സു​പ്രീം​കോ​ട​തി​യു​ടെ ഇ​ത്തി​രി വെ​ട്ടം

ഗു​ജ​റാ​ത്ത്​ മു​സ്‍ലിം വം​ശ​ഹ​ത്യ​യി​ലെ കു​റ്റ​കൃ​ത്യ​ങ്ങ​ളി​ൽ പ്ര​മാ​ദ​മാ​യ ബി​ൽ​ക്കീ​സ് ബാ​നു കേ​സി​ൽ ത​ട​വു​ശി​ക്ഷ​ക്ക് വി​ധി​ക്ക​പ്പെ​ട്ട 11 കു​റ്റ​വാ​ളി​ക​ൾ​ക്ക് ശി​ക്ഷ​യി​ള​വ് ന​ൽ​കി​യ ഗു​ജ​റാ​ത്ത് സ​ർ​ക്കാ​റി​ന്‍റെ തീ​രു​മാ​നം റ​ദ്ദാ​ക്കി​യ സു​പ്രീം​കോ​ട​തി തീ​രു​മാ​നം നീ​തി​ന്യാ​യ വ്യ​വ​സ്ഥ നി​ല​നി​ന്നു​കാ​ണ​ണ​മെ​ന്ന് ആ​ഗ്ര​ഹി​ക്കു​ന്ന​വ​രെ ആ​ഹ്ലാ​ദി​പ്പി​ക്കു​ന്ന​താ​ണ്. നീ​തി​യു​ടെ സ​ക​ല മാ​ന​ദ​ണ്ഡ​ങ്ങ​ളും ന്യാ​യ​ത്തി​ന്റെ എ​ല്ലാ താ​ൽ​പ​ര്യ​ങ്ങ​ളും തു​ല്യ​ത​യു​ടെ സ​ർ​വ ത​ത്ത്വ​ങ്ങ​ളും കാ​റ്റി​ൽ​പ​റ​ത്തി വി​രാ​ജി​ക്കു​ന്ന​വ​രു​ടെ നെ​റി​കേ​ടു​ക​ൾ​ക്കി​ട​യി​ൽ നീ​തി​യു​ടെ ഇ​ത്തി​രി വെ​ട്ടം ബാ​ക്കി​യു​ണ്ടെ​ന്ന ആ​ശ്വാ​സ​മാ​ണ്​ ജ​സ്റ്റി​സ് ബി.​വി. നാ​ഗ​ര​ത്ന​യും ഉ​ജ്ജ്വ​ൽ ഭു​യാ​നു​മ​ട​ങ്ങി​യ ബെ​ഞ്ച് വി​ധി​യി​ലൂ​ടെ പ​ക​ർ​ന്നു​ന​ൽ​കി​യ​ത്. ന​രേ​ന്ദ്ര മോ​ദി ഗു​ജ​റാ​ത്ത് മു​ഖ്യ​മ​ന്ത്രി​യാ​യി​രി​ക്കെ 2002ൽ ​ന​ട​ന്ന വം​ശീ​യാ​തി​ക്ര​മ​ങ്ങ​ളി​ൽ ആ​ക്ര​മി​ക​ൾ ബ​ലാ​ൽ​സം​ഗ​ത്തി​നി​ര​യാ​ക്കി മൃ​ത്യു​വി​ന്​ എ​റി​ഞ്ഞു​കൊ​ടു​ത്ത​വ​രി​ൽ​നി​ന്ന്​ അ​തി​ജീ​വ​ന​ത്തി​ലേ​ക്ക്​ എ​ഴു​ന്നേ​റ്റു​വ​ന്ന ബി​ൽ​ക്കീ​സ് ബാ​നു എ​ന്ന ഇ​ന്ത്യ​ൻ സ്ത്രീ​ത്വ​ത്തി​ന്റെ ധീ​ര​മു​ഖ​മാ​യ പ​ട​യാ​ളി​യാ​ണ് ഈ ​നി​യ​മ​യു​ദ്ധ​ത്തി​ൽ നീ​തി​ക്കാ​യി പൊ​രു​തി​യ​ത്. അ​വ​ർ​ക്കു താ​ങ്ങാ​യി അ​ഭി​ഭാ​ഷ​ക​രും മ​നു​ഷ്യാ​വ​കാ​ശ-​രാ​ഷ്ട്രീ​യ​പ്ര​വ​ർ​ത്ത​ക​രു​മെ​ല്ലാം അ​ണി​ചേ​ർ​ന്ന​പ്പോ​ൾ ഇ​ന്ത്യ​ൻ നീ​തി​ന്യാ​യ​ച​രി​ത്ര​ത്തി​ലെ സ​മാ​ന​ത​ക​ളി​ല്ലാ​ത്ത ഒ​ന്നാ​യി ആ ​കേ​സ് മാ​റി. കു​റ്റ​ക്കാ​രെ വി​ട്ട​യ​ക്കാ​ൻ ഗു​ജ​റാ​ത്ത് സ​ർ​ക്കാ​റി​നോ ഗു​ജ​റാ​ത്ത് കോ​ട​തി​ക്കോ അ​ധി​കാ​ര​മി​ല്ലെ​ന്നും കേ​സ് വി​ചാ​ര​ണ ചെ​യ്തു വി​ധി​പ​റ​ഞ്ഞ മ​ഹാ​രാ​ഷ്ട്ര​ക്കാ​ണ് അ​തി​നു​ള്ള അ​ധി​കാ​ര​മെ​ന്നും കോ​ട​തി വി​ധി​യി​ൽ വ്യ​ക്ത​മാ​ക്കി​യി​രി​ക്കു​ന്നു. മാ​ത്ര​മ​ല്ല, കോ​ട​തി​യെ തെ​റ്റി​ദ്ധ​രി​പ്പി​ക്കാ​ൻ തെ​റ്റാ​യ വി​വ​ര​ങ്ങ​ൾ ഹാ​ജ​രാ​ക്കി​യാ​ണ് കു​റ്റ​ക്കാ​ർ​ക്ക് ശി​ക്ഷ​യി​ള​വ് ന​ൽ​കി വി​ട്ട​യ​ച്ച​തെ​ന്നും വി​ധി​യി​ൽ എ​ടു​ത്തു​പ​റ​ഞ്ഞി​രി​ക്കു​ന്നു.

വം​ശ​ഹ​ത്യ നാ​ളു​ക​ളി​ൽ 21 വ​യ​സ്സു​മാ​ത്രം പ്രാ​യ​മു​ണ്ടാ​യി​രു​ന്ന, അ​ഞ്ചു മാ​സം ഗ​ർ​ഭി​ണി​യാ​യി​രു​ന്ന ബി​ൽ​ക്കീ​സ് ബാ​നു​വി​ന്റെ ക​ണ്മു​ന്നി​ൽ വെ​ച്ചാ​ണ് വ​ർ​ഗീ​യ കാ​പാ​ലി​ക​ർ മൂ​ന്നു വ​യ​സ്സാ​യ മ​ക​ളെ ത​ല ക​ല്ലി​ലി​ട്ട​ടി​ച്ച് അ​റു​കൊ​ല ചെ​യ്ത​ത്. കു​ടും​ബാം​ഗ​ങ്ങ​ളാ​യ ഏ​ഴു പേ​രു​ൾ​പ്പെ​ടെ 14 പേ​രാ​ണ് അ​വി​ടെ കൊ​ന്നു​ത​ള്ള​പ്പെ​ട്ട​ത്. ഇ​ര​ക​ളു​ടെ അ​പേ​ക്ഷ മാ​നി​ച്ച് സം​ഭ​വം ന​ട​ന്ന ഗു​ജ​റാ​ത്തി​ലെ കോ​ട​തി​യി​ൽ​നി​ന്ന് കേ​സ് മ​ഹാ​രാ​ഷ്ട്ര​യി​ലേ​ക്കു മാ​റി. 2008ൽ ​വി​ചാ​ര​ണ കോ​ട​തി 11 പ്ര​തി​ക​ൾ​ക്ക് ജീ​വ​പ​ര്യ​ന്തം ത​ട​വ് വി​ധി​ച്ചു. വി​ധി ബോം​ബെ ഹൈ​കോ​ട​തി 2017ൽ ​ശ​രി​വെ​ച്ചു. ര​ണ്ടു വ​ർ​ഷ​ത്തി​നു ശേ​ഷം ബി​ൽ​ക്കീ​സ് ബാ​നു​വി​ന് ന​ഷ്ട​പ​രി​ഹാ​ര​മാ​യി 50 ല​ക്ഷം രൂ​പ​യും വീ​ടും സ​ർ​ക്കാ​ർ ജോ​ലി​യും ന​ൽ​കാ​നും പ​ര​മോ​ന്ന​ത കോ​ട​തി ഗു​ജ​റാ​ത്ത് സ​ർ​ക്കാ​റി​നോ​ട് ഉ​ത്ത​ര​വി​ട്ടു. 15 വ​ർ​ഷ​ത്തി​നു​ശേ​ഷം കു​റ്റ​വാ​ളി​ക​ളി​ൽ ഒ​രാ​ൾ ഗു​ജ​റാ​ത്ത് ഹൈ​കോ​ട​തി​യെ സ​മീ​പി​ച്ച് ശി​ക്ഷ​യി​ള​വ്‌ ആ​വ​ശ്യ​പ്പെ​ട്ടെ​ങ്കി​ലും കോ​ട​തി​യു​ടെ അ​ധി​കാ​ര​പ​രി​ധി​ക്കു പു​റ​ത്താ​ണെ​ന്നു​പ​റ​ഞ്ഞു അ​ത് ത​ള്ളി. തു​ട​ർ​ന്ന് സു​പ്രീം​കോ​ട​തി​യെ സ​മീ​പി​ച്ച് കേ​സ് പ​രി​ശോ​ധി​ക്കേ​ണ്ട​ത് ഗു​ജ​റാ​ത്ത് ഹൈ​കോ​ട​തി ത​ന്നെ​യാ​ണെ​ന്ന് അ​ന്ന​ത്തെ വ്യ​വ​സ്ഥ​ക​ള​നു​സ​രി​ച്ച് വ​സ്തു​ത​ക​ൾ തെ​റ്റി​ദ്ധ​രി​പ്പി​ച്ച് സു​പ്രീം​കോ​ട​തി​യു​ടെ വി​ധി സ​മ്പാ​ദി​ച്ചു. സു​പ്രീം​കോ​ട​തി ന​ൽ​കി​യ വി​ധി​യ​നു​സ​രി​ച്ച് ഗു​ജ​റാ​ത്ത് ഹൈ​കോ​ട​തി അ​ത് കൈ​കാ​ര്യം​ചെ​യ്യാ​ൻ ബാ​ധ്യ​സ്ഥ​മാ​യി​രു​ന്നെ​ങ്കി​ലും ആ ​വി​ധി പ്ര​തി​ക​ൾ തെ​റ്റി​ദ്ധ​രി​പ്പി​ച്ച് ന​ൽ​കി​യ വ​സ്തു​ത​ക​ളു​ടെ അ​ടി​സ്ഥാ​ന​ത്തി​ലാ​യ​തി​നാ​ൽ അ​സാ​ധു​വാ​ണെ​ന്നും കൂ​ടി സു​പ്രീം​കോ​ട​തി വി​ധി​യി​ൽ പ​റ​യു​ന്നു​ണ്ട്.

കേ​സി​ന്റെ നാ​ലു പ്ര​ധാ​ന ശീ​ർ​ഷ​ക​ങ്ങ​ൾ സു​പ്രീം​കോ​ട​തി എ​ടു​ത്തു​പ​റ​യു​ന്നു​ണ്ട്. ഒ​ന്ന്, ഭ​ര​ണ​ഘ​ട​ന​യു​ടെ ഖ​ണ്ഡി​ക 32 അ​നു​സ​രി​ച്ച് ഈ ​കേ​സ് കോ​ട​തി​ക്ക് പ​രി​ഗ​ണി​ക്കാ​വു​ന്ന​താ​ണ്. ര​ണ്ട്, കേ​സി​ൽ പൊ​തു താ​ൽ​പ​ര്യ ഹ​ര​ജി​ക്കാ​ർ​ക്ക് അ​വ​കാ​ശ​മി​ല്ല എ​ന്ന വാ​ദം, ഇ​ര​ത​ന്നെ ഹ​ര​ജി ന​ൽ​കി​യ​തി​നാ​ൽ, കോ​ട​തി ത​ള്ളി. മൂ​ന്നാ​മ​താ​യി, ഗു​ജ​റാ​ത്ത് സ​ർ​ക്കാ​റി​ന് ശി​ക്ഷ​യി​ള​വ് അ​പേ​ക്ഷ പ​രി​ഗ​ണി​ക്കാ​ൻ അ​ധി​കാ​ര​മി​ല്ല എ​ന്നും ക​ണ്ടെ​ത്തി. ശി​ക്ഷ​യി​ള​വ് ന​ൽ​കി​യ​ത് നി​യ​മാ​നു​സൃ​ത​മാ​ണോ എ​ന്ന​താ​യി​രു​ന്നു നാ​ലാ​മ​ത്തെ വി​ഷ​യം. വാ​സ്ത​വ​ത്തി​ൽ ഈ ​വി​ഷ​യം മാ​ത്രം മ​തി​യാ​യി​രു​ന്നു ശി​ക്ഷ​യി​ള​വ് റ​ദ്ദാ​ക്കാ​ൻ എ​ന്നാ​ണ് കോ​ട​തി അ​ഭി​പ്രാ​യ​പ്പെ​ട്ട​ത്. എ​ങ്കി​ലും പൂ​ർ​ണ​ത​ക്കു​വേ​ണ്ടി മ​റ്റു ഘ​ട​ക​ങ്ങ​ൾ കൂ​ടി പ​രി​ഗ​ണി​ക്കു​ക​യാ​ണെ​ന്നും കോ​ട​തി വി​ശ​ദീ​ക​രി​ച്ചു. ശി​ക്ഷ മ​നഃ​സം​സ്ക​ര​ണ​ത്തി​നു​കൂ​ടി ഉ​ത​കേ​ണ്ട​താ​ണെ​ന്നും ശി​ക്ഷി​ത​ർ​ക്ക് പ​ശ്ചാ​ത്താ​പം ഉ​ണ്ടാ​കു​ന്ന​പ​ക്ഷം ഏ​തു ക്രി​മി​ന​ൽ പു​ള്ളി​യും സം​സ്കൃ​ത​നാ​കാ​മെ​ന്നും അ​തി​ന​വ​സ​രം ന​ൽ​ക​ണ​മെ​ന്നും പ്ര​തി​ഭാ​ഗം അ​ഭി​ഭാ​ഷ​ക​ർ വാ​ദി​ച്ചു. പ​ശ്ചാ​ത്താ​പ​ത്തി​ന്റെ ഒ​രു ല​ക്ഷ​ണ​വും കു​റ്റ​വാ​ളി​ക​ളു​ടെ പെ​രു​മാ​റ്റ​ത്തി​ലോ ന​ട​പ​ടി​ക​ളി​ലോ ദൃ​ശ്യ​മാ​യി​രു​ന്നി​ല്ല; ശി​ക്ഷ​യി​ൽ ഇ​ര​ക​ൾ​ക്ക് ന​ൽ​ക​ണ​മെ​ന്നു പ​റ​ഞ്ഞ് വി​ധി​ച്ച പി​ഴ​ത്തു​ക​പോ​ലും അ​വ​ർ അ​ട​ച്ചി​രു​ന്നി​ല്ല.

സ്വാ​ത​ന്ത്ര്യ​ത്തി​ന്റെ 75ാം വാ​ർ​ഷി​കം ആ​ഘോ​ഷി​ക്ക​വെ​യാ​ണ് കു​റ്റ​വാ​ളി​ക​ൾ​ക്ക് വി​ടു​ത​ൽ ന​ൽ​കി​യ ഗു​ജ​റാ​ത്ത് ഹൈ​കോ​ട​തി വി​ധി വ​ന്ന​തെ​ന്ന വൈ​പ​രീ​ത്യ​മു​ണ്ട്. അ​തി​നേ​ക്കാ​ൾ അ​പ​ഹാ​സ്യ​മാ​യി​രു​ന്നു ഗു​ജ​റാ​ത്തി​ലെ ബി.​ജെ.​പി സ​ർ​ക്കാ​ർ പൂ​ർ​ണ​മ​ന​സ്സോ​ടെ കു​റ്റ​വാ​ളി​ക​ൾ​ക്ക്​ അ​നു​കൂ​ല​മാ​യ നി​ല​പാ​ടെ​ടു​ത്ത്​ രാ​ജ്യ​ത്തെ ഞെ​ട്ടി​ച്ച​ത്. ഇ​ര​ക​ളോ​ട്​ ദാ​ക്ഷി​ണ്യ​മി​ല്ല എ​ന്ന കോ​ട​തി​യു​ടെ നി​രീ​ക്ഷ​ണ​ത്തെ അ​ക്ഷ​രം​പ്ര​തി ​ശ​രി​വെ​ക്കു​ന്ന​താ​യി​രു​ന്നു കു​റ്റ​വാ​ളി​ക​ൾ പു​റ​ത്തു​വ​ന്ന​പ്പോ​ൾ അ​വ​രെ മാ​ല​യി​ട്ട് സ്വീ​ക​രി​ച്ച സം​ഘ്​​പ​രി​വാ​ർ നേ​താ​ക്ക​ളു​ടെ വി​ചി​ത്ര ന​ട​പ​ടി. ഇ​ന്ത്യ​ൻ ജു​ഡീ​ഷ്യ​റി ഇ​ര​ക​ൾ​ക്കൊ​പ്പ​വും നീ​തി​ക്കു​വേ​ണ്ടി​യും നി​ല​കൊ​ള്ളു​മെ​ന്ന സ​മാ​ശ്വാ​സ​ത്തി​ന്‍റെ ഉ​ദാ​ഹ​ര​ണം ന​ൽ​കി​യി​രി​ക്കു​ന്നു സു​പ്രീം​കോ​ട​തി ഈ ​വി​ധി​യി​ലൂ​ടെ. അ​തി​ലേ​റെ ആ​വേ​ശ​ക​ര​മാ​ണ്​ നി​ശ്ച​യ​ദാ​ർ​ഢ്യ​ത്തി​ന്‍റെ​യും സ്ത്രീ​ശ​ക്തി​യു​ടെ​യും ഉ​ദാ​ത്ത മാ​തൃ​ക​യാ​യി ബി​ൽ​ക്കീ​സ് ബാ​നു​വി​ന്‍റെ ഉ​യി​ർ​ത്തെ​ഴു​ന്നേ​ൽ​പ്.