ഹ​നി​യ്യ​യു​ടെ ര​ക്ത​സാ​ക്ഷി​ത്വം വൃ​ഥാ​വി​ലാ​വി​ല്ല

ലോ​ക മ​നു​ഷ്യ മ​നഃ​സാ​ക്ഷി​യെ വി​റ​ങ്ങ​ലി​പ്പി​ച്ചു​കൊ​ണ്ട് പ​ത്തു​മാ​സ​മാ​യി തു​ട​രു​ന്ന ഇ​സ്രാ​യേ​ലി​ന്റെ ഫ​ല​സ്തീ​ൻ ആ​ക്ര​മ​ണ​ത്തി​ന് ഏ​തു​വി​ധേ​ന​യും ഒ​രി​ട​ക്കാ​ല വി​രാ​മ​മെ​ങ്കി​ലും സാ​ധി​ത​മാ​ക്കാ​ൻ ബ​ഹു​ഭൂ​രി​പ​ക്ഷം രാ​ഷ്ട്ര​ങ്ങ​ളു​ടെ പി​ന്തു​ണ​യോ​ടെ ഖ​ത്ത​റും ഈ​ജി​പ്തും തു​ട​രു​ന്ന തീ​വ്ര​ശ്ര​മ​ങ്ങ​ളെ തീ​ർ​ത്തും പ്ര​തി​കൂ​ല​മാ​യി ബാ​ധി​ക്കു​ന്ന​താ​ണ് ബു​ധ​നാ​ഴ്ച പു​ല​ർ​ച്ച ഫ​ല​സ്തീ​ൻ മു​ൻ പ്ര​ധാ​ന​മ​ന്ത്രി​യും ഹ​മാ​സ് രാ​ഷ്ട്രീ​യ​കാ​ര്യ സ​മി​തി അ​ധ്യ​ക്ഷ​നു​മാ​യ ഇ​സ്മാ​ഈ​ൽ ഹ​നി​യ്യ​യെ തെ​ഹ്റാ​നി​ലെ താ​മ​സ​സ്ഥ​ല​ത്ത് വ്യോ​മാ​ക്ര​മ​ണ​ത്തി​ലൂ​ടെ വ​ധി​ച്ച സ​യ​ണി​സ്റ്റ് ഭീ​ക​ര​കൃ​ത്യം. ജ​ന്മ​നാ​ടി​ന്റെ വി​മോ​ച​ന​ത്തി​നാ​യി പോ​രാ​ടു​ന്ന ഫ​ല​സ്തീ​ൻ പ്ര​തി​രോ​ധ പ്ര​സ്ഥാ​ന​മാ​യ ഹ​മാ​സി​ന്റെ ധീ​ര​നും ത​ന്ത്ര​ജ്ഞ​നും വി​വേ​ക​ശാ​ലി​യു​മാ​യ നേ​താ​വ് എ​ത്ര​യോ നേ​ര​ത്തേ ഇ​സ്രാ​യേ​ലി​ന്റെ ഹി​റ്റ്ലി​സ്റ്റി​ൽ ഉ​ൾ​പ്പെ​ട്ടി​രു​ന്ന​താ​ണ്. ഫ​ല​സ്തീ​ൻ വി​മോ​ച​ന പ്ര​സ്ഥാ​ന​ത്തി​ന്റെ ധീ​ര​നാ​യ​ക​ൻ ശൈ​ഖ് അ​ഹ്മ​ദ് യാ​സീ​ൻ (2004), അ​ദ്ദേ​ഹ​ത്തി​ന്റെ പി​ൻ​ഗാ​മി അ​ബ്ദു​ൽ അ​സീ​സ് റ​ൻ​തീ​സി (2004), ഹ​മാ​സ് നേ​താ​വ് മ​ഹ്മൂ​ദ് മ​ബ്ഹൂ​ഹ് (2010), ഹ​മാ​സ് സാ​യു​ധ​സേ​നാ മേ​ധാ​വി അ​ഹ്മ​ദ് ജ​ബ​രി (2012) തു​ട​ങ്ങി ഒ​ട്ടേ​റെ നേ​താ​ക്ക​ളെ ച​തി​യി​ൽ കൊ​ന്ന സ​യ​ണി​സ്റ്റ് രാ​ജ്യം, ത​ന്നെ വെ​റു​തെ​വി​ടു​മെ​ന്ന ക​ണ​ക്കു​കൂ​ട്ട​ൽ ഒ​രി​ക്ക​ലും ഹ​നി​യ്യ​ക്കു​ണ്ടാ​യി​രു​ന്നി​ല്ല, ഇ​ക്കാ​ര്യം മു​മ്പ് പ​ല​ത​വ​ണ അ​ദ്ദേ​ഹം​ത​ന്നെ വെ​ളി​പ്പെ​ടു​ത്തി​യി​രു​ന്ന​താ​ണ്. ഗ​സ്സ​യി​ൽ​നി​ന്ന് പു​റ​ത്താ​ക്ക​പ്പെ​ട്ട ഹ​നി​യ്യ ദീ​ർ​ഘ​കാ​ല​മാ​യി ഖ​ത്ത​ർ ത​ല​സ്ഥാ​ന​മാ​യ ദോ​ഹ​യി​ലാ​ണ് ക​ഴി​ഞ്ഞു​വ​ന്ന​ത്. അ​താ​വ​ട്ടെ, ഇ​സ്രാ​യേ​ലി​ന്റെ ര​ക്ഷി​താ​വാ​യ അ​മേ​രി​ക്ക അ​റി​ഞ്ഞു​കൊ​ണ്ടാ​യി​രു​ന്നു​താ​നും. 2023 ഒ​ക്ടോ​ബ​ർ ഏ​ഴി​ലെ ഹ​മാ​സ് ആ​ക്ര​മ​ണ​ത്തെ തു​ട​ർ​ന്ന് അ​തി​ശ​ക്ത​മാ​യ സൈ​നി​ക ന​ട​പ​ടി​യി​ലൂ​ടെ ഹ​മാ​സി​ന്റെ ഉ​ന്മൂ​ല​ന​ത്തി​നും ഗ​സ്സ​യു​ടെ മ​നു​ഷ്യ​മു​ക്തി​ക്കും​വേ​ണ്ടി ബെ​ഞ്ച​മി​ൻ നെ​ത​ന്യാ​ഹു സ​ർ​ക്കാ​ർ ഒ​രു​മ്പെ​ട്ടി​റ​ങ്ങി​യ​പ്പോ​ൾ സൈ​നി​ക​മാ​യും സാ​മ്പ​ത്തി​ക​മാ​യും രാ​ഷ്ട്രീ​യ​മാ​യും ഇ​സ്രാ​യേ​ലി​നെ പി​ന്തു​ണ​ച്ച അ​മേ​രി​ക്ക, സ​യ​ണി​സ്റ്റ് ഹി​റ്റ്ലി​സ്റ്റി​നെ​ക്കു​റി​ച്ച് അ​റി​യാ​തെ​യ​ല്ല യു​ദ്ധ​വി​രാ​മ ച​ർ​ച്ച​ക​ളി​ൽ പ​​ങ്കെ​ടു​ത്തു​കൊ​ണ്ടി​രു​ന്ന​ത്. ഒ​രു​വ​ശ​ത്ത് ഇ​സ്രാ​യേ​ലി​ന്റെ ര​ക്ഷാ​ക​ർ​തൃ​ത്വം നി​ല​നി​ർ​ത്തി​ക്കൊ​ണ്ടു​ത​ന്നെ മ​റു​വ​ശ​ത്ത് സാ​മ്പ​ത്തി​ക താ​ൽ​പ​ര്യ​ങ്ങ​ൾ​ക്കു​വേ​ണ്ടി അ​റ​ബ് എ​ണ്ണ​രാ​ജ്യ​ങ്ങ​ളെ അ​ലോ​സ​ര​പ്പെ​ടു​ത്താ​തി​രി​ക്കു​ക എ​ന്ന ന​യ​ത്തി​ന്റെ ഭാ​ഗ​മാ​ണ് ഖ​ത്ത​ർ മു​ൻ​കൈ​യെ​ടു​ത്ത യു​ദ്ധ​വി​രാ​മ ച​ർ​ച്ച​ക​ളി​ൽ അ​മേ​രി​ക്ക ഭാ​ഗ​ഭാ​ക്കാ​വു​ന്ന​ത്. യു​ദ്ധ​വി​രാ​മ​ത്തി​നാ​യു​ള്ള യു.​എ​ൻ ര​ക്ഷാ​സ​മി​തി പ്ര​മേ​യ​ങ്ങ​ളെ മു​ഴു​വ​ൻ വീ​റ്റോ ചെ​യ്യ​വേ​ത​ന്നെ സോ​പാ​ധി​ക യു​ദ്ധ​വി​രാ​മ​ത്തി​നാ​യു​ള്ള യു.​എ​സ് ജ​ന​റ​ൽ അ​സം​ബ്ലി പ്ര​മേ​യ​ത്തി​ന്റെ വോ​ട്ടെ​ടു​പ്പി​ൽ​നി​ന്ന് വി​ട്ടു​നി​ന്ന​തും തി​ക​ഞ്ഞ ഇ​ര​ട്ട​ത്താ​പ്പാ​യി​രു​ന്നു. ഇ​പ്പോ​ഴാ​ക​ട്ടെ, യു.​എ​സ് പ്ര​സി​ഡ​ന്റ് തെ​ര​ഞ്ഞെ​ടു​പ്പ് പ്ര​ചാ​ര​ണം മൂ​ർ​ധ​ന്യാ​വ​സ്ഥ​യി​ലാ​ണ്. പ്ര​സി​ഡ​ന്റ് ജോ ​ബൈ​ഡ​നും പ്ര​സി​ഡ​ന്റ് സ്ഥാ​നാ​ർ​ഥി ഡോ​ണ​ൾ​ഡ് ട്രം​പും ത​മ്മി​ലെ വാ​ക്ശ​ര​ങ്ങ​ൾ​പോ​ലും ആ​രാ​ണ് ഏ​റ്റ​വും ആ​ത്മാ​ർ​ഥ​മാ​യും ഫ​ല​പ്ര​ദ​മാ​യും നെ​ത​ന്യാ​ഹു​വി​ന്റെ ഇ​സ്രാ​യേ​ലി​നെ പി​ന്തു​ണ​ക്കു​ന്ന​ത് എ​ന്ന കാ​ര്യ​ത്തി​ലാ​ണു​താ​നും. വാ​ർ​ധ​ക്യ​സ​ഹ​ജ​മാ​യ അ​സു​ഖ​ങ്ങ​ൾ മൂ​ർ​ച്ഛി​ച്ച് നേ​രെ​ചൊ​വ്വേ സം​സാ​രി​ക്കാ​ൻ​പോ​ലും അ​ശ​ക്ത​നാ​യ ബൈ​ഡ​നെ സ്വ​ന്തം പാ​ർ​ട്ടി​ത​ന്നെ കൈ​യൊ​ഴി​ഞ്ഞ​പ്പോ​ൾ അ​ദ്ദേ​ഹ​ത്തി​ന് മ​ത്സ​ര​രം​ഗ​ത്തു​നി​ന്ന് പി​ന്മാ​റേ​ണ്ടി​വ​ന്നു​വെ​ങ്കി​ലും അ​ദ്ദേ​ഹ​ത്തി​ന്റെ നോ​മി​നി​യാ​യ വൈ​സ് പ്ര​സി​ഡ​ന്റ് ക​മ​ല ഹാ​രി​സാ​ണ് പു​തി​യ ഡെ​മോ​ക്രാ​റ്റി​ക് പാ​ർ​ട്ടി സ്ഥാ​നാ​ർ​ഥി. ഗ​സ്സ​യി​ൽ യു​ദ്ധം നി​ർ​ത്തി സ​മാ​ധാ​നം സ്ഥാ​പി​ക്ക​ണ​മെ​ന്നൊ​ക്കെ ക​മ​ല പു​റ​മേ​ക്ക് പ​റ​യു​ന്നു​ണ്ടെ​ങ്കി​ലും യു.​എ​സ് കോ​ൺ​ഗ്ര​സി​നെ അ​ഭി​മു​ഖീ​ക​രി​ക്കെ, ഇ​സ്രാ​യേ​ൽ പ്ര​ധാ​ന​മ​ന്ത്രി നെ​ത​ന്യാ​ഹു ഹ​മാ​സി​നെ നി​ശ്ശേ​ഷം ന​ശി​പ്പി​ക്കു​മെ​ന്ന ത​ന്റെ ദൃ​ഢ​പ്ര​തി​ജ്ഞ ആ​വ​ർ​ത്തി​ച്ച​പ്പോ​ൾ ഡെ​മോ​ക്രാ​റ്റു​ക​ൾ റി​പ്പ​ബ്ലി​ക്ക​രോ​ടൊ​പ്പം കൈ​യ​ടി​ക്കു​ക​യാ​യി​രു​ന്നു​വെ​ന്നോ​ർ​ക്ക​ണം.

ഈ ​പ​ശ്ചാ​ത്ത​ല​ത്തി​ൽ ഗ​സ്സ യു​ദ്ധ​വി​രാ​മ ച​ർ​ച്ച​ക​ൾ പു​ന​രാ​രം​ഭി​ക്കാ​നു​ള്ള സാ​ധ്യ​ത വി​ദൂ​ര​മാ​ണെ​ന്ന വി​ല​യി​രു​ത്ത​ലി​ലാ​ണ് നി​രീ​ക്ഷ​ക​ർ. ഇ​സ്മാ​ഈ​ൽ ഹ​നി​യ്യ​യു​ടെ ര​ക്ത​സാ​ക്ഷി​ത്വം ഹ​മാ​സി​നെ സം​ബ​ന്ധി​ച്ചി​ട​ത്തോ​ളം അ​പ്ര​തീ​ക്ഷി​ത​മ​ല്ലെ​ന്നി​രി​ക്കെ കൂ​ട്ട​നേ​തൃ​ത്വ​മാ​ണ് ഹ​മാ​സി​നെ ഫ​ല​ത്തി​ൽ ന​യി​ച്ചു​വ​ന്ന​ത് എ​ന്ന​തു​കൊ​ണ്ട് ഹ​നി​യ്യ​ക്ക് പി​ൻ​ഗാ​മി​ക​ളു​ണ്ട്; ഉ​ണ്ടാ​വും. 40,000 നി​ര​പ​രാ​ധി​ക​ളെ ഇ​തി​ന​കം ബ​ലി​കൊ​ടു​ക്കേ​ണ്ടി​വ​ന്ന ദുഃ​ഖ​സ​ത്യം അം​ഗീ​ക​രി​ച്ചു​കൊ​ണ്ടു​ത​ന്നെ ഗ​സ്സ നെ​ത​ന്യാ​ഹു​വി​ന് തീ​റെ​ഴു​തി​ക്കൊ​ടു​ക്കാ​തെ​യു​ള്ള ഒ​ത്തു​തീ​ർ​പ്പ് നി​ർ​ദേ​ശ​ങ്ങ​ളോ​ട് ഹ​മാ​സ് അ​നു​കൂ​ല​മാ​യി പ്ര​തി​ക​രി​ച്ചു എ​ന്നു​വ​രും. നി​ര​പ​രാ​ധ​രു​ടെ കൂ​ട്ട ന​ര​ഹ​ത്യ എ​പ്പോ​ൾ നി​ർ​ത്തു​ന്നു​വോ ആ ​നി​മി​ഷം ത​ന്റെ പ്ര​ധാ​ന​മ​ന്ത്രി​പ​ദ​വി ന​ഷ്ട​പ്പെ​ടു​മെ​ന്ന് മാ​ത്ര​മ​ല്ല, താ​ൻ ക​ഠി​ന വി​ചാ​ര​ണ​ക്ക് വി​ധേ​യ​നാ​വേ​ണ്ടി​യും വ​രും എ​ന്നു ഭ​യ​ക്കു​ന്ന നെ​ത​ന്യാ​ഹു സ്വ​മേ​ധ​യാ ഭീ​ക​ര​താ​ണ്ഡ​വം അ​വ​സാ​നി​പ്പി​ക്കാ​ൻ സാ​ധ്യ​ത​യി​ല്ല. ബ്രി​ട്ട​നും അ​മേ​രി​ക്ക​യും ആ​സ്ട്രേ​ലി​യ​യു​മ​ട​ക്ക​മു​ള്ള രാ​ജ്യ​ങ്ങ​ൾ മ​നു​ഷ്യ​ക്കു​രു​തി നി​ർ​ത്താ​ൻ ഇ​സ്രാ​യേ​ലി​നോ​ടാ​വ​ശ്യ​പ്പെ​ടു​ന്നു, യൂ​റോ​പ്യ​ൻ യൂ​നി​യ​ൻ ഇ​സ്രാ​യേ​ലി​നെ​തി​രെ ശ​ബ്ദി​ക്കു​ന്നു, ലോ​ക​ജ​ന​ത പൊ​തു​വേ​ത​ന്നെ ന​ഷ്ടം മാ​ത്രം വി​ത​ക്കു​ന്ന ഗ​സ്സ ആ​ക്ര​മ​ണ​ത്തി​നെ​തി​രെ പ്ര​തി​ഷേ​ധി​ക്കു​ന്നു. എ​ന്നി​ട്ടും നെ​ത​ന്യാ​ഹു​വും അ​യാ​ളേ​ക്കാ​ൾ തീ​വ്ര​രാ​യ കൂ​ട്ടാ​ളി​ക​ളും ര​ക്ത​ച്ചൊ​രി​ച്ചി​ൽ നി​ർ​ത്തി​വെ​ക്കാ​ൻ ത​യാ​റ​ല്ലെ​ങ്കി​ൽ അ​തി​ന് ഒ​രേ​യൊ​രു കാ​ര​ണം അ​മേ​രി​ക്ക​യു​ടെ പി​ന്തു​ണ​യാ​ണ്. പ​ക്ഷേ, പു​തി​യ പ്ര​ധാ​ന​മ​ന്ത്രി​യു​ടെ സ​ത്യ​പ്ര​തി​ജ്ഞാ ച​ട​ങ്ങി​ന് സാ​ക്ഷി​യാ​വാ​ൻ ത​ങ്ങ​ൾ ക്ഷ​ണി​ച്ചു​വ​രു​ത്തി​യ ഹ​മാ​സ് ന​യ​ത​ന്ത്ര​ജ്ഞ​നെ ച​തി​യി​ൽ കൊ​ന്ന സ​യ​ണി​സ്റ്റു​ക​ളോ​ട് ഇ​റാ​ൻ പ്ര​തി​കാ​രം ചെ​യ്യാ​തി​രി​ക്കു​മോ എ​ന്ന ചോ​ദ്യം പ്ര​സ​ക്ത​മാ​യി ഉ​യ​രു​ന്നു​ണ്ട്. ല​ബ​നാ​നി​ലെ ഹി​സ്ബു​ല്ല​യും യ​മ​നി​ലെ ഹൂ​തി​ക​ളും നേ​ര​ത്തേ​ത​ന്നെ ഇ​റാ​നോ​ടൊ​പ്പ​മാ​ണു​താ​നും. സൈ​നി​ക ശ​ക്തി​യി​ൽ ഇ​സ്രാ​യേ​ലി​ന്റെ അ​ടു​ത്തൊ​ന്നു​മെ​ത്തി​ല്ലെ​ങ്കി​ലും ഇ​സ്രാ​യേ​ലി​ക​ൾ​ക്ക് സ​മാ​ധാ​ന​പൂ​ർ​വം അ​ന്തി​യു​റ​ങ്ങാ​നാ​വാ​ത്ത അ​ന്ത​രീ​ക്ഷം കൂ​ടു​ത​ൽ ക​ലു​ഷ​മാ​ക്കാ​ൻ ഈ ​കൂ​ട്ടു​കെ​ട്ടി​ന് ക​ഴി​യും. അ​താ​വ​ട്ടെ, നെ​ത​ന്യാ​ഹു​വി​നെ സ്ഥാ​ന​ഭ്ര​ഷ്ട​നാ​ക്കാ​നു​ള്ള സ്വ​ന്തം ജ​ന​ത​യു​ടെ പ്ര​ക്ഷോ​ഭ​ത്തെ പൂ​ർ​വാ​ധി​കം രൂ​ക്ഷ​ത​ര​മാ​ക്കു​മെ​ന്ന​തും നി​ഷേ​ധി​ക്കാ​നാ​വി​ല്ല. അ​ന്തി​മ​മാ​യി ഇ​സ്മാ​ഈ​ൽ ഹ​നി​യ്യ​യു​ടെ ര​ക്ത​സാ​ക്ഷി​ത്വം വൃ​ഥാ​വി​ലാ​വി​ല്ലെ​ന്ന് ഹ​മാ​സ് തെ​ളി​യി​ക്കു​മെ​ന്ന് ക​രു​താ​നാ​ണ് ന്യാ​യം.