പുസ്​തകപ്പുരക്ക്​ പൂട്ടിടു​േമ്പാൾ

അച്ചടിയുടെ അവസാനമടുക്കുന്നു എന്ന മുന്നറിയിപ്പ്​ കേൾക്കാൻ തുടങ്ങിയിട്ട്​ കാലമേറെയായി. നവമാധ്യമങ്ങളും പുസ്​തകാസ്വാദനത്തി​െൻറ പുതുസ​ങ്കേതങ്ങളുമെല്ലാം വരുന്നതോടെ അച്ചടിച്ചിറങ്ങുന്ന പത്രമാസികകൾക്കും പുസ്​തകങ്ങൾക്കും ഇടമില്ലാതാവും എന്ന തോന്നലായിരുന്നു ആ ചിന്തക്ക്​ ആധാരം.

എന്നാൽ, ഓൺലൈൻ പോർട്ടലുകളും സമ്പൂർണ വാർത്താചാനലുകളും പോഡ്​കാസ്​റ്റുകളുമെല്ലാം ആവശ്യത്തിലേറെ പുറത്തിറങ്ങു​േമ്പാഴും പത്രങ്ങൾ കൈയൊഴിയപ്പെട്ടില്ല. വീടി​െൻറ സ്വസ്​ഥതയിലിരുന്ന്​ കേൾക്കാനും യാത്രകളിൽ ഒപ്പം കൂട്ടാനും കൊള്ളാവുന്ന ഓഡിയോബുക്കുകൾ വ്യാപകമായി ലഭ്യമാണെങ്കിലും അക്ഷരങ്ങളിൽ കണ്ണോടിച്ച്​ രചനയുടെ ആത്മാവിലൂടെ സഞ്ചരിക്കുന്ന രീതിയോടുതന്നെ വായനക്കാർക്ക്​ ഇപ്പോഴും താൽപര്യം. മുടങ്ങിക്കിടന്ന പുസ്​തകമേളകൾ പുനരാരംഭിച്ചപ്പോൾ പ്രകടമായ ആവേശം നൽകുന്ന സൂചനയും അതുതന്നെ. ഇത്​ ചിരസ്ഥായിയായ പ്രവണതയാണെന്നൊന്നും പറയാനാവില്ല.

അച്ചടിമാധ്യമങ്ങൾക്കുള്ള വിശ്വാസ്യതയും സ്വീകാര്യതയും നിലനിൽക്കെതന്നെ നിരവധിയെണ്ണം നിലച്ചുപോയിട്ടുണ്ട്​. പല പ്രമുഖ പത്രങ്ങളും പ്രസിദ്ധീകരണം നിർത്തി. അച്ചടിമഷിയുടെയും കടലാസി​െൻറയും വിലക്കയറ്റവും അനുബന്ധ ചെലവുകളും താങ്ങാനാവാതെയാണ്​ പല ചെറുകിടക്കാരും പ്രസിദ്ധീകരണം നിർത്തുന്നത്​. കോവിഡ്​ സൃഷ്​ടിച്ച ആഗോള സാമ്പത്തിക അടിയന്തരാവസ്​ഥ ഒരു പുതിയ കാരണം കൂടിയായി. പ്രസാധകരംഗത്ത്​ പിടിമുറുക്കുന്ന വല്യേട്ടന്മാരോട്​ പിടിച്ചുനിൽക്കാനാവാതെ ചില കൊച്ചു പ്രസാധനാലയങ്ങളുടെയും ജീവശ്വാസം നിലച്ചുപോയിട്ടുണ്ട്​.

എന്നാൽ, ഇത്തരം കാരണങ്ങളൊന്നും ബാധകമാവാത്ത ഒരു പുസ്​തകപ്രസാധന കേന്ദ്രം ഒരു പുലരിയിൽ അടച്ചുപൂട്ടുന്നു എന്ന്​ പ്രഖ്യാപിക്കു​േമ്പാൾ അക്ഷരങ്ങളെ സ്​നേഹിക്കുന്ന, അഭിപ്രായ വൈജാത്യങ്ങളെ മാനിക്കുന്ന ആർക്കുമുണ്ടാവും അമ്പരപ്പ്​.

വെസ്​റ്റ്​ലാൻഡ്​​ ബുക്​സ്​ ഇനിയില്ല എന്നറിയു​േമ്പാൾ, തിരോഭവിക്കുന്നതിന്​ മതിയായ കാരണം വ്യക്തമാക്കാൻ നടത്തിപ്പുകാർ തയാറാവാതെ വരുേമ്പാൾ അമ്പരപ്പ്​ ആശങ്കയായി പരിണമിക്കുന്നു. വായനക്കാരിൽനിന്നും അഭ്യുദയകാംക്ഷികളിൽനിന്നും ലഭിക്കുന്ന വരിസംഖ്യയുടെ ബലത്തിൽ ഒരു സന്നദ്ധ സംഘടനയോ അല്ലെങ്കിൽ പി.എഫ്​ വിഹിതവും സ്വരുക്കൂട്ടിവെച്ച പെൻഷൻ തുകയും വെച്ച്​ സാധുവായൊരു അക്ഷരസ്​നേഹിയോ നടത്തിപ്പോരുന്ന പ്രസാധനാലയമായിരുന്നില്ലല്ലോ വെസ്​റ്റ്​ലാൻഡ്​​. വിവിധ ലോകരാജ്യങ്ങളിലെന്നപോലെ ഇന്ത്യയിലെയും റീ​ട്ടെയിൽ വ്യാപാര മേഖലയിൽ കാലുറപ്പിച്ച്​, വിപണിയുടെ ഗണ്യമായ ഒരു ഭാഗം നിയന്ത്രിക്കുന്ന ആഗോള കച്ചവടഭീമൻ ആമസോൺ ആണ്​ സ്​ഥാപനത്തി​െൻറ നിലവിലെ ഉടമകൾ. 1962ൽ കെ.എസ്​. പത്മനാഭൻ സ്​ഥാപിച്ച ഈസ്​റ്റ്​ വെസ്​റ്റ്​ ബുക്​​സ്​ ടാറ്റയുടെ ഉപസ്​ഥാപനമായിരുന്ന ട്രെൻറ്​ ലിമിറ്റഡിൽനിന്ന്​ 2016ൽ കൈവശപ്പെടുത്തിയാണ്​ ആമസോൺ വെസ്​റ്റ്​ലാൻഡ്​ ബുക്​സ്​ ആരംഭിച്ചത്​.

വായനക്ക​ാരോടും എഴുത്തുകാരോടും സർവാത്മനാ നീതി പുലർത്തിയ പ്രസാധനാലയം പുറത്തിറക്കിയ പുസ്​തകങ്ങ​ൾ പലതും ഭയപ്പാടി​െൻറയും സമഗ്രാധിപത്യത്തി​െൻറയും കൂരിരുൾകാലത്തെ നക്ഷത്രപ്പൊട്ടുകളായിരുന്നു. കുരക്കും ശൗര്യത്തിനും പേരുകേട്ട മാധ്യമരംഗത്തെ കാവൽനായ്​ക്കൾപോലും യജമാന​െൻറ മടിത്തട്ടിലെ ഓമനപ്പട്ടിക്കുഞ്ഞുങ്ങളെപ്പോലെ ഭരണകൂടത്തിനു മുന്നിൽ ഒതുങ്ങി നിൽക്കുന്ന വേളയിലാണ്​ ​പ്രസാധനം ധീരമായ രാഷ്​ട്രീയ പ്രവർത്തനമാണ്​ എന്ന്​ ബോധ്യപ്പെടുത്തുംവിധം ഓരോ പുതിയ പുസ്​തകവും പുറത്തുവന്നത്​.

രേവതി ലോലി​െൻറ 'ദ അനാട്ടമി ഓഫ്​ ഹേറ്റ്​', എം. രാജശേഖറി​െൻറ 'ഡിസ്​പൈറ്റ്​ ദ സ്​റ്റേറ്റ്​', ക്രിസ്​റ്റഫർ ​െജ​​ഫ്രലോട്ടി​െൻറ 'മോദീസ്​ ഇന്ത്യ: ഹിന്ദു നാഷനലിസം ആൻഡ്​​ ദ റൈസ്​ ഓഫ്​ എത്​നിക്​ ഡെമോക്രസി', ​​േജാസി ജോസ​ഫി​െൻറ 'സൈലൻറ്​ കൂപ്'​, അരവിന്ദ്​ നാരായ​െൻറ 'ഇന്ത്യാസ്​ അൺഡിക്ലയേഡ്​ എമർജൻസി', നളിൻ മേത്തയുടെ 'ദ ന്യൂ ബി.ജെ.പി' തുടങ്ങിയ ആർജവമാർന്ന രചനകൾ ലോകർക്ക്​ നൽകിയ പ്രസാധനാലയം പൊടുന്നനെ നിഷ്​ക്രമിക്കുന്നത്​ ഒരു കാരണംകൊണ്ടും ആശാസ്യമല്ല. ഇവയിൽ പലതി​െൻറയും ദീർഘവർഷത്തെ പകർപ്പവകാശം പ്രസാധകരിൽ നിക്ഷിപ്​തമാകയാൽ അവ വായനക്കാർക്ക്​ അന്യമായി മാറും. ഇനി ഇത്തരം പുസ്​തകങ്ങൾ പുറത്തിറക്കാൻ സംഘ്​പരിവാറി​െൻറ പ്രസിദ്ധീകരണ വിഭാഗംപോലെ അധഃപതിച്ചുകഴിഞ്ഞ മുൻനിര പ്രസാധകർ മുന്നോട്ടുവരാനുമിടയില്ല.

ആമസോൺപോലൊരു കച്ചവടകുത്തകക്ക്​ പുസ്​തകങ്ങൾ, അവ എത്ര മഹത്ത്വമേറിയതാണെങ്കിലും ​ഒരു ചരക്കുമാത്രമാണ്​. കച്ചവടം പൊടിപൊടിക്കാൻ വിദ്വേഷത്തി​െൻറ വ്യാപാരികൾക്ക്​ ഫേസ്​ബുക്ക്​ വിടുവേല ചെയ്​തതു ​മാതിരി, ഓൺലൈൻ വ്യാപാരരംഗത്ത്​ നടപ്പാക്കാനിരിക്കുന്ന ഏതെങ്കിലും നിയന്ത്രണങ്ങളിൽനിന്ന്​ ഇളവ്​ നേടാൻ പുസ്​തകശാലയെ ബലികൊടുക്കാൻപോലും അത്തരം വണിക്കുകൾ തയാറായെന്നും വരും. എന്നാൽ, എഴുത്തുകാർക്കും വായനക്കാർക്കും ഇന്ത്യൻ ജനതക്കും ഇതൊരു പിഴയൊടുക്കലാണ്​. പൗരാവകാശ പ്രവർത്തകൻ ആകാർ പ​ട്ടേലി​െൻറ വെസ്​റ്റ്​ലാൻഡ്​​ പ്രസിദ്ധീകരിച്ച പുസ്​തകത്തി​െൻറ തലക്കെട്ട്​ സൂചിപ്പിക്കുന്നതുപോലെ 'പ്രൈസ്​ ഓഫ്​ മോദി ഇയേഴ്​സ്'​!