പുതിയ സംവരണ നിലപാട്​ സർക്കാർ തിരുത്തണം

ഏതാനും ദിവസം മുമ്പ്​ കേ​ര​ള​ത്തി​ലെ ഇ​ട​തു​മു​ന്ന​ണി മ​ന്ത്രി​സ​ഭ, സ്വാ​ത​ന്ത്ര്യാ​ന​ന്ത​ര ഇ​ന്ത്യ​യു​ടെ രാ​ഷ്​​ട്രീ​യ-​സാ​മൂ​ഹി​ക ച​രി​ത്ര​ത്തി​ലെ സു​പ്ര​ധാ​ന​മാ​യ ഒ​രു തീ​രു​മാ​ന​ം കൈക്കൊണ്ടിരിക്കുന്നു; കേ​ര​ള​ത്തി​ൽ സാ​മ്പ​ത്തി​ക​സം​വ​ര​ണം ന​ട​പ്പാ​ക്കാ​ൻ പോ​കു​ക​യാ​െ​ണ​ന്ന്. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ മ​ന്ത്രി​സ​ഭ തീ​രു​മാ​ന​ത്തി​ൽ വി​ശ​ദീ​ക​രി​ച്ച​തു​പോ​ലെ, സ​ർ​ക്കാ​ർ സ​ർ​വി​സി​ൽ മു​ന്നാ​ക്ക​ക്കാ​രി​ലെ പി​ന്നാ​ക്ക​ക്കാ​ർ​ക്ക് 10 ശ​ത​മാ​നം സം​വ​ര​ണം ന​ട​പ്പാ​ക്കു​ന്ന​തി​െൻറ ആ​ദ്യ​ഘ​ട്ട​മാ​യി ദേ​വ​സ്വം ബോ​ർ​ഡി​ലെ നി​യ​മ​ന​ത്തി​ൽ മു​ന്നാ​ക്ക​ക്കാ​രി​ലെ പി​ന്നാ​ക്ക​ക്കാ​ർ​ക്ക് 10 ശ​ത​മാ​നം സം​വ​ര​ണ​മേ​ർ​പ്പെ​ടു​ത്തു​ക​യാ​ണ്. സാ​മ്പ​ത്തി​ക സം​വ​ര​ണ പ്ര​ഖ്യാ​പ​ന​ത്തി​ൽ പ​ട്ടി​ക​ജാ​തി വി​ഭാ​ഗ​ങ്ങ​ൾ​ക്ക് ര​ണ്ടു ശ​ത​മാ​ന​വും ഈ​ഴ​വ സ​മു​ദാ​യ​ത്തി​ന് മൂ​ന്നു ശ​ത​മാ​ന​വും ഇ​ത​ര പി​ന്നാ​ക്ക​വി​ഭാ​ഗ​ങ്ങ​ൾ​ക്ക് മൂ​ന്നു ശ​ത​മാ​ന​വും സം​വ​ര​ണ​ത്തോ​ത് ഉ​യ​ർ​ത്തു​മെ​ന്നു​കൂ​ടി പ്ര​ഖ്യാ​പി​ച്ചി​ട്ടു​ണ്ട്.

സാ​മൂ​ഹി​ക​നീ​തി​ക്കു​വേ​ണ്ടി​യു​ള്ള പു​തി​യ സം​വ​ര​ണ​മെ​ന്ന് മു​ഖ്യ​മ​ന്ത്രി വി​ശേ​ഷി​പ്പി​ക്കു​ന്ന സാ​മ്പ​ത്തി​ക സം​വ​ര​ണം ന​ട​പ്പാ​ക്കാ​നു​ള്ള ഭ​ര​ണ​ഘ​ട​ന ഭേ​ദ​ഗ​തി​ക്കു​ള്ള ആ​ഹ്വാ​ന​വും അ​ദ്ദേ​ഹം മു​ന്നോ​ട്ടു​വെ​ച്ചി​രി​ക്കു​ന്നു. സി.​പി.​എം സം​സ്ഥാ​ന സെ​ക്ര​ട്ട​റി കോ​ടി​യേ​രി ബാ​ല​കൃ​ഷ്ണ​ൻ ഒ​രു പ​ടി​കൂ​ടി ക​ട​ന്ന്, സാ​മ്പ​ത്തി​ക സം​വ​ര​ണം ന​ട​പ്പാ​ക്കാ​ൻ കേ​ന്ദ്രം ഭ​രി​ക്കു​ന്ന ബി.​ജെ.​പി​ക്ക് സാ​ധി​ക്കു​മോ​യെ​ന്ന വെ​ല്ലു​വി​ളി​ത​ന്നെ ഉ​യ​ർ​ത്തി​യി​രി​ക്കു​ന്നു. മു​ന്നാ​ക്ക സ​മൂ​ഹ​ത്തി​ലെ 90 ശ​ത​മാ​നം പേ​ർ​ക്ക് ആ​നു​കൂ​ല്യം എ​ടു​ത്തു​ക​ള​ഞ്ഞി​രി​ക്കു​ന്നു​വെ​ന്ന വ​സ്തു​ത മ​ന​സ്സി​ലാ​ക്കാ​തെ​യാ​ണ് തെ​റ്റി​ദ്ധാ​ര​ണ​ജ​ന​ക​മാ​യ പ്ര​ചാ​ര​ണ​ങ്ങ​ൾ ന​ട​ക്കു​ന്ന​തെ​ന്നും 10 ശ​ത​മാ​നം പേ​ർ​ക്കു മാ​ത്ര​മാ​യി സം​വ​ര​ണം നി​ജ​പ്പെ​ടു​ത്തു​ക​യാ​ണ് സ​ർ​ക്കാ​ർ ചെ​യ്ത​തെ​ന്നു​മു​ള്ള വി​ചി​ത്ര​മാ​യ വാ​ദ​ഗ​തി​യും അ​ദ്ദേ​ഹം മു​ന്നോ​ട്ടു​വെ​ച്ചി​ട്ടു​ണ്ട്. 

1991ൽ ​പി.​വി. ന​ര​സിം​ഹ​റാ​വു ന​ട​പ്പാ​ക്കാ​ൻ ശ്ര​മി​ച്ച് സു​പ്രീം കോ​ട​തി​യി​ൽ പ​രാ​ജ​യ​പ്പെ​ട്ട സാ​മ്പ​ത്തി​ക സം​വ​ര​ണ ന​യ​മാ​ണ്​ 2017ൽ ​പി​ണ​റാ​യി വി​ജ​യ​ൻ ന​ട​പ്പാ​ക്കാ​നൊ​രു​മ്പെ​ടു​ന്ന​ത്. 25 സം​വ​ത്സ​ര​ങ്ങ​ൾ​ക്കു​മു​മ്പ്​ പ്ര​മാ​ദ​മാ​യ ഇ​ന്ദ്ര സാ​ഹ്​​നി കേ​സി​ൽ സാ​മ്പ​ത്തി​ക സം​വ​ര​ണം ഭ​ര​ണ​ഘ​ട​ന​വി​രു​ദ്ധ​മെ​ന്ന ഒ​മ്പ​തം​ഗ ബെ​ഞ്ചി​െൻറ വി​ധി​ന്യാ​യ​ത്തി​ലൂ​ടെ റ​ദ്ദാ​ക്കി​യ ഒ​രാ​ശ​യം സി.​പി.​എം പു​ന​രാ​ന​യി​ക്കു​ന്ന​തി​െൻറ രാ​ഷ്​​ട്രീ​യ​വും സാ​മൂ​ഹി​ക​വു​മാ​യ അ​നി​വാ​ര്യ​ത​യെ​ന്താ​ണ്? ഭ​ര​ണ​ഘ​ട​ന​യു​ടെ 16ാം ഖ​ണ്ഡി​ക​യി​ലെ സാ​മൂ​ഹി​ക സം​വ​ര​ണ​ത്തെ​ക്കു​റി​ച്ച അ​നു​ച്ഛേ​ദം തി​രു​ത്താ​ൻ മാ​ത്രം കേ​ര​ള​ത്തി​ൽ ഏ​തു മു​ന്നാ​ക്ക ജാ​തി വി​ഭാ​ഗ​മാ​ണ് സാ​മൂ​ഹി​ക​മാ​യി പാ​ർ​ശ്വ​വ​ത്ക​രി​ക്ക​പ്പെ​ട്ടി​രി​ക്കു​ന്ന​ത്? അ​ങ്ങ​നെ ഏ​തെ​ങ്കി​ലു​മൊ​രു ജാ​തി/​സ​മു​ദാ​യ വി​ഭാ​ഗം സാ​മൂ​ഹി​ക​മാ​യി ബ​ഹി​ഷ്​​കൃ​ത​രാ​യി​രി​ക്കു​ന്നു​വെ​ന്നു​ന്ന​യി​ച്ച പ്ര​ക്ഷോ​ഭ​ങ്ങ​ൾ​ക്ക് കേ​ര​ളം സാ​ക്ഷി​യാ​യി​ട്ടു​ണ്ടോ? നി​ല​വി​ലെ സം​വ​ര​ണ സ​മൂ​ഹ​ങ്ങ​ളു​ടെ​യും മു​ന്നാ​ക്ക സ​മു​ദാ​യ​ങ്ങ​ളു​ടെ​യും അ​ധി​കാ​ര​പ​ങ്കാ​ളി​ത്ത​ത്തെ​ക്കു​റി​ച്ച് പ​ഠി​ക്കാ​ൻ സ​ർ​ക്കാ​ർ ക​മീ​ഷ​നെ നി​ശ്ച​യി​ക്കു​ക​യും സാ​മൂ​ഹി​ക സ​ന്തു​ല​ന​വും അ​ധി​കാ​ര​പ​ങ്കാ​ളി​ത്ത​വും കീ​ഴ്മേ​ൽ മ​റി​ഞ്ഞി​രി​ക്കു​ന്നു​വെ​ന്നു​മു​ള്ള റി​പ്പോ​ർ​ട്ട് പു​റ​ത്തു​വ​രു​ക​യും ചെ​യ്തി​ട്ടു​ണ്ടോ? ഏ​റ്റ​വും ചു​രു​ങ്ങി​യ​ത് മു​ന്നാ​ക്ക വി​ഭാ​ഗ​ത്തി​ൽ​പെ​ട്ട ജാ​തി, സാ​മു​ദാ​യി​ക വി​ഭാ​ഗ​ങ്ങ​ളി​ൽ ആ​രെ​ങ്കി​ലും ഞ​ങ്ങ​ളെ സം​വ​ര​ണ വി​ഭാ​ഗ​ത്തി​ൽ ഉ​ൾ​പ്പെ​ടു​ത്ത​ണ​മെ​ന്നാ​വ​ശ്യ​പ്പെ​ട്ട് ദേ​ശീ​യ പി​ന്നാ​ക്ക വി​ഭാ​ഗ വ​ർ​ഗീ​ക​ര​ണ ക​മീ​ഷ​നു മു​ന്നി​ൽ ത​ങ്ങ​ളു​ടെ പി​ന്നാ​ക്കാ​വ​സ്ഥ​യു​ടെ ക​ണ​ക്കു​ക​ൾ സ​മ​ർ​പ്പി​ച്ച് സം​വ​ര​ണ​ത്തി​ന് ആ​വ​ശ്യ​മു​ന്ന​യി​ച്ചി​ട്ടു​ണ്ടോ? ഭ​ര​ണ​ഘ​ട​നാ​പ​ര​മാ​യ സം​വ​ര​ണ​ത്തി​െൻറ തോ​ത് പു​നഃ​പ​രി​ശോ​ധി​ക്കു​മ്പോ​ൾ പു​ല​ർ​ത്തേ​ണ്ട ജാ​ഗ്ര​ത​യി​ല്ലാ​യ്മ​യു​ടെ ആ​ഴം വെ​ളി​പ്പെ​ടു​ത്തും മേ​ൽ ചോ​ദ്യ​ങ്ങ​ൾ​ക്ക് സ​ർ​ക്കാ​റും സി.​പി.​എ​മ്മും ഉ​ത്ത​രം പ​റ​യാ​ൻ തു​നി​ഞ്ഞാ​ൽ. സാ​മ്പ​ത്തി​ക സം​വ​ര​ണം ന​ട​പ്പാ​ക്കും മു​മ്പ്​ സാ​മൂ​ഹി​ക, രാ​ഷ്​​​ട്രീ​യ മേ​ഖ​ല​യി​ലെ ജാ​തി​തി​രി​ച്ച ക​ണ​ക്ക് പ്ര​സി​ദ്ധ​പ്പെ​ടു​ത്താ​ൻ ത​യാ​റാ​കു​ക​യാ​ണ് സ​ർ​ക്കാ​ർ ചെ​യ്യേ​ണ്ട​ത്. ജ​ന​സം​ഖ്യാ​നു​സൃ​ത​മാ​യി ഏ​തു വി​ഭാ​ഗ​ങ്ങൾക്കാണ്​ അധികാരനഷ്​ടം സംഭവിച്ചതെ​ന്ന്​ വ്യ​ക്ത​മാ​യി​ട്ടു​വേ​ണ​മ​ല്ലോ സം​വ​ര​ണ​ത്തോ​ത് അ​ഴി​ച്ചു​പ​ണി​യാ​ൻ. 

സം​വ​ര​ണ​മെ​ന്ന​ത് ദാ​രി​ദ്ര്യ​നി​ർ​മാ​ർ​ജ​ന യ​ജ്ഞ​മോ തൊ​ഴി​ൽ​ദാ​ന പ​ദ്ധ​തി​യോ അ​ല്ലെ​ന്ന് തി​രി​ച്ച​റി​യാ​ൻ ഇ​ട​തു​പ​ക്ഷ​ത്തി​ന് സ്വാ​ത​ന്ത്ര്യ​ത്തി​െൻറ ഏ​ഴു പ​തി​റ്റാ​ണ്ടി​നു​ശേ​ഷ​വും സാ​ധി​ച്ചി​ട്ടി​ല്ല; ജാ​തി​സ​മു​ദാ​യ​ങ്ങ​ളു​ടെ പി​ന്നാ​ക്കാ​വ​സ്ഥ​യു​ടെ​യും അ​ധി​കാ​ര ബ​ഹി​ഷ്ക​ര​ണ​ത്തി​െൻറ​യും കാ​ര​ണം സാ​മ്പ​ത്തി​ക സ്​​ഥി​തി​ഗ​തി​ക​ൾ മാ​​ത്ര​മ​ല്ലെ​ന്ന്​ തി​രി​ച്ച​റി​യാ​നും. സാ​മൂ​ഹി​ക അ​സ​മ​ത്വ​ത്തെ​യും സാ​മ്പ​ത്തി​ക അ​സ​മ​ത്വ​ത്തെ​യും ത​ത്ത്വ​ദീ​ക്ഷ​യി​ല്ലാ​തെ ഉ​ൾ​ച്ചേ​ർ​ത്ത് സം​വ​ര​ണ​മെ​ന്ന ആ​ശ​യ​ത്തി​ലൂ​ടെ പ​രി​ഹ​രി​ക്കാ​ൻ ശ്ര​മി​ക്കു​ന്ന​ത് ച​രി​ത്ര​പ​ര​മാ​യി അ​ധി​കാ​രം നി​ഷേ​ധി​ക്ക​പ്പെ​ട്ട​വ​രു​ടെ ഉ​ണ​ർ​വു​ക​ളെ അ​ട്ടി​മ​റി​ക്കാ​നു​ള്ള ഹീ​ന​മാ​യ ശ്ര​മ​ങ്ങ​ളു​ടെ തു​ട​ർ​ച്ച​യാ​ണ്. ദാ​രി​ദ്ര്യ​നി​ർ​മാ​ർ​ജ​ന യ​ജ്ഞ​ത്തി​​െൻറ ഗു​ണ​ഭോ​ക്താ​ക്ക​ൾ സാ​മൂ​ഹി​ക​മാ​യി സു​ര​ക്ഷി​ത​മാ​യ വി​ഭാ​ഗ​മാ​കു​ന്ന​തോ​ടെ ഒ​രേ സ​മ​യം സാ​മൂ​ഹി​ക സു​ര​ക്ഷ​യും സാ​മ്പ​ത്തി​ക സു​ര​ക്ഷ​യും ല​ഭി​ക്കു​ന്ന ഏ​ക വി​ഭാ​ഗ​മാ​യി മു​ന്നാ​ക്ക സ​മൂ​ഹം മാ​റു​ക​യാ​ണ്. 

ബി.​ജെ.​പി​പോ​ലും ദേ​ശീ​യ​മാ​യി ഉ​ന്ന​യി​ക്കാ​ൻ വൈ​മ​ന​സ്യം കാ​ണി​ക്കു​ന്ന ആ​ശ​യ​മാ​ണി​ത്. സാ​മൂ​ഹി​ക​മാ​യി പി​ന്നാ​ക്ക​മാ​യ​വ​രു​ടെ അ​ധി​കാ​ര, രാ​ഷ്​​ട്രീ​യ പ​ങ്കാ​ളി​ത്തം ഉ​റ​പ്പു​വ​രു​ത്തു​ന്ന​തി​നു​ള്ള ഭ​ര​ണ​ഘ​ട​നാ​ദ​ത്ത​മാ​യ സം​വ​ര​ണ​മെ​ന്ന ആ​ശ​യ​ത്തെ ത​കി​ടം​മ​റി​ക്കു​ന്ന​തും സൈ​ദ്ധാ​ന്തി​ക​മോ അ​നു​ഭ​വ​പ​ര​മോ ആ​യ സാ​ധു​ത​യു​മി​ല്ലാ​ത്ത​തു​മാ​യ പ്ര​തി​ലോ​മ നി​ല​പാ​ടു​മാ​യി സി.​പി.​എം രം​ഗ​പ്ര​വേ​ശം ചെ​യ്തി​രി​ക്കു​ന്ന​ത് താ​ൽ​ക്കാ​ലി​ക രാ​ഷ്​​ട്രീ​യ​മോ​ഹ​ങ്ങ​ളു​ടെ സാ​ക്ഷാ​ത്കാ​ര​ത്തി​നു​വേ​ണ്ടി​യാ​ണ്. അ​തി​നു ന​ൽ​കേ​ണ്ടി​വ​രു​ന്ന വി​ല രാ​ഷ്​​​ട്രീ​യ​മാ​യും സാ​മൂ​ഹി​ക​മാ​യും ക​ന​ത്ത​താ​യി​രി​ക്കും, തീ​ർ​ച്ച.