സന്തുലനമല്ല, തൂക്കമൊപ്പിക്കൽ

ഇ​ന്ത്യ​ക്ക​ക​ത്തെ മാ​ധ്യ​മ​ങ്ങ​ളി​ൽ ഏ​റെ ആ​ഘോ​ഷി​ക്ക​പ്പെ​ട്ട സം​ഭ​വ​മാ​ണ് പ്ര​ധാ​ന​മ​ന്ത്രി ന​​രേ​ന്ദ്ര മോ​ദി​യു​ടെ യു​ക്രെ​യ്ൻ സ​ന്ദ​ർ​ശ​നം. ഗാ​ന്ധി​ജി​യു​ടെ നാ​ട്ടു​കാ​രാ​ണെ​ന്ന​തി​ൽ അ​ഭി​മാ​നി​ക്കു​ന്നു എ​ന്നും ഇ​ന്ത്യ സ​മാ​ധാ​ന​ത്തി​നു​വേ​ണ്ടി നി​ല​കൊ​ള്ളു​ന്നു​വെ​ന്നും റ​ഷ്യ-​യു​ക്രെ​യ്ൻ യു​ദ്ധം നി​ർ​ത്തി​ക്കാ​ൻ ഇ​ട​പെ​ടാ​ൻ ത​യാ​റാ​ണെ​ന്നു​മു​ള്ള മോ​ദി​യു​ടെ വാ​ക്കു​ക​ൾ ആ​ഗോ​ള​രം​ഗ​ത്ത് ഇ​ന്ത്യ​യു​ടെ യ​ശ​സ്സ് ഉ​യ​ർ​ത്തി​യ​താ​യി വി​ല​യി​രു​ത്ത​പ്പെ​ട്ടു. അ​തേ​സ​മ​യം, മോ​ദി​യു​ടെ യു​ക്രെ​യ്ൻ സ​ന്ദ​ർ​ശ​നം വി​ജ​യ​മ​ല്ലെ​ന്നും അ​തു​കൊ​ണ്ട് ഉ​ദ്ദേ​ശി​ക്ക​പ്പെ​ട്ട ഒ​ന്നും ന​ട​ന്നി​ല്ലെ​ന്നു​മു​ള്ള വി​മ​ർ​ശ​നം മ​റു​പു​റ​ത്തു​മു​ണ്ട്. ഒ​രു​മാ​സം മു​മ്പ് റ​ഷ്യ​യി​ൽ ചെ​ന്ന് പ്ര​സി​ഡ​ന്റ് പു​ടി​നെ ആ​ലിം​ഗ​നം ചെ​യ്ത മോ​ദി​യെ യു​ക്രെ​യ്ൻ പ്ര​സി​ഡ​ന്റ് സെ​ല​ൻ​സ്കി പ​ര​സ്യ​മാ​യി ആ​ക്ഷേ​പി​ച്ചി​രു​ന്നു. പു​ടി​നു​മാ​യി മോ​ദി കൂ​ടി​ക്കാ​ണു​ന്ന​തി​ന് തൊ​ട്ടു​മു​മ്പ് യു​ക്രെ​യ്നി​ലെ കു​ട്ടി​ക​ളു​ടെ ആ​ശു​പ​ത്രി റ​ഷ്യ​ൻ ബോം​ബി​ങ്ങി​ൽ ത​ക​രു​ക​യും മൂ​ന്ന് കു​ട്ടി​ക​ള​ട​ക്കം കൊ​ല്ല​പ്പെ​ടു​ക​യും ചെ​യ്തി​രു​ന്നു. ‘‘ഏ​റ്റ​വും വ​ലി​യ ജ​നാ​ധി​പ​ത്യ രാ​ജ്യ​ത്തി​ന്റെ നേ​താ​വി​താ ഒ​രു ക്രി​മി​ന​ലി​നെ ആ​ലിം​ഗ​നം ചെ​യ്യു​ന്നു’’ എ​ന്നാ​ണ് സെ​ല​ൻ​സ്കി വി​മ​ർ​ശി​ച്ച​ത്.

വൈ​കാ​തെ യു​ക്രെ​യ്ൻ സ​ന്ദ​ർ​ശി​ച്ച് തൂ​ക്ക​മൊ​പ്പി​ക്കാ​നു​ള്ള മോ​ദി​യു​ടെ തീ​രു​മാ​ന​ത്തി​ന് പി​ന്നി​ൽ അ​മേ​രി​ക്ക​യു​ടെ സ​മ്മ​ർ​ദ​മു​ണ്ടെ​ന്ന് നി​രീ​ക്ഷ​ക​ർ പ​റ​യു​ന്നു. റ​ഷ്യ​യു​മാ​യി വ​ല്ലാ​തെ അ​ടു​ക്കു​ന്ന​ത് ഇ​ന്ത്യ​ക്ക് ന​ന്ന​ല്ലെ​ന്ന് യു.​എ​സ് സു​ര​ക്ഷ ഉ​പ​ദേ​ഷ്ടാ​വ് താ​ക്കീ​ത് ചെ​യ്തു. യു.​എ​സ് വി​ദേ​ശ​കാ​ര്യ വ​ക്താ​വും ഇ​ന്ത്യ​യി​ലെ യു.​എ​സ് അം​ബാ​സ​ഡ​റും ഇ​തേ സ്വ​ര​ത്തി​ൽ സം​സാ​രി​ച്ചു. അ​മേ​രി​ക്ക​യു​മാ​യു​ള്ള ച​ങ്ങാ​ത്തം അ​ത്ര ഉ​റ​പ്പി​ക്കേ​​ണ്ടെ​ന്നു​വ​രെ അം​ബാ​സ​ഡ​ർ ഗാ​ർ​സ​റ്റി പ​റ​ഞ്ഞു​വെ​ച്ചു. ഇ​തി​നോ​ട് ഇ​ന്ത്യ രൂ​ക്ഷ​മാ​യി പ്ര​തി​ക​രി​ച്ചെ​ങ്കി​ലും യു​ക്രെ​യ്നി​ലേ​ക്കു​ള്ള തി​ടു​ക്ക​ത്തി​ലു​ള്ള യാ​ത്ര, അ​മേ​രി​ക്ക​യെ പ്രീ​ണി​പ്പി​ക്കാ​ൻ യു​ക്രെ​യ്നെ പ്രീ​ണി​പ്പി​ക്കാ​നു​ള്ള ശ്ര​മം​ത​ന്നെ​യാ​ണെ​ന്ന് നി​രീ​ക്ഷ​ക​ർ അ​ഭി​പ്രാ​യ​പ്പെ​ടു​ന്നു. മോ​ദി റ​ഷ്യ​യി​ലാ​യി​രി​ക്കെ യു​ക്രെ​യ്ൻ ആ​ശു​പ​ത്രി​ക്ക് ബോം​ബി​ട്ട​തു​വ​ഴി റ​ഷ്യ മോ​ദി​യെ അ​വ​ഹേ​ളി​ച്ചു എ​ന്നാ​ണ് സെ​ല​ൻ​സ്കി പ​റ​ഞ്ഞ​ത്. മോ​ദി യു​ക്രെ​യ്നി​ലാ​യി​രി​ക്കെ റ​ഷ്യ അ​വി​ടെ ആ​ക്ര​മ​ണം രൂ​ക്ഷ​മാ​ക്കി​യ​തും ആ ​നി​ല​ക്ക് ഒ​രു സ​ന്ദേ​ശ​മാ​യി​രു​ന്നോ? മോ​ദി​യു​ടെ യു​ക്രെ​യ്ൻ യാ​ത്ര​ക്ക് മു​മ്പ് ആ ​രാ​ജ്യം റ​ഷ്യ​യി​ലേ​ക്ക് ക​ട​ന്നു​ക​യ​റി​യ​തും ഓ​ർ​ക്കു​ക.

രാ​ജ്യാ​ന്ത​ര ചേ​രി​ക​ളി​ൽ​നി​ന്ന് മാ​റി സ്വ​ത​ന്ത്ര നി​ല​പാ​ട് പി​ന്തു​ട​രു​ന്ന രീ​തി​യാ​യി​രു​ന്നു ഇ​ന്ത്യ​ക്ക് മു​മ്പ്. എ​ന്നാ​ൽ, അ​ടു​ത്ത​കാ​ല​ത്താ​യി നി​ല​പാ​ടി​ല്ലാ​യ്മ​യു​ടെ ‘തൂ​ക്ക​മൊ​പ്പി​ക്ക​ലാ’​യി അ​ത് പ​രി​വ​ർ​ത്തി​പ്പി​ക്ക​പ്പെ​ട്ടു എ​ന്ന വി​മ​ർ​ശ​നം അ​പ്ര​സ​ക്ത​മ​ല്ല. മോ​ദി​യു​ടെ റ​ഷ്യ, യു​ക്രെ​യ്ൻ സ​ന്ദ​ർ​ശ​ന​ങ്ങ​ൾ പു​തു​താ​യൊ​രു നേ​ട്ട​വും ഇ​ന്ത്യ​ക്കു​ണ്ടാ​ക്കി​യി​ല്ല എ​ന്നാ​ണ് വി​മ​ർ​ശ​നം. എ​ണ്ണ​ക്കും ആ​യു​ധ​ങ്ങ​ൾ​ക്കും വേ​ണ്ടി ഇ​ന്ത്യ റ​ഷ്യ​യെ ആ​ശ്ര​യി​ക്കു​ന്നു. അ​തേ​സ​മ​യം, റ​ഷ്യ​യോ​ടു​ള്ള വി​ധേ​യ​ത്വ​ത്തെ എ​തി​ർ​ക്കു​ന്ന അ​മേ​രി​ക്ക, ഇ​ന്ത്യ​ൻ വി​ദേ​ശ​ന​യം ത​ങ്ങ​ൾ​ക്ക് വി​ധേ​യ​പ്പെ​ട​ണ​മെ​ന്ന ശാ​ഠ്യ​ത്തി​ലാ​ണ്. ഇ​തി​നി​ട​യി​ൽ രാ​ജ്യ​താ​ൽ​പ​ര്യ​ങ്ങ​ൾ​ക്കൊ​ത്ത് നി​ല​പാ​ടെ​ടു​ക്കാ​ൻ സ​ർ​ക്കാ​റി​ന് ക​ഴി​യു​ന്നു​ണ്ടോ? ഉ​പ​രോ​ധം നേ​രി​ടു​ന്ന റ​ഷ്യ​യി​ൽ​നി​ന്ന് കു​റ​ഞ്ഞ വി​ല​ക്ക് ഇ​ന്ധ​നം കി​ട്ടു​മ്പോ​ഴും വി​ല​ക്കു​റ​വി​ന്റെ ആ​നു​കൂ​ല്യം ജ​ന​ങ്ങ​ളി​ലെ​ത്തു​ന്നി​ല്ല. യു​ക്രെ​യ്നോ​ട് ച​ങ്ങാ​ത്ത​ത്തി​നു​വേ​ണ്ടി സെ​ല​ൻ​സ്കി​യു​ടെ തോ​ളി​ൽ കൈ​വെ​ച്ചു​ന​ട​ക്കു​ന്ന മോ​ദി​യു​ടെ പ​ടം ക​ണ്ട ചി​ല​രെ​ങ്കി​ലും ആ​ശ്ച​ര്യ​ത്തോ​ടെ ചോ​ദി​ക്കു​ന്നു: കാ​ർ​ഗി​ൽ യു​ദ്ധ​കാ​ല​ത്ത് ഈ ​യു​ക്രെ​യ്ൻ പാ​കി​സ്താ​ന് ആ​യു​ധം ന​ൽ​കി​യ​തൊ​ക്കെ മ​റ​ന്നു​പോ​യോ? ഇ​ന്ത്യ റ​ഷ്യ​ക്ക് കൊ​ടു​ക്കു​ന്ന പ​ണം യു​ക്രെ​യ്നി​ൽ ആ​യു​ധ​മാ​യി വീ​ഴു​ന്നു എ​ന്ന് ചൂ​ണ്ടി​ക്കാ​ട്ടു​മ്പോ​ൾ സെ​ല​ൻ​സ്കി​യും ഓ​ർ​ക്കു​ന്നി​ല്ല മ​റ്റൊ​രി​ട​ത്ത് വം​ശ​ഹ​ത്യ ചെ​യ്യു​ന്ന ഇ​സ്രാ​യേ​ലി​നെ പി​ന്തു​ണ​ക്കു​ന്ന​വ​രാ​ണ് ത​ങ്ങ​ളെ​ന്ന്. റ​ഷ്യ​ൻ പ​ട്ടാ​ള​ത്തി​ന്റെ ഭാ​ഗ​മാ​ക്ക​പ്പെ​ട്ട യു​ക്രെ​യ്നി​ൽ യു​ദ്ധം ചെ​യ്യു​ന്ന ഇ​ന്ത്യ​ൻ പൗ​ര​ന്മാ​രു​ടെ പ്ര​ശ്നം പു​ടി​നോ​ട് മോ​ദി ഉ​ന്ന​യി​ച്ചെ​ങ്കി​ലും ഫ​ല​മു​ണ്ടാ​യി​ല്ല.

പ​ഴ​യ ചേ​രി​ചേ​രാ​ന​യം ഈ​യി​ടെ​യാ​യി അ​വ​സ​ര​വാ​ദ​ത്തി​ല​ധി​ഷ്ഠി​ത​മാ​യ പ്രാ​യോ​ഗി​ക​താ​വാ​ദ​മാ​യി മാ​റി​യ​ത് ഇ​ന്ത്യ​ൻ വി​ദേ​ശ​ന​യ​ത്തി​ന്റെ വി​ശ്വാ​സ്യ​ത കു​റ​ക്കു​ന്നു​ണ്ട്. ആ​ദ്യ​ത്തേ​ത് ത​ത്ത്വാ​ധി​ഷ്ഠി​ത സ​ന്തു​ലി​ത​ത്വ​മാ​യി​രു​ന്നു; ഇ​ന്ന് കോ​ർ​പ​റേ​റ്റ് അ​നു​കൂ​ല സാ​ഹ​ച​ര്യ​ങ്ങ​ളൊ​രു​ക്കു​ക മാ​ത്ര​മാ​യി വി​ദേ​ശ​ബ​ന്ധ​ങ്ങ​ൾ മാ​റു​ന്നു. ഇ​റാ​നോ​ടും റ​ഷ്യ​യോ​ടു​മു​ള്ള അ​ടു​പ്പം ഊ​ർ​ജ സു​ര​ക്ഷ​യു​ടെ ഭാ​ഗ​മാ​ണ്. എ​ന്നാ​ൽ, യു.​എ​സി​നോ​ടും ഇ​സ്രാ​യേ​ലി​നോ​ടു​മു​ള്ള അ​ന്ധ​മാ​യ വി​ധേ​യ​ത്വ​ത്തി​ൽ രാ​ജ്യ​താ​ൽ​പ​ര്യം കാ​ണു​ക ​​പ്ര​യാ​സം. ന​മ്മു​ടെ വി​ദേ​ശ ന​യ​ത്തി​ന്റെ മ​റ്റൊ​രു പോ​രാ​യ്മ​യാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്, അ​ക​ലെ​യു​ള്ള രാ​ജ്യ​ങ്ങ​ളോ​ട് പു​ല​ർ​ത്തു​ന്ന സൗ​ഹൃ​ദം അ​യ​ൽ രാ​ജ്യ​ങ്ങ​ളോ​ടു പു​ല​ർ​ത്താ​ൻ ക​ഴി​യു​ന്നി​ല്ല എ​ന്നാ​ണ്. ബം​ഗ്ലാ​ദേ​ശി​ൽ ജ​ന​വി​കാ​രം തി​രി​ച്ച​റി​യാ​തെ സ്വേ​ച്ഛാ​ഭ​ര​ണ​ത്തെ താ​ങ്ങി ഒ​ടു​വി​ൽ രാ​ജ്യം വി​ട്ടോ​ടി​യ ശൈ​ഖ് ഹ​സീ​ന​യെ മ​ന​സ്സി​ല്ലാ​തെ സം​ര​ക്ഷി​ക്കേ​ണ്ടി​വ​രു​ന്ന അ​വ​സ്ഥ​യി​ലാ​ണ് നാം.

​മാ​ല​ദ്വീ​പ്, മ്യാ​ന്മ​ർ, നേ​പ്പാ​ൾ, അ​ഫ്ഗാ​നി​സ്താ​ൻ തു​ട​ങ്ങി​യ നാ​ടു​ക​ളി​ലും ജ​ന​സ​മൂ​ഹ​ങ്ങ​ളി​ൽ ഉ​ണ്ടാ​യി​രു​ന്ന സ​ൽ​പ്പേ​ര് ഇ​ന്ത്യ​ക്ക് ന​ഷ്ട​മാ​കു​ന്നു. ന​രേ​ന്ദ്ര മോ​ദി​യെ വി​മ​ർ​ശി​ക്കു​ന്ന നോം ​ചോം​സ്കി​യു​ടെ വാ​ച​ക​ങ്ങ​ൾ ഗ​വേ​ഷ​ണ പ്ര​ബ​ന്ധ​ത്തി​ൽ ഉ​ൾ​പ്പെ​ട്ട​തി​ന്റെ പേ​രി​ൽ വേ​ട്ട​യാ​ട​പ്പെ​ട്ട് സൗ​ത്ത് ഏ​ഷ്യ​ൻ യൂ​നി​വേ​ഴ്സി​റ്റി​യി​ൽ​നി​ന്ന് രാ​ജി​വെ​ക്കേ​ണ്ടി​വ​ന്ന ശ്രീ​ല​ങ്ക​ൻ ​പ്ര​ഫ​സ​ർ മ​റ്റൊ​രു പ്ര​തീ​ക​മാ​ണ്. ഇ​തേ​സ​മ​യം ചൈ​ന​യു​ടെ കൈ​യേ​റ്റ​ങ്ങ​ൾ ചെ​റു​ക്ക​പ്പെ​ടു​ന്നി​ല്ലെ​ന്ന ആ​ക്ഷേ​പം മ​റ്റൊ​രു വ​ശ​ത്ത്. നി​ല​പാ​ടാ​യി​രു​ന്നു ഇ​ന്ത്യ​ൻ വി​​ദേശ ന​യ​ത്തി​ന്റെ മ​ർ​മം. നി​ല​പാ​ടി​ല്ലാ​യ്മ​യാ​ണ് ഇ​ന്ന് അ​തി​ന്റെ നി​റം കെ​ടു​ത്തു​ന്ന​ത്. ഇ​ത് മാ​റ്റേ​ണ്ട​തു​ണ്ട്.