ക​ർ​ഷ​ക​ർ രാ​ജ്യ​ത്തി​ന് വ​ഴി​കാ​ട്ടു​ന്നു

സ്വ​ത​ന്ത്ര ഇ​ന്ത്യ​യു​ടെ ച​രി​ത്ര​ത്തി​ലെ ഐ​തി​ഹാ​സി​ക ദി​ന​മാ​യി​ത​ന്നെ എ​ണ്ണ​ണം ഇ​നി​മേ​ൽ ന​വം​ബ​ർ 19നെ. ​രാ​ജ്യ​ത്തെ കാ​ർ​ഷി​ക സ​മ്പ​ത്തി​നെ​യും ക​ർ​ഷ​ക​രെ​യും ച​ങ്ങാ​തി​മു​ത​ലാ​ളി​മാ​രു​ടെ ച​വി​ട്ട​ടി​ക്കീ​ഴി​ലെ​ത്തി​ക്കാ​ൻ ല​ക്ഷ്യ​മി​ട്ട്​ ന​രേ​ന്ദ്ര മോ​ദി ​ഭ​ര​ണ​കൂ​ടം കൊ​ണ്ടു​വ​ന്ന മൂ​ന്ന്​ വി​വാ​ദ കാ​ർ​ഷി​ക നി​യ​മ​ങ്ങ​ളെ 359 ദി​വ​സം നീ​ണ്ട സ​ഹ​ന​സ​മ​ര​ത്തി​ലൂ​ടെ ഇ​ന്ത്യ പൊ​രു​തി​ത്തോ​ൽ​പി​ച്ച സു​ദി​നം. നി​യ​മ​ങ്ങ​ൾ പി​ൻ​വ​ലി​ക്കു​ന്ന പ്ര​ശ്​​ന​മി​ല്ലെ​ന്ന്​ അ​ഹ​ങ്ക​രി​ച്ച സ​ർ​ക്കാ​ർ ക​ർ​ഷ​ക​രു​ടെ നി​ശ്ച​യ​ദാ​ർ​ഢ്യ​ത്തി​നു മു​ന്നി​ൽ മു​ട്ടു​കു​ത്തി​യ മ​ഹാ​ദി​നം. ആ​ക്ഷേ​പി​ച്ചും അ​ടി​ച്ച​മ​ർ​ത്തി​യും തു​റു​ങ്കി​ല​ട​ച്ചും എ​ത്ര​യൊ​ക്കെ ത​ക​ർ​ക്കാ​ൻ ശ്ര​മി​ച്ചി​ട്ടും പ​ത​റാ​തെ ത​ള​രാ​തെ നി​ന്ന് പൊ​രു​തി​യ ക​ർ​ഷ​ക​സ​മൂ​ഹ​മേ, ആ​ദ​രാ​ഭി​വാ​ദ്യ​ങ്ങ​ൾ. ഇ​ന്ത്യ​ൻ ജ​ന​ത​യും ജ​നാ​ധി​പ​ത്യ​വും നി​ങ്ങ​ളോ​ട് ക​ട​പ്പെ​ട്ടി​രി​ക്കു​ന്നു.

വി​ല​പേ​ശാ​നും വി​ല​ക്കെ​ടു​ക്കാ​നും ആ​വു​ന്ന​തെ​ല്ലാം ചെ​യ്തു​നോ​ക്കി​യി​രു​ന്നു സ​ർ​ക്കാ​ർ. വി​ല​പ്പോ​വി​ല്ലെ​ന്നു ക​ണ്ട​പ്പോ​ൾ ഒ​റ്റു​കാ​രെ ക​ട​ത്തി​വി​ട്ട് ത​ക​ർ​ക്കാ​നും ശ്രമിച്ചു. ​രാ​ജ്യ​ത്തി​ന്​ അ​ന്ന​മൂ​ട്ടു​ന്ന മ​നു​ഷ്യ​രെ കി​ട​ങ്ങു​കു​ഴി​ച്ചും മു​ള്ളു​വേ​ലി കെ​ട്ടി​യും ക​​െണ്ടയ്​നർ മതിലുപണിതും ശ​ത്രു​രാ​ജ്യ സൈ​നി​ക​രെ​യെ​ന്ന​പോ​ലെ ത​ല​സ്​​ഥാ​ന​ന​ഗ​രി​യി​ൽ പ്ര​വേ​ശി​ക്കാ​ന​നു​വ​ദി​ക്കാ​തെ ത​ട​ഞ്ഞു. റി​പ്പ​ബ്ലി​ക്​​ദി​ന ട്രാ​ക്​​ട​ർ റാ​ലി​യി​ൽ നു​ഴ​ഞ്ഞു​ക​യ​റി അ​ക്ര​മ​ങ്ങ​ളു​ണ്ടാ​ക്കി അ​തി​െ​ൻ​റ മ​റ​വി​ലും സമരക്കാരെ വേ​ട്ട​യാ​ടി. ഇ​ന്ത്യ​ക്കെതിരെ വി​ദേ​ശ​സ​ഹാ​യം പ​റ്റി ഗൂ​ഢാ​ലോ​ച​ന ന​ട​ത്തു​ന്ന വി​ഘ​ട​ന​വാ​ദി​ക​ളെ​ന്ന്​ ആ​ക്ഷേ​പി​ച്ചു. യു.​പി​യി​ലെ ല​ഖിം​പു​ർ ഖേ​രി​യി​ൽ സ​മ​രം​ചെ​യ്​​ത ക​ർ​ഷ​ക​രെ വാ​ഹ​നം ക​യ​റ്റി അ​റു​കൊ​ല ചെ​യ്​​ത ​സം​ഭ​വ​ത്തി​ൽ കേ​ന്ദ്ര ആ​ഭ്യ​ന്ത​ര സ​ഹ​മ​ന്ത്രി​യു​ടെ സ​ൽ​പു​ത്ര​നാ​ണ്​ പ്ര​തി​സ്​​ഥാ​ന​ത്ത്. ത​മ​സ്​​ക​രി​ച്ചി​ട്ടും തോ​ൽ​പി​ക്കാ​നാ​വു​ന്നി​ല്ലെ​ന്നു​ ക​ണ്ട​പ്പോ​ൾ മ​ടി​ത്ത​ട്ട്​ മാ​ധ്യ​മ​ങ്ങ​ളെ ഉ​പ​യോ​ഗി​ച്ച്​ ക​ള്ള​ക്ക​ഥ​ക​ൾ പ്ര​ച​രി​പ്പി​ച്ചു.

പാ​ർ​ല​മെ​ൻ​റി​ൽ കൃ​ത്യ​മാ​യി ച​ർ​ച്ച​പോ​ലും ചെ​യ്യാ​​തെ ബ​ലാ​ൽ​ക്കാ​ര​മാ​യി ന​ട​പ്പാ​ക്കു​ന്ന നി​യ​മ​ങ്ങ​ൾ രാ​ജ്യ​ത്തി​െ​ൻ​റ പ​ര​മാ​ധി​കാ​ര​ത്തി​നു​ത​ന്നെ ഭീ​ഷ​ണി​യാ​ണെ​ന്നും അ​വ പി​ൻ​വ​ലി​ക്കാ​തെ പി​ന്നോ​ട്ടി​ല്ലെ​ന്നും ഉ​റ​ച്ചു പ്ര​ഖ്യാ​പി​ച്ചി​രു​ന്നു ക​ർ​ഷ​ക​ർ. വ്യ​ത്യ​സ്​​ത വി​ശ്വാ​സ-​ആ​ശ​യ​ധാ​ര​ക​ൾ പി​ൻ​പ​റ്റു​ന്ന, പ​ല ഭാ​ഷ​ക​ൾ മൊ​ഴി​യു​ന്ന, പ​ല ധാ​ന്യ​ങ്ങ​ൾ വി​ള​യി​ക്കു​ന്ന ആ ​മ​നു​ഷ്യ​ർ വി​പ്ല​വ​ഗീ​ത​ങ്ങ​ളും ഭഗവദ്​ഗീതയും ഗു​രു​വാ​ണി​യും ഖു​ർ​ആ​നും ബൈബിൾ വചനങ്ങളും ഉ​രു​വി​ട്ട്​ തോ​ളോ​ടു​തോ​ൾ​ചേ​ർ​ന്നു​ നി​ന്നു. പേ​മാ​രി​ക്കും പൊ​രി​വേ​ന​ലി​നു​മെ​ന്ന​ല്ല മ​ഹാ​മാ​രി​ക്ക​​ു​പോ​ലും അ​വ​രെ വേ​ർ​പെ​ടു​ത്താ​നാ​യി​ല്ല. സ​മ​ര​ഭൂ​മി​യി​ൽ സ്​​നേ​ഹ​ത്തിെ​ൻ​റ​യും സാ​ഹോ​ദ​ര്യ​ത്തി​െ​ൻ​റ​യും തൈ​ക​ൾ നാ​മ്പി​ട്ടു. മാ​ര​ണ നി​യ​മ​ങ്ങ​ളും ജ​ന​വി​രു​ദ്ധ ന​യ​ങ്ങ​ളും​കൊ​ണ്ട് ശ്വാ​സം​മു​ട്ടു​ന്ന ഇ​ന്ത്യ​ക്ക് അ​ത്​ പു​തു​ശ്വാ​സം പ​ക​ർ​ന്നു.

വ​നി​ത​ക​ളു​ടെ വ​ർ​ധി​ത​മാ​യ പ​ങ്കാ​ളി​ത്ത​മാ​യി​രു​ന്നു മ​റ്റൊ​രു സ​വി​ശേ​ഷ​ത. എ​ല്ലു​മു​റി​യെ പാ​ട​ത്ത്​ പ​ണി​യെ​ടു​ത്ത്​ ധാ​ന്യ​പ്പു​ര​ക​ൾ നി​റ​ക്കു​േ​മ്പാ​ഴും ദൃ​ശ്യ​ത ല​ഭി​ക്കാ​തെ പോ​വു​ന്ന, ക​ർ​ഷ​ക​ജ​ന​ത​യു​ടെ പാ​തി​യി​ലേ​റെ വ​രു​ന്ന സ്​​ത്രീ​സ​മൂ​ഹം ഈ ​സ​മ​ര​ത്തിെ​ൻ​റ മു​ഖ​ങ്ങ​ളാ​യി മാ​റി. പ​ഞ്ചാ​ബി​ൽ​നി​ന്ന്​ ട്രാ​ക്​​ട​റോ​ടി​ച്ച്​ സിം​ഘു, ടി​ക്​​രി അ​തി​ർ​ത്തി​ക​ളി​ലേ​ക്കു​ വ​ന്ന വ​യോ​ധി​ക​മാ​ർ മു​ത​ൽ കേ​ര​ള​ത്തി​ൽ​നി​ന്നെ​ത്തി​യ വി​ദ്യാ​ർ​ഥി​നി​ക​ൾ വ​രെ ആ ​ക​രു​ത്തു​റ്റ ശൃം​ഖ​ല​യി​ലെ ക​ണ്ണി​ക​ളാ​യി.

ആ​ദ്യ​വ​സാ​നം കൃ​ഷി​യു​ടെ രാ​ഷ്​​ട്രീ​യം പ​റ​ഞ്ഞ സ​മ​ര​ത്തി​െൻ​റ മു​ൻ​നി​ര​യി​ൽ നി​ന്ന്​ നേ​ട്ടം കൊ​യ്യാ​നെ​ത്തു​ന്ന പ്ര​ഖ്യാ​പി​ത മു​ഖ്യ​ധാ​ര രാ​ഷ്​​ട്രീ​യ​ക്കാ​രെ അ​ക​റ്റി​നി​ർ​ത്താ​നു​ള്ള സാ​മ​ർ​ഥ്യം അ​വ​ർ കാ​ണി​ച്ചു. എ​ന്നി​രി​ക്കി​ലും വ​ർ​ഗീ​യ ഫാ​ഷി​സ​വും അ​വ​രു​ടെ ഒ​ളി​സൈ​ന്യ​ങ്ങ​ളു​മൊ​ഴി​കെ ഇ​ന്ത്യ​യി​ലെ ചെ​റു​തും വ​ലു​തു​മാ​യ എ​ല്ലാ രാ​ഷ്​​ട്രീ​യ-​സാം​സ്​​കാ​രി​ക കൂട്ടായ്​മക​ളും ക​ർ​ഷ​ക​രു​ടെ പി​ന്നി​ൽ അ​ണി​നി​ന്നു. ക​ർ​ഷ​ക​സ​മ​ര​ത്തി​ന്​ പി​ന്തു​ണ പ്ര​ഖ്യാ​പി​ച്ച്​ രാ​ജ്യ​ത്തെ തൊ​ഴി​ലാ​ളി സം​ഘ​ട​ന​ക​ൾ ന​ട​ത്തി​യ പൊ​തു​പ​ണി​മു​ട​ക്കി​ൽ ആ ​ഐ​ക്യ​ബോ​ധം പ്ര​ക​ട​മാ​യി​രു​ന്നു. ഉ​ത്ത​ർ​പ്ര​ദേ​ശി​ൽ ബി.​ജെ.​പി​ക്ക്​ അ​ധി​കാ​രം വീ​ണ്ടെ​ടു​ക്കാ​ൻ വ​ഴി​തു​റ​ന്നു​കൊ​ടു​ത്ത 2013ലെ ​മു​സ​ഫ​ർ​ന​ഗ​ർ ക​ലാ​പ​ത്തി​ന്​ എ​ട്ടു​വ​ർ​ഷ​ങ്ങ​ൾ​ക്കി​പ്പു​റം പ​ര​സ്യ​മാ​യി പ്രാ​യ​ശ്ചി​ത്വം ചെ​യ്യു​ന്ന​തി​നു​പോ​ലും വേ​ദി​യാ​യി എ​ന്ന​റി​യു​േ​മ്പാ​ഴാ​ണ്​ ക​ർ​ഷ​ക​സ​മ​രം ഇ​ന്ത്യ എ​ന്ന ആ​ശ​യ​ത്തി​ന്​ എ​ത്ര​മാ​ത്രം ക​രു​ത്തേ​കി​യെ​ന്ന്​ മ​ന​സ്സി​ലാ​വു​ക. വ്യ​ത്യ​സ്​​ത വി​ഭാ​ഗം ജ​ന​ങ്ങ​ൾ വ​ർ​ഗീ​യ വൈ​ര ചി​ന്ത​ക​ൾ വെ​ടി​ഞ്ഞ്​ ഒ​ന്നി​ക്കു​ന്ന​തി​നെ മ​റ്റെ​ന്തി​നേ​ക്കാ​ളേ​റെ ഭ​യ​പ്പെ​ടു​ന്ന​തു​കൊ​ണ്ടാ​ണ്​ നി​യ​മം പി​ൻ​വ​ലി​ച്ച്​ സ​മ​രം അ​വ​സാ​നി​പ്പി​ക്കാ​ൻ മോ​ദി​യും കൂ​ട്ട​രും ഇപ്പോൾ തയ്യാറായതെ​ന്നും മ​ന​സ്സി​ലാ​ക്കു​ക.

വ​ർ​ഗീ​യ വേ​ർ​തി​രി​വി​ല്ലാ​തെ ജ​ന​വി​രു​ദ്ധ ന​യ​ങ്ങ​ൾ​ക്കെ​തി​രെ ജ​ന​ങ്ങ​ൾ വി​ധി​യെ​ഴു​തി​യാ​ൽ വ​രാ​നി​രി​ക്കു​ന്ന പ​ഞ്ചാ​ബ്, ഉ​ത്ത​ർ​പ്ര​ദേ​ശ്, ഉ​ത്ത​രാ​ഖ​ണ്ഡ്​ നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ൽ ബി.​ജെ.​പി നി​ലം​പ​രി​ശാ​കു​മെ​ന്ന​ത്​ നൂ​റു​ത​ര​മാ​യി​രു​ന്നു. തെ​ര​ഞ്ഞെ​ടു​പ്പ്​ തി​രി​ച്ച​ടി മു​ന്നി​ൽ​ക​ണ്ടു​ള്ള താ​ൽ​ക്കാ​ലി​ക​മാ​യ പി​ന്മാ​റ്റ​മാ​ണ്​ സ​ർ​ക്കാ​ർ ന​ട​ത്തി​യി​രി​ക്കു​ന്ന​ത്​ എ​ന്ന്​ സ​ന്ദേ​ഹി​ക്കു​ന്ന ഒ​ട്ട​ന​വ​ധി​ പേ​രു​ണ്ട്. മോ​ദി സ​ർ​ക്കാ​റിെ​ൻ​റ പ​ല മു​ൻ​കാ​ല ചെ​യ്​​തി​ക​ൾ അ​തി​നെ സാ​ധൂ​ക​രി​ക്കു​ക​യും ചെ​യ്യു​ന്നു. വി​വാ​ദ നി​യ​മ​ങ്ങ​ൾ പി​ൻ​വ​ലി​ച്ചെ​ന്ന്​ പാ​ർ​ല​മെ​ൻ​റി​ൽ പ്ര​ഖ്യാ​പി​ക്ക​പ്പെ​ടാ​തെ സ​മ​രം നി​ർ​ത്തി​ല്ലെ​ന്ന്​ നേ​താ​ക്ക​ൾ​ത​ന്നെ വ്യ​ക്ത​മാ​ക്കി​യ​തും അ​തു​കൊ​ണ്ടു​ത​ന്നെ.

ഈ ​വേ​ള​യി​ൽ ന​മ്മ​ളോ​ർ​ക്കേ​ണ്ട​ത്​ ക​ർ​ഷ​ക അ​വ​കാ​ശ​പ്പോ​രാ​ട്ട​ത്തി​നു​വേ​ണ്ടി ജീ​വ​ത്യാ​ഗം ചെ​യ്​​ത 671 മ​നു​ഷ്യ​രെ​യാ​ണ്, സ​മ​ര​ത്തെ പി​ന്തു​ണ​ച്ച​തിെ​ൻ​റ പേ​രി​ൽ ക്രൂ​ര​മ​ർ​ദ​ന​ങ്ങ​ളും കേ​സു​ക​ളും നേരിടേ​ണ്ടി​വ​ന്ന നൂ​റു​ക​ണ​ക്കി​നാ​ളു​ക​ളെ​യാ​ണ്. അ​വ​രു​ടെ സ​മ​ർ​പ്പ​ണം പാ​ഴാ​യി​പ്പോ​വി​ല്ലെ​ന്നു​റ​​പ്പി​ക്കേ​ണ്ട​ത്​ ഇ​ന്ത്യ​യി​ലെ രാ​ഷ്​​ട്രീ​യ-​ക​ർ​ഷ​ക-​സാ​മൂ​ഹി​ക പ്ര​സ്​​ഥാ​ന​ങ്ങ​ളാ​ണ്, നാം ​ഓ​രോ​രു​ത്ത​രു​മാ​ണ്.

നി​ശ്ച​യ​ദാ​ർ​ഢ്യ​ത്തോ​ടെ, ഐ​ക്യ​ബോ​ധ​ത്തോ​ടെ പൊ​രു​താ​മെ​ന്നു​റ​പ്പു​ണ്ടെ​ങ്കി​ൽ ഒ​രു ജ​ന​വി​രു​ദ്ധ നി​യ​മ​വും ന​ട​പ്പാ​ക്കാ​നാ​വി​ല്ലെ​ന്ന്​ ക​ർ​ഷ​ക​ർ ന​മ്മെ ബോ​ധ്യ​പ്പെ​ടു​ത്തി​ത്ത​ന്നി​രി​ക്കു​ന്നു. അ​വ​ർ തെ​ളി​ച്ച വ​ഴി​യി​ലൂ​ടെ വേ​ണം ഇ​നി നാം ​ന​ട​ക്കാ​ൻ, മാ​നു​ഷി​ക​ത​യും മൈ​ത്രി​യും കു​ടി​കൊ​ള്ളു​ന്ന മ​തേ​ത​ര ഇ​ന്ത്യ​യെ വീ​ണ്ടെ​ടു​ക്കാ​ൻ.