ധാ​ർ​മി​ക​ബ​ലം ന​ഷ്ട​പ്പെ​ട്ട ഡ​ബ്ൾ എ​ൻ​ജി​ൻ

മ​ണി​പ്പൂ​രി​നെ ക​ശാ​പ്പു​ശാ​ല​യാ​ക്കി​യ കു​രു​തി​ക​ൾ​ക്ക് തു​ട​ർ​ച്ച​യും പ്ര​ത്യാ​ഘാ​ത​ങ്ങ​ളും ഉ​ണ്ടാ​കു​ന്നു എ​ന്ന​ത് ആ​ശ​ങ്ക​യു​ണ​ർ​ത്തു​ന്നു. മെ​യ്തേ​യി​ക​ൾ മ​ണി​പ്പൂ​രി​ൽ സ്ത്രീ​ക​ളെ ന​ഗ്ന​രാ​ക്കി ന​ട​ത്തി​ച്ച​തും പീ​ഡി​പ്പി​ച്ച​തും റി​പ്പോ​ർ​ട്ട് ചെ​യ്യ​പ്പെ​ട്ട​തി​ന് പി​ന്നാ​ലെ അ​ത്ത​രം അ​നേ​കം സം​ഭ​വ​ങ്ങ​ൾ പു​റ​ത്തു​വ​രു​ന്നു​ണ്ട്. അ​തോ​ടൊ​പ്പം അ​യ​ൽ സം​സ്ഥാ​ന​ങ്ങ​ളി​ലേ​ക്ക് കൂ​ടി അ​സ്വ​സ്ഥ​ത പ​ട​രു​ന്നു​വെ​ന്നാ​ണ് വാ​ർ​ത്ത.

മെ​യ്തേ​യി​ക​ൾ മി​സോ​റം വി​ട​ണ​മെ​ന്നാ​വ​ശ്യ​പ്പെ​ട്ട് അ​വി​ട​ത്തെ സം​ഘ​ട​ന രം​ഗ​ത്തു​വ​ന്നു. ഇ​തോ​ടെ മി​സോ​റ​മി​ലെ മെ​യ്തേ​യി​ക​ൾ ഭീ​തി​യി​ലാ​ണ്; മി​സോ​റം അ​ധി​കൃ​ത​ർ അ​വ​ർ​ക്ക് സു​ര​ക്ഷ ശ​ക്ത​മാ​ക്കു​ന്നു. വം​ശ​വെ​റി അ​ല​ങ്കാ​ര​മാ​ക്കി​യ സ​ർ​ക്കാ​റു​ക​ൾ​ക്ക് കീ​ഴി​ലെ ഭ​ര​ണ​ത്ത​ക​ർ​ച്ച തു​റ​ന്നു​കാ​ട്ട​പ്പെ​ട്ടി​ട്ടും ഇ​തി​ന്റെ പേ​രി​ൽ പ​ശ്ചാ​ത്താ​പ​മോ ക്ഷ​മാ​പ​ണ​മോ ആ​രി​ൽ​നി​ന്നും കേ​ൾ​ക്കു​ന്നി​ല്ല എ​ന്ന​ത്, ഒ​രു സം​സ്ഥാ​ന​ത്തോ ഒ​രു സ​മൂ​ഹ​ത്തി​ലോ ഒ​തു​ങ്ങാ​ത്ത​തും രാ​ജ്യ​ത്തെ ആ​ക​മാ​നം ആ​ഴ​ത്തി​ൽ ഗ്ര​സി​ച്ച​തു​മാ​യ ഗു​രു​ത​ര രോ​ഗ​ത്തി​ന്റെ മ​റ്റൊ​രു സൂ​ച​ന​യാ​ണ്.

ക്ര​മ​സ​മാ​ധാ​ന​വും നി​യ​മ​സം​വി​ധാ​ന​ങ്ങ​ളും ത​ക​ർ​ന്ന​തി​ന് ഒ​രാ​ൾ​പോ​ലും രാ​ജി​വെ​ക്കേ​ണ്ടി​വ​ന്നി​ട്ടി​ല്ല. ഒ​രു സം​സ്ഥാ​ന​മാ​കെ ക​ത്തി​പ്പ​ട​രാ​ൻ തു​ട​ങ്ങി ര​ണ്ട​ര മാ​സം വേ​ണ്ടി​വ​ന്നു, ഇ​ത് ശ​രി​യ​ല്ലെ​ന്ന് പ്ര​ധാ​ന​മ​ന്ത്രി പ​റ​യാ​ൻ. അ​പ്പോ​ഴും കോ​ൺ​ഗ്ര​സ് ഭ​രി​ക്കു​ന്ന സം​സ്ഥാ​ന​ങ്ങ​ളി​ലും കു​റ്റ​കൃ​ത്യ​ങ്ങ​ളു​ണ്ടെ​ന്ന് സൂ​ചി​പ്പി​ച്ചു​കൊ​ണ്ട് ക​ക്ഷി​രാ​ഷ്ട്രീ​യ​ക്ക​ളി​യാ​ക്കി വി​ഷ​യ​ത്തെ തി​രി​ച്ചു​വി​ടാ​നാ​ണ് അ​ദ്ദേ​ഹം ശ്ര​മി​ച്ച​ത്. മ​ണി​പ്പൂ​ർ മു​ഖ്യ​മ​ന്ത്രി ബി​രേ​ൻ സി​ങ് രാ​ജി​വെ​ക്കാ​തി​രി​ക്കാ​നു​ള്ള ത​ന്ത്ര​ങ്ങ​ളി​ലാ​ണ് ശ്ര​ദ്ധ കേ​ന്ദ്രീ​ക​രി​ക്കു​ന്ന​ത്. അ​വി​ട​ത്തെ ഗ​വ​ർ​ണ​ർ ഒ​രു വ​നി​ത​യാ​ണ് -അ​നു​സൂ​യ ഉ​യ്കി.

ചാ​ന​ൽ ച​ർ​ച്ച​ക​ളി​ലി​രു​ന്ന് അ​വ​ർ ദുഃ​ഖ​വും നി​സ്സ​ഹാ​യ​ത​യും പ​ങ്കു​വെ​ക്കു​ക​യാ​ണ്. യു​ക്ത​മാ​യ ന​ട​പ​ടി​യെ​ടു​ക്കാ​ൻ ഡി.​ജി.​പി​യോ​ടും നി​ർ​ദേ​ശി​ച്ചി​രി​ക്കു​ന്നു​വ​ത്രേ അ​വ​ർ. മോ​ദി സ​ർ​ക്കാ​റി​ലെ വ​നി​ത മ​ന്ത്രി​മാ​രും സ്ത്രീ​ക​ളോ​ടു​ള്ള ക്രൂ​ര​ത​യെ അ​പ​ല​പി​ക്കാ​ൻ ഒ​ടു​വി​ൽ സ​മ​യം ക​ണ്ടെ​ത്തി. മു​ഖ്യ​മ​ന്ത്രി​യോ​ട് ആ​വ​ശ്യ​മാ​യ ന​ട​പ​ടി​യെ​ടു​ക്ക​ണ​മെ​ന്ന് സ്മൃ​തി ഇ​റാ​നി ആ​വ​ശ്യ​പ്പെ​ടു​ക​യും അ​ദ്ദേ​ഹം സ​മ്മ​തി​ക്കു​ക​യും ചെ​യ്തി​ട്ടു​ണ്ട​ത്രേ. ദേ​ശീ​യ വ​നി​ത ക​മീ​ഷ​ൻ ര​ണ്ട​ര മാ​സം മു​മ്പ് പ​രാ​തി കി​ട്ടി​യ സം​ഭ​വ​ങ്ങ​ളി​ൽ ഇ​പ്പോ​ൾ ‘സ്വ​മേ​ധ​യാ’ (!) കേ​സെ​ടു​ക്കു​ന്നു​വ​ത്രേ. ഗോ​ത്ര​വ​ർ​ഗ​ക്കാ​രി​യാ​യ വ​നി​ത രാ​ഷ്ട്ര​പ​തി​യാ​യി​രി​ക്കെ​യാ​ണ് ഗോ​ത്ര​വ​ർ​ഗ​ക്കാ​രാ​യ അ​സം​ഖ്യം വ​നി​ത​ക​ളു​ടെ ദ​യ​നീ​യ​മാ​യ ക​ഥ​ക​ൾ നാം ​കേ​ൾ​ക്കു​ന്ന​ത്. രാ​ഷ്ട്ര​പ​തി​പോ​ലും നി​സ്സ​ഹാ​യ​യാ​ണെ​ന്നോ?

ഭ​ര​ണ​ഘ​ട​ന സം​വി​ധാ​ന​ങ്ങ​ളും പൊ​ലീ​സ് സേ​ന അ​ട​ക്ക​മു​ള്ള ഭ​ര​ണോ​പ​ക​ര​ണ​ങ്ങ​ളും നി​ഷ്ക്രി​യ​ത മാ​ത്ര​മ​ല്ല, വി​വേ​ച​ന​വും പു​ല​ർ​ത്തു​ന്നു. ഭ​ര​ണ​കൂ​ട​ത്തി​ന്റെ ഒ​ത്താ​ശ​യോ​ടെ വം​ശീ​യ വി​ദ്വേ​ഷം പ​ര​ത്ത​പ്പെ​ടു​ന്ന​ത് ഭ​ര​ണ​ത്ത​ക​ർ​ച്ച​യേ​ക്കാ​ൾ ഭീ​തി​ജ​ന​ക​മാ​ണ്. റു​വാ​ണ്ട​യി​ലും ഗു​ജ​റാ​ത്തി​ലും വം​ശ​ഹ​ത്യ​ക​ൾ​ക്ക് മു​ന്നോ​ടി​യാ​യി ന​ട​ന്ന വ്യാ​ജ​പ്ര​ചാ​ര​ണം ഇ​ന്ന് പ​ല ഇ​ന്ത്യ​ൻ സം​സ്ഥാ​ന​ങ്ങ​ളി​ലും വ്യാ​പ​ക​മാ​ണ്. മ​ണി​പ്പൂ​രി​ൽ കു​ക്കി​ക​ൾ​ക്കെ​തി​രെ പ​ര​ത്ത​പ്പെ​ട്ട വ്യാ​ജ വാ​ർ​ത്ത​ക​ളാ​ണ്, ഹൈ​കോ​ട​തി​യു​ടെ സം​വ​ര​ണ​വി​ധി സൃ​ഷ്ടി​ച്ച വെ​ടി​പ്പു​ര​ക്ക് തീ​​കൊ​ടു​ത്ത​ത്.

ഈ​യി​ട​ത്തെ ഭീ​ക​ര വി​ഡി​യോ പു​റ​ത്തു​വ​ന്ന​തി​ന് പി​ന്നാ​ലെ അ​റ​സ്റ്റി​ലാ​യ പ്ര​തി​ക​ളി​ലൊ​രാ​ൾ അ​ബ്ദു​ൽ ഹി​ൽ​മി​യാ​ണെ​ന്ന് എ.​എ​ൻ.​ഐ വാ​ർ​ത്ത ഏ​ജ​ൻ​സി ന​ൽ​കി​യ വ്യാ​ജ​വാ​ർ​ത്ത അ​വ​ർ പി​ൻ​വ​ലി​ച്ച​ത് 12 മ​ണി​ക്കൂ​ർ ക​ഴി​ഞ്ഞാ​ണ്. ഇ​തൊ​രു ദേ​ശീ​യ സം​സ്കാ​ര​മാ​ക്കി​യ​തി​ൽ ഇ​ന്ന​ത്തെ ഭ​ര​ണ​പ​ക്ഷ​ത്തി​ന് ചെ​റു​ത​ല്ലാ​ത്ത പ​ങ്കു​ണ്ട്. ‘അ​ക്ര​മി​ക​ളെ വ​സ്ത്രം ക​ണ്ടാ​ല​റി​യാ’​മെ​ന്നു പ​റ​ഞ്ഞ പ്ര​ധാ​ന​മ​ന്ത്രി​യോ ഒ​രു സ​മൂ​ഹ​ത്തെ ‘ചി​ത​ലു​ക​ളെ’​ന്നു വി​ളി​ച്ച ആ​ഭ്യ​ന്ത​ര മ​ന്ത്രി​യോ അ​തി​ൽ ഖേ​ദം പ്ര​ക​ടി​പ്പി​ച്ച് മാ​തൃ​ക കാ​ട്ടി​യി​ട്ടി​ല്ല. വ​ലി​യൊ​രു വി​ഭാ​ഗം മാ​ധ്യ​മ​ങ്ങ​ളും വ​ർ​ഗീ​യ​വ​ത്ക​രി​ക്ക​പ്പെ​ട്ടു​ക​ഴി​ഞ്ഞു.

ഒ​രു രാ​ഷ്ട്ര​മെ​ന്ന നി​ല​ക്ക് ന​മു​ക്ക് മ​നഃ​സാ​ക്ഷി ന​ഷ്ട​പ്പെ​ട്ടു​വെ​ങ്കി​ൽ രാ​ഷ്ട്രീ​യ നേ​തൃ​ത്വ​മാ​ണ് ആ​ദ്യ​ത്തെ ഉ​ത്ത​ര​വാ​ദി. ധാ​ർ​മി​ക ശ​ക്തി​കൊ​ണ്ട് മാ​ത്രം രാ​ജ്യ​ത്തെ ന​യി​ച്ച ഗാ​ന്ധി​ജി​യു​ടെ ഗു​ജ​റാ​ത്താ​ണ് ആ ​ശേ​ഷി ആ​ദ്യം കൈ​വി​ട്ട​ത്. ഇ​ന്ന​ത് വി​വി​ധ സം​സ്ഥാ​ന​ങ്ങ​ളി​ൽ സ​മൂ​ഹ​ത്തി​ന് കൈ​മോ​ശം വ​ന്നു​കൊ​ണ്ടി​രി​ക്കു​ന്നു. പ​ര​സ്പ​രം സം​ശ​യി​ക്കു​ക​യും ഭ​യ​ക്കു​ക​യും ചെ​യ്യു​ന്ന, മ​നു​ഷ്യ​ത്വം ചോ​ർ​ന്നു​പോ​യ ഒ​രു ജ​ന​ത​യാ​യി രാ​ജ്യം മാ​റി​ക്കൊ​ണ്ടി​രി​ക്കു​ന്നു.

ഐ​ക്യ​ത്തെ​പ്പ​റ്റി പ​റ​യാ​ന​ല്ല, ചോ​ര ചി​ന്തി​ച്ച് അ​ധി​കാ​രം നി​ല​നി​ർ​ത്താ​നാ​ണ് നേ​താ​ക്ക​ൾ​ക്ക് താ​ൽ​പ​ര്യം. ഭ​ര​ണ​കൂ​ട​ത്തി​ന്റെ വി​ദ്വേ​ഷ രാ​ഷ്ട്രീ​യം വി​വി​ധ പ്ര​ദേ​ശ​ങ്ങ​ളി​ൽ ഭീ​തി​യും അ​സ​മാ​ധാ​ന​വും സൃ​ഷ്ടി​ക്കു​ന്നു. ന​ല്ല ഭ​ര​ണ​ത്തി​ന് ‘ഡ​ബ്ൾ എ​ൻ​ജി​ൻ’ സ​ർ​ക്കാ​ർ വേ​ണ​മെ​ന്ന് പ്ര​ധാ​ന​മ​ന്ത്രി പ​റ​ഞ്ഞ​തു കേ​ട്ടാ​ണ് മ​ണി​പ്പൂ​രി​ക​ൾ ബി.​ജെ.​പി​യെ തെ​ര​ഞ്ഞെ​ടു​ത്ത​ത്. ആ ​മ​ണി​പ്പൂ​രി​ൽ ര​ണ്ട് എ​ൻ​ജി​നും കേ​ടാ​യി​​പ്പോ​യി​രി​ക്കു​ന്നു.

മാ​ന​വി​ക മൂ​ല്യ​ങ്ങ​ളു​ടെ​യോ ജ​നാ​ധി​പ​ത്യ​ത്തി​ന്റെ​യോ ഒ​രു മാ​തൃ​ക​യും ന​ൽ​കാ​നി​ല്ലാ​ത്ത അ​ധി​കാ​ര​മോ​ഹം രാ​ജ്യ​ത്തെ അ​ൽ​പാ​ൽ​പ​മാ​യി ന​ശി​പ്പി​ച്ചു​കൊ​ണ്ടി​രി​ക്കു​ന്നു. ഇ​പ്പോ​ള​ത് മ​ണി​പ്പൂ​രി​ലാ​ണ്; മി​സോ​റ​മി​ലേ​ക്ക് പ​ട​രാ​ൻ തു​ട​ങ്ങു​ന്നു. രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ അ​സ​മാ​ധാ​ന​വും ഭീ​തി​യും വ​ള​ർ​ന്നു​കൊ​ണ്ടി​രി​ക്കു​ന്നു. മ​ണി​പ്പൂ​രി​നെ അ​ട​യാ​ള​പ്പെ​ടു​ത്തി​യ ആ ​ഭീ​ക​ര വി​ഡി​യോ​യി​ലെ കു​റ്റ​കൃ​ത്യം ഒ​റ്റ​പ്പെ​ട്ട​ത​ല്ല. ബി​ൽ​കീ​സ് ബാ​നു​വി​ന് നീ​തി നി​ഷേ​ധി​ച്ച രാ​ജ്യ​മാ​ണി​ത്. ഗു​സ്തി താ​ര​ങ്ങ​ളെ പീ​ഡി​പ്പി​ച്ച കേ​സി​ലെ പ്ര​തി മ​ണി​പ്പൂ​രി​ലെ ഇ​ര​ക​ളെ​യോ​ർ​ത്ത് മു​ത​ല​ക്ക​ണ്ണീ​രൊ​ഴു​ക്കു​ന്ന രാ​ജ്യ​മാ​ണി​ത്. ന​ഷ്ട​പ്പെ​ട്ട ധാ​ർ​മി​ക​ശേ​ഷി വീ​ണ്ടെ​ടു​ക്കാ​തെ ഈ ​സ​മൂ​ഹം ര​ക്ഷ​പ്പെ​ടി​ല്ല.