ഒത്തുതീർപ്പിൽ തെളിയാത്ത കരയും കടലും

വി​ഴി​ഞ്ഞം അ​ന്താ​രാ​ഷ്ട്ര തു​റ​മു​ഖ​ത്തി​നെ​തി​രെ 138 ദി​വ​സ​മാ​യി ല​ത്തീ​ൻ ക​ത്തോ​ലി​ക്കാ അ​തി​രൂ​പ​ത​യു​ടെ നേ​തൃ​ത്വ​ത്തി​ൽ ന​ട​ന്ന സ​മ​രം സം​സ്ഥാ​നസ​ർ​ക്കാ​റു​മാ​യി സ​മ​വാ​യ​ത്തി​ലെ​ത്തി​യ​തി​നെ​ തു​ട​ർ​ന്ന് പി​ൻ​വ​ലി​ക്കാ​ൻ ധാ​ര​ണ​യാ​യി​രി​ക്കു​ന്നു. സ​മ​ര​സ​മി​തി​യു​ടെ വാർത്ത​ക്കു​റി​പ്പി​ൽ സൂ​ചി​പ്പി​ക്കു​ന്ന​തു​പോ​ലെ, ഏഴു കാ​ര്യ​ങ്ങ​ളി​ൽ മത്സ്യ​ത്തൊ​ഴി​ലാ​ളി​ക​ൾ ആ​വ​ശ്യ​പ്പെ​ട്ട​തു​പോ​ലെ തീ​രു​മാ​ന​ങ്ങ​ൾ ഉ​ണ്ടാ​യി​ട്ടി​ല്ലെങ്കി​ലും അ​വ​രു​ടെ ന്യാ​യ​മാ​യ ആ​വ​ശ്യ​ങ്ങ​ൾ സ​മ​യ​ബ​ന്ധി​ത​മാ​യി സ​ർ​ക്കാ​ർ പ​രി​ഹ​രി​ക്കും എ​ന്ന പ്ര​ത്യാ​ശ​യും ന​ൽ​കി​യ ഉ​റ​പ്പു​ക​ൾ പാ​ലി​ക്ക​പ്പെ​ടു​മെ​ന്ന വി​ശ്വാ​സ​വും പ്ര​ക​ടി​പ്പി​ച്ചു​കൊ​ണ്ടാ​ണ് താ​ൽ​ക്കാ​ലി​ക​മാ​യി സ​മ​രം അ​വ​സാ​നി​പ്പി​ക്കു​ന്ന​ത്. തു​റ​മു​ഖനി​ർ​മാ​ണം നി​ർ​ത്തി​വെ​ച്ച് മ​ത്സ്യ​ത്തൊ​ഴി​ലാ​ളി​ക​ൾ നി​ർ​ദേ​ശി​ക്കു​ന്ന വി​ദഗ്ധ പ്ര​തി​നി​ധി​ക​ളെ​ക്കൂ​ടി അം​ഗ​ങ്ങ​ളാ​യി നി​ശ്ച​യി​ച്ച് പാ​രിസ്ഥി​തി​കാഘാ​ത പ​ഠ​നം ന​ട​ത്ത​ണ​മെ​ന്ന സു​പ്ര​ധാ​ന ആ​വ​ശ്യം അം​ഗീ​ക​രി​ക്ക​പ്പെ​ടാ​ത്ത സാ​ഹ​ച​ര്യ​ത്തി​ൽ അ​തി​നാ​യി ജ​ന​കീ​യ വി​ദഗ്ധസ​മി​തി​യെ നി​ശ്ച​യി​ച്ചി​ട്ടു​ണ്ട്. 126 മ​ത്സ്യ​ത്തൊ​ഴി​ലാ​ളി​ക​ൾ ന​ൽ​കി​യ റി​ട്ട് ഹ​ര​ജി​യി​ൽ നി​യ​മ​പോ​രാ​ട്ടം തു​ട​രാ​നും തീ​രു​മാ​നി​ച്ചി​ട്ടു​ണ്ട്.

വി​ഴി​ഞ്ഞം പ​ദ്ധ​തി​ക്കെ​തി​രെ പ്ര​ധാ​ന​മാ​യും മൂ​ന്നു ത​രം വി​മ​ർ​ശ​ന​ങ്ങ​ളാ​ണ് ഉ​യ​ർ​ത്ത​പ്പെ​ട്ട​ത്. അ​തി​ലൊ​ന്ന് ക​ട​ലി​ന​ടി​യി​ലെ കൊ​ടും​വ​നമെ​ന്നും ഇ​ന്ത്യ​യി​ലെ പ്ര​ജ​ന​ന തു​റ​മു​ഖ​മെ​ന്നും വി​ളി​ക്ക​പ്പെ​ടു​ന്ന വ​മ്പി​ച്ച പ​വി​ഴ​പ്പു​റ്റു​നി​ര​ക​ളും മ​ത്സ്യ​വി​ഭ​വ​ങ്ങ​ളു​മു​ള്ള ക​ട​ലി​ന്റെ സ്വാ​ഭാ​വി​ക ആ​വാ​സ​വ്യ​വസ്ഥ​യും സ​ന്തു​ല​നാ​വ​സ്ഥ​യും ത​ക​ർ​ക്കു​മെ​ന്ന​താ​ണ്. പാ​രിസ്ഥി​തി​കാ​ഘാ​ത​ങ്ങളെ മു​ഖ​വി​ല​ക്കെടു​ക്കാ​തെ​യും ഗൗ​ര​വ​ത​ര​മാ​യ പ​ഠ​ന​ങ്ങ​ൾ നി​ർ​വ​ഹി​ക്കാ​തെ​യു​മാ​ണ് അ​ദാ​നി​യു​ടെ തു​റ​മു​ഖനി​ർ​മാ​ണം ആ​രം​ഭി​ക്കു​ക​യും പാ​തി​വ​ഴി​യി​ൽ എ​ത്തു​ക​യും ചെ​യ്തി​രി​ക്കു​ന്ന​ത്. തീ​രം ക​ട​ലെ​ടു​ത്തു​പോ​കു​ന്ന​തും ക​ട​ലി​ലെ മ​ത്സ്യസ​മ്പ​ത്ത് ശോ​ഷി​ച്ചു​പോ​കു​ന്ന​തും കോ​ർപ​റേ​റ്റ് വി​ക​സ​നം പ്ര​ധാ​ന അ​ജ​ണ്ട​യാ​യി മാ​റി​ക്ക​ഴി​ഞ്ഞ കേ​ര​ള​ത്തി​ലെ മു​ഖ്യ​ധാ​രാ രാ​ഷ്ട്രീ​യ​പാ​ർ​ട്ടി​ക​ൾ​ക്കും കേ​ന്ദ്ര, സം​സ്ഥാ​ന സ​ർ​ക്കാ​റു​ക​ൾ​ക്കും യാ​തൊ​രു അ​സ്ക്യ​ത​യും സൃ​ഷ്ടി​ച്ചി​ല്ല. വി​ചി​ത്ര​മാ​യ കാ​ര്യം, വ​ല്ലാ​ർ​പാ​ടം തു​റ​മു​ഖ​ത്തിന്റെ അ​നു​ഭ​വം കൺമുന്നി​ലു​ണ്ടാ​യി​ട്ടും ന​മ്മു​ടെ സാം​സ്കാ​രി​കനാ​യ​ക​ന്മാ​ർ വ​രെ അ​ദാ​നി​യു​ടെ വി​ഴി​ഞ്ഞം സ്വ​പ്ന​ങ്ങ​ളി​ൽ മ​യ​ങ്ങി​വീ​ണു എ​ന്ന​താ​ണ്.

സ​മ​ര​മു​യ​ർ​ത്തി​യ ര​ണ്ടാ​മ​ത്തെ ആ​വ​ശ്യം തു​റ​മു​ഖനി​ർ​മാ​ണ പ്ര​വ​ർ​ത്ത​ന​ങ്ങ​ളു​മാ​യി ബന്ധപ്പെട്ട് മ​ത്സ്യ​ത്തൊ​ഴി​ലാ​ളി​ക​ളും അ​വ​രു​ടെ കു​ടും​ബ​ങ്ങ​ളും അ​നു​ഭ​വി​ക്കു​ന്ന അ​തി​ജീ​വ​നപ്ര​തി​സ​ന്ധി​ക​ളാ​ണ്. പു​ലി​മു​ട്ട് നി​ർ​മാ​ണ​ത്തോ​ടെ തീ​ര​ത്തും തീ​ര​ക്ക​ട​ലി​ലും സം​ഭ​വി​ച്ച ഗു​രു​ത​ര​മാ​റ്റ​ങ്ങ​ൾ മ​ത്സ്യ​ബ​ന്ധ​ന​ത്തെ തകിടംമറിച്ചിരിക്കുന്നു. പ​ണി​യു​ള്ള ദി​വ​സ​ങ്ങ​ൾ കു​റ​യു​ക​യും ബോ​ട്ട​പ​ക​ട​ങ്ങ​ൾ വ​ർ​ധി​ക്കു​ക​യും ചെ​യ്ത സാ​ഹ​ച​ര്യ​ത്തി​ൽ അ​പ​ക​ട​ര​ഹി​ത​മാ​യി വ​ള്ള​മി​റ​ക്കാ​നും ഉ​പ​ജീ​വ​നം ഉ​റ​പ്പു​വ​രു​ത്താ​നു​മു​ള്ള ആ​വ​ശ്യ​ങ്ങ​ൾ അ​വ​രെ സം​ബ​ന്ധി​ച്ച് ഏ​റെ പ്ര​ധാ​ന​പ്പെ​ട്ട​വ​യാ​യി​രു​ന്നു. സ​മ​രസ​മൂ​ഹം ഉ​യ​ർ​ത്തി​യ ഏ​ഴ് ആ​വ​ശ്യ​ങ്ങ​ളി​ൽ ആ​റും അ​ത്ത​ര​ത്തി​ലു​ള്ള​വ​യാ​യി​രു​ന്നു. പ​ല​ത​വ​ണ ഭ​ര​ണ​കൂ​ട​ങ്ങ​ൾ അം​ഗീ​ക​രി​ച്ച​താ​ണെ​ങ്കി​ലും അ​വ​യെ​ല്ലാം ഒ​ച്ചി​ഴ​യു​ന്ന വേ​ഗ​ത്തി​ൽ ന​ട​ക്കാ​നോ പാ​തി​വ​ഴി​യി​ൽ നി​ല​ക്കാ​നോ ആ​ണ് വി​ധി​ക്ക​പ്പെ​ട്ടി​രു​ന്ന​ത്. തീ​ർ​ച്ച​യാ​യും ഈ ​സ​മ​ര​ത്തി​ന്റെ ഏ​റ്റ​വും വ​ലി​യ വി​ജ​യം അ​വ​യെ​ല്ലാം സ​ർ​ക്കാ​ർ ഗൗ​ര​വ​ത്തോ​ടെ അം​ഗീ​ക​രി​ക്കു​ക​യും മു​ഖ്യ​മ​ന്ത്രി നേ​രി​ട്ട് അ​വ​ർ​ക്ക് ഉ​റ​പ്പുന​ൽ​കു​ക​യും ചെ​യ്തു എ​ന്ന​താ​ണ്. സ​മ​യ​ബ​ന്ധി​ത​മാ​യി അ​വ നി​ർ​വ​ഹി​ക്കു​മെ​ന്ന് അ​ദ്ദേ​ഹം നി​യ​മ​സ​ഭ​യി​ൽ ആ​വ​ർ​ത്തി​ക്കു​ക​യും ചെ​യ്തി​രി​ക്കു​ന്നു. ദുരിതാ​ശ്വാ​സ ക്യാ​മ്പു​ക​ളി​ലും താ​ൽ​ക്കാ​ലി​ക ഷെ​ൽ​ട്ട​റു​ക​ളി​ലും ക​ഴി​ഞ്ഞു​കൂ​ടേ​ണ്ടി​വ​രു​ന്ന മ​ത്സ്യ​ത്തൊ​ഴി​ലാ​ളി കു​ടും​ബ​ങ്ങ​ൾ​ക്ക് അ​വ​യി​ൽനി​ന്ന് മോ​ച​നം ല​ഭി​ക്കാ​ൻ ഈ ​ഒ​ത്തു​തീ​ർ​പ്പ് ഫോ​ർ​മു​ല സ​ഹാ​യ​ക​ര​മാ​കു​ന്നു​വെ​ന്ന​ത് ആ​ഹ്ലാ​ദ​ക​ര​മാ​ണ്.

വി​ഴി​ഞ്ഞം തു​റ​മു​ഖ വി​രു​ദ്ധ സ​മ​രം ഉ​യ​ർ​ത്തി​യ മൂ​ന്നാ​മ​ത്തെ പ്ര​ധാ​ന പ്ര​ശ്നം, കോ​ർ​പറേ​റ്റ് മു​ത​ലാ​ളി​ത്തം ഭ​ര​ണ​കൂ​ട ച​ങ്ങാ​ത്ത​ത്തി​ലൂ​ടെ സൃ​ഷ്ടി​ക്കു​ന്ന നൈ​തി​കവി​രു​ദ്ധ​മാ​യ വി​ഭ​വ​ക്കൊ​ള്ള​യാ​ണ്. കേ​ര​ള​ ജ​ന​സ​ഞ്ച​യ രാ​ഷ്ട്രീ​യ​ത്തി​ന്റെ സു​വ​ർ​ണ​ലി​പി​ക​ളി​ൽ രേ​ഖ​പ്പെ​ടു​ത്തി​യ​താ​ണ് പ്ലാ​ച്ചി​മ​ട​യി​ലെ കൊ​ക്ക​ക്കോ​ള വി​രു​ദ്ധ സ​മ​രം. ആ​ദി​വാ​സി​ക​ൾ ഉ​യ​ർ​ത്തി​യ അ​തിജീ​വ​നസ​മ​ര​ത്തെ കേ​ര​ളം ഒ​റ്റ​ക്കെ​ട്ടാ​യി ഏ​റ്റെ​ടു​ത്ത് അ​ന്ത​ർ​ദേ​ശീ​യ കോ​ർ​പ​റേ​റ്റി​നെ ത​റ​പ​റ്റി​ക്കു​ക​ത​ന്നെ ചെ​യ്തു. അ​തേ രാ​ഷ്ട്രീ​യ​ബോ​ധ​ത്തി​ലും മാ​നു​ഷി​ക ഐ​ക്യ​ത്തി​ലും മ​ത്സ്യ​ത്തൊ​ഴി​ലാ​ളി​ക​ളു​ടെ സ​മ​ര​ത്തെ ഏ​റ്റെ​ടു​ക്കാൻ കേരളത്തിന്​ ക​ഴി​യാ​തെ പോ​യി. ആ ​പോ​രാ​ട്ടപാ​ര​മ്പ​ര്യം 'സ്വ​ദേ​ശി ഭീ​മൻ' ച​ങ്ങാ​ത്തമു​ത​ലാ​ളി​ത്തം വഴി നി​ർ​മി​ച്ചെ​ടു​ത്ത അ​വിഹി​ത​ക്ക​രാ​റു​ക​ൾ​ക്കും പ​ദ്ധ​തി​ക​ൾ​ക്കും മു​ന്നി​ൽ തോ​റ്റു​പോ​യി​രി​ക്കു​ന്നു. വി​ഴി​ഞ്ഞം തു​റ​മു​ഖ പ​ദ്ധ​തി​യി​ലെ നി​യ​മവി​രു​ദ്ധ​ത​ക​ളും ക​ട​ലും ക​ര​യും ചേ​ർ​ന്ന സ​വി​ശേ​ഷ​മാ​യ ഒ​രാ​വാ​സ വ്യ​വ​സ്ഥ വി​ല​ക്കെ​ടു​ക്ക​പ്പെ​ട്ട​തും സ​ജീ​വ​മാ​യി ഉ​ന്ന​യി​ക്കാ​ൻ​പോ​ലും ധൈ​ര്യം​കാ​ണി​ക്കാ​തെ മൗ​ന​ത്തി​ന്റെ ആ​ഴി​ക​ളി​ൽ ഒ​ളി​ച്ചു​വെ​ക്കേ​ണ്ടിവ​ന്നു, മ​ല​യാ​ളി​ക്ക് അ​വ​രുടെ 'രാ​ഷ്ട്രീ​യപ്ര​ബു​ദ്ധ​ത'. വി​ഴി​ഞ്ഞം സ​മ​രം അ​വ​സാ​നി​ക്കു​മ്പോ​ഴും അ​തു​യ​ർ​ത്തി​യ ചോ​ദ്യ​ങ്ങ​ളും ആ​കു​ല​ത​ക​ളും അ​ന്ത​രീ​ക്ഷ​ത്തി​ൽ അ​വ​ശേ​ഷി​ക്കു​കത​ന്നെ ചെ​യ്യും. അ​തി​ലു​പ​രി, മ​ല​യാ​ളി​യു​ടെ രാ​ഷ്ട്രീ​യ കാ​പ​ട്യ​ങ്ങ​ൾ, വൈ​ജ്ഞാ​നി​ക ഇ​ര​ട്ട​ത്താ​പ്പു​ക​ൾ, ഒ​ളി​ഞ്ഞു​കി​ട​ക്കു​ന്ന സാ​മു​ദാ​യി​ക വെ​റി​ക​ൾ, മ​ധ്യ​സ്ഥ ഇ​ട​നാ​ഴി​ക​ളി​ലെ കൂ​റു​ക​ച്ച​വ​ട​ങ്ങ​ൾ തു​ട​ങ്ങി​യ​വയെ​ക്കു​റി​ച്ചു​ള്ള പു​തി​യ ചോ​ദ്യ​ങ്ങ​ൾ കൂടി വിഴിഞ്ഞം സമരവും സമവായവും ഉ​യർത്തുന്നുണ്ട്​.