‘മ​നു​വാ​ദ’ ഇ​ന്ത്യ​യെ ക​ണ്ടെ​ത്ത​ൽ

ക്വി​റ്റ് ഇ​ന്ത്യ പ്ര​ക്ഷോ​ഭ​ണ​ത്തി​ൽ പ​​​ങ്കെ​ടു​ത്ത​തി​ന്റെ പേ​രി​ൽ 1942-46 കാ​ല​ഘ​ട്ട​ത്തി​ൽ അ​ഹ്മ​ദാ​ബാ​ദ് കോ​ട്ട​യി​ൽ ജ​യി​ൽ​വാ​സം അ​നു​ഭ​വി​ക്കു​മ്പോ​ഴാ​ണ് ജ​വ​ഹ​ർ​ലാ​ൽ നെ​ഹ്റു ‘ഇ​ന്ത്യ​യെ ക​ണ്ടെ​ത്ത​ൽ’ എ​ന്ന പു​സ്ത​കം ര​ചി​ക്കു​ന്ന​ത്. ഇ​ന്ത്യ​യു​ടെ ച​രി​ത്രം, സം​സ്കാ​രം, ത​ത്ത്വ​ചി​ന്ത എ​ന്നി​വ​യെ​ക്കു​റി​ച്ച് ഒ​രു സ്വാ​ത​ന്ത്ര്യ​സ​മ​ര പോ​രാ​ളി​യു​ടെ വി​ശാ​ല​മാ​യ കാ​ഴ്ച​പ്പാ​ടെ​ന്ന നി​ല​യി​ലാ​ണ് അ​ദ്ദേ​ഹം ആ ​പു​സ്ത​ക​മെ​ഴു​തി​യ​ത് .

അ​തി​പ്രാ​ചീ​ന​കാ​ല ഇ​ന്ത്യ​യി​ലെ ജ​ന​ജീ​വി​തം മു​ത​ൽ വേ​ദ​കാ​ല​ഘ​ട്ട​വും സൈ​ന്ധ​വ​നാ​ഗ​രി​ക​ത​യും പ്ര​തി​പാ​ദി​ച്ച്, ബ്രി​ട്ടീ​ഷ് രാ​ജ് വ​രെ​യു​ള്ള ച​രി​ത്ര സ​ന്ദ​ർ​ഭ​ങ്ങ​ളും സ്വാ​ത​ന്ത്ര്യാ​ന​ന്ത​ര ഭാ​വി​യെ​ക്കു​റി​ച്ചു​ള്ള ത​ന്റെ ഉ​ൾ​ക്കാ​ഴ്ച​ക​ളും അ​തി​ലു​ള്ള​ട​ങ്ങി​യി​രു​ന്നു. മ​റ്റു പ​ല ദേ​ശീ​യ​വാ​ദി​ക​ളെ​യും പോ​ലെ നെ​ഹ്റു​വും ഇ​ന്ത്യ​യു​ടെ ഏ​റ്റ​വും പ്ര​ധാ​ന സാം​സ്കാ​രി​ക സ​വി​ശേ​ഷ​ത​യാ​യി വി​ല​യി​രു​ത്തു​ന്ന​ത് നാ​നാ​ത്വ​ത്തി​ൽ ഏ​ക​ത്വ​ത്തെ​യാ​ണ്. ഒ​പ്പം ഇ​ന്ത്യ​യു​ടെ മ​ത​സ​ഹി​ഷ്ണു​ത​യു​ടെ പാ​ര​മ്പ​ര്യ​ത്തെ​യും വി​ദേ​ശ ആ​ക്ര​മ​ണ​കാ​രി​ക​ളോ​ട് പോ​ലും പു​ല​ർ​ത്തി​യ ആ​തി​ഥേ​യ മ​നോ​ഭാ​വ​ത്തെ​യും ചൂ​ണ്ടി​ക്കാ​ട്ടു​ന്നു.

ഇ​തേ​സ​മ​യം നെ​ഹ്റു​വി​ന്റെ ഇ​ന്ത്യ​യെ ക​ണ്ടെ​ത്ത​ലി​ന്റെ ചി​ല ന്യൂ​ന​ത​ക​ളെ​പ്പ​റ്റി പി.​കെ. ബാ​ല​കൃ​ഷ്ണ​ൻ സൂ​ചി​പ്പി​ക്കു​ന്ന​തി​പ്ര​കാ​ര​മാ​ണ് . ‘‘അ​ദ്ദേ​ഹം ക​ണ്ടു​പി​ടി​ക്കു​ന്ന കു​ഴ​പ്പ​ങ്ങ​ളു​ടെ കൂ​ട്ട​ത്തി​ൽ ഹി​ന്ദു​മ​ത​ത്തി​ലെ ജാ​തി​യെ​ന്ന അ​നാ​ചാ​ര​വും ഉ​ൾ​പ്പെ​ടാ​തി​രു​ന്നി​ല്ല. പ​ക്ഷേ, ഹി​ന്ദു​ജ​ന​ത​യി​ലെ ഗ​ണ്യ​മാ​യ ഒ​രു വി​ഭാ​ഗം ദൃ​ഷ്ടി​യി​ൽ പെ​ട്ടാ​ൽ പോ​ലും ദോ​ഷ​മു​ള്ള​വ​രാ​യി​രു​ന്നു​വെ​ന്നും മേ​ൽ​ജാ​തി​ക​ളെ സ്പ​ർ​ശി​ക്കാ​ൻ പാ​ടി​ല്ലാ​ത്ത അ​വി​ശു​ദ്ധ​മ​നു​ഷ്യ​രാ​യി​രു​ന്നു​വെ​ന്ന സം​ഗ​തി​യും കേ​വ​ലം ഒ​ര​നാ​ചാ​രം എ​ന്ന​തി​ൽ ക​വി​ഞ്ഞു ഒ​ന്നു​മാ​യി​രു​ന്നി​ല്ല നെ​ഹ്റു​വി​ന്. ഹി​ന്ദു​മ​ത ദ​ർ​ശ​ന​ങ്ങ​ളു​മാ​യോ പു​രാ​ണേ​തി​ഹാ​സ​ങ്ങ​ളു​മാ​യോ ഹൈ​ന്ദ​വ​സം​സ്കാ​ര​വു​മാ​യോ ജൈ​വ​ബ​ന്ധ​മു​ള്ള മാ​ര​ക വ്യാ​ധി​യാ​ണ് ജാ​തി​യെ​ന്ന ചി​ന്ത അ​ദ്ദേ​ഹ​ത്തി​ന് അ​ന്യ​മാ​യി​രു​ന്നു’’.

മ​റ്റൊ​രു​വി​ധ​ത്തി​ൽ പ​റ​ഞ്ഞാ​ൽ, ഇ​ന്ത്യ​യു​ടെ ഭ​ര​ണാ​ധി​കാ​ര​ത്തി​ലേ​ക്കു​യ​ർ​ന്ന മ​തേ​ത​ര പു​രോ​ഗ​മ​ന പ​ക്ഷ​ത്തെ സം​ബ​ന്ധി​ച്ചി​ട​ത്തോ​ളം ജാ​തി​വ്യ​വ​സ്ഥ കേ​വ​ലം ഒ​ര​നാ​ചാ​രം മാ​ത്ര​മാ​യി​രു​ന്നു. സ്വാ​ത​ന്ത്ര്യ​ത്തി​നു ശേ​ഷം രാ​ഷ്ട്രം പു​രോ​ഗ​മി​ക്കു​മ്പോ​ൾ ജാ​തി​വ്യ​വ​സ്ഥ സ്വ​യം അ​പ്ര​ത്യ​ക്ഷ​മാ​വു​മെ​ന്ന് അ​വ​ർ വി​ശ്വ​സി​ച്ചു. ത​ന്മൂ​ലം ജാ​തി​യെ​പ്പ​റ്റി പ്ര​തി​പാ​ദി​ക്കു​ന്ന​തും അ​തി​ന്റെ അ​ടി​ച്ച​മ​ർ​ത്ത​ലി​നു വി​ധേ​യ​രാ​കു​ന്ന​വ​ർ സ​വി​ശേ​ഷ അ​വ​കാ​ശ​വാ​ദ​ങ്ങ​ൾ ഉ​ന്ന​യി​ക്കു​ന്ന​തും തെ​റ്റാ​യ പ്ര​വ​ണ​ത​യാ​യാ​ണ് അ​വ​ർ ക​ണ്ട​ത് .

ദേ​ശീ​യ​വാ​ദി​ക​ൾ​ക്കൊ​പ്പം പു​രോ​ഗ​മ​ന ചി​ന്ത​യെ പ്ര​തി​നി​ധാ​നം ചെ​യ്ത​വ​രാ​ണ് ഇ​ന്ത്യ​യി​ലെ ക​മ്യൂ​ണി​സ്റ്റു​ക​ൾ. അ​വ​ർ ജാ​തി​വ്യ​വ​സ്ഥ​യെ അ​നാ​ചാ​രം എ​ന്ന​തി​നൊ​പ്പം പ്രാ​ഗ് മു​ത​ലാ​ളി​ത്ത ഘ​ട​ക​മാ​യും വി​ല​യി​രു​ത്തി. സ​മൂ​ഹം ച​രി​ത്ര​വി​കാ​സ​ത്തി​ന്റെ നേ​ർ​രേ​ഖ​യാ​യ മു​ത​ലാ​ളി​ത്ത​ത്തി​ലേ​ക്കും സോ​ഷ്യ​ലി​സ​ത്തി​ലേ​ക്കും വി​ക​സി​ക്കു​മ്പോ​ൾ ജാ​തി​വ്യ​വ​സ്ഥ സ്വ​യം ഇ​ല്ലാ​താ​കും എ​ന്നാ​യി​രു​ന്നു അ​വ​രു​ടെ ക​ണ​ക്കു​കൂ​ട്ട​ൽ. ചു​രു​ക്കി​പ്പ​റ​ഞ്ഞാ​ൽ, ഇ​ന്ത്യ​യു​ടെ മ​തേ​ത​ര ഭ​ര​ണ​വ​ർ​ഗ​വും മ​റ്റൊ​രു പു​രോ​ഗ​മ​ന​വി​ഭാ​ഗ​മാ​യ ക​മ്യൂ​ണി​സ്റ്റു​ക​ളും ജാ​തി​വ്യ​വ​സ്ഥ​യെ ആ​ധു​നി​ക പൂ​ർ​വ പ്ര​തി​ഭാ​സം അ​ല്ലെ​ങ്കി​ൽ ആ​ധു​നി​ക​മ​ല്ലാ​ത്ത പ്ര​തി​ഭാ​സം എ​ന്ന​നി​ല​യി​ലാ​ണ് ക​ണ്ട​ത്. ഇ​ക്കൂ​ട്ട​ർ​ക്ക് ജാ​തി​വ്യ​വ​സ്ഥ​ക്കും അ​യി​ത്ത​ത്തി​നും ഹൈ​ന്ദ​വ മീ​മാം​സ​ക​ളും ദൈ​വ​ശാ​സ്ത്ര​ചി​ന്ത​ക​ളു​മാ​യു​ള്ള ബ​ന്ധ​ത്തെ ഉ​ൾ​ക്കൊ​ള്ളാ​നാ​യി​ല്ല.

എ​ന്നാ​ൽ, 1970 ക​ളോ​ടെ ഇ​ന്ത്യ​യൊ​ട്ടാ​കെ സാം​സ്കാ​രി​ക ദേ​ശീ​യ​വാ​ദ​ത്തി​നും അ​ഖ​ണ്ഡ​ത​ക്കും പു​തി​യ ത​ര​ത്തി​ലു​ള്ള സ്വീ​കാ​ര്യ​ത കി​ട്ടു​ക​യു​ണ്ടാ​യി . ഇ​തി​നു കാ​ര​ണം സ്വ​ത​ന്ത്ര ഇ​ന്ത്യ​യി​ൽ നി​ര​ന്ത​രം ആ​വ​ർ​ത്തി​ക്കു​ന്ന ദ​ലി​ത് കൂ​ട്ട​ക്കൊ​ല​ക​ൾ, ഗോ​ത്ര​വ​ർ​ഗ ജ​ന​ത​ക​ളു​ടെ പു​റ​ന്ത​ള്ള​ൽ, മു​സ്‍ലിം ന്യൂ​ന​പ​ക്ഷ​ങ്ങ​ൾ​ക്കു എ​തി​രെ​യു​ള്ള വം​ശീ​യ​ക​ലാ​പ​ങ്ങ​ൾ,സ്ത്രീ​പീ​ഡ​ന​ങ്ങ​ൾ, ഭ​ര​ണ​കൂ​ടം ന​ട​പ്പാ​ക്കു​ന്ന മ​നു​ഷ്യാ​വ​കാ​ശ ധ്വം​സ​ന​ങ്ങ​ൾ, അ​ധി​കാ​ര​ത്തി​ന്റെ സ​ർ​വ​ത​ല​ങ്ങ​ളി​ലും ത​ഴ​ച്ചു​വ​ള​ർ​ന്ന അ​ഴി​മ​തി എ​ന്നി​വ മൂ​ലം നി​ല​നി​ൽ​ക്കു​ന്ന ഭ​ര​ണ​വ​ർ​ഗ​ത്തി​ന്റെ ബ​ഹു​ജ​ന​സ്വീ​കാ​ര്യ​ത​ക്ക് ഇ​ടി​വ് സം​ഭ​വി​ച്ച​താ​ണ് .

സാം​സ്കാ​രി​ക ദേ​ശീ​യ​വാ​ദ​ത്തി​ന്റെ രാ​ഷ്ട്രീ​യ-​സാം​സ്കാ​രി​ക- സാ​മ്പ​ത്തി​ക ധ്വ​നി​ക​ൾ ഇ​ന്ത്യ​യി​ലെ ന​വ വ​രേ​ണ്യ വ​ർ​ഗ​ത്തെ ഏ​കീ​ക​രി​ച്ച​പ്പോ​ൾ സ​മാ​ന്ത​ര​മാ​യി ഇ​ന്ത്യ​യി​ലെ കീ​ഴാ​ള സ​മു​ദാ​യ​ങ്ങ​ളും സ്വ​യം തി​രി​ച്ച​റി​വു​ക​ളി​ലേ​ക്കും പ്ര​ക്ഷോ​ഭ​ങ്ങ​ളി​ലേ​ക്കും ഉ​യ​ർ​ന്നു. അ​തി​പു​റ​മ്പോ​ക്കു​ക​ളി​ൽ​നി​ന്ന് രൂ​പ​പ്പെ​ട്ട ഈ ​മു​ന്നേ​റ്റ​ങ്ങ​ൾ ദേ​ശ​രാ​ഷ്ട്ര​ത്തി​ലെ സ​വ​ർ​ണാ​ധി​പ​ത്യ​ത്തി​നൊ​പ്പം ഹൈ​ന്ദ​വ സാം​സ്കാ​രി​ക​മേ​ധാ​വി​ത്വ​ത്തി​നും വെ​ല്ലു​വി​ളി ഉ​യ​ർ​ത്തി. ഈ ​ച​രി​ത്ര​സ​ന്ദ​ർ​ഭ​ത്തി​ലാ​ണ് വി.​ടി. രാ​ജ്ശേ​ഖ​റി​നെ പോ​ലു​ള്ള വി​മ​ത മാ​ധ്യ​മ​പ്ര​വ​ർ​ത്ത​ക​രു​ടെ ഇ​ട​പെ​ട​ലു​ക​ളും ക​ല​ഹ​ചി​ന്ത​ക​ളും അ​ട​യാ​ള​പ്പെ​ടു​ത്തേ​ണ്ട​ത് എ​ന്നു​പ​റ​യാം .

ഡെ​ക്കാ​ൻ ഹെ​റാ​ൾ​ഡി​ലും ഇ​ന്ത്യ​ൻ എ​ക്സ് പ്ര​സി​ലും ഇ​രു​പ​ത്തി​യ​ഞ്ചു വ​ർ​ഷ​ത്തോ​ളം മു​ൻ​നി​ര മാ​ധ്യ​മ​പ്ര​വ​ർ​ത്ത​ക​നാ​യി​രു​ന്ന അ​ദ്ദേ​ഹം 1981 ലാ​ണ് ബാം​ഗ്ലൂ​ർ കേ​ന്ദ്ര​മാ​യി ‘ദ​ലി​ത് വോ​യി​സ്’ മാ​സി​ക ആ​രം​ഭി​ക്കു​ന്ന​ത്. രാ​ജ്യ​ത്തെ താ​ഴ്ന്ന ത​ട്ടി​ലു​ള്ള ജ​ന​ങ്ങ​ൾ അ​നു​ഭ​വി​ക്കു​ന്ന സ​ക​ല പ്ര​ശ്ന​ങ്ങ​ൾ​ക്കും പ്ര​തി​വി​ധി​യാ​യി ന​വ മാ​ർ​ക്സി​സ​ത്തെ​യും ന​വ ഗാ​ന്ധി​സ​ത്തെ​യും സ​വ​ർ​ണ ലി​ബ​റ​ലു​ക​ൾ ഉ​യ​ർ​ത്തി​​ക്കാ​ട്ടി​യി​രു​ന്ന അ​ക്കാ​ല​ത്ത് അം​ബേ​ദ്ക​ർ ചി​ന്ത​ക​ളെ​യും കീ​ഴാ​ള ജ്ഞാ​ന വ്യ​വ​ഹാ​ര​ങ്ങ​ളെ​യും ഓ​ർ​മ​പ്പെ​ടു​ത്തി​ക്കൊ​ണ്ടാ​ണ് ഈ ​പ്ര​സി​ദ്ധീ​ക​ര​ണം ആ​രം​ഭി​ച്ച​ത്.

മ​നു​ഷ്യാ​വ​കാ​ശ​ങ്ങ​ൾ നി​ഷേ​ധി​ക്ക​പ്പെ​ട്ട മ​ർ​ദി​ത ദേ​ശീ​യ​ത​ക​ളു​ടെ ശ​ബ്ദം എ​ന്ന അ​ട​യാ​ള​വാ​ക്യം ചേ​ർ​ത്തു​കൊ​ണ്ട് പ്ര​സി​ദ്ധീ​ക​രി​ച്ചി​രു​ന്ന ദ​ലി​ത് വോ​യ്സ് ദ​ക്ഷി​ണേ​ന്ത്യ​യി​ലെ​ന്ന​പോ​ലെ വ​ള​രെ പെ​ട്ടെ​ന്നു​ത​ന്നെ ഉ​ത്ത​രേ​ന്ത്യ​യി​ലെ​യും കീ​ഴാ​ള യു​വ​ജ​ന​ങ്ങ​ളു​ടെ​യും വി​ദ്യാ​ർ​ഥി​ക​ളു​ടെ​യും ആ​വേ​ശ​മാ​യി മാ​റി. ഉ​ന്ന​ത വി​ദ്യാ​ഭ്യാ​സ കേ​ന്ദ്ര​ങ്ങ​ളി​ലെ ദ​ലി​ത് -മു​സ്‍ലിം -പി​ന്നാ​ക്ക വി​ദ്യാ​ർ​ഥി​കൂ​ട്ടാ​യ്മ​ക​ൾ ഈ ​മാ​സി​ക​യു​ടെ പ്ര​ചാ​ര​ണം ഏ​റ്റെ​ടു​ത്തു.

ഹി​ന്ദു ഇ​ന്ത്യ​യി​ൽ മാ​ർ​ക്സ് പ​രാ​ജ​യ​പ്പെ​ട്ട​തെ​ങ്ങ​നെ?, ഗോ​ദ്സെ ഗാ​ന്ധി​യെ വ​ധി​ച്ച​തെ​ന്തി​ന്?, മ​ഹാ​ത്മാ​ഗാ​ന്ധി​യും ബാ​ബ സാ​ഹേ​ബ് അം​ബേ​ദ്ക​റും -ര​ണ്ടു മൂ​ല്യ​ങ്ങ​ളു​ടെ സം​ഘ​ർ​ഷം, ഇ​ന്ത്യ​യി​ലെ അ​പാ​ർ​ത്തീ​ഡ് : ഒ​രു അ​ന്ത​ർ​ദേ​ശീ​യ പ്ര​ശ്നം, ജാ​തി-​ദേ​ശ​ത്തി​നു​ള്ളി​ലെ ദേ​ശം മു​ത​ലാ​യ രാ​ജ്ശേ​ഖ​റി​ന്റെ പു​സ്ത​ക​ങ്ങ​ൾ ഇ​ന്ത്യ​ക്ക​ക​ത്തും വി​ദേ​ശ​ത്തും വ്യാ​പ​ക​മാ​യി വാ​യി​ക്ക​പ്പെ​ട്ടു. ത​ന്റെ വി​മ​ത മാ​ധ്യ​മ​പ്ര​വ​ർ​ത്ത​ന​ത്തി​ന്റെ ഫ​ല​മാ​യി ടാ​ഡ പോ​ലു​ള്ള നി​യ​മ​ത്തി​നു വി​ധേ​യ​മാ​യി ജ​യി​ൽ വാ​സ​മ​നു​ഭ​വി​ക്കേ​ണ്ടി വ​ന്നി​ട്ടു​ണ്ട് വി.​ടി.​ആ​റി​ന്. 2024 ന​വം​ബ​ർ 20 ന് ​ജീ​വി​ത​ത്തോ​ട് വി​ട പ​റ​യു​മ്പോ​ൾ അ​ദ്ദേ​ഹ​ത്തി​ന് 92 വ​യ​സ്സാ​യി​രു​ന്നു.

ദ​ലി​ത് വി​മോ​ച​ന​ത്തി​നൊ​പ്പം ആ​ഫ്രോ അ​മേ​രി​ക്ക​ൻ ജ​ന​ത​യു​ടെ വി​മോ​ച​ന പോ​രാ​ട്ട​ങ്ങ​ളു​മാ​യും ഫ​ല​സ്തീ​ൻ സ്വാ​ത​ന്ത്ര്യ​മു​ന്നേ​റ്റ​ങ്ങ​ളു​മാ​യും അ​ദ്ദേ​ഹം ജൈ​വ​ബ​ന്ധം പു​ല​ർ​ത്തി​യി​രു​ന്നു. ഇ​ന്ത്യ​യി​ലെ മ​ർ​ദി​ത ന്യൂ​ന​പ​ക്ഷ​മാ​യി മു​സ്‍ലിം​ക​ളെ ക​ണ്ട അ​ദ്ദേ​ഹം അ​വ​സാ​ന കാ​ലം വ​രെ​യും ദ​ലി​ത് പി​ന്നാ​ക്ക ന്യൂ​ന​പ​ക്ഷ ഐ​ക്യ​ത്തി​ന്റെ വ​ക്താ​വു​മാ​യി​രു​ന്നു. Thus spoke Ambedkar എ​ന്ന പം​ക്തി​യി​ലൂ​ടെ അം​ബേ​ദ്ക​റു​ടെ പ്ര​വ​ച​ന​വാ​ക്യ​ങ്ങ​ൾ ദ​ലി​ത് വോ​യ്സി​ന്റെ എ​ല്ലാ ല​ക്ക​ങ്ങ​ളി​ലും പ്ര​ച​രി​പ്പി​ച്ചി​രു​ന്നു.

ത​ന്റെ ജീ​വി​ത​ത്തി​ലു​ണ്ടാ​യ നി​ർ​ണാ​യ​ക​മാ​യ ഗ​തി​മാ​റ്റ​ത്തെ​പ്പ​റ്റി മ​ല​യാ​ള​ത്തി​ലെ ഒ​രു മാ​ധ്യ​മ​പ്ര​വ​ർ​ത്ത​ക​നു​മാ​യി അ​ദ്ദേ​ഹം ന​ട​ത്തി​യ സം​ഭാ​ഷ​ണ​ത്തി​ൽ​നി​ന്ന് അ​ൽ​പം ഇ​വി​ടെ പ​ക​ർ​ത്തു​ക​യാ​ണ് : ‘‘ജ​ന്മം​കൊ​ണ്ട് ഞാ​നൊ​രു ദ​ലി​ത​ന​ല്ല. ക​ർ​ണാ​ട​ക​യി​ലെ ഒ​രു പി​ന്നാ​ക്ക സ​മു​ദാ​യ​ത്തി​ലാ​ണെ​ന്റെ ജ​ന​നം. എ​ങ്കി​ലും ക​ഷ്ട​പ്പാ​ട് നി​റ​ഞ്ഞ ഒ​രു കു​ട്ടി​ക്കാ​ലം എ​നി​ക്കു​ണ്ടാ​യി​രു​ന്നി​ല്ല . എ​ന്റെ അ​ച്ഛ​ൻ ക​ല​ക്ട​ർ ആ​യി​രു​ന്നു,രാ​ഷ്ട്രീ​യ അ​നു​ഭാ​വം സി.​പി .എ​മ്മി​നോ​ടാ​യി​രു​ന്നു. ഇ.​എം.​എ​സ് അ​ട​ക്ക​മു​ള്ള അ​ഖി​ലേ​ന്ത്യ നേ​താ​ക്ക​ളു​മാ​യി എ​നി​ക്ക് വ്യ​ക്തി​പ​ര​മാ​യി ന​ല്ല ബ​ന്ധ​മാ​ണു​ണ്ടാ​യി​രു​ന്ന​ത്.

ഇ​ന്ത്യ​ൻ എ​ക്സ് പ്ര​സി​ൽ ജോ​ലി ചെ​യ്തി​രു​ന്ന കാ​ല​ത്തും എ​ന്റെ സി.​പി.​എം അ​നു​ഭാ​വം പ്ര​ക​ട​മാ​യി​രു​ന്നു. ഇ​ന്ത്യ​യി​ലെ ദ​രി​ദ്ര​രു​ടെ വി​മോ​ച​നം ക​മ്യൂ​ണി​സ്റ്റ് വി​പ്ല​വ​ത്തി​ലൂ​ടെ മാ​ത്ര​മേ സാ​ധ്യ​മാ​വൂ എ​ന്നാ​യി​രു​ന്നു അ​ക്കാ​ല​ത്തെ എ​ന്റെ വി​ശ്വാ​സം . പ​ക്ഷേ, വി​പ്ല​വ​ത്തി​ൽ പ​ങ്കെ​ടു​ക്കേ​ണ്ട നി​സ്വ​രാ​യ ജ​ന​ത കൂ​ടു​ത​ലു​ള്ള ഉ​ത്ത​രേ​ന്ത്യ​യി​ൽ പാ​ർ​ട്ടി​ക്ക് വ​ള​രാ​ൻ ക​ഴി​യു​ന്നി​ല്ല എ​ന്ന​ത് എ​ന്നെ വി​ഷ​മി​പ്പി​ച്ച ഒ​രു പ്ര​ശ്ന​മാ​യി​രു​ന്നു.

പ​ക്ഷേ, എ​ഴു​പ​തു​ക​ളു​ടെ ആ​ദ്യം ഇ​ന്ത്യ​യി​ൽ പ​ല സം​സ്ഥാ​ന​ങ്ങ​ളി​ലും ദ​ലി​ത് മു​ന്നേ​റ്റ​ങ്ങ​ൾ ശ​ക്തി​പ്പെ​ടാ​ൻ തു​ട​ങ്ങി. സാ​മൂ​ഹി​ക​മാ​യും സാ​മ്പ​ത്തി​ക​മാ​യും കൊ​ടി​യ ചൂ​ഷ​ണ​ങ്ങ​ൾ​ക്ക് വി​ധേ​യ​രാ​യ ദ​ലി​ത​ർ ചെ​റു​ത്തു നി​ൽ​പു​ക​ളെ​പ്പ​റ്റി ആ​ലോ​ചി​ക്കാ​ൻ തു​ട​ങ്ങി​യ​തി​നെ ഞാ​ൻ സ​ന്തോ​ഷ​ത്തോ​ടെ​യാ​ണ് വീ​ക്ഷി​ച്ച​ത് . മാ​ർ​ക്സി​സ്റ്റ് ചി​ന്താ​പ​ദ്ധ​തി അ​നു​സ​രി​ച്ചു​ള്ള വ​ർ​ഗ​സ​മ​ര സ​ങ്ക​ൽ​പം വെ​ച്ച് നോ​ക്കി​യാ​ലും ദ​ലി​ത​രാ​ണ് ഇ​ന്ത്യ​യി​ലെ യ​ഥാ​ർ​ഥ തൊ​ഴി​ലാ​ളി​വ​ർ​ഗം എ​ന്നു കാ​ണാം . അ​തു​കൊ​ണ്ടു ക​മ്യൂ​ണി​സ്റ്റ് പ്ര​സ്ഥാ​നം ദ​ലി​ത് പ്ര​സ്ഥാ​ന​ങ്ങ​ൾ​ക്ക് പി​ന്തു​ണ കൊ​ടു​ക്ക​ണ​മെ​ന്ന കാ​ഴ്ച​പ്പാ​ടാ​ണ് എ​നി​ക്കു​ണ്ടാ​യി​രു​ന്ന​ത്.

എ​ന്റെ കാ​ഴ്ച​പ്പാ​ട് ഞാ​ൻ എ​ഴു​തി പ്ര​സി​ദ്ധീ​ക​രി​ച്ചി​രു​ന്നു. അ​തി​ന്റെ ഒ​രു കോ​പ്പി​യു​മാ​യി ഞാ​ൻ ഇ.​എം.​എ​സി​നെ ചെ​ന്നു ക​ണ്ടു. ഒ​രു യ​ഥാ​ർ​ഥ മാ​ർ​ക്സി​സ്റ്റ് എ​ന്ന നി​ല​യി​ൽ അ​ദ്ദേ​ഹം എ​ന്റെ വാ​ദ​ങ്ങ​ളെ പി​ന്തു​ണ​ക്കു​മെ​ന്നാ​ണ് ഞാ​ൻ പ്ര​തീ​ക്ഷി​ച്ചി​രു​ന്ന​ത് . അ​ദ്ദേ​ഹം ഒ​രു ബ്രാ​ഹ്മി​ൻ മാ​ർ​ക്സി​സ്റ്റ് ആ​ണെ​ന്ന് ഞാ​ൻ മ​ന​സ്സി​ലാ​ക്കി​യി​രു​ന്നി​ല്ല . എ​ന്നെ അ​തി രൂ​ക്ഷ​മാ​യാ​ണ് ഇ.​എം.​എ​സ് വി​മ​ർ​ശി​ച്ച​ത്. സോ​ഷ്യ​ൽ സ​യ​ന്റി​സ്റ്റി​ൽ അ​തി​രൂ​ക്ഷ​മാ​യ ഒ​രു ലേ​ഖ​നം ത​ന്നെ എ​നി​ക്കെ​തി​രാ​യി അ​ദ്ദേ​ഹം എ​ഴു​തി. എ​ന്നെ ഒ​രു ജാ​തി​വാ​ദി​യാ​യി മു​ദ്ര​യ​ടി​ക്കാ​നും അ​ദ്ദേ​ഹ​ത്തി​ന് മ​ടി​യു​ണ്ടാ​യി​രു​ന്നി​ല്ല.

അ​ന്നൊ​ന്നും ദ​ലി​ത് പ്ര​സ്ഥാ​ന​ങ്ങ​ളു​മാ​യി യാ​തൊ​രു​വി​ധ ബ​ന്ധ​വും എ​നി​ക്കു​ണ്ടാ​യി​രു​ന്നി​ല്ല. ഒ​രു മാ​ർ​ക്സി​സ്റ്റ് എ​ന്ന നി​ല​യി​ൽ സി.​പി.​എം നേ​തൃ​ത്വ​ത്തെ സ​ഹാ​യി​ക്കാ​നാ​യി മു​ന്നോ​ട്ടു​വെ​ച്ച ആ​ശ​യ​ത്തോ​ട് ഇ.​എം.​എ​സ് പു​ല​ർ​ത്തി​യ അ​സ​ഹി​ഷ്ണു​ത എ​ന്നെ അ​ത്ഭു​ത​പ്പെ​ടു​ത്തി. അ​ദ്ദേ​ഹ​ത്തി​ന്റെ ത​നി​നി​റം പു​റ​ത്തു​വ​ന്ന​ത് ഖേ​ദ​ത്തോ​ടെ ഞാ​ൻ തി​രി​ച്ച​റി​ഞ്ഞു. അ​ങ്ങ​നെ ഞാ​ൻ ജാ​തി​വാ​ദി​യാ​യി. ബ്രാ​ഹ്മ​ണ​നാ​യ ഇ.​എം.​എ​സ് ബ്രാ​ഹ്മ​ണ താ​ൽ​പ​ര്യം സം​ര​ക്ഷി​ച്ചു​കൊ​ണ്ട് ക​മ്യൂ​ണി​സ്റ്റ് നേ​താ​വാ​യി തു​ട​രു​ക​യും ചെ​യ്തു.’’ (വി.​ടി. രാ​ജ​ശേ​ഖ​റു​മാ​യി സ​മ​കാ​ലി​ക മ​ല​യാ​ളം വാ​രി​ക പ്ര​തി​നി​ധി എം.​വി. ബെ​ന്നി ന​ട​ത്തി​യ അ​ഭി​മു​ഖ​ത്തി​ൽ നി​ന്ന്-​മ​തം, മാ​ധ്യ​മം, അ​ധി​കാ​രം-​ജൂ​ൺ 2011 , സാ​ഹി​ത്യ​പ്ര​വ​ർ​ത്ത​ക സ​ഹ​ക​ര​ണ സം​ഘം)

അ​തു​ല്യ​മാ​യ മ​നു​ഷ്യാ​വ​കാ​ശ ചി​ന്ത​യും കീ​ഴാ​ള​രോ​ടു​ള്ള പ്ര​തി​ബ​ദ്ധ​ത​യും മൂ​ലം ജാ​തി​വാ​ദി​യും ക​ല​ഹ​കാ​രി​യു​മാ​യി മു​ദ്ര​കു​ത്ത​പ്പെ​ട്ട വി.​ടി. രാ​ജ്ശേ​ഖ​റെ ആ​ധു​നി​ക ഇ​ന്ത്യ എ​ന്ന ആ​ശ​യ​ത്താ​ൽ മ​റ​ച്ചു​വെ​ച്ചി​രു​ന്ന മ​നു​വാ​ദ ഇ​ന്ത്യ​യെ വെ​ളി​പ്പെ​ടു​ത്തി​യ​വ​രി​ൽ ​പ്രധാനിയായാ​ണ് ച​രി​ത്രം അ​ട​യാ​ള​പ്പെ​ടു​ത്തു​ക