ഭീ​ക​ര​ത വി​രോ​ധ​ത്തി​ലെ ഇ​ര​ട്ട​ത്താ​പ്പ്

ഭീ​ക​ര​ത ഭീ​ഷ​ണി ഗു​രു​ത​ര​വും സാ​ർ​വ​ത്രി​ക​വു​മാ​ണെ​ന്നും ഒ​രു​മേ​ഖ​ല​യി​ലെ ഭീ​ക​ര​ത മ​റ്റു ഭാ​ഗ​ങ്ങ​ളി​ലെ​യും സ​മാ​ധാ​ന​ത്തെ​യും സു​ര​ക്ഷി​ത​ത്വ​ത്തെ​യും സാ​ര​മാ​യി ബാ​ധി​ക്കു​മെ​ന്നും ഇ​ന്ത്യ ഐ​ക്യ​രാ​ഷ്ട്ര സു​ര​ക്ഷ സ​മി​തി മു​മ്പാ​കെ ചൂ​ണ്ടി​ക്കാ​ട്ടി​യ​ത് ഏ​റെ പ്ര​സ​ക്ത​വും അ​വ​സ​രോ​ചി​ത​വു​മാ​ണെ​ന്ന് പൊ​തു​വെ സ​മ്മ​തി​ക്ക​പ്പെ​ടാ​നാ​ണ് സാ​ധ്യ​ത. 15 അം​ഗ യു.​എ​ൻ ര​ക്ഷാ​സ​മി​തി​യി​ൽ അ​ധ്യ​ക്ഷ​ത വ​ഹി​ക്കു​ന്ന ഇ​ന്ത്യ ഡി​സം​ബ​ർ 15ന് '​തീ​വ്ര​വാ​ദ വി​രു​ദ്ധ സ​മീ​പ​നം ത​ത്ത്വ​ങ്ങ​ളും മു​ന്നോ​ട്ടു​ള്ള വ​ഴി​യും' എ​ന്ന വി​ഷ​യ​ത്തി​ൽ സം​ഘ​ടി​പ്പി​ക്കു​ന്ന ച​ർ​ച്ച സ​മ്മേ​ള​ന​ത്തി​ൽ പ​​ങ്കെ​ടു​ക്കു​ന്ന എ​ല്ലാ​വ​ർ​ക്കും വാ​യി​ക്കാ​ൻ ത​യാ​റാ​ക്കി​യ ആ​മു​ഖ​ക്കു​റി​പ്പി​ലാ​ണ് യു.​എ​ന്നി​ലെ ഇ​ന്ത്യ​യു​ടെ സ്ഥി​രം പ്ര​തി​നി​ധി രു​ചി​ര കം​​ബോ​ഗ് ഇ​ക്കാ​ര്യം പ​റ​ഞ്ഞി​രി​ക്കു​ന്ന​ത്. തീ​വ്ര​വാ​ദ ഭീ​ഷ​ണി​യെ ഏ​തെ​ങ്കി​ലും മ​ത​വു​മാ​യോ വം​ശീ​യ​വി​ഭാ​ഗ​വു​മാ​യോ ബ​ന്ധ​പ്പെ​ടു​ത്താ​നാ​വി​ല്ലെ​ന്നും എ​ല്ലാ തീ​വ്ര​വാ​ദ പ്ര​വ​ർ​ത്ത​ന​ങ്ങ​ളും കു​റ്റ​ക​ര​മാ​ണെ​ന്നും കു​റി​പ്പി​ൽ പ​റ​യു​ന്നു. 'ഭീ​ക​ര​വാ​ദം എ​ല്ലാ രൂ​പ​ങ്ങ​ളി​ലും അ​പ​ല​പി​ക്ക​പ്പെ​ടേ​ണ്ട​താ​ണ്. തീ​വ്ര​വാ​ദ പ്ര​വ​ർ​ത്ത​നം ആ​ര്, എ​വി​ടെ, എ​​പ്പോ​ൾ ചെ​യ്താ​ലും ന്യാ​യീ​ക​രി​ക്കാ​ൻ ക​ഴി​യി​ല്ല. എ​ല്ലാ രാ​ഷ്ട്ര​ങ്ങ​ളു​ടെ​യും കൂ​ട്ടാ​യ ശ്ര​മ​ത്തി​ലൂ​ടെ മാ​ത്ര​മേ ഇ​തി​നെ പ​രാ​ജ​യ​പ്പെ​ടു​ത്താ​നാ​വൂ' എ​ന്ന് ആ​മു​ഖ​ക്കു​റി​പ്പ് ഓ​ർ​മ​പ്പെ​ടു​ത്തു​ന്നു.

ച​രി​ത്ര​ത്തി​ലു​ട​നീ​ളം ഭീ​ക​ര-​തീ​വ്ര​വാ​ദ സം​ഘ​ങ്ങ​ളും പ്ര​വ​ർ​ത്ത​ന​ങ്ങ​ളും ന​ട​ന്നി​ട്ടു​ണ്ടെ​ങ്കി​ലും 2001 സെ​പ്റ്റം​ബ​ർ 11ന് ​യു.​എ​സ് വേ​ൾ​ഡ് ട്രേ​ഡ് സെ​ന്റ​റി​നു​നേ​രെ ന​ട​ന്ന ഭീ​ക​രാ​ക്ര​മ​ണ​ങ്ങ​ളാ​ണ് ആ​ധു​നി​ക ച​രി​ത്ര​ത്തി​ൽ ആ​ഗോ​ള​ത​ല​ത്തി​ൽ അ​പ​ല​പി​ക്ക​പ്പെ​ട്ട ഭീ​ക​രാ​ക്ര​മ​ണം. അ​മേ​രി​ക്ക​ൻ ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​ന് ല​ഭി​ച്ച തെ​ളി​വു​ക​ളു​ടെ വെ​ളി​ച്ച​ത്തി​ൽ ആ ​ഭീ​ക​രാ​ക്ര​മ​ണ​ത്തി​ന്റെ ഉ​പ​ജാ​പ​ക​രും പ്ര​ണേ​താ​ക്ക​ളും ഉ​സാ​മ ബി​ൻ​ലാ​ദി​ൻ എ​ന്ന സൗ​ദി വം​ശ​ജ​ന്റെ അ​ൽ​ഖാ​ഇ​ദ​യാ​ണെ​ന്ന് ലോ​കം പൊ​തു​വെ വി​ശ്വ​സി​ക്കു​ക​യും ചെ​യ്യു​ന്നു. അ​തേ തു​ട​ർ​ന്നാ​ണ് ഇ​സ്‍ലാ​മി​ക ഭീ​ക​ര​ത എ​ന്ന​പേ​ർ വി​ളി​ക്ക​പ്പെ​ട്ട പ്ര​തി​ഭാ​സ​ത്തി​ന്റെ അ​ടി​വേ​ര​റു​ക്കാ​ൻ ലോ​ക വ്യാ​പ​ക​മാ​യി അ​മേ​രി​ക്ക​യു​ടെ നേ​തൃ​ത്വ​ത്തി​ൽ ന​ട​പ​ടി​ക​ൾ ആ​രം​ഭി​ച്ച​ത്. ഉ​സാ​മ ബി​ൻ​ലാ​ദി​ൻ അ​ഭ​യം തേ​ടി​യ അ​ഫ്ഗാ​നി​സ്താ​നി​ലെ താ​ലി​ബാ​ൻ ഭ​ര​ണ​കൂ​ട​ത്തെ നി​ഷ്‍കാ​സ​നം ചെ​യ്ത​തും ആ ​രാ​ജ്യ​ത്ത് നാ​​റ്റോ സേ​ന വി​ന്യ​സി​ക്ക​പ്പെ​ട്ട​തും വ​ർ​ഷ​ങ്ങ​ൾ​ക്കു​ശേ​ഷ​മാ​ണെ​ങ്കി​ലും ബി​ൻ​ലാ​ദി​നെ പി​ടി​കൂ​ടി ക​ഷ്ണം ക​ഷ്ണ​മാ​ക്കി ക​ട​ലി​ലെ​റി​ഞ്ഞ​തും ഇ​പ്പോ​ഴും പ​ച്ച​യാ​യി നി​ൽ​ക്കു​ന്ന ഓ​ർ​മ​ക​ളാ​ണ്. അ​തോ​ടൊ​പ്പം തീ​വ്ര​വാ​ദ​ത്തെ​യും തീ​വ്ര​വാ​ദി​ക​ളെ​യും സ​ഹാ​യി​ക്കു​ന്ന​താ​യി അ​മേ​രി​ക്ക​ൻ സ​ർ​ക്കാ​ർ ഉ​ൾ​പ്പെ​ടെ​യു​ള്ള ഭ​ര​ണ​കൂ​ട​ങ്ങ​ൾ​ക്ക് തോ​ന്നു​ന്ന എ​ല്ലാ സം​ഘ​ട​ന​ക​ളെ​യും സം​ഘ​ങ്ങ​ളെ​യും നി​യ​മ​വി​രു​ദ്ധ​മാ​യി പ്ര​ഖ്യാ​പി​ച്ചു. അ​വ​ർ​ക്ക് ധ​ന​സ​ഹാ​യം ചെ​യ്യു​ന്ന​താ​യി സം​ശ​യി​ക്ക​പ്പെ​ടു​ന്ന സ്രോ​ത​സ്സു​ക​ളെ​ല്ലാം വ​റ്റി​ച്ചു. ത​ങ്ങ​ൾ അ​നു​വ​ദി​ക്കു​ന്ന സൊ​സൈ​റ്റി​ക​ൾ​ക്കു​മാ​ത്രം ധ​ന​സ​ഹാ​യം സ്വീ​ക​രി​ക്കാ​ൻ അ​നു​മ​തി ന​ൽ​കു​ന്ന സ്ഥി​തി​വി​ശേ​ഷ​വും സം​ജാ​ത​മാ​യി. ഏ​കാ​ധി​പ​ത്യ-​സ​മ​ഗ്രാ​ധി​പ​ത്യ ഭ​ര​ണ​കൂ​ട​ങ്ങ​ൾ​ക്ക് എ​തി​ർ​ശ​ബ്ദ​ങ്ങ​ളെ അ​പ്പാ​ടെ നി​ശ്ശ​ബ്ദ​മാ​ക്കു​ന്ന നി​യ​മ​നി​ർ​മാ​ണ​ങ്ങ​ൾ​ക്കും അ​വ​സ​ര​മൊ​രു​ങ്ങി. സാ​മാ​ന്യ ജ​ന​ങ്ങ​ളാ​വ​ട്ടെ അ​ങ്ങ​​നെ​യെ​ങ്കി​ലും തീ​വ്ര​വാ​ദ-​ഭീ​ക​ര​ശാ​പം ഒ​ന്ന​വ​സാ​നി​പ്പി​ച്ചു​കി​ട്ടി​യാ​ൽ അ​ത്ര​ക്കാ​ശ്വാ​സം എ​ന്ന നി​ല​പാ​ടി​ലു​മെ​ത്തി​യി​രി​ക്കു​ന്നു. ഈ ​വൈ​കാ​രി​കാ​വ​സ്ഥ​യി​ൽ​നി​ന്ന് മു​ത​ലെ​ടു​ത്ത് സ്റ്റേ​റ്റ് ടെ​റ​റി​സം കാ​ട്ടി​ക്കൂ​ട്ടു​ന്ന മ​നു​ഷ്യാ​വ​കാ​ശ ധ്വം​സ​ന​ങ്ങ​ളെ കോ​ട​തി​ക​ൾ​പോ​ലും സ​ഗൗ​ര​വം ക​ണ​ക്കി​ലെ​ടു​ക്കാ​ത്ത അ​വ​സ്ഥ​യു​മു​ണ്ട്.

ഈ ​സാ​ഹ​ച​ര്യ​ങ്ങ​ളി​ലാ​ണ് ഏ​തെ​ങ്കി​ലും മ​ത​ത്തി​ന്റെ​യോ സം​സ്കാ​ര​ത്തി​ന്റെ​യോ ദേ​ശീ​യ​ത​യു​ടെ​യോ പേ​രി​ൽ ഒ​രു​വി​ധ തീ​വ്ര​വാ​ദ​ത്തെ​യും ഭീ​ക​ര​ത​യെ​യും ന്യാ​യീ​ക​രി​ക്കാ​നാ​വി​ല്ലെ​ന്ന സു​ചി​ന്തി​താ​ഭി​പ്രാ​യം മ​ത​നി​ര​പേ​ക്ഷ ജ​നാ​ധി​പ​ത്യ ഇ​ന്ത്യ​യു​ടേ​താ​യി ലോ​ക​രാ​ഷ്ട്ര സ​മു​ച്ച​യം മു​മ്പാ​കെ അ​വ​ത​രി​പ്പി​ക്ക​പ്പെ​ടു​ന്ന​ത്. തീ​ർ​ച്ച​യാ​യും സ്വാ​ഗ​തം ചെ​യ്യ​പ്പെ​ടേ​ണ്ട​താ​ണ് ഈ ​നീ​ക്കം. അ​തേ​യ​വ​സ​ര​ത്തി​ൽ ന​മ്മു​ടെ രാ​ജ്യ​ത്തി​നും ഭ​ര​ണ​കൂ​ട​ത്തി​നും ഇ​ങ്ങ​നെ​യൊ​രാ​ശ​യം മു​ന്നോ​ട്ടു​വെ​ക്കാ​നു​ള്ള ധാ​ർ​മി​കാ​വ​കാ​ശം തീ​ർ​ച്ച​യാ​യും​ ചോ​ദ്യം ചെ​യ്യ​പ്പെ​ടു​മെ​ന്ന് കാ​ണാ​തി​രു​ന്നു​കൂ​ടാ. ന​മ്മു​ടെ വാ​ക്കും പ്ര​വൃ​ത്തി​യും ത​മ്മി​ലെ പ്ര​ക​ട​മാ​യ അ​ന്ത​രം​ത​ന്നെ കാ​ര​ണം. ഗ​ത​കാ​ലാ​നു​ഭ​വ​ങ്ങ​ൾ നി​ര​വ​ധി​യാ​ണെ​ങ്കി​ലും മാ​തൃ​ക​ക്ക് ചി​ല​തു​മാ​ത്രം ചൂ​ണ്ടി​ക്കാ​ട്ടു​ക​യാ​ണ്. 2002 ഫെ​ബ്രു​വ​രി​യി​ൽ ന​രേ​ന്ദ്ര മോ​ദി മു​ഖ്യ​മ​ന്ത്രി​യാ​യി​രി​ക്കെ ഗു​ജ​റാ​ത്തി​ൽ ന​ട​ത്തി​യ അ​തി​ഭീ​ക​ര വം​ശീ​യ ക​ലാ​പ​ത്തി​ൽ ആ​യി​ര​ത്തി​നും ര​ണ്ടാ​യി​ര​ത്തി​നു​മി​ട​ക്ക് മ​ത​ന്യൂ​ന​പ​ക്ഷ സ​മു​ദാ​യ​ക്കാ​രാ​യ സ്‍ത്രീ​ക​ളും കു​ഞ്ഞു​ങ്ങ​ളു​മു​ൾ​പ്പെ​ടെ​യു​ള്ള​വ​ർ ചു​ട്ട് ചാ​മ്പ​ലാ​ക്ക​പ്പെ​ട്ട​ത് ഇ​ന്നേ​വ​രെ ഭീ​ക​ര​കൃ​ത്യ​മാ​യി രാ​ജ്യം ഭ​രി​ക്കു​ന്ന മോ​ദി സ​ർ​ക്കാ​ർ അം​ഗീ​ക​രി​ച്ചി​ട്ടി​ല്ല. ഒ​രു പ​ടി​കൂ​ടി ക​ട​ന്ന്, ത​ന്മൂ​ല​മാ​ണ് ഗു​ജ​റാ​ത്തി​ൽ സ​മാ​ധാ​ന​മു​ണ്ടാ​യ​തെ​ന്ന് ആ​ഭ്യ​ന്ത​ര​മ​ന്ത്രി​ത​ന്നെ തെ​ര​ഞ്ഞെ​ടു​പ്പ് പ്ര​ചാ​ര​ണ പ്ര​സം​ഗ​ത്തി​ൽ അ​വ​കാ​ശ​പ്പെ​ടു​ക​യും ചെ​യ്തു. 2002ൽ ​മ​ക്കാ മ​സ്ജി​ദി​ലും സം​​ഝോ​ത എ​ക്സ്​​പ്ര​സി​ലും 2008ൽ ​മാ​ലേ​ഗാ​വി​ലും ആ​സൂ​ത്രി​താ​ക്ര​മ​ണം ന​ട​ത്തി​യ​വ​രെ​ന്ന് തെ​ളി​ഞ്ഞ അ​ഭി​ന​വ് ഭാ​ര​ത് എ​ന്ന ഭീ​ക​ര സം​ഘ​ട​ന​ക്ക് നേ​തൃ​ത്വം ന​ൽ​കി​യ​വ​രെ ശി​ക്ഷി​ച്ചി​ട്ടി​ല്ലെ​ന്ന് മാ​ത്ര​മ​ല്ല പാ​ർ​ട്ടി ടി​ക്ക​റ്റി​ൽ പാ​ർ​ല​മെ​ന്റി​ലേ​ക്ക് മ​ത്സ​രി​പ്പി​ച്ച് വി​ജ​യി​പ്പി​ക്കു​ക​യും ചെ​യ്തു. ഭാ​ര​തീ​യ ഗോ​ര​ക്ഷ​ക് ദ​ൾ എ​ന്ന പേ​രി​ൽ സം​ഘ​ടി​ച്ചു ദ​ശ​ക്ക​ണ​ക്കി​ൽ ഗോ​മം​സ​വ്യാ​പാ​രി​ക​ളാ​യ മു​സ്‍ലിം​ക​ളെ ആ​ൾ​ക്കൂ​ട്ട കൊ​ല ന​ട​ത്തി​യ​വ​ർ ഇ​ന്നും സ്വ​ത​ന്ത്ര​രാ​യി ന​ട​ക്കു​ന്നു. ഒ​രാ​ൾ​ക്കു​മെ​തി​രെ യു.​എ.​പി.​എ ചു​മ​ത്തി​യി​ല്ല; എ​ൻ.​ഐ.​എ അ​ന്വേ​ഷ​ണ​വു​മി​ല്ല. അ​പ്പോ​ൾ ചോ​ദ്യം ഒ​ന്നേ​യു​ള്ളൂ. ഭീ​ക​ര​ത മു​സ്‍ലിം ന്യൂ​ന​പ​ക്ഷ​ത്തി​നു​മാ​ത്രം ചാ​ർ​ത്തിക്കൊ​ടു​ക്കേ​ണ്ട​താ​യി ന​മ്മു​ടെ സ​ർ​ക്കാ​ർ അം​ഗീ​ക​രി​ച്ചു​വോ? ഹി​ന്ദു​ത്വ​ർ സം​ഘ​ടി​ത​മാ​യി നി​ര​പ​രാ​ധി​ക​ളെ കൊ​ന്നൊ​ടു​ക്കി​യാ​ലും അ​ത് ഭീ​ക​ര​ത​യാ​വി​ല്ല എ​ന്നാ​ണോ? എ​ങ്കി​ൽ പി​ന്നെ ഭീ​ക​ര​ത​ക്ക് മ​ത​വും സം​സ്കാ​ര​വും ഇ​ല്ലെ​ന്ന് വീ​മ്പി​ള​ക്കു​ന്ന​തി​ൽ എ​ന്ത​ർ​ഥം? ലോ​കം ഇ​തൊ​ന്നും കാ​ണാ​തി​രി​ക്കു​ക​യോ അം​ഗീ​ക​രി​ക്കു​ക​യോ ചെ​യ്യു​ന്നി​ല്ലെ​ന്ന സ​ത്യം ഭീ​ക​ര​ത​വി​രു​ദ്ധ സെ​മി​നാ​ർ സം​ഘാ​ട​ക​ർ ഓ​ർ​ക്കു​ന്ന​ത് ന​ന്നാ​വും.