രം ല​ഭി​ക്കേ​ണ്ട​തു​ണ്ട്.

1. പ്ര​വാ​സി വോ​ട്ട​വ​കാ​ശം

പ്ര​വാ​സി​ക​ളു​ടെ ഒ​ട്ടു​മി​ക്ക പ്ര​ശ്ന​ങ്ങ​ൾ​ക്കും ഒ​റ്റ​മൂ​ലി​യെ​ന്ന് വി​ശേ​ഷി​പ്പി​ക്കു​ന്ന വോ​ട്ട​വ​കാ​ശം അ​ടു​ത്ത പാ​ർ​ല​മെൻറ് സ​മ്മേ​ള​ന​ത്തി​ലെ​ങ്കി​ലും പാ​സാ​യി​ല്ലെ​ങ്കി​ൽ പ്ര​വാ​സി വോ​ട്ട​വ​കാ​ശ​ത്തി​ന് ഇ​നി​യും ചു​രു​ങ്ങി​യ​ത് ആ​റ് വ​ർ​ഷ​ങ്ങ​ൾ വേ​ണ്ടി​വ​രും! ഇ​ന്ത്യ​ക്ക​ക​ത്തെ പ്ര​വാ​സി​ക​ൾ​ക്ക് വോ​ട്ട​വ​കാ​ശം വി​നി​യോ​ഗി​ക്ക​ത്ത​ക്ക​വ​ണ്ണം സ​ജ്ജീ​ക​ര​ണ​ങ്ങ​ൾ ഒ​രു​ക്കു​ക​യും അ​തു​മാ​യി ബ​ന്ധ​പ്പെ​ട്ട് രാ​ഷ്ട്രീ​യ പാ​ർ​ട്ടി​ക​ളു​മാ​യി ഈ ​മാ​സം 26ന് ​ന​ട​ക്കു​ന്ന ച​ർ​ച്ച​ക​ളു​ടെ അ​വ​സ​ര​വും നാം ​വി​ല​യി​രു​ത്ത​ണം.

2. എ​മി​ഗ്രേ​ഷ​ൻ ബി​ൽ 2021

പ്ര​വാ​സി​ക​ളു​ടെ നി​ല​വി​ലെ എ​മി​ഗ്രേ​ഷ​ൻ നി​യ​മ​ങ്ങ​ൾ​ക്ക് 40 വ​ർ​ഷം പ​ഴ​ക്ക​മു​ണ്ട്! ഇ​ക്കാ​ല​യ​ള​വി​ൽ കു​ടി​യേ​റ്റരം​ഗ​ത്ത് വ​ന്ന മാ​റ്റ​ങ്ങ​ൾ ഉ​ൾ​ക്കൊ​ള്ളാ​നാ​യി കൊ​ണ്ടു​വ​ന്ന എ​മി​ഗ്രേ​ഷ​ൻ ബി​ൽ 2021 പ്രാ​ഥ​മി​ക ച​ർ​ച്ച​ക​ൾ പൂ​ർ​ത്തി​യാ​യെ​ങ്കി​ലും ഇ​തു​വ​രെ പാ​ർ​ല​മെ​ന്റ് പ​രി​ഗ​ണ​ന​യി​ൽ വ​ന്നി​ട്ടി​ല്ല. അ​ന്താ​രാ​ഷ്ട്ര കു​ടി​യേ​റ്റ നി​യ​മ​ങ്ങ​ൾ​ക്ക് അ​നു​സൃ​ത​മാ​യ രീ​തി​യി​ൽ പ​ല കാ​ര്യ​ങ്ങ​ളും ഉ​ൾ​ക്കൊ​ള്ളി​ച്ച ബി​ൽ ഒ​രു പ​രി​ധി​വ​രെ​യെ​ങ്കി​ലും ആ​ശ്വാ​സ​ക​ര​മാ​ണ്.

3. വേ​ത​ന മോ​ഷ​ണം

കോ​വി​ഡ്കാ​ല​ത്ത് പി​രി​ച്ചു​വി​ട്ട തൊ​ഴി​ലാ​ളി​ക​ൾ​ക്കും നി​ല​വി​ലെ പ്ര​വാ​സി​ക​ൾ​ക്കും ല​ഭി​ക്കേ​ണ്ട ശ​മ്പ​ള​മ​ട​ക്ക​മു​ള്ള ആ​നു​കൂ​ല്യ​ങ്ങ​ൾ ല​ഭി​ക്കാ​തെ നി​ര​വ​ധി പേ​രാ​ണ് പ്ര​യാ​സ​പ്പെ​ടു​ന്ന​ത്. ഇ​ത്ത​രം ആ​ളു​ക​ളു​ടെ പ്ര​ശ്ന​പ​രി​ഹാ​രം അ​ടി​യ​ന്ത​ര​മാ​യി കാ​ണേ​ണ്ട​തു​ണ്ട്.

4. കേ​ന്ദ്ര പ​ദ്ധ​തി​ക​ൾ

ലോ​ക​ത്തി​ൽ ഏ​റ്റ​വും കൂ​ടു​ത​ൽ പ​ണം പ്ര​വാ​സി​ക​ളി​ൽ​നി​ന്ന് സ്വീ​ക​രി​ക്കു​ന്ന​ത് വ​ർ​ഷ​ങ്ങ​ളാ​യി ന​മ്മു​ടെ രാ​ജ്യ​മാ​ണ്. കോ​വി​ഡ്കാ​ല​ത്ത് പോ​ലും ഇ​തി​ൽ കാ​ര്യ​മാ​യ കു​റ​വ് വ​ന്നി​ട്ടി​ല്ല. ഇ​ന്ത്യ​യി​ലേ​ക്കു​ള്ള നേ​രി​ട്ടു​ള്ള വി​ദേ​ശ നി​ക്ഷേ​പ​ത്തേ​ക്കാ​ൾ കൂ​ടി​യ തു​ക​യാ​ണ് പ്ര​വാ​സി​ക​ൾ ഇ​ന്ത്യ​യി​ലേ​ക്ക് അ​യ​ക്കു​ന്ന​ത്.

ഇ​ന്ത്യ​ക്ക് വി​ദേ​ശ നാ​ണ​യം ന​ൽ​കി​വ​രു​ന്ന ക​യ​റ്റു​മ​തി, വി​ദേ​ശ നി​ക്ഷേ​പം, ക​ട​മെ​ടു​പ്പ് തു​ട​ങ്ങി​യ​വ​യെ പ്രോ​ത്സാ​ഹി​പ്പി​ക്കാ​ൻ നി​ര​വ​ധി പ​ദ്ധ​തി​ക​ളും ആ​നു​കൂ​ല്യ​ങ്ങ​ളും നി​ല​വി​ലു​ണ്ട്. പ്ര​വാ​സ ജീ​വി​ത​ത്തി​ലു​ള്ള നാ​ല് ഘ​ട്ട​ങ്ങ​ളാ​യ പ്രീ ​ഡി​പ്പാ​ർ​ച്ച​ർ, യാ​ത്ര, പ്ര​വാ​സ ജീ​വി​തം, മ​ട​ങ്ങി​വ​ര​വ് എ​ന്നി​വ​യി​ലെ​ല്ലാം അ​നു​കൂ​ല ഇ​ട​പെ​ട​ലു​ക​ൾ അ​നി​വാ​ര്യ​മാ​ണ്.

എ​ന്നാ​ൽ, പ്ര​വാ​സി​ക​ൾ​ക്കാ​യി കേ​ന്ദ്ര​സ​ർ​ക്കാ​റി​ന്റെ നേ​രി​ട്ടു​ള്ള ക്ഷേ​മ​പ​ദ്ധ​തി​ക​ൾ തു​ലോം കു​റ​വാ​ണ്. ക​ഴി​ഞ്ഞ ബ​ജ​റ്റി​ൽ എ​ൻ.​ആ​ർ.​ഐ എ​ന്ന പ​ദം​പോ​ലും വ​ന്നി​ട്ടി​ല്ലെ​ന്ന​താ​ണ് വ​സ്തു​ത. ഓ​രോ വ​ർ​ഷ​വും ബ​ജ​റ്റി​ന് മു​ന്നോ​ടി​യാ​യി ന​ട​ക്കു​ന്ന ച​ർ​ച്ച​ക​ളി​ൽ ഇ​തു​വ​രെ പ്ര​വാ​സി വി​ഷ​യ​ങ്ങ​ൾ ക​ട​ന്നു​വ​ന്നി​ട്ടി​ല്ല എ​ന്ന​തു​കൂ​ടെ ചേ​ർ​ത്ത് വാ​യി​ക്ക​ണം.

5. മാ​റ്റംവ​രേ​ണ്ട നി​യ​മ​ങ്ങ​ൾ

പ്ര​വാ​സി​ക​ൾ​ക്കാ​യു​ള്ള നി​യ​മ​ങ്ങ​ളി​ൽ പ​ല​തും OCI, PIO, NRI വ്യ​ത്യാ​സ​മി​ല്ലാ​തെ ഒ​രൊ​റ്റ കാ​റ്റ​ഗ​റി​യി​ലാ​ണ് ഉ​ൾ​പ്പെ​ടു​ത്തി​യി​ട്ടു​ള്ള​ത്. അ​താ​യ​ത്, ഇ​ര​ട്ട പൗ​ര​ത്വം ഉ​ള്ള​വ​രെ​യും ഒ​രി​ക്ക​ലും പൗ​ര​ത്വം ല​ഭി​ക്കാ​ത്ത ഗ​ൾ​ഫ് നാ​ടു​ക​ൾ അ​ട​ക്ക​മു​ള്ള രാ​ജ്യ​ത്തെ പ്ര​വാ​സി​ക​ളെ​യും ഒ​രൊ​റ്റ കാ​റ്റ​ഗ​റി​യാ​യി പ​രി​ഗ​ണി​ക്കു​ന്ന FEMA പോ​ലു​ള്ള നി​യ​മ​പ്ര​കാ​രം NRI കാ​റ്റ​ഗ​റി​യി​ൽ​പെ​ടു​ന്ന സാ​ധാ​ര​ണ​ക്കാ​രാ​യ പ്ര​വാ​സി​ക​ൾ​ക്ക് നാ​ട്ടി​ൽ കൃ​ഷി​ഭൂ​മി വാ​ങ്ങാ​ൻ​പോ​ലും സാ​ധ്യ​മ​ല്ല.

മാ​ത്ര​വു​മ​ല്ല, ഇ​ങ്ങ​നെ ചെ​യ്താ​ൽ വ​ൻ പി​ഴ​യ​ട​ക്ക​ണ​മെ​ന്നും ഭൂ​മി ആ​റു​മാ​സ​ത്തി​ന​കം വി​റ്റൊ​ഴി​യ​ണ​മെ​ന്നും വ്യ​വ​സ്ഥ​യു​ണ്ട്! കൃ​ഷി​യെ ഏ​റെ പ്രോ​ത്സാ​ഹി​പ്പി​ക്കു​ന്ന ന​മ്മു​ടെ രാ​ജ്യ​ത്ത്, തി​രി​ച്ചു​വ​രു​ന്ന പ്ര​വാ​സി​ക​ൾ​ക്ക് പു​ന​ര​ധി​വാ​സ​ത്തി​ന് കേ​ര​ളം പോ​ലു​ള്ള സം​സ്ഥാ​ന​ങ്ങ​ൾ വി​ഭാ​വ​നം ചെ​യ്യു​ന്ന​ത് ഇ​ത്ത​രം മേ​ഖ​ല​ക​ളാ​ണ്. റി​യ​ൽ എ​സ്റ്റേ​റ്റ്, ഫാം ​ഹൗ​സ് തു​ട​ങ്ങി​യ​വ​ക്കും ഇ​ത്ത​രം ക​ടു​ത്ത നി​ബ​ന്ധ​ന​ക​ളു​ണ്ട്.

6. പ്ര​വാ​സി​ക​ളു​ടെ ഡേ​റ്റ ശേ​ഖ​ര​ണം

ഇ​ന്ത്യ​ക്കാ​രാ​യ പ്ര​വാ​സി​ക​ൾ എ​ത്ര പേ​രു​ണ്ടെ​ന്ന​ത് കൃ​ത്യ​മാ​യി രേ​ഖ​പ്പെ​ടു​ത്തി​യി​ട്ടി​ല്ല. പ​ല വി​ഷ​യ​ങ്ങ​ളും കൈ​കാ​ര്യം ചെ​യ്യാ​ൻ അ​ന്ത്യ​ന്താ​പേ​ക്ഷി​ത​മാ​ണ് ഡേ​റ്റ ശേ​ഖ​ര​ണം. നി​ല​വി​ൽ, ഇ.​സി.​ആ​ർ കാ​റ്റ​ഗ​റി​യി​ൽ​പെ​ടു​ന്ന​വ​രു​ടെ ക​ണ​ക്കു​ക​ൾ മാ​ത്ര​മാ​ണ് ല​ഭ്യം. ഇ.​സി.​എ​ൻ.​ആ​ർ കാ​റ്റ​ഗ​റി​യി​ൽ​പെ​ടു​ന്ന​വ​രു​ടെ വി​വ​ര​ങ്ങ​ൾ നി​ർ​ബ​ന്ധ നി​ല​യി​ൽ രേ​ഖ​പ്പെ​ടു​ത്തു​ന്നി​ല്ല.

പ്ര​വാ​സി​ക​ളു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ൾ വേ​ണ്ട​വി​ധം ച​ർ​ച്ച ചെ​യ്യാ​നു​ള്ള അ​വ​സ​രം പ്ര​വാ​സി ഭാ​ര​തീ​യ ദി​വ​സ് സ​മ്മേ​ള​ന​ത്തി​ൽ ഇ​ല്ലെ​ന്ന​ത് പോ​രാ​യ്മ​യാ​ണ്.