ഇ​നി​യും തു​ട​ര​ണോ ക​രി​യും ക​രി​മ​രു​ന്നും?

കോ​ഴി​ക്കോ​ട് ജി​ല്ല​യി​ലെ കൊ​യി​ലാ​ണ്ടി​ക്ക​ടു​ത്തു​ള്ള കു​റു​വ​ങ്ങാ​ട് മ​ണ​ക്കു​ള​ങ്ങ​ര ക്ഷേ​ത്രോ​ത്സ​വ​ത്തി​ന് കൊ​ണ്ടു​വ​ന്ന ര​ണ്ട് ആ​ന​ക​ള്‍ വി​ര​ണ്ട​തോ​ടെ​യു​ണ്ടാ​യ തി​ക്കി​ലും തി​ര​ക്കി​ലും പെ​ട്ട് മൂ​ന്നുപേ​ർ മ​രിച്ച സം​ഭ​വം കേ​ര​ളം ഞെ​ട്ട​ലോ​ടെ​യാ​ണ് കേ​ട്ട​ത്. വ്യാ​ഴാ​ഴ്ച വൈ​കീ​ട്ടാ​യി​രു​ന്നു സം​ഭ​വം. ഉ​ത്സ​വ​ത്തി​ന്റെ ഭാ​ഗ​മാ​യ എ​ഴു​ന്ന​ള്ളി​പ്പി​ന് ആ​ന​ക​ളെ സ​ജ്ജ​മാ​ക്കു​ന്ന​തി​നി​ടെ​യാ​യി​രു​ന്നു അ​വ ഇ​ട​ഞ്ഞ​തും വ​ൻ അ​ത്യാ​ഹി​ത​ത്തി​ന് ഇ​ട​യാ​ക്കി​യ​തും. ദീ​പാ​രാ​ധ​ന സ​മ​യ​മാ​യ​തി​നാ​ൽ, സ്ത്രീ​ക​ള​ട​ക്കം നൂ​റു​ക​ണ​ക്കി​ന് ആ​ളു​ക​ൾ ക്ഷേ​ത്ര​ത്തി​ല്‍ എ​ത്തി​യി​രു​ന്നു. ഇ​തി​നു​പു​റ​മെ, വി​വി​ധ ഭാ​ഗ​ങ്ങ​ളി​ൽ​നി​ന്നുള്ള ആ​ഘോ​ഷ​വ​ര​വു​ക​ളും ക്ഷേ​ത്ര​ത്തി​ലേ​ക്ക് എ​ത്തി​ക്കൊ​ണ്ടി​രി​ക്കു​ക​യാ​യി​രു​ന്നു. ഇ​തി​നി​ട​യി​ലാ​ണ് അ​പ​ക​ടം. പ​ട​ക്കം പൊ​ട്ടി​ച്ച​പ്പോ​ഴാ​ണ് ആ​ന വി​ര​ണ്ട​തെ​ന്ന് ദൃ​ക്‌​സാ​ക്ഷി​ക​ള്‍ പ​റ​യു​ന്നു. ഇ​ട​ഞ്ഞോ​ടി​യ ആ​ന​ക​ൾ ക്ഷേ​ത്ര ഓ​ഫി​സ് ഉ​ൾ​പ്പെ​ടെ ത​ക​ർ​ക്കു​ക​യും മ​ണി​ക്കൂ​റു​ക​ൾ സ്ഥ​ല​ത്ത് ഭീ​തി​പ​ര​ത്തു​ക​യും ചെ​യ്തു.

അ​ടു​ത്തി​ടെ, ന​മ്മു​ടെ നാ​ട്ടി​ൽ ഇ​ത്ത​രം സം​ഭ​വ​ങ്ങ​ൾ വ​ർ​ധി​ച്ചു​വ​രു​ന്ന​താ​യി കാ​ണാം. പാ​ല​ക്കാ​ട് ജി​ല്ല​യി​ലെ കൂ​റ്റ​നാ​ട് നേ​ർ​ച്ച​ക്കി​ടെ, ആ​ന​യു​ടെ കു​ത്തേ​റ്റ് പാ​പ്പാ​ൻ മ​രി​ച്ച​ത് ഏ​താ​നും ദി​വ​സ​ങ്ങ​ൾ​ക്ക് മു​മ്പാ​ണ്. നി​ല​മ്പൂ​രി​ൽ ക്ഷേ​ത്രോ​ത്സ​വ​ത്തി​നെ​ത്തി​ച്ച ആന ഇ​ട​ഞ്ഞ് മ​ണി​ക്കൂ​റു​ക​ളോ​ളം പ്ര​ദേ​ശ​ത്ത് പ​രി​ഭ്രാ​ന്തി സൃ​ഷ്ടി​ച്ച മ​റ്റൊ​രു സം​ഭ​വ​വും ക​ഴി​ഞ്ഞ​യാ​ഴ്ച​യി​ലു​ണ്ടാ​യി. ക​ഴി​ഞ്ഞ​മാ​സം, തി​രൂ​ർ ബി.​പി അ​ങ്ങാ​ടി​യി​ൽ വ​ലി​യ നേ​ർ​ച്ച​ക്കി​ടെ​യു​ണ്ടാ​യ ആ​ന​ക്ക​ലി​യി​ൽ ഒ​രാ​ൾ മ​ര​ണ​പ്പെ​ട്ടു. സം​സ്ഥാ​ന​ത്ത്, കാ​ട്ടാ​ന ആ​ക്ര​മ​ണം അ​ട​ക്കം വ​ന്യ​ജീ​വി ആ​ക്ര​മ​ണം വ​ലി​യൊ​രു രാ​ഷ്ട്രീ​യ വി​ഷ​യ​മാ​യി പ​രി​ണ​മി​ച്ചി​രി​ക്കു​മ്പോ​ൾ​ത​ന്നെ​യാ​ണ് നാ​ട്ടാ​നക​ളു​ടെ ക​ലി​യും ഇ​വ്വി​ധം റി​പ്പോ​ർ​ട്ട് ചെ​യ്യ​പ്പെ​ടു​ന്ന​ത്. ക​ഴി​ഞ്ഞ 30 വ​ർ​ഷ​ത്തി​നി​ടെ, നാ​ട്ടാ​ന​ക​ളു​ടെ ആ​ക്ര​മ​ണ​ത്തി​ൽ സം​സ്ഥാ​ന​ത്ത് 850ൽ അ​ധി​കം ആ​ളു​ക​ൾ കൊ​ല്ല​പ്പെ​ട്ടി​ട്ടു​ണ്ടെ​ന്നാ​ണ് ക​ണ​ക്ക്; പ​രി​ക്കേ​റ്റ​വ​രു​ടെ എ​ണ്ണം അ​യ്യാ​യി​ര​ത്തി​ന​ടു​ത്ത് വ​രും. എ​ന്നി​ട്ടും, വ​ലി​യ ദു​ര​ന്ത​ങ്ങ​ൾ വ​രു​മ്പോ​ൾ മാ​ത്ര​മാ​ണ് ന​മു​ക്ക് ഇ​ത് ച​ർ​ച്ച​യാ​കു​ന്ന​ത് എ​ന്ന​ത് അ​ത്യ​ന്തം നി​ർ​ഭാ​ഗ്യ​ക​ര​മാ​ണ്.

കേ​ര​ള​ത്തി​ൽ ഉ​ത്സ​വ​ങ്ങ​ൾ​ക്കും മ​റ്റും ആ​ന​ക​ളെ എ​ഴു​ന്ന​ള്ളി​ക്കു​ന്ന​തു​മാ​യി ബ​ന്ധ​പ്പെ​ട്ടൊ​രു കേ​സി​ന്റെ വാ​ദം സു​പ്രീം​കോ​ട​തി​യി​ൽ ന​ട​ന്നു​കൊ​ണ്ടി​രി​ക്കു​മ്പോ​ഴാ​യി​രു​ന്നു കൊ​യി​ലാ​ണ്ടി​യി​ൽ ദു​ര​ന്ത​മു​ണ്ടാ​യ​തെ​ന്ന​ത് യാ​ദൃ​ച്ഛി​ക​മാ​കാം. പ​ക്ഷേ, ആ ​കേ​സ് ഒ​രു പ​രി​ധി​വ​രെ ഈ ​ദു​ര​ന്ത​വു​മാ​യി​ക്കൂ​ടി ചേ​ർ​ത്തു​വാ​യി​ക്കാ​വു​ന്ന​താ​ണ്. ആ​ന എ​ഴു​ന്ന​ള്ളി​പ്പു​മാ​യി ബ​ന്ധ​പ്പെ​ട്ട് അ​മി​ക്ക​സ് ക്യൂ​റി ത​യാ​റാ​ക്കി​യ റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ ഏ​താ​നും മാ​സ​ങ്ങ​ൾ​ക്ക് മു​മ്പ് കേ​ര​ള ഹൈ​കോ​ട​തി ചി​ല നി​യ​ന്ത്ര​ണ​ങ്ങ​ൾ പു​റ​പ്പെ​ടു​വി​ച്ചി​രു​ന്നു. തൃ​ശൂ​ർപൂ​രം അ​ട​ക്ക​മു​ള്ള ഉ​ത്സ​വാ​ഘോ​ഷ​ങ്ങ​ളി​ൽ എ​ഴു​ന്ന​ള്ളി​പ്പി​ന്റെ പേ​രി​ൽ ന​ട​ക്കു​ന്ന ആ​നപീ​ഡ​ന​ങ്ങ​ളു​ടെ വിഡി​യോ ദൃ​ശ്യ​ങ്ങ​ൾ അ​ട​ക്കം പ​രി​ശോ​ധി​ച്ചാ​യി​രു​ന്നു പ്ര​സ്തു​ത ഉ​ത്ത​ര​വ്. മൂ​ന്നു മ​ണി​ക്കൂ​റി​ൽ കൂ​ടു​ത​ൽ തു​ട​ർ​ച്ച​യാ​യി ആ​ന​യെ എ​ഴു​ന്ന​ള്ളി​ക്ക​രു​ത്, ആ​ന​ക​ൾ ത​മ്മി​ൽ മൂ​ന്നു മീ​റ്റ​ർ അ​ക​ലം വേ​ണം, ന​ല്ല ഭ​ക്ഷ​ണ​വും വി​ശ്ര​മ​വും അ​നു​വ​ദി​ക്ക​ണം, പൊ​തു​ജ​ന​ങ്ങ​ളി​ൽ​നി​ന്ന് എ​ട്ടു മീ​റ്റ​ർ ദൂ​രം വേ​ണം, രാ​വി​ലെ ഒ​മ്പ​തു മു​ത​ൽ വൈ​കീട്ട് അ​ഞ്ചുവ​രെ ആ​ന​ക​ളെ പൊ​തു​നി​ര​ത്തി​ലൂ​ടെ എ​ഴു​ന്ന​ള്ളി​ക്ക​രു​ത്, ദി​വ​സം 30 കി​ലോ​മീ​റ്റ​റി​ൽ കൂ​ടു​ത​ൽ ആ​ന​ക​ളെ ന​ട​ത്തി​ക്ക​രു​ത്, ദി​വ​സം 125 കി.​മീ കൂ​ടു​ത​ൽ ആ​ന​യെ യാ​ത്ര ചെ​യ്യി​ക്ക​രു​ത്, വെ​ടി​ക്കെ​ട്ട് സ്ഥ​ല​വും ആ​ന​യും ത​മ്മി​ൽ 100 മീ​റ്റ​ർ ദൂ​ര​പ​രി​ധി വേ​ണം തു​ട​ങ്ങി​യ നി​ർ​ദേ​ശ​ങ്ങ​ളാ​യി​രു​ന്നു ഉ​ത്ത​ര​വി​ലു​ണ്ടാ​യി​രു​ന്ന​ത്.

ഇ​ത് ആ​ഘോ​ഷ​ങ്ങ​ളു​ടെ പൊ​ലി​മ കു​റ​ക്കു​മെ​ന്നും ആ​ചാ​ര ലം​ഘ​നമാകുമെ​ന്നു​മെ​ല്ലാം ചൂ​ണ്ടി​ക്കാ​ട്ടി തൃ​ശൂ​ർ പാ​റ​മേ​ക്കാ​വ്, തി​രുവ​മ്പാ​ടി ദേ​വ​സ്വ​ങ്ങ​ൾ സു​പ്രീം​കോ​ട​തി​യി​ൽ ഹ​ര​ജി ന​ൽ​കി. വി​ഷ​യം പ​രി​ശോ​ധി​ച്ച പ​ര​മോ​ന്ന​ത നീ​തി​പീ​ഠം, ഹൈ​കോ​ട​തി ഉ​ത്ത​ര​വ് റ​ദ്ദാ​ക്കു​ക​യാ​യി​രു​ന്നു. 2012ലെ ​നാ​ട്ടാ​ന പ​രി​പാ​ല​ന നി​യ​മ​ത്തി​ന് വി​രു​ദ്ധ​മാ​യി ഹൈ​കോ​ട​തി ഇ​ട​പെ​ട്ടു​വ​ത്രേ! വാ​സ്‍ത​വ​ത്തി​ൽ, ഒ​രേ​സ​മ​യം മൃ​ഗപീ​ഡ​നം ത​ട​യാ​നും സു​ര​ക്ഷി​ത​മാ​യി ഉ​ത്സ​വ​ങ്ങ​ളും മ​റ്റും സം​ഘ​ടി​പ്പി​ക്കാ​നു​മു​ള്ള തീ​ർ​ത്തും പ്രാ​യോ​ഗി​ക​മാ​യ നി​ർ​ദേ​ശ​ങ്ങ​ളാ​യി​രു​ന്നു ഹൈ​കോ​ട​തി​യു​ടേ​ത്. ആ ​നി​ർ​ദേ​ശ​ങ്ങ​ൾ സ്വീ​ക​രി​ക്ക​പ്പെ​ട്ടി​രു​ന്നെ​ങ്കി​ൽ മേ​ൽ സൂ​ചി​പ്പി​ച്ച അ​പ​ക​ട​ങ്ങ​ളെ​ല്ലാം ഒ​ഴി​വാ​ക്കാ​വു​ന്ന​താ​യി​രു​ന്നു. പക്ഷേ, സാ​ങ്കേ​തി​ക കാ​ര​ണ​ങ്ങ​ൾ ചൂ​ണ്ടി​ക്കാ​ട്ടി അ​തു ത​ള്ളി. ഇ​തി​നെ​തി​രെ, പൂ​ര​പ്രേ​മി സം​ഘം എ​ന്ന സം​ഘ​ട​ന സ​മ​ർ​പ്പി​ച്ച ഹ​ര​ജി​യാ​ണ് സു​പ്രീം​കോ​ട​തി ക​ഴി​ഞ്ഞ ദി​വ​സം പ​രി​ഗ​ണി​ച്ച​ത്. മൂ​ന്ന് മീ​റ്റ​ർ മാ​റി നി​ൽ​ക്ക​ണ​മെ​ന്ന് ആ​ന​ക​ളോ​ട് എ​ങ്ങ​നെ പ​റ​യു​മെ​ന്നൊ​ക്കെ​യാ​ണ് ഹ​ര​ജി​ക്കാ​രോ​ട് കോ​ട​തി ചോ​ദി​ച്ച​ത്.

2016ൽ ​നൂ​റി​ല​ധി​കം പേ​രു​ടെ മ​ര​ണ​ത്തി​നി​ട​യാ​ക്കി​യ പു​റ്റി​ങ്ങ​ൽ വെ​ടി​ക്കെ​ട്ട് അ​പ​ക​ട​ത്തി​നു​ശേ​ഷം, ക​രി​മ​രു​ന്ന് പ്ര​യോ​ഗ​ത്തെ​ക്കു​റി​ച്ചും ആ​ന എ​ഴു​ന്ന​ള്ളി​പ്പി​നെ​ക്കു​റി​ച്ചു​മെ​ല്ലാം വ​ലി​യ ച​ർ​ച്ച​ക​ൾ കേ​ര​ള​ത്തി​ൽ ന​ട​ന്നി​ട്ടു​ണ്ട്. ആ​ചാ​ര​ബ​ദ്ധ​മെ​ങ്കി​ലും അ​വ എ​ങ്ങ​നെ അ​പ​ക​ട​ര​ഹി​ത​മാ​യി പ്ര​യോ​ഗി​ക്ക​പ്പെ​ട​ണ​മെ​ന്ന​തു​സം​ബ​ന്ധി​ച്ച തീ​ർ​ത്തും ജ​നാ​ധി​പ​ത്യ​പ​ര​മാ​യ ച​ർ​ച്ച​യാ​ണ് അ​ക്കാ​ല​ത്തു​ണ്ടാ​യ​ത്. നാ​രാ​യ​ണ​ഗു​രു​വി​ന്റെ ‘ക​രി വേ​ണ്ട, ക​രി​മ​രു​ന്നും’ എ​ന്ന ഉ​പ​ദേ​ശം ആ ​സ​മ​യ​ങ്ങ​ളി​ൽ പ​ല​രും ഉ​യ​ർ​ത്തി​ക്കാ​ട്ടി. അന്ന് ആ​ർ.​എ​സ്.​എ​സ് ജി​ഹ്വ​യി​ൽ അ​ക്കാ​ര്യം വ്യ​ക്ത​മാ​ക്കു​ന്ന മു​ഖ​പ്ര​സം​ഗം ‘ഭ്രാ​ന്തി​നെ ആ​ചാ​ര​മെ​ന്ന് വി​ളി​ക്ക​രു​ത്’ എ​ന്ന ത​ല​ക്കെ​ട്ടി​ൽ പ്ര​സി​ദ്ധീ​ക​രി​ക്കു​ക​ കൂടി ചെ​യ്തു. ക​രി​യും ക​രി​മ​രു​ന്നു​മി​ല്ലാ​തെ​യും ആ​ചാ​ര​പൂ​ർ​ണ​ത​യോ​ടെ ഉ​ത്സ​വ​ങ്ങ​ൾ ന​ട​ത്താ​നാ​കു​മെ​ന്ന വാ​ദ​ത്തി​ന് ഇ​ത്ത​രം ച​ർ​ച്ച​ക​ളി​ലൂ​ടെ വ​ലി​യ പി​ൻ​ബ​ലം ല​ഭി​ച്ചി​രു​ന്നു. ആ​ന എ​ഴു​ന്ന​ള്ളി​പ്പി​നും വെ​ടി​ക്കെ​ട്ടി​നു​മെ​ല്ലാം 200 വ​ർ​ഷ​ത്തി​ൽ​കൂ​ടു​ത​ൽ പ​ഴ​ക്ക​മി​ല്ലെ​ന്നും അ​തി​നാ​ൽ അ​തി​നെ ആ​ചാ​ര​മാ​യി ക​ണ​ക്കാ​ക്കാ​നാ​വി​ല്ലെ​ന്നുമുള്ള വാ​ദ​വും വി​ശ്വാ​സി​ക​ളു​ടെ ഭാ​ഗ​ത്തു​നി​ന്നു​ണ്ടാ​യി.

പ​ക്ഷേ, കാ​ര്യ​ത്തോ​ട​ടു​ത്ത​പ്പോ​ൾ എ​ല്ലാം ത​കി​ടം മ​റി​ഞ്ഞു; എ​ല്ലാ​വ​രും ആ​ചാ​ര സം​ര​ക്ഷ​ക​രു​ടെ വ​ക്താ​ക്ക​ളാ​യി. ദു​ര​ന്ത​ങ്ങ​ളൊ​ഴി​വാ​ക്കാ​നാ​യി ന​ട​ത്തു​ന്ന മു​ൻ​ക​രു​ത​ൽ ന​ട​പ​ടി​ക​ൾ പോ​ലും ആ​ചാ​ര​ലം​ഘ​ന​മാ​യി വി​ല​യി​രു​ത്ത​പ്പെ​ട്ടു. ദു​ര​ന്ത​ങ്ങ​ൾ സം​ഭ​വി​ച്ചാ​ലും ആ​ചാ​ര​ങ്ങ​ൾ മു​ട​ക്ക​രു​തെ​ന്ന ഈ ​പി​ടി​വാ​ശി​ക്കെ​തി​രാ​യി​ട്ടാ​ണ് ഹൈ​കോ​ട​തി സ്വ​യം കേ​സെ​ടു​ത്ത് ചി​ല അ​നി​വാ​ര്യ നി​യ​ന്ത്ര​ണ​ങ്ങ​ൾ​ക്ക് മു​ൻ​കൈ എ​ടു​ത്ത​ത്. അ​താ​ക​ട്ടെ, നി​യ​മ​ക്കു​രു​ക്കി​ൽ റ​ദ്ദാ​ക്ക​പ്പെ​ടു​ക​യും ചെ​യ്തു. വാ​സ്ത​വ​ത്തി​ൽ, ഇ​ക്കാ​ര്യ​ത്തി​ൽ പ​രി​ഹാ​രം സു​വ്യ​ക്ത​മാ​ണ്. അ​തു നൂ​റുവ​ർ​ഷം മു​മ്പുത​ന്നെ ഗു​രു​ പ​റ​ഞ്ഞു​വെ​ക്കു​ക​യും ചെ​യ്തി​ട്ടു​ണ്ട്. അ​തി​ലേ​ക്കു​ള്ള പ്രാ​യോ​ഗി​ക വ​ഴി​ക​ൾ ഹൈ​കോ​ട​തി​യും പ​റ​ഞ്ഞു​വെ​ച്ചി​ട്ടു​ണ്ട്. പ​ക്ഷേ, ഈ ​യാ​ഥാ​ർ​ഥ്യ​ങ്ങ​ൾ​ക്ക​പ്പു​റം ആ​ന​ക്ക​ലി​പൂ​ണ്ട ഉ​ത്സ​വ​ങ്ങ​ളി​ൽ അ​ഭി​ര​മി​ക്കാ​നാ​ണ് ന​മു​ക്കി​ഷ്ടം. അ​താ​ണ് ഏ​റ്റ​വും വ​ലി​യ ദു​ര​ന്ത​വും.