ക​ശ്മീ​രി​നെ ‘സ്വ​ർ​ഗ’​മാ​ക്കാ​ൻ പാ​ടുപെ​ടു​ന്ന കേ​ന്ദ്ര​സ​ർ​ക്കാ​ർ

ക​ശ്മീ​രി​നെ ഭീ​ക​ര​മു​ക്ത​മാ​ക്കു​മെ​ന്നും താ​ഴ്വ​ര​യെ സ്വ​ർ​ഗ​മാ​ക്കാ​നു​ള്ള ത​ങ്ങ​ളു​ടെ ശ്ര​മ​ത്തെ ആ​ർ​ക്കും ത​ട​യാ​നാ​വി​ല്ലെ​ന്നു​മു​ള്ള കേ​ന്ദ്ര ​ആ​ഭ്യ​ന്ത​ര​മ​ന്ത്രി രാ​ജ്നാ​ഥ്സി​ങ്ങിെ​ൻ​റ പ്ര​സ്​​താ​വ​ന രാഷ്്ട്രീ​യ​നി​രീ​ക്ഷ​ക​ർ തെ​ല്ല് അ​മ്പ​ര​പ്പോ​ടെ​യാ​വും ശ്ര​വി​ച്ചി​ട്ടു​ണ്ടാ​വു​ക. നാ​ലുദി​വ​സ​ത്തെ ക​ശ്മീ​ർ സ​ന്ദ​ർ​ശ​ന​ത്തി​നെ​ത്തി​യ ആ​ഭ്യ​ന്ത​ര​മ​ന്ത്രി​യു​ടെ ചൊ​ല്ലും ചെ​യ്തി​യും സൂക്ഷ്മ​മാ​യി നി​രീ​ക്ഷി​ക്കു​ന്ന​വ​ർ​ക്ക് പ്ര​തീ​ക്ഷ​ക്ക് വ​ക​ന​ൽ​കു​ന്ന ഒ​ന്നുംത​ന്നെ അ​ങ്ങ് വി​ദൂ​ര​ത​യി​ൽപോ​ലും കാ​ണാ​ൻ സാ​ധി​ക്കാ​ത്ത ചു​റ്റു​പാ​ടി​ൽ, താ​ഴ്വ​ര ‘ജ​ന്ന​ത്ത്’ ആ​ക്കു​മെ​ന്ന് മ​ന്ത്രി ത​ട്ടി​വി​ടു​മ്പോ​ൾ യാ​ഥാ​ർ​ഥ്യ​ബോ​ധ​മു​ള്ള​വ​ർ​ക്ക് ചി​രി​യ​ട​ക്കാ​ൻ സാ​ധി​ക്ക​ണ​മെ​ന്നി​ല്ല. കാ​ര​ണം, ക​ഴി​ഞ്ഞ കുറേ നാ​ളാ​യി ഒ​രു​ഭാ​ഗ​ത്ത് തീ​വ്ര​വാ​ദ​പ്ര​വ​ർ​ത്ത​ന​ങ്ങ​ൾ പെ​രു​കി​വ​രു​ക​യും സൈ​നി​ക​രും പൊ​ലീസും ദി​നേ​ന മ​രി​ച്ചു​വീ​ഴു​ക​യു​മാ​ണ​വി​ടെ. മ​റു​ഭാ​ഗ​ത്ത് സി​വി​ല​ിയ​ൻ സ​മൂ​ഹ​ത്തിെ​ൻ​റ അ​ന്യ​വ​ത്ക​ര​ണം പൂ​ർ​ണ​മാ​യി​ക്കൊ​ണ്ടി​രി​ക്കു​ക​യു​മാ​ണ്. അ​തി​നി​ട​യി​ൽ, കേ​ന്ദ്ര​മ​ന്ത്രി സം​സ്​​ഥാ​ന​ത്ത് നാ​ലുദി​വ​സം ചെ​ല​വ​ഴി​ക്കാ​നെ​ത്തി​യ​ത് പ്ര​ശ്ന​പ​രി​ഹാ​ര​ത്തി​ന് സു​വ്യ​ക്ത​മാ​യ വ​ല്ല അ​ജ​ണ്ട​യും കൈ​യി​ൽ​വെ​ച്ചാ​ണോ എ​ന്ന ചോ​ദ്യ​മാ​ണ് പ്ര​സ​ക്ത​മാ​വു​ന്ന​ത്. തു​റ​ന്ന​മ​ന​സ്സോ​ടെ​യാ​ണ് താ​ൻ പ്ര​ശ്ന​പ​രി​ഹാ​ര​ത്തി​നാ​യി താ​ഴ്വ​ര​യി​ൽ എ​ത്തി​യി​രി​ക്കു​ന്ന​തെ​ന്ന്  മ​ന്ത്രി പ​റ​യു​ന്നു​ണ്ടെ​ങ്കി​ലും സ​ർ​ക്കാ​റിെ​ൻ​റ എ​തി​ർ​പ​ക്ഷ​ത്തു​ള്ള രാഷ്​്ട്രീ​​യ​ക​ക്ഷി​ക​ളു​മാ​യോ ഹു​ർ​റി​യ​ത്ത് കോ​ൺ​ഫ​റ​ൻ​സ്​ നേ​താ​ക്ക​ളു​മാ​യോ തു​റ​ന്ന​മ​ന​സ്സോ​ടെ മേ​ശ​ക്ക് ചു​റ്റു​മി​രി​ക്കാ​ൻ അ​ദ്ദേ​ഹം ത​യാ​റ​ല്ല എ​ന്നുത​ന്നെ​യാ​ണ് വ്യ​ക്ത​മാ​വു​ന്ന​ത്.  അ​തു​കൊ​ണ്ടാ​ണ​ല്ലൊ രാ​ജ്നാ​ഥ്സി​ങ് ശ്രീ​ന​ഗ​റി​ൽ വി​മാ​ന​മി​റ​ങ്ങു​ന്ന​തി​നുമു​മ്പുത​ന്നെ മീ​ർ​വാ​ഇസ്​ ഉ​മ​ർ ഫാ​റൂ​ഖ്​, സ​യ്യി​ദ് അ​ലിഷാ ​ഗീ​ലാ​നി, യാ​സീ​ൻ മ​ാലി​ക് തു​ട​ങ്ങി​യ ഹു​ർ​റി​യ​ത്ത് നേ​താ​ക്ക​ളെ ത​ട​ങ്ക​ലി​ലാ​ക്കി​യ​ത്. ഈ ​നേ​താ​ക്ക​ളാ​വ​ട്ടെ, ജ​നം ത​ങ്ങ​ളോ​ടൊ​പ്പ​മാ​ണെ​ന്ന് സ​മ​ർ​ഥി​ക്കു​ന്ന​തി​ന് തെ​രു​വ് വി​ജ​ന​മാ​ക്കി പ്ര​തി​ഷേ​ധം രേ​ഖ​പ്പെ​ടു​ത്താ​ൻ ആ​ഹ്വാ​നം ചെ​യ്യു​ക​യാ​ണു​ണ്ടാ​യ​ത്. സ്​​ഥി​തി​ഗ​തി​ക​ളി​ൽ ഒ​രു മാ​റ്റ​വും ഉ​ണ്ടാ​യി​ട്ടി​ല്ല എ​ന്ന് പു​തി​യ സം​ഭ​വ​വി​കാ​സ​ങ്ങ​ൾ അ​ടി​വ​ര​യി​ടു​ന്നു. ബി.​ജെ.​പി–​പി.​ഡി.​പി സ​ഖ്യ​ത്തിെ​ൻ​റ പ്ര​ഖ്യാ​പി​ത അ​ജ​ണ്ട​യി​ൽ വാ​ഗ്ദാ​നം ചെ​യ്ത​ത് പോ​ലെ ക​ശ്മീ​ർ പ്ര​ശ്ന​പ​രി​ഹാ​ര​ത്തി​ന് ബ​ന്ധ​പ്പെ​ട്ട മു​ഴു​വ​നാ​ളു​ക​ളു​മാ​യും സം​ഭാ​ഷ​ണ​ത്തി​ന് ത​യാ​റാ​വ​ണ​മെ​ന്നാ​ണ​െ​ത്ര മു​ഖ്യ​മ​ന്ത്രി മ​ഹ്ബൂ​ബ മു​ഫ്തി​യു​ടെ നി​ല​പാ​ട്. എ​ന്നാ​ൽ, ആ ​ദി​ശ​യി​ലു​ള്ള ക്രി​യാ​ത്മ​ക നീ​ക്ക​ങ്ങ​ൾ​ക്ക് പ​ക​രം പൊ​ലീസ്​–സൈ​നി​ക മേ​ധാ​വി​ക​ളു​മാ​യും വാ​ണി​ജ്യ–സാം​സ്​​കാ​രി​ക രം​ഗ​ത്തു​ള്ള കു​റേ കൂ​ട്ടാ​യ്മ​ക​ളു​മാ​യും മ​റ്റും ച​ർ​ച്ച​ക​ൾ ന​ട​ത്തി ക​ശ്മീ​രി​നെ ഇ​ന്നും ത​പി​ക്കു​ന്ന സ​മ​സ്യ​യാ​ക്കി നി​ല​നി​ർത്തു​ന്ന മു​ഖ്യ പ്ര​ശ്ന​ങ്ങ​ളെ മ​റ​ച്ചുവെ​ക്കാ​നു​ള്ള വി​വേ​ക​പൂ​ർ​ണ​മ​ല്ലാ​ത്ത നീ​ക്ക​ങ്ങ​ളാ​ണ് അ​ര​ങ്ങ​ത്തും അ​ണി​യ​റ​യി​ലും ന​ട​ന്ന​ത്.   

രാഷ്​്ട്രീ​യ​പ​രി​ഹാ​ര​ങ്ങ​ളി​ലൂ​ടെ​യ​ല്ല, ഉ​രു​ക്കു മു​ഷ്​​ടി​യി​ലൂ​ടെ​യാ​വ​ണം ക​ശ്മീ​ർ പ്ര​ശ്ന​ത്തി​ന് അ​ന്ത്യം കാ​ണേ​ണ്ട​ത് എ​ന്ന ഹി​ന്ദു​ത്വ ശ​ക്തി​ക​ളു​ടെ ശാ​ഠ്യ​ങ്ങ​ൾ പ്ര​യോ​ഗ​വ​ത്ക​രി​ക്കു​ക​യാ​ണ് മോ​ദി സ​ർ​ക്കാ​ർ ഇ​പ്പോ​ഴും ല​ക്ഷ്യ​മി​ടു​ന്ന​ത് എ​ന്ന്  ആ​ഭ്യ​ന്ത​ര​മ​ന്ത്രി​യു​ടെ പു​തി​യ നീ​ക്ക​ങ്ങ​ളി​ൽ​നി​ന്ന് വാ​യി​ച്ചെ​ടു​ക്കാ​നാ​വും. അ​ന​ന്ത്നാ​ഗി​ൽ സൈ​നി​ക^പൊ​ലീസ്​ മേ​ധാ​വി​ക​ളെ അ​ഭി​സം​ബോ​ധ​ന ചെ​യ്​ത്​ അ​വ​രു​ടെ ത്യാ​ഗ​ങ്ങ​ളെ​യും ബ​ലി​ദാ​ന​ങ്ങ​ളെ​യും പ്ര​കീ​ർ​ത്തി​ച്ച ശേ​ഷ​മാ​ണ് താ​ഴ്വ​ര​യെ സ്വ​ർ​ഗ​മാ​ക്കാ​നു​ള്ള അ​ജ​ണ്ട​യാ​ണ് കേ​ന്ദ്ര​സ​ർ​ക്കാ​റിെ​ൻ​റ പ​ക്ക​ലു​ള്ള​തെ​ന്ന് മ​ന്ത്രി വ്യ​ക്ത​മാ​ക്കി​യ​ത്. അ​ത​ല്ലാ​തെ, പ്ര​ശ്ന​പ​രി​ഹാ​ര​ത്തി​ന് ജ​ന​ങ്ങ​ളു​ടെ​യും മു​ഴു​വ​ൻ രാഷ്​്ട്രീ​യ​പാ​ർ​ട്ടി​ക​ളു​ടെ​യും മു​ന്നി​ൽ​വെ​ക്കാ​ൻ എ​ന്ത് ക​ർ​മ​പ​ദ്ധ​തി​യാ​ണ് എ​ൻ.​ഡി.​എ സ​ർ​ക്കാ​റിെ​ൻ​റ പ​ക്ക​ലു​ള്ള​ത്? മു​ഖ്യ​മ​ന്ത്രി മ​ഹ്ബൂ​ബ മു​ഫ്തി​യും പ്ര​തി​പ​ക്ഷ പാ​ർ​ട്ടി​ക​ളു​മെ​ല്ലാം ആ​വ​ശ്യ​പ്പെ​ടും പോ​ലെ, നി​ർത്തി​വെ​ച്ച ഇ​ന്ത്യ^പാ​ക് സം​ഭാ​ഷ​ണം പു​ന​രാ​രം​ഭി​ക്കാ​നോ അ​തി​ർ​ത്തി​യി​ൽ മ​ഞ്ഞു​രു​ക്കം സാ​ധ്യ​മാ​ക്കു​ന്ന ക്രി​യാ​ത്മ​ക​മാ​യ ചു​വടു​വെ​പ്പു​ക​ൾ​ക്കോ മോ​ദി സ​ർ​ക്കാ​ർ സ​ന്ന​ദ്ധ​മാ​ണോ എ​ന്ന ചോ​ദ്യ​ത്തി​ന് തൃ​പ്തി​ക​ര​മാ​യ ഉ​ത്ത​രം കി​ട്ടി​ല്ലെ​ന്നു​റ​പ്പ്. മേ​ഖ​ല​യു​ടെ വി​ക​സ​ന​മോ കേ​ന്ദ്ര​ത്തിെ​ൻ​റ പ്ര​ത്യേ​ക പാ​ക്കേ​ജോ അ​ല്ല ക​ശ്മീ​രി​ക​ളു​ടെ മു​ന്നി​ലു​ള്ള മു​ഖ്യ പ്ര​ശ്നം. സ്വാ​ത​ന്ത്ര്യ​ല​ബ്​ധി തൊ​ട്ട് സ്വ​യം​ഭ​ര​ണ​വു​മാ​യി ബ​ന്ധ​പ്പെ​ട്ട് അ​വ​ർ ഉ​യ​ർ​ത്തു​ന്ന ചി​ല സ​മ​സ്യ​ക​ളു​ണ്ട്.

ആ ​ദി​ശ​യി​ലു​ള്ള അ​വ​രു​ടെ ആ​വ​ശ്യ​ങ്ങ​ൾ പ​രി​ശോ​ധി​ക്കു​ന്ന​തി​നു പ​ക​രം, സം​സ്​​ഥാ​ന​ത്തി​ന് ഭ​ര​ണ​ഘ​ട​ന​യി​ൽ വി​ഭാ​വ​ന ചെ​യ്ത പ്ര​ത്യേ​ക പ​ദ​വി എ​ടു​ത്തു​ക​ള​യു​ന്ന​തി​നെ കു​റി​ച്ചാ​ണ് അ​ടു​ത്ത​കാ​ലം വ​രെ കേ​ന്ദ്ര​സ​ർ​ക്കാ​ർ കൂ​ല​ങ്ക​ഷമാ​യി ചി​ന്തി​ച്ച​ത്. ക​ശ്മീ​ർ ക​ലു​ഷി​ത​മാ​കാ​ൻ ഏ​ക കാ​ര​ണം അ​തി​ർ​ത്തി​ക്ക​പ്പു​റ​ത്തു​നി​ന്നു​ള്ള ഇ​ട​ങ്കോ​ലി​ട​ലാ​ണ് എ​ന്ന വാ​ദ​മു​യ​ർ​ത്തി, താ​ഴ്വ​ര​യി​ലെ യ​ഥാ​ർ​ഥ സ്​​ഥി​തി​ഗ​തി​ക​ൾ​ക്കുനേ​രെ ക​ണ്ണ​ട​ക്കു​ന്ന​താ​ണ് പ്ര​ശ്ന​ങ്ങ​ളെ ഇ​പ്പോ​ഴും സ​ങ്കീ​ർ​ണ​മാ​ക്കു​ന്ന​ത്. പ്ര​ധാ​ന​മ​ന്ത്രി പ്ര​ഖ്യാ​പി​ച്ച 80,068 കോ​ടി​യു​ടെ പ​ദ്ധ​തി​യി​ൽ 78 ശ​ത​മാ​ന​വും ന​ട​പ്പാ​ക്കി​ക്ക​ഴി​ഞ്ഞു​വെ​ന്നാ​ണ് മ​ന്ത്രി അ​വ​കാ​ശ​പ്പെ​ടു​ന്ന​ത്. 62,599 കോ​ടി രൂ​പ ചെ​ല​വ​ഴി​ച്ചി​ട്ടും എ​ന്തു​കൊ​ണ്ട് ക​ശ്മീ​രി​ക​ളു​ടെ ഹൃ​ദ​യം ക​വ​രാ​ൻ സാ​ധി​ക്കു​ന്നി​ല്ല എ​ന്ന ചോ​ദ്യ​ത്തി​നു​ള്ള ഉ​ത്ത​രം ക​ണ്ടു​പി​ടി​ക്കേ​ണ്ട​ത് മോ​ദി സ​ർ​ക്കാ​ർത​ന്നെ​യാ​ണ്. ഡോ. ​മ​ൻ​മോ​ഹ​ൻ സി​ങ്ങിെ​ൻ​റ നേ​തൃ​ത്വ​ത്തി​ലു​ള്ള കോ​ൺ​ഗ്ര​സ്​ സം​ഘം ഇ​തിന​കം ജ​മ്മു​വി​ലെ​ത്തി പ്ര​ശ്നം പ​ഠി​ക്കാ​ൻ തു​ട​ങ്ങി​യി​ട്ടു​ണ്ട് എ​ന്ന​ത് കൗ​തു​ക​ക​ര​മാ​യ മ​റ്റൊ​രു വ​ർ​ത്ത​മാ​ന​മാ​ണ്. സ്വാ​ത​ന്ത്ര്യ​ല​ബ്​ധി​ക്കു ശേ​ഷം അ​ര​നൂ​റ്റാ​ണ്ടുകാ​ലം രാ​ജ്യം ഭ​രി​ക്കു​ക​യും പ​ല​ഘ​ട്ട​ങ്ങ​ളാ​യി സം​സ്​​ഥാ​ന​ത്തിെ​ൻ​റ ഭ​ര​ണം കൈ​യാ​ളു​ക​യും ചെ​യ്ത ഒ​രു പാ​ർ​ട്ടി​ക്ക് ഇ​തു​വ​രെ ക​ശ്മീ​ർ പ്ര​ശ്ന​ത്തിെ​ൻ​റ കാ​ത​ൽ പി​ടി​കി​ട്ടി​യി​ട്ടി​ല്ല​െ​ത്ര.  ഇ​ത്ത​രം കാ​പ​ട്യ​ങ്ങ​ൾ കൈ​യൊ​ഴി​യാ​ൻ രാഷ്​്ട്രീ​യ​പാ​ർ​ട്ടി​ക​ൾ കൂ​ട്ടാ​ക്കാ​ത്ത കാ​ല​ത്തോ​ളം ക​ശ്മീ​ർ ‘ന​ര​ക​മാ​യി’ പു​ക​ഞ്ഞു​കൊ​ണ്ടേ​യി​രി​ക്കും.