ബീ​ഫി​ന്റെ മ​റ​വി​ലെ മ​നു​ഷ്യാ​വ​കാ​ശ ലം​ഘ​നം

പ്ര​തി​ദി​നം അ​ഞ്ച് ല​ക്ഷം ലി​റ്റ​റി​ലേ​റെ​യാ​ണ് ഇ​ന്ത്യ​യി​ലെ വ​ട​ക്കു​കി​ഴ​ക്ക​ൻ സം​സ്ഥാ​ന​ങ്ങ​ളി​ലൊ​ന്നാ​യ അ​സ​മി​ലെ മ​ദ്യ ഉ​പ​ഭോ​ഗം. വി​ദേ​ശി​യും സ്വ​ദേ​ശി​യും നാ​ട​നു​മ​ട​ങ്ങി​യ മ​ദ്യം കു​ടി​ക്കു​ന്ന​തി​ൽ സ്ത്രീ​ക​ളും പു​രു​ഷ​ന്മാ​രും ഒ​രു​പോ​ലെ മു​ന്നി​ലാ​ണ്. ഇ​വ​ർ​ക്ക് പു​റ​മെ, സ്കൂ​ൾ വി​ദ്യാ​ർ​ഥി​ക​ള​ട​ക്ക​മു​ള്ള കൗ​മാ​ര​ക്കാ​ർ​ക്കി​ട​യി​ലും മ​ദ്യ​പ​രു​ടെ എ​ണ്ണ​ത്തി​ൽ വ​ലി​യ വ​ർ​ധ​ന​യാ​ണു​ള്ള​ത്. മ​ദ്യ​ശാ​ല​ക​ളി​ലോ പൊ​തു ഇ​ട​ങ്ങ​ളി​ലോ മ​ദ്യം വി​ള​മ്പു​ന്ന​തി​നോ ഉ​പ​യോ​ഗി​ക്കു​ന്ന​തി​നോ സം​സ്ഥാ​ന​ത്ത് എ​ന്തെ​ങ്കി​ലും നി​യ​ന്ത്ര​ണ​ങ്ങ​ളി​ല്ലെ​ന്ന് മാ​ത്ര​മ​ല്ല, ക​ഴി​ഞ്ഞ ആ​ഘോ​ഷ​വേ​ള​യി​ൽ ഉ​പ​യോ​ക്താ​ക്ക​ളെ സ​ന്തോ​ഷി​പ്പി​ക്കു​ന്ന​തി​നും പ്രോ​ത്സാ​ഹി​പ്പി​ക്കു​ന്ന​തി​നു​മാ​യി മ​ദ്യ​വി​ല കു​റ​ച്ച് ഉ​ത്ത​ര​വി​റ​ക്കു​ക പോ​ലും ചെ​യ്തി​രു​ന്നു സ​ർ​ക്കാ​ർ. എ​ന്നാ​ൽ, ഇ​ന്നാ​ട്ടി​ൽ ഇ​ക്ക​ഴി​ഞ്ഞ​യാ​ഴ്ച മു​ത​ൽ റ​സ്റ്റാ​റ​ന്റു​ക​ളി​ലും പൊ​തു​സ്ഥ​ല​ങ്ങ​ളി​ലും ബീ​ഫ് വി​ള​മ്പു​ന്ന​തും ക​ഴി​ക്കു​ന്ന​തും കു​റ്റ​ക​ര​മാ​ണ്. ഭ​ക്ഷ​ണ​ശാ​ല​ക​ളി​ലെ മെ​നു​വി​ൽ​നി​ന്ന് മാ​ത്ര​മ​ല്ല, ക​ല്യാ​ണ വി​രു​ന്നു​ക​ളി​ൽ​നി​ന്നും ആ​രാ​ധ​നാ​ല​യ​ങ്ങ​ളി​ലെ ഭ​ക്ഷ​ണ വി​ത​ര​ണ​ത്തി​ൽ ​നി​ന്നു​മെ​ല്ലാം ബീ​ഫ് ഒ​ഴി​വാ​ക്കേ​ണ്ടി​വ​രും. ഹി​ന്ദു, ജൈ​ന, സി​ഖ് സ​മൂ​ഹ​ങ്ങ​ൾ ഭൂ​രി​പ​ക്ഷ​മു​ള്ള മേ​ഖ​ല​ക​ളി​ലും ക്ഷേ​ത്ര​ങ്ങ​ളു​ടെ​യും സ​ന്യാ​സ​മ​ഠ​ങ്ങ​ളു​ടെ​യും അ​ഞ്ച് കി​ലോ​മീ​റ്റ​ർ ചു​റ്റ​ള​വി​ലും ബീ​ഫ് വി​ൽ​പ​നയും ഉ​പ​യോ​ഗ​വും നി​രോ​ധി​ച്ചി​രു​ന്ന 2021ലെ ​ക​ന്നു​കാ​ലി സം​ര​ക്ഷ​ണ നി​യ​മം ഭേ​ദ​ഗ​തി ചെ​യ്താ​ണ് സം​സ്ഥാ​ന​മൊ​ട്ടു​ക്കു​ള്ള പൊ​തു​സ്ഥ​ല​ങ്ങ​ളി​ലേ​ക്ക് വി​ല​ക്ക് വ്യാ​പി​പ്പി​ച്ച​ത്. സാം​സ്കാ​രി​ക​വും ച​രി​ത്ര​പ​ര​വു​മാ​യ പ​ശ്ചാ​ത്ത​ല​ത്തി​ൽ അ​സ​മി​ന്റെ സ​നാ​ത​ന പാ​ര​മ്പ​ര്യ​ങ്ങ​ളു​ടെ മൂ​ല്യ​ങ്ങ​ൾ സം​ര​ക്ഷി​ക്കു​ക എ​ന്ന സ​ർ​ക്കാ​ർ നി​ല​പാ​ട് ഊ​ട്ടി ഉ​റ​പ്പി​ക്കു​ന്ന​താ​ണ് ഈ ​ന​ട​പ​ടി​യെ​ന്നാ​ണ് മു​ഖ്യ​മ​​ന്ത്രി ഹി​മ​ന്ദ ബി​ശ്വ ശ​ർ​മ​യു​ടെ അ​വ​കാ​ശ​വാ​ദം. ഒ​ന്നു​കി​ൽ ബീ​ഫ് നി​രോ​ധ ന​ട​പ​ടി​യെ പി​ന്തു​ണ​ക്കു​ക, അ​ല്ലാ​ത്ത​പ​ക്ഷം പാ​കി​സ്താ​നി​ലേ​ക്ക് പോ​വു​ക എ​ന്നാ​ണ് സം​സ്ഥാ​ന മ​ന്ത്രി പി​ജു​ഷ് ഹ​സാ​രി​ക പ്ര​തി​പ​ക്ഷ​മാ​യ കോ​ൺ​ഗ്ര​സി​ന് ന​ൽ​കി​യ തീ​ട്ടൂ​രം.

ച​രി​ത്ര​പ​ര​മാ​യ തീ​രു​മാ​നം എ​ന്നു പ​റ​ഞ്ഞ ബി.​ജെ.​പി വ​ക്താ​വ് സു​ഭാ​ഷ് ദ​ത്ത അ​സം മ​റ്റു സം​സ്ഥാ​ന​ങ്ങ​ൾ​ക്ക് മാ​തൃ​ക​യാ​വു​ക​യാ​ണെ​ന്നും പ​റ​ഞ്ഞു​വെ​ച്ചു. മ​ദ്റ​സ, ഹി​ജാ​ബ് തു​ട​ങ്ങി മു​സ്‍ലിം​ക​ളു​മാ​യി ബ​ന്ധ​മു​ള്ള​തെ​ന്തും നി​രോ​ധി​ച്ചും അ​ടി​ച്ചു ത​ക​ർ​ത്തും വെ​ള്ള​പ്പൊ​ക്ക​ത്തി​ലും കൃ​ഷി​നാ​ശ​ത്തി​ലും​വ​രെ ജി​ഹാ​ദ് ആ​രോ​പി​ച്ചും താ​നാ​ണ് രാ​ജ്യ​ത്തെ ഏ​റ്റ​വും കാ​ര്യ​പ്രാ​പ്തി​യു​ള്ള ഹി​ന്ദു​ത്വ​വാ​ദി എ​ന്ന് തെ​ളി​യി​ക്കാ​ൻ ആ​ഞ്ഞു ശ്ര​മി​ച്ചു​കൊ​ണ്ടി​രി​ക്കു​ന്ന മു​ൻ കോ​ൺ​ഗ്ര​സ് നേ​താ​വാ​യ ഹി​മ​ന്ദ​യു​ടെ പു​തി​യ ന​ട​പ​ടി​യു​ടെ പി​ന്നി​ലെ ചേ​തോ​വി​കാ​ര​മെ​ന്തെ​ന്ന​റി​യാ​ൻ ബ്ര​ഹ്മ​പു​ത്ര ക​ട​വ് വ​രെ​ പോകേ​ണ്ട​തി​ല്ല. ഈ​യി​ടെ ന​ട​ന്ന ഒ​രു നി​യ​മ​സ​ഭ ​ഉ​പ​തെ​ര​ഞ്ഞെ​ടു​പ്പി​ൽ മു​സ്‍ലിം മേ​ഖ​ല​ക​ളി​ലെ വോ​ട്ട​ർ​മാ​ർ​ക്ക് ബീ​ഫ് വാ​ഗ്ദാ​നം ചെ​യ്യു​ക വ​ഴി ബി.​ജെ.​പി ഹി​ന്ദു​ത്വ ദേ​ശീ​യ​താ അ​ജ​ണ്ട​യി​ൽ വെ​ള്ളം ചേ​ർ​ത്ത​താ​യി കോ​ൺ​ഗ്ര​സ് ആ​രോ​പി​ച്ചി​രു​ന്നു. അ​തി​ന് തൊ​ട്ടു​പി​ന്നാ​ലെ​യാ​ണ് സം​സ്ഥാ​ന​മൊ​ട്ടു​ക്ക് നി​രോ​ധം ഏ​ർ​പ്പെ​ടു​ത്തി​യ പ്ര​ഖ്യാ​പ​നം വ​രു​ന്ന​ത്. പ്ര​തി​പ​ക്ഷം മൃ​ദു​ഹി​ന്ദു​ത്വ അ​ജ​ണ്ട പ​യ​റ്റു​ന്ന​തും പാ​ർ​ട്ടി​യി​ലെ എ​തി​രാ​ളി​ക​ൾ അ​സൂ​യ പ​ര​ത്തു​ന്ന​തും ത​ട​ഞ്ഞ് 2026 ഏ​പ്രി​ലി​ൽ ന​ട​ക്കേ​ണ്ട അ​ടു​ത്ത നി​യ​മ​സ​ഭ തെ​ര​ഞ്ഞെ​ടു​പ്പി​ലും ചോ​ദ്യം ചെ​യ്യ​പ്പെ​ടാ​ത്ത മു​ഖ്യ​മ​ന്ത്രി സ്ഥാ​നാ​ർ​ഥി​യാ​യി തു​ട​രാ​ൻ മു​ൻ​കൂ​ട്ടി ന​ട​ത്തി​യ ഏ​റാ​ണി​ത്.

പ​ക്ഷേ, സം​സ്ഥാ​ന​ത്തി​ന്റെ മൂ​ല്യ​ങ്ങ​ളു​ടെ ഭാ​ഗ​മാ​യി ബീ​ഫ് നി​രോ​ധ​ത്തെ എ​ണ്ണി​പ്പ​റ​യു​ന്ന​തി​ൽ വ​ലി​യ ശ​രി​കേ​ടു​ണ്ട്. കേ​ര​ള​ത്തി​ലേ​തു​പോ​ലെ ത​ന്നെ അ​സ​മ​ട​ക്ക​മു​ള്ള വ​ട​ക്കു​കി​ഴ​ക്ക​ൻ സം​സ്ഥാ​ന​ങ്ങ​ളി​ലെ സാ​ധാ​ര​ണ ഭ​ക്ഷ​ണ​മാ​ണ് ബീ​ഫ്. മു​സ്‍ലിം​ക​ൾ മാ​ത്ര​മ​ല്ല, ദ​ലി​ത​രും ഹി​ന്ദു​ക്ക​ളും ക്രൈ​സ്ത​വ​രും ഗോ​​ത്ര​വി​ഭാ​ഗ​ങ്ങ​ളു​മെ​ല്ലാം ഏ​റെ ഇ​ഷ്ട​ത്തോ​ടെ ക​ഴി​ക്കു​ന്ന, ഏ​റ്റ​വും കു​റ​ഞ്ഞ ചെ​ല​വി​ൽ പ്രോ​ട്ടീ​ൻ ല​ഭ്യ​മാ​ക്കു​ന്ന ആ​ഹാ​രം. ഒ​രു ന്യൂ​ന​പ​ക്ഷ സ​മു​ദാ​യ​ത്തെ ശ​ത്രു​പ​ക്ഷ​ത്ത് നി​ർ​ത്താ​നാ​യി വ്യ​ക്തി-​ആ​ഹാ​ര സ്വാ​ത​ന്ത്ര്യ​ത്തി​നും വി​വി​ധ ദേ​ശ​ങ്ങ​ളു​ടെ ഭ​ക്ഷ​ണ സം​സ്കാ​ര​ത്തി​നും നേ​രെ വെ​ല്ലു​വി​ളി ഉ​യ​ർ​ത്തു​ക​യാ​ണ് ഈ ‘​ച​രി​ത്ര​പ​ര​മാ​യ തീ​രു​മാ​നം’ വ​ഴി അ​സം സ​ർ​ക്കാ​ർ. ബീ​ഫ് നി​രോ​ധ​നത്തി​ന്റെ മ​റ​വി​ൽ ഇ​നി അ​ന്നാ​ട്ടി​ൽ ന​ട​ക്കാ​ൻ പോ​കു​ന്ന അ​തി​ക്ര​മ​ങ്ങ​ളും മ​നു​ഷ്യാ​വ​കാ​ശ ലം​ഘ​ന​ങ്ങ​ളും ആ​ലോ​ചി​ക്കാ​വു​ന്ന​തി​ലും അ​പ്പു​റ​മാ​യി​രി​ക്കും. തൊ​ട്ട​യ​ൽ സം​സ്ഥാ​ന​മാ​യ മേ​ഘാ​ല​യ​യി​ലെ ബി.​ജെ.​പി നേ​താ​ക്ക​ൾ​പോ​ലും അ​സം സ​ർ​ക്കാ​റി​ന്റെ ന​ട​പ​ടി​യെ എ​തി​ർ​ത്ത് രം​ഗ​ത്തു​വ​ന്നി​ട്ടു​ണ്ട്. ബീ​ഫ് അ​ട​ങ്ങു​ന്ന ഭ​ക്ഷ​ണ​ക്ര​മം മേ​ഘാ​ല​യ​യു​ടെ​യും വ​ട​ക്കു​കി​ഴ​ക്ക​ൻ മേ​ഖ​ല​യു​ടെ​യും സാം​സ്കാ​രി​ക സ്വ​ത്വ​ത്തി​​ന്റെ ഒ​ഴി​വാ​ക്കാ​നാ​വാ​ത്ത ഭാ​ഗ​മാ​ണെ​ന്നും താ​ൻ ജീ​വി​ച്ചി​രി​ക്കു​വോ​ളം മേ​ഘാ​ല​യ​യി​ൽ ബീ​ഫ് നി​രോ​ധം സ​മ്മ​തി​ക്കി​ല്ലെ​ന്നു​മാ​ണ് അ​വി​ട​ത്തെ ബി.​ജെ.​പി എം.​എ​ൽ.​എ സാ​ൻ​ബോ​ർ ഷു​ല്ലാ​യ് അ​ഭി​പ്രാ​യ​പ്പെ​ട്ട​ത്.

ബീ​ഫ് നി​രോ​ധി​ച്ചും കൈ​വ​ശം വെ​ച്ച​തി​ന് അ​ടി​ച്ചു​കൊ​ന്നും ത​ങ്ങ​ളു​ടെ അ​ക്ര​മി​സം​ഘ​ങ്ങ​ൾ രാ​ജ്യ​ത്തൊ​ട്ടാ​കെ അ​രാ​ജ​ക​ത്വം പ​ര​ത്തു​മ്പോ​ഴും വി​ദേ​ശ വി​പ​ണി​യി​ൽ ബീ​ഫ് വി​ള​മ്പു​ന്ന​തി​ൽ ഒ​രു വി​ല​ക്കും മു​ട​ക്ക​വും വ​രു​ത്തി​യി​ട്ടി​ല്ല ബി.​ജെ.​പി-​ആ​ർ.​എ​സ്.​എ​സ് ഭ​ര​ണ​കൂ​ട​ങ്ങ​ൾ. 2021-22 വ​ർ​ഷം 3,303.34 ദ​ശ​ല​ക്ഷം ഡോ​ള​റി​ന്റെ ബീ​ഫ് ക​യ​റ്റു​മ​തി​യാ​ണ് ഇ​ന്ത്യ ന​ട​ത്തി​യി​രു​ന്ന​തെ​ങ്കി​ൽ 2023-24 വ​ർ​ഷം അ​ത് 3,740.53 ദ​ശ​ല​ക്ഷം ഡോ​ള​റി​ലേ​ക്ക് ഉ​യ​ർ​ന്ന​താ​യി കേ​ര​ള​ത്തി​ൽ​നി​ന്നു​ള്ള രാ​ജ്യ​സ​ഭാം​ഗം പി.​പി. സു​നീ​ർ ഉ​ന്ന​യി​ച്ച ചോ​ദ്യ​ത്തി​ന് സ​ർ​ക്കാ​ർ ന​ൽ​കി​യ മ​റു​പ​ടി​യി​ൽ വെ​ളി​പ്പെ​ട്ടി​രി​ക്കു​ന്നു. ബീ​ഫി​ന്റെ പേ​രി​ൽ ഏ​റ്റ​വു​മ​ധി​കം മ​നു​ഷ്യ​ർ വേ​ട്ട​യാ​ട​പ്പെ​ടു​ന്ന ആ​ദി​ത്യ​നാ​ഥി​ന്റെ യു.​പി​യാ​ണ് ക​യ​റ്റു​മ​തി​യി​ൽ ഒ​ന്നാം സ്ഥാ​ന​ത്ത്. വീ​ട്ടി​ലെ ഫ്രി​ഡ്ജി​ൽ ബീ​ഫ് സൂ​ക്ഷി​ച്ചെ​ന്നാ​രോ​പി​ച്ച് അ​ഖ്‍ലാ​ഖ് ​എ​ന്ന വ​യോ​ധി​ക​നെ ഹി​ന്ദു​ത്വ ഗു​ണ്ട​ക​ൾ അ​ടി​ച്ചു​കൊ​ന്ന ദാ​ദ്രി​യി​ൽ പു​ര​ൻ ജോ​ഷി എ​ന്ന​യാ​ളു​ടെ കോ​ൾ​ഡ് ​സ്റ്റോ​റേ​ജി​ൽ​നി​ന്ന് ക​ഴി​ഞ്ഞ​മാ​സം ക​ണ്ടെ​ടു​ത്ത​ത് 153 ട​ൺ പ​ശു​വി​റ​ച്ചി​യാ​ണ്. യു.​പി​യി​ലും മ​ധ്യ​പ്ര​ദേ​ശി​ലും മ​ഹാ​രാ​ഷ്ട്ര​യി​ലു​മെ​ല്ലാം വീ​ടു​ക​യ​റി​യും വാ​ഹ​ന​ത്തി​ൽ​നി​ന്ന് അ​ടി​ച്ചി​റ​ക്കി​യും ബീ​ഫി​ന്റെ പേ​രി​ൽ ഹി​ന്ദു​ത്വ​ർ മ​നു​ഷ്യ​വേ​ട്ട ന​ട​ത്തു​​മ്പോ​ൾ​ത​ന്നെ ബി.​ജെ.​പി ഭ​രി​ക്കു​ന്ന ഗോ​വ​യി​ലും അ​രു​ണാ​ച​ൽ പ്ര​ദേ​ശി​ലും ബീ​ഫ് വി​ൽ​പ​ന​ക്ക് വി​ല​ക്കേ​തു​മി​ല്ല താ​നും.

ഒ​രു സം​സ്ഥാ​ന സ​ർ​ക്കാ​ർ ന​ട​പ്പാ​ക്കി​യ, മ​റ്റു പ​ല സം​സ്ഥാ​ന​ങ്ങ​ളും പി​ന്തു​ട​ർ​ന്നേ​ക്കാ​നി​ട​യു​ള്ള ആ​ഹാ​ര സ്വാ​ത​ന്ത്ര്യ​ത്തി​നെ​തി​രാ​യ ക​ടു​ത്ത വെ​ല്ലു​വി​ളി​ക്കെ​തി​രെ ശ​ബ്ദ​മു​യ​ർ​ത്താ​ൻ കോ​ൺ​ഗ്ര​സ് ഉ​ൾ​പ്പെ​ടെ​യു​ള്ള പ്ര​തി​പ​ക്ഷ ക​ക്ഷി​ക​ൾ ശ​ങ്കി​ച്ചു നി​ൽ​ക്കു​ന്ന​ത് അ​പ​ക​ട​ക​ര​മാ​ണ്. ഭ​ര​ണ​ഘ​ട​ന​യെ​യും ബ​ഹു​സ്വ​ര​ത​യെ​യും അ​ട്ടി​മ​റി​ക്കാ​ൻ ഉ​റ​പ്പി​ച്ചി​റ​ങ്ങി​യി​രി​ക്കു​ന്ന സം​ഘ​ത്തി​ന്റെ നീ​ണ്ട പ​ട്ടി​ക​യി​ലെ ആ​ദ്യ​ത്തെ ഒ​രു ഇ​നം മാ​ത്ര​മാ​ണ് ബീ​ഫ് എ​ന്ന് മ​റ​ക്കാ​തി​രി​ക്കു​ക.