എ​ന്നു നി​ർ​ത്തും ഈ ​ഒ​ളി​ഞ്ഞു​നോ​ട്ടം?

രാ​ജ്യ​ങ്ങ​ൾ, രാ​ഷ്ട്രീയമോ സൈ​നി​ക​മോ ആ​യ വെ​ല്ലു​വി​ളി​ സൃ​ഷ്ടി​ക്കു​ന്ന അ​ഥ​വാ ഭാ​വി​യി​ൽ ഭീ​ഷ​ണി​യാ​വാ​ൻ സാ​ധ്യ​ത​യു​ള്ള മ​റ്റു രാ​ജ്യ​ങ്ങ​ളി​ൽ ചാ​ര​പ്പ​ണി​യും ര​ഹ​സ്യാ​ന്വേ​ഷ​ണ​വും ന​ട​ത്തു​ന്ന​ത് സ​ർ​വ​സാ​ധാ​ര​ണ​മാ​ണ്. അ​ന്താ​രാ​ഷ്ട്ര മ​ര്യാ​ദ​ക​ൾ​ക്കും നൈ​തി​ക​ത​ക​ൾ​ക്കും വി​രു​ദ്ധ​മാ​ണെ​ങ്കി​ലും രാ​ജ്യ​ങ്ങ​ളു​ടെ​യും അ​തി​ലെ ജ​ന​ങ്ങ​ൾ ഉ​ൾ​പ്പെ​ടെ​യു​ള്ള വി​ല​യേ​റി​യ സ​മ്പ​ത്തി​ന്റെ​യും സു​ര​ക്ഷി​ത​ത്വം ഉ​റ​പ്പു​വ​രു​ത്തു​ന്ന​തി​ന് ആ​വ​ശ്യ​മാ​യ ഒ​ഴി​ച്ചു​കൂ​ടാ​നാ​കാ​ത്ത തി​ന്മ (Inevitable evil) എ​ന്ന ​മ​ട്ടി​ൽ അ​ത് അം​ഗീ​ക​രി​ക്ക​പ്പെ​ട്ടി​രി​ക്കുന്നു. ശ​ത്രു​രാ​ജ്യ​മെ​ന്ന് വി​വ​ക്ഷി​ക്ക​പ്പെ​ടു​ന്ന ന​മ്മു​ടെ തൊ​ട്ട​യ​ൽ രാ​ജ്യ​ത്ത് ന​ട​ക്കു​ന്ന കാ​ര്യ​ങ്ങ​ൾ ഇ​ന്ത്യ​ൻ ര​ഹ​സ്യാ​ന്വേ​ഷ​ണ ഏ​ജ​ൻ​സി ജാ​ഗ്ര​​ത്താ​യി സ​ദാ നി​രീ​ക്ഷി​ച്ചു​പോ​രു​ന്ന കാ​ര്യം ഒ​രു ര​ഹ​സ്യ​മ​ല്ല. അവരാകട്ടെ, ന​മ്മു​ടെ ര​ഹ​സ്യ​ങ്ങ​ൾ ചോ​ർ​ത്താ​ൻ തി​ക​ച്ചും മ​ര്യാ​ദ​ര​ഹി​ത​മാ​യ പ​ല ത​ന്ത്ര​ങ്ങ​ളും പ്ര​യോ​ഗി​ച്ചു​പോ​രു​ന്നു. പ്ര​തി​രോ​ധ​രം​ഗ​ത്തെ പ​ര​മോ​ന്ന​ത സ്ഥാ​പ​ന​മാ​യ ഡി​ഫ​ൻ​സ് റി​സ​ർ​ച് ആ​ൻ​ഡ് ഡെ​വ​ല​പ്മെ​ന്റ് ഓ​ർ​ഗ​നൈ​സേ​ഷ​നി​ലെ(​ഡി.​ആ​ർ.​ഡി.​ഒ) അ​ഗ്നി മി​സൈ​ൽ ഉ​ൾ​പ്പെ​ടെ ത​ന്ത്ര​പ്ര​ധാ​ന​മാ​യ പ​ല പ​ദ്ധ​തി​ക​ളു​ടെ​യും ഭാ​ഗ​മാ​യി​രു​ന്ന ശാ​സ്ത്ര​ജ്ഞ​ൻ പ്ര​ദീ​പ് കു​രു​ൽ​ക്ക​ർ ര​ഹ​സ്യ​രേ​ഖ​ക​ൾ പാ​കി​സ്താ​നി​ൽ നി​ന്നു​ള്ള ചാ​ര​വ​നി​ത​ക്ക് കൈ​മാ​റി​യ സം​ഭ​വം ഈ​യി​ടെ വാ​ർ​ത്ത​ക​ളി​ൽ നി​റ​ഞ്ഞ​താ​ണ്. രാ​ജ്യം ഭ​രി​ക്കു​ന്ന പാ​ർ​ട്ടി​യു​ടെ മാ​ർ​ഗ​ദ​ർ​ശി​ക​ളാ​യ സം​ഘ്പ​രി​വാ​റി​ന്റെ പ്ര​മു​ഖ സ്വ​യം സേ​വ​ക​രി​ൽ ഒ​രാ​ൾ​കൂ​ടി​യാ​ണ് ഈ ​ശാ​സ്ത്ര​ജ്ഞ​ൻ. ഡി.​ആ​ർ.​ഡി.​ഒ​യി​ലെ​ത​ന്നെ ഉ​ന്ന​ത ഉ​ദ്യോ​ഗ​സ്ഥ​രി​ലൊ​രാ​ളാ​യ ബാ​ബു​റാം ദേ​യ് രാ​ജ്യ​ത്തി​ന്റെ മി​സൈ​ൽ പ​രീ​ക്ഷ​ണ​ങ്ങ​ൾ സം​ബ​ന്ധി​ച്ച ര​ഹ​സ്യ​ങ്ങ​ൾ ശ​ത്രു​രാ​ജ്യ​ത്തി​ന്റെ ര​ഹ​സ്യാ​ന്വേ​ഷ​ക​ർ​ക്ക് ചോ​ർ​ത്തി​ക്കൊ​ടു​ത്തു​വെ​ന്ന കേ​സും ഈ ​വ​ർ​ഷം പു​റ​ത്തു​വ​ന്നി​രു​ന്നു. ക​ഴി​ഞ്ഞ എ​ട്ടു വ​ർ​ഷ​ത്തി​നി​ടെ ക​ര-​വ്യോ​മ-​നാ​വി​ക സൈ​ന്യ​ങ്ങ​ളു​ടെ ഭാ​ഗ​മാ​യ 18ഓ​ളം ഉ​ദ്യോ​ഗ​സ്ഥ​ർ​ക്കെ​തി​രെ രാ​ജ്യ​ത്തി​ന്റെ ര​ഹ​സ്യം ചോ​ർ​ത്തി​യ ആ​രോ​പ​ണ​ങ്ങ​ളു​യ​ർ​ന്നു. ര​ഹ​സ്യ​ങ്ങ​ൾ പ​ല​തും കൈ​മാ​റ​പ്പെ​ട്ട​ശേ​ഷം പൊ​ലീ​സി​ന്റെ ര​ഹ​സ്യാ​ന്വേ​ഷ​ണ ഏ​ജ​ൻ​സി​ക​ളും തീ​വ്ര​വാ​ദ​വി​രു​ദ്ധ സം​ഘ​ങ്ങ​ളു​മെ​ല്ലാം ന​ട​ത്തി​യ ഇ​ട​പെ​ട​ലു​ക​ളു​ടെ ഫ​ല​മാ​യി കു​റെ​യേ​​റെ ര​ഹ​സ്യ​ചോ​ർ​ച്ച​ക​ൾ ക​ണ്ടെ​ത്താ​നും അ​തി​നു പി​ന്നി​ൽ പ്ര​വ​ർ​ത്തി​ച്ച ചി​ല​രെ അ​മ​ർ​ച്ച​ചെ​യ്യാ​നും സാ​ധി​ച്ചു​വെ​ന്ന​ത് ആ​ശ്വാ​സം.

ന​മ്മു​ടെ ര​ഹ​സ്യ​ങ്ങ​ൾ ഇ​ങ്ങ​നെ അ​തി​ർ​ത്തി​ക​ട​ന്നു​പോ​ക​വെ ന​മ്മു​ടെ ഭ​ര​ണ​കൂ​ട​ത്തി​ന് തി​ടു​ക്കം സ്വ​ന്തം പൗ​ര​ജ​ന​ങ്ങ​ളു​ടെ​യും ജ​ന​നേ​താ​ക്ക​ളു​ടെ​യും ര​ഹ​സ്യ​ങ്ങ​ൾ ചൂ​ഴ്ന്നെ​ടു​ക്കു​ന്ന​തി​ലാ​ണ്. വ​ർ​ത്ത​മാ​ന​ലോ​ക​ത്ത് തു​ല്യ​ത​യി​ല്ലാ​ത്ത അ​ധി​നി​വേ​ശ-​യു​ദ്ധ​ക്കു​റ്റ​കൃ​ത്യ​ങ്ങ​ൾ ന​ട​ത്തി​വ​രു​ന്ന ഇ​സ്രാ​യേ​ൽ വി​ക​സി​പ്പി​ച്ചെ​ടു​ത്ത പെ​ഗ​സ​സ് എ​ന്ന ചാ​ര​സം​വി​ധാ​നം ഉ​പ​യോ​ഗ​പ്പെ​ടു​ത്തി ഇ​ന്ത്യ​യി​ൽ കേ​ന്ദ്ര​മ​ന്ത്രി​മാ​ർ ഉ​ൾ​പ്പെ​ടെ രാ​ഷ്ട്രീ​യ​നേ​താ​ക്ക​ൾ, നാ​ൽ​പ​തി​ലേ​റെ മാ​ധ്യ​മ​പ്ര​വ​ർ​ത്ത​ക​ർ, ആ​ക്ടി​വി​സ്റ്റു​ക​ൾ, വ്യ​വ​സാ​യി​ക​ൾ എ​ന്നി​വ​ര​ട​ക്കം നി​ര​വ​ധി പേ​രു​ടെ ഫോ​ണു​ക​ൾ ചോ​ർ​ത്തി​യ വി​വ​രം പു​റ​ത്തു​വ​ന്ന​ത് ര​ണ്ടു​വ​ർ​ഷം മു​മ്പാ​ണ്. ഫോ​ൺ സം​ഭാ​ഷ​ണ​ങ്ങ​ളും സ​ന്ദേ​ശ​ങ്ങ​ളും ഒ​ളി​ച്ചു കേ​ൾ​ക്കു​ക മാ​ത്ര​മ​ല്ല, ശ​രീ​ര​ത്തി​ലെ അ​വ​യ​വ​ങ്ങ​ളെ​ന്ന ​ക​ണ​ക്കെ സ​ദാ ന​മു​ക്കൊ​പ്പ​മു​ണ്ടാ​കു​ന്ന ഫോ​ണു​ക​ളി​ൽ മാ​ൽ​വെ​യ​റു​ക​ൾ മു​ഖേ​ന വ്യാ​ജ​തെ​ളി​വു​ക​ൾ സ്ഥാ​പി​ച്ച് ന​മു​ക്കെ​തി​രാ​യ ആ​യു​ധ​ങ്ങ​ളാ​ക്കി മാ​റ്റു​ന്ന​താ​ണ് ഈ ​സം​വി​ധാ​നം. പെ​ഗ​സ​സ് വ​ല​യി​ലാ​യ ഫോ​ണു​ക​ളു​ടെ​യും ക​മ്പ്യൂ​ട്ട​റു​ക​ളു​ടെ​യും പ്ര​വ​ർ​ത്ത​ന​ങ്ങ​ൾ മു​ഴു​വ​ൻ മ​റ്റൊ​രി​ട​ത്തി​രു​ന്ന് ഗൂ​ഢ​ശ​ക്തി​ക​ൾ​ക്ക് കൈ​യാ​ളാ​നാ​കും. ജ​ന​ങ്ങ​ളു​ടെ മൗ​ലി​കാ​വ​കാ​ശ​ങ്ങ​ൾ അ​തി​ഭ​യാ​ന​ക​മാം​വി​ധം ലം​ഘി​ക്ക​പ്പെ​ടു​ന്ന പെ​ഗ​സ​സ് ചാ​ര​വൃ​ത്തി​യു​ടെ ഗൗ​ര​വം തി​രി​ച്ച​റി​ഞ്ഞ് രാ​ജ്യ​ത്തെ പ​ര​മോ​ന്ന​ത നീ​തി​പീ​ഠം ഇ​തേ​ക്കു​റി​ച്ച​ന്വേ​ഷി​ക്കാ​ൻ ഒ​രു സ​മി​തി​യെ നി​യോ​ഗി​ച്ചെ​ങ്കി​ലും സ​ർ​ക്കാ​ർ ഇ​തു​മാ​യി നി​സ്സ​ഹ​ക​രി​ക്കു​ക​യാ​യി​രു​ന്നു. സ​മി​തി സ​മ​ർ​പ്പി​ച്ച റി​പ്പോ​ർ​ട്ടി​ന്മേ​ൽ തു​ട​ർ ന​ട​പ​ടി​ക​ളു​ണ്ടാ​വാനുണ്ട്.

ഇ​പ്പോ​ഴി​താ രാ​ജ്യം പൊ​തു​തെ​ര​ഞ്ഞെ​ടു​പ്പി​ന്റെ പ​ടി​വാ​തി​ൽ​ക്ക​ൽ നി​ൽ​ക്കേ രാ​ജ്യ​ത്തെ പ്ര​തി​പ​ക്ഷ രാ​ഷ്ട്രീ​യ നേ​താ​ക്ക​ളി​ൽ പ​ല​രു​ടെ​യും ഫോ​ണു​ക​ൾ ചോ​ർ​ത്താ​ൻ ശ്ര​മം ന​ട​ക്കു​ന്ന​താ​യ ആ​ക്ഷേ​പം ഉ​യ​രു​ന്നു. ഭ​ര​ണ​കൂ​ടം ചോ​ർ​ത്താ​ൻ നോ​ക്കു​ന്നു​വെ​ന്ന് ഐ​ഫോ​ൺ ഉ​പ​യോ​ക്താ​ക്ക​ളാ​യ ശ​ശി ത​രൂ​ർ, സീ​താ​റാം യെ​ച്ചൂ​രി, പ​വ​ൻ ഖേ​ര, മ​ഹു​വ മൊ​യ്ത്ര, അ​സ​ദു​ദ്ദീ​ൻ ഉ​വൈ​സി, പ്രി​യ​ങ്ക ച​തു​ർ​വേ​ദി തു​ട​ങ്ങി​യ പ്ര​തി​പ​ക്ഷ​ത്തെ പ​ല പ്ര​മു​ഖ നേ​താ​ക്ക​ൾ​ക്കും ഫോ​ൺ നി​ർ​മാ​താ​ക്ക​ളാ​യ ആ​പ്പി​ൾ ക​മ്പ​നി ത​ന്നെ​യാ​ണ് മു​ന്ന​റി​യി​പ്പ് ന​ൽ​കി​യ​ത്. വി​വ​ര​ചോ​ർ​ച്ച തി​രി​ച്ച​റി​യാ​നും പ്ര​തി​രോ​ധി​ക്കാ​നും ഒ​രു​പ​രി​ധി​വ​രെ ശേ​ഷി​യു​ള്ള​ത് എ​ന്ന് വി​ശ്വ​സി​ക്ക​പ്പെ​ടു​ന്ന ഐ​ഫോ​ണി​ൽ ഇ​താ​ണ് സ്ഥി​തി​യെ​ങ്കി​ൽ അ​ത്ര സാ​​ങ്കേ​തി​ക​ത്തി​ക​വി​ല്ലാ​ത്ത ഫോ​ണു​ക​ൾ ഉ​പ​യോ​ഗി​ക്കു​ന്ന ആ​ക്ടി​വി​സ്റ്റു​ക​ളെ​യും മാ​ധ്യ​മ പ്ര​വ​ർ​ത്ത​ക​രെ​യു​മെ​ല്ലാം എ​വ്വി​ധ​ത്തി​ലാ​ണ് ഭ​ര​ണ​കൂ​ടം ചോ​ർ​ത്തി​ക്കൊ​ണ്ടി​രി​ക്കു​ന്ന​ത് എ​ന്ന് ഊ​ഹി​ക്കാ​വു​ന്ന​തേയുള്ളൂ. ഭ​ര​ണ​കൂ​ട​ത്തി​നും അ​വ​രു​ടെ ച​ങ്ങാ​ത്ത​ക്കാ​രാ​യ വ്യ​വ​സാ​യ ഗ്രൂ​പ്പു​ക​ൾ​ക്കും വ​ർ​ഗീ​യ-​തീ​വ്ര​വാ​ദ സം​ഘ​ങ്ങ​ൾ​ക്കും എ​തി​രാ​യ വാ​ർ​ത്ത​ക​ളെ​യും ബ​ഹു​ജ​ന മു​ന്നേ​റ്റ​ങ്ങ​ളെ​യും അ​ട്ടി​മ​റി​ക്കാ​ൻ ഇ​ത്ത​രം ചാ​ര​പ്പ​ണി നി​ര​ന്ത​രം ന​ട​ക്കു​ന്നു എ​ന്നു​ത​ന്നെ​വേ​ണം അ​നു​മാ​നി​ക്കാ​ൻ. പ്ര​തി​പ​ക്ഷ ശ​ബ്ദ​മു​യ​ർ​ത്തു​ന്ന​വ​രെ നി​ശ്ശ​ബ്ദ​മാ​ക്കാ​ൻ ല​ക്ഷ്യ​മി​ട്ട് ന​ട​ത്തു​ന്ന ഈ ​ഉ​ത്സാ​ഹ​ങ്ങ​ൾ അ​തി​ർ​ത്തി ഭേ​ദി​ച്ചു ക​യ​റി രാ​ജ്യ​ത്തെ അ​സ്ഥി​ര​പ്പെ​ടു​ത്താ​ൻ ശ്ര​മി​ക്കു​ന്ന ശ​ക്തി​ക​ളെ ക​ണ്ടെ​ത്താ​നും പ്ര​തി​രോ​ധി​ക്കാ​നും പ്ര​ക​ടി​പ്പി​ച്ചി​രു​ന്നു​വെ​ങ്കി​ൽ അ​രു​ണാ​ച​ൽ പ്ര​ദേ​ശി​ൽ ക​ട​ന്നു​ക​യ​റി ചൈ​ന നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ത്തു​മാ​യി​രു​ന്നി​ല്ല, ന​മ്മു​ടെ പ്ര​തി​രോ​ധ സ്ഥാ​പ​ന​ങ്ങ​ളി​ലെ ര​ഹ​സ്യ​ങ്ങ​ൾ പാ​കി​സ്താ​നി​ലേ​ക്ക് പ​റ​ക്കു​മാ​യി​രു​ന്നി​ല്ല.

കേ​ന്ദ്രം ഭ​രി​ക്കു​ന്ന സ​ർ​ക്കാ​ർ ഇ​ന്നാ​ട്ടി​ലെ ജ​ന​ങ്ങ​ളെ​യും അ​വ​രു​ൾ​ക്കൊ​ള്ളു​ന്ന രാ​ഷ്ട്രീ​യ- മ​ത-​സാം​സ്കാ​രി​ക പാ​ർ​ട്ടി​ക​ളെ​യും കൂ​ട്ടാ​യ്മ​ക​ളെ​യും ശ​ത്രു​ക്ക​ളാ​യി കാ​ണു​ന്ന​ത് അ​തീ​വ ദൗ​ർ​ഭാ​ഗ്യ​ക​ര​മാ​ണ്. ജ​ന​ങ്ങ​ളു​ടെ നി​കു​തി​പ്പ​ണ​മു​പ​യോ​ഗി​ച്ച് അ​വ​ർ​ക്കും അ​വ​രു​ടെ നേ​താ​ക്ക​ൾ​ക്കു​മെ​തി​രെ ചാ​ര​പ്പ​ണി ന​ട​ത്തു​ന്ന രാ​ജ്യ​ത്തി​നെ​ങ്ങ​നെ​യാ​ണ് ‘ജ​നാ​ധി​പ​ത്യ​ത്തി​ന്റെ മാ​താ​വ്’ എ​ന്ന് പു​ള​കം കൊ​ള്ളാ​നാ​വു​ക? ജ​നാ​ധി​പ​ത്യ​വി​രു​ദ്ധം മാ​ത്ര​മ​ല്ല, തി​ക​ഞ്ഞ മ​നു​ഷ്യാ​വ​കാ​ശ-​മൗ​ലി​കാ​വ​കാ​ശ ലം​ഘ​നം കൂ​ടി​യാ​ണ് ഈ ​ക​ട​ന്നുക​യ​റ്റം. ഇ​ത് അ​വ​സാ​നി​പ്പി​ച്ചേ മ​തി​യാ​കൂ.