വി​ദ്യാ​ഭ്യാ​സ രം​ഗ​ത്തെ  കേ​ര​ള മോ​ഡ​ല്‍ വി​വേ​ച​നം

എ​സ്.​എ​സ്.​എ​ല്‍.​എ​സി പ​രീ​ക്ഷ ഫ​ല​ങ്ങ​ള്‍ പു​റ​ത്തുവ​ന്നു ക​ഴി​ഞ്ഞു. കോ​വി​ഡ് കാ​ല​ത്ത് കു​ഴ​പ്പ​ങ്ങ​ളൊ​ന്നു​മി​ല്ലാ​തെ പ​രീ​ക്ഷ ന​ട​ത്തി അ​ധി​കം വൈ​കാ​തെ ഫ​ലം പ്ര​സി​ദ്ധീ​ക​രി​ക്കാ​ന്‍ സാ​ധി​ച്ച​തി​ല്‍ വി​ദ്യാ​ഭ്യാ​സ വ​കു​പ്പി​ന് നി​ശ്ച​യ​മാ​യും അ​ഭി​മാ​നി​ക്കാം. എ​സ്.​എ​സ്.​എ​ല്‍.​സി ഫ​ലം പു​റ​ത്തുവ​ന്ന​തോ​ടെ സ്വാ​ഭാ​വി​ക​മാ​യും ഉ​പ​രി​പ​ഠ​ന​ത്തി​ന് കു​ട്ടി​ക​ളെ സ​ജ്ജ​മാ​ക്കു​ന്ന തി​ര​ക്കു​ക​ളി​ലും ഉ​ത്ക​ണ്ഠ​ക​ളി​ലു​മാ​യി​രി​ക്കും ര​ക്ഷി​താ​ക്ക​ള്‍. ആ ​പ​ശ്ചാ​ത്ത​ല​ത്തി​ല്‍ പ​ല​കു​റി ഈ ​കോ​ള​ത്തി​ല്‍ ഉ​ന്ന​യി​ക്ക​പ്പെ​ട്ട വി​ഷ​യംത​ന്നെ​യാ​ണ് വീ​ണ്ടും എ​ഴു​താ​ന്‍പോ​കു​ന്ന​ത്. അ​താ​യ​ത്, ഉ​പ​രി​പ​ഠ​ന സൗ​ക​ര്യ​ങ്ങ​ളു​ടെ കാ​ര്യ​ത്തി​ല്‍ കേ​ര​ളം അ​തി​ഭീ​ക​ര​മാ​യ ഭൂ​മി​ശാ​സ്ത്ര വി​ട​വ് അ​നു​ഭ​വി​ക്കു​ന്നു​ണ്ട്. അ​താ​യ​ത്, മ​ല​ബാ​ര്‍ മേ​ഖ​ല​യി​ല്‍ കു​ട്ടി​ക​ളു​ടെ എ​ണ്ണ​ത്തി​ന് ആ​നു​പാ​തി​ക​മാ​യ ഉ​പ​രി​പ​ഠ​ന സൗ​ക​ര്യ​ങ്ങ​ള്‍ ഏര്‍പ്പെ​ടു​ത്തു​ന്ന​തി​ല്‍ മാ​റി​മാ​റി വ​ന്ന ഭ​ര​ണ​കൂ​ട​ങ്ങ​ള്‍ പ​രാ​ജ​യ​പ്പെ​ടു​ക​യാ​യി​രു​ന്നു. ആ ​വി​ട​വ് ഇ​ന്നും നി​ക​ത്ത​പ്പെ​ടാ​തെ തു​ട​രു​ക​യാ​ണ്.  

ക​ണ​ക്കുക​ളി​ലേ​ക്ക് ക​ട​ന്നാ​ല്‍ ധാ​രാ​ള​മു​ണ്ട് ഉ​ദ്ധ​രി​ക്കാ​ന്‍. മ​ല​പ്പു​റം ജി​ല്ല​യി​ല്‍ 76,633 കു​ട്ടി​ക​ളാ​ണ് എ​സ്.​എ​സ്.​എ​ല്‍.​സി ക​ഴി​ഞ്ഞ് ഉ​പ​രി​പ​ഠ​ന​ത്തി​ന് യോ​ഗ്യ​ത നേ​ടി​യി​രി​ക്കു​ന്ന​ത്. എ​ന്നാ​ല്‍, ഹ​യ​ര്‍ സെ​ക്ക​ൻഡ​റി, വി.​എ​ച്ച്.​എ​സ്.​സി, ടി.​എ​ച്ച്.​എ​സ്.​സി, പോ​ളി​ടെ​ക്‌​നി​ക്, ഐ.​ടി.​ഐ എ​ന്നി​വ​യെ​ല്ലാം ചേ​ര്‍ത്ത് ആ ​ജി​ല്ല​യി​ല്‍ ല​ഭ്യ​മാ​യ സീ​റ്റു​ക​ള്‍ 52,100 മാ​ത്ര​മാ​ണ്. അ​താ​യ​ത്, ആ ​ജി​ല്ല​യി​ലെ 24,533 കു​ട്ടി​ക​ള്‍ക്ക് ഉ​പ​രി​പ​ഠ​ന​ത്തി​ന് സൗ​ക​ര്യ​മി​ല്ല. ആ ​ജി​ല്ല​യി​ലെ മി​ക​ച്ച വി​ജ​യം നേ​ടി​യ കു​ട്ടി​ക​ള്‍ക്കു പോ​ലും ഇ​ഷ്​ട​പ്പെ​ട്ട സ്ട്രീം ​തി​ര​ഞ്ഞെ​ടു​ത്ത് ഉ​പ​രി​പ​ഠ​നം ന​ട​ത്താ​ന്‍ ന​ന്നാ​യി പ്ര​യാ​സ​പ്പെ​ടേ​ണ്ടി വ​രും. മ​ല​ബാ​റി​ലെ എ​ല്ലാ ജി​ല്ല​യി​ലും ഏ​താ​ണ്ടി​ങ്ങ​നെത്തന്നെ​യാ​ണ് ക​ണ​ക്കു​ക​ള്‍. തൃ​ശൂ​ര്‍ 1455, പാ​ല​ക്കാ​ട് 11,117, കോ​ഴി​ക്കോ​ട് 7203, വ​യ​നാ​ട് 1804, ക​ണ്ണൂ​ര്‍ 3840, കാ​സ​ര്‍കോ​ട് 5874 എ​ന്നി​ങ്ങ​നെ​യാ​ണ് മ​റ്റു മ​ല​ബാ​ര്‍ ജി​ല്ല​ക​ളി​ലെ സീ​റ്റു​ക​ളു​ടെ കു​റ​വ്. ഈ ​വ​ര്‍ഷം പൊ​ടു​ന്ന​നെ സം​ഭ​വി​ച്ച​ത​ല്ല ഈ ​കു​റ​വു​ക​ള്‍. വ​ര്‍ഷ​ങ്ങ​ളാ​യി ഈ ​ജി​ല്ല​ക​ളി​ല്‍ ഇ​ങ്ങനെ​ത്ത​ന്നെ​യാ​ണ് കാ​ര്യ​ങ്ങ​ള്‍. അ​ങ്ങേ​യ​റ്റം വി​ചി​ത്ര​വും ക്രൂ​ര​വു​മാ​യ ഒ​രു മ​റു​വ​ശ​വും കൂ​ടി​യു​ണ്ട് ഇ​തി​ന്. മ​ല​ബാ​റി​ല്‍ സീ​റ്റു​ക​ളു​ടെ കു​റ​വ് കാ​ര​ണം പ​തി​നാ​യി​ര​ക്ക​ണ​ക്കി​ന് വി​ദ്യാ​ര്‍ഥി​ക​ളും ര​ക്ഷി​താ​ക്ക​ളും ക​ഷ്​ടപ്പെ​ടു​ക​യാ​ണെ​ങ്കി​ല്‍ തെ​ക്ക​ന്‍ കേ​ര​ള​ത്തി​ല്‍ കൊ​ല്ലം ഒ​ഴി​കെ​യു​ള്ള എ​ല്ലാ ജി​ല്ല​ക​ളി​ലും എ​സ്.​എ​സ്.​എ​ല്‍.​സി ക​ഴി​ഞ്ഞ വി​ദ്യാ​ര്‍ഥി​ക​ളേ​ക്കാ​ള്‍ കൂ​ടു​ത​ലാ​ണ് ഉ​പ​രി​പ​ഠ​ന​ത്തി​നു​ള്ള സീ​റ്റു​ക​ള്‍. വി​വി​ധ ജി​ല്ല​ക​ളി​ല്‍ അ​ധി​ക​മാ​യ സീ​റ്റു​ക​ളു​ടെ ക​ണ​ക്ക് ഇ​ങ്ങനെ: തി​രു​വ​ന​ന്ത​പു​രം 2054, പ​ത്ത​നം​തി​ട്ട 1865, ആ​ല​പ്പു​ഴ 58, കോ​ട്ട​യം 1676, ഇ​ടു​ക്കി 160, എ​റ​ണാ​കു​ളം 727. നോ​ക്കൂ, സ​ന്തു​ലി​ത വി​ക​സ​ന​ത്തി​​​െൻറ​യും സാ​മൂ​ഹി​ക  നീ​തി​യു​ടെ​യും ഈ​റ്റി​ല്ല​മെ​ന്ന് വി​ശേ​ഷി​പ്പി​ക്ക​പ്പെ​ടു​ന്ന കേ​ര​ള​ത്തി​ലാ​ണ് ഹ​യ​ര്‍സെ​ക്ക​ൻഡ​റി വി​ദ്യാ​ഭ്യാ​സ രം​ഗ​ത്ത് ഇ​ത്ര​യും ഭീ​ക​ര​മാ​യ വി​വേ​ച​നം നി​ല​നി​ല്‍ക്കു​ന്ന​ത്. സം​സ്ഥാ​ന​ത്തി​​​െൻറ ഒ​രു ഭാ​ഗ​ത്ത് ആ​വ​ശ്യ​ത്തി​ല​ധി​കം സീ​റ്റു​ക​ള്‍, മ​റ്റൊ​രു ഭാ​ഗ​ത്ത് ആ​വ​ശ്യ​ത്തി​ന് അ​ടു​ത്തുപോ​ലും സീ​റ്റു​ക​ളി​ല്ല, എ​ന്നി​ട്ടും നാ​മെ​ത്ര കാ​ല​മാ​യി കേ​ര​ള മോ​ഡ​ല്‍ എ​ന്ന വീ​മ്പുപ​റ​ച്ചി​ലു​മാ​യി ന​ട​ക്കു​ന്നു!

ഹ​യ​ര്‍സെ​ക്കൻഡ​റി സീ​റ്റു​ക​ളു​ടെ കാ​ര്യ​ത്തി​ല്‍ മാ​ത്ര​മാ​ണ് ഈ ​വി​വേ​ച​നം നി​ല​നി​ല്‍ക്കു​ന്ന​ത് എ​ന്ന് തെ​റ്റി​ദ്ധ​രി​​ക്ക​രു​ത്‌. ഹ​യ​ര്‍ സെ​ക്കൻഡ​റി പാ​സാ​കു​ന്ന​വ​രു​ടെ എ​ണ്ണ​വും സം​സ്ഥാ​ന​ത്ത് ല​ഭ്യ​മാ​യ ബി​രു​ദ സീ​റ്റു​ക​ളു​ടെ എ​ണ്ണ​വും എ​ടു​ത്താ​ല്‍ 21.11 എ​ന്ന​താ​ണ് സം​സ്ഥാ​ന​ത്തെ ശ​രാ​ശ​രി അ​നു​പാ​തം. എ​ന്നാ​ല്‍, മ​ല​ബാ​റി​ലെ എ​ല്ലാ ജി​ല്ല​ക​ളും ഈ ​ശ​രാ​ശരി അ​നു​പാ​ത​ത്തി​ന് താ​ഴെ​യാ​ണ്. മ​ല​പ്പു​റം ജി​ല്ല​യാ​ണ് ഇ​തി​ല്‍ ഏ​റ്റ​വും പി​റ​കി​ല്‍. 10.18 ആണ്​ ​ജി​ല്ല​യു​ടെ അ​നു​പാ​തം. ബി​രു​ദാ​ന​ന്ത​ര പ​ഠ​ന സൗ​ക​ര്യ​ത്തി​​​െൻറ കാ​ര്യ​ത്തി​ലും ചി​ത്രം ഇ​ങ്ങനെ​ത്ത​ന്നെ. 

മ​ല​ബാ​ര്‍ മേ​ഖ​ല​യോ​ടു​ള്ള വി​വേ​ച​നം കേ​വ​ലം വി​ദ്യാ​ഭ്യാ​സ രം​ഗ​ത്ത് മാ​ത്ര​മ​ല്ല എ​ന്ന​താ​ണ് വാ​സ്ത​വം. ഭ​ര​ണ​കൂ​ട സേ​വ​ന​ങ്ങ​ളു​ടെ ഏ​ത് മേ​ഖ​ല എ​ടു​ത്ത് പ​രി​ശോ​ധി​ച്ചാ​ലും ഇ​തുത​ന്നെ​യാ​ണ് അ​വ​സ്ഥ. വി​വി​ധ വി​ദ്യാ​ര്‍ഥി സം​ഘ​ട​ന​ക​ളും വി​ദ്യാ​ഭ്യാ​സ പ്ര​വ​ര്‍ത്ത​ക​രും വ​ര്‍ഷ​ങ്ങ​ളാ​യി പ​റ​ഞ്ഞു​കൊ​ണ്ടി​രി​ക്കു​ന്നു എ​ന്ന​തുകൊ​ണ്ടാ​ണ് വി​ദ്യാ​ഭ്യാ​സ മേ​ഖ​ല​യി​ലെ പ്ര​ശ്‌​ന​ങ്ങ​ള്‍ അ​ല്‍പ​മെ​ങ്കി​ലും പൊ​തു​ശ്ര​ദ്ധ​യി​ല്‍ വ​ന്ന​ത്. പ​ക്ഷേ, അ​വ​ര്‍ അ​ത് നി​ര​ന്ത​രം ഉ​ന്ന​യി​ക്കു​ക എ​ന്ന​ത​ല്ലാ​തെ, പ്രാ​യോ​ഗി​ക​മാ​യ എ​ന്തെ​ങ്കി​ലും പ​രി​ഹാ​ര ന​ട​പ​ടി​ക​ള്‍ സ്വീ​ക​രി​ക്കാ​ന്‍ മാ​റി​മാ​റി വ​ന്ന ഭ​ര​ണ​കൂ​ട​ങ്ങ​ള്‍ സ​ന്ന​ദ്ധ​മാ​യി​ട്ടി​ല്ല. ഹ​യ​ര്‍സെ​ക്കൻഡ​റി ക്ലാ​സു​ക​ള്‍ ആ​രം​ഭി​ക്കു​ന്ന​തി​ന് ഏ​താ​നും ദി​വ​സ​ങ്ങ​ള്‍ക്ക് മു​മ്പ് എ​ല്ലാ ബാ​ച്ചി​ലും ഏ​താ​നും സീ​റ്റു​ക​ള്‍ വ​ര്‍ധി​പ്പി​ച്ചുകൊ​ണ്ടു​ള്ള ഉ​ത്ത​ര​വ് ഇ​റ​ക്കു​ക എ​ന്ന​താ​ണ് പ​തി​വ്. ഉ​ള്‍ക്കൊ​ള്ളാ​ന്‍ പ​റ്റു​ന്ന​തി​ലും അ​പ്പു​റ​മു​ള്ള വി​ദ്യാ​ര്‍ഥി​ക​ളെ​ക്കൊ​ണ്ട് ക്ലാ​സ് മു​റി​ക​ള്‍ വീ​ര്‍പ്പുമു​ട്ടു​ക എ​ന്ന​ല്ലാ​തെ, അ​തുകൊ​ണ്ട് പ്ര​ത്യേ​കി​ച്ച് കാ​ര്യ​മൊ​ന്നു​മി​ല്ല. മ​ല​ബാ​റി​ലെ വി​ദ്യാ​ര്‍ഥി​ക​ള്‍ അ​ങ്ങനെ​യൊ​ക്കെ പ​ഠി​ച്ചാ​ല്‍ മ​തി എ​ന്ന​താ​ണ് ഭ​ര​ണ​കൂ​ട സ​മീ​പ​നം. പ​ക്ഷേ, പി​ന്നെ​യും നാം ​കേ​ര​ള മോ​ഡ​ലി​നെക്കുറി​ച്ച് ഗീ​ര്‍വാ​ണം വി​ട്ടു​കൊ​ണ്ടേ​യി​രി​ക്കും.