പൗരത്വപ്പട്ടിക: എങ്ങനെ സർക്കാറിനെ വിശ്വസിക്കും?

അസമിൽ നടപ്പാക്കിയ ദേശീയ പൗരത്വ രജിസ്​റ്ററി​​െൻറ (എൻ.ആർ.സി) കെടുതികൾക്ക്​ ഇരയായവരുമായി സംവദിച്ച്​ അടുത്തിടെ തിരി​െച്ചത്തിയ ആക്​ടിവിസ്​റ്റായ ഡോക്​ടറുമായി കഴിഞ്ഞ ദിവസം വൈകുന്നേരം സംസാരിക്കുകയായിരുന്നു ഞാൻ. എൻ.ആർ.സി ഓരോ കുടുംബ​ത്തെയും എത്ര മാരകമായാണ്​ ബാധിച്ചതെന്ന്​ കേട്ടുകൊണ്ടിരുന്നു. ഒ​ന്നോ രണ്ടോ അംഗങ്ങൾക്ക്​​ മാരക രോഗങ്ങൾ ബാധിച്ച്​ മരണപ്പെടുകയോ അല്ലെങ്കിൽ നാടുകടത്തൽ വിഭാഗത്തിലേക്ക്​ മാറ്റപ്പെടുകയോ ചെയ്യപ്പെട്ട്​ കുടുംബങ്ങൾ ചിതറിത്തെറിച്ചത​ി​​െൻറ വിവരണങ്ങളായിരുന്നു എല്ലാം. സന്തോഷത്തോടെ ജീവിച്ചിരുന്ന ഇടങ്ങളിൽനിന്ന്​ നുള്ളിയെടുത്ത്​​ അങ്ങുമിങ്ങും കൊണ്ടുചെന്ന്​ നടതള്ളിയ ജീവിതത്തിൽ ഇരകളെല്ലാം ചത്തതിനൊക്ക​ുമേ എന്ന അവസ്ഥയിലായിരുന്നു.

രാജ്യത്തി​​െൻറ മറ്റു ഭാഗങ്ങളിലും എൻ.ആർ.സി നടപ്പാക്കുമെന്ന്​ ഭരണാധികാരികൾ പ്രഖ്യാപിച്ച സന്ദർഭത്തിൽ അത്യന്തം പ്രകോപിതയായാണ്​​ ഇൗ കോളം എഴുതാൻ ഇരിക്കുന്നത്​. ഈ സാഹചര്യത്തിൽ തന്നെ അസമിൽ തെറ്റുകളും പിഴവുകളും തിരുത്തലും രാഷ്​ട്രീയതാൽപര്യങ്ങൾക്കനുസരിച്ചുള്ള പരിഷ്​കരണനടപടികളുമൊക്കെ ഇക്കാര്യത്തിൽ കൊണ്ടുപിടിച്ചു നടക്കുന്നുണ്ട്​. രാജ്യത്തെ എല്ലാ സംസ്ഥാനങ്ങളിലും ​എൻ.ആർ.സി നടപ്പാക്കുമെന്ന്​ കേന്ദ്ര ആഭ്യന്തരമന്ത്രി അമിത്​ ഷാ പാർലമ​െൻറിൽ പ്രഖ്യാപിച്ചത്​ കഴിഞ്ഞയാഴ്​ചയാണ്​. ഇതുവരെ അസമിൽ മാത്രമാണ്​ എൻ.ആർ.സി തയാറാക്കിയിട്ടുള്ളത്. അവിടെ പൗരത്വപ്പട്ടികയിൽ തങ്ങളുടെ പേര്​ ഉൾപ്പെടുത്താൻ ​അപേക്ഷ നൽകിയ 329 ദശലക്ഷം പേരിൽ 1.9 ദശലക്ഷം പൗരത്വത്തിന്​ ഇപ്പോൾ യോഗ്യരല്ലെന്നാണ്​ പറയുന്നത്​.

അസമിൽ പ്രകൃതിദുരന്തങ്ങളും വിപത്തുകളും ഭരണകൂടം നേരിട്ടുകൊണ്ടിരിക്കുന്ന സന്ദർഭത്തിൽ തന്നെ രാജ്യത്തി​​െൻറ മറ്റു ഭാഗങ്ങളിലെ പൗരന്മാരിലേക്കും താമസക്കാരിലേക്കും കൂടി ഈ ഭയവിഹ്വലത കടത്തിവിടുന്ന സ്ഥിതിവിശേഷമാണ്​ എൻ.ആർ.സി രാജ്യവ്യാപകമാക്കുമെന്ന പ്രഖ്യാപനത്തിലൂടെ ഉണ്ടായിട്ടുള്ളത്​. ഇൗ പ്രഖ്യാപനം നിരവധി സുപ്രധാന ചോദ്യങ്ങൾ ഉയർത്തുക സ്വാഭാവികമാണ്. അതിൽ ഏറ്റവും പ്രധാനം യഥാർഥ പൗരന്മാരിൽ എത്ര പേരെ ഇത്​ ബാധിക്കുമെന്നതു​തന്നെ. രാജ്യത്തുടനീളം നടക്കുന്ന പൗരത്വം രേഖപ്പെടുത്തൽ പരിപാടിയിൽ ബോധപൂർവം ചില വിഭാഗങ്ങൾ ലക്ഷ്യംവെക്കപ്പെടുകയോ പിഴുതെറിയപ്പെടുകയോ ചെയ്യില്ലെന്ന്​ പറയാനാകില്ല.

മതപരമായ ഒരു വിവേചനവും ഉണ്ടാകില്ലെന്ന ഉറപ്പാണ്​ ഇ​േപ്പാൾ പറയുന്നത്​. എന്നാൽ, നമ്മളിൽ ആർക്ക്​ നിഷ്​കളങ്കമായി രാഷ്​ട്രീയക്കാരെയും അവരുടെ ഉറപ്പുകളെയും വിശ്വസിക്കാനാകും? കശ്​മീർ സാധാരണ നിലയിലായി എന്ന കേന്ദ്ര ആഭ്യന്തരമ​ന്ത്രി അമിത്​ ഷായുടെ പ്രഖ്യാപനം പരിഗണിച്ചാൽ, എൻ.ആർ.സിയിൽ അദ്ദേഹം നൽകിയ ഉറപ്പുകളെ കുറിച്ച്​ ഗൗരവമായ പുനരാലോചന വേണ്ടിവരും​. കശ്​മീർതാഴ്​വര ഇതുവരെ സാധാരണനിലയിലേക്ക്​ മടങ്ങിയി​ട്ടില്ല എന്നതിനൊപ്പം അതിനുള്ള വിദൂര സാധ്യതപോലും ഇപ്പോഴുമില്ലെന്നത്​ യാഥാർഥ്യമാണ്​.

രാജ്യത്തെ മുസ്​ലിംകൾ ഒഴികെ വിവിധ ജാതികളിലെയും മതങ്ങളിലെയും അംഗങ്ങൾ എൻ.ആർ.സിയെക്കുറിച്ച്​ ഭയപ്പെടേണ്ടതില്ലെന്നും അവ​െര ബാധിക്കില്ലെന്നും​ നേരത്തേ നടത്തിയ പ്രസംഗങ്ങളി​െലാന്നിൽ അമിത്​ ഷാ പ്രഖ്യാപിച്ചിരുന്നു. മുസ്​ലിംകൾ ഒഴികെ മതവിഭാഗങ്ങളെന്നുതന്നെ വ്യക്​തമാക്കിയായിരുന്നു അദ്ദേഹത്തി​​െൻറ ​പ്രസംഗം. രാജ്യത്തെ ഏറ്റവും വലിയ ന്യൂനപക്ഷങ്ങളോട്​ ‘ഹിന്ദുത്വ’ ഇതുവരെ നടത്തിയ ഇടപെടലുകളുടെ പശ്ചാത്തലം പരിശോധിക്കു​േമ്പാൾ ഇത്​ വിചിത്രമോ അയഥാർഥമോ ആയി തോന്നില്ല. അടിസ്ഥാനപരമായ മൗലികാവകാശങ്ങൾ വലിയ തോതിൽ ലംഘിക്കാതെതന്നെ മുസ്​ലിംസമുദായത്തോട്​ പക്ഷപാതപരമായി പെരുമാറുന്നതി​​െൻറ ഉദാഹരണങ്ങളാണ്​ ഒന്നിനു പിറകെ ഒന്നായി പുറത്തുവരുന്നത്​.

മറ്റു സുപ്രധാന വശങ്ങളുണ്ട്​. റൊട്ടിയടക്കം അടിസ്ഥാന ഭക്ഷണ പദാർഥങ്ങൾക്കായി പൗരന്മാർ കാത്തിരിക്കു​േമ്പാൾ എൻ.ആർ.സി നടപ്പാ​േക്കണ്ടതി​​െൻറ അടിയന്തര ആവശ്യമെന്താണ്​? പോഷകാഹാരക്കുറവ്​, ദാരിദ്ര്യം, പട്ടിണി, രോഗം എന്നിവ മൂലം മനുഷ്യർ നശിക്കുന്നി​െല്ലന്ന്​ ഉറപ്പുവരുത്തുന്നതിനുപകരം ആരാണ്​ ഇന്ത്യക്കാരൻ ആരാണ്​ അല്ലാത്തത്​ എന്ന്​ ഉറപ്പുവരുത്താനുള്ള പണിയാണ്​ ഇന്നത്തെ സർക്കാർ ചെയ്യുന്നത്​. ചുരുങ്ങിയത്​ ഓരോ ഇന്ത്യക്കാരനും നിലനിൽക്കാനും സ്വസ്​ഥമായി ശ്വസിക്കാനും കഴിയുന്നുണ്ടെന്ന്​ ഉറപ്പുവരുത്തുകയാണ്​ ആദ്യമായി ചെയ്യേണ്ടത്​. അതാണ്​ ഏറ്റവും പ്രധാനം. അതിനുശേഷം മാത്രമേ മറ്റു സങ്കീർണ വിഷയങ്ങളിലേക്ക്​ കടക്കേണ്ടതുള്ളൂ​. എൻ.ആർ.സി രാജ്യവ്യാപകമായി നടപ്പാക്കാൻ സർക്കാർ മുന്നോട്ടുപോകുന്നത്​ എന്തിനെന്ന്​ അടിയന്തരമായി ചോദ്യം ചെയ്​തേ തീരൂ.

എൻ.ആർ.സിക്ക്​ വളരെയധികം ഊന്നൽ നൽകുന്നതിലൂടെ​ ഗവൺമ​െൻറിന്​ സുപ്രധാനവിഷയങ്ങളിൽ നിന്ന്​ ശ്രദ്ധതിരിക്കാൻ സാധിക്കുന്നുണ്ട്​. ജീവൻ നിലനിർത്താനുള്ള ഭക്ഷണം ചോദിക്കാൻ പോലും ആർക്കും കഴിയാത്ത അവസ്ഥയാണ്​ സൃഷ്​ടിക്കപ്പെടുക. രാജ്യത്തി​​െൻറ യഥാർഥ പൗരന്മാരാണെങ്കിൽപോലും പൗരത്വം തെളിയിക്കാനുള്ള രേഖകളായിരിക്കും അവർ തിരയുക. അവരെ കേൾക്കാനും പതിറ്റാണ്ടു​കളോ അതിൽ കൂടുതലോ കാലമായി ഈ മണ്ണിൽ നിലനിൽക്കുന്ന അവരുടെ വസ്​തുതകൾ അറിയാനും ആർക്കാണ്​ നേരമുണ്ടാകുക? യഥാർഥ പൗരന്മാർ ആ​െണങ്കിലും അവരുടെ ആത്​മാർഥമായ അപേക്ഷകൾ പരിഗണിക്കാൻ ആരുണ്ടാകും? വിവിധ തടങ്കൽകേന്ദ്രങ്ങളിൽ നിന്ന്​ അവരെ പുറത്തുകടത്താനും രക്ഷപ്പെടുത്താനും ആരാണുണ്ടാകുക? വെള്ളപ്പൊക്കത്തിലും ഭൂകമ്പത്തിലും മറ്റു ദൈനംദിന ദുരന്തങ്ങളിലും സുപ്രധാന പൗരത്വരേഖകൾ നശിച്ചതിനാൽ ഈ വികസിത കാലഘട്ടത്തിലും കുടുംബങ്ങൾ വിഭജിക്കപ്പെട്ട്​ ഇല്ലാതാക്കപ്പെടുന്ന കുടുംബങ്ങളെ കുറിച്ച്​ ആരാണ്​ ചിന്തിക്കുക?

ശശിഭൂഷൺ പാണ്ഡെ: ശബ്​ദവും ആവിഷ്​കാരവും

ശശിഭൂഷൺ പാണ്ഡെ കൂട്ടുകാരോടൊപ്പം പാടുന്നു

ജവഹർലാൽ നെഹ്​റു സർവകലാശാല വിദ്യാർഥിയായ ശശിഭൂഷൺ പാണ്ഡെ ഹബീബ്​ ജാലിബി​​െൻറ വരികൾ ചൊല്ലുന്നത്​ കഴിഞ്ഞ ഗ്രീഷ്​മകാലത്ത്​ കേട്ടത്​ വീണ്ടെടുക്കുകയാണ്​ ഞാൻ. ആ വിഡിയോയിലും ശബ്​ദത്തിലും ആകൃഷ്​ടയായി അദ്ദേഹത്തി​​െൻറ ഓരോ വരികളും കേട്ടുകൊണ്ടിരുന്നു. ഇടക്കിടെ ശശിഭൂഷൺ പാണ്ഡെയുടെ വിഡിയോ കണ്ടുകൊണ്ടിരിക്കു​േമ്പാഴും തിരിച്ചറിഞ്ഞിരുന്നില്ല, ആ യുവവിദ്യാർഥി കാഴ്​ചവെല്ലുവിളി നേരിടുന്നയാളാണെന്ന്​. വ്യവസ്ഥയും ഭരണസംവിധാനങ്ങളും ചേർന്ന്​ വിഷാദത്തിലേക്കും നിരാശയിലേക്കുമെല്ലാം തള്ളിയിടു​േമ്പാൾ സാന്ത്വനമായി എത്തിയിരുന്നത്​ ശശിഭൂഷൺ പാണ്ഡെയുടെ ശബ്​ദമാണ്​. ഹബീബ്​ ജാലിബി​​െൻറ തീക്ഷ്​​​ണവും വിമർശാത്​മകവുമായ വരികൾ ഇറ്റിറ്റുവീഴുന്നതും ചുറ്റുമിരിക്കുന്ന വിദ്യാർഥികൾക്കിടയിൽനിന്ന്​ ശശിഭൂഷൺ പാടുന്നതും​ കാണു​േമ്പാൾ നഷ്​ടപ്പെട്ട ഉൗർജം തിരിച്ചുകിട്ടുന്ന അനുഭവമാണ്​.

ജെ.എൻ.യുവിലെ വിദ്യാർഥി പ്രക്ഷോഭത്തിനിടെ പൊലീസി​​െൻറ ക്രൂരമർദനത്തിനും മോശം പെരുമാറ്റങ്ങൾക്കും​ ഇരയായ ഈ വിദ്യാർഥിയിലേക്ക്​ മാധ്യമശ്രദ്ധ തിരിഞ്ഞിരിക്കുകയാണ്​ ഇപ്പോൾ. ഇക്കഴിഞ്ഞ മാസങ്ങളി​െലല്ലാം ത​​െൻറ ശബ്​ദം കൊണ്ട്​ എന്നെ ആകർഷിച്ച അതേ വിദ്യാർഥിയാണിതെന്ന്​ ഞാൻ തിരിച്ചറിഞ്ഞു. യൂനിവേഴ്​സിറ്റി സ്​റ്റുഡൻറ്​സ്​ യൂനിയനിലെ കൗൺസിലറായ കാഴ്​ചവെല്ലുവിളി നേരിടുന്ന ശശിഭൂഷൺ പാണ്ഡെ തന്നെയാണത്​. പടിഞ്ഞാറൻ ഉത്തർപ്രദേശിലെ ഗോരഖ്​പുരിലെ മധ്യവർഗ കുടുംബത്തിൽ നിന്നാണ്​ വരുന്നത്​. ചെലവുകൾ സ്വയം കണ്ടെത്തുന്നുവെന്നതാണ്​ ഏറെ ആശ്ചര്യപ്പെടുത്തിയത്​. പിതാവ്​ മരണപ്പെ​​െട്ടന്നും മാതാവ്​ ഗോരഖ്​പുരിൽ വീട്ടമ്മയാണെന്നുമാണ്​ റിപ്പോർട്ടുകളിൽനിന്ന്​ മനസ്സിലാക്കിയത്.

ഈ സാഹചര്യത്തിലാണ്​ സ്വന്തം ചെലവുകൾക്കുള്ള വരുമാനം കണ്ടെത്താനുള്ള ഉത്തരവാദിത്തം ഈ വിദ്യാർഥി ഏറ്റെടുത്തത്​. സാമ്പത്തിക- തൊഴിൽ വിഷയങ്ങളിൽ സർക്കാർ പിന്തുണക്കേണ്ട സ്ഥാനത്ത്​ നേർവിപരീതമായി ഡൽഹി പൊലീസുകാർ തല്ലിച്ചതക്കുകയും മോശം പരാമർശങ്ങൾ നടത്തുകയും ചെയ്​തത്​ ഏറെ ഭയാനകമായിരുന്നു. നമ്മുടെ യഥാർഥ പൗരന്മാർക്ക്​ എന്താണ്​ സംഭവിക്കുന്നതെന്ന്​ കാണൂ. ഏതു​ രീതിയിലാണ്​ ചെറുപ്പക്കാരോട്​ പെരുമാറുന്നതെന്നും നോക്കൂ. ശശിഭൂഷൺ പാണ്ഡെയെ പോലെ കഴിവും ധൈര്യവും ബോധ്യവുമുള്ള യുവാക്കളാണ്​ പ്രതീക്ഷ​. അവർ മാത്രമാണ്​ ഒരേയൊരു പ്രതീക്ഷ.
