വോ​ട്ടു​യ​ന്ത്ര​ത്തി​ന്റെ വി​ശ്വാ​സ്യ​ത​യും നീ​തി​പീ​ഠ​വും

ഇ​ല​ക്ട്രോ​ണി​ക് വോ​ട്ടി​ങ് മെ​ഷീ​ന്റെ (ഇ.​വി.​എം) വി​ശ്വാ​സ്യ​ത സം​ബ​ന്ധി​ച്ച് അ​തി​നി​ർ​ണാ​യ​ക​മാ​യൊ​രു കേ​സി​ൽ ക​ഴി​ഞ്ഞ​ദി​വ​സം സു​പ്രീം​കോ​ട​തി​യി​ൽ വാ​ദം ന​ട​ന്നു​കൊ​ണ്ടി​രി​ക്കെ, ഹ​ര​ജി​ക്കാ​രു​ടെ വാ​ദ​ത്തെ സാ​ധൂ​ക​രി​ക്കും​വി​ധം പു​തി​യൊ​രു സം​ഭ​വം​കൂ​ടി കോ​ട​തി​യി​ലെ​ത്തി. കാ​​​സ​​​ർ​​​കോ​​​ട്​ ലോ​​​ക്സ​​​ഭ മ​​​ണ്ഡ​​​ല​​​ത്തി​​​ൽ ബു​​​ധ​​​നാ​​​ഴ്ച ന​​​ട​​​ന്ന മോ​​​ക്​ പോ​​​ളി​​​ൽ ബി.​​​ജെ.​​​പി​​​ക്ക്​ പോ​​​ൾ ചെ​​​യ്ത​​​തി​​​നെ​​​ക്കാ​​​ൾ ഒ​​​രു വോ​​​ട്ട്​ കൂ​​​ടു​​​ത​​​ൽ കി​​​ട്ടി​​​യ​​​താ​​​യി വോ​​​ട്ടു​​​യ​​​ന്ത്ര​​​ത്തി​​​ൽ കാ​​​ണി​​​ച്ച സം​ഭ​വം മു​തി​ർ​ന്ന അ​ഭി​ഭാ​ഷ​ക​ൻ പ്ര​ശാ​ന്ത് ഭൂ​ഷ​ൺ കോ​ട​തി​യെ അ​റി​യി​ക്കു​ക​യു​ണ്ടാ​യി. വോ​ട്ടു​യ​ന്ത്ര​ത്തോ​ടൊ​പ്പം ഘ​ടി​പ്പി​ക്കു​ന്ന മു​ഴു​വ​ൻ വി​വി​പാ​റ്റ് (വോ​ട്ട​ർ വെ​രി​ഫ​യ​ബ്ൾ പേ​പ്പ​ർ ഓ​ഡി​റ്റ് ട്ര​യ​ൽ) സ്ലി​പ്പു​ക​ളും എ​ണ്ണ​ണ​മെ​ന്ന് ആ​വ​ശ്യ​പ്പെ​ട്ട് ന​ൽ​കി​യ ഹ​ര​ജി​യാ​ണ് കോ​ട​തി​യു​ടെ പ​രി​ഗ​ണ​ന​യി​ലു​ള്ള​ത്. കാ​സ​ർ​കോ​ട് റി​പ്പോ​ർ​ട്ട് ചെ​യ്ത​തും വി​വി​പാ​റ്റു​മാ​യി ബ​ന്ധ​പ്പെ​ട്ട കു​ഴ​പ്പ​മാ​യി​രു​ന്നു. കാ​​​സ​​​ർ​​​കോ​​​ട് ഗ​​​വ. കോ​​​ള​​​ജി​​​ൽ ന​​​ട​​​ന്ന ഇ.​​​വി.​​​എം പ​​​രി​​​ശോ​​​ധ​​​ന​​​യി​​​ലാ​​​ണ് നാ​​​ല് മെ​​​ഷീ​​​നു​​​ക​​​ളി​​​ൽ ക്ര​​​മ​​​ക്കേ​​​ട് ക​​​ണ്ടെ​​​ത്തി​​​യ​​​ത്. താ​​​മ​​​ര ചി​ഹ്ന​ത്തി​ൽ ഒ​​​രു വോ​​​ട്ട് രേ​ഖ​പ്പെ​ടു​ത്തി​യാ​ൽ വി​​​വി​​​പാ​​​റ്റ് എ​​​ണ്ണു​​​മ്പോ​​​ൾ ര​​​ണ്ടെ​ണ്ണ​മാ​കു​ന്നു​വെ​ന്നും താ​​​മ​​​ര​​​ക്ക് വോ​​​ട്ട് ചെ​​​യ്തി​​​ല്ലെ​​​ങ്കി​ലും വി​​​വി​​​പാ​​​റ്റി​ൽ ഒ​​​രു വോ​​​ട്ട് ല​​​ഭി​​​ക്കു​​​ന്ന​താ​യും പ​രി​ശോ​ധ​ന​യി​ൽ ക​ണ്ടെ​ത്തി. പ​ട്ടി​ക​യി​ലെ ആ​ദ്യ സ്ഥാ​നാ​ർ​ഥി​യാ​യ​തു​കൊ​ണ്ടാ​ണ് ഇ​ങ്ങ​നെ സം​ഭ​വി​ക്കു​ന്ന​തെ​ന്നും ആ​ദ്യ സ്ലി​പ് എ​ണ്ണാ​നു​ള്ള​ത​ല്ലെ​ന്നു​മാ​ണ് ഉ​ദ്യോ​ഗ​സ്ഥ​രു​ടെ വി​ശ​ദീ​ക​ര​ണം. ഈ ​സം​ഗ​തി​യാ​ണ് തൊ​ട്ട​ടു​ത്ത ദി​വ​സം സു​പ്രീം​കോ​ട​തി​യി​ലെ​ത്തി​യ​ത്. ഇ​ക്കാ​ര്യ​ത്തി​ൽ വി​ശ​ദീ​ക​ര​ണം ആ​രാ​ഞ്ഞ കോ​ട​തി​യോ​ട് ആ​ദ്യം വാ​ർ​ത്ത​ത​ന്നെ നി​ഷേ​ധി​ക്കു​ക​യും പി​ന്നീ​ട് സാ​​ങ്കേ​തി​ക പി​ഴ​വാ​ണെ​ന്ന ന്യാ​യം ച​മ​യ്ക്കു​ക​യു​മാ​യി​രു​ന്നു തെ​ര​ഞ്ഞെ​ടു​പ്പ് ക​മീ​ഷ​ൻ. ഏ​റെ പ്ര​ധാ​ന​പ്പെ​ട്ട മ​റ്റൊ​രു കാ​​ര്യം, ഈ ​വാ​ദ​പ്ര​തി​വാ​ദ​ങ്ങ​ൾ കോ​ട​തി​യി​ൽ ന​ട​ന്നു​കൊ​ണ്ടി​രി​ക്കു​മ്പോ​ൾ, പ​ത്ത​നം​തി​ട്ട മ​ണ്ഡ​ല​ത്തി​ലും സ​മാ​ന​മാ​യ ‘പി​ഴ​വ്’ ആ​വ​ർ​ത്തി​ച്ചു​വെ​ന്ന​താ​ണ്. അ​വി​ടെ ന​ട​ന്ന മോ​ക് പോ​ളി​ൽ യു.​ഡി.​എ​ഫ് സ്ഥാ​നാ​ർ​ഥി ആ​​ന്റോ ആ​ന്റ​ണി​ക്ക് രേ​ഖ​പ്പെ​ടു​ത്തി​യ വോ​ട്ട് പോ​യ​ത് ബി.​ജെ.​പി​യു​ടെ അ​നി​ൽ ആ​ന്റ​ണി​ക്കാ​ണ്. ഇ​ത്ത​ര​ത്തി​ൽ അ​ഞ്ച് മെ​ഷീ​നു​ക​ളി​ൽ തെ​റ്റാ​യാ​ണ് വോ​ട്ട് രേ​ഖ​പ്പെ​ടു​ത്തി​യ​ത്.

ഈ ​വി​ഷ​യ​ത്തി​ൽ സു​പ്രീം​കോ​ട​തി​യു​ടെ ഇ​ട​പെ​ട​ലും ജ​സ്റ്റി​സു​മാ​രാ​യ സ​ഞ്ജീ​വ് ഖ​ന്ന, ദീ​പാ​ങ്ക​ർ ദ​ത്ത എ​ന്നി​വ​ർ ന​ട​ത്തി​യ നി​രീ​ക്ഷ​ണ​ങ്ങ​ളും സു​പ്ര​ധാ​ന​മാ​ണ്. വോ​ട്ടു​യ​ന്ത്ര​ത്തി​ന്റെ സാ​​ങ്കേ​തി​ക​ത​യും പ്ര​വ​ർ​ത്ത​ന രീ​തി​ക​ളും സം​ബ​ന്ധി​ച്ച് തെ​ര​ഞ്ഞെ​ടു​പ്പ് ക​മീ​ഷ​ന്റെ ഏ​ക​പ​ക്ഷീ​യ​മാ​യ വാ​ദ​ങ്ങ​ളെ പൂ​ർ​ണ​മാ​യും മു​ഖ​വി​ല​ക്കെ​ടു​ക്കാ​ൻ നീ​തി​പീ​ഠം ത​യാ​റാ​യി​ല്ല എ​ന്ന​താ​ണ് ഇ​തി​ൽ പ്ര​ധാ​നം. വോ​ട്ടു​യ​ന്ത്ര​ത്തി​ന്റെ വി​ശ്വാ​സ്യ​ത സം​ബ​ന്ധി​ച്ച ചോ​ദ്യ​ങ്ങ​ളു​യ​രു​മ്പോ​ൾ അ​തി​നെ കേ​വ​ല ഗൂ​ഢാ​ലോ​ച​ന സി​ദ്ധാ​ന്ത​മാ​യി അ​വ​ത​രി​പ്പി​ക്കാ​നാ​ണ് ഇ​ക്കാ​ല​മ​ത്ര​യും തെ​ര​ഞ്ഞെ​ടു​പ്പ് ക​മീ​ഷ​ൻ ശ്ര​മി​ച്ച​ത്. എ​ന്നാ​ൽ, ഇ.​വി.​എം പ്ര​വ​ർ​ത്ത​ന​ത്തി​ന്റെ സു​താ​ര്യ​ത​യി​ൽ പൊ​തു​ജ​ന​ങ്ങ​ൾ​ക്ക് ആ​ശ​യ​ങ്ക​യു​ണ്ടെ​ന്നും അ​ക്കാ​ര്യം ദൂ​രീ​ക​രി​ക്കാ​നു​ള്ള ബാ​ധ്യ​ത ക​മീ​ഷ​നു​ണ്ടെ​ന്നും കോ​ട​തി ഓ​ർ​മ​പ്പെ​ടു​ത്തി. അ​തോ​ടൊ​പ്പം, വോ​ട്ടു​യ​ന്ത്ര​ത്തി​ൽ അ​മി​ത​മാ​യ സം​ശ​യം വേ​ണ്ടെ​ന്നും കോ​ട​തി പ​റ​യു​ന്നു. തീ​ർ​ത്തും സ​ന്തു​ലി​ത​മാ​യ നി​രീ​ക്ഷ​ണ​മാ​ണി​തെ​ന്ന് പ​റ​യാം. വി​ഷ​യ​ത്തി​ന്റെ മ​ർ​മ​ത്തി​ൽ കേ​ന്ദ്രീ​ക​രി​ച്ച് മു​ൻ​വി​ധി​ക​ളി​ല്ലാ​ത്ത തു​റ​ന്ന ച​ർ​ച്ച​യി​ലേ​ക്കും വാ​ദ​പ്ര​തി​വാ​ദ​ങ്ങ​ളി​ലേ​ക്കു​മാ​ണ് ഈ ​സ​മീ​പ​നം എ​ത്തി​ക്കു​ക. ആ ​അ​ർ​ഥ​ത്തി​ൽ പ​ര​മോ​ന്ന​ത നീ​തി​പീ​ഠ​ത്തി​ന്റെ ഇ​ട​പെ​ട​ൽ ശ്ലാ​ഘ​നീ​യ​വും ച​രി​ത്ര​പ​ര​വു​മാ​ണ്. വി​ഷ​യ​ത്തെ ഗൂ​ഢാ​ലോ​ച​ന​യി​ൽ ത​ള​ച്ചി​ടാ​തെ സ്വ​ത​​ന്ത്ര​മാ​യ അ​ന്വേ​ഷ​ണ​ത്തി​ന് വ​ഴി​തു​റ​ക്കു​ന്നു​ണ്ട് ഈ ​സ​മീ​പ​നം. അ​തു​കൊ​ണ്ടു​ത​ന്നെ, ഈ ​വ്യ​വ​ഹാ​ര​ത്തി​ൽ ജ​നാ​ധി​പ​ത്യ വി​ശ്വാ​സി​ക​ൾ​ക്ക് പ്ര​തീ​ക്ഷ​യു​ണ്ട്. ക​മീ​ഷ​ൻ ചൂ​ണ്ടി​ക്കാ​ണി​ച്ച​തു​പോ​ലെ, ഹ​ര​ജി​ക്കാ​ർ ആ​വ​ശ്യ​പ്പെ​ടും പ്ര​കാ​രം മു​ഴു​വ​ൻ വി​വി​പാ​റ്റ് സ്ലി​പ്പു​ക​ളും എ​ണ്ണി തി​ട്ട​പ്പെ​ടു​ത്തു​ക എ​ന്ന​തും ബാ​ല​റ്റി​ലേ​ക്ക് തി​രി​ച്ചു​പോ​വു​ക എ​ന്ന​തും അ​പ്രാ​യോ​ഗി​ക​മാ​ണ്. ഇ​ക്കാ​ര്യ​വും കോ​ട​തി ശ​രി​വെ​ക്കു​ന്നു​ണ്ട്. അ​തു​കൊ​ണ്ടു​ത​ന്നെ, ഹ​ര​ജി​ക്കാ​ർ ആ​ഗ്ര​ഹി​ക്കു​ന്ന വി​ധി​യൊ​ന്നും ഇ​ക്കാ​ര്യ​ത്തി​ൽ പ്ര​തീ​ക്ഷി​ക്കാ​നാ​വി​ല്ലെ​ങ്കി​ലും നി​ല​വി​ലെ വോ​ട്ടു​യ​ന്ത്ര സം​വി​ധാ​നം മെ​ച്ച​പ്പെ​ടു​ത്താ​നും തെ​ര​ഞ്ഞെ​ടു​പ്പ് പ്ര​ക്രി​യ കൂ​ടു​ത​ൽ സു​താ​ര്യ​മാ​ക്കാ​നും കോ​ട​തി ഇ​ട​പെ​ട​ലി​ലൂ​ടെ ക​ഴി​യു​മെ​ന്ന് പ്ര​തീ​ക്ഷി​ക്കാം.

പ​ക്ഷേ, ഈ ​കോ​ട​തി ഇ​ട​പെ​ട​ലി​ലും പ​രി​ഹ​രി​ക്ക​പ്പെ​ടാ​നാ​വാ​തെ കി​ട​ക്കു​ന്ന മ​റ്റു ചി​ല പ്ര​ശ്ന​ങ്ങ​ളു​ണ്ട്. ഇ.​വി.​എ​മ്മി​ന്റെ നി​ർ​മാ​ണ-​വി​ത​ര​ണ​ത്തി​ലെ ദു​രൂ​ഹ​ത​ക​ൾ മു​ൻ​നി​ർ​ത്തി​യാ​യി​രു​ന്നു വോ​ട്ടു​യ​ന്ത്ര​ത്തെ​ക്കു​റി​ച്ചു​ള്ള ആ​ശ​ങ്ക നേ​ര​ത്തേ ഉ​യ​ർ​ന്നി​രു​ന്ന​ത്; ഒ​പ്പം ഇ.​വി.​എ​മ്മി​ന്റെ പ്ര​യോ​ഗ​വും ആ​ശ​യ​ക്കു​ഴ​പ്പ​മു​ണ്ടാ​ക്കി. ഉ​​ദ്ദേ​​ശി​​ച്ച സ്ഥാ​​നാ​​ർ​​ഥി​​ക്കു​​ത​​ന്നെ​​യാ​​ണോ വോ​​ട്ട് രേ​​ഖ​​പ്പെ​​ടു​​ത്ത​​പ്പെ​​ട്ട​​തെ​ന്ന് തി​​രി​​ച്ച​​റി​​യാ​​ൻ സ​​മ്മ​​തി​​ദാ​​യ​​ക​​നു​​പോ​​ലും അ​​വ​​സ​​ര​​മി​​ല്ലെ​​ന്ന​​താ​​ണ്, സു​​താ​​ര്യ​​മാ​​ണെ​​ങ്കി​​ൽ​​പോ​​ലും ഇ.​​വി.​​എ​​മ്മി​​ന്റെ പ​​രി​​മി​​തി. സ​​ർ​​വം മെ​​ഷീ​​നി​​ൽ വി​​ശ്വ​​സി​​ച്ച് വി​​ര​​ല​​മ​​ർ​​ത്താ​​നേ വോ​​ട്ട​​ർ​​ക്ക് സാ​​ധി​​ക്കൂ. ഇ​​തൊ​​രു പ​​രാ​​തി​​യാ​​യി ഉ​​യ​​ർ​​ന്ന​​പ്പോ​​ഴാ​​ണ് വി​​വി​​പാ​​റ്റ് സം​​വി​​ധാ​​നം ആ​​വി​​ഷ്ക​​രി​​ച്ച​​ത്. എ​​ന്നാ​​ൽ, ആ​​ദ്യ​​ത്തേ​​തി​​നെ​​ക്കാ​​ൾ ഏ​​റ്റ​​വും വ​​ലി​​യ ത​​ട്ടി​​പ്പാ​​ണി​​തെ​​ന്ന്, മോ​​ദി സ​​ർ​​ക്കാ​​റി​​ന്റെ ജ​​നാ​​ധി​​പ​​ത്യ​​വി​​രു​​ദ്ധ ന​​യ​​ങ്ങ​​ളി​​ൽ പ്ര​​തി​​ഷേ​​ധി​​ച്ച് ഐ.​​എ.​​എ​​സ് ഉ​​പേ​​ക്ഷി​​ച്ച ക​​ണ്ണ​​ൻ ഗോ​​പി​​നാ​​ഥ​​നു​​ൾ​​പ്പെ​​ടെ​​യു​​ള്ള​​വ​​ർ സ​​മ​​ർ​​ഥി​​ക്കു​​ക​​യു​​ണ്ടാ​​യി. വി​വി​പാ​റ്റി​ന് വോ​ട്ടു​യ​ന്ത്ര​ത്തി​ലെ ക​ൺ​ട്രോ​ൾ യൂ​നി​റ്റു​മാ​യി ബ​ന്ധ​മി​ല്ലാ​ത്ത​തി​നാ​ൽ, വി​വി​പാ​റ്റി​ൽ തെ​ളി​ഞ്ഞ ചി​ഹ്നം ത​ന്നെ​യാ​ണോ യ​ഥാ​ർ​ഥ വോ​ട്ടാ​യി ക​ൺ​ട്രോ​ൾ യൂ​നി​റ്റി​ൽ അ​ട​യാ​ള​പ്പെ​ടു​ത്തി​യി​രി​ക്കു​ന്ന​ത് എ​ന്ന​റി​യാ​ൻ ഇ​പ്പോ​ഴും മാ​ർ​ഗ​മി​ല്ല. മ​റ്റൊ​ര​ർ​ഥ​ത്തി​ൽ, വി​വി​പാ​റ്റ് മു​ഴു​വ​ൻ എ​ണ്ണി​യാ​ൽ​പോ​ലും കാ​ര്യ​ങ്ങ​ൾ സു​താ​ര്യ​മാ​കി​ല്ല; പ​ര​മാ​വ​ധി ആ​കെ വോ​ട്ടെ​ണ്ണം ശ​രി​യാ​ണോ എ​ന്ന് അ​റി​യാം. അ​തു​കൊ​ണ്ടു​ത​ന്നെ, സു​പ്രീം​കോ​ട​തി​യു​ടെ പ​രി​ഗ​ണ​ന​യി​ലു​ള്ള ഈ ​കേ​സി​ൽ വി​ധി ഹ​ര​ജി​ക്കാ​ർ​ക്ക് അ​നു​കൂ​ല​മാ​യാ​ൽ​പോ​ലും അ​ത് വോ​ട്ടു​യ​ന്ത്ര​ത്തെ​ക്കു​റി​ച്ച സ​ർ​വ ആ​ശ​ങ്ക​ക​ളും അ​ക​റ്റു​മെ​ന്ന് പ്ര​തീ​ക്ഷി​ക്കാ​നാ​വി​ല്ല. ചോ​ദ്യ​ങ്ങ​ളും ആ​ശ​ങ്ക​ക​ളും അ​പ്പോ​ഴും ബാ​ക്കി​കി​ട​ക്കും. കോ​ട​തി ശ​രി​വെ​ച്ച ആ ​ആ​ശ​ങ്ക​ക​ൾ പ​രി​ഹ​രി​ക്കാ​ൻ കൂ​ടു​ത​ൽ സു​താ​ര്യ​വും ശാ​സ്ത്രീ​യ​വു​മാ​യ തെ​ര​ഞ്ഞെ​ടു​പ്പ് സം​വി​ധാ​ന​മാ​ണ് ന​മു​ക്കാ​വ​ശ്യം.