ലോ​ക​ത്തെ വെ​ല്ലു​വി​ളി​ച്ച് ഭീ​ക​ര​സ​ഖ്യം

ഐ​ക്യ​രാ​ഷ്ട്ര​സ​ഭ (യു.​എ​ൻ) സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സി​ന്റെ വാ​ക്കു​ക​ളോ​ടു​ള്ള ഇ​സ്രാ​യേ​ലി​ന്റെ പ്ര​തി​ക​ര​ണം ആ ​രാ​ജ്യ​ത്തി​ന്റെ അ​ക്ര​മോ​ത്സു​ക​ത​യും ലോ​കാ​ഭി​പ്രാ​യ​ത്തോ​ടു​ള്ള പു​ച്ഛ​വും പ്ര​ക​ടി​പ്പി​ക്കു​ന്നു. ഇ​തേ മ​നോ​ഭാ​വം​ത​ന്നെ മ​റ്റൊ​രു പ്ര​തി​ക​ര​ണ​ത്തി​ലൂ​ടെ അ​മേ​രി​ക്ക​ൻ പ്ര​സി​ഡ​ന്റ് ജോ ​ബൈ​ഡ​നും വെ​ളി​പ്പെ​ടു​ത്തി. ‘ഹ​മാ​സി​ന്റെ ​ആ​ക്ര​മ​ണം ശൂ​ന്യ​ത​യി​ൽ ഉ​ണ്ടാ​യ​ത​ല്ല’ എ​ന്ന് ചൂ​ണ്ടി​ക്കാ​ട്ടി​ക്കൊ​ണ്ട് ഇ​ന്ന​ത്തെ പ്ര​തി​സ​ന്ധി​യെ അ​തി​ന്റെ ച​രി​ത്ര​പ​ശ്ചാ​ത്ത​ല​ത്തി​ൽ സ്ഥാ​പി​ക്കു​ക​യാ​ണ് ഗു​ട്ടെ​റ​സ് ചെ​യ്ത​ത്. ‘56 വ​ർ​ഷ​മാ​യി ശ്വാ​സം​മു​ട്ടി​ക്കു​ന്ന അ​ധി​നി​വേ​ശം സ​ഹി​ക്കു​ന്ന​വ​രാ​ണ് ഫ​ല​സ്തീ​ൻ​കാ​ർ’ എ​ന്ന് അ​ദ്ദേ​ഹം വി​ശ​ദീ​ക​രി​ച്ചു. ഇ​തി​നോ​ട് സ​ഹ​ജ ധാ​ർ​ഷ്ട്യ​ത്തോ​ടെ പ്ര​തി​ക​രി​ച്ച ഇ​സ്രാ​യേ​ലി അം​ബാ​സ​ഡ​ർ, ‘യാ​ഥാ​ർ​ഥ്യ​വു​മാ​യി ബ​ന്ധ​മി​ല്ലാ​ത്ത​താ’​ണ് ഗു​ട്ടെ​റ​സി​ന്റെ വാ​ക്കു​ക​ളെ​ന്നാ​രോ​പി​ച്ച് അ​ദ്ദേ​ഹ​ത്തി​ന്റെ രാ​ജി ആ​വ​ശ്യ​പ്പെ​ട്ടു. വം​ശ​ഹ​ത്യ​യെ ന്യാ​യീ​ക​രി​ക്കാ​ൻ​വേ​ണ്ടി ഇ​സ്രാ​യേ​ൽ, ഒ​ക്ടോ​ബ​ർ ഏ​ഴി​നു മു​മ്പ​ത്തെ പ​തി​റ്റാ​ണ്ടു​ക​ളു​ടെ ച​രി​ത്രം മൂ​ടി​വെ​ക്കാ​ൻ നോ​ക്കു​ക​യാ​ണ്.

2023 ഒ​ക്ടോ​ബ​റി​നു മു​മ്പു​ള്ള മൂ​ന്നു വ​ർ​ഷ​ങ്ങ​ളി​ൽ (2000 സെ​പ്റ്റം​ബ​ർ മു​ത​ൽ 2003 സെ​പ്റ്റം​ബ​ർ വ​രെ) ഇ​സ്രാ​യേ​ലി സൈ​ന്യ​വും ഇ​സ്രാ​യേ​ലി കു​ടി​യേ​റ്റ​ക്കാ​രും ചേ​ർ​ന്ന് വ​ധി​ച്ച​ത് 10,555 ഫ​ല​സ്തീ​ൻ​കാ​രെ (2270 കു​ട്ടി​ക​ളും 656 സ്ത്രീ​ക​ളും അ​ട​ക്കം) ആ​ണെ​ന്ന് ക​ണ​ക്ക് നി​ര​ത്തു​ന്ന​ത് ഇ​സ്രാ​യേ​ലി എ​ൻ.​ജി.​ഒ​യാ​യ ബെ​ത്സ​ലേം ആ​ണ്. അ​ധി​നി​വി​ഷ്ട പ്ര​ദേ​ശ​ത്ത് കു​ടി​യേ​റ്റം അ​നു​വ​ദി​ച്ചു​കൂ​ടെ​ന്ന് നി​യ​മ​മു​ണ്ടാ​യി​ട്ടും, 2023ൽ ​മാ​ത്രം ഇ​സ്രാ​യേ​ൽ അ​ധി​നി​വി​ഷ്ട ഫ​ല​സ്തീ​നി​ൽ നി​ർ​മി​ച്ച​ത് 13,000 അ​ന​ധി​കൃ​ത ആ​വാ​സ സ​മു​ച്ച​യ​ങ്ങ​ളാ​ണ്. 1948ൽ ​ഇ​സ്രാ​യേ​ൽ സ്ഥാ​പി​ച്ച​തു​ത​ന്നെ ദ​ശ​ല​ക്ഷ​ക്ക​ണ​ക്കി​ന് ഫ​ല​സ്തീ​ൻ​കാ​രെ ആ​ട്ടി​യോ​ടി​ച്ചി​ട്ടാ​യി​രു​ന്നു. ഇ​ന്ന് ഗ​സ്സ​ക്കാ​രി​ൽ 80 ശ​ത​മാ​ന​വും അ​ന്ന് നി​രാ​ലം​ബ​രാ​ക്ക​പ്പെ​ട്ട​വ​രു​ടെ പി​ന്മു​റ​ക്കാ​രാ​ണ്. സ്വ​ന്തം നാ​ട്ടി​ന്റെ പു​റ​ത്ത് പോ​കാ​ൻ പ​റ്റാ​ത്ത​വ​ർ, സ്വ​ദേ​ശ​ത്തു​ത​ന്നെ സ​ഞ്ചാ​ര​സ്വാ​ത​ന്ത്ര്യ​മി​ല്ലാ​ത്ത​വ​ർ, തൊ​ഴി​ലി​നും വൈ​ദ്യു​തി​ക്കും വെ​ള്ള​ത്തി​നു​പോ​ലും നി​യ​ന്ത്ര​ണ​മ​നു​ഭ​വി​ക്കു​ന്ന​വ​ർ. കൂ​ട​ക്കൂ​ടെ അ​തി​ക്ര​മ​ങ്ങ​ളും റെ​യ്ഡും അ​നു​ഭ​വി​ക്കു​ന്ന​വ​ർ. 2014ൽ ​ഗ​സ്സ​യി​ലെ ജ​ല​ശേ​ഖ​ര​ണി​യും ശു​ദ്ധീ​ക​ര​ണ സം​വി​ധാ​ന​ങ്ങ​ളും ബോം​ബി​ട്ട് കേ​ടു​വ​രു​ത്തി​യ ഇ​സ്രാ​യേ​ൽ അ​ത് ന​ന്നാ​ക്കാ​ൻ ആ​വ​ശ്യ​മാ​യ ഉ​പ​ക​ര​ണ​ങ്ങ​ൾ ഇ​റ​ക്കു​മ​തി ചെ​യ്യാ​ൻ അ​നു​വ​ദി​ച്ചി​ല്ലെ​ന്ന് ‘ഓ​ക്സ്ഫാം’ പ​റ​യു​ന്നു. ഗ​സ്സ മ​നു​ഷ്യ​ന് ജീ​വി​ക്കാ​ൻ യോ​ഗ്യ​മ​ല്ലെ​ന്ന് 2020ൽ ​യു.​എ​ൻ ത​ന്നെ റി​പ്പോ​ർ​ട്ട് ചെ​യ്ത​താ​ണ്.

ഇ​ത്ത​രം പൈ​ശാ​ചി​ക​ത​ക​ൾ മ​റ​ച്ചു​വെ​ക്കു​ന്ന ഇ​സ്രാ​യേ​ലി ന​യ​ത്തോ​ട് ചേ​ർ​ന്നു​നി​ൽ​ക്കു​ന്നു ബൈ​ഡ​ന്റെ വാ​ക്കു​ക​ൾ. കൂ​ട്ട​ക്ക​ശാ​പ്പി​നാ​വ​ശ്യ​മാ​യ സൈ​നി​ക-​രാ​ഷ്ട്രീ​യ-​സാ​മ്പ​ത്തി​ക പി​ന്തു​ണ ഇ​സ്രാ​യേ​ലി​നു ന​ൽ​കു​ന്ന ബൈ​ഡ​ൻ ഭ​ര​ണ​കൂ​ടം അ​തി​ന്റെ ഫ​ല​മാ​യി കൊ​ല്ല​പ്പെ​ടു​ന്ന ഗ​സ്സ​ക്കാ​രെ​പ്പോ​ലും അ​വ​ഹേ​ളി​ക്കു​ന്നു. ‘നി​ര​പ​രാ​ധി​ക​ൾ കൊ​ല്ല​പ്പെ​ടും; അ​ത് യു​ദ്ധ​ത്തി​ന്റെ വി​ല​യാ​ണ​ല്ലോ’ എ​ന്ന് ന്യാ​യീ​ക​രി​ച്ച​ശേ​ഷം, ഫ​ല​സ്തീ​ൻ​കാ​ർ പ​റ​യു​ന്ന കൊ​ല്ല​പ്പെ​ട്ട​വ​രു​ടെ ക​ണ​ക്ക് വി​ശ്വ​സി​ക്കാ​ൻ പ​റ്റി​ല്ലെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു. മ​രി​ച്ച​വ​രു​ടെ എ​ണ്ണം ഫ​ല​സ്തീ​ൻ പെ​രു​പ്പി​ച്ചു​കാ​ണി​ക്കു​ക​യാ​ണെ​ന്ന് മ​രി​ച്ച​വ​രെ​യും മു​റി​വേ​റ്റ​വ​രെ​യും പ​രി​ഹ​സി​ച്ചു​കൊ​ണ്ട് ഇ​സ്രാ​യേ​ലി​ൽ​നി​ന്നു വ​രു​ന്ന വി​ഡി​യോ ട്രോ​ളു​ക​ളു​ടെ നി​ല​വാ​ര​ത്തി​ലേ​ക്ക് യു.​എ​സ് പ്ര​സി​ഡ​ന്റ് ത​രം​താ​ണു​പോ​യ​തി​ൽ സ​ഹ​ത​പി​ക്കു​ക​യേ പ​റ്റൂ.

സ്വ​ത​ന്ത്ര നി​രീ​ക്ഷ​ക​ർ​ക്കും ഏ​ജ​ൻ​സി​ക​ൾ​ക്കു​മെ​ല്ലാം സ​ത്യ​മെ​ന്ന് ബോ​ധ്യ​പ്പെ​ട്ടി​ട്ടു​ള്ള​താ​ണ് ഗ​സ്സ​യി​ലെ ഫ​ല​സ്തീ​ൻ ആ​രോ​ഗ്യ മ​ന്ത്രാ​ല​യം ന​ൽ​കു​ന്ന ക​ണ​ക്കു​ക​ൾ. യു.​എ​ൻ ഏ​ജ​ൻ​സി​ക​ളും അ​ന്താ​രാ​ഷ്ട്ര മാ​ധ്യ​മ​ങ്ങ​ളും ഇ​സ്രാ​യേ​ലി മാ​ധ്യ​മ​ങ്ങ​ളു​മെ​ല്ലാം ആ ​ക​ണ​ക്കു​ക​ളെ ആ​ശ്ര​യി​ക്കു​ന്ന​ത് വെ​റു​തെ​യ​ല്ല. ഇ​തി​ന​കം ന​ട​ന്ന അ​നേ​കം യു​ദ്ധ​ങ്ങ​ളി​ലൊ​ന്നും അ​വ​രു​ടെ ക​ണ​ക്ക് ഇ​സ്രാ​യേ​ലി സ​ർ​ക്കാ​റോ സൈ​ന്യ​മോ ചോ​ദ്യം​ചെ​യ്തി​ട്ടി​ല്ല. അ​ക​ത്ത് പ​ട​രു​ന്ന കു​റ്റ​ബോ​ധ​മാ​കാം ബൈ​ഡ​നെ അ​ങ്ങ​നെ​യൊ​രു വ്യാ​ജ ആ​ശ്വാ​സ​ത്തി​ൽ അ​ഭ​യം തേ​ടാ​ൻ നി​ർ​ബ​ന്ധി​ച്ച​ത്. ഏ​താ​യാ​ലും ബൈ​ഡ​ന്റെ സ​ന്ദേ​ഹ​ത്തി​ന് ഫ​ല​സ്തീ​ൻ ആ​രോ​ഗ്യ മ​ന്ത്രാ​ല​യം ഒ​ക്ടോ​ബ​ർ 27ന് ​ഇ​റ​ക്കി​യ 212 പേ​ജു​ള്ള പ​ട്ടി​ക മ​റു​പ​ടി​യാ​ണ്. ഇ​തി​ന​കം ഇ​ക്കു​റി ഇ​സ്രാ​യേ​ൽ കൊ​ന്ന 6747 പേ​രു​ടെ പേ​രും വി​ലാ​സ​വു​മ​ട​ങ്ങു​ന്ന ആ ​പ​ട്ടി​ക ഇ​സ്രാ​യേ​ലി​നും അ​മേ​രി​ക്ക​ക്കു​മെ​തി​രാ​യ മ​റ്റൊ​രു കു​റ്റ​പ​ത്രം​കൂ​ടി​യാ​ണ്.

പ​തി​റ്റാ​ണ്ടു​ക​ളാ​യി ഗ​സ്സ​യെ വ​രി​ഞ്ഞു​മു​റു​ക്കി​ക്കൊ​ണ്ടി​രി​ക്കു​ന്ന ഇ​സ്രാ​യേ​ൽ ആ ‘​സ്​​ലോ​മോ​ഷ​ൻ ജ​ന​സൈ​ഡ്’ ഇ​പ്പോ​ൾ പ​ച്ച​ക്ക് ന​ട​ത്തു​ന്നു. സ​യ​ണി​സ്റ്റ് രാ​ഷ്ട്രം ബ​ന്ദി​യാ​ക്കി​യി​രി​ക്കു​ന്ന​ത് ഫ​ല​സ്തീ​ൻ​കാ​രെ മാ​ത്ര​മ​ല്ല, ലോ​ക​മ​ര്യാ​ദ​ക​ളെ​യും നി​യ​മ​ങ്ങ​ളെ​യും കൂ​ടി​യാ​ണ്. അ​ധി​നി​വേ​ശ രാ​ജ്യ​ത്തി​ന്റെ ബാ​ധ്യ​ത​ക​ളും അ​ധി​നി​വി​ഷ്ട ദേ​ശ​ത്തി​ന്റെ അ​വ​കാ​ശ​ങ്ങ​ളും യു.​എ​ൻ ചാ​ർ​ട്ട​റ​ട​ക്ക​മു​ള്ള അ​ന്താ​രാ​ഷ്ട്ര പ്ര​മാ​ണ​ങ്ങ​ളി​ൽ വ്യ​ക്ത​മാ​ക്ക​പ്പെ​ട്ടി​ട്ടു​ണ്ട്. ഇ​സ്രാ​യേ​ൽ എ​ന്ന അ​ധി​നി​വേ​ശ രാ​ജ്യം അ​ധി​നി​വി​ഷ്ട ഫ​ല​സ്തീ​ന്റെ ഭൂ​മി കു​ടി​യേ​റ്റ​ങ്ങ​ളി​ൽ​നി​ന്ന് സം​ര​ക്ഷി​ക്കാ​ൻ ബാ​ധ്യ​സ്ഥ​മാ​ണ്; അ​തി​ന്റെ ഭാ​ഗ​ങ്ങ​ൾ സ്വ​ന്ത​മാ​ക്കാ​നോ ആ​ഭ്യ​ന്ത​ര സ്വ​യം​നി​ർ​ണ​യാ​വ​കാ​ശം ഹ​നി​ക്കാ​നോ പാ​ടി​ല്ലാ​ത്ത​താ​ണ്. അ​വി​ട​ത്തെ മ​നു​ഷ്യാ​വ​കാ​ശ​ങ്ങ​ൾ മാ​നി​ക്കാ​നും അ​ന്യാ​യ​മാ​യ അ​റ​സ്റ്റോ പീ​ഡ​ന​മോ കൂ​ട്ട​ശി​ക്ഷ​യോ ഉ​ണ്ടാ​കു​ന്നി​ല്ലെ​ന്ന് ഉ​റ​പ്പു​വ​രു​ത്താ​നും ബാ​ധ്യ​സ്ഥ​മാ​ണ്. ഭ​ക്ഷ​ണം, ആ​രോ​ഗ്യ​പ​രി​ച​ര​ണം, വി​ദ്യാ​ഭ്യാ​സം എ​ന്നി​വ അ​ധി​നി​വി​ഷ്ട ജ​ന​ത​ക്ക് ന​ൽ​കേ​ണ്ട ചു​മ​ത​ല അ​ധി​നി​വേ​ശ രാ​ജ്യ​ത്തി​നു​ണ്ട്. ഇ​തേ അ​ന്താ​രാ​ഷ്ട്ര നി​യ​മ​ങ്ങ​ൾ അ​ധി​നി​വി​ഷ്ട ജ​ന​ത​ക്ക് ചി​ല അ​വ​കാ​ശ​ങ്ങ​ളും ന​ൽ​കു​ന്നു​ണ്ട്.

അ​ധി​നി​വേ​ശം നി​ല​നി​ൽ​ക്കു​വോ​ളം കാ​ലം ചെ​റു​ത്തു​നി​ൽ​പും സ്വാ​ത​ന്ത്ര്യ​സ​മ​ര​വും ന​ട​ത്താ​നു​ള്ള അ​വ​കാ​ശം അ​വ​യി​ൽ​പെ​ടും. ‘സ​മാ​ധാ​ന​പ​ര​മാ​യ പ്ര​തി​ഷേ​ധ​ങ്ങ​ൾ, നി​സ്സ​ഹ​ക​ര​ണം, സാ​യു​ധ​പോ​രാ​ട്ടം എ​ന്നി​വ’ അ​ധി​നി​വി​ഷ്ട ജ​ന​ത​ക്ക് അ​നു​വ​ദ​നീ​യ​മാ​ണ് എ​ന്ന കാ​ര്യ​ത്തി​ൽ യു.​എ​ന്നി​ന്റേ​ത​ട​ക്ക​മു​ള്ള അ​ന്താ​രാ​ഷ്ട്ര നി​യ​മ​ങ്ങ​ൾ വ്യ​ക്ത​മാ​ണ്. ബാ​ധ്യ​ത​ക​ളി​ൽ ഏ​താ​ണ് ഇ​സ്രാ​യേ​ൽ പാ​ലി​ച്ചി​ട്ടു​ള്ള​ത്? അ​ധി​നി​വി​ഷ്ട സ​മൂ​ഹ​ത്തി​ന്റെ അ​വ​കാ​ശ​ങ്ങ​ളി​ൽ ഏ​താ​ണ് ലം​ഘി​ക്കാ​തി​രു​ന്നി​ട്ടു​ള്ള​ത്? ഭൂ​മി ത​ട്ടി​യെ​ടു​ത്ത് കൂ​ട്ടി​ച്ചേ​ർ​ക്ക​ൽ, മൗ​ലി​ക സ്വാ​ത​ന്ത്ര്യ നി​ഷേ​ധം, സ്വ​ന്തം നി​യ​മ​ങ്ങ​ൾ അ​ടി​ച്ചേ​ൽ​പി​ക്ക​ൽ, ര​ക്ഷാ​സ​മി​തി​യു​ടെ​യും മ​റ്റും അ​സം​ഖ്യം പ്ര​മേ​യ​ങ്ങ​ളെ ധി​ക്ക​രി​ക്ക​ൽ -ഇ​തെ​ല്ലാം ചെ​യ്തി​ട്ട് ഇ​പ്പോ​ൾ യു​ദ്ധ​ക്കു​റ്റ​ങ്ങ​ളും വം​ശ​ഹ​ത്യ​യും​വ​രെ ചെ​യ്യു​ക​യാ​ണ് ഇ​സ്രാ​യേ​ൽ. യു.​എ​ന്നി​നെ​യും സെ​ക്ര​ട്ട​റി ജ​ന​റ​ലി​നെ​യും മാ​ത്ര​മ​ല്ല, ലോ​ക​ത്തെ​ത​ന്നെ വെ​ല്ലു​വി​ളി​ക്കു​ക​യാ​ണ് സ​യ​ണി​സ്റ്റ് രാ​ഷ്ട്ര​വും കൂ​ട്ടാ​ളി​ക​ളും.