മു​രു​ക​ൻ ഉ​യ​ർ​ത്തു​ന്ന ചോ​ദ്യ​ങ്ങ​ൾ 

വാ​ഹ​നാ​പ​ക​ട​ത്തി​ൽ അ​തി​ദാ​രു​ണ​മാ​യാ​ണ് മു​രു​ക​ൻ  മ​രി​ച്ച​ത്. അ​നേ​കം ആ​ശു​പ​ത്രി​ക​ളി​ൽ മു​രു​ക​നെ വ​ഹി​ച്ചു​കൊ​ണ്ട് ആം​ബു​ല​ൻ​സ് ക​യ​റി​യി​റ​ങ്ങി​യെ​ങ്കി​ലും വേ​ണ്ട​ത്ര പ​രി​ച​ര​ണ​മോ ശ്ര​ദ്ധ​യോ ല​ഭി​ച്ചി​ല്ല എ​ന്ന ആ​രോ​പ​ണം ശ​ക്ത​മാ​യി നി​ല​നി​ൽ​ക്കു​ന്നു. അ​പ​ക​ട​മു​ണ്ടാ​യി മ​ര​ണ​ത്തി​​െൻറ വ​ക്കി​ലെ​ത്തി​യ യു​വാ​വി​ന് മ​നു​ഷ്യ​ത്വ​ത്തി​​െൻറ പേ​രി​ലെ​ങ്കി​ലും ചി​കി​ത്സ ഉ​റ​പ്പാ​ക്കേ​ണ്ട ധ​ർ​മം ന​മു​ക്കേ​വ​ർ​ക്കും ഉ​ണ്ട്. അ​ങ്ങ​നെ ഉ​ണ്ടാ​യി​ല്ലെ​ങ്കി​ൽ തു​റ​ന്ന മ​ന​സ്സോ​ടെ ഒ​രാ​ത്മ​പ​രി​ശോ​ധ​ന​ക്കു സ​മ​യ​മാ​യി എ​ന്നു നാം ​കാ​ണ​ണം.

മു​രു​ക​ൻ സം​ഭ​വം മാ​ധ്യ​മ​ശ്ര​ദ്ധ ആ​ക​ർ​ഷി​ച്ച​തി​നാ​ൽ പ​ല ത​ല​ങ്ങ​ളി​ൽ ച​ർ​ച്ച​ചെ​യ്യ​പ്പെ​ട്ടു. മ​നു​ഷ്യാ​വ​കാ​ശ ക​മീ​ഷ​ൻ സ്വ​മേ​ധ​യാ ന​ട​പ​ടി ആ​രം​ഭി​ക്കു​ക​യും കേ​സെ​ടു​ക്കാ​ൻ പൊ​ലീ​സി​നോ​ട് ആ​വ​ശ്യ​പ്പെ​ടു​ക​യും ചെ​യ്തു​ക​ഴി​ഞ്ഞു. മ​റ്റ് ഏ​ജ​ൻ​സി​ക​ളും അ​വ​രു​ടെ ത​ല​ത്തി​ൽ അ​ന്വേ​ഷ​ണ​ങ്ങ​ൾ ന​ട​ത്തു​ന്നു​മു​ണ്ട്. അ​പ്പോ​ൾ മു​രു​ക​ൻ സം​ഭ​വ​ത്തി​ലെ നി​യ​മ​വ​ശ​ങ്ങ​ളോ നീ​തി​നി​ഷേ​ധ​മോ ഇ​വി​ടെ ച​ർ​ച്ച ചെ​യ്യു​ന്ന​തി​ൽ ഇ​പ്പോ​ൾ പ്ര​സ​ക്തി​യി​ല്ല. വ​ള​രെ ഗൗ​ര​വ​മു​ള്ള മാ​നു​ഷി​ക വ​ശ​ങ്ങ​ൾ അ​ട​ങ്ങി​യ സം​ഭ​വ​മാ​യ​തി​നാ​ൽ അ​ത് ച​ർ​ച്ച​ചെ​യ്യാ​തെ പോ​കാ​ൻ പാ​ടി​ല്ല.

മൂ​ല്യാ​ധി​ഷ്ഠി​ത​വും നീ​തി​പൂ​ർ​വ​വു​മാ​യ പെ​രു​മാ​റ്റ ഘ​ട​ന​യി​ലൂ​ടെ മാ​ത്ര​മേ ആ​ധു​നി​ക വൈ​ദ്യ​ശാ​സ്ത്ര​ത്തി​ന് അ​തി​​െൻറ സാ​മൂ​ഹി​ക ഉ​ത്ത​ര​വാ​ദി​ത്ത​ങ്ങ​ൾ നി​റ​വേ​റ്റാ​നാ​കൂ. സ​ർ​ക്കാ​റി​​െൻറ​യോ പൊ​ലീ​സി​​െൻറ​യോ മ​റ്റ്​ ഏ​ജ​ൻ​സി​ക​ളു​ടെ​യോ ഇ​ട​പെ​ട​ൽ ഇ​ല്ലാ​തെ​ത​ന്നെ ന​ട​ക്കേ​ണ്ട കാ​ര്യ​വു​മാ​ണി​ത്. വൈ​ദ്യ​ശാ​സ്ത്ര സ​മൂ​ഹ​ത്തി​​െൻറ​യു​ള്ളി​ൽ നി​ന്നു​ത​ന്നെ ഉ​ണ്ടാ​കു​ന്ന തി​രി​ച്ച​റി​വു​ക​ളു​ടെ അ​ടി​സ്ഥാ​ന​ത്തി​ലാ​ണ് കാ​ലി​ക​പ്ര​സ​ക്ത​മാ​യ മൂ​ല്യ​സ​ങ്ക​ൽ​പ​ങ്ങ​ൾ ഡോ​ക്ട​ർ--​രോ​ഗി, ഡോ​ക്ട​ർ--​സ​മൂ​ഹം എ​ന്നീ ത​ല​ങ്ങ​ളി​ൽ സ്ഥാ​പി​ക്ക​പ്പെ​ടു​ക. ഡോ​ക്ട​ർ​മാ​രു​ടെ​യും സ​മൂ​ഹ​ത്തി​​െൻറ​യും ഇ​ട​യി​ൽ നി​ല​നി​ൽ​ക്കു​ന്ന സാ​ങ്കേ​തി​ക പ​രി​ജ്ഞാ​ന​ത്തി​ലെ അ​സ​ന്തു​ലി​താ​വ​സ്ഥ​യും വൈ​ദ്യ​ശാ​സ്ത്ര​ത്തി​ന് മ​നു​ഷ്യ​ശ​രീ​ര​ത്തി​നു​ള്ളി​ൽ ക​ട​ന്നു​ക​യ​റാ​നു​ള്ള അ​ഭൂ​ത​പൂ​ർ​വ​മാ​യ സാ​ധ്യ​ത​ക​ളും പ​രി​ഗ​ണി​ക്കു​മ്പോ​ൾ മൂ​ല്യ​ബോ​ധ​ശാ​സ്ത്രം സാ​മൂ​ഹി​ക​നീ​തി​യു​ടെ അ​ടി​സ്ഥാ​ന ശി​ല​യാ​ണെ​ന്നു കാ​ണാം. 

ര​ണ്ടു ചോ​ദ്യ​ങ്ങ​ൾ പ്ര​സ​ക്ത​മാ​ണ്; ര​ണ്ടും ലോ​ക​മെ​മ്പാ​ടും വൈ​ദ്യ​ശാ​സ്ത്ര​ത്തി​ൽ ഏ​റെ ച​ർ​ച്ച​ചെ​യ്യ​പ്പെ​ടു​ന്ന സ​ദാ​ചാ​ര മൂ​ല്യ​സ​ങ്ക​ൽ​പ​വു​മാ​യി ബ​ന്ധ​പ്പെ​ട്ട​താ​ണ്. ഒ​ന്ന്, അ​പ​ക​ട​ത്തി​ൽ​പെ​ട്ട് മ​ര​ണ​ത്തി​​െൻറ വ​ക്കി​ലെ​ത്തി​യ ഒ​രാ​ളി​നു വേ​ണ്ടി​വ​രു​ന്ന വൈ​ദ്യ​സ​ഹാ​യ​ങ്ങ​ളി​ൽ തീ​രു​മാ​ന​മെ​ടു​ക്കാ​ൻ ആ​ർ​ക്കൊ​ക്കെ​യാ​ണ് അ​വ​കാ​ശ​മു​ള്ള​ത്? ര​ണ്ട്, അ​ബോ​ധാ​വ​സ്ഥ​യി​ലാ​യ മു​രു​ക​നെ ആം​ബു​ല​ൻ​സി​ൽ ക​യ​റ്റി അ​നേ​കം ആ​ശു​പ​ത്രി​പ്പ​ടി​ക്ക​ൽ എ​ത്തി​ച്ചെ​ങ്കി​ലും ചി​കി​ത്സ നി​ഷേ​ധി​ക്ക​പ്പെ​ട്ടു​വെ​ന്നാ​ണ് റി​പ്പോ​ർ​ട്ട്. ഡോ​ക്ട​ർ​മാ​രും മു​രു​ക​നോ​ടൊ​ത്തു വ​ന്ന​വ​രും ത​മ്മി​ലാ​വ​ണ​മ​ല്ലോ ചി​കി​ത്സ സം​ബ​ന്ധി​ച്ച ച​ർ​ച്ച​ക​ൾ ന​ട​ന്ന​ത്. ന​മ്മു​ടെ ആ​ശു​പ​ത്രി​സാ​ഹ​ച​ര്യം ​െവ​ച്ചു​നോ​ക്കി​യാ​ൽ ഓ​രോ അ​ത്യാ​ഹി​ത വി​ഭാ​ഗ​ത്തി​ലും അ​ന​വ​ധി പേ​ർ ഇ​വ​രു​ടെ ത​ർ​ക്ക​വി​ത​ർ​ക്ക​ങ്ങ​ൾ ക​ണ്ടു​കാ​ണ​ണം. അ​വ​ർ വെ​റും കാ​ഴ്ച​ക്കാ​രാ​യി മാ​റി​യ​തെ​ന്തു​കൊ​ണ്ട്? അ​വ​ർ​ക്ക് സ​ക്രി​യ​മാ​യ ഇ​ട​പെ​ട​ൽ സാ​ധ്യ​മാ​കാ​ത്ത​തെ​ന്തേ?   

രോഗിയുടെ സമ്മതം
ഒ​രു വ്യ​ക്തി രോ​ഗാ​വ​സ്ഥ​യി​ൽ ചി​കി​ത്സ​ക്കു വി​ധേ​യ​മാ​വു​മ്പോ​ൾ ചി​കി​ത്സ​ക​ൻ അ​യാ​ളു​ടെ സ​മ്മ​തം വാ​ങ്ങി​യി​രി​ക്ക​ണം. പ​ല​ത​ര​ത്തി​ലു​ള്ള സ​മ്മ​ത​പ​ത്ര​ങ്ങ​ൾ ചി​കി​ത്സ​കേ​ന്ദ്ര​ങ്ങ​ളി​ൽ ഇ​ന്ന് നി​ല​വി​ലു​ണ്ട്. ഇ​തി​ൽ പ്ര​ധാ​ന​പ്പെ​ട്ട​ത് പ​രി​ചി​ന്തി​ത​മാ​യ അ​നു​മ​തി​യാ​ണ് (Informed consent). ഇ​ത്ത​രം അ​നു​മ​തി​പ​ത്ര​ത്തി​ൽ രോ​ഗ​ത്തെ​പ്പ​റ്റി​യു​ള്ള അ​റി​വു​ക​ൾ, ചി​കി​ത്സ​യെ​ക്കു​റി​ച്ച്​ അ​വ​ശ്യം വേ​ണ്ടു​ന്ന വി​വ​ര​ങ്ങ​ൾ, ചി​കി​ത്സ​യു​ടെ പാ​ർ​ശ്വ​ഫ​ല​ങ്ങ​ളും സ​ങ്കീ​ർ​ണ​ത​ക​ളും, ചി​കി​ത്സി​ക്കാ​തി​രു​ന്നാ​ലു​ള്ള ഭ​വി​ഷ്യ​ത്തു​ക​ൾ എ​ന്നി​വ രോ​ഗി​ക്ക് വ​ശ​മു​ള്ള ഭാ​ഷ​യി​ൽ മ​ന​സ്സി​ലാ​ക്കി​ക്കൊ​ടു​ക്കേ​ണ്ട​താ​ണ്. ഏ​താ​ശു​പ​ത്രി​യി​ലെ​യും സ​ർ​വ​സാ​ധാ​ര​ണ​മാ​യ ന​ട​പ​ടി​ക്ര​മം മാ​ത്ര​മാ​ണി​ത്. മു​രു​ക​​െൻറ കാ​ര്യ​ത്തി​ൽ ഈ ​സാ​ധാ​ര​ണ​ത്വം അ​പ്ര​ത്യ​ക്ഷ​മാ​യി​രി​ക്കു​ന്നു. അ​ബോ​ധാ​വ​സ്ഥ​യി​ലാ​ഴ്ന്ന മു​രു​ക​ന് അ​നു​മ​തി ന​ൽ​കാ​നാ​വി​ല്ല​ല്ലോ. രോ​ഗി​യു​ടെ അ​ടു​ത്ത ബ​ന്ധു​ക്ക​ളാ​ണ് രോ​ഗി​ക്കു​വേ​ണ്ടി സ​മ്മ​ത​പ​ത്രം ഇ​മ്മാ​തി​രി സാ​ഹ​ച​ര്യ​ങ്ങ​ളി​ൽ പൂ​ർ​ത്തി​യാ​ക്കു​ന്ന​ത്. അ​തും ഇ​വി​ടെ സാ​ധ്യ​മ​ല്ലാ​തെ​യാ​യി. തി​രു​നെ​ൽ​വേ​ലി​ക്കാ​ര​നാ​യ അ​ദ്ദേ​ഹ​ത്തി​​െൻറ ബ​ന്ധു​ക്ക​ളാ​രും കൊ​ല്ലം പ​ട്ട​ണ​ത്തി​ൽ ഇ​ല്ല. നി​യ​മ​പ​ര​മാ​യി തീ​രു​മാ​ന​ങ്ങ​ളെ​ടു​ക്കാ​ൻ നി​യു​ക്ത​രാ​യ -പ​വ​ർ ഒാ​ഫ്​ അ​റ്റോ​ണി പോ​ലെ- മ​റ്റാ​രും​ത​ന്നെ ആം​ബു​ല​ൻ​സി​ൽ ഉ​ണ്ടാ​യി​രു​ന്നു​മി​ല്ല. സ​ജീ​വ​കാ​ല ഒ​സ്യ​ത്ത് അം​ഗീ​ക​രി​ക്കു​ന്ന​തി​ൽ ഇ​ന്ത്യ​ൻ നി​യ​മം ഇ​പ്പോ​ഴും വി​മു​ഖ​ത കാ​ട്ടു​ന്നു. വി​ദ​ഗ്​​ധ​ർ​ക്കു​പോ​ലും ആ​ശ​യ​ക്കു​ഴ​പ്പ​മു​ള്ള ഒ​സ്യ​ത്ത് സാ​ധാ​ര​ണ​ക്കാ​ർ ന​ട​പ്പാ​ക്കാ​ൻ പ്ര​കാ​ശ​വ​ർ​ഷ​ങ്ങ​ളെ​ടു​ക്കും, ന​മ്മു​ടെ നാ​ട്ടി​ൽ. സ​ങ്കീ​ർ​ണ​ത​ക​ളു​ള്ള ചി​കി​ത്സ​യെ​ക്കു​റി​ച്ചു മ​ന​സ്സി​ലാ​ക്കി അ​നു​മ​തി കൊ​ടു​ക്കാ​ൻ നി​യു​ക്ത​രാ​യ ആ​ളി​​െൻറ അ​ഭാ​വ​ത്തി​ൽ ആ​രാ​യി​രി​ക്കും മു​രു​ക​​െൻറ ഉ​ത്ത​മ താ​ൽ​പ​ര്യ​ങ്ങ​ൾ​ക്ക​നു​സ​രി​ച്ചു പ്ര​വ​ർ​ത്തി​ച്ചി​ട്ടു​ണ്ടാ​വു​ക?

പ​ത്ര റി​പ്പോ​ർ​ട്ടു​ക​ൾ വി​ശ്വ​സി​ക്കാ​മെ​ങ്കി​ൽ മു​രു​ക​നെ കൊ​ണ്ടു​പോ​യ ആ​ശു​പ​ത്രി​ക​ളി​ലെ​ല്ലാം മു​രു​ക​നു​വേ​ണ്ടി ആ​ശ​യ​വി​നി​മ​യം ന​ട​ത്തി​യ​ത് ആം​ബു​ല​ൻ​സ് ഡ്രൈ​വ​ർ ആ​യി​രു​ന്നു. മു​രു​ക​ന് തി​ക​ച്ചും അ​പ​രി​ചി​ത​നാ​യ ആം​ബു​ല​ൻ​സ് ഡ്രൈ​വ​ർ ആ​ക​സ്മി​ക​മാ​യാ​ണ് ഈ ​ദൗ​ത്യം ഏ​റ്റെ​ടു​ക്കേ​ണ്ടി​വ​ന്ന​ത്. ഇ​ട​പെ​ട്ട ഡോ​ക്ട​ർ​മാ​ർ​ക്കും ഇ​തി​ൽ അ​പാ​ക​ത​ക​ളൊ​ന്നും തോ​ന്നി​യ​തു​മി​ല്ല. മു​രു​ക​നെ സം​ബ​ന്ധി​ച്ചി​ട​ത്തോ​ളം ത​​െൻറ അ​വ​സാ​ന മ​ണി​ക്കൂ​റു​ക​ളി​ൽ അ​പ​രി​ചി​ത​നാ​യ ക​ട​ന്നു​വ​ന്ന ഡ്രൈ​വ​ർ അ​നി​യു​ക്ത ര​ക്ഷാ​ക​ർ​ത്താ​വാ​യി മാ​റു​ക​യാ​യി​രു​ന്നു. അ​പൂ​ർ​വ​ങ്ങ​ളി​ൽ അ​പൂ​ർ​വ​മാ​യി സം​ഭ​വി​ക്കു​ന്ന സാ​ഹ​ച​ര്യം എ​ന്ന​നി​ല​ക്ക് കേ​ര​ള​ത്തി​ലും ഇ​ന്ത്യ​യി​ലെ​മ്പാ​ടും ച​ർ​ച്ച​ക്കു വ​രേ​ണ്ട എ​ത്തി​ക്സ് പ്ര​ശ്ന​മാ​ണി​ത്. വ​ർ​ഷ​ത്തി​ൽ അ​യ്യാ​യി​ര​ത്തോ​ളം വാ​ഹ​നാ​പ​ക​ട മ​ര​ണ​ങ്ങ​ൾ സം​ഭ​വി​ക്കു​ന്ന കേ​ര​ള​ത്തി​ൽ അ​നി​യു​ക്ത ര​ക്ഷാ​ക​ർ​തൃ​ത്വം ഇ​ട​ക്കി​ടെ വ​ന്നു​കൂ​ടാ​യ്ക​യി​ല്ല.

അ​നി​യു​ക്ത ര​ക്ഷ​ക​ർ​ത്താക്കൾ
അ​നി​യു​ക്ത ര​ക്ഷക​ർ​ത്താ​വു​യ​ർ​ത്തു​ന്ന പ്ര​ശ്ന​ങ്ങ​ളും പ​രി​ഹാ​ര​ങ്ങ​ളും വി​ശ​ദ​മാ​യി പ​ഠി​ക്കാ​ൻ പ​ല ശ്ര​മ​ങ്ങ​ളും വി​ദേ​ശ​ത്തു​ണ്ടാ​യി​ട്ടു​ണ്ട്. അ​പ​രി​ചി​ത​നാ​യ ഒ​രു​വ​ൻ ന​ല്ല സ​മ​രി​യ​ക്കാ​ര​നാ​കും എ​ന്ന​തി​നെ​ന്തു​റ​പ്പാ​ണു​ള്ള​ത്? ലാ​ഭേ​ച്ഛ​യി​ല്ലാ​തെ നി​സ്വാ​ർ​ഥ സേ​വ​ന​ത്തി​നു ത​യാ​റാ​കു​ന്ന​വ​ർ കു​റ​വാ​ണെ​ന്നു പ​ഠ​ന​ങ്ങ​ൾ കാ​ട്ടു​ന്നു. ഡ്രൈ​വ​ർ അ​യാ​ളു​ടെ തൊ​ഴി​ലി​​െൻറ ഭാ​ഗ​മാ​യി ചെ​യ്തു​തു​ട​ങ്ങി​യ പ്ര​വൃ​ത്തി അ​നു​താ​പ​ത്തി​​െൻറ നി​ല​യി​ലേ​ക്കു​യ​ർ​ന്നു എ​ന്നു​ത​ന്നെ സ​ങ്ക​ൽ​പി​ക്കാം. അ​ങ്ങ​നെ​യെ​ങ്കി​ൽ ഡ്രൈ​വ​ർ ത​​െൻറ തീ​രു​മാ​ന​ങ്ങ​ൾ എ​ടു​ക്കു​മ്പോ​ൾ മു​രു​ക​​െൻറ ഉ​ത്ത​മ താ​ൽ​പ​ര്യ​ങ്ങ​ൾ മ​ന​സ്സി​ൽ​ക്ക​ണ്ടു​വോ എ​ന്നു ക​ണ്ടെ​ത്തേ​ണ്ട​തു​ണ്ട്. ന​മ്മു​ടെ ആം​ബു​ല​ൻ​സ് പ്ര​വ​ർ​ത്ത​ക​ർ​ക്ക് അ​നു​താ​പ​ത്തി​ലും ജീ​വി​താ​ന്ത്യ ചി​കി​ത്സ​യു​ടെ ത​ത്ത്വ​ങ്ങ​ളി​ലും പ്ര​ത്യേ​ക പ​രി​ശീ​ല​നം ആ​വ​ശ്യ​മെ​ന്ന് കാ​ണ​ണം. അ​നി​യു​ക്ത ര​ക്ഷാ​ക​ർ​ത്താ​വ് കൈ​ക്കൊ​ള്ളു​ന്ന തീ​രു​മാ​ന​ങ്ങ​ൾ, മ​രി​ച്ച വ്യ​ക്തി​യു​ടെ സ്വ​ത്ത്, ആ​നു​കൂ​ല്യ​ങ്ങ​ൾ തു​ട​ങ്ങി​യ​വ തീ​ർ​പ്പാ​ക്കാ​ൻ സ​ർ​ക്കാ​റോ കോ​ട​തി​യോ ഇ​ൻ​ഷു​റ​ൻ​സ് ക​മ്പ​നി​യോ പൂ​ർ​ണ​മ​ന​സ്സോ​ടെ ത​യാ​റാ​കു​മോ എ​ന്നും ക​ണ്ട​റി​യേ​ണ്ട​താ​ണ്. ത​ർ​ക്ക​മു​ണ്ടാ​കു​മ്പോ​ൾ ഉ​ദ്ദേ​ശ്യ​ശു​ദ്ധി ചോ​ദ്യം​ചെ​യ്യ​പ്പെ​ടു​ന്നു. 

ആം​ബു​ല​ൻ​സ് മു​രു​ക​നു​മാ​യി ആ​റ് ആ​ശു​പ​ത്രി​ക​ളി​ലെ​ങ്കി​ലും പോ​യി​ട്ടു​ണ്ട് എ​ന്നു​പ​റ​യു​ന്നു. ആ​റി​ല​ധി​കം ഡോ​ക്​​ട​ർ​മാ​രും അ​ത്ര​യെ​ങ്കി​ലും മ​റ്റ് ആ​രോ​ഗ്യ​പ്ര​വ​ർ​ത്ത​ക​രും ആം​ബു​ല​ൻ​സ് ഡ്രൈ​വ​റു​മാ​യി ആ​ശ​യ​വി​നി​മ​യം ന​ട​ത്തി​യി​രി​ക്ക​ണം. മു​രു​ക​നു​വേ​ണ്ടി തീ​രു​മാ​ന​മെ​ടു​ക്കാ​ൻ ആം​ബു​ല​ൻ​സ് ഡ്രൈ​വ​ർ മാ​ത്ര​മേ​യു​ള്ളൂ എ​ന്ന​റി​ഞ്ഞ​പ്പോ​ൾ തീ​രു​മാ​ന​ങ്ങ​ൾ പൂ​ർ​ണ​മാ​യി അ​യാ​ൾ​ക്ക്‌ വി​ട്ടു​കൊ​ടു​ക്കു​ന്ന​ത് ഉ​ചി​ത​മാ​ണെ​ന്ന്​ ആ​രോ​ഗ്യ​പ്ര​വ​ർ​ത്ത​ക​ർ എ​ങ്ങ​നെ തീ​രു​മാ​നി​ച്ചു എ​ന്ന​താ​ണ് നാം ​ആ​ലോ​ചി​ക്കേ​ണ്ട എ​ത്തി​ക്സ് പ്ര​ശ്നം. മു​രു​ക​​െൻറ അ​ബോ​ധാ​വ​സ്ഥ ഗ്ലാ​സ്‌​ഗോ കോ​മ സ്​​കെ​യി​ൽ പ്ര​കാ​രം വ​ള​രെ താ​ഴെ​യാ​യി​രു​ന്നു​വെ​ന്ന് കേ​ൾ​ക്കു​ന്നു. വ​െൻറി​ലേ​റ്റ​ർ ചി​കി​ത്സ​പോ​ലും ഗു​ണം​ചെ​യ്യാ​ൻ സാ​ധ്യ​ത​യി​ല്ലാ​ത്ത അ​വ​സ്ഥ​യി​ൽ പ്രാ​യോ​ഗി​ക ചി​കി​ത്സ എ​ന്തെ​ന്ന് പ​ര്യാ​ലോ​ചി​ക്കാ​നു​ള്ള അ​വ​സ​രം ന​ഷ്​​ട​പ്പെ​ട്ടു​വോ എ​ന്ന് സം​ശ​യി​ക്കേ​ണ്ടി​വ​രു​ന്നു. പ​രി​ശീ​ല​നം കു​റ​ഞ്ഞ അ​നി​യു​ക്ത ര​ക്ഷാ​ക​ർ​തൃ​ത്വം ന​മ്മെ കൊ​ണ്ടെ​ത്തി​ക്കു​ന്ന ആ​ശ​യ​ക്കു​ഴ​പ്പം ഇ​താ​ണ്.   

ഗൗ​ര​വ​മാ​യ ശ്ര​ദ്ധ​യാ​ക​ർ​ഷി​ക്കു​ന്ന മ​റ്റൊ​ന്നു​ണ്ട്: ഡോ​ക്ട​ർ​മാ​ർ ഉ​ൾ​െ​പ്പ​ടെ​യു​ള്ള ആ​രോ​ഗ്യ​പ്ര​വ​ർ​ത്ത​ക​രും ഏ​തൊ​രു അ​ത്യാ​ഹി​ത വി​ഭാ​ഗ​ത്തി​ലും കാ​ണാ​ൻ സാ​ധി​ക്കു​ന്ന കൂ​ട്ടി​രി​പ്പു​കാ​രും ഉ​ൾ​െ​പ്പ​ടെ അ​നേ​കം പേ​ർ  ഘ​ട്ടം​ഘ​ട്ട​മാ​യി വി​ക​സി​ച്ചു​വ​ന്ന മു​രു​ക​ൻ സം​ഭ​വ​ത്തി​നു ദൃ​ക്‌​സാ​ക്ഷി​ക​ളാ​യി​രു​ന്നു. അ​ത്യാ​സ​ന്ന​നി​ല​യി​ലു​ള്ള ഒ​രാ​ൾ സ​ഹാ​യ​ത്തി​നെ​ത്തു​മ്പോ​ൾ ചു​റ്റു​മു​ള്ള​വ​ർ വെ​റും കാ​ഴ്ച​ക്കാ​രാ​യി മാ​റു​ന്നു. ഒ​രു ബ​ഹു​നി​ല മാ​ളി​ക​യി​ലെ ലി​ഫ്റ്റി​ൽ ക​യ​റു​ന്ന അ​നു​ഭ​വ​മാ​യി ഇ​തി​നെ കാ​ണാം. ക​യ​റു​മ്പോ​ൾ മ​റ്റു​ചി​ല​ർ ലി​ഫ്റ്റി​ൽ ഉ​ണ്ടാ​കു​മെ​ങ്കി​ലും ആ​രെ​ങ്കി​ലും ഉ​ള്ള​താ​യി നാം ​ഭാ​വി​ക്കാ​റി​ല്ല; ലി​ഫ്റ്റി​നു​ള്ളി​ലെ അ​ന്യ​വ​ത്​​ക​ര​ണം സാ​മൂ​ഹി​ക​ശാ​സ്ത്ര ഗ​വേ​ഷ​ക​ർ പ​ഠി​ക്കാ​ൻ ശ്ര​മി​ക്കു​ന്നു. സി​ലി​യ കി​റ്റ്‌​സി​ൻ​ജ​ർ (2002) പൊ​തു​ന​ന്മ എ​ന്ന സ​ങ്ക​ൽ​പ​ത്തെ അ​ധി​ക​രി​ച്ചെ​ഴു​തി​യ പ്ര​ബ​ന്ധം പ​ഠി​ക്കാ​ൻ ശ്ര​മി​ക്കു​ന്ന​തി​താ​ണ്. 

പ​ര​സ്പ​രം പ​രി​ച​യ​മി​ല്ലാ​ത്ത അ​ന​വ​ധി പേ​ർ ഒ​ന്നി​ച്ചു​നി​ൽ​ക്കു​മ്പോ​ൾ ഒ​ര​ത്യാ​ഹി​തം സം​ഭ​വി​ച്ചാ​ൽ ആ​രും മു​ന്നോ​ട്ടു​വ​രാ​റി​ല്ല. ഇ​തി​നു​ദാ​ഹ​ര​ണ​മാ​യി അ​വ​ർ ചൂ​ണ്ടി​ക്കാ​ട്ടു​ന്ന​ത് അ​മേ​രി​ക്ക​യി​ൽ മു​മ്പ് ന​ട​ന്ന കി​റ്റി ജീ​നോ​വേ​സ് കൊ​ല​പാ​ത​ക​മാ​ണ്. ന്യൂ​യോ​ർ​ക്കി​ൽ നാ​ൽ​പ​തോ​ളം പേ​ർ നോ​ക്കി​നി​ൽ​ക്കെ ഒ​രാ​ൾ കി​റ്റി​യെ അ​ര​മ​ണി​ക്കൂ​ർ നേ​രം തു​ട​ർ​ച്ച​യാ​യി കു​ത്തി കൊ​ല​ചെ​യ്തു. ആ​രും പ്ര​തി​ക​രി​ച്ചി​ല്ല; പൊ​ലീ​സി​ന് ഫോ​ൺ ചെ​യ്ത​യാ​ൾ വ​ള​രെ വൈ​കി​യാ​ണ് അ​ങ്ങ​നെ​യൊ​രു​ദ്യ​മ​ത്തി​നു മു​തി​ർ​ന്ന​തു​ത​ന്നെ.

നി​സ്വാ​ർ​ഥ​മാ​യ സേ​വ​നം, സ്നേ​ഹം, അ​നു​താ​പം തു​ട​ങ്ങി​യ ഉ​ത്കൃ​ഷ്​​ട വി​കാ​ര​ങ്ങ​ളും നാം ​നി​ൽ​ക്കു​ന്ന സാ​ഹ​ച​ര്യ​ങ്ങ​ളു​മാ​യി ബ​ന്ധ​പ്പെ​ട്ടി​രി​ക്കു​ന്നു. സി​ലി​യ കി​റ്റ്‌​സി​ൻ​ജ​ർ എ​ടു​ത്തു​പ​റ​യു​ന്ന ര​ണ്ടു പ​രീ​ക്ഷ​ണ​ങ്ങ​ൾ പ്ര​ധാ​ന​പ്പെ​ട്ട​താ​ണ്. ആ​ദ്യ​ത്തെ പ​രീ​ക്ഷ​ണ​ത്തി​ൽ, കു​റെ പേ​രു​ടെ മു​ന്നി​ൽ​വെ​ച്ച് ഒ​രു ജീ​വ​ന​ക്കാ​ര​നെ ഷോ​ക്ക് ഏ​ൽ​പി​ച്ചു വേ​ദ​നി​പ്പി​ക്കു​ന്നു. ക​ണ്ടു​നി​ൽ​ക്കു​ന്ന​വ​രി​ൽ ചി​ല​ർ​ക്ക് ഇ​തു സ​ഹി​ക്കാ​നാ​വു​ന്നി​ല്ല; അ​നു​ത​പി​ക്കാ​ൻ ക​ഴി​വു​ള്ള ഇ​വ​ർ​ക്ക് ര​ണ്ടു രീ​തി​യി​ൽ പ്ര​തി​ക​രി​ക്കാ​ൻ അ​വ​സ​രം ന​ൽ​കു​ന്നു. ജീ​വ​ന​ക്കാ​ര​നു പ​ക​രം അ​വ​രി​ൽ ഒ​രാ​ളി​ന് പ​രീ​ക്ഷ​ണ​ക്ക​സേ​ര​യി​ൽ ഇ​രു​ന്നു ഷോ​ക്ക് ഏ​ൽ​ക്കാം. അ​ല്ലെ​ങ്കി​ൽ മു​റി​വി​ട്ടു​പോ​കാം. അ​നു​ത​പി​ക്കു​ന്ന​വ​ർ ആ​ദ്യ​ത്തെ രീ​തി​യി​ൽ പ്ര​തി​ക​രി​ച്ചു. ലാ​ഭേ​ച്ഛ​യി​ല്ലാ​തെ അ​പ​രി​ചി​ത​​െൻറ ദുഃ​ഖ​ത്തി​ൽ പ​ങ്കു​ചേ​രാ​ൻ അ​വ​ർ ത​യാ​റാ​യി എ​ന്ന​ർ​ഥം.

എ​ന്നാ​ൽ, വ്യ​ത്യ​സ്ത​മാ​യ സാ​ഹ​ച​ര്യ​ങ്ങ​ൾ ഒ​രു​ക്കി​യ മ​റ്റൊ​രു പ​രീ​ക്ഷ​ണ​ത്തി​ൽ പ​രീ​ക്ഷ​ണ​മൃ​ഗ​മാ​യ​യാ​ൾ ചോ​ദ്യ​ങ്ങ​ൾ​ക്ക് ഉ​ത്ത​രം ന​ൽ​കി​ക്കൊ​ണ്ടി​രി​ക്ക​ണം. അ​യാ​ളു​ടെ ഓ​രോ തെ​റ്റി​നും മ​റ്റു​ള്ള​വ​ർ നി​ശ്ചി​ത അ​ള​വി​ൽ ശ​രീ​ര​ത്തി​ൽ ഷോ​ക്ക് ഏ​ൽ​പി​ക്കും. തെ​റ്റു​ക​ൾ ആ​വ​ർ​ത്തി​ക്ക​പ്പെ​ടു​മ്പോ​ൾ, ഷോ​ക്കി​​െൻറ കാ​ഠി​ന്യം ഏ​റി അ​പ​ക​ട​നി​ല​യോ​ള​മെ​ത്തും. നി​ർ​ത്താ​ൻ അ​നു​വാ​ദം ല​ഭി​ക്കാ​ത്ത​തി​നാ​ൽ ഷോ​ക്ക് വ​ർ​ധി​പ്പി​ക്കു​ക​യും അ​യാ​ളു​ടെ ജീ​വ​ൻ​ത​ന്നെ പോ​യേ​ക്കും എ​ന്ന നി​ല​വരെ സംഭവിച്ചു; അ​പ്പോ​ഴും അ​വ​ർ ഷോ​ക്ക് തു​ട​രാ​ൻ വൈ​മു​ഖ്യം കാ​ട്ടി​യി​ല്ല.  

മ​നു​ഷ്യ​ർ പൊ​തു ഇ​ട​ങ്ങ​ളി​ൽ എ​ങ്ങ​നെ പ്ര​വ​ർ​ത്തി​ക്കു​ന്നു​വെ​ന്ന് ക​ണ്ടെ​ത്താ​നു​ത​കു​ന്ന പ​രീ​ക്ഷ​ണ​ങ്ങ​ളാ​ണ് ഇ​വ. ബാ​ഹ്യ​സ​മ്മ​ർ​ദ​ങ്ങ​ൾ ഇ​ല്ലാ​ത്ത സ​ന്ദ​ർ​ഭ​ങ്ങ​ളി​ൽ ന​മു​ക്ക് വ​ള​രെ​വേ​ഗം അ​നു​ത​പി​ക്കാ​നാ​കു​ന്നു. എ​ന്നാ​ൽ, അ​ധി​കാ​ര​ത്തി​​െൻറ സ​മ്മ​ർ​ദം വ​ന്നു​ക​ഴി​ഞ്ഞാ​ൽ ക്രൂ​ര​മാ​യി പോ​ലും പെ​രു​മാ​റാ​ൻ സാ​ധാ​ര​ണ​ക്കാ​ർ മ​ടി​ക്കാ​റി​ല്ല. മു​രു​ക​ൻ എ​ത്തി​യ സാ​മൂ​ഹി​ക സാ​ഹ​ച​ര്യ​വും ഇ​തി​ൽ​നി​ന്നു വ​ള​രെ ഭി​ന്ന​മ​ല്ല. അ​ത്യാ​സ​ന്ന നി​ല​യി​ൽ അ​നേ​കം ഇ​ട​ങ്ങ​ളി​ൽ എ​ത്ത​പ്പെ​ട്ടി​ട്ടും ന​ല്ല സ​മ​രി​യ​ക്കാ​ര​ൻ അ​വി​ടെ​ങ്ങും ഉ​യ​ർ​ന്നു​വ​ന്നി​ല്ല. കൂ​ടു​ത​ൽ മേ​ന്മ​യു​ള്ള ചി​കി​ത്സ ഉ​റ​പ്പാ​ക്ക​ണം എ​ന്ന നി​ർ​ദേ​ശ​വു​മാ​യി ആ​രോ​ഗ്യ​പ്ര​വ​ർ​ത്ത​ക​ർ ഉ​ൾ​പ്പെ​ടെ ആ​രെ​യും നാ​മ​വി​ടെ ക​ണ്ടി​ല്ല. എ​ല്ലാ​വ​രും സ്വ​ന്തം മു​ഖം ന​ഷ്​​ട​പ്പെ​ടാ​തി​രി​ക്കാ​ൻ പൊ​തു​കാ​ര്യ​ങ്ങ​ളി​ൽ​നി​ന്ന്​ അ​ക​ന്നു​നി​ൽ​ക്കു​ന്നു. അ​ധി​കാ​ര സ്ഥാ​ന​ങ്ങ​ളി​ൽ​നി​ന്ന്​ ഉ​ത്ത​ര​വു​ണ്ടാ​യാ​ൽ അ​നു​താ​പ​ത്തി​​െൻറ ആ​ദ​ർ​ശ​ങ്ങ​ൾ മാ​റ്റി​വെ​ച്ച്​ അ​ധി​കാ​ര​ശ​ക്തി​ക​ളെ പ്രീ​തി​പ്പെ​ടു​ത്താ​ൻ നാം ​ശ്ര​മി​ക്കും.

മു​രു​ക​നുണ്ടായ അനുഭവം ഇ​ന്ത്യ​യി​ൽ മ​റ്റെ​വി​ടെ​യെ​ങ്കി​ലും ന​ട​ന്നി​ട്ടു​ണ്ടോ എ​ന്ന​റി​യി​ല്ല. ഒ​ന്നു​റ​പ്പു​ണ്ട്; മെ​ഡി​ക്ക​ൽ എ​ത്തി​ക്സ് ശ്ര​ദ്ധാ​പൂ​ർ​വം പ​ഠി​ക്കു​ന്ന​വ​രു​ടെ മ​ന​സ്സി​നെ അ​ലോ​സ​ര​പ്പെ​ടു​ത്തു​ന്ന ഒ​ന്നാ​ണി​ത്. നി​യ​മം എ​ങ്ങ​നെ വ്യാ​ഖ്യാ​നി​ച്ചാ​ലും ശ​രി, എ​ത്തി​ക്സ് സം​വാ​ദം തു​ട​ർ​ന്നു​കൊ​ണ്ടി​രി​ക്ക​ണം. പ്ര​തി​വ​ർ​ഷം ആയിരക്കണക്കിന്​ അപകടമരണങ്ങൾ ഉണ്ടാവുകയും മു​പ്പ​തി​നാ​യി​രം പേ​ർ ശാ​രീ​രി​ക​ക്ഷ​തം അ​നു​ഭ​വി​ക്കു​ക​യും നാ​ട്ടി​ൽ ഇ​മ്മാ​തി​രി സം​ഭ​വ​ങ്ങ​ൾ ആവർത്തിക്കാതിരിക്കാൻ ച​ർ​ച്ച അ​നി​വാ​ര്യ​മാ​ണ്.
●