ഡേ​വി​ഡ്​ കാ​മ​റ​ണി​ന്‍റെ ര​ണ്ടാം അ​വ​താ​രം

ബ്രി​ട്ടീ​ഷ് മ​ന്ത്രി​സ​ഭ​യി​ൽ പ്ര​ധാ​ന​മ​ന്ത്രി ഋ​ഷി സു​ന​ക് ഈ ​മാ​സം 13ന് ​ന​ട​ത്തി​യ അ​ഴി​ച്ചു​പ​ണി ച​ർ​ച്ചാ​വി​ഷ​യ​മാ​യ​ത് അ​തി​ന്റെ പ​ശ്ചാ​ത്ത​ല സം​ഭ​വ വി​കാ​സ​ങ്ങ​ൾ​കൊ​ണ്ടു​കൂ​ടി​യാ​ണ്. ഇ​ന്ത്യ​ൻ വം​ശ​ജ​യാ​യ സു​വെ​ല്ല ബ്രാ​വ​ർ​മാ​നെ ആ​ഭ്യ​ന്ത​ര സെ​ക്ര​ട്ട​റി സ്ഥാ​ന​ത്തു​നി​ന്ന് നീ​ക്കു​ക​യും മു​ൻ പ്ര​ധാ​ന​മ​ന്ത്രി ഡേ​വി​ഡ് കാ​മ​റ​ണി​നെ കാ​ബി​ന​റ്റി​ൽ ഉ​ൾ​പ്പെ​ടു​ത്തു​ക​യും ചെ​യ്തു സു​ന​ക്. വി​ദേ​ശ​കാ​ര്യ സെ​ക്ര​ട്ട​റി ജെ​യിം​സ് ക്ലെ​വ​ർ​ളി​യെ ആ​ഭ്യ​ന്ത​ര വ​കു​പ്പി​ലേ​ക്കു മാ​റ്റി ആ ​ക​സേ​ര​യാ​ണ് കാ​മ​റ​ണി​ന് ന​ൽ​കി​യ​ത്. 2005 മു​ത​ൽ 2016 വ​രെ പ്ര​ധാ​ന​മ​ന്ത്രി​യാ​യി​രു​ന്ന ഡേ​വി​ഡ് കാ​മ​റ​ൺ, ബ്രെ​ക്‌​സി​റ്റ് ഹി​ത​പ​രി​ശോ​ധ​ന​യി​ലെ പ​രാ​ജ​യ​ത്തെ​ത്തു​ട​ർ​ന്ന് രാ​ജി​വെ​ച്ച​ശേ​ഷം ഏ​ഴു വ​ർ​ഷ​മാ​യി രാ​ഷ്ട്രീ​യ​ത്തി​ൽ​നി​ന്ന് അ​ക​ന്നു​ക​ഴി​യു​ക​യാ​യി​രു​ന്നു. നി​ല​വി​ൽ പാ​ർ​ല​മെ​ന്റ് അം​ഗ​മ​ല്ലാ​ത്ത അ​ദ്ദേ​ഹ​ത്തെ മ​ന്ത്രി​സ്ഥാ​ന​ത്തേ​ക്കു​ള്ള അ​ർ​ഹ​ത​ക്കു​വേ​ണ്ടി പ്ര​ഭു​സ​ഭ​യി​ലേ​ക്കു നാ​മ​നി​ർ​ദേ​ശം​ചെ​യ്യു​ക​യാ​യി​രു​ന്നു സ​ർ​ക്കാ​ർ. രാ​ഷ്ട്രീ​യ​ത്തി​ൽ​നി​ന്ന് മാ​റി​നി​ന്ന മു​ൻ പ്ര​ധാ​ന​മ​ന്ത്രി വെ​റും മ​ന്ത്രി​യാ​യി തി​രി​ച്ചു​വ​രു​ന്ന​ത് ആ​രെ​യും അ​മ്പ​ര​പ്പി​ക്കു​ക സ്വാ​ഭാ​വി​കം. എ​ന്നാ​ൽ, അ​തി​ലേ​റെ കൗ​തു​ക​ക​ര​മാ​ണ്​ സു​വെ​ല്ല ബ്രാ​വ​ർ​മാ​ന്റെ സ്ഥാ​ന​ന​ഷ്ട​ത്തി​നി​ട​യാ​ക്കി​യ സം​ഭ​വ​വി​കാ​സ​ങ്ങ​ൾ.

ഋ​ഷി സു​ന​കി​നെ​പ്പോ​ലെ​ത​ന്നെ കു​ടി​യേ​റ്റം വ​ഴി ബ്രി​ട്ട​നി​ൽ പൗ​ര​ത്വം നേ​ടി​യ​താ​ണ്​ ബ്രാ​വ​ർ​മാ​നും. ‘ദ ​ടൈം​സി’​ലേ​ക്കു ത​യാ​റാ​ക്കി​യ ഒ​രു ലേ​ഖ​ന​ത്തി​ലെ ഫ​ല​സ്‌​തീ​ൻ അ​നു​കൂ​ല പ്ര​ക​ട​ന​ക്കാ​രെ​ക്കു​റി​ച്ചു​ള്ള പ​രാ​മ​ർ​ശ​ങ്ങ​ൾ ഒ​ഴി​വാ​ക്കാ​ൻ പ്ര​ധാ​ന​മ​ന്ത്രി കാ​ര്യാ​ല​യം ആ​വ​ശ്യ​പ്പെ​ട്ടി​ട്ടും വ​ല​തു​പ​ക്ഷ ചാ​യ്‌​വു​ള്ള സു​വെ​ല്ല അ​തി​നു ത​യാ​റാ​കാ​തെ അ​ത​പ്പ​ടി പ്ര​സി​ദ്ധീ​ക​രി​ച്ചു. ഗ​സ്സ​യി​ൽ വെ​ടി​നി​ർ​ത്ത​ൽ ആ​വ​ശ്യ​പ്പെ​ട്ടു​ള്ള ‘ഫ​ല​സ്തീ​ൻ അ​നു​കൂ​ല’ പ്ര​ക​ട​ന​ങ്ങ​ളോ​ട് മൃ​ദു​ന​യം കൈ​ക്കൊ​ണ്ട പൊ​ലീ​സ് ‘ദേ​ശീ​യ പ്ര​തി​ഷേ​ധ​ക്കാ​രെ’ ക​ടു​ത്ത രീ​തി​യി​ൽ കൈ​കാ​ര്യം​ചെ​യ്ത ഇ​ര​ട്ട ന​യ​ത്തെ കു​റ്റ​പ്പെ​ടു​ത്തു​ന്ന​താ​യി​രു​ന്നു ലേ​ഖ​നം. ബ്രി​ട്ട​നി​ൽ കു​ടി​യേ​റ്റ​ക്കാ​ർ ഉ​ണ്ടാ​ക്കു​ന്ന പ്ര​ശ്ന​ങ്ങ​ളെ നി​ര​ന്ത​രം വി​മ​ർ​ശി​ച്ച്​ എ​ഴു​തി​യി​രു​ന്ന ബ്രാ​വ​ർ​മാ​നെ സു​ന​ക്​ നി​ല​നി​ർ​ത്തു​ന്ന​ത്​ അ​ത്ത​രം വീ​ക്ഷ​ണ​ങ്ങ​ളോ​ട് അ​ദ്ദേ​ഹം പ്ര​ക​ടി​പ്പി​ക്കു​ന്ന യോ​ജി​പ്പി​ന്റെ തെ​ളി​വാ​ണെ​ന്ന് ആ​ക്ഷേ​പ​മു​യ​ർ​ന്നി​രു​ന്നു. ബ്രി​ട്ട​ന്റെ പ​ര​മ്പ​രാ​ഗ​ത മൂ​ല്യ​ങ്ങ​ൾ നി​ല​വി​ലെ ഭ​ര​ണ​കൂ​ടം ബ​ലി​ക​ഴി​ച്ചു​വെ​ന്നാ​ണ് ഇ​തു​മാ​യി ബ​ന്ധ​പ്പെ​ട്ട് ഉ​യ​ർ​ന്ന വി​മ​ർ​ശ​നം. ഇ​സ്രാ​യേ​ലി​ന് ബ്രി​ട്ട​ന്റെ വെ​ള്ളം​ചേ​ർ​ക്കാ​ത്ത പി​ന്തു​ണ​യു​ണ്ട്. അ​തേ​സ​മ​യം, മ​നു​ഷ്യാ​വ​കാ​ശ​ങ്ങ​ൾ, യു​ദ്ധം, ബ​ഹു​സം​സ്കൃ​തി എ​ന്നി​വ​യി​ൽ ബ്രി​ട്ടീ​ഷ് പാ​ര​മ്പ​ര്യ​മെ​ന്ന പു​റം​പൂ​ച്ചി​നു കോ​ട്ടം​വ​രു​ത്തു​ന്ന​തി​നെ അ​വ​ർ​ക്ക് അ​നു​കൂ​ലി​ക്കാ​നു​മാ​വി​ല്ല. ഈ ​വൈ​രു​ധ്യ​ത്തി​ലാ​ണ് ബ്രാ​വ​ർ​മാ​നും ബ്രി​ട്ടീ​ഷ് ഗ​വ​ൺ​മെ​ൻ​റും പെ​ട്ടു​പോ​യ​ത്. നേ​ര​ത്തേ​യും വം​ശീ​യാ​തി​ക്ര​മ​ത്തി​നെ​തി​രെ ന​ട​ന്ന പ്ര​ക​ട​ന​ങ്ങ​ളെ പു​ച്ഛം​നി​റ​ഞ്ഞ ഭാ​ഷ​യി​ലാ​ണ് ബ്രാ​വ​ർ​മാ​ൻ ചി​ത്രീ​ക​രി​ച്ച​ത്. ഇ​ക്ക​ഴി​ഞ്ഞ ന​വം​ബ​ർ 11 ഒ​ന്നാം ലോ​ക​യു​ദ്ധം അ​വ​സാ​നി​ച്ച യു​ദ്ധ​വി​രാ​മ​ദി​ന​ത്തി​ൽ ന​ട​ന്ന ഫ​ല​സ്തീ​ൻ അ​നു​കൂ​ല മാ​ർ​ച്ചു​ക​ളെ അ​വ​ർ ‘വെ​റു​പ്പി​ന്റെ പ്ര​ക​ട​ന​ങ്ങ​ൾ’ എ​ന്നു വി​ളി​ച്ചാ​ക്ഷേ​പി​ച്ച​പ്പോ​ൾ ഒ​ര​ർ​ഥ​ത്തി​ൽ സു​ന​കും അ​തി​നെ അ​നു​കൂ​ലി​ക്കു​ന്ന പ​രാ​മ​ർ​ശം ന​ട​ത്തി. യു​ദ്ധ​വി​രാ​മ​നാ​ളി​ലെ അ​ത്ത​രം പ്ര​ക​ട​ന​ങ്ങ​ൾ ബ്രി​ട്ട​നു​വേ​ണ്ടി മ​രി​ച്ചു​വീ​ണ യോ​ദ്ധാ​ക്ക​ളോ​ടു​ള്ള അ​നാ​ദ​ര​വാ​ണ് എ​ന്നാ​യി​രു​ന്നു സു​ന​ക് പ്ര​തി​ക​രി​ച്ച​ത്. എ​ന്നാ​ൽ, ബ്രി​ട്ട​നു​വേ​ണ്ടി ര​ക്തം​ചി​ന്തി​യ ഉ​പ​ഭൂ​ഖ​ണ്ഡ​ത്തി​ലെ നാ​ലു ല​ക്ഷ​ത്തോ​ളം മു​സ്‍ലിം പോ​രാ​ളി​ക​ളെ​യും അ​റ​ബ് യോ​ദ്ധാ​ക്ക​ളെ​യും മ​റ​ന്നാ​ണ് പ്ര​ധാ​ന​മ​ന്ത്രി ഈ ​ആ​ക്ഷേ​പ​മു​യ​ർ​ത്തി​യ​തെ​ന്ന്​ പ്ര​തി​ക​ര​ണ​വും ശ​ക്ത​മാ​യി.

ബ്രാ​വ​ർ​മാ​ന്റെ അ​ഭി​പ്രാ​യ​പ്ര​ക​ട​ന​ങ്ങ​ൾ പ​ല​പ്പോ​ഴും ബ്രി​ട്ടീ​ഷ് മു​സ്‍ലിം​ക​ളെ നി​ന്ദി​ക്കു​ക​യും ചൊ​ടി​പ്പി​ക്കു​ക​യും ചെ​യ്യു​ന്ന​താ​യി​രു​ന്നു. പ്ര​മു​ഖ ബ്രി​ട്ടീ​ഷ് മു​സ്‍ലിം ശ​ബ്ദ​ങ്ങ​ൾ ​ബ്രാ​വ​ർ​മാ​നെ ഛിദ്ര​ത​യു​ണ്ടാ​ക്കു​ന്ന അ​പ​ക​ട​കാ​രി​യാ​യാ​ണ് വ്യ​വ​ഹ​രി​ക്കു​ന്ന​ത്. കു​റെ​ക്കാ​ലം മൗ​നം​പാ​ലി​ച്ച സു​ന​ക് ഒ​ടു​വി​ൽ രാ​ഷ്ട്രീ​യ​മാ​യി ഇ​ത് ക്ഷീ​ണം​ചെ​യ്യു​മെ​ന്ന സാ​ഹ​ച​ര്യ​മു​ണ്ടാ​യ​പ്പോ​ഴാ​ണ് ഇ​ട​പെ​ട്ട​ത്. അ​ടു​ത്ത തെ​ര​ഞ്ഞെ​ടു​പ്പി​ൽ ക​ൺ​സ​ർ​വേ​റ്റി​വ് പാ​ർ​ട്ടി​ക്ക് സാ​ധ്യ​ത കു​റ​വാ​ണെ​ന്ന സൂ​ച​ന​ക​ൾ നി​ല​നി​ൽ​ക്കെ ഇ​ത്ത​രം പ​ച്ച​യാ​യ ഫ​ല​സ്തീ​ൻ വി​രോ​ധ​മു​ൾ​പ്പെ​ടെ​യു​ള്ള ബ്രാ​വ​ർ​മാ​ൻ ബ്രാ​ൻ​ഡ് വീ​ക്ഷ​ണ​ങ്ങ​ൾ പാ​ർ​ട്ടി​ക്ക് ഗു​ണം​ചെ​യ്യി​ല്ല എ​ന്ന് പ്ര​ധാ​ന​മ​ന്ത്രി തി​രി​ച്ച​റി​ഞ്ഞി​ട്ടു​ണ്ടാ​വ​ണം. മൊ​റീ​ഷ്യ​സി​ൽ​നി​ന്നും പൂ​ർ​വാ​ഫ്രി​ക്ക​യി​ൽ​നി​ന്നും ഗോ​വ വ​ഴി ബ്രി​ട്ട​നി​ൽ കു​ടി​യേ​റി​യ മാ​താ​പി​താ​ക്ക​ൾ​ക്കു ജ​നി​ച്ച ബ്രാ​വ​ർ​മാ​ൻ ഈ ​വ​ർ​ഷ​മാ​ദ്യം അ​മേ​രി​ക്ക​യി​ൽ പോ​യ​പ്പോ​ൾ ന​ട​ത്തി​യ പ്ര​സം​ഗ​ത്തി​ലും ബ​ഹു​സം​സ്കൃ​തി​ക്കെ​തി​രെ​യാ​ണ് സം​സാ​രി​ച്ച​ത്. ബ്രി​ട്ട​നി​ൽ വ​ന്നി​റ​ങ്ങു​ന്ന നി​യ​മ​വി​രു​ദ്ധ കു​ടി​യേ​റ്റ​ക്കാ​രെ റു​വാ​ണ്ട​യി​ലേ​ക്ക് ക​യ​റ്റി​യ​യ​ക്ക​ണ​മെ​ന്നാ​ണ് ആ​ഗ്ര​ഹ​മെ​ന്നും അ​വ​ർ പ​റ​ഞ്ഞി​രു​ന്നു. മു​ൻ ആ​ഭ്യ​ന്ത​ര സെ​ക്ര​ട്ട​റി​യാ​യ ഇ​ന്ത്യ​ൻ വം​ശ​ജ പ്രീ​തി പ​ട്ടേ​ലാ​ണ്​ അ​തി​നു തി​രി​കൊ​ളു​ത്തി​യ​ത്. ഇ​ത്ത​രം വി​വാ​ദ​ങ്ങ​ളു​ണ്ടാ​ക്കി​വെ​ച്ച ഒ​രു മ​ന്ത്രി​യെ വെ​ച്ചു​പൊ​റു​പ്പി​ക്കു​ന്ന​ത് ഇ​നി ബു​ദ്ധി​യാ​വി​ല്ല എ​ന്ന് വ​ന്ന​പ്പോ​ഴാ​വാം ഋ​ഷി സു​ന​ക് അ​വ​രെ ത​ൽ​ക്കാ​ലം മാ​റ്റി​നി​ർ​ത്തി​യ​ത്.

പു​തി​യ വി​ദേ​ശ​കാ​ര്യ സെ​ക്ര​ട്ട​റി​യാ​യു​ള്ള കാ​മ​റ​ണി​ന്‍റെ ര​ണ്ടാം അ​വ​താ​രം ബ്രി​ട്ട​ന് നേ​ട്ട​മോ മാ​റ്റ​മോ ഉ​ണ്ടാ​വു​ക എ​ന്ന​ത് കാ​ണാ​നി​രി​ക്കു​ന്നു. എ​ങ്കി​ലും അ​മേ​രി​ക്ക​യു​ടേ​തി​ന് ഏ​താ​ണ്ട് സ​മാ​ന​മാ​യ ഫ​ല​സ്തീ​ൻ​വി​രു​ദ്ധ ന​യ​ങ്ങ​ൾ പി​ന്തു​ട​രു​ക​യും ഇ​സ്രാ​യേ​ലി​ന്റെ ‘സ്വ​യം​ര​ക്ഷ​ക്കു​ള്ള അ​വ​കാ​ശ’​ത്തെ​ക്കു​റി​ച്ച് വാ​ചാ​ല​മാ​വു​ക​യും ഗ​സ്സ​യി​ൽ മ​രി​ച്ചു​വീ​ഴു​ന്ന നി​ര​പ​രാ​ധി​ക​ളെ​ക്കു​റി​ച്ച് വേ​വ​ലാ​തി​പ്പെ​ടാ​തി​രി​ക്കു​ക​യും ചെ​യ്യു​ന്ന കാ​ബി​ന​റ്റി​ൽ ഒ​രാ​ൾ മാ​റി​യ​തു​കൊ​ണ്ട്​ കാ​ര്യ​മാ​യൊ​ന്നും സം​ഭ​വി​ക്കാ​നി​ല്ല. സ്വാ​ത​ന്ത്ര്യം, ജ​നാ​ധി​പ​ത്യം, മാ​ന​വി​ക​ത തു​ട​ങ്ങി​യ മൂ​ല്യ​ങ്ങ​ളു​ടെ കു​ത്ത​ക ച​മ​യു​ന്ന ബ്രി​ട്ട​ൻ അ​ട​ക്ക​മു​ള്ള പ​ടി​ഞ്ഞാ​റ​ൻ രാ​ജ്യ​ങ്ങ​ളു​ടെ പൊ​യ്മു​ഖം ഒ​രി​ക്ക​ൽ​കൂ​ടി അ​ഴി​ഞ്ഞു​വീ​ഴാ​ൻ ഈ ​പു​റ​ന്ത​ള്ള​ലും പു​ന​ര​വ​താ​ര​വും ഇ​ട​യാ​ക്കി എ​ന്നു മാ​ത്രം.