നി​യ​മം​കൊ​ണ്ട് അ​ട​ച്ച ഭൂ​ത​ത്തെ തു​റ​ന്നു​വി​ട​രു​ത്

ഉ​ത്ത​ർ​പ്ര​ദേ​ശി​ലെ വാ​രാ​ണ​സി​യി​ൽ മു​ഗ​ൾ​ഭ​ര​ണ​കാ​ല​ത്ത് പ​ണി​ത ഗ്യാ​ൻ​വാ​പി പ​ള്ളി നി​ൽ​ക്കു​ന്ന​ഭാ​ഗ​ത്ത് ക്ഷേ​ത്രാ​വ​ശി​ഷ്ട​ങ്ങ​ളു​ണ്ടാ​യി​രു​ന്നോ എ​ന്ന് പ​രി​ശോ​ധി​ക്കാ​ൻ പു​രാ​വ​സ്തു​വ​കു​പ്പി​ന് (എ.​എ​സ്.​ഐ) സു​പ്രീം​കോ​ട​തി​യും അ​നു​മ​തി​ന​ൽ​കി​യി​രി​ക്കു​ന്നു. അ​ത്ത​രം സ​ർ​വേ ന​ട​ത്താ​ൻ അ​നു​വ​ദി​ച്ച ഹൈ​കോ​ട​തി വി​ധി​ക്കെ​തി​രെ അ​ൻ​ജു​മ​ൻ ഇ​ൻ​തി​സാ​മി​യ മ​സ്ജി​ദ് ക​മ്മി​റ്റി സ​മ​ർ​പ്പി​ച്ച അ​പ്പീ​ൽ ത​ള്ളി​യാ​ണ് സു​പ്രീം​കോ​ട​തി​യു​ടെ തീ​ർ​പ്പ്.

സ​ർ​വേ അ​ല​ഹ​ബാ​ദ് ഹൈ​കോ​ട​തി നി​രീ​ക്ഷ​ണ​ത്തി​ന് വി​ധേ​യ​മാ​യി​രി​ക്കു​മെ​ന്ന് കോ​ട​തി പ​റ​യു​ന്നു. എ.​എ​സ്.​ഐ ന​ൽ​കി​യ ഉ​റ​പ്പും കോ​ട​തി രേ​ഖ​പ്പെ​ടു​ത്തി​യി​ട്ടു​ണ്ട്. സ​ർ​വേ ന​ട​ത്താ​ൻ വാ​രാ​ണ​സി ജി​ല്ല കോ​ട​തി ജൂ​ലൈ 21ന് ​ന​ൽ​കി​യ ഉ​ത്ത​ര​വ് ഇ​തോ​ടെ പ​ര​മോ​ന്ന​ത കോ​ട​തി​യും അം​ഗീ​ക​രി​ച്ചി​രി​ക്കു​ന്നു. മ​സ്ജി​ദ് ക​മ്മി​റ്റി നേ​ര​ത്തേ സ​മ​ർ​പ്പി​ച്ച മ​റ്റൊ​രു ഹ​ര​ജി തീ​ർ​പ്പാ​കാ​തെ കി​ട​ക്കു​ന്നു​ണ്ട്. പ​ള്ളി ത​ങ്ങ​ൾ​ക്ക് ആ​രാ​ധ​ന​ക്കാ​യി വി​ട്ടു​ന​ൽ​ക​ണ​മെ​ന്ന നാ​ല് ഹി​ന്ദു​സ്ത്രീ​ക​ളു​ടെ ആ​വ​ശ്യ​ത്തി​ന്മേ​ൽ ത​ർ​ക്ക​വി​ഷ​യ​ങ്ങ​ൾ കൃ​ത്യ​മാ​യി നി​ർ​വ​ചി​ക്കും​മു​മ്പേ വി​ദ​ഗ്ധാ​ഭി​പ്രാ​യം തേ​ടു​ന്ന​തും പ​രാ​തി​ക്കാ​ർ​ക്കു​വേ​ണ്ടി കോ​ട​തി തെ​ളി​വ് ശേ​ഖ​രി​ക്കു​ന്ന​തും ന്യാ​യ​മ​ല്ലെ​ന്ന് മ​സ്ജി​ദ് ക​മ്മി​റ്റി വാ​ദി​ച്ചു. ഈ ​വാ​ദം ഹൈ​കോ​ട​തി​യും സു​പ്രീം​കോ​ട​തി​യും ഇ​പ്പോ​ൾ ത​ള്ളി​യി​രി​ക്കു​ന്നു.

ഞ​ങ്ങ​ൾ മു​മ്പൊ​രു മു​ഖ​പ്ര​സം​ഗ​ത്തി​ൽ പ​റ​ഞ്ഞ​പോ​ലെ, ബാ​ബ​രി മ​സ്ജി​ദി​ന്റെ മ​റ്റൊ​രു പ​തി​പ്പാ​യി ഗ്യാ​ൻ​വാ​പി പ​ള്ളി വ​ള​ർ​ത്ത​പ്പെ​ടു​ക​യാ​ണോ എ​ന്ന ആ​ശ​ങ്ക ശ​ക്തി​പ്പെ​ട്ടു​കൊ​ണ്ടി​രി​ക്കു​ക​യാ​ണ്. ബാ​ബ​രി മ​സ്ജി​ദി​ന്റെ കാ​ര്യ​ത്തി​ൽ കോ​ട​തി​യെ​യും നി​യ​മ​ത്തെ​യും വെ​ല്ലു​വി​ളി​ച്ച് പ​ള്ളി പൊ​ളി​ച്ച​വ​ർ​ക്ക് ഒ​ടു​വി​ൽ സ്ഥ​ല​ത്തി​ന്റെ ഉ​ട​മ​സ്ഥ​ത​യും കു​റ്റ​മു​ക്തി​യും​വ​രെ ല​ഭ്യ​മാ​യ​ത് കോ​ട​തി​യി​ലൂ​ടെ​ത്ത​ന്നെ​യാ​യി​രു​ന്നു. ഇ​ന്ന് ഗ്യാ​ൻ​വാ​പി പ​ള്ളി​ക്കു​മേ​ൽ ഉ​യ​ർ​ത്ത​പ്പെ​ട്ട അ​വ​കാ​ശ​വാ​ദം വ​ഴി പ​ള്ളി​യി​ൽ ന​മ​സ്കാ​ര​നി​യ​ന്ത്ര​ണ​വും സ​ർ​വേ അ​നു​മ​തി​യും വ​രെ ആ​യി​ക്ക​ഴി​ഞ്ഞ​തും കോ​ട​തി​യു​ടെ​ത​ന്നെ മു​ൻ നി​ല​പാ​ടി​ന്റെ ലം​ഘ​ന​മാ​ണെ​ന്ന് നി​യ​മ​ജ്ഞ​ർ ചൂ​ണ്ടി​ക്കാ​ട്ടു​ന്നു​ണ്ട്.

1991ലെ ​ആ​രാ​ധ​നാ​ല​യ സം​ര​ക്ഷ​ണ​നി​യ​മം നി​യ​മ​ജ്ഞ​രു​ടെ​യും കോ​ട​തി​ക​ളു​ടെ​യും -സു​പ്രീം​കോ​ട​തി​യു​ടേ​ത​ട​ക്കം- തു​റ​ന്ന പ്ര​ശം​സ പ​ല​കു​റി നേ​ടി​യ ഒ​ന്നാ​ണ്. രാ​ജ്യ​ത്തെ എ​ല്ലാ ആ​രാ​ധ​നാ​ല​യ​ങ്ങ​ളു​ടെ​യും മ​ത​സ്വ​ഭാ​വം 1947 ആ​ഗ​സ്റ്റ് 15 എ​ന്ന തീ​യ​തി​യി​ലേ​താ​യി​രി​ക്കു​മെ​ന്നും അ​തി​ൽ ഒ​രു മാ​റ്റ​വും വ​രു​ത്തി​ക്കൂ​ടെ​ന്നു​മാ​ണ് ആ ​നി​യ​മം പ​റ​ഞ്ഞ​ത്. ബാ​ബ​രി പ​ള്ളി​യെ മാ​ത്രം ഈ ​നി​യ​മ​ത്തി​ൽ​നി​ന്ന് ഒ​ഴി​വാ​ക്കി. മ​സ്ജി​ദു​ക​ള​ട​ക്കം മ​റ്റ് ആ​രാ​ധ​നാ​ല​യ​ങ്ങ​ൾ​ക്കു​മേ​ൽ അ​വ​കാ​ശ​വാ​ദ​മു​ന്ന​യി​ക്കാ​ൻ നി​യ​മ​പ​ര​മാ​യി സാ​ധി​ക്കി​ല്ലെ​ന്നും വാ​രാ​ണ​സി​യും മ​ഥു​ര​യു​മ​ട​ക്ക​മു​ള്ള പ​ള്ളി​ക​ൾ​ക്ക് ഈ ​നി​യ​മ​വി​ല​ക്ക് ബാ​ധ​ക​മാ​കു​മെ​ന്നും അ​ന്ന് വ്യ​ക്ത​മാ​ക്ക​പ്പെ​ട്ടു. നി​യ​മം നി​ർ​മി​ക്ക​പ്പെ​ട്ട​തി​ന്റെ തൊ​ട്ട​ടു​ത്ത​വ​ർ​ഷം ബാ​ബ​രി പ​ള്ളി ത​ക​ർ​ത്ത ചെ​യ്തി​യെ ‘കു​റ്റ​കൃ​ത്യ’​മെ​ന്ന് പി​ന്നീ​ട് 2019ലെ ​ഉ​ത്ത​ര​വി​ൽ സു​പ്രീം​കോ​ട​തി വി​ശേ​ഷി​പ്പി​ച്ചു; ഒ​പ്പം, 1991ലെ ​നി​യ​മ​ത്തെ പു​ക​ഴ്ത്തു​ക​യും മ​ത​ങ്ങ​ൾ ത​മ്മി​ൽ സ​മ​ത്വം പു​ല​ർ​ത്താ​ൻ ഭ​ര​ണ​കൂ​ട​ത്തി​നു​ള്ള ഭ​ര​ണ​ഘ​ട​നാ​പ​ര​മാ​യ ബാ​ധ്യ​ത പ്രാ​വ​ർ​ത്തി​ക​മാ​ക്കു​ന്ന​തി​ന് ഈ ​നി​യ​മം കൊ​ണ്ട് ക​ഴി​യു​മെ​ന്ന് ചൂ​ണ്ടി​ക്കാ​ട്ടു​ക​യും ചെ​യ്തു.

‘ഭ​ര​ണ​ഘ​ട​ന​യു​ടെ അ​ടി​സ്ഥാ​ന​ശി​ല​യാ​യ മ​ത​നി​ര​പേ​ക്ഷ​ത സം​ര​ക്ഷി​ക്കാ​നു​ള്ള നി​യ​മ ഉ​പ​ക​ര​ണ’​മാ​യി​ട്ടാ​ണ് കോ​ട​തി അ​തി​നെ ക​ണ്ട​ത്. ഈ ​നി​യ​മം നി​ല​നി​ൽ​ക്കെ ‘പു​തി​യ ത​ർ​ക്ക​ങ്ങ​ൾ​ക്കും നി​യ​മ​വ്യ​വ​ഹാ​ര​ങ്ങ​ൾ​ക്കും’ ഇ​നി പ​ഴു​തി​ല്ലെ​ന്ന് 2019ൽ ​സു​പ്രീം​കോ​ട​തി വ്യ​ക്ത​മാ​ക്കു​ക​കൂ​ടി ചെ​യ്തു. അ​തു​കൊ​ണ്ടു​ത​ന്നെ വാ​രാ​ണ​സി​യാ​യാ​ലും മ​ഥു​ര​യാ​യാ​ലും മ​റ്റെ​ങ്ങാ​യാ​ലും ആ​രാ​ധ​നാ​ല​യ​ങ്ങ​ൾ​ക്ക് മേ​ലു​ണ്ടാ​കു​ന്ന അ​വ​കാ​ശ​വാ​ദ​ങ്ങ​ൾ തു​ട​ക്ക​ത്തി​ലേ ത​ള്ളി​ക്ക​ള​യാ​ൻ കോ​ട​തി​ക​ൾ​ക്ക് ക​ഴി​യേ​ണ്ട​താ​യി​രു​ന്നു. പ​ക്ഷേ, അ​യോ​ധ്യ​വി​ധി​യി​ൽ സു​പ്രീം​കോ​ട​തി വാ​നോ​ളം പ്ര​ശം​സി​ച്ച 1991ലെ ​നി​യ​മ​ത്തെ തോ​ൽ​പി​ക്കാ​ൻ കോ​ട​തി​യെ​ത്ത​ന്നെ ഉ​പ​യോ​ഗി​ക്കു​ക​യാ​ണ് ചി​ല​ർ. വ​രാ​നി​രി​ക്കു​ന്ന പൊ​തു​തെ​ര​ഞ്ഞെ​ടു​പ്പി​ന്റെ താ​ൽ​പ​ര്യ​വും ഇ​തി​ന് പി​ന്നി​ലു​ണ്ടെ​ന്ന് ക​രു​ത​ണം.

‘ആ​രാ​ധ​നാ​ല​യ​ങ്ങ​ളു​ടെ മ​ത​സ്വ​ഭാ​വം മാ​റ്റ​രു​തെ’​ന്ന 1991ലെ ​നി​യ​മ​ത്തി​ലെ വ്യ​ക്ത​മാ​യ വ്യ​വ​സ്ഥ നി​ല​നി​ൽ​ക്കെ, അ​ത് മ​റി​ക​ട​ന്ന​ത് ഒ​രു ദു​ർ​വ്യാ​ഖ്യാ​ന​ത്തി​ലൂ​ടെ​യാ​ണെ​ന്ന് ചൂ​ണ്ടി​ക്കാ​ട്ട​പ്പെ​ടു​ന്നു. ആ​രാ​ധ​നാ​സ്വാ​ത​ന്ത്ര്യ​ത്തി​ന് മാ​ത്ര​മാ​ണ് അ​പേ​ക്ഷ​യെ​ന്നും മ​സ്ജി​ദ് ക്ഷേ​ത്ര​മാ​ക്കി മ​ത​സ്വ​ഭാ​വം മാ​റ്റാ​ന​ല്ലെ​ന്നു​മാ​ണ് പ​രാ​തി​ക്കാ​ർ ആ​ദ്യം വാ​ദി​ച്ച​ത്. ഈ ​അ​പേ​ക്ഷ ഫ​യ​ലി​ൽ സ്വീ​ക​രി​ക്ക​പ്പെ​ട്ട​തോ​ടെ, ക്ഷേ​ത്രം ത​ക​ർ​ത്താ​ണോ പ​ള്ളി നി​ർ​മി​ച്ച​ത് എ​ന്ന​റി​യാ​ൻ പു​രാ​വ​സ്തു​വ​കു​പ്പ് സ​ർ​വേ ന​ട​ത്ത​ണ​മെ​ന്ന ആ​വ​ശ്യ​മു​യ​ർ​ത്തി.

ഇ​ത് അ​നു​വ​ദി​ക്കു​ക​യെ​ന്നാ​ൽ ‘മ​ത​സ്വ​ഭാ​വം’ മാ​റ്റാ​വു​ന്ന​ത​ര​ത്തി​ൽ വ്യ​വ​ഹാ​രം അ​നു​വ​ദി​ക്കു​ക എ​ന്നാ​ണ​ർ​ഥം. നി​യ​മം ന​ട​പ്പി​ൽ​വ​രു​ത്താ​ൻ ബാ​ധ്യ​സ്ഥ​മാ​യ ജു​ഡീ​ഷ്യ​റി നി​യ​മ​ത്തി​ലി​ല്ലാ​ത്ത ചെ​റി​യ പ​ഴു​തു​പോ​ലും ന​ൽ​കി​യാ​ൽ പി​ന്നീ​ട് നി​യ​ന്ത്രി​ക്കാ​നാ​വാ​ത്ത സാ​മൂ​ഹി​ക-​രാ​ഷ്ട്രീ​യ-​സാ​മു​ദാ​യി​ക പ്ര​ശ്ന​മാ​യി അ​ത് വ​ള​രു​മെ​ന്ന് ബാ​ബ​രി ത​ക​ർ​ക്ക​ലെ​ന്ന ‘കു​റ്റ​കൃ​ത്യം’ കാ​ണി​ച്ചു​ത​ന്ന​താ​ണ്. ദു​രു​ദ്ദേ​ശ്യ​ത്തോ​ടെ​യു​ള്ള ത​ർ​ക്ക​ങ്ങ​ൾ​ക്ക് കോ​ട​തി​ക​ൾ നി​യ​മ​ത്തി​ലി​ല്ലാ​ത്ത പ​ഴു​ത് ന​ൽ​കി​യാ​ൽ പി​ന്നെ നി​യ​മ​വാ​ഴ്ച​ക്കെ​ന്ത​ർ​ഥ​മാ​ണു​ണ്ടാ​വു​ക? മ​ഥു​ര​യി​ൽ ഒ​രു കോ​ട​തി, അ​വി​ട​ത്തെ ശാ​ഹി ഈ​ദ്ഗാ​ഹി​ന്റെ കാ​ര്യ​ത്തി​ൽ 1991ലെ ​നി​യ​മം ബാ​ധ​ക​മ​ല്ലെ​ന്ന് ഈ​യി​ടെ പ​റ​ഞ്ഞ​തും ഒ​രു സൂ​ച​ന​യാ​ണ്. നി​യ​മം ത​ക​ർ​ക്കാ​ൻ അ​നു​വ​ദി​ക്കു​ന്ന​ത്, പ​ള്ളി മാ​ത്ര​മ​ല്ല, സ്വ​സ്ഥ​ത​യും രാ​ഷ്ട്ര​വു​മെ​ല്ലാം ത​ക​ർ​ക്കു​ന്ന​തി​ലേ​ക്കാ​ണ് ന​യി​ക്കു​ക​യെ​ന്ന് ഓ​ർ​ക്ക​ണം. സു​പ്രീം​കോ​ട​തി​യു​ടെ സ​വി​ശേ​ഷ ശ്ര​ദ്ധ​യും ഇ​ട​പെ​ട​ലും ഇ​തി​ൽ ഇ​നി​യെ​ങ്കി​ലും ഉ​ണ്ടാ​ക​ണം.