എന്തുകൊണ്ട്​ സിൽവർലൈൻ പദ്ധതിയെ എതിർക്കുന്നു

കേ​ര​ള-കേ​ന്ദ്ര സ​ർ​ക്കാറുകളുടെ സം​യു​ക്​​ത സം​രം​ഭ​മാ​യ കേ​ര​ള റെ​യി​ൽ ​െഡ​വ​ല​പ്​​മെൻറ്​ കോ​ർ​പ​റേ​ഷ​ൻ ലി​മി​റ്റ​ഡ്​ (KRDCL) പ്ര​ഖ്യാ​പി​ച്ച സി​ൽ​വ​ർ​ലൈ​ൻ പ​ദ്ധ​തി​യെ​പ്പ​റ്റി ഏ​റെ ച​ർ​ച്ച​ക​ൾ ന​ട​ക്കു​ന്നു​ണ്ട്. തി​രു​വ​ന​ന്ത​പു​രം മു​ത​ൽ കാ​സ​ർ​കോ​ട്​ വ​രെ 532 കി​ലോ​മീ​റ്റ​ർ ദൈ​ർ​ഘ്യ​മു​ള്ള പ​ദ്ധ​തി കേ​ര​ള​ത്തി​ന്​ ഏ​റെ ഗു​ണ​ക​ര​മാ​യി​രി​ക്കു​മെ​ന്നും വി​ക​സ​ന​ത്തി​ന്​ എ​തി​രു നി​ൽ​ക്കു​ന്ന​വ​രാ​ണ്​ അ​തി​നെ എ​തി​ർ​ക്കു​ന്ന​തെ​ന്നും പ്ര​ചാ​ര​ണ​വും ശ​ക്​​ത​മാ​ണ്. പ​ദ്ധ​തി​യെ അ​നു​കൂ​ലി​ക്കാ​ത്ത വി​ഭാ​ഗ​ങ്ങ​ളെ പ്ര​തി​നി​ധാ​നം ചെ​യ്യു​ന്ന ഒ​രാ​ളെ​ന്ന നി​ല​യി​ൽ അ​തി​നു​ള്ള കാ​ര​ണം അ​ധി​കൃ​ത​രു​ടെ​യും പൊ​തു​ജ​ന​ങ്ങ​ളു​ടെ​യും മു​ന്നി​ൽ ചു​രു​ക്കി​പ്പ​റ​യാ​ൻ ശ്ര​മി​ക്കു​ക​യാ​ണ്​ ഈ ​കു​റി​പ്പി​ലൂ​ടെ.

താ​ങ്ങാ​നാ​വാ​ത്ത ചെ​ല​വ്​

സം​സ്​​ഥാ​നം ക​ടു​ത്ത സാ​മ്പ​ത്തി​ക പ്ര​തി​സ​ന്ധി​യി​ൽ ന​ട്ടം​തി​രി​യു​ന്ന ഒ​രു കാ​ല​ത്ത്​ ജ​ന​ങ്ങ​ൾ​ക്ക്​ സാ​ർ​വ​ത്രി​ക​മാ​യി പ്ര​യോ​ജ​നം ചെ​യ്യാ​ത്ത വ​ൻ​കി​ട പ​ദ്ധ​തി​ക​ളു​മാ​യി ഇ​റ​ങ്ങി​ത്തി​രി​ക്കു​ന്ന​തു​ത​ന്നെ അ​പ​ക​ട​മാ​ണ്. കെ.​ആ​ർ.​ഡി.​സി.​എ​ൽ ക​ണ​ക്കു​കൂ​ട്ടി​യ പ​ദ്ധ​തി​ചെ​ല​വ്​​ 63,940 കോ​ടി രൂ​പ​യാ​ണെ​ങ്കി​ൽ കേ​ന്ദ്ര​സ​ർ​ക്കാ​റി​‍െൻറ പ​ര​മോ​ന്ന​ത ന​യ ഉ​പ​ദേ​ശ​ക വി​ദ​ഗ്ധ സം​ഘ​മാ​യ നി​തി ആ​യോ​ഗ്​ 1,26,081 കോ​ടി ചെ​ല​വു വ​രു​മെ​ന്ന് ക​ണ്ടെ​ത്തി​യി​രി​ക്കു​ന്നു. സാ​ധാ​ര​ണ ഇ​ന്ത്യ​ൻ േബ്രാ​ഡ്ഗേ​ജ് റെ​യി​ൽ​വേ​യു​ടെ ഒ​രു കി​ലോ​മീ​റ്റ​ർ നി​ർ​മാ​ണ​ത്തി​ന് 20 മു​ത​ൽ 30 വ​രെ കോ​ടി രൂ​പ​യാ​ണ്​ ചെ​ല​വെ​ങ്കി​ൽ ആ​റി​ര​ട്ടി​യി​ലേ​​റെ വ​രും സി​ൽ​വ​ർ​ലൈ​നി​നു​വേ​ണ്ടി ഉ​ദ്ദേ​ശി​ക്കു​ന്ന സ്​​റ്റാ​ൻ​ഡേ​ർ​ഡ്​ ഗേ​ജി​​ന്. മെ​ഷീ​നു​ക​ളും റോ​ളി​ങ്​ കാ​റു​ക​ളും പൂ​ർ​ണ​മാ​യും ഇ​റ​ക്കു​മ​തി ചെ​യ്യേ​ണ്ടി വ​രും. വ​ൻ​തോ​തി​ൽ വി​ദേ​ശ​നാ​ണ​യ ശോ​ഷ​ണം വ​രു​ത്തി​വെ​ക്കു​ന്ന ഈ ​ഇ​റ​ക്കു​മ​തി രാ​ജ്യ​ത്തി​‍െൻറ 'മേ​ക്ക്​ ഇ​ൻ ഇ​ന്ത്യ' ന​യ​ത്തി​ന്​ എ​തി​രാ​ണ്.

ര​ണ്ട​ര കോ​ടി ജ​ന​സം​ഖ്യ​യു​ള്ള ന​ഗ​ര​ങ്ങ​ളി​ലൂ​ടെ ക​ട​ന്നു​പോ​കു​ന്ന മും​ബൈ- സൂ​റ​ത്ത്​-​അ​ഹ്​​മ​ദാ​ബാ​ദ് ബു​ള്ള​റ്റ് െട്ര​യി​നി​ലെ പ്ര​തീ​ക്ഷി​ത യാ​ത്ര​ക്കാ​ർ ദി​നേ​ന 37,500 മാ​ത്ര​മാ​ണ്. അ​തേ​സ​മ​യം, 50 ല​ക്ഷം മാ​ത്രം ജ​ന​സം​ഖ്യ​യു​ള്ള 11 ജി​ല്ല കേ​​ന്ദ്ര​ങ്ങ​ളി​ലൂ​ടെ ക​ട​ന്നു​പോ​കു​ന്ന സി​ൽ​വ​ർ​ലൈ​ൻ 80,000 യാ​ത്ര​ക്കാ​രെ പ്ര​തീ​ക്ഷി​ക്കു​ന്ന​താ​യി പ​റ​യു​ന്നു. മു​ഴു​വ​ൻ ശേ​ഷി​യും ഉ​പ​യോ​ഗി​ച്ച് 675 യാ​ത്ര​ക്കാ​രു​മാ​യി 37 ത​വ​ണ സ​ർ​വി​സ്​ ന​ട​ത്തി​യാ​ൽ​പോ​ലും 24,975 ​പേ​രെ മാ​ത്ര​മാ​ണ് ഉ​ൾ​ക്കൊ​ള്ളി​ക്കാ​നാ​വു​ക.

ഇ​ത്ര ബൃ​ഹ​ത്താ​യ പ​ദ്ധ​തി ന​ട​പ്പാ​ക്കും മു​മ്പ്​​ നി​ർ​ബ​ന്ധ​മാ​യ പ​രി​സ്​​ഥി​തി ആ​ഘാ​ത പ​ഠ​നം (ഇ.​ഐ.​എ) ന​ട​ത്തി​യ​ത്​ സെൻറ​ർ ഫോ​ർ എ​ൻ​വ​യ​ൺ​മെൻറ്​ ആ​ൻ​ഡ്​​ ​െഡ​വ​ല​പ്​​മെൻറ്​ എ​ന്ന അം​ഗീ​കാ​ര​മി​ല്ലാ​ത്ത സ്​​ഥാ​പ​ന​മാ​ണ്. അ​വ​രു​ടെ പ​ഠ​നം അ​സാ​ധു​വാ​യ​തി​നാ​ൽ വീ​ണ്ടും 96 ല​ക്ഷം രൂ​പ മു​ട​ങ്ങി പ​ഠ​നം ന​ട​ത്താ​ൻ ടെ​ൻ​ഡ​ർ ക്ഷ​ണി​ച്ചി​രി​ക്കു​ന്നു. 14 മാ​സ​മാ​ണ്​ പ​ഠ​നം പൂ​ർ​ത്തി​യാ​ക്കി റി​പ്പോ​ർ​ട്ട്​ സ​മ​ർ​പ്പി​ക്കാ​നു​ള്ള സ​മ​യ​പ​രി​ധി. േപ്രാ​ജ​ക്ട് കോ​സ്​​റ്റി​ലെ വ​ർ​ധ​ന​യും സ​മ​യ​പ​രി​ധി അ​തി​ക്ര​മി​ക്കു​ന്ന​തും, മു​പ്പ​തി​നാ​യി​രം കോ​ടി​യോ​ളം വി​ദേ​ശ വാ​യ്പ വാ​ങ്ങേ​ണ്ടു​ന്ന സാ​ഹ​ച​ര്യ​ങ്ങ​ളും കി​ലോ​മീ​റ്റ​റി​ന്​ 2.75രൂ​പ എ​ന്ന യാ​ത്രാ​നി​ര​ക്ക് അ​സാ​ധ്യ​മാ​ക്കും. പു​ണെ-​നാ​സി​ക് സെ​മി ഹൈ​സ്​​പീ​ഡ് റെ​യി​ൽ പ്ര​തീ​ക്ഷി​ക്കു​ന്ന യാ​ത്ര​ക്കൂ​ലി കി​ലോ​മീ​റ്റ​റി​ന് നാ​ലു രൂ​പ​യാ​ണ്. അ​തേ നി​ര​ക്കു​െ​വ​ച്ച് ക​ണ​ക്കു​കൂ​ട്ടി​യാ​ൽ നി​ല​വി​ൽ 330 രൂ​പ ന​ൽ​കി ന​ട​ത്താ​വു​ന്ന തി​രു​വ​ന​ന്ത​പു​രം- കാ​സ​ർ​കോ​ട്​ സ്ലീപർ​ യാ​ത്ര​യു​ടെ സ്​​ഥാ​ന​ത്ത് 2120 രൂ​പ​ നൽകുക എന്നത്​ കേ​ര​ള​ത്തി​ലെ സാ​ധാ​ര​ണ​ക്കാ​ർ​ക്ക് താ​ങ്ങാ​നാ​വു​ന്ന​ത​ല്ല.

പ​ര്യാ​പ്​​ത​മ​ല്ലാ​ത്ത വേ​ഗ​താ വാദം

ഇ​ന്ത്യ​ൻ റെ​യി​ൽ​വേ ഇ​പ്പോ​ൾ​ത്ത​ന്നെ ന്യൂ​ഡ​ൽ​ഹി മു​ത​ൽ അ​ക്​​ജാ​ൻ​സി വ​രെ ഗ​തി​മാ​ൻ എ​ക്സ്​​പ്ര​സ്​ മ​ണി​ക്കൂ​റി​ൽ 160 കി​ലോ​മീ​റ്റ​ർ വേ​ഗ​ത​യി​ൽ ഒാ​ടി​ക്കു​ന്നു. 2025 ൽ ​എ​വി​ടെ​യൊ​ക്കെ ഇ​ര​ട്ട​പ്പാ​ത ല​ഭ്യ​മാ​ണോ അ​വി​ടെ​യെ​ല്ലാം മൂ​ന്നാ​മ​തൊ​രു ലൈ​ൻ കൂ​ടി നി​ർ​മി​ച്ച്​ എ​ല്ലാ എ​ക്സ്​​പ്ര​സ്​ െട്ര​യി​നു​ക​ളും 160 കി​ലോ​മീ​റ്റ​ർ വേ​ഗ​ത​യി​ലാ​ക്കും. എ​ന്നാ​ൽ, സി​ൽ​വ​ർ​ലൈ​ൻ വേ​റി​ട്ടു നി​ൽ​ക്കു​ന്ന സ്​​റ്റാ​ൻ​ഡേ​ർ​ഡ് ഗേ​ജ് റെ​യി​ൽ​വേ ലൈ​ൻ ആ​യ​തി​നാ​ൽ അ​ത് ഒ​രി​ക്ക​ലും നി​ല​വി​ലു​ള്ള റെ​യി​ൽ​വേ ലൈ​നു​മാ​യി യോ​ജി​പ്പി​ക്കു​വാ​നോ, ഭാ​വി​യി​ലെ ആ​വ​ശ്യ​പ്ര​കാ​രം ഹൈ​സ്​​പീ​ഡ് ലൈ​നാ​യി പ​രി​വ​ർ​ത്ത​ന​പ്പെ​ടു​ത്തു​വാ​നോ ക​ഴി​യി​ല്ല. കാ​സ​ർ​കോ​ടു​ നി​ന്ന്​ മം​ഗ​ലാ​പു​ര​ത്തി​നോ ബം​ഗ​ളൂ​ർ​ക്കോ ചെ​ന്നൈ​ക്കോ ലൈ​ൻ നീ​ട്ടാ​നാ​വി​ല്ല. ച​ര​ക്കു ഗ​താ​ഗ​ത​വും യാ​ത്ര​യും ഉ​യ​ർ​ന്ന തോ​തി​ലു​ള്ള റൂ​ട്ടു​ക​ളാ​ണി​ത്.

മ​ണി​ക്കൂ​റി​ൽ 350 മു​ത​ൽ 500 വ​രെ കി​ലോ​മീ​റ്റ​ർ വേ​ഗ​ത​യു​ള്ള ബു​ള്ള​റ്റ് െട്ര​യി​നു​ക​ൾ പ്രാ​വ​ർ​ത്തി​ക​മാ​ക്കി​യും 1000 കി​ലോ​മീ​റ്റ​ർ വേ​ഗ​ത​യു​ള്ള ഹൈ​പ്പ​ർ ലൂ​പ്പി​നാ​യി ഗ​വേ​ഷ​ണം ന​ട​ത്തു​ക​യു​മാ​ണ് ലോ​കം. പു​ണെ- നാ​സി​ക് സെ​മി ഹൈ​സ്​​പീ​ഡ് െട്ര​യി​ൻ​പോ​ലും 250 കി​ലോ​മീ​റ്റ​ർ വേ​ഗ​ത​യി​ലാ​ണ് വി​ഭാ​വ​നം ചെ​യ്യു​ന്ന​ത്. 2025 ഓ​ടു കൂ​ടി ഇ​ന്ത്യ​ൻ റെ​യി​ൽ​വേ എ​ല്ലാ എ​ക്സ്​​പ്ര​സ്​ െട്ര​യി​നു​ക​ളും 160 കി​ലോ​മീ​റ്റ​റി​ൽ ഓ​ടി​ക്കു​മ്പോ​ൾ 2030 നോ ​അ​തി​നു ശേ​ഷ​മോ മാ​ത്രം പ്രാ​വ​ർ​ത്തി​ക​മാ​കു​മെ​ന്ന് പ്ര​തീ​ക്ഷി​ക്കു​ന്ന 200 കി​ലോ​മീ​റ്റ​ർ വേ​ഗ​ത​യു​ണ്ടെ​ന്ന് അ​വ​കാ​ശ​പ്പെ​ടു​ന്ന 132 കി​ലോ​മീ​റ്റ​ർ മാ​ത്രം ശ​രാ​ശ​രി വേ​ഗ​ത​യു​ള്ള സി​ൽ​വ​ർ​ലൈ​നി​നു വേ​ണ്ടി ഭീ​മ​മാ​യ സാ​മൂ​ഹി​ക സാ​മ്പ​ത്തി​ക പാ​രി​സ്​​ഥി​തി​ക നാ​ശ​ങ്ങ​ളെ അ​വ​ഗ​ണി​ക്കു​ക എ​ന്ന​ത് തി​ക​ച്ചും അ​പ​ഹാ​സ്യ​മാ​ണ്.

നെ​ടു​കെ പി​ള​ർ​ത്തു​ന്ന ഭി​ത്തി​ക​ൾ

530 കി​ലോ​മീ​റ്റ​ർ ദൈ​ർ​ഘ്യം വ​രു​ന്ന സി​ൽ​വ​ർ ലൈ​നി​ൽ വെ​റും 88 കി​ലോ മീ​റ്റ​ർ മാ​ത്ര​മാ​ണ് ഇ​ല​വേ​റ്റ​ഡ് ആ​യി ക​ട​ന്നു​പോ​കു​ന്ന​ത്. ബാ​ക്കി 410 കി​ലോ​മീ​റ്റ​റി​ലും ഇ​രു​വ​ശ​ങ്ങ​ളി​ലും 15 അ​ടി​യോ​ളം ഉ​യ​ര​ത്തി​ൽ സം​ര​ക്ഷി​ത ഭി​ത്തി നി​ർ​മി​ക്കേ​ണ്ടി​വ​രും. ഇ​തു സം​സ്​​ഥാ​ന​ത്തെ ര​ണ്ടാ​യി പി​ള​ർ​ത്തും. റോ​ഡ്​ ശ്രൃം​ഖ​ല​യെ പ്ര​തി​കൂ​ല​മാ​യി ബാ​ധി​ക്കും. ഇ​ത്ത​രം അ​തി​ർ​ത്തി മ​തി​ലു​ക​ൾ 2018 ലെ​യും 2019 ലേ​യും പോ​ലു​ള്ള പ്ര​ള​യ​സാ​ഹ​ച​ര്യ​ങ്ങ​ളി​ൽ ര​ക്ഷാ​പ്ര​വ​ർ​ത്ത​ന​ങ്ങ​ൾ അ​സാ​ധ്യ​മാ​ക്കും.

മു​ള​ക്കു​ളം പ്ര​ദേ​ശ​ത്ത് മൂ​വാ​റ്റു​പു​ഴ​യാ​റി​ൽ പ​ര​മ്പ​രാ​ഗ​ത മ​ത്സ്യ​ബ​ന്ധ​നം ന​ട​ത്തി ജീ​വി​ക്കു​ന്ന നൂ​റോ​ളം കു​ടും​ബ​ങ്ങ​ളെ കു​ടി​യി​റ​ക്കേ​ണ്ടി വ​രും. 132 കി​ലോ​മീ​റ്റ​ർ നീ​ള​ത്തി​ൽ നെ​ൽ​വ​യ​ലു​ക​ളും ത​ണ്ണീ​ർ​ത്ത​ട​ങ്ങ​ളും മ​ണ്ണു​കൊ​ണ്ടും പാ​റ കൊ​ണ്ടും നി​ക​ത്തി​യെ​ടു​ക്കു​ക വ​ഴി സു​ഗ​മ​മാ​യ നീ​രൊ​ഴു​ക്ക് ത​ട​യ​പ്പെ​ടും. 132 കി​ലോ​മീ​റ്റ​ർ നെ​ൽ​വ​യ​ലു​ക​ളും നീ​ർ​ത്ത​ട​ങ്ങ​ളും നി​ക​ത്തു​ന്ന​ത് നീ​ർ​വാ​ർ​ച്ച ത​ട​യും. ഗ്രൗ​ണ്ട് വാ​ട്ട​ർ ലെ​വ​ൽ താ​ഴു​ന്ന​തി​നും വ​ര​ൾ​ച്ച​ക്കും കാ​ര​ണ​മാ​വും.തൃ​ശൂ​രി​ലെ കോ​ൾ നി​ല​ങ്ങ​ൾ,ക​ട​ലു​ണ്ടി പ​ക്ഷി​സ​ങ്കേ​തം,ക​ണ്ണൂ​രി​ലെ മാ​ടാ​യി​പ്പാ​റ എ​ന്നി​വ​ക്കും നാ​ശ​മു​ണ്ടാ​ക്കും.

പ​ദ്ധ​തി ലാ​ഭ​ക​ര​മാ​ക്കു​ന്ന​തി​നു​വേ​ണ്ടി നി​ർ​ദി​ഷ്​​ട സ്​​റ്റേ​ഷ​നു​ക​ളു​ടെ സ​മീ​പം സ്​​മാ​ർ​ട്ട് സി​റ്റി​ക​ളു​ടെ​യും വാ​ണി​ജ്യ സ്​​ഥാ​പ​ന​ങ്ങ​ളു​ടെ​യും നി​ർ​മി​തി​ക്കാ​യി 2500 ഏ​ക്ക​ർ ഭൂ​മി വി​ക​സി​പ്പി​ക്കു​ന്ന​തി​ന്​ ടെ​ൻ​ഡ​ർ ക്ഷ​ണി​ച്ചു ക​ഴി​ഞ്ഞു. 12 വ​ർ​ഷം മു​മ്പ് നി​ർ​മാ​ണം ആ​രം​ഭി​ച്ച കൊ​ച്ചി സ്​​മാ​ർ​ട്ട് സി​റ്റി ഒ​രി​ഞ്ചു​പോ​ലും മു​മ്പോ​ട്ടു പോ​യി​ല്ല. ആ​യ​തി​നാ​ൽ പ​രി​ഗ​ണ​ന​യി​ലു​ള്ള 10 സ്​​മാ​ർ​ട്ട് സി​റ്റി​ക​ളു​ടെ നി​ർ​മാ​ണം അ​പ്രാ​യോ​ഗി​ക​വും പൊ​തു​ഖ​ജ​നാ​വി​ന് ഭീ​മ​മാ​യ സാ​മ്പ​ത്തി​ക ന​ഷ്​​ടം വ​രു​ത്തി ​െവ​ക്കു​ന്ന​തു​മാ​ണ്. വി​ക​സി​പ്പി​ക്കു​ന്ന​തി​നു​വേ​ണ്ടി ടെ​ൻ​ഡ​റു​ക​ൾ വി​ളി​ക്ക​പ്പെ​ട്ട 2500 ഏ​ക്ക​ർ ഭൂ​മി​ക​ളി​ൽ എ​ഫ്.​എ.​സി.​ടി​യു​ടെ ഉ​ട​മ​സ്​​ഥ​ത​യി​ലു​ള്ള 300 ഏ​ക്ക​റും എ​ച്ച്.​എം.​ടി​യു​ടെ 200 ഏ​ക്ക​റും ഉ​ൾ​പ്പെ​ടു​ന്നു. എ​ന്നാ​ൽ, വി​വ​രാ​വ​കാ​ശ രേ​ഖ​ക​ൾ വെ​ളി​പ്പെ​ടു​ത്തു​ന്ന​തു പ്ര​കാ​രം മേ​ൽ​പ​റ​ഞ്ഞ ടെ​ൻ​ഡ​റു​ക​ൾ ക്ഷ​ണി​ക്ക​പ്പെ​ട്ട​ത് ഭൂ​മി ഉ​ട​മ​യാ​യ യൂ​നി​യ​ൻ ഗ​വ​ൺ​മെൻറി​‍െൻറ അ​റി​വോ സ​മ്മ​ത​മോ ഇ​ല്ലാ​തെ​യാ​ണ്. അ​ത് നി​യ​മ വി​രു​ദ്ധ​വും ത​ട്ടി​പ്പി​ന് സ​മാ​ന​വു​മാ​ണ്.

വല്ലാർപ്പാടം പദ്ധതിക്കായി മൂലമ്പിള്ളിയിൽ കുടിയിറക്കപ്പെട്ട കുടുംബത്തിലെ കുഞ്ഞുങ്ങൾ. ആ കുടുംബങ്ങൾ വർഷങ്ങൾക്കിപ്പുറവും പെരുവഴിയിലാണ്

കു​ടി​യി​റ​ക്ക​പ്പെ​ട്ട​വ​രു​ടെ ഗ​തി

വ​ല്ലാ​ർ​പാ​ടം ക​ണ്ടെ​യ്ന​ർ ബെ​ർ​ത്തി​നു വേ​ണ്ടി 2008ൽ കൊച്ചി നഗരത്തിലെ മൂ​ല​മ്പ​ള്ളി​യി​ൽ നി​ന്ന്​ കു​ടി​യി​റ​ക്ക​പ്പെ​ട്ട 326ൽ 250 ​കു​ടും​ബ​ങ്ങ​ൾ ഇ​പ്പോ​ഴും പു​ന​ര​ധി​വ​സി​ക്ക​പ്പെ​ടാ​തെ പ്ലാ​സ്​​റ്റി​ക്​ ഷീ​റ്റു​ക​ൾ​ക്ക് കീ​ഴെ അ​ന്തി​യു​റ​ങ്ങു​ന്നു. അങ്ങനെയെങ്കിൽ 20,000 കു​ടും​ബ​ങ്ങ​ളും ഒ​രു ല​ക്ഷ​ത്തി​ലേ​റെ മ​നു​ഷ്യ​രും കു​ടി​യി​റ​ക്ക​പ്പെ​ടു​മെ​ന്ന് ക​ണ​ക്കാ​ക്ക​പ്പെ​ടു​ന്ന ഈ പ​ദ്ധ​തി​ക്കാ​യി ഭൂ​മി ന​ഷ്​​ട​പ്പെ​ടു​ന്ന​വ​രു​ടെ അ​വ​സ്​​ഥ എ​ന്താ​യി​രി​ക്കും? ​

കേ​ര​ള സം​സ്​​ഥാ​ന സ​ർ​ക്കാ​ർ നാ​ളി​തു​വ​രെ ഏ​റ്റെ​ടു​ത്ത ഏ​റ്റ​വും വ​ലി​യ പ​ദ്ധ​തി​യാ​യി​ട്ടും നാ​ളി​തു​വ​രെ സം​സ്​​ഥാ​ന നി​യ​മ​സ​ഭ​യി​ലോ സം​സ്​​ഥാ​ന​ത്തെ പാ​ർ​ല​മെൻറ്​ അം​ഗ​ങ്ങ​ളു​മാ​യോ ഇ​തേ​പ്പ​റ്റി ച​ർ​ച്ച​ക​ൾ ന​ട​ത്തി​യി​ട്ടി​ല്ല. നി​ക്ഷേ​പ പൂ​ർ​വ പ്ര​വൃ​ത്തി​ക​ൾ ന​ട​ത്താ​ൻ ത​ത്ത്വ​ത്തി​ലു​ള്ള അ​നു​മ​തി മാ​ത്ര​മാ​ണ്​ റെ​യി​ൽ​വേ ബോ​ർ​ഡ്​ ന​ൽ​കി​യി​രി​ക്കു​ന്ന​ത്. കേ​ന്ദ്ര ഗ​വ​ൺ​മെൻറിെൻറ​യോ റെ​യി​ൽ​വേ ബോ​ർ​ഡിെൻറ​യോ അം​ഗീ​കാ​രം ല​ഭി​ക്കു​ന്ന​തി​ന് മു​മ്പ്​ പ​ദ്ധ​തി​ക്കു വേ​ണ്ടി ഭൂ​മി​യു​ടെ ഏ​റ്റെ​ടു​ക്ക​ലി​നു വേ​ണ്ടി​യു​ള്ള മു​ഴു​വ​ൻ സ​ർ​വേ ന​മ്പ​റു​ക​ളും പ്ര​സി​ദ്ധ​പ്പെ​ടു​ത്തി​യി​രി​ക്കു​ക​യാ​ണ്. അ​തു​വ​ഴി മേ​ൽ​പ​റ​ഞ്ഞ മു​ഴു​വ​ൻ ഭൂ​മി​യു​ടെ​യും ക്ര​യ​വി​ക്ര​യ​ങ്ങ​ൾ ത​ട​സ്സ​പ്പെ​ട്ടി​രി​ക്കു​ക​യാ​ണ്.

ലോ​ക​മെ​മ്പാ​ടും ജ​ന​ങ്ങ​ൾ കോ​വി​ഡ് മ​ഹാ​മാ​രി​യെ അ​തി​ജീ​വി​ക്കു​വാ​ൻ പോ​രാ​ടു​ക​യാ​ണ്. കോ​വി​ഡ് കേ​ര​ള​ത്തി​ൽ സൃ​ഷ്​​ടി​ച്ച സാ​മ്പ​ത്തി​ക മാ​ന്ദ്യം മ​റി​ക​ട​ക്കു​വാ​ൻ ചു​രു​ങ്ങി​യ​ത് അ​ഞ്ചു​ വ​ർ​ഷ​മെ​ങ്കി​ലും വേ​ണ്ടി വ​രു​മെ​ന്നാ​ണ് പ്ര​തീ​ക്ഷി​ക്ക​പ്പെ​ടു​ന്ന​ത്. ഇ​ത്ത​രം ഒ​ര​വ​സ്​​ഥ​യി​ൽ ല​ക്ഷം മ​നു​ഷ്യ​രെ കു​ടി​യി​റ​ക്കി ന​ട​പ്പാ​ക്കു​ന്ന പ​ദ്ധ​തി അ​ങ്ങേ​യ​റ്റം മ​നു​ഷ്യ​വി​രു​ദ്ധ​മാ​ണ്. കു​ടി​യി​റ​ക്ക​ൽ ശ്ര​മ​ങ്ങ​ൾ ഉ​ട​ന​ടി അ​വ​സാ​നി​പ്പി​ക്കു​ക​യും ഈ ​പ​ദ്ധ​തി എ​ന്ന​ന്നേ​ക്കു​മാ​യി ഉ​പേ​ക്ഷി​ക്കു​ക​യു​മാ​ണ് വേ​ണ്ട​ത്.

(നി​ർ​ദി​ഷ്​​ട സി​ൽ​വ​ർ​ലൈ​ൻ പ​ദ്ധ​തി​ക്കു​വേ​ണ്ടി വ്യാ​പ​ക തോ​തി​ൽ സ്​​ഥ​ല​മേ​റ്റെ​ടു​പ്പ്​ വേ​ണ്ടി​വ​രു​ന്ന മു​ള​കു​ള​ത്തെ ​െറ​സി​ഡ​ൻ​റ്​​സ്​ വെ​ൽ​ഫെ​യ​ർ അ​സോ​സി​യേ​ഷ​​ൻ പ്ര​സി​ഡ​ൻ​റാ​ണ്​ ലേ​ഖ​ക​ൻ)